ມີຍິງຊາຍຄູ່ຮັກໜຶ່ງທີຮັກກັນຢ່າງສະນິດສະໜົມ

ແຕ່ລະວັນ ຄູ່ຮັກນີ້ເຄີຍໄປຊົມທີວທັດພາບຫົວຄ່ຳທີແຄມຂອງ

ພາກັນຊົມແສງຈັນ ແລະນັບໝູ່ດາວເທິງທ້ອງຟ້າຢ່າງບໍ່ຮູ້ເບື່ອເລີຍ

 ມີວັນໜຶ່ງ ໂຊກບໍ່ດີ ມີອຸປະຕິເຫດຈໍລະຈອນທີໜັກໜ່ວງໄດ້ເກີດຂຶ້ນ

 ຍິງສາວຄົນນີ້ຖຶກບາດເຈັບຢ່າງໜັກ ນາງໄດ້ນອນຢ່າງງຽບໆເທິງຕຽງ

ທີ່ໂຮງພະຍາບານ ແຕ່ລະວັນ ຄູ່ຮັກຊາຍໜຸ່ມຄົນນີ້

ໄດ້ນັ່ງເຝົ້າຢູ່ຂ້າງຕຽງແລ້ວຮອ້ງປຸກຄົນຮັກຂອງຕັນທີນອນຍ່າງບໍ່ຮູ້ເມືອຄີງນັ້ນ

   ແຕ່ລະວັນ ຊາຍໜຸ່ມກໍແລ່ນເຂົ້າວັດແຫ່ງໜຶ່ງທີໃກ້ໂຮງພະຍາບານ ແລ້ວອະທິຖານ

 ໜຶ່ງເດືອນຜ່ານໄປ ນາງຍັງນອນລັບຢູ່ຢ່າງບໍ່ຮູ້ເມືອຄີງ ຊາຍໜຸ່ມຮອ້ນຮົນໃຈເໝືອນກັບ

ແມງມົດຕົວໜຶ່ງທີຢູ່ໃນໝໍ້ຂາງໃຫ່ຍທີ່ພວມຖຶກໄຟເຜົ່າຮອ້ນຂຶ້ນ ເຖິງຢ່າງໃດຊາຍກໍຍັງສືບຕໍ່

ໄປໃຫ້ຄວາມອະທິຖານຢ່າງບໍ່ຂາດວັນ

ຈົນກ່ວາມີມື້ໜຶ່ງ ພະພຸດທະເຈົ້າກໍມີຄວາມເມດຕານຳຊາຍຄົນນີ້

ແລ້ວມາປະກົດຕົວເວົ້ນຳຊາຍໜຸ່ມວ່າ; ພະອົງສາມາດສົ່ງກຳລັງແຮງໃຫ້ນາງຮູ້ເມືອຄີງຄືນໄດ້

ແຕ່ໃຕ້ເງຶ່ອນໄຂທີວ່າ;

“ເຈົ້າເອງຕອ້ງປ່ຽນຕົວກາຍເປັນແມງກະບີ້ເປັນເວລາສາມປີ ເຈົ້າຍິ່ນດີຮັບໄດ້ບໍ”?

 ຊາຍໜຸ່ມຕອບ; “ຜູ່ຂ້າຍິ່ນດີ”

  ເຊົ້າມື້ໃໝ່ມາ ຊາຍໜຸ່ມໄດ້ກາຍເປັນແມງກະບີ້ ແລ້ວຟ້າວບິນໄປໂຮງໝໍເບິ່ງນາງ

ໜ້າອັດສະຈັນ ນາງມືນຕາຂຶ້ນແລ້ວ ຄຽງຂ້າງນາງມີທ່ານໝໍຊາຍໜຸ່ມຄົນໜຶ່ງພວມເວົ້າລົມ

ກັບນາງຢູ່

     ບໍ່ເທົ່າໃດວັນ ສຸກະພາບຂອງນາງໄດ້ຟຶ້ນຟູຄືນ ແລ້ວກໍອອກພະຍາບານໄປ

ແຕ່ນາງບໍໄດ້ພູມໃຈພໍໜອ້ຍດຽວເລີຍ ເພາະນາງບໍເຫັນໜ້າແຟນຮັກຕົນ  

ນາງຖາມຫາໃຜ ກໍບໍ່ມີໃຜຮູ້ເລີຍວ່າ  ຊາຍໜຸ່ມຄົນນີ້ຫາຍຕົວໄປໃສ  

ນາງຈະຮູ້ໄດ້ຈັ່ງໃດ ແມງກະບີ້ທີ່ບິນອອ້ມຕົນຢູ່ນັ້ນ ແມ່ນການປ່ຽນຕົວຂອງແຟນຮັກຕົນ

ເຕັມທີທີ່ແມງກະບີ້ຮອ້ງບໍ່ອອກສຽງ ໄດ້ແຕ່ພຽງໄປຈັບຕອມບ່ານາງຢ່າງງຽບໆເທົ່ານັ້ນ

   ບໍ່ດົນລະດູໃບໄມ້ລົ່ນວຽນເຂົ້າມາ ແມງກະບີ້ຈຳຕອ້ງຫ່າງຈາກນາງໄປ

 ພັບຕາດຽວ ລະດູບານໃໝ່ມາຮອດແລ້ວ ແມງກະບີ້ຮີບຟ້າວບິນກັບມາຫາແຟນຮັກຂອງຕົນ

ໃນຂະນະນີ້  ເຫັນວ່າຄຽງຂ້າງນາງໄດ້ປະກົດມີຊາຍຄົນໜຶ່ງສູງໆໂກ້ໆມາຢືນຢູ່ ນີ້ຄືທ່ານໝໍ

ທີໃຫ້ຄວາມປິ່ນປົວນາງນັ້ນເອງ ເບິ່ງແລ້ວຈິດອາລົມຂອງນາງກໍຄືວ່າ ມີຊີວິດຊີວາຄືນປົກະຕິ

 ຕໍ່ມາຫຼາຍໆວັນ ກໍພົບເຫັນທ່ານໝໍຄົນນັ້ນໄດ້ຈູງແຂນແຟນຕົນເອງ ຍ່າງເລາະຕາມຮອ່ງຮອຍ

ທີຕົນກັບນາງເຄີຍເລາະ

 ຮູ້ສຶກວ່າ ລະດູຮອ້ນປີນີ້ ຄືມາຍຶດຍາວເອົາແທ້

 ແຕ່ລະເທື່ອທີພົບເຫັນຮູບຊົງການໂອ້ລົມ

ສຽງຫົວຈາກຊາຍທ່ານໝໍກັບແຟນຕົນ ພາໃຫ້ແມງກະບີ້ເຈັບໃຈຢ່າງຍິ່ງ

ໃນສາຍຕາແມງກະບີ້ແລ້ວ ເຄີຍຖະໜອມຮັກແພງກັນກັບນາງມານັ້ນ ໄດ້ກາຍເປັນ

ອາດີດຂອງນາງໄປແລ້ວ ຄືວ່ານາງບໍ່ເຄີຍໃຫ້ຄວາມເມດຕາຢ່າງໃດຕໍ່ແມງກະບີ້ເລີຍ

 ປີທີສາມໝູນວຽນເຂົ້າມາ ກຳນົດການເປັນຊີວິດແມງກະບີ້ກໍໃກ້ຈະສິ້ນສຸດ

ໃນມື້ສຸດທ້າຍ ແຟນຂອງຕົນ ຈະຈັດງານວີວາຂຶ້ນກັບຊາຍທ່ານໝໍຄົນນັ້ນແລ້ວ

ແມງກະບີ້ກໍ່ບິນເຂົ້າຫ້ອງຈັດງານແຫ່ງນັ້ນ ແລ້ວໄດ້ຍິນສຽງຄຳປະຕິຍານຕໍ່ກັນ

ຂອງຄູ່ສົມຣົດໃໝ່ ຈາກນັ້ນກໍ່ເຫັນ ທ່ານໝໍຄົນນັ້ນໄດ້ສຸບແວ່ນມືເຂົ້າໃສ່

ນີ້ວມືຂອງຄົນທີຕົນເຄີຍຮັກມາ ແລ້ວຈູບຫອມແກ້ມນາງຢ່າງສຸກໃຈ

  ພາບເລົ່ານີ້ພາໃຫ້ແມງກະບີ້ເຈັບໃຈຢ່າງເຫຼືອທົນ ແລ້ວຫຼັ່ງນ້ຳຕາລົງ

ໃນຂະນະນີ້ ພະພຸດທະເຈົ້າໄດ້ມາປະກົດຕົວ ແລ້ວຖາມແມງກະບີ້ວ່າ;

“ທ່ານກິນແໜ່ງແລ້ວຊັ້ນບໍ”?

ແມງກະບີ້ເຊັດນ້ຳຕາແລ້ວຕອບວ່າ; “ບໍ ບໍ່ເຄີຍກິນແໜ່ງເລີຍ”

ພະອົງເວົ້າຕໍ່ອີກວ່າ; “ມື້ອຶ່ນນີ້ ເຖິງເວລາແລ້ວທີ່ເຈົ້າຈະກັບຄືນເປັນຕົວເຈົ້າເອງ”

ແມງກະບີ້ແກວ່ງຫົວແລ້ວເວົ້າວ່າ;

“ຜູ່ຂ້າຍິ່ນດີທີຈະສຶບຕໍ່ເປັນແມງກະບີ້ຕະຫຼອດຊີວິດ........”

ໃນຊີວິດຕົວຈິງຂອງຄົນເຮົາ ມີໂອກາດພົບຮັກ ແຕ່ບາງເທື່ອບໍ່ໝາຍຄວາມວ່າ

ຈະໄດ້ເປັນຄູ່ຮັກຮວ່ມຊີວິດພອ້ມກັນຕະຫຼອດ

ຖ້າທ່ານໃດຫາກມີຄົນຮັກໃນຫົວໃຈຢູ່ແລ້ວ ຄວນຖະໜອມຮັກກັນແລະກັນໄວ້ເດີ

ພິເສດ ແຕ່ນີ້ຕໍ່ໄປ ຫາກທ່ານໃດພົບເຫັນແມງກະບີ້ແລ້ວ ຢ່າໄລ່ຕີຂ້າເພີ່ນເດີ

                        ຈົບ

ບໍ່ເທົ່າໃດວັນ ກໍຈະຮອດວັນແຕ່ງງານຄົບຄອບ ຫ້າປີ

ອີ່ເມຍເພີ່ນຢາກໄດ້ ແວ່ນມືເພັດລາຄາແພງໆນັ້ນ

ເມຍຈິ່ງໄດ້ເວົ້າຕໍ່ຜົວວ່າ: “ໂອຍ! ອ້າຍ ມື້ຄືນນີ້ ນອ້ງຝັນເຫັນວ່າ ອ້າຍໄດ້ຊື້ແວ່ນມືເພັດປັກໃຫ່ຍໆໃຫ້ນອ້ງໃນວັນລະນຶກແຕ່ງງານຄົບຮອບ ຫ້າປີ ຊິມາເຖິງນີ້ວ່າຊັ້ນ”

ອ້າຍຜົວເພີ່ນທຳໃບໜ້າຍິ້ມໆແລ້ວຕອບວ່າ: “ຄວາມຝັນທີສອຍງາມທີມີຕໍ່ວັນລະນຶກອັນສຳຄັນຂອງເຮົາສອງນີ້ ອ້າຍຈະບໍ່ໃຫ້ນອ້ງເສຍຫວັງດອກ”

ເມື່ອມາເຖິງວັນລະນຶກແລ້ວ ຜົວເພີ່ນກໍໄດ້ມີຫໍ່ຂອງຂວັນທີ່ປະດັບເອ້ຢ່າງງາມໆ ມາມອບໃຫ້ເມຍ

ເມື່ອເມຍເພີ່ນໄດ້ຮັບຂອງຂັວນກໍດີໃຈ ແລ້ວມາຈູບແກ້ມອ້າຍຜົວຢ່າງປະທັບໃຈເພື່ອສະແດງຄວາມຂອບໃຈທີ່ຜົວຮູ້ໃຈຕົນເອງ

 ຕໍ່ມາ ຫຼັງຈາກເມຍໄດ້ໄຂຫໍ່ຂອງຂວັນນັ້ນເບິ່ງແລ້ວ ມີໜ້າຕາປ່ຽນແປງທັນທີເລີຍ

     ມາຮອດນີ້ ທ່ານຜູ່ອ່ານຈົ່ງເດົາເບິ່ງວ່າ ຂອງຂັວນຈາກຜົວນີ້ ແມ່ນຫຍັງກັນແທ້?

      ບໍ່ແມ່ນແວ່ນມືເພັດ 

     ແມ່ນປື້ມຫົວໜຶ່ງ       ປຶ້ມຫຍັງນໍ?

     ນາມປຶ້ມນີ້ ຊື່ວ່າ  ປຶ້ມແກ້ຄວາມຝັນ

ສົມມຸດວ່າ ໃນໂລກນີ້ ເຫຼືອແຕ່ທ່ານແລະແຟນຂອງທ່ານ ພຽງສອງຄົນເທົ່ານັ້ນ

ແລະຂອງກິນກໍເຫຼືອພຽງເຂົ້າຄຳສຸດທ້າຍເທົ່ານັ້ນ ຄົນທີກິນເຂົ້າຄຳສຸດທ້າຍນີ້

ຈະມີຊີວິດຫຼາຍກ່ວາຜູ່ທີບໍໄດ້ກິນສາມວັນ

ໃນກໍລະນີນີ້ ເຂົ້າຄຳສຸດທ້າຍນັ້ນ ທ່ານຈະໃຫ້ແຟນກິນ? ຫຼື ຕົນເອງກິນ? ຍອ້ນເຫດໃດ?

ໃຫ້ຄຳຕອບຕົນເອງແລ້ວ ຈຶ່ງເລື່ອນລົງໄປເບິ່ງຄຳຕອບ

ເຂົ້າຄຳສຸດທ້າຍນີ້ ແບ່ງກິນຄົນລະເຄິ່ງ ເພາະມີແຕ່ເຮັດຈັ່ງຊັ້ນ ຄູ່ຮັກທັງສອງຈຶ່ງຈະສິ້ນລົມຫາຍໃຈໃນເວລາດຽວກັນພອ້ມກັນໄດ້

ຈົດໝາຍຂຽນໃຫ້ຍິງສາວຜູ່ທີ່ຈະເປັນເມຍໃນອານາຄົດຂອງເຮົາ

ນອ້ງທີຮັກຂອງອ້າຍ ເຖິງວ່າໃນປະຈຸບັນພວກເຮົາຕ່າງກໍບໍຮູ້ຈັກກັນ ວ່ານອ້ງແມ່ນໃຜ ແລະອ້າຍແມ່ນໃຜ ແລະບໍຮູ້ຮອດວ່າໃຜຢູ່ໃສ ເຮົາຕ່າງກໍບໍເຄີຍເຫັນໜ້າກັນມາກ່ອນກໍເປັນໄປໄດ້ ຫຼືເຮົາຢູ່ຄຽງຂ້າງກັນກໍເວົ້າບໍຊ່າງ

ແຕ່ອ້າຍເຊື່ອແນ່ຢ່າງໝັ້ນໃຈວ່າ ພະເຈົ້າເທິງຟ້າຈະສົ່ງພອນແລະມາສ້າງໂອກາດ ແນະນຳໃຫ້ພວກເຮົາຮູ້ຈັກກັນໃນວັນໃດວັນໜຶ່ງ

ວິນາທີ ທີ່ສອງເຮົາຈະເລິ່ມພົບໜ້າກັນນັ້ນ ຈະມີຄວາມໝາຍວ່າ ຊີວິດນີ້ເໝືອນກັບວ່າດອກໄມ້ທີ່ພວມເບັ່ງບານເພື່ອໃຫ້ສອງເຮົາໄດ້ເປັນຄູ່ກັນ

ແລະຄ່ຳຄືນທີມິດງຽບເປົ່າປ່ຽວດຽວດາຍນັ້ນຈະເຖິງຈຸດຈົບ ໃບໜ້າອັນແຍ້ມຫວານຂອງນອ້ງ ກໍຈະປະກົດຕົວຂຶ້ນມາໃນມັນສະໝອງຂອງອ້າຍຢ່າງຕະຫຼອດ ສວຍງາມສົດໃສຢ່າງສຸດຍອດເລີຍ ເໝືອນກັບວ່າສັງຂານໄດ້ເລື່ອນຜ່ານແມ່ນ້ຳແຫ່ງຊີວິດ ແລະນ້ອງນັ້ນຄືຕົ້ນງີ້ວແຄມແມ່ນ້ຳທີມີໃບຂຽວອ່ອນ ແລະເຕັມໄປດອ້ຍດອກໄມ້ທີມີສີບົວ

ມີແຕ່ພະເຈົ້າເຖິງຟ້າເທົ່ານັ້ນ ຈຶ່ງຮູ້ວ່າເມືອໃດນອ້ງຈຶ່ງໄດ້ມາແນບກາຍອ້າຍ ທີຮັກເອີຍ ອ້າຍຈະຄອງລໍຖ້ານ້ອງຈົນເຖິງວັນນັ້ນ

  ຮັກເອີຍ ອ້າຍຈະໃຊ້ທຸກສິ່ງທີມີໃນຊີວິດເພື່ອຖະໜອມຮັກນອ້ງ ແພງນອ້ງ ອ້າຍຈະບໍ່ອານຸຍາດໃຫ້ຮັກໃດໃນໂລການີ້ຫວານລື່ນຮັກຂອງສອງເຮົາ ຈິງແທ້ດາຍ

ອ້າຍຈະມອບຈົດໝາຍກ້ານນີ້ໃຫ້ນອ້ງໃນມື້ວັນວີວາຂອງເຮົາສອງ ແລະຂໍນອ້ງຈົ່ງຮັກສາໄວ້ຈົນເທົ້າໃດໆເດີ

  ຈາກ ຜູ່ຈະເປັນສາມີຂອງນ້ອງ