ເວລາເຈັບຫົວປຸບ ເຮົາກໍ່ເອົາມືທັງສອງເບື້ອງບີ້ໆຖູໆ ໄປທີ່ຫູພ້ອມໆກັບຫາຍໃຈອອກແຮງໆ ຫຼາຍໆເທື່ອວິທີນີ້ຄ້າຍຄື ກັບວິທີການ ກົດຈຸດກົດເສັ້ນ ເປັນການບຳບັດໂລກດ້ວຍຕົນເອງເບື້ອງຕົ້ນ

ລອງເອົາໄປເຮັດເບິ່ງເດີວ່າຊິໄດ້ຜົນບໍ ເອົາຈາກ kapook.com ລະຢ່າລືມສົ່ງມາບອກກັນແດ່ ເພາະ ສົ່ງຕອນເອົາລົງຍັງບໍ່ປວດ ເລີຍບໍ່ທັນ ໄດ້ລອງ ພໍດີເຫັນກ່ອນ

    ອາການຂົນລຸກເກີດຂຶ້ນຈາກການຍົກໂຕຂຶ້ນອຂງຜິວໜັງ ເຊິ່ງເປັນຜົນມາຈາກການຫົດຕົວຂອງກ້າມຊິ້ນນ້ອຍໆ ທີ່ຕິດກັບ ຂົນແຕ່ລະເສັ້ນ ການຫົດຕົວຂອງກ້າມເນື້ອນີ້ຈະເຮັດໃຫ້ເກີດຂຸມເທິງຜິວຫນັງເຮັດໃຫ້ພື້ນທີ່ນັ້ນມັນນູນຂຶ້ນມາ ແລະ ສາເຫດທີ່ອາການຂົນລຸກໍເນື່ອງມາຈາກອາກາດທີ່ມີອຸນຫະພູມທີ່ຕ່ຳກວ່າອຸນຫະພູມໃນຮ່າງກາຍຫລາຍ ຈຶ່ງເກີດການປັບຄວາມສົມດຸນອຂງຮ່າງກາຍໂດຍລະບາຍຄວາມຮ້ອນອອກຈາກຮ່າງກາຍຢ່າງໄວວາ ແລະສະໝອງ ຈະສົ່ງສັນຍານໄປ ທີ່ຫລອດ ເລືອດທີ່ຜິວໜັງ ເຮັດໃຫ້ເກີດການຫົດຕົວ ຈຶ່ງເຮັດໃຫ້ຜິວໜັງຂອງເຮົາຕັ້ງຂຶ້ນມາ.

ຈາກວາລະສານ ມະຫາຊົນ ສະບັບທີ 141

     ແມງໄມ້ຈຳພວກນີ້ ມັນຈະຫາກິນຕອງກາງຄືນ ມັກມີພຶດຕິກຳແປກໆ ມັກບິນເຂົ້າຫາແສງໄຟ ທີ່ເປັນແບບນີ້ ເພາະປົກກະຕິແລ້ວ ຖ້າແສງໄຟມັນສ່ອງມາຈາກທັງສອງຂ້າງຂອງມັນ ຈະຮັບແສງດ້ວຍຄວາມແຈ້ງ ຂອງແສງ ມັນກໍຈະກະພັບປີກຂອງໃຫ້ໄວ້ຂຶ້ນພໍໆກັບແສງໄຟ ແຕ່ຖ້າແສງໄຟສ່ອງມາຈາກບ່ອນໃກ້ໆເຊັ່ນ: ຈາກດອກໄຟທາງເທິງເພດານຕາຂ້າງໜຶ່ງຈະຮັບແສງໄດ້ຫລາຍກວ່າຂ້າງນຶ່ງ ແມງໄມ້ຈຶ່ງກະ ພັບປີກຂ້າງນຶ່ງໄວກ່ອນ ນີ້ຈຶ່ງເປັນອີກສາເຫດທີ່ເຮັດໃຫ້ມັນບິນອ້ອມແສງໄຟ ເພາະມັນໄປໃສບໍ່ໄດ້

     ສະຫລຸບວ່າ : ຖ້າວ່າແມງໄມ້ເຫັນດອກໄຟຢູ່ໄກໆ ປີກມັນທັງສອງຂ້າງຈະບິນໄດ້ໄວເທົ່າກັນ ມັນຈຶ່ງບິນເປັນເສັ້ນຊື່ໄດ້, ສ່ວນຖ້າເຫັນໄຟສ່ອງໃກ້ໆ ປີກມັນຈະບິນໄວຂຶ້ນຂ້າງໜຶ່ງ ສ່ວນຂ້າງນຶ່ງຈະຊ້າ ເພາະຕາຂ້າງນຶ່ງຈະບໍ່ເທົ່າກັນ ເວົ້າງ່າຍໆ ມັນຈະບິນກັບໄປກັບມາ ຄືເວລາທີ່ເຮົາເຫັນມັນຈະບິນອ້ອມດອກໄຟ.

ຈາກ ວາລະສາ ມະຫາຊົນ ສະບັບທີ 141

     ເຫດທີ່ໝາມັກຫອນຕອງກາງຄືນນັ້ນ ເັນເພາະວ່າກາງຄືເປັນເວລາທີໝາຢູ່ໂຕດຍວ ມີອິດສະຫຼະໃນການເຮັດຫຍັງຕາມໃຈໂຕເອງ ໝາກໍເລີຍຫອນເພື່ອສື່ສາກັນໃນຕອນນັ້ນ,​ສະຫລຸບແລ້ວເປັນເລື່ອງຂອງສັນຊາດຕະຍານ ແລະທຳມະຊາດຂອງໝາເດີ ແຕ່ບໍ່ແນ່ບາງ ເທື່ອໝາເອກງກໍເຫັນຜິແທ້ ແຕ່ມັນກໍເປັນເລື່ອງຂອງທຳມະຊາດທີ່ໝາມັນຈະເຫັນບໍ່ກ່ຽວກັບຄົນ.

     ເມື່ອໄດ້້ຍິນສຽງໝາຫອນເທື່ອໃດ ຄົນເຮົາມັກເວົ້າໃຫ້ຟັງວ່າ ໝາມັນຢູ່ຂອງມັນດີໆ ໝາມັນບໍ່ເຫົ່າບໍ່ຫອນດອກ ເຫດທີ່ເຮັດໃຫ້ໝາເຫົ່າຫອນໃນຕອນກາງຄ່ຳກາງຄືນກໍເພາະວ່າ ມັນເຫັນໃຜຄົນໜຶ່ງທີ່ມະນຸດເບິ່ງບໍ່ເຫັນ ຄືຜີ ນັ້ນ ເອງ ກໍ ເລີຍຂົນລຸກເພາະໄດ້ຍິນສຽງໝາຫຫອນກັນມາຫລາຍຊົ່ວອາຍຸຄົນເພາະຢ້ານຜີ.

   ຄວາມເປັນຈິງແລ້ວ ການຫອນຂອງໝາອະທິບາຍໄດ້ດ້ວຍຄວາມຮູ້ທາງວິທະຍາສາດເດີ ໝາເປັນສັດທີ່ມີຫູໄວເປັນພິເສດ ສາມາດຮັບຟັງ ສຽງທີ່ມີຄວາມຖີ່ຕ່າງໆກັນ ຄືທີ່ມະນຸດເຮັດບໍ່ໄດ້ ສຽງບາງສຽງຈຶ່ງມາລົບກວນລະບົບປະສາດຂອງໝາ ໝາຈຶ່ງມີປະຕິກິລິຍາດ້ວຍອາການຫອນ.

    ໃຜມີເຮືອນຢູ່ໃກ້ວັດ ຈະສັງເກດໄດ້ວ່າເມື່ອໄດ້ຍິນພະຕີລະຄັງ ໝາກໍຈະຫອນເ ພາະວ່າສຽງລະຄັງເຂົ້າໄປລົບກວນປະສາດຂອງໝາ ການຫອນຈິ່ງເປັນການສື່ສານໃນໝູ່ໝາເພື່ອນໃຫ້ໝາໂຕອື່ນໆ ຮູ້ວ່າເກີດຫຍັງຂຶ້ນ ມີອີກກໍລະນີໜຶ່ງທີ່ເຫັນມາຫຼາຍ ຄືໝາທີ່ຖືກເອົາມາຝາກໄວ້ໃນຮ້ານ ປົວສັດ ຕົກກາງຄືກໍຈະຫອນເພາະມັນຄິດຮອດເຈົ້າຂອງ ຈຶ່ງຮຽກຮ້ອງຄວາມສົນໃຈ.

ຈາກວາລະສານ ມະຫາຊົນ ສະບັບທີ 141

     ລາສີມັງກອນ  : ເຈົ້າບໍ່ເໝາະກັບມືຖືນ້ອຍໆ ເພາະເຮັດຫຼົ່ນຫຼາຍ ຂໍເປັນຟັງຊັ່ນທີ່ໃຊ້ງ່າຍບໍ່ຊັບຊ້ອນຈະເວີກຫຼາຍ.

     ລາສີກຸມ :  ສາວລາສີນີ້ເໝາະກັບມືຖືທີ່ໄຮເທັກຫຼາຍ ຢ່າງມີປາລ໌ມໃນຕົວ ຫຼືມີບູທູດນຳແຫ່ງດີ.

     ລາສີມິນ : ມືຖືລູກຫຼິ້ນຫຼາຍໆ ເນັ້ນທີ່ໂທລະສັບອອກໄດ້ບ່ອຍໆ ສົ່ງ sms ໄດ້ບໍ່ຈຳກັດ ແລະມີເກມໃຫ້ຫຼິ້ນຫຼາຍໆ.

     ລາສີເມກ : ສາວປຽວສຽວແບບເຈົ້າເໝາະກັບມືຖືທີ່ເບິ່ງຫຼູຫຣາແດ່ ເພາະເປັນຄົນບໍ່ມັກປ່ຽວມືຖືຫຼາຍ ຈິ່ງຕ້ອງໃຫ້ ອະລັງການເຂົ້າໄວ້ຊະນິດທີ່ ຮ້ອງວ່າຄັ້ງດຽວເອົາຢູ່.

     ລາສີພືກສົກ : ສາວລາສີນີ້ເໝາະກັບມືຖືຈໍສີ ຕິດຫຼູໜ້ອຍນຶ່ງ ຫຼິ້ນເກມໄດ້ຫຼາຍໆ ຫຼື ບໍ່ຂໍເປັນມືຖືລຸ່ນແປກໆ ໄວ້ກ່ອນ.

     ລາສີມິຖຸນ : ຄົນຂີ້ເບື່ອ ຄວນເລືອກມືຖືທີ່ປ່ຽວໜ້າກາກໄດ້ ມີອຸປະກອນເສີມ ແລະ ອາດໃຊ້ຫຼາຍກວ່າ 1 ເຄື່ອງ ເຜື່ອງ ເຊັງໆຈະໄດ້ປ່ຽນໃຊ້ໄດ້ທັນໃຈ.

     ລາສີກໍລະກົດ : ຄົນລາສີນີ້ມັກສວຍມັກງາມ ເໝາະກັບມືຖືທີ່ມີສີສັນສົດໃສ ເປັນຈໍສີ ແລະ ມີລູກຫຼິ້ນໄວ້ແກ້ເບື່ອ ນິດໆ.

     ລາສີສິງ : ມັກມືຖືໃໝ່ກິກ ເບິ່ງຫຼູຫຣາສຸດໆ ແລະ ຈະເລືອກລຸ່ນທີ່ດີທີ່ສຸດເທົ່ທີ່ຈະຫາຊື້ໄດ້.

     ລາສີກັນ : ເຈົ້າເປັນປື້ມກັບມືຖືທີ່ຕໍ່ຄອມພິວເຕີໄດ້ ມີບໍລິການອອນໄລນຳ ເຄື່ອງບໍ່ຕ້ອງໃຫຍ່ຫຼາຍຂະໜາດກະທັດ ຫັດເໝາະມື.

    ລາສີຕຸນ : ມັກມືຖືທີ່ມີຟັງຊັ່ນຖ່າຍຮູບໄດ້ ເພາະຈະເກັບຮູບໄວ້ເບິ່ງຫຼິ້ນ ຍິ່ເງປັນລຸ່ນທີ່ແຕ່ງເພັງໄດ້ແຮງດີ.

    ລາສີພິຈິກ : ມືຖືຂອງຄົນລາສີນີ້ຈະອອກແນວສະປອດແດ່ ທົນທານຟັງຊັ່ນບໍ່ຫຍຸ້ງຍາກ ແລະ ໃຊ້ງານໄດ້ງ່າຍ.

    ລາສີທະນູ : ຄົນລາສີນີ້ຈະສົນໃຈມືຖືທີ່ໄຮເທັກຫຼາຍໆ ເນັ້ນມືຖືທີ່ໃຊ້ແລ້ວຄຸ້ມຄ່າ ແຕ່ລາຄາບໍ່ແພງເກີນເຫດ.

ຈາກ teenee.com

     ສີແດງ :  ຄົນທີ່ມັກສີແດງແລງລິດນີ້ ເປັນຄົນທີ່ງ່າຍຕໍ່ການປຸກເລົ້າຫຼາຍ ແຖມຍັງມ່ວນກັບການມີເຊ໌ກ ໄດ້ແບບ ບໍ່ຮູ້ຈົບ ຖ້າເປັນໄຟກາຄົງຈະດັບຍາກຫຼາຍ.

     ສີເຫຼືອງ : ຈາກການວິໃຈແລ້ວ ພົບວ່າຜູ້ທີ່ນິຍົມສີນີ້ ສ່ວນໃຫຍ່ມີແນວໂນ້ມຈະນິຍົມໄມ້ປ່າດຽວກັນເປັນທີ່ສຸດ (ຍ້ຳວ່າ ສ່ວນໃຫຍ່ ບໍ່ແມ່ນທັ້ງໝົດເດີ) ນອກຈາກນັ້ນຄົນທີ່ມັກສີນີ້ຍັງມັກທີ່ຈະເປັນຝ່າຍຮັບອີກນຳ ແຖມຍັງບໍ່ຖະນັດກັບການປະຕິເສດຂໍ້ສະເໜີຂອງໃຜອີກຕ່າງຫາກ.

     ສີບົວ : ເປັນພວກທີ່ລັງເລໃນການທີ່ຈະມີເຊ໌ກເປັນຢ່າງຫຼາຍ ຖ້າໃຫ້ຍົ່ວຍວນນະພໍໄດ້ ແຕ່ຢ່າຫວັງວ່າຈະເອົາຈິ່ງ ຖ້າເປັນຜູ້ຍິງກໍ່ຈະບໍລິຫານສະເໜ່ໄປເລື່ອຍໆ ປ່ຽນຊາຍຄວງແຂນບໍ່ຊ້ຳໜ້າ ເພາະວ່າກັນວ່າໃນສ່ວນລຶກແລ້ວຄົນທີ່ມັກ ສີນີ້ ຈະເກັບຄວາມກຽດຜູ້ຊາຍໄວ້ໃນໃຈງຽບໆ ແຕ່ຖ້າເປັນຊາຍກໍ່ເປັນພວກຄາດສະໂນວາ ກັບສາວໆໄປເລື່ອຍໆເຊັ່ນກັນ.

     ສີມ່ວງ : ຄົນມັກສີນີ້ຈະມີເຊ໌ກໃນຮູບແບບທີ່ເໝືອນກຳລັງຊຸມເຮັດທຸລະກິດຢູ່ ຄືຄຳນິງເຖິງຜົນປະໂຫຍດຂອງຕົວເອງ ເປັນຫຼັກ ໃຜຈະບໍ່ໄດ້ໄປຮອດຝັ່ງຝັນບໍ່ເປັນຫຍັງ ແຕ່ເຮົາຕ້ອງໄປໃຫ້ເຖິງເທົ່ານັ້ນເປັນພໍ.

     ສີດຳ : ຄ່ອນຂ້າງມັກເຊ໌ກແບບດ້ານມືດໄປໜ່ອຍ ເປັນໄປໄດ້ວ່າມັກຄວາມຮຸນແຮງ ຫຼື ທີ່ຮ້ອງວ່າຊາດິດ ນອກຈາກຂໍ້ມູນລ່າ ສຸດກໍ່ເປີດເຜີຍອອກມາອີກດ້ວຍວ່າ ພວກທີ່ເປັນ ອາດຊະຍາກອນກາມັກສີນີ້ຈັບໃຈຄືກັນ.

     ສີຂຽວ : ອິນໂນເຊັນທີ່ສຸດໃນເລື່ອງເຊ໌ກ ຜູ້ຍິງບາງຄົນອາດຄົງຄວາມບໍ່ຮູ້ເລື່ອງຮູ້ລາວ ແບບນີ້ໄປຈົບຕະຫຼອດຊີວິດ ສ່ວນຜູ້ຊາຍທີ່ມັກທີ່ສີນີ້ເປັນຄົນທີ່ງຸ່ມງ່າມ ເງີະງະຢູ່ເປັນອາຈິນ ແຕ່ຄະນະດຽວກັນບຸກຄະລິກທ່າທາງກໍ່ກັບ ເບິ່ງສຸຂະພາບຈົນນ່າຫຼົງໄຫຼ (ບໍ່ເໝາະຈະມີເຊ໌ກແຕ່ເໝາະ ຈະຈ້າງມາເປັນຄູສອນບຸກຄະລິກພາບ) ເອົາເປັນວ່າຖ້າໃຫ້ເຂົາມາ ເປັນໝູ່ແລ້ວຈ່າວຈະເວີກກ່ອນ.

     ສີສົ້ມ : ເປັນພວກທີ່ມັກໃຫ້ການມີເຊ໌ກເໝືອນກັບທີ່ຕົວເອງຈິນຕະນາການໄວ້ ດັງນັ້ນເລື່ອງເລົ້າໂລມນີ້ກໍ່ຈະຖະນັດ ຫຼາຍ ເພາະເຂົາເບິ່ງວ່າເປັນການສະແດງ (ຕາມຈິນຕະນາການ) ທີ່ຕ້ອງທຸ່ມເທ ທີ່ແປກຄືບໍ່ຊີລຽດ ວ່າຕົວເອງຈະຕ້ອງໄປເຖິງສະ ຫວັນຊັ້ນຟ້າຫຼືບໍ ຖ້າລີລາລະຫວ່າງປະກອບກິດຈະກຳດີ ກໍ່ຖືວ່າສອບຜ່ານ.

     ສີນ້ຳຕານ : ໃຜໄດ້ຄົນທີ່ມັກສີນີ້ມາເປັນຄູ່ຮັກວາງໃຈໄດ້ວ່າ ເຂົາຈະເຮັດໃຫ້ເຈົ້າຫຼົງໄຫຼໄດ້ບໍ່ຍາກ ເພາະເຂົາຈະອົບ ອຸ່ນ ສຸຂຸມ ລຸ່ມລຶກ ແຕ່ມັກເລື່ອງເຊ໌ກເປັນທີ່ໜຶ່ງ ບໍ່ວ່າເຈົ້າຈະກະດິກໂຕເຮັດຫຍັງເຂົາກໍ່ຈະເຫັນວ່າເລົ້າອາລົມ ສະເໜີ.

     ສີເທົາ : ເສື່ອຍເນື່ອຍ ຄືຮໍໂມນດ້ານເຊ໌ກຈະໝົດໃນມື້ນີ້ ມື້ອື່ອນ ຜູ້ຊາຍທີ່ມັກສີນີ້ຈະເຫັນເຊ໌ເປັນແຄ່ການລະ ບາຍອາລົມເທົ່ານັ້ນ (ຊ່ິງດົນໆ ຈະມີສັກເທື່ອ) ຖ້າເປັນຍິງທີ່ມັກສີນີ້ ພຶດຕິກຳທາງເພດກໍ່ອາດຈະຮຽກໄດ້ວ່າ "ມີເຊ໌ກ" ເທົ່ານັ້ນ ບໍ່ແມ່ນການ "ເມດເລີບ" ອັນນ່າຕື່ນໃຈ.

     ສີນ້ຳເງິນ ສີຟ້າອ່ອນ : ຫາກໃຜມີແຟນທີ່ມັກສີນີ້ ຖືວ່າ ວັນເດີຟູຫຼາຍ  ເພາະຈະເຂົ້າອົກເຂົ້າໃຈຄວາມຕ້ອງການຂອງອີກ ຝ່າຍເສຍເຫຼືອເກີນ ຜູ້ຊາຍທີ່ມັກສີນີ້ຈະທຣີດ ຜູ້ຍິງເວລາມີເຊ໌ກໄດ້ຢ່າງນຸ່ມນວນ ຖະນຸຖະໜອມ ສ່ວນຜູ້ຍິງນີ້ຈັດ ວ່າເປັນຄົນທີ່ເອັນຈອຍກັບເຊ໌ກຫຼາຍ.

      ສີຂາວ : ບໍລິສຸດໄລ້ດຽງສາ ຍິ່ງກວ່າຄົນທີ່ມັກສີຂຽວ ຂ້າງເທິງເສຍອີກ ເພາະຄົນທີ່ມັກສີຂາວຈະເຫັນວ່າ ການມີເຊ໌ກ ເປັນເລື່ອງໜ້າອາຍ ຈູບແບບດູດດື່ມກາເຮັດບໍ່ໄດ້ ເພາະບໍ່ເໝາະສົມ ຍິ່ງການມີອີຫຍັງຕອນກາງເວັນ ຍິ່ງໜ້າອາຍໄປໃຫຍ່ ຜູ້ຍິງທີ່ມັກສີນີ້ຈະເປືອຍກາຍກໍ່ຕໍ່ເມື່ອມີຜ້າມາຄຸມເທົ່ານັ້ນ ສ່ວນຜູ້ຊາຍກໍ່ອົບນ້ຳເປັືອງຫຼາຍເວາລາມີເຊ໌ກ ເພາະຢ້ານບໍ່ສະອາດ

ຈາກ teenee.com

     1. ກະເປົາເງິນ : ຄືສິ່ງທຸກຄົນຕ້ອງໄດ້ມີ ຕິດໂຕຢູ່ຕະຫຼອດເວລາ ເຊິ່ງເທົ່າທີ່ເຫັນນີ້ຫຼາຍໆຄົນກໍມັກຈະເອົາກະເປົາເງິນຢັດໃສ່ຖົງ ສົ້ງທາງຫຼັງຕະຫຼອດເວລາ ແຕ່ຮູ້ບໍ່ວ່າເວລາທີ່ທ່ານນັ່ງນັ້ນ ກະເປົາກະຈະຖືກທັບຈົນແປລີບ ແລ້ວກໍເສຍຮູບຊົງ ແລະ ບາງເທື່ອອາດຈະ ເຮັດໃຫ້ເກີດເປັນຮອຍຂີດໄດ້ ທາງທີ່ດີຄວນເອົາໄວ້ໃນກະເປົາຖົງພາຍ ຫຼືຖົງເສື້ອຈະດີກ່ອນ.

     2. ນ້ຳຫອມ : ໂດຍປົກກະຕິແລ້ວ ເຮົາຈະສີດນ້ຳຫອມກ່ອນແຕ່ງໂຕອອກຈາກບ້ານ ເພື່ອໃຫ້ກິ່ນກາຍທີ່ຫອມຫວນ  ເຊິ່ງນອກຈາກຈະສີດໃສ່ ບໍລິເວນຂໍ້ພັບ, ຂໍ້ມື , ຄໍ ແລະໜ້າເອີກແລ້ວ ບາງຄົນຍັງສີດໃສ່ເສື້ອຜ້າ ທີ່ທຸກຄົນຕ້ອງບໍ່ລືມຄື ທົດສອບນ້ຳຫອມໃສ່ເນື້ອຜ້າ ບໍລິເວນທີ່ເບິ່ງບໍ່ເຫັນ ຫຼືຈຸດນ້ອຍໆກ່ອນ ເພື່ອເບິ່ງວ່າ ເຮົາສີນ້ຳຫອມລົງໄປແລ້ວມັນຈະບໍ່ເກີດເປັນຄາບເປື້ອນ.

     3. ເກີບຂັດມັນ : ເກີບແບບນີ້ຖ້າຈະໃຫ້ງາມຢູ່ຕະຫຼອດເວລາ ທ່ານຄວນຈະອານາໄມໂດຍການເຊັດເປັນປະຈຳ ທີ່ສຳຄັນຄື ຕ້ອງບໍ່ລືມຖູເກີບໃຫ້ ເງົາຊາມ ນອກຈາກນີ້ທ່ານຄວນມີເກີບໜັງໄວ້ອີກຄູ່ ເພື່ອໄວ້ສຳລອງ ແລ້ວກໍບໍ່ຄວນໃສ່ເກີບໜັງ 2-3 ມື້ຕິດຕໍ່ກັນ ເພາະເຫື່ອທີ່ອອກມາ ນັ້ນແລະອາດມີກິ່ນເໜັ່ນຕາມມາ ດ່ັງນັ້ນ ຄວນປ່ຽນໄປໃສ່ອີກຄູ່ໃໝ່ ແລ້ວເອົາຄູ່ທີ່ໃສ່ແລ້ວໄປຕາກແດດໄວ້.

     4. ຖົງຕີນ : ກ່ອນຈະຊັກຖົງຕີນທຸກໆເທື່ອ ຄວນແຍກອອກຊັກຈາກຜ້າຂາວ ເພື່ອບໍ່ໃຫ້ຖົງຕີນທີ່ເປັນສີຂາວມາເປັນສີຂີ້ຕົມ ເພື່ອຖະໜອມສີຜ້າ ແລະຄວນປີ້ນທາງໃນອອກມາເພື່ອປ້ອງກັນເນື້ອຜ້າບໍ່ໃຫ້ຂາດ ຫຼືຫຼຸ່ຍອອກມາ ອັນເກີດມາຈາກແຮງຖູໃນຂະທີ່ກຳລັງຊັກ

ຈາກວາລະສານ ມະຫາຊົນ ສະບັບທີ່ 140

     ເຮົາມີທັງໝົດ 5 ຂັ້ນຕອນ

          1. ການປັບປຸງອຸ່ນຫະພູມຜີວຫຼງຈາກຖືກແດດເຜົາໄໝ້ນັ້ນ ສຳຄັນເປັນອັບດັບຕົ້ນໆ ໃຫ້ເອົາຜ້າຂົນໜູທີ່ແຊ່ເຢັນ ຫຼືຊຸບນ້ຳທີ່ ເຢັນ ມາປົກບໍລິເວນທີ່ຖືກແດດເຜົາ ເນັ້ນເປັນຈຸດໆທົ່ວໃບໜ້າ ໂດຍສະເພາະໃນຈຸດທີ່ເປັນພື້ນທີ່ຖືກແສງແດດທຳຮ້າຍຫຼາຍທີ່ສຸດ ການທີ່ເຮັດແນວນີ້ເພື່ອໃຫ້ອຸ່ນຫະພູມຂອງຜີວໜັງກັບມາເປັນປົກກະຕິ ຄ່ອຍໆເຮັດຫຼາຍເທື່ອ ຈົນຮູ້ສຶກວ່າຜີວເຊົາຮ້ອນແລ້ວ.

          2. ຫຼີກລ້ຽງການລ້າງໜ້າດ້ວຍສະບູ່ ຖ້າຜີວບໍລິເວນໃບໜ້າຖືກແດດເຜົາ ຄວນຈະໃຊ້ພຽງແຕ່ນ້ຳສະອາດແທນກໍພໍແລ້ວ.

          3. ຈົນກວ່າຮອຍໄໝ້ຈາກແດດຈະດີຂຶ້ນ ຫຼຸດການໃຊ້ເຄື່ອງສຳອາງຕ່າງໆໄວ້ກ່ອນ.

          4. ເມື່ອຮອຍໄໝ້ຈາກແດດຈະດີຂຶ້ນ ຄວນກິນນ້ຳຫຼາຍໆ ຫຼັງຈາກຖືກແດດເຜົາ ປະລິມານນ້ຳໃນຜີວຈະລົດຫຼົງຫຼາຍພໍສົມຄວນ ຮອຍໄໝ້ຈະເລີ່ມດີຂຶ້ນ ໃນລະດັບໜຶ່ງ ກໍຮອດເວລາຈະຕ້ອງເລັ່ງນ້ຳໃຫ້ແກ່ຜີວຢ່າງໄວວາ ລົງໂທນເນີ ແລະ ມອຍເຈີໄຣເຊີ ບຳລຸງຜີວໃຫ້ ຫຼາຍກວ່າປົກກະຕິເປັນ 2 ເທົ່າ.

          5. ໃນຄະນະທີຜີວເລີ່ມກັບມາສູ່ສະພາບເກົ່າແລ້ວໃຫ້ບຳລຸງຜີວເພີ່ມ ດ້ວຍໂລຊັ່ນ ທີ່ມີຄວາມສາມາດໃນການປົກປ້ອງຄວາມຊຸມຊື່ນ ໃນຜີວສູງ ໂດຍສະເພາະສານບຳລຸງທີ່ມີສານໃນການຊ່ວຍຢຸດຢັ້ງການຂະຫຍາຍຕົວຂອງເມັດສີ ເມລານິນ.

        ຈາກວາລະສານ ມະຫາຊົນ ສະບັບທີ 140

     ຂັ້ນຕອນທີ່ 1 : ນຳເອົາສ່ວນປະສົມ ມີ ນ້ຳໝາກນາວ, ນ້ຳເຜີ້ງ ແລະ ນ້ຳຕານ ຄົນໃຫ້ເຂົ້າກັນຈົນເປັນເນື້ອດຽວກັນ ແລ້ວອຸ່ນດ້ວຍໄຟ ປານກາງໃນໄວໂຄເວບໃຫ້ຮ້ອນຂຶ້ນເລັກນ້ອຍ (ລະວັງຢ່າໃຫ້ຮ້ອນຈົນເກີນໄປ ເພາະອາດເຮັດໃຫ້ຜີວໄໝ້ໄດ້)

     ຂັ້ນຕອນທີ່ 2 : ທາແປ້ງສາລີໃນບໍລິເວນທີ່ຈະແວັກຂົນ ທາງບາງໆ ແລ້ວໃຊ້ໄມ້ທາສ່ວນຜະສົມນັ້ນລົງໄປບາງໆ

     ຂັ້ນຕອນທີ່ 3 : ໃຊ້ແຖບຜ້າຝ້າຍປິດທັບຢ່າງໄວວາ ກົດຄ່ອຍໆໃຫ້ຕິດໄປກັບຜີວ ໃຊ້ມືຂ້າງໜຶ່ງດຶງຜີວໃຫ້ຕຶງເລັກນ້ອຍ ແລະ ໃຊ້ມືອີກ ຂ້າງລອກແຖບຜ້າອອກໄວໆ ເທົ່ານີ້ຂົນກໍຖືກກຳຈັດອອກໄປແລ້ວ ນີ້ກໍເປັນອີກວິທີໜຶ່ງທີ່ເຮົາຈະປະຫຍັດເງິນໃນກະເປົ່າເຮົາໄດ້

ລອງເຮັດເບິ່ງເດີວ່າໄດ້ຜົນບໍ ຈາກວາລະສານ ມະຫາຊົນ ສະບັບທີ 140 ຂໍໂທດເດີ ພາສາລາວມັນແຕກ ພະຍາຍາມອ່ານໃຫ້ໄດ້ໃຈຄວາມເດີ

     ວິທີປ້ອງກັນແມງວັນ : ດ້ວຍການໃຊ້ນ້ຳຕາມຕົ້ມ ຫຼືນ້ຳຫວານທີ່ເຂັ້ມຂຸ້ນ 3 ສ່ວນເອົາມາປົນກັບພິກໄທບົດລະອຽດ 1 ສ່ວນ ຫຼັງຈາກນັ້ນເອົາໄປວາງໄວ້ບ່ອນທາງບິນຂອງແມງວັນ ຖ້າວ່າແມງວັນເຂົ້າມາຕອມກິນນ້ຳຕາມ ຫຼືນ້ຳຫວານ ທີ່ທ່ານເອົາໄປຕັ້ງໄວ້ ມັນກໍ່ຈະຕາຍໃນເວລາບໍ່ດົນ.

     ວິທີປ້ອງກັນຍຸງ : ພຽງແຕ່ເຮົານຳເປືອກໝາກກ້ຽງສີຂຽວຫວານໄປຕາກໄວ້ຈົນແຫ້ງ ແລ້ວເອົາມາເຜົາໄຟໃຫ້ເປັນຄວັນ ມັນຈະຊ່ວຍໃນການໄລ່ຍຸງໄດ້ດີ ເພາະເປືອກໝາກກ້ຽງຈະມີກິ່ນ ຫອມສົດຊື່ນ ແລະ ບໍ່ເປັນອັນຕະລາຍຕໍ່ຄົນເຮົານຳ ຫຼື ເຮົາອາດຈະໃຊ້ໝາກຂີ້ຫູດກໍ່ ພຽງແຕ່ເອົາມາຊອຍເປັນປ່ຽງບາງໆ ແລ້ວທາຕາມຮ່າງກາຍພຽງເທົ່ານີ້ຍຸງບໍ່ກ້າເຂົ້າໃກ້ຕົວເຮົາແລ້ວ ແຖວຜີວຂອງເຮົາຍັງນຸ່ມນວນຂຶ້ນອີກ ຫຼື ທ່ານຈະຫໍ່ຢາມ່ອງແລ້ວເອົາວາງຕາມມຸມຫ້ອງ ຍ້ອນກິ່ງຂອງຢາມ່ອງມັນ ຈະຊ່ວຍໃຫ້ຍຸງອອກຈາກບ່ອນທີ່ເຮົາຢູ່ນັ້ນເອງ.

     ວິທີ່ປ້ອງກັນມົດ : ນຳເອົາເສດຜ້າມາຕັດເປັນຕ້ອນນ້ອຍໆ ໂດຍໃຫ້ມີຄວາມຍາມພໍປະມານເອົາມາຈຸມລົງນ້ຳມັນເຄື່ອງທີ່ບໍ່ໃຊ້ແລ້ວ ເອົາມາພັນໃສ່ຂາຕູ້ ແລະ ຂາໂຕະ ຫຼືອີກວິທີໜຶ່ງໃຊ້ປູນຂາວ ເທໃສ່ຖ້ວຍຕັ້ງຕູ້ ແຕ່ຖ້າວ່າມົດໄຕ່ຂຶ້ນມາຕາມຮອຍແຕກ ຂອງຝາຄອນກີດ ທ່ານກໍ່ໃຊ້ນ້ຳມັນກ໊າດມາເທໃສ່ຮອຍແຕກພຽງເທົ່ານີ້ມົດກໍບໍ່ຂຶ້ນມາແລ້ວ.

     ວິທີປ້ອງກັນແມງສາບ : ໃຫ້ເອົາຈອກນ້ຳທີ່ມີປາກກວ້າງມາໃສ່ນ້ຳແກງຈືດ ຫຼືໃສ່ນ້ຳຕົ້ມຍຳເອົາຖອກໃສ່ໃຫ້ໄດ້ເຄ່ິງຈອກ ເອົາມາວາງໄວ້ ຕາມຫ້ອງ ຫຼືບ່ອນທີ່ເຮົາຄິດວ່າແມງສາບຈະອອກມາ ໂດຍວາງໃຫ້ຕິດກັບຝາເພື່ອເປັນການເອີ້ນແມງສາບທີ່ຍາງຕາມຝາມາກິນນ້ຳແກງ ເພື່ອຊ່ວຍຂ້າແມງສາບຢ່າງປວດໄພ ແລະ ບໍ່ມີສານເຄມີ ເຮັດໃຫ້ບໍ່ເປັນອັນຕະລາຍຕໍ່ຄົນໃນຄອບຄົວຂອງເອງ.

ລອງນຳວິທີນີ້ໄປເຮັດເບິ່ງ ເພາະຜູ້ຂຽນນີ້ກາຍັງບໍ່ທັນໄດ້ລອງເທື່ອ ຈາກວາລະສານ ສ້າງສັນ

     ເຂົາມັກກິນກະແລມຣົດທຳມະດາໆ ເຊັ່ນ ສະຕຣໍເບີຣີ, ວານິລາ, ຊ໋ອກໂກແລັດ : ຖ້າເຂົາມັກກິນກະແລມແບບນີ້ຮູ້ເລີຍວ່າເຂົາເປັນຄົນທີ່ໃຊ້ຊີວິດມີແບບແຜນ ແລະເປັນລະບຽບຮຽບຮ້ອຍ ມີຫຼັກການ ຫຼືອາດເປັນໄປໄດ້ວ່າເຂົາບໍ່ເຕັມໃຈທີ່ຈະກິນກະແລມກັບເຈົ້າ ເລີຍສັ່ງໄປຊື້ຕາມຣົດກະແລມທີ່ລາວຄິດອອກໃນຕອນນັ້ນ.

     ເຂົາພັດວ່າມັກກິນກະແລມສະຕໍເບີຣີ : ບໍ່ໄດ້ໝາຍຄວາມວ່າເຂົາເປັນແຕ໋ວ ຫຼືຜູ້ຊາຍແອບແມນແຕ່ຢ່າງໃດເລີຍ ຜູ້ຊາຍທີ່ມັກກິນກະແລມຣົດສະຕໍເບີຣີ ເປັນຄົນທີ່ຊື່ສັດຕໍ່ຄວາມຮູ້ສຶກຂອງຕົນເອງ ມີຄວາມເປັນເດັກນ້ອຍ ແລະ ມີຄວາມໂຣແມນຕິກ ແບບຝັນຫວານເກັບໄວ້ ທາງໃນນຳອີກເດີ.

     ເຂົາສັ່ງກະແລມຊະນິດດຽວ ແຕ່ຫຼາຍໆຣົດມາກິນໃນຈອກດຽວ : ເຊັ່ນ ຖ້າສັ່ງຊ໋ອກໂກແລັດລ້າໆ ສະຕິກກີ້ຊູວີ່ ໄປຮອດຊ໋ອກໂກແລັດຊີບ ໝາຍເຖິງເຂົາມັກລອງຂອງໃໝ່ໆເລື່ອຍໆ ເລືອກເກັ່ງ ມັກຊອກຫາຄວາມແປກໃໝ່ຢູ່ຕະຫຼອດເວລາ ຖ້າເຈົ້າໄດ້ຜູ້ຊາຍ ທີ່ມັກກິກະແລມຫຼາຍຣົດແບບນີ້ຄວນລະວັງ ເຈົ້າອາດຈະເປັນກະແລມໜ່ຶງໃນສາມຣົດຂອງເຂົາກໍເປັນໄປໄດ້.

     ເຂົາມັກສັ່ງແຕ່ກະແລມຣົດຊາດແປກໆມາກິດ ແລະ ບໍ່ມັກກິນກະແລມຊ້ຳກັນ : ເຂົາເປັນຄົນມັກລອງໂປຼໂມຊັນໃໝ່ ຂອງຮ້ານໄປຕະຫຼອດ ເຈົ້າອາດຈະເບິ່ງວ່າເຂົາເລືອກຫຼາຍ ແຕ່ແທ້ຈິງແລ້ວ ມັນກາຍມາເປັນເຂົາບໍ່ເປັນຄົນຍຶດຕິດ ມັກລອງ ແລະ ສຳຫຼອດ ຊອກຫາ ເປັນຄົນປັປຕົວເຂົ້າກັບຄົນໄດ້ງ່າຍ ແລະ ພ້ອມທີ່ຈະຮັບກັບສິ່ງປ່ຽນແປງທີ່ຈະເຂົ້າມາ.

     ເຂົາມັກກະແລມເຊີຣເບັດ : ເຂົາເປັນຄົນອ່ອນໄຫວງ່າຍ ມີຄວາມອ່ອນຫວານຄືຜູ້ຍິງ ເກັບໄວ້ພາຍໃນຕົວລະດັບໜຶ່ງ ເຮັດຫຍັງມັກຈະຮຽບຮ້ອຍໜ່ອຍໜຶ່ງ ບາງເທື່ອລາວອາດເປັນຄົນມັກ ແຕ່ງຕົວ ຫຼືມີຄວາມສຸກເມຶື່ອໄດ້ແຕ່ງຕົວງາມ ເຂົາມັກກິນກະແລມໂຄນຫຼາຍກວ່າໄປນັ່ງກິນຢູ່ຮ້ານຕ່າງໆ ໝາຍຄວ່າວ່າເຂົາເປັນຄົນມັກຢອກ ມັກມ່ວນແຕ່ບໍ່ຈິງໃຈ ບໍ່ມັກຢູ່ກັບຫຍັງດົນໆ ແລະ ເປັນຄົນເບື່ອງ່າຍ.

     ເຂົາມັກກິນກະແລມບໍ່ແຕ່ງໜ້າ : ຖ້າດ້ວາເຫດຜົນບໍ່ເສຍດາຍເງິນ ກໍໝາຍເຖິງເຂົາເປັນຄົນຕົງໄປຕົງມາ ມີຄວາມແນ່ນອນເດັດຂາດ ແບບຕ້ອງການຄຳຕອບທີ່ແມ່ນ ກໍ ແມ່ນ ບໍ່ແມ່ນ ກໍ ບໍ່ແມ່ນ ດັງໆໄປເລີຍ.

     ເຂົາມັກກິນຄຣີມຢູ່ເທິງກະແລມກ່ອນ : ແປວ່າເຂົາເປັນຄົນມີນິໃສທີ່ລະວັງຕົວດີ ຈະບໍ່ຕັດສິນໃຈເຮັດຫຍັງຖ້າບໍ່ແນ່ໃນແທ້ໆ ປະມານຕ້ອງຮູ້ກ່ອນທີ່ຈະຕັດສິນໃຈ ລົງມືຈັດການ.

     ເຂົາກິນໝາກເຊີລີກ່ອນ : ອາດຈະບອກວ່າ ເຂົາເປັນຄົນທີ່ສົນໃຈສິ່ງທີ່ຈະໄດ້ຮັບນຳເຈົ້າກ່ອນ ຫຼື ເປັນຄົນມັກເບິ່ງຜົນລັບທີ່ອອກມາກ່ອນທີ່ຈະເບິ່ງ ຫາວິທີເຮັດຕາມ.

     ເຂົາມັກກິນກະແລມຣົດບານນານາສະປິດລ໌ : ນອກຈາກເຂົາຈະມັກກິນກ້ວຍແລ້ວ ເຂົາຍັງອາດເປັນຄົນທີ່ບໍມັກຢູ່ຄົນດຽວ (ເພາະວ່າກະແລມຊະນິດນີ້ຕ້ອງການ ຄົນກິນຫຼາຍກວ່າໜຶ່ງຄົນ) ແລະ ຖ້າເຈົ໊າບັງເອີນໄປເຫັນຄົນກິນກະແລມຣົດບານານາສະຫິດລ໌ ນັ່ງຢູ່ຄົນດຽວນັ້ນ ໝາຍຄວາມວ່າ ເຂົາກຳລັງເຫງົາ....ແລະ ກຳລັງຊອກຄົນມານັ່ງກິນນຳເຂົາຢູ່ກໍໄດ້.

ຈາກວາລະສານ ສ້າງສັນ ໜ້າທີ 22-23

1.     ຫາໝາກກ້ຽງມາ 1-2 ໜ່ວຍແລ້ວລ້າງໃຫ້ສະອາດ.

2.     ປອກເປືອກໝາກກ້ຽງແລ້ວແກະເມັດອອກໃຫ້ໝົດ ເຮົາກໍ່ຈະໄດ້ໝາກກ້ຽວເປັນກີບໆ.

3.      ນຳເອົາກີບໝາກກ້ຽງມາແປະເທິ່ງໃບໜ້າ ຢ່າລືມລ້າງໜ້າໃຫ້ສະອາດກ່ອນ ຜີວຈະໄດ້ດູດຊືມໄດ້ດີໆ.

4.     ແປະໄວ້ປະມານ 15 ນາທີ ເປັນອັນຮຽບຮ້ອຍ.

5.     ເຮັດແລ້ວກໍ່ໃຊ້ນ້ຳສະອາດລ້າງໜ້າ ຄວນເຮັດເປັນປະຈຳອາທິດລະ 1-2 ເທື່ອກໍ່ໄດ້ ເທົ່ານີ້ທຸກທ່ານກໍ່ຈະມີ ຜີວໜ້າໃສໄດ້ແລ້ວ ເພາະໃນໝາກກ້ຽງຈະມີ ວິຕາມິນຊີ ຢູ່ຫຼາຍຊຶ່ງຕົວ ວິຕາມິນຊີ ນີ້ຈະຊ່ວຍໃຫ້ຜີວໜ້າເຮົາກະຈ່າງໃສ ໄດ້ເຄັດລັບດີໆແລ້ວຢ່າລືມໄປລອງເຮັດເບິ່ງເດີ.

       ຈາກວາລະສານ ສ້າງສັນ

ປາກເໝັນ

     ອັນເນື່ອງມາຈາກຄວາມຄຽດ ແບດທິເລຍຈະເຮັດວຽກຢ່າງມີປະສິດທິພາບ ໃນພາວະທີ່ທ່ານຄຽດ ແລະ ມີອາຫານເຄື່ອງດື່ມຈຳພວກ ກາເຟ, ແອວກໍຮໍລວມທັງການໂອ້ລົມ ເວົ້າຈາໜ້ອຍກ່ວຍປົກກະຕິ ກໍຈະເຮັດໃຫ້ນ້ຳລາຍບູດ ເພາະເມື່ອງທ່ານບໍ່ໄດ້ເວົ້າ ນ້ຳລາຍຈະບໍ່ຖືກບີບ ອອກມາ ດັ່ງນັ້ນ ປາກຈຶ່ງແຫ້ງ ແລະ ແບັດທິເລຍຈຶ່ງອອກມາຍ່ອຍນ້ຳລາຍຫຼາຍກວ່າປົກກະຕິ ຫຼັງຈາກນັ້ນ ມັນກໍຈະປ່ອຍແກສອອກມາ  ອາການແຂ້ວເປັນແມງ ກໍເປັນສາເຫດໜຶ່ງທີ່ເຮັດໃຫ້ປາກເໝັນໄດ້.

ອາການປວດກ້ານຄໍ

     ສ່ວນຫຼາຍເກີດຈາກອາການນັ່ງເຮັດວຽກຜິດທ່າທາງ, ນັ່ງຕັ່ງທີ່ບໍ່ຮັບຮອງຕໍ່ການເຮັດວຽກເຖິງວ່າທ່ານນັ່ງຖຶກທ່າແລ້ວ ແຕ່ຫາກວ່ານັ່ງເປັນເວລາດົນນານກໍເຮັດໃຫ້ເມື່ອຍ ແລະ ປວດຕາມຄໍ ແລະ ບ່າໄຫຼ່ໄດ້.

ລິດສີດດວງ

     ເກີດຈາກການນັ່ງດົນເກີນໄປ ເຮັດໃຫ້ບັ້ນທ້າຍຖຶກການກົດທົບ ແລະ ເສັ້ນເລືອດດຳ ບໍລິເວນລຳໄສ້ກໍ່ເກີດອາການ, ເລືອດຂ້ອນ, ບວມ ແລະ ຖ້າມີນ້ຳນັກຫຼາຍອາການກໍເປັນໄວ້ຂຶ້ນ ຄວນລຸກຍ່າງແດ່.

                        ຈາກວາລະສານ 108 ອາຊີບ

ອາການປວດຫົວ

     ສາເຫດເກີດຈາກຄວາຄຽດ ແຕ່ສາເຫດອີກປະການໜຶ່ງທີ່ໜ້າສົນໃຈຄື ການດື່ມເຄື່ອງດື່ມທີ່ມີສານແອວກໍຮໍ ແລະ  ຄາເຟອິນ (ກາເຟ, ນ້ຳອັດລົມ, ຢາຊູກຳລັງ), ອາຫານໄຂມັນສູງ, ອາຫານປະເພດເນື້ອສັດ 90 %, ອີກສາເຫດໜຶ່ງຄື ການຂາດການອອກກຳລັງກາຍ, ໂດຍປົກກະຕິຄົນເຮົາຕ້ອງອອກກຳລັງກາຍປະມານ 10 ຊົ່ວໂມງຕໍ່ອາທິດເປັນຢ່າງໜ້ອຍ.

ໂລກກະເພາະ

     ທ້ອງອຶດ ມີກົດໃນກະເພາະອາຫານຄືຕົວການຫຼັກ ແຕ່ການນອນບໍ່ພໍ ກໍມີສ່ວນເຮັດໃຫ້ເກີດອາການເຫຼົ່ານີ້ຄືກັນ ແລະ ການກິນ ອາຫານຮີບດ່ວນ ເຮັດໃຫ້ກະເພາະ ແລະ ລະບົບຂັບຖ່າຍເຮັດວຽກໄດ້ຢ່າງບໍ່ມີປະສິດທິພາບ.

ອາການປວດຕາ

     ອາການປວດຕາ, ນ້ຳຕາແຫ້ງ ນອກຈາກຄວາມຄຽດແລ້ວສາເຫດໃຫຍ່ໆ ກໍແມ່ນການນັ່ງຢູ່ໜ້າຈໍດົນເກີນ ມື້ລະ 6 ຊົ່ວໂມງ ການຂາດວິຕາມິນ A ແລະ B-complex

              ຈາກວາລະສານ 108 ອາຊີບ

     ການຕຳ່ແຜ່ນແພ ແມ່ນສິ່ງທີ່ສະທ້ອງເຖິງວັດທະນະທຳລາວໄດ້ດີທີ່ສຸດ ແລະ ສິ່ງເປັນທີນິຍົມກັນຫຼາຍ ແມ່ນຜະລິດຕະພັນຕຳ່ດ້ວຍມືທີ່ໜ້າອັດສະຈັນ ຊຶ່ງເຮັດມາຈາກຝ້າຍ ແລະ ໄໝ ພື້ນບ້ານ.

     ເຄື່ອງນຸ່ງຫົ່ມແຜ່ນແພຂອງແມ່ຍິງລາວ ໂດຍທົ່ວໄປແລ້ວແມ່ນຈະຖືກອອກແບບລວດລາຍທີ່ມີຄວາມກ່ຽວພັນກັບເທດສະການທາງສາດສະໜາຕ່າງໆ, ນັບທັງຮູບແບບທີ່ຕິດພັນກັບການດຳລົງຊີວິດແບບ ດັ່ງເດີມ ແລະ ແບບປະສານກັບຍຸກສະໄໝ, ລວດລາຍຢູ່ໃນແຜ່ນແພຂອງຄົນຜະລິດແມ່ນເປັນສັນຍາລັກຂອງສິ່ງທີ່ເກົ່າແກ່ ແລະ ມີອາຍຸເປັນພັນໆປີມາແລ້ວເຊັ່ນ: ລາຍເພດສີ່ລ່ຽມ ທີ່ໝາຍເຖິງ ການປົກປ້ອງ ຈາກສິ່ງຊົ່ວຮ້າຍຕ່າງໆ, ນອກຈາກນັ້ນຍັງມີ ລາຍຮູບບັນດາສັດ ແລະ ຄົນເຊັ່ນ: ຄຸດ, ນາກ, ມັງກອນສອງຫົວ ຊຶ່ງແຕ່ລະສັດຕ່າງໆເຫຼົ່ານີ້ ເພາະມັນໝາຍວ່າເປັນສິ່ງຈະປົກປ້ອງຄຸ້ມຄອງນັ້ນເອງ.

     ແມ່ນວ່າໃນຫຼາຍໆຕຳນານກ່ຽວກັບຜ້າແພລາວ ຈະບໍ່ຄ່ອຍເຫັນຖືກເລົ່າຂານສືບມາເປັນວົງກວ້າງກໍຕາມ, ແຕ່ຍັງມີນັກຄົ້ນຄວ້າ, ນັກຊ່ຽວຊານຜ້າໄໝລາວໄດ້ບັນຍາຍ ແລະ ຈົດບັນທຶກໄວ້ໃນປື້ມຜົນງານ ການຄົ້ນຄວ້າເຊັ່ນ: "ປື້ມຜ້າແພນີ້ມີຕຳນານ" ຂຽນໂດຍ: ທ່ານນາງ ດວງເດືອນ ບຸນຍາວົງ ນັກຄົ້ນຄວ້າຜ້າແພລາວບູຮານ ແລະ ພວກເຮົາຍັງສາມາດຫາຟັງໄດ້ຈາກການບອກເລົ່າຂອງປູ່ຍ່າຕາຍາຍໃນບາງ ທ້ອງຖິ່ນ, ໃນຂະນະທີ່ແມ່ຍິງລາວກຳລັງຕຳ່ສິ້ນ ແຜ່ນແພຢູ່ທຸກວັນ ດ້ວຍເສັ້ນໄໝ ແລະ ວິທີການທີ່ສະຫຼັບສັບຊ້ອນຂອງສິ້ນໄໝ ແລະ ຜ້າບ່ຽງ, ສິ່ງໜຶ່ງທີ່ເປັນໜ້າພາກພູມໃຈຂອງຄົນລາວ ກໍຄືແມ່ຍິງລາວທີ່ມີ ເອກະລັການນຸ່ງຖືສະເພາະທີ່ແຕກຕ່າງຈາກປະເທດອື່ນ, ໃນຂົງເຂດປະເທດລຸ່ມແມ່ນຳ້ຂອງເອງກໍມີຫຼາຍຊາດທີ່ແມ່ຍິງນຸ່ງສິ້ນບ່ຽງແພເຊັ່ນກັນ: ແຕ່ສັງເກດເບິ່ງຄັກໆແລ້ວ ສິ້ນ ແລະ ແພໄໝລາວແມ່ນມີຄວາມ ໂດດເດັ່ນ ແລະ ມີເອກະລັກສະເພາະເຊັ່ນ: ສິ້ນມີຫົວ, ມີຕີນ, ຕ່ຳດ້ວຍມື, ລວດລາຍກໍສື່ບອກຄວາມໝາຍ, ສິ້ນຂອງແມ່ຍິງແຕ່ລະເຜົ່າແຕ່ລະທ້ອງຖິ່ນກໍມີຈຸພິເສດແຕກຕ່າງກັນ, ແພບ່ຽງກໍມີຫຼາຍແບບ ແລະ ລວດລາຍ, ການບ່ຽງແພພັບເປັນສອງສາມຮອບເຂົ້າກັນ ເພື່ອນເຊື່ອງຂອບປາຍດ້າຍ ແລ້ວກໍນຳມາພາດບ່ຽງບ່າ ໂດຍປາຍສອງສົ້ນຂອງຜ້າບ່ຽງພາດທາງໜ້າ ແລະ ທາງຫຼັງ.

     ຄວາມໝາຍທີ່ເຊື່ອງຊ້ອນໃນຜືນແພຕ່າງໆ ທັງໃນອະດີດ ແລະ ປັດຈຸບັນ ແມ່ນໄດ້ຖືກຖ່າຍທອດ (ສະແດງອອກໂດຍແມ່ຍິງລາວ) ຜູ້ທີ່ເປັນຕົວແທນຂອງການອະນຸລັກ ແລະ ສະແດງອອກທາງດ້ານ ວັດທະນະທຳລາວ.

   ດັ່ງນັ້ນຄົງບໍ່ເປັນການແປກເມື່ອເອີ່ຍເຖິງສິ້ນແມ່ນຕ້ອງຢູ່ຄຽງຄູ່ກັບແມ່ຍິງລາວ, ນອກຈາກນີ້ຍັງສາມາດນຳໃຊ້ແພໄໝຕັດ, ຕົບແຕ່ງໄປຕາມແຟຊັນຂອງສະໄໝໃໝ່ ທີ່ເບິ່ງແລ້ວໂດດເດັ່ນ ແລະ ສວຍງາມທີ່ ສຸດເຊັ່ນ: ກະໂປ່ງ, ເສື້ອເຊີດ (ສຳລັບທ່ານຊາຍ), ກາລະວັດ ແລະ ອື່ນໆ ທີ່ເຫັນວ່າເໝາະສົມ.

       ຈາກວາລະສານ ສາວລາວ

         ຜັກສະນາລີ ປູກງ່າຍ ແລະ ຫາຊື້ບໍ່ຍາກ ມີຂາຍຕາມທ້ອງຕະຫຼາດ, ນອກຈາກໃຊ້ເປັນຫອມປຸງແຕ່ງອາຫານແລ້ວ ຍັງເປັນຢາພື້ນເມືອງ ຊ່ວຍແກ້ປວດຫົວເນື່ອງຈາກຄວາມດັນເລືອດສູງ, ປົວໜິ້ວ, ຂັບລົມ ແລະ ແກ້ປວດຂໍ້.

ວິທີໃຊ້:

1. ປວດຫົວຍ້ອນຄວາມດັນເລືອດສູງ ໃຫ້ເອົາຜັກສະນາລີສົດ (ບໍ່ເອົາຮາກ) ຕຳຄັ້ນເອົານຳ້ໃຫ້ໄດ້ເຄິ່ງຈອກກາເຟ ເອົາເກືອໃສ່ໜ້ອຍໜ່ຶງດື່ມ, ຖ້າເອົາຕົ້ນສົດໆ 1 ກຳມືໃສ່ນຳ້ພໍປະມານຕົ້ມດື່ມຕາງນຳ້ ເປັນຢາປົວໜິ້ວ.

2. ທ້ອງອືດມີລົມ ໃຫ້ເອົາຕົ້ນ ແລະ ແກ່ນຜັນສະນາລີຕົ້ມດື່ມ.

3. ເຈັບປວດຂໍ້ ໃຫ້ເອົາຮາກພັກສະນາລີສົດ 1 ກຳມືຕົ້ມດືມ.

ລອງເຮັດເບິ່ງເດື ແລ້ວຂຽນບອກແດ່ ເພາະເຈົ້າຂອງນິຍັງບໍ່ທັນໄດ້ລອງເທື່ອ ເພາະຍັງບໍ່ໄດ້ທັນໄດ້ເປັນວ່າຊັນ

ຈາກວາລະສານ ສາວລາວ

     ປາຂ່າ Orcaella brevirostris ເປັນສັດນຳ້ຊະນິດໜຶ່ງ ທີ່ລ້ຽງລູກດ້ວຍນຳ້ນົມ ມີຢູ່ໃນພາກໃຕ້ຂອງປະເທດລາວ ໃນແມ່ນຳ້ຂອງ, ນຳ້ເຊກອງ ແລະ ສາຂາຂອງມັນເຊັ່ນ: ເຊປຽນ, ເຊຄຳພໍ, ເຊກະໝາມ ແລະ ຫ້ວຍກະຫຼ່ຽງ.

   ສ່ວນໃນແມ່ນຳ້ທີ່ ປະເທດລາວ ມີສະເພາະຕາມຊາຍແດນລາວ ກຳປູເຈຍ ປາຂ່າທ ເປັນສັດນຳ້ທີ່ຫາຍໃຈດ້ວຍປອດ, ປາຂ່າມີຄວາມຍາວສູງສຸດປະມານ 2.5 ແມັດ ປາຂ່າອາຍຸຍືນສູງສຸດປະມານ 40 ປີ, ມັນກິນປາພື້ນເມືອງຫຼາຍຊະນິດເປັນອາຫານ, ປາຂ່າ ອອກລູກເທື່ອລະໂຕ ບໍ່ອອກເປັນໄຂ່ຄືປາພື້ນເມືອງທຳມະດາ, ປາຂ່າຖືພາປະມານ 11 ເດືອນ ຈິ່ງເກີດລູກ ໂຕແມ່ອອກລູກ 2 ປີ ຕໍ່ໜ່ຶງເທື່ອ ເນຶ່ງຈາວ່າ ປາຂ່າ ເປັນສັດນຳ້າທີ່ແຜ່ພັນຊ້າ ມັນກໍເລີຍມີໜ້ອຍ ແລະ ປາຂ່າສາມາດສູນພັນໄດ້ງ່າຍ.

ຈາກວາລະສານ ວັນນະສິນ ເມສາ 2000

                ລີເມີຣ໌ແຄຣະຫາງອ້ວນ

     ມັນເປັນສັດທ້ອງຖິ່ນຂອງເກາະມາດາກັສ ການຊິ່ງຈະເຂົ້າສູ່ພາວະຫຍຸດນິ່ງໃນທຸກໆລະດູໜາວ ເປັນເວລາດົນ 7 ເດືອນ ມັນຈະມ້ວນໂຕຢູ່ໃນຮູຂອງຕົ້ນໄມ້ ມີຊີວິດຢູ່ລອດໄດ້ດ້ວຍໄຂມັນທີ່ສະສົມໄວ້ໃນ ຮ່າງກາຍ ແລະ ຫາງຂອງມັນ ໂຕລີເມີຣ໌ ປຣະຫຍັດການໃຊ້ພະລັງງານໃນຮ່າງກາຍ ດ້ວຍການເຮັດໃຫ້ອຸນຫະພູມໃນຮ່າງກາຍຂອງຕົນເອງ ເທົ່າກັບອຸນຫະພູມສະພາບແວດລ້ອມ ພາຍນອກຮ່າງກາຍຄືກັບ ສັດເລື້ອຍຄານ ຖ້າໂຕລີເມີຣ໌ຢູ່ໃນຮູຕົ້ນໄມ້ທີ່ປ້ອງກັນຄວາມຮ້ອນບໍ່ດີ ອຸນຫະພູມຮ່າງການຂອງມັນກໍ່ຈະແປປວນໄປຕາມສະພາບອາກາດ ແຕ່ຖ້າໂຕມັນຢູ່ໃນຮູຕົ້ນໄມ້ທີ່ປ້ອງກັນຄວາມຮ້ອນໄດ້ດີ ອຸນຫະພູມ ຮ່າງກາຍຂອງມັນກໍ່ຈະຄົງທີ ສຳພັນກັບອຸນຫະພູມຂອງຮູຕົ້ນໄມ້  ໄລຍະເວລາທີ່ອົດອາຫານໄດ້: 7 ເດືອນ

                    ກົບຣູອອສເຕຣເລີຍ

     ກົບຣູອອສເຕຣເລີຍຝັງໂຕເອງຢູ່ໃນໃຕ້ດິນເພື່ອການມີຊີວິດຕະຫຼອດໃນຊ່ວງເວລາຂອງຄວາມແຫ້ງແລ້ງ ແລະ ມັນມີຊີວິດຢູ່ໃຕ້ດິນໄດ້ເປັນເວລາດົນ 5 ປີ ໂດຍອາໃສໄຂມັນສຳຮອງທີ່ຢູ່ໃນໂຕຂອງມັນ ນອກ ຈາກນີ້້ ໂຕຂອງມັນຈະໄດ້ຮັບການຫໍ່ຫຸ້ມປ້ອງກັນດ້ວຍຊັ້ນຂອງຜີວໜັງທີລອກອອກມາໄດ້ ເມື່ອຝົນຕົກລົງມາອີກ ກົບເຫຼົ່ານີ້ກໍ່ຈະຂຶ້ນມາສູ່ຜີວດິນຢ່າງໄວວາເພື່ອສຶບພັນ ແລະ ກິນອາຫານອີກຄັ້ງ ພວກມັນກິນອາຫານຫຼາຍຢ່າງບ້າຄັ່ງ ມັນກິນຫຼາຍຈົນກະທັງຖືງເຄິ່ງໜຶ່ງຂອງຂະໜາດໂຕມັນ. ໄລຍະເວລາທີ່ອົດອາຫານໄດ້: 5 ປີ

    ຈາກ ວາລະສານ UPDATE (ວາລະສານໄທ)

   ຫຼາຍໆຄົນທີ່ຫຼັັງຈາກເປັນສິວຫາຍແລ້ວ ມັກຈະຖີ້ມຮ່ອງຮອຍເອົາໄວ້ໃນໃບໜ້າມີຈຸດດ່າງດຳ, ຜີວບໍ່ສະໝ່ຳສະເໜີກວ່າຈະຈາງລົງກໍຕ້ອງເປັນເດືອນໆ ແລະ ເຮັດໃຫ້ເຮົາຂາດຄວາມໝັ່ນໃຈ ແຕ່ຢ່າ ລືມວ່າທຸກບັນຫາມີທາງແກ້, ສຳລັບຮອຍສິວທີ່ວ່າຍາກກໍສາມາດຈັດການໄດ້, ພຽງແຕ່ມີ.

     ນຳແອັບເປີ້ນຂຽວເຄິ່ງໜ່ວຍມາບົດປະສົມເຂົ້າກັບນຳ້ເຜີ້ງແທ້ 1 ບ່ວງແກງ ໂດຍບົດໃຫ້ລະອຽດ ແລ້ວປະສົມໃຫ້ເຂົ້າເປັນເນື້ອດຽວກັນ, ຈາກນັ້ນນຳມາທາໃບໜ້າທີ່ລ້າງສະອາດແລ້ວ, ບໍລິເວນທີ່ ເປັນຮອຍສິວຄວນທາເປັນພິເສດ ແລ້ວຖີ້ມປະໄວ້ 20 ນາທີແລ້ວລ້າງອອກ, ສູດນີ້ສາມາດເຣັດໄດ້ທຸກມື້ ນອກຈາກຈະຊ່ວຍປິ່ນປົວຮອຍສິວໃຫ້ຫາຍໄວຂຶ້ນ ຍັງຊ່ວຍບໍ່ໃຫ້ສິວກັບມາສ້າງຄວາມກັງວົນ ໃຈໃຫ້ເຈົ້າອີກຕໍ່ໄປ.

          ຈາກວາລະສານ ມະຫາຊົນ ສະບັບທີ 105

ລອງເຮັດເບິ່ງເດີ ວ່າຊິໄດ້ຜົນບໍ ?

ລະສົ່ງບອກກັນແດ່ເດີ

     ນົກໂຕນ້ອຍໆ ມັກກິນໝາກໄມ້ຫຼາຍທີ່ສຸດ ບາງຄັ້ງຄາວມັນກໍກືນເຂົ້າໄປໝົດໜ່ວຍ ສ່ວນນວນອ່ອນຂອງໝາກໄມ້ ຈະຖືກຍ່ອຍໃຫ້ສະຫຼາຍຕົວຢູກະເພາະອາຫານ ສຳລັບເປືອກ ແລະ ແກ່ນທີ່ ແຂງ ກໍຈະຖ່າຍອອກມາ ພ້ອມກັບຂີ້ຂອງມັນ.

   ແກ່ນໝາກໄມ້ ທີ່ນົກຖ່າຍອອກມາ ເມື່ອຕົກລົງດິນ ກໍຈະງອກຂຶ້ນມາເປັນເບ້ຍອ່ອນ ໂດຍອາໄສຂີ້ນົກເປັນຝຸ່ນ,

   ດັ່ງນັ້ນ ໃນບ່ອນທີ່ນົກອາໄສຢູ່ຫຼາຍຈຶ່ງມັກຈະມີຕົ້ນໄມ້ນາໆຊະນິດຂຶ້ນງອກງາມ.

ຈາກ ວາລະສານ ວັນນະສິນ ເດືອນ ເມສາ ປີ 1992

     ໃນໂລກສະໄໝບູຮານ ວັນແຮກຂອງສັບປະດາ ຄືວັນອາທິດ, ຊາວໂຣມັນຕັ້ງຊື່ຕາມພະອາທິດ, ພະຈັນ, ແລະ ດາວເຄາະຕ່າງໆ ແລ້ວເອົາມາຮຽງກັນຕາມລຳດັບ ທີ່ພວກເຮົາເຊື່ອວ່າ ຫ່າງຈາກ ໂລກຄືພະອາທິດ, ພະຈັນ, ດາວອັງຄານ, ດາວພຸດ, ດາວພະຫັນ, ດາວສຸກ ແລະ ດາວເສົາ.

     ຫຼັງຈາກທີ່ຖືກຊາວໂຣມັນຕັ້ງຊື່ໄວ້ແລ້ວ ຊາວບຣິຕັນ ກໍຮັບເອົາການຕັ້ງຊື່ວັນແບບນີ້ ສືບຕໍ່ມາ, ບາງຄັ້ງພວກເຂົາກໍຍັງໃຊ້ຊື່ໂຣມັນ ບາງຄັ້ງກໍໃຊ້ຊື່ເທບພະເຈົ້າຂອງຕົນ.

     ໃນຍຸກແອງໂກລ ແຊກຊອນ ໄດ້ມີການຮຽກວັນຕ່າງໆ ດັ່ງຕໍ່ໄປນີ້:

          ວັນອາທິດ: (Sunday) ກໍເປັນ ຊັນແນນເດກ (Sunnendaeg) ໝາຍເຖິງວັນຂອງພະອາທິດ.

          ວັນຈັນ: (Manday) ກໍເປັນ ມັນແນນເດກ (Monnandaeg) ໝາຍເຖິງວັນຂອງພະຈັນ.

          ວັນອັງຄານ: (Tuesday) ເປັນ ທີເດດ (Tyrdaey) ໝາຍເຖິງ ວັນຂອງທີ (Tyr) ຫຼື Tiu ລູກຂອງໂອດິນ (Odin) ແລະ ອ້າຍນ້ອງຂອງທໍ (Thor).

          ວັນພຸດ: (Wendnesd) ເປັນ ໂອເດນສະເດກ (Wodensdaeg) ໝາຍເຖິງວັນຂອງ ໂອເດນ (Wode) ຫຼື ໂອດິນ ເທບພະເຈົ້າ ແຫ່ງປັນຍາ, ກະວີ, ສົງຄາມ ແລະ ກະເສດ.

          ວັນພະຫັດ: (Thursday) ໄດ້ຊື່ວ່າ ທໍເດດ (Thordaeg) ຕາມຊື່ທໍ (Thor) ເທບພະເຈົ້າແຫ່ງສາຍຟ້າ.

          ວັນສຸກ: (Friday) ໄດ້ຊື່ວ່າ (Frigedaeg)ວັນຂອງ Frigg ຫຼື Freyje ເທພີແຫ່ງ ຄວາມຮັກ ຜູ້ເປັນ ເມຍ ຂອງ Odin.

          ວັນເສົາ: (Saturday) ເປັນແຊເທີເດກ (Sacterdaeg) ໝາຍເຖິງວັນຂອງແຊເທິນ (Satur) ເທບພະເຈົ້າໂຣມັນ ແຫ່ງການປູກຝັງ ແລະ ການເກັບກ່ຽວ.

ເອົາມາຈາກ ວາລະສານວັນນະສິນ ເດືອນ ພຶດສະພາ ປີ 1997

ຖ້ານແລ້ວເປັນແນວໃດ ຂຽນຄຳເຫັນໃຫ້ແດ່ເດີ ແລ້ວຈະມີເລື່ອງໃໝ່ມາຂຽນໃຫ້ອ່ານ