ຄົນທີ່ຍັງປ່ອຍໃຫ້ອະດີດທີ່ປວດຣ້າວມາທຳຮ້າຍຊີວິດໃນປັດຈຸບັນໄດ້ກໍ່ຄືຄົນທີ່ຍັງບໍ່ທັນຮູ້ສຶກຕົວ

ສຳລັບຄົນທີ່ຮູ້ສຶກຕົວຢູ່ສະເໝີບໍ່ມີທາງ ຫລື ເປັນໄປບໍ່ໄດ້ເລີຍທີ່ຄົມມີດໃນອະດີດຈະກີດໃຈໃຫ້ເຈັບປວດ

ຄຳວ່າຮູ້ສຶກຕົວບໍ່ໄດ້ໝາຍຄວາມຕື້ນໆແຄ່ການຮູ້ສຶກຕົວຢູ່ທຸກມື້ທຸກວັນຂອງຄົນທີ່ຍັງບໍ່ຫລັບ ບໍ່ເມົາ ບໍ່ສົມປະກອບ

ແຕ່ໝາຍເຖິງການມີສະຕິຕະຫລອດເວລາທີ່ຄິດ ເວົ້າ ກະທຳ  ຜູ້ທີ່ຄິດກໍ່ຮູ້ວ່າກຳລັງຄິດ ເວົ້າກໍ່ຮູ້ວ່າກຳລັງເວົ້າ

ກະທຳກໍ່ຮູ້ວ່າກຳລັງກະທຳ ຍ່າງກໍ່ຮູ້ວ່າກຳລັງຍ່າງ

ສະຕິຄົມຊັດຢູ່ຕະຫລອດເວລາທີ່ຕາຕື່ນ ກາຍເຄື່ອນໄຫວ ໃຈຄຸ່ນຄິດ ຈົນກະທັ່ງສາມາດທີ່ຈະຄິດຢ່າງປານີດ

ເວົ້າຢ່າງປານີດ ແລະ ກະທຳຢ່າງປານີດ ໂດຍອັດຕະໂນມັດ

ຈົນເຖິງຂັ້ນທີ່ໃຈບໍ່ລ່ອງລອຍໄປໃນເລື່ອງທີ່ຄິດ ຈິດທີ່ທຳ ຄຳທີ່ເວົ້າ ຫາກແຕ່ມີສະຕິເຕັມຢູ່ຕະຫລອດເວລາ

ໃນລັກສະນະໂຕຢູ່ໃສ ໃຈຢູ່ຫັ້ນ

ເຮັດໄດ້ຢ່າງນີ້ຈຶ່ງເອີ້ນວ່າເປັນຄົນທີ່ຮູ້ສຶກຕົວ ຄົນທີ່ມີຄວາມຮູ້ສຶກຕົວຢ່າງນີ້ ອາດຈະເອີ້ນອີກຢ່າງໜຶ່ງວ່າ

ຄົນທີ່ຕື່ນຮູ້ ກໍ່ໄດ້

ເມື່ອຕື່ນຮູ້ອະດີດກໍ່ລ່ວງເຂົ້າມາໃນຄວາມຄິດບໍ່ໄດ້ ໃນໃຈຈຶ່ງມີແຕ່ຄວາມຮູ້ສຶກຕົວ ຢູ່ໃນເວລາປັດຈຸບັນເທົ່ານັ້ນ

ການເຮັດໄດ້ແນວນີ້ ຄືວິທີທີ່ຄວາມຫລັງບໍ່ມີທາງທີ່ຈະເກາະແກະກັບຈິດໃຈໄດ້ອີກເລີຍ

ຢ່າລືມຖາມວ່າຄວາມຂາດສະຕິຄືຢາຊຸບຊີວິດຊັ້ນດີຂອງຄວາມບາບໃນອະດີດ

ແລະ ຄວາມຮູ້ສຶກຕົວກໍ່ຄືມີດຜ່າຕັດທີ່ສາມາດຢຸດອະດີດເອົາໄວ້ບໍ່ໃຫ້ມີຕົວຕົນ

ຖ້າມີຕັ້ງແຕ່ 5 ຂໍ້ຂຶ້ນໄປ........ສະແດງວ່າຜູ້ອ່ານກຳລັງມີຄວາມຮັກ

1. ເມື່ອໃດກໍ່ຕາມທີ່ເຈົ້າຢາກລົມກັບເຂົາ...ແຕ່ບໍ່ກ້າເອີ່ຍປາກ

2. ເມື່ອໃດກໍ່ຕາມທີ່ເຈົ້າຢູ່ໃກ້ໆເຂົາແລ້ວມີຄວາມສຸກ

3. ເມື່ອໃດກໍ່ຕາມທີ່ເຈົ້າຢາກເຫັນໜ້າເຂົາທຸກເວລາ

4. ເມື່ອໃດກໍ່ຕາມທີ່ເຈົ້າຢາກຕາມເຂົາໄປທຸກຫົນທຸກແຫ່ງ

5. ເມື່ອໃດກໍ່ຕາມທີ່ເຈົ້າແອບມອງເຂົາເວລາເຜີ

6. ເມື່ອໃດກໍ່ຕາມທີ່ເຈົ້າແອບຍິ້ມຊື່ນຊົມເຂົາຢູ່ຫ່າງໆ

7. ເມື່ອໃດກໍ່ຕາມທີ່ເຈົ້າບໍ່ກ້າສົບຕາເຂົາມື່ອເຈິກັນ

8. ເມື່ອໃດກໍ່ຕາມທີ່ເຈົ້າຢາກໃຫ້ເຂົາມີຄວາມສຸກ...ໂດຍລືມເບິ່ງໂຕເອງ

9. ເມື່ອໃດກໍ່ຕາມທີ່ເຈົ້າຫົວໃຈເຕັ້ນຣົວ...ແລະທຳຕົວບໍ່ຖືກ...ເວລາເຈິເຂົາ

10. ເມື່ອໃດກໍ່ຕາມທີ່ເຈົ້າຄິດເຖິງເຂົາຕະຫລອດເວລາ

11. ເມື່ອໃດກໍ່ຕາມທີ່ເຈົ້າເຫັນເຂົາສະໜຸກສະໜານຢູ່ກັບຄົນອື່ນແລ້ວເຈົ້າຢາກເຂົ້າໄປຮ່ວມວົງນຳ

12. ເມື່ອໃດກໍ່ຕາມທີ່ເຈົ້າຢາກຈະດູແລເຂົາໄປຕະຫລອດການ

13. ເມື່ອໃດກໍ່ຕາມທີ່ເຈົ້າຮັບເຂົາໄດ້ໃນທຸກຢ່າງທີ່ເປັນຕົວເຂົາ...ບໍ່ຄິດທີ່ຈະປ່ຽນແປງຂໍ້ບົກຜ່ອງຂອງເຂົາ

14. ເມື່ອໃດກໍ່ຕາມທີ່ເຈົ້າຢາກຄອບຄອງເຂົາໄວ້ຄົນດຽວ

15. ເມື່ອໃດກໍ່ຕາມທີ່ເຈົ້າມີກັນແລະກັນ...ແລ້ວບໍ່ຄິດທີ່ຈະມອງຫາຄົນໃໝ່ທີ່ດີກວ່າ

.....ຂ້ອຍວ່າເຈົ້າຮັກເຂົາແລ້ວ.....ເຊື່ອເທາະ.....

1. ຢ່າ​ຝືນ​ໃຈ​ຮັກ​ຖ້າ​ມັນ​ບໍ່​ແມ່ນ

ບໍ່​ມີ​ປະ​ໂຫຍ​ດອັນ​ໃດ

ທີ່​ຈະ​ຄົບ​ໃຜ​ພຽງ​ແຕ່​ເພາະ

ຢາກ​ຈະ​ມີ​ໃຜ​ຈັກ​ຄົນ

2. ຢ່າ​ປ່ຽນ​ແປງ​ຕົວ​ເອງ​ພຽງ​ເພື່ອ​ໃຫ້​ເຂົາ​ມາ​ຮັກ

ວັນ​ໜຶ່ງ​ເຈົ້າ​ຈະ​ຮູ້ສຶກ​ເມື່ອຍ

​ເພາະ​ຄວາມ​ຮັກ​ທີ່​ບໍ່​ເປັນ​ຕົວ​ຂອງ​ຕົວ​ເອງ

3. ​ໃຜ​ທີ່​ບອກ​ວ່າ​ຮັກ​ເຈົ້າ

​ແລ້ວ​ພະຍາຍາມ​ຈະ​ປ່ຽນ​ເຈົ້າ

ດຶງ​ເຈົ້າ​ໃຫ້​ເດີນ​ຕາມ​ທາງ​ຂອງ​ເຂົາ​

ເຂົາບໍ່​ໄດ້​ຮັກ​ເຈົ້າ​ແທ້​ດ໋ອກ…​ເຂົາ​ຮັກ​ໂຕ​ເຂົາ​ເອງ

4. ຢ່າ​ບອກ​ວ່າ​ຮັກ…

ຖ້າ​ບໍ່​ສາມາດ​ສົບ​ຕາ​ເຂົາ​ຢ່າງ​ບໍລິສຸດ​ໃຈ​ໄດ້

ຖ້າ​ເຈົ້າ​ບໍ່​ຮູ້ສຶກ​ວູບວາບ​ເວລາ​ຢູ່​ໃກ້ໆ

ຢ່າ​ປ່ອຍ​ໃຫ້​ສິ່ງ​ທີ່​ດີ​ທີ່​ສຸດ​ສຳລັບ​ເຮົາ​ຫລຸດ​ລອຍ

5. ຢ່າ​ປ່ອຍ​ໃຫ້​ໃຜ​ຄົນ​ໃດ​ຄົນ​ໜຶ່ງ​ຮ້ອງ​ໃຫ້

ທັ້ງໆ​ທີ່​ອີກ​ຄົນ​ໜຶ່ງ​ກຳລັງ​ຍິ້ມ

ຢ່າ​ປ່ອຍ​ໃຫ້​ຄົນ​ໃດ​ຄົນ​ໜຶ່ງ​ເວົ້າ

ທັ້ງໆ​ທີ່​ອີກ​ຄົນ​ໜຶ່ງບໍ່​ຕ້ອງການ​ຟັງ

6. ຢ່າ​ລືມ​ວັນ​ແລກໆ​ທີ່​ເຮົາ​ຮູ້ສຶກ​ກັບ​ຄົນໆ​ນີ້

​ເຂົາ​ເປັນ​ຄົນ​ທີ່​ດີ​ທີ່​ສຸດ​ແລ້​ວສຳລັບ​ເຮົາ

ພະຍາຍາມ​ຮັກສາ​ເຂົາ​ໄວ້

​ເພາະ​ເມື່ອ​ເຂົາ​ຫລຸດ​ລອຍ​ໄປ​ແລ້ວ

​ເຮົາ​ຈະ​ບໍ່​ສາມາດ

ຮຽກ​ຄວາມ​ຮູ້ສຶກ​ຕ່າງໆ​ກັບ​ມາ​ໄດ້​ອີກ

7. ຢ່າ​ຖິ້ມ​ຫົວ​ໃຈ​ຂອງ​ເຈົ້າ​ໄວ້​ກັບ​ອະດີດ

ຢ່າ​ຄິດ​ວ່າ​ບໍ່​ມີ​ມື້​ອື່ນ

ຢ່າ​ລືມ​ບົດຮຽນ​ຂອງ​ມື້ວານ

ຈົ່ງ​ປ່ອຍ​ໃຫ້​ຊີວິດ​ດຳ​ເນີນ​ຕໍ່​ໄປ

8. ລອງ​ກ້າວ​ເດີນ​ຕໍ່​ໄປ

ບາງທີ​ເຈົ້າ​ອາດ​ຈະ​ເຈິ​ຈຸດໝາຍ

ທີ່​ເຈົ້າ​ຄົ້ນ​ຫາ​ມາ​ຕະຫລອດ​ຊີວິດ

Cake ແລະ ທຽນໄຂ ມອບໃຫ້ແກ່ເຈົ້າ
ຂ້ອຍເຫັນເຈົ້າເຫງົາ ນັ່ງເສົ້າດຽວດາຍ
ກ່ອນວັນເກີດເຈົ້າຈະກາຍ ໄປເປັນມື້ອື່ນ
ຂໍເຈົ້າຈົ່ງຊື່ນ ມືນຕາຫາຍເຫງົາ

ວັນເກີດຂອງເຈົ້າ ເຂົາອາດບໍ່ຮູ້
ເຂົາອາດມີຄູ່ ຢູ່ສຸກສົມໃຈ
ນ້ຳຕາເຈົ້າໄຫຼ ຂ້ອຍຂໍເຊັດໄຫ້
ເປົ່າໄຟທຽນໄຂ ຈາກໃຈຂ້ອຍ ​ເຖິງໃຈເຈົ້າ

ເປົ່າເຖີດເຈົ້າເປົ່າ ຫລັບຕາຄຶດຫາຮັກແທ້
ຄືດຫາຄົນຄອຍ care ຄົນຄອຍເອົາໃຈໃສ່
ຄົນເອົາ cake ແລະ ທຽນໄຂ ມາໃຫ້ເຈົ້າ​ເປົ່າສຸກໃຈ
ໃຫ້ເຈົ້າໃດ້ ດັ່ງເຈົ້າຝັນ ແລະ ສຸກສັນວັນເກີດ

ອັນຄວາມຮັກ.......ສິ່ງໃດໆ.......ໃນໂລກນີ້
ເຫມືອນກະວີ.......ເຄີຍກ່າວອ້າງ.....ບອກຂານໄຂ
ຮັກດ້ວຍອົກ.......ຮັກຫມົດຊວງ......ຫ້ອງຫົວໃຈ
ຮັກເທົ່າໃດ.......ກໍ່ຍິ່ງທຸກ........ອຸກອຸລາ

ໂອ໋ ຄວາມຮັກ......ມີຫຼາຍຄົນ......ບອກວ່າຫວານ
ເຫມືອນນ້ຳຕານ.....ທີ່ກັ່ນຂຸ້ນ.......ລົດຫອມຫວນ
ຍິ່ງມີຮັກ......ຍິ່ງຂຸ້ນຄິດ........ຍິ່ງຄ່ຳຄວນ
ຄວາມຮັກລ້ວນ.....ແຝງຄວາມທຸກ.....ບໍ່ສຸກເລີຍ

ແມ່ນສົມຫວັງ.....ດັ່ງໃຈ......ຜູ້​ໄຝ່ຮັກ
ອີກຈັກພັກ.......ຮັກໂບຍບິນ....ກິ່ນຈາງເຫີຍ
ຫາຄວາມສຸກ.......ຈາກຄວາມຮັກ.....ຢ່າຫວັງເລີຍ
ໂອ໋ ເພື່ອນເອີ໋ຍ......ຍິ່ງໄຂວ່ຄວ້າ.....ຍິ່ງໂສກລະທົມ

ຖ້າຢາກຮັກ.......ໃຫ້ມີສຸກ.......ສິ້ນທຸກໂສກ
ຕ້ອງຮັກເພື່ອນ.....ຮ່ວມໂລກ......ຮ່ວມສະໄຫມ
ຮັກດ້ວຍຈິດ......ບໍລິສຸດ........ຜ່ອງອຳໄພ
ບໍ່ຫວັງຮັກ.......ເພື່ອໄດ້........ສິ່ງຕອບແທນ

ຮັກແຜ່ນດິນ......ພະສຸທາ......ອານາເຂດ
ຜືນປະເທດ.......ນ່ານນ້ຳ......ນ່ານເວຫາ
ຮັກທຳມະຊາດ.....ອັນອຸດົມ.......ງາມເຫລືອຕາ
ຮັກພູຜາ........ຮັກຟ້າກວ້າງ.....ຫ່ວງແດນດິນ

ຮັກອາວອາ......ພີ່ນ້ອງ......ທັງຜອງຍາດ
ຮັກເຊື້ອຊາດ.....ເຜົ່າພົງພັນ.....ຫມັ້ນສຸກຂີ
ຮັກພໍ່ແມ່.......ໃຫ້ກຳເນີດ.....ເລີດຊີວີ
ໂອ໋ ຮັກນີ້.......ຮັກໃດ......ຈະເທົ່າຮັກຕົນ

ຄວາມຮັກຄືຜີຮ້າຍ

ຄືອະສູນລະກາຍ

ຄືອະບາຍຍະມຸກ

ຄືຄຸກຕະລາງ

ຄືທາງຊຳລຸດ

ຄືສິ່ງສຸດໆທີ່ຄົນສະແຫວງຫາ

ຄືຮອຍຍິ້ມຄືຄາບນ້ຳຕາ

ຄືຄວາມບ້າຂອງຄົນສອງຄົນ

ທີຕ້ອງທົນກ້ຳກືນຝືນໃຈ

1. ຄວາມຮັກເປັນສິງທີ່ໃຫ້ໂດຍບໍ່ຫວັງຜົນຕອບແທນ

2. ຄວາມຮັກເປັນສິ່ງທີ່ສວຍງາມບໍ່ມີຫຍັງຈະທຽບ​ເທົ່າ

3. ຄວາມຮັກເປັນສິ່ງທີມີຄ່າຫຼາຍກວ່າສີ່ງອື່ນໃດ

4. ຄວາມຮັກຄືຄວາມເຂົ້າໃຈແລະເຫັນໃຈຊຶ່ງກັນແລະກັນ

5. ຄວາມຮັກຄືການເສຍສະຫລະໂດຍບໍ່ມີຂໍ້ແມ້

6. ຄວາມຮັກຄືຄວາມໃກ້ຊິດເຖິງວ່າເຮົາຈະຢູ່ຫ່າງໄກ

7. ຄວາມຮັກຄືການໃຫ້ອະ​ໄພເຖິງແມ່ນວ່າເຮົາຈະຜິດຫວັງ

8. ຄວາມຮັກຄືການສະໝັກໃຈໂດຍບໍ່ມີການບັງຄັບ

9. ຄວາມຮັກຄືຄວາມຫວານໂດຍບໍ່ໄດ້ປຸງແຕ່ງ

10. ຄວາມຮັກຄືຄວາມສົງສານໂດຍບໍ່ມີວັນຈະຈືດຈາງ