ພໍ່ຕູ້ ຫວັງ ອາຍຸ 70 ປີແລ້ວ ຍັງບໍ່ເຄີຍຖືກເລກຖືກຫວຍນຳເຂົາຈັກເທື່ອ ມີມື້ໜຶ່ງ ລາວກໍ່ໄປໃສ່ບາດ ຟັງເທດຟັງທຳຕາມພາສາຄົນເຖົ້າຄັນແກ່ ບາດຕອນລາວກັບບ້ານ ລາວກະຕ້ອງແວ່ຮ້ານຂາຍເລກ ຮ້ານປະຈຳຂອງລາວ ລາວຊື້ເລກຢູ່ໃບໜຶ່ງ ພໍມາຮອດເຮືອນ ລາວກໍ່ເອົາເຊັກເລກມາຝາກນຳຫຼານຊາຍໄວ້ ເພາະວ່າລາວຢ້ານລືມ ແຕ່ບັງເອີນແລງນັ້ນເລກພັດອອກໂຕທີ່ລາວຊື້ ລາວຖືກລາງວັນທີ 1 ເປັນເງິນ 60 ລ້ານກີບ ຫຼານຊາຍຂອງລາວບໍ່ກ້າບອກລາວ ເພາະວ່າ ພໍ່ຕູ້ຫວັງ ລາວເປັນໂລກຫົວໃຈ ຖ້າລາວຮູ້ວ່າລາວຖືກເລກ ຮອດ 60 ລ້ານ ລາວຕ້ອງຫົວໃຈວາຍຕາຍແທ້ໆ ຫຼານຊາຍລາວຈຶ່ງ ໄປບອກກັບຍາພໍ່ ເພື່ອໃຫ້ຍາພໍ່ຫາວິທີທາງບອກກັບລາວ ເພື່ອລາວຊິຮັບໄດ້ 

ມື້ຕໍ່ມາພໍ່ຕູ້ຫວັງກໍ່ມາໃສ່ບາດ ຕາມປົກກະຕິ  ພໍໃສ່ບາດແລ້ວໆ ຍາພໍ່ກໍ່ລອງຖາມ ພໍ່ຕູ້ຫວັງ ວ່າ :

ຍາພໍ່: ເອິ່ ອອກຫວັງ ເອີ່ຍ ຮູ້ບໍ່ ວ່າ ມື້ວານນີ້ເລກອອກຫຍັງ? (ຍາພໍ່ລອງໃຈ)

ພໍ່ຕູ້ຫວັງ: ບໍ່ຮູ້ນະຍາພໍ່!

ຍາພໍ່: ເອີ່ ອອກຫວັງ ເອີ່ຍ ຄັນເຈົ້າຖືກເລກລາງວັນທີ 1ເປັນເງິນ 60 ລ້ານ ເຈົ້າ ຊິເຮັດຫຍັງແນ່

ພໍ່ຕູ້ຫວັງ: ຄັນຖືກແທ້ໆ ລູກກະຊິ ຖະຫວາຍວັດ ຈັກ 40 ລ້ານ ນີ້ແລະ ຍາພໍ່

ຍາພໍ່: ມືແຂງ, ຕາເຫຼືອກ, ຫົວໃຈວາຍຕາຍ

ພໍ່ຕູ້ຫວັງ: ><" ?