ສຽງຫົວ ເປັນຢາວິເສດ, ສາມາດເຮັດໃຫ້ມະນຸດເຮົາມີອາຍຸຍືນໄປຕື່ມອີກ. ສະນັ້ນມື້ນີ້ມີສາມເລື່ອງສາມລົຊເພື່ອໃຫ້ບັນດາທ່ານໄດ້ຍິ້ມເພື່ອຕໍ່ອາຍຸ.

໑. ວັນເລືອກຕັ້ງ.

ໃນສະພາກາເຟແຫ່ງໜຶ່ງກຳລັງຖົກຖຽງບັນຫາຕ່າງໆຢ່າງເພັດຮ້ອນກ່ອນວັນເລືອກຕັ້ງ, ເພື່ອລຸດຄວາມເຄັ່ງຮ້ອນ

ທ້າວ ສາ ເລີຽຕັ້ງຄຳຖາມວ່າ:  ໃຜຈື່ໄດ້ແດ່ວ່າວັນເລືອກຕັ້ງຄັ້ງທຳອິດໃນບ້ານເຮົາແມ່ນວັນໃດ?

ທ້າວມີ ກໍ່ຕອບທັນຄວັນເລີຽວ່າ: ໃຜຊິຈື່ບໍ່ໄດ້! ເພາະວັນນັ້ນກໍ່ແມ່ນວັນເຮົາເລືອກຂໍເມັຽຄືກັນ.

໒. ລະບອບທຶນນິຍົມ

ໃນຫ້ອງຮຽນການເມືອງ ອາຈານໄດ້ຖາມນັກສຶກສາວ່າ: ລະບອບທຶນນິຍົມແມ່ນລະບອບທີ່ງຽຢູ່ຂອບໝໍ້ຂາງແຫ່ງຂຸມນະຣົກອະເວຈີ ໝາຽຄວາມວ່າແນວໃດ?

ນັກສຶກສາຜູ້ໜຶ່ງກໍ່ເລີຽຕອບໄປວ່າ: ລະບອບທຶນນິຍົມແມ່ນລະບອບທີ່ງຽຢູ່ຂອບໝໍ້ຂາງແຫ່ງຂຸມນະຣົກອະເວຈີ ໝາຽຄວາມວ່າ: ພວກເຂົາກຳລັງເບິ່ງພວກເຮົາຈະຈົມລົງສູ່ພື້ນໝໍ້ຂາງແຫ່ງຂຸມນະຣົກອະເວຈີແມ່ນເປັນຈິງແທ້ຫຼືບໍ່.

໓. ຍັງແຕ່ປະຊາຊົນ

ຄົນຂາຽໜັງສືພິມໄດ້ປ່າວເປັນສຽງໃນຮ້ານລາວເພື່ອບໍ່ໃຫ້ລູກຄ້າຖາມຍາກວ່າ:

ປະເທດລາວ ບໍ່ມີແລ້ວ!! ວຽງຈັນ ທັງສອງຢ່າງ ກະຂາຽໝົດແລ້ວ!! ຍັງແຕ່ ປະຊາຊົນ! ຊື້ບໍ ປະຊາຊົນ ຂາຽພຽງ ສອງພັນຫ້າຮ້ຽ ກີບ!!!