ຖ້າເຊື່ອວ່າຮັກທີ່ເຮົາມີຢູ່ຕ່ອນນິເປັນຮັກທີ່ເຮົາໝັ້ນໃຈ ບໍວ່າຄົນທີ່ດີກວ່າຈະເຂົ້າມາຫລາຍປານໃດ ເຮົາກໍສາມາດຈັດລົງໄປໃນລາຍຊື່ "ເພື່ອນຮ່ວມໂລກ" ໄດ້ຢ່າງສະບາຍ. ດ້ວຍໃຈທີ່ໝັ້ນຄົງກັບຄົນທີ່ເຮົາຮັກ ຍ່ອມເຮັດໃຫ້ຄວາມຮັກຂອງເຮົາເຂັ້ມແຂງໄດ້ແນ່ນອນ

 ເລື່ອງເວົ້າ ນະງ່າຍ ແຕ່ປະຕິບັດຍາກ ແມ່ນບໍ່? ຍິ່ງຖ້າມີອີກຝ່າຍຄຸກຄາມເຂົ້າມາຫລາຍປານໃດ ໃນຂະນະທີ່ເຂົາກໍດີກວ່າຄົນທີ່ເຮົາມີທຸກຢ່າງ ແບບນິມັນກໍທຳໃຈຍາກແມ່ນບໍລະ?

ແນ່ນອນວ່າເລື່ອງນິ ຕ້ອງໃຊ້  ລ້ວນໆ ເລີຍແຫລະ  ໃຈທີ່ໝັ້ນຄົງ ໃຈທີ່ເຮັດໃຫ້ເຮົາໄປຕະຫລອດ ລອດຝັ່ງ  ແລະໃຈເຂົາໃຈເຮົາ ນຶກເຖິງວ່າຖ້າເຮົາເປັນອີກຝ່າຍໜື່ງ ຄົນທີ່ຢູ່ຂ້າງເຮົາຕະຫລອດ ຜ່ານທຸກ ຜ່ານສຸກມາດ້ວຍກັນ ເຂົາບໍໄດ້ເຮັດຫຍັງຜິດເລີຍ ແຕ່ເຂົາຕ້ອງມາເສຍໃຈ ເພາະເຮົາພໍ້ຄົນໃຫມ່ທີ່ດີກວ່າມັນສົມຄວນແລ້ວ ບໍລະ

ແຕ່ສຳລັບຄົນໃດທີ່ກຳລັງຖືກອີກຝ່າຍເອົາໃຈອອກຫ່າງເພາະເຂົາພໍ້ຜູ້ໃໝ່ທີ່ດີກວ່າ ກໍຢ່າໄປ ດຶງເຂົາໄວ້. ຄູ່ກັນແລ້ວ ມັນບໍແຄ້ວຄາດກັນ ຕົບມືຂ້າງດຽວມັນບໍດັງແນ່ນອນ ຖືສະວ່າເຮົາໂຊກດີທີ່ໄດ້ຮູ້ໂຕກ່ອນ ເຮົາຈະໄດ້ເປີດໃຈໃຫ້ກັບຄົນທີ່ໃຈບໍໂລເລ ແລະດີກວ່າ(ຖ້າຜ່ານເຂົ້າມາ) ຖ້າເຂົາບໍຮູ້ຄຳວ່າ "ພໍ" ເຮົາກໍບໍຄວນເອົາໂຕເອງໄປຜູກໄວ້ນຳຄົນແບບນັ້ນ

ເຮົາພົບພໍ້ຜູ້ຄົນທີຫຼາກຫລາຍໃນຊີວິດ ບໍຈຳເປັນຈະຕ້ອງເປັນຄູ່ຊີວິດ ຫລາຍຄົນເຮັດຫນ້າທີ່ເປັນເພື່ອນ ເປັນເອື້ອຍ ເປັນອ້າຍ ເປັນນ້ອງ ໄດ້ດີກວ່າເປັນແຟນ ຫລາຍຄົນທຸ່ມເທໂຕເອງໃຫ້ກັບຮັກຄັ້ງໃຫມ່ທີ່ຄິດວ່າດີກວ່າ ແຕ່ບໍໄດ້ເປັນຢ່າງທີ່ຄິດສະເໝີໄປ ສ່ວນໜື່ງເພາະໃຈຄາດຫວັງໄວ້ສູງ ແລະສ່ວນໜື່ງກໍຕ້ອງຈົມຢູ່ກັບຄວາມຮູ້ສືກຜິດໃນໃຈວ່າໄດ້ ທຳລາຍຄົນທີ່ເຄີຍຮັກໂດຍບໍໄດ້ສົນໃຈໄຍດີ

ຄວາມຮັກເປັນເລື່ອງຂອງຈິດໃຈ ແລະອາລົມກໍຈິງ  ແຕ່ຄວາມຮັກທີ່ແທ້ຈິງນັ້ນຕ້ອງອາໃສເຫດຜົນເຂົ້າມາປະກອບດ້ວຍ ບໍສະນັ້ນມັນກໍຈະເປັນພຽງຄວາມຫລົງງົມງວາຍ ແລະສຸດທ້າຍເຮົາກໍຕ້ອງມານັ່ງເສຍໃຈພາຍຫລັງ ທຸກຢ່າງຢູ່ທີ່  ແລະ ຮັກທີ່ ແມ່ນ ກໍເຊັ່ນກັນ

ຂອບໃຈຄຳຕຳນິຕິຊົມຂອງທຸກທ່ານ

ໂຊກຊະຕາ                                         ຟ້າເປັນຜູ້ລິຄິດ

ສ່ວນຊີວິດຂອງຜູ້ຂ້າ                          ໃຜຢ່າແຫຍມ

ໂຊກຊາຕາໄດ້ພຽງແຕ່                       ເປັນຜູ້ຜູ້ແນມ

ບໍໄດ້ຂີດແຕ້ມ             ຊີວິດຂ້າ              ຫນ້າຫົວເອີຍ

ຄົນຈະງາມ             ງາມນ້ຳໃຈ               ບໍແມ່ນໃບຫນ້າ

ຄົນຈະດີ                ດີທີ່ກິລິຍາ                ບໍແມ່ນປາກຫວານ

ຄົນຈະແກ່            ແກ່ຄວາມຮູ້               ບໍແມ່ນເກີດດົນນານ

ຄົນຈະລວຍ            ລວຍສິນທານ            ບໍແມ່ນບ້ານໃຫຍ່ຫຼູຫຼາ

ຂອບໃຈຄຳຕຳນິຕິຊົມຈາກທຸກທ່ານ

1. ເຖິງຈະໃຫຍ່ຄັບຟ້າ                                           ແຕ່ກໍ່ຍັງນ້ອຍກວ່າໂລງສົບ

ຈົ່ງໂງ່ບາງໂອກາດ                                          ແລະສະຫຼາດບາງເວລາ

ເວົ້າໜ້ອຍຖ່ອມຕົນ                                            ເປັນມຸງຄນຸແກ່ຕົນເອງ 

ເກີດມາປານນີ້ຕ້ອງເອົາດີໃຫ້ໄດ້                            ຈະຕາຍຊາດນີ້ຕ້ອງຝາກດີເອົາໄວ້

2. ຢາກໄດ້ດີບໍເຮັດດີນັ້ນມີຫຼາຍ                              ດີແຕ່ຢາກຫາກບໍເຮັດມັນໜ້າອາຍ

ຢາກໄດ້ດີຕ້ອງເຮັດດີຢ່າລວດລາຍ                          ດີແຕ່ຂໍລໍແຕ່ດີບໍດີເອີຍ

3. ຊື່ສຽງກັບຕົນເອງ                                         ອັນໃດເປັນຕາຫວງແຫນຫລາຍກວ່າກັນ

ຕົນເອງກັບຊັບສົມບັດ                                         ຢ່າງໃດມີຄ່າຫລາຍກວ່າກັນ

ຮັກສາຊີວິດໄວ້ໄດ້ແຕ່ສູນເສຍທູກສິ່ງ                         ຮັກສາທຸກສິ່ງໄວ້ໄດ້ແຕ່ສີ້ນຊີວິດ ຢ່າງໃດໜ້າເສົ້າແລະເຈັບປວດຫລາຍກວ່າກັນ 

ຂອບໃຈທຸກຄຳຕຳນິຕິຊົມ

ຳວ່າຮັກມີຫຼາຍສິ່ງຫຼາຍຢ່າງເຊື່ອງຊ້ອນຢູ່ໃນນັ້ນ ອາດຈະຫວານຊື່ນ, ຂົມຂື່ນ ແລະອື່ນໆອືກທີ່ຈະເຮັດໃຫ້ຄົນເຮົາໄດ້ຮູ້ຈັກຮັກ ໄດ້ສຳພັດ ແລະຮູ້ສຶກເຖິງ... ຄວາມຮັກເລີ່ມຈາກຄວາມຄິດ ເພາະຄວາມຄິດເປັນຈຸດເລີ່ມຕົ້ນຂອງຄວາມຮັກ ຄວາມຮັກອາດເຮັດໃຫ້ຄົນເຮົາປ່ຽນແປງຄວາມຄິດໄປຈາກເດີມ ອາດເຮັດໃຫ້ຄົນເຮົາປັບປຸງໂຕເອງໃຫ້ດີຂື້ນຈາກສິ່ງທີ່ເຄີຍເຮັດຜ່ານມາເພື່ອໃຫ້ເຂົ້າກັບໃຜບາງຄົນ ຄວາມຮັກເຮັດໃຫ້ເກີດຄວາມເຄົາລົບ ຄວາມສັດທາ  ເຈົ້າຈະບໍສາມາດຮັກໃຜໄດ້ຖ້າບໍຮູ້ສຶກເຊື່ອໝັ້ນເສຍກ່ອນ ແລະຄົນທຳອິດທີ່ຕ້ອງສັດທາ ແລະເຊື່ອໝັ້ນກະຄືໂຕເອງ. ຄວາມຮັກກໍຄືການໃຫ້  ຖ້າຕ້ອງການຄວາມຮັກສິ່ງທີ່ຈະຕ້ອງເຮັດກະຄືການໃຫ້  ຍິ່ງໃຫ້ຫຼາຍ ເຈົ້າແຮ່ງຈະໄດ້ສູດລັບຂອງຄວາມສຸກ ແລະເຮັດໃຫ້ມິດຕະພາບຍືນຍາວ. ໃນຮັກແທ້ມີມິດຕະພາບເຊື່ອງຊ້ອນຢູ່ ຢາກໄດ້ຮັກແທ້ຕ້ອງຫາເພື່ອນແທ້ໃຫ້ໄດ້ເສຍກ່ອນ ການຈະຮັກກັນໄດ້ບໍພຽງແຕ່ຈະຊົບຕາ ແຕ່ຢູ່ທີ່ວ່າ ຕ່າງຄົນຕ່າງມີຫຍົັງທີ່ກົງກັນຫຼື ບໍ? ຫາກຈະຮັກໃຜຢ່າງຈິງໃຈ ເຈົ້າຄວນຈະຮັກໃນສິ່ງທີ່ເຂົາເປັນ ຈົງຮຽນຮູ້ທີ່ຈະໃຫ້ອາໄພ ແລະລືມອາດີດ ຫຼືສິ່ງທີ່ບໍດີ ຮຽນຮູ້ທີ່ຈະປົດປ່ອຍຄວາມຢ້ານກົວທີ່ຢູ່ໃນຈິດໃຈ ຊີວິດຈະປ່ຽນໄປເມື່ອເຮົາຮຽນຮູ້ທີ່ຈະເປີດໃຈໃຫ້ກ້ວາງ ແລະຊື່ສັດຕໍກັນ ລວມເຖິງການເວົ້າຈາກັບຄົນຮັກຢ່າງເປີດເຜີຍ ແລະກ້າທີ່ຈະເວົ້າຖ້ອຍຄຳພິເສດວ່າ ຂ້ອຍຮັກເຈົ້າ ໂດຍບໍຍອມປ່ອຍໃຫ້ໂອກາດລຸດລອຍໄປ ຄວນຈະບອກຮັກກ່ອນຈາກກັນທຸກຄັ້ງສະເໝີ  ແກ່ນແທ້ຂອງຄວາມຮັກຄືການໄວ້ໃຈກັນ ຖ້າເຈົ້າບໍເຊື່ອໃຈກັນ ໃຜຄົນໜື່ງຈະຮູ້ສຶກລະແວວງ ກັງວົນ ແລະຫວັນໄຫວ ຂະນະທີ່ອືກຝ່າຍໜື່ງຈະຮູ້ສຶກອຶດອັດໃຈ ທີ່ສຳຄັນເຈົ້າບໍອາດຮັກໃຜທີ່ແທ້ຈິງໄດ້ຖ້າເຈົ້າບໍໄວ້ໃຈເຂົາຄົນນັ້ນຢ່າງແທ້ຈິງ

ຂອບໃຈສຳຫຼັບຄຳຕຳນິຕິຊົມ

ທ້າວ ກຳໄປກິນອາຫານແລງຢູ່ຮ້ານອາຫານລາຄາຖືກໆແຫ່ງໜື່ງ. ທີ່ຮ້ານອາຫານດັງກ່າວເຂົາບັງເອີນພົບກັໜໝູ່ເກົ່າຄົນໜື່ງ

ທ້າວ ຊຽງ ເຊິ່ງເປັນຄົນເສີບ ອາຫານຢູ່ທີ່ນັ້ນ

ທ້າວ ກຳ: ຊຽງ ໂອ ! ໂຕບໍອາຍຊາດ ບ້ານເພິນຫວາ ທີ່ມາເສີບອາຫານ ຢູ່ຮ້ານອາຫານຊັ້ນຕ່ຳໆ ແບບນິ

ຊຽງຕອບຄືນ ຢ່າງໃຈເຢັນ: ເຮົາເຮັດວຽກຢູ່ຮ້ານອາຫານຊັ້ນຕຳ່ໆ ແນວນິ ກໍ່ຈິງ ແຕ່ເຮົາບໍໄດ້ ກິນອາຫານ ຢູ່ຮ້ານອາຫານຊັນຕ່ຳໆ ແບບນິຄືໂຕໄດ໊

ທ້າວກຳ: .........!!!!!!!!?????????

ຈົບ ຮອດໝ້ອງຫົວລະເດີ !!!!!!!!!!

ພໍ່ເຖົ້າ ກັບລູກເຂີຍ ນັ່ງກິນເຂົານຳກັນ ແລະກະລົມກັນຕາມປະສາ ຄົນຢູ່ເຮືອນຫຼັງດຽວກັນ

ລູກເຂີຍ: ພໍ່ ຕ່ອນສະໄໝພໍ່ເປັນທະຫານ ພໍ່ກະມີປະຊົບການທີ່ ສ໊ຽວໆ ຢູ່ ເບາະ ແບບວ່າລອດຕາຍແບບ  ວຸດວິດຫ້ານ ນະ

ພໍ່ເຖົ້າ: ໂອຍ ພໍ່ລະບໍຢາກເວົ້າ ມັນມີຫຼາຍໂພດ ນາ

ລູກເຂີຍ: ໜ້ອຍໜື່ງກະຍັງດີື ໄດ໊ ເພື່ອລູກຫຼານຈະໄດ້ເອົາເປັນບົດຮຽນ

ພໍ່ເຖົ້າ: ມີຢູ່ຕ່ອນໜື່ງສັດຕູມາປິດລ້ອມໝົດ ອອກໄປໃສ່ກະບໍໄດ້ ສຸດທ້າຍມີແຕ່ພໍ່ຄົນດຽວ

ລູກເຂີຍ: ໂອະ ພໍ່ລອດຕາຍຄົນດຽວ ແມ່ນ ບໍ

ພໍ່ເຖົ້າ : ບໍແມ່ນ ໃນກອງຮ້ອຍນະ ໝົດທຸກຄົນ ລຸກຂື້ນປະຈັນບານກັບສັດຕູ ມີແຕ່ພໍ່ຄົນດຽວທໍ່ໜັ້ນ ທີ່ໝູບຕິດກັບດິນຢູ່

ລູກເຂີຍ: ....​!!!!!! ???

ຄົນຂໍທານເຄາະປະຕູເຮືອນທິດຝອຍ ແລະກະເວົ້າ ວ່າ

ຄົນຂໍທານ: ຂໍເງິນແດ່ທ້ອນ

ທິດຝອຍ: ຂ້ອຍບໍມີເງິນ

ຄົນຂໍທານ:​ ກະຊັ້ນ ... ອາຫານກະໄດ້

ທິດຝອຍ: ຂ້ອຍບໍມີອາຫານເຫຼືອ

ຄົນຂໍທານ:​ ຊັ້ນ ຂະນ້ອຍ ຂໍສົ້ງເສື້ອເກົ່າກະໄດ້

ທິດຝອຍ: ສົ້ງເສື້ອເກົ່າ ຫຼືໃໝ່ຂ້ອຍກະບໍມີ

ຄົນຂໍທານ: ຖ້າເປັນແນວນັ້ນ .... ທ່ານຕ້ອງມາກັບຂ້ານ້ອຍ ແລະພາກັນໄປຂໍທານນຳກັນ

ທິດຝອຍ: .................​!!!!!!!!!!!!