ປາເປັນອາຫານທີສຸດຍອດໂປຕຼີນທີ່ທ່ານຄວນສົນໃຈເພາະມີສານອາຫານທີ່ສຳຄັນດັ່ງນີ້:

1/ ທາດໄອໂອດິນ :  ທາດໄອໂອດິນຈະຊ່ວຍໃຫ້ທ່ານຜ່ອນຄາຍຄວາມຕືງຄຽດ, ຫຼຸດຜ່ອນອາການກັງວົນໃຈໄດ້ດີ,

 2/ ໂປຕຼິນບຳລຸງຮ່າງກາຍ :​ ຊີ້ນປາສາມາດຍ່ອຍໄດ້ງ່າຍ ເພາະເປັນຊີ້ນທີ່ມີເສັ້ນໄຍນຸ່ມກວ່າຊີ້ນສັດຊະນິດອື່ນໆ , ເຮັດໃຫ້ລະບົບຍ່ອຍອາຫານໄດ້ເຮັດວຽກໜ້ອຍລົງ, ແລະ ສາມາດທົດແທນໂປຕຼີນຈາກຊີ້ນສັດຊະນິດອື່ນ ທ່ານບໍ່ຕ້ອງກັງວົນວ່າຈະຂາດສານອາຫານ.

3/ ວິຕາມິນດີ ເພື່ອຄວາມແຂງແຮງ​:​  ຫາກທ່ານສາມາດກິນຊີ້ນ ແລະ ກ້າງປາຈະເປັນການດີທ່ີ່ສຸດ ( ໂດຍສະເພາະຜູ້ໃດທີ່ ມັກຈົ່ມ, ມັກດ່າ, ມັກເວົ້າ ຄວນກິນປາໂຕນ້ອຍກິນໝົດໂຕທັງກ້າງນຳ ເພາະປາໂຕນ້ອຍເປັນການຊ້ຽມ ) ນອກຈາກນ້ັນຊີ້ນປາຍັງຊ່ວຍບຳລຸງ ແຂ້ວ, ເລັບ, ກະດູກ ແລະ ຜົມນຳອີກ.

4/ ໂຟແທຣຊຽມ :  ເປັນທາດທີ່ຊ່ວຍເຮັດໃຫ້ອາການວິນວຽນ, ຫງຸດຫງິດດີຂື້ນ, ເຮັດໃຫ້ກ້າມຊີ້ນແຂງແຮງ ສາມາດຊວ່ຍບຳລຸງຈິດໃຈເຮັດໃຫ້ສົດຊື່ນແຈ່ມໃສ,  ໂດຍສະເພາະຄົນທີ່ມີອາການຊື່ມເສົ້າ ຄວນກິນປາໃຫ້ຫລາຍໆ.

5/  ທາດສັງກະສີ ເພື່ອຜິດງາມ :​ ທາດສັງກະສີຈະຊວ່ຍບຳລຸງຜິດພັນຂອງທ່ານໃຫ້ສົດໃສ ,​ຫລຸດຜ່ອນຮອຍຫ່ຽວແຫ້ງ ແລະ  ຈຸດດ່າງດຳໃຫ້ດີຂື້ນ.

6/ ວິຕາມິນອີ :​  ວິຕາມິນອີ ຊ່ວຍບຳລຸງຜິວພັນຂອງທ່ານໃຫ້ງາມ ໃຫ້ຄວາມຊູ່ມຊື່ນແກ່ຜິວ, ຊ່ວຍໃຫ້ບາດແຜເຊົາໄວ,  ແລະ ຍັງສາມາດປ້ອງກັນຄວາມສ່ຽງຂອງໂລກມະເຮັງອີກ ດ້ວຍ.

7/  ວິຕາມິນເອ  ປ້ອງກັນໄຂ້ຫວັດ :​  ຫາກທ່ານເປັນຫວັດງ່າຍຕອ້ງຫັນມາກິນປາຫລາຍຂື້ນ ເພາະຈະຊວ່ຍບຳລຸງປອດ ແລະ ຊວ່ຍໃຫ້ຮ່າງກາຍອົບອຸ່ນບໍ່ໃຫ້ເປັນຫວັດງ່າຍ,  ນອກຈາກນີ້ ຍັງຊ່ວຍບຳລຸງສາຍຕາ ນຳອີກ.

8/ ວິຕາມິນ ບີ1 ຫາຍໃຈສະດວກ :   ຊ່ວຍໃຫ້ທ່ານຫາຍໃຈສະດວກຂື່້ນ,​ ຊ່ວຍບຳລຸງຫວົໃຈ ,​ ເຮັດໃຫ້ຫົວໃຈເຕັ້ນຕາມຈັງຫວະທີ່ສົມບູນ,  ບໍ່ເຮັດໃຫ້ເມື່ອຍງ່າຍ ແລະ ເຮັດໃຫ້ມີສະມາທິ,  ຫລຸດຜ່ອນອາການກັງວົນ.