ໃນຕອນເຊົ້າຂອງວັນທີ 1 ເມສາ 2012 ນີ້ ຢູ່ທ່ີໂຮງຮຽນວິຊາຊີບແບບປະສົມເຊເສັດ ໄດ້ຈັດຕັ້ງພິທີ
ມອບຮັບເຄື່ອງຄອມພີວເຕີ ຈາກປະເທດລາຊາອານາ
ຈັກໄທ; ເປັນກຽດກ່າວຮັບຂອງທ່ານ ບຸນເພັງ ສົມຈັນມາວົງ ຮອງຫົວໜ້າກົມອາຊີວະສຶກສາ ກະຊວງສຶກສາທິການ ແລະ ກິລາ ຂອງລາວ ແລະ ກ່າວມອບໂດຍ ທ່ານ ນາງ ສີລິພັນ ຊຸມນົມ ທ່ີປຶກສາ ກົມອາຊີວະສຶກສາ ກະຊວງ
ສຶກສາທິການ ແຫ່ງປະເທດລາຊາອານາຈັກໄທ ເຊິ່ງເປັນ
ສັກຂີພິຍານຂອງບັນດາທ່ານ ຄະນະພະແນກສຶກສາທິການ ແລະ ກິລາແຂວງ,ອຳນວຍການ ແລະ ຄູອາຈານຈາກ
ໂຮງຮຽນວິຊາຊີບແຫ່ງຕ່າງໆທັງສອງຝ່າຍຈຳນວນ 25 ທ່ານ,ຍິງ 6 ທ່ານ.
ຈຸດປະສົງຂອງການນຳເອົາເຄື່ອງຄອມພີວເຕີມາມອບຄັ້ງນີ້ແມ່ນເພື່ອປະກອບສ່ວນໃຫ້ທາງໂຮງຮຽນໄດ້ນຳໃຊ້ເຂົ້າໃສ່ການຈັດການຮຽນ-ການສອນກໍຄືເພື່ອປະກອບສ່ວນເຂົ້າໃສ່ການຈັດຕັ້ງປະຕິບັດແຜນປະຕິຮູບແຜນຍຸດທະສາດການປະຕິຮູບລະບົບການສຶກສາຊາດໃຫ້ສຳເລັດເລັດໃນປີ2015.
ເຄື່ອງຄອມພີວເຕີດັ່ງກ່າວແມ່ນໄດ້ມາຈາກບັນດາໂຮງຮຽນອາຊີວະສຶກສາແຫ່ງຕ່າງໆຂອງປະເທດລາຊາອະນາຈັກໄທ ເຊັນ: ໂຮງຮຽນອາຊີວະສຶກສາຊ່າງທອງ,ປັນຍາພິວັດທະນາ
ເທັກໂນຊູຣາກິດ,ໂຮງຮຽນອາຊີວະສຶກສາເຊກາ ບຶງການ ແລະ ຈາກກະຊວງສຶກສາທິການຂອງໄທ ມີຈຳນວນທັງ
ໝົດ10 ຊຸດ ມູນຄ່າ 126.000 ບາດໄທ ຫຼື ປະມານ 32 ລ້ານກວ່າກີບ.
ກ່ອນການມອບຮັບເຄື່ອງຊ່ວຍເຫຼືອດັ່ງກ່າວ ໃນພິທີໄດ້ຮັບຟັງບົດລາຍງານຫຍໍ້ຈາກອຳນວຍການໂຮງຮຽນເຊັ່ນ: ໃນໂຮງຮຽນມີຄູສອຍທັງໝົດ 47 ຄົນ,ຍິງ 12 ຄົນ,ນັກຮຽນ208 ຄົນ,ຍິງ 37 ຄົນ ມີຂະແໜງຮຽນທັງໝົດ 3 ສະຂາວິຊາຮຽນຄື: ໄຟຟ້າ, ກໍ່ສ້າງ ແລະ ກຳສິກຳ ຈາກນັ້ນກໍຍັງມີຝຶກອົບຮົມໄລຍະສັ້ນເຊັ່ນ: ຕັດຫຍິບ, ອາຫານ ແລະ ໂຮງແຮມ; ຕໍ່ມາກໍໄດ້ຮັບທິດຊີ້ນຳຈາກທ່ານ ບຸນເພັງ ສົມຈັນມາວົງ ຮອງຫົວໜ້າກົມອາຊີວະສຶກສາ ກະຊວງສຶກສາທິການ ແລະ ກິລາ ຂອງລາວ ເຊິ່ງທ່ານກໍໄດ້ເນັ້ນໜັ້ກຫຼາຍບັນຫາ,ບາງບັນຫາທ່ີສຳຄັນທ່ານໄດ້ເນັ້ນໃຫ້ທາງໂຮງຮຽນວິຊາຊີບແບບປະສົມເຊເສັດໄດ້ເປັນເຈົ້າການໃນການປົກປັກຮັກສາ ແລະ ນຳໃຊ້ໃຫ້ເກີດຜົນປະໂຫຍດສູງສຸດຕໍ່ວຽກງານການສຶກສາ,ສືບຕໍ່ຮັດແໜ້ນສາຍພົວພັນມິດຕະພາບທ່ີດີລະຫວ່າງສອງຊາດລາວ-ໄທ ແລະໄທ-ລາວ
ເປັນຕົ້ນແມ່ນການຊ່ວຍເຫຼືອເຊິ່ງກັນ ແລະ ກັນໃນການພັດທະນາການສຶກສາໃຫ້ແກ່ຊັບພະຍາກອນມະນຸດ ກໍຄືປະຊາຊົນສອງຊາດດັ່ງກ່າວ ພ້ອມນັ້ນທັງຝ່າຍປະເທດໄທກໍໃຫ້ຄຳໝັ້ນສັນຍາວ່າຈະສືບຕໍ່ຊ່ວຍເຫຼືອເປັນຕົ້ນແມ່ນຊ່ວຍກໍ່ສ້າງຄູສອນຂອງລາວ ເພື່ອມາພັດທະນາການສຶກສາໃນໂຮງຮຽນວິຊາຊີບແບບປະສົມເຊເສັດໃຫ້ດີຂຶ້ນໃນຕໍ່ໜ້າ.
ພິທີດັ່ງກ່າວກໍ່ໄດ້ຊິ້ນສຸດລົງໃນເວລາ 11 ໂມງ00 ນາທີ ຂອງວັນດັ່ງກ່າວ.

ໂຫວດເລີຍ! ເບິ່ງຜົນໂຫວດ

« ຕົວເລືອກສຳລັບແບບສຳຫຼວດ