ເປັນເວລາຫຍາຍເດືອນທີ່ຂ້ອຍຕ້ອງທົນເຈັບປວດກັບຄົນທີ່ຂ້ອຍຮັກໝົດໃຈ ແຕ່ເປັນຄົນຂີ້ຕົວະ  ຄົນຫລອກລວງ  ສຸດທ້າຍຮັກແທ້ທີ່ຂ້ອຍມີໃຫ້ມັນກະຕ້ອງຈົບລົງ ຂ້ອຍຕ້ອງຕັດໃຈຈາກຄົນທີ່ຂ້ອຍຮັກ

ເຖິງມັນຈະເຈັບປວດກໍ່ຕາມ ຍອມຮັບວ່າຂ້ອຍເຈັບຫລາຍ ນ້ຳຕາຂ້ອຍຕ້ອງໄຫລເພາະຄົນທີ່ໃວ້ໃຈທີ່ສຸດ   ແຕ່ມັນກໍ່ບໍ່ເຮັດໃຫ້ຄົນຄືຂ້ອຍຕ້ອງຕາຍເພາະຄົນຫລາຍໃຈແບບນີ້ດອກ ຂ້ອຍຕ້ອງທົນຢູ່ກັບຄວາມເຫງົາພຽງຄົນດຽວ ແຕ່ມັນກໍ່ເຮັດໃຫ້ຂ້ອຍເຂົ້າໃຈກັບທຸກຢ່າງຫລາຍຂື້ນ ຄວາມຮັກເປັນສິ່ງທີ່ງົດງາມແລະກໍ່ເປັນສິ່ງທີ່ໂຫດຮາຍທີ່ສຸດ ຂ້ອຍເຂົ້າໃຈວ່າທຸກຄົນລ້ວນແຕ່ມີຮັກແທ້ທຸກຄົນ ແຕ່ບໍ່ຮູ້ວ່າແຕ່ລະຄົນນັ້ນຈະໃຊ້ມັນກັບໃຜ ດັ່ງຂ້ອຍທີ່ເປັນນີ້ ຂ້ອຍມອບຮັກແທ້ໃຫ້ຄົນທີ່ຂ້ອຍຮັກ ແຕ່ລາວກັບມີຮັກແທ້ໃຫ້ກັບຄົນອື່ນ ມັນເປັນຄວາມໂຊກຮ້າຍຂອງຂ້ອຍເອງ ມື້ນີ້ຂ້ອຍຍ້ອມຮັບກັບທຸກຢ່າງ ເຖີງຈະເຈັບ ຈະເຫງົາ ຈະດຽວດາຍ ແຕ່ຂ້ອຍຕ້ອງຜ່ານມັນໄປໃຫ້ໄດ້ໃນວັນທີ່ບໍ່ມີ..... ຄົນຫລາຍໃຈແບບນັ້ນ

ເປັນເວລາຫລາຍເດີນຜ່ານມາແລ້ວ ທີ່ຂອ້ຍຕ້ອງທົນທໍລະມານຢູ່ກັບການທີ່ເປັນແຟນເກັບ ຫລັງຈາກຂ້ອຍຮູ້ວ່າແຟນທີ່ຂ້ອຍຄົບຢູ່ເປັນເວລາປີປາຍລາວມີແຟນຢູ່ແລ້ວ ຂ້ອຍກໍ່ບໍ່ອາດຕັດໃຈຈາກລາວໄດ້

ຂ້ອຍຕ້ອງຍອ້ມຢູ່ເປັນຄົນທີສອງທັງໆທີ່ມັນເຈັບປວດທຸກວິນາທີ  ຂ້ອຍບໍ່ຮູ້ສິເຮັດຈັ່ງໃດດີໃນເມື່ອຄົບກັບລາວໄປ ກະຄືວ່າລາວກະຮັກເຮົາຢູ່ແຕ່ວ່າບໍ່ມີທ່າທີວ່າລາວຈະຮັກຄົນນັ້ນນ້ອຍລົງເລືຍ

ຂ້ອຍເຈັບໃຈທີ່ຜ່ານມາລາວລາວຫລອກຂ້ອຍມາຕັ້ງປີປາຍ ຂ້ອຍກະຕັ້ງໂງ່ເອງທີ່ໃວ້ໃຈລາວເກີນໄປ

ຕ້ອນນີ້ຂອ້ຍກະຍັງຮັກລາວບໍ່ປ່ຽນແປງເລືຍ ແຕ່ຂ້ອຍຊິເຮັດຈັ່ງໃດດີເມື່ຍລາວຍັງຄົບກັບຄົນນັ້ນຢູ່

ຂ້ອຍຄວນເລີກຄົບກັບລາວບໍ່ ຫລື ຄວນຄົບກັບລາວຕໍ່ໄປດີ

ໝູ່ພັນລາວຊ່ວຍໃຫ້ຄຳເຫັນແດ່ໄດ້ບໍ່..........

ໃຫ້ຂ້ອຍມີຄົນອື່ນໄດ້ບໍ່? ເຊື່ອວ່າເປັນໃຜກໍ່ຄົງຕ້ອງອື້ງເມື່ອແຟນຕົວເອງມາຖາມຈັ່ງຊີ້  ກະຮັກກັນຢູ່ດີໆກະມາຂໍວ່າຢາກມີຄົນໃໝ .ຖ້າໝູ່ພັນລາວພົບເຫດການແບບນີ້ລະຈະເຮັດຈັ່ງໃດ? ຖາມວ່າຮັກເຮົາບໍ່ ລາວກະຕອບວ່າຮັກ ແຕ່ບໍ່ເຂົ້າໃຈວ່າເປັນຫຍັງຕ້ອງມາຂໍວ່າຢາກມີຄົນໃໝ່. ຖາມວ່າຂ້ອຍບໍ່ດີຫວາ ຂ້ອຍຜິດຫຍັງບໍ່ ລາວກະຕອບວ່າບໍ່ນະ ຂ້ອຍຢາກມີຄົນອື່ນຊື່ໆ.

ຖ້າວ່າບໍ່ຮັກກັນແລ້ວ ຫລືວ່າໝົດຮັກກັນແລ້ວກະບອກກັນກົງໆບໍ່ໄດ້ຫວາ ເປັນຫຍັງຕ້ອງມາທຳຮ້າຍຈິດໃຈກັນໂດຍມາຂໍມີຄົນໃໝ່ ຖ້າຍອມໃຫ້ມີຄົນໃໝ່ລະຈະຢືນຢັນໄດ້ບໍ່ວ່າຈະຮັກເຮົາຄືເກົ່າ ຄົນຫລາຍໃຈນະມັນບໍ່ມີມື້ພໍດອກ ໃຫ້ມີຄົນນຶ່ງ ຈັກນ່ອຍກະຂໍມີອີກຄົນນຶ່ງ ລະເຮົາຊິຍັງມີຄວາມໝາຍຢູ່ຫວາ ລະເຮົາຈະຄວນເຮັດຈັ່ງໃດຕໍ່ໄປດີ......................................

ຈາກຄົນທີ່ເຄືຍຮັກກັນຫລາຍ ຢູ່ໆກໍ່ເຮັດງຽບໄປ ພໍກັບມາຫາກັນອີກກັບບອກວ່າເຮົາເລີກກັນເນາະ ບໍ່ເຂົ້າໃຈເລືຍວ່າເຮົາຜິດຫຍັງ ຕະຫອດເວລາທີ່ຄົບກັນມາກະຕາມໃຈທຸກຢ່າງ ແຕ່ມື້ນີ້ກັບເປັນຫຍັງຄືຢາກເລີກ ກໍ່ຖາມລາວວ່າເຮັດຫຍັງຜິດໃຈເພິ່ນຫວາ ລາວຕອບວ່າ ບໍ່ ແລະກະບອກວ່າເຮົາດີທຸກຢ່າງ ຖ້າດີລະເປັນຫຍັງຄືຢາກເລີກ ລາວກະຕອບວ່າ ລາວບໍ່ດີພໍສຳລັບເຂົາ ກະເລືຍຖາມຕໍ່ວ່າບໍ່ດີຈັ່ງໃດ ລາວບອກວ່າຫລາຍຢ່າງ ເຂົາກໍ່ເລືຍບອກວ່າເຖີງເພີ່ນຈະເປັນຈັ່ງໃດເຂົາກໍ່ຮັ້ບໄດ້ ແຕ່ລາວພັດເວົ້າວ່າ ບໍ່ຢາກໃຫ້ທົນຢູ່ທົນຮັກກັບຄົນຄືລາວ ທັງທີ່ເຮົາບອກວ່າຮັບໄດ້ທຸກຢ່າງ ແຕ່ລາວກະຢືນຢັນວ່າລາວບໍ່ດີບໍ່ຢາກໃຫ້ເຮົາຮັກກັບຄົນບໍ່ດີ ນີ້ມັນໝາຍຄວາມວ່າຈັ່ງໃດ ເປັນຫຍັງຕ້ອງບອກວ່າເຮົາດີ ເປັນຫຍັງຕ້ອງບອກວ່າຍັງຮັກກັນຄືເກົ່າເປັນຫຍັງຄືບໍ່ວ່າເຮົາບໍ່ດີລະຕອ້ງການເລີກ ບໍ່ເຂົ້າໃຈເລືຍ ຊວ່ຍບອກແດ່...

ເຄືຍຖາມໃຜບາງຄົນວ່າ ຍັງຮັກກັນຢູ່ບໍ່ ລາວຕອບວ່າກະຮັກລະເນາະ ກະເລືຍຖາມຕໍ່ອີກວ່າ ຕໍ່ຈາກນີ້ໄປເດ ຊິຍັງຮັກກັນຄືເກົ່າບໍ່ ລາວຕອບມາວ່າ ກະບໍ່ຮູ້ນະ ມັນບໍ່ແນ່ນອນດອກ ບາງທີເພິ່ນອາດສິໄດ້ພົບຄົນທີ່ດີກວ່າເຂົາກະເປັນໄປໄດ້ ຄຳຕອບນີ້ມັນໝາຍຄວາມວ່າຈັ່ງໃດ ມັນບໍ່ແນ່ນອນ ສະແດງວ່າຖ້າລາວພົບຄົນທີ່ດີກວ່າລາວກໍ່ຕ້ອງໄປຈາກເຂົາແມ່ນບໍ່ ເປັນຫຍັງຖ້າບອກວ່າຮັກກັນແລ້ວຍັງມີຄຳວ່າບໍ່ແນ່ນອນ ເປັນຫຍັງຕ້ອງວ່າເຮົາອາດຊິພົບຄົນທີ່ດີກວ່າ ຕົວເຈົ້າຫັນລະທີ່ບໍ່ແນ່ນອນ ເຈົ້າມີຄົນອື່ນຢູ່ໃນໃຈແລ້ວແມ່ນບໍ່ ສິ່ງທີ່ມັນບໍ່ແນ່ນອນຕອນນີ້ກໍ່ຄືຮັກຂອງເຮົາ ແຕ່ສິ່ງທີ່ແນ່ນອນຕອນນີ້ກໍ່ຄືຄົນທີ່ດີກວ່າຂ້ອຍ ແລະກັບຄຳວ່າເສຍໃຈ...

ຈາກຄົນທີ່ເຣົາພູກພັນ ເຄືຍຊື້ງ ເຄືຍຮັກ ເອົາໃຈກັນມາ ແຕ່ມືນີ້ກັບມາເຮັດເປັນເສືຍຊາເປັນເພາະສິ່ງໃດ, ຫລືຮັກທີ່ມີໃຫ້ກັນມື້ນີ້ມັນນ້ອຍລົງໄປ ຫລືມັນເປັນເພາະສິ່ງໃດກໍ່ຢາກຈະຮູ້, ເມື່ອເຈົ້າເລີ່ມມິດງຽບໄປ ໃນໃຈກໍ່ເລີ່ມໃຫວຫວັນ ບໍ່ໂທບໍ່ແຊັດຫາກັນ ເຈົ້າເລີ່ມປ່ຽນໄປ, ຄາວຽກ ບໍ່ມີເວລາ ຫລືວ່າເປັນເພາະສິ່ງໃດ ມັນເຫງົນເຫລືອເກີນໃນໃຈບໍ່ຢາກຄິດເລືຍ,  ຊິໄປແລ້ວແມ່ນບໍ່ ບໍ່ຮັກກັນແລ້ວແມ່ນບໍ່ ໃນໃຈມັນເລີ່ມທໍ໊ ເມື່ອເຈົ້າບໍ່ສົນໃຈ ສິຈົບແລ້ວບໍ່ຮັກເຮົາ ຊິເຈັບອີກແລ້ວຫົວໃຈ ຕອນນີ້ເຈົ້າເປັນຈັ່ງໃດ ມີຄົນໃໝ່ ຫລືໝົດກັນ, ເປັນຫຍັງບໍ່ສົ່ງຂ່າວມາ ເປັນຫຍັງບໍຍອມເວົ້າກັນດີໆ ກັບທຸກສິ່ງທີ່ເຮົາເຄືຍມີມັນບໍ່ມີຄວາມໝາຍແລ້ວແມ່ນບໍ່ ຊິຈົບຫລືສິຍັງຄົບກັນຊວ່ຍຕອບຂອ້ຍມາໄດ້ບໍ່ ເທົ່ານີ້ທີ່ຢາກຈະຂໍ ຊວ່ຍຕອບມາທີ..

ກັບສິ່ງທີ່ມັນເກີດຂື້ນຜ່ານມາ ມັນກະຍາກທີ່ຈະທຳໃຈໄດ້ ທຸກມື້ຕ້ອງທຸກທົນທໍລະມານທົນຢູ່ກັບຄວາມເຈັບປວດ ຫາຍໃຈເຂົ້າອອກທຸກຄັ້ງມັນກະມີແຕ່ຄວາມເຈັບປວດ ຕອນນີ້ຮູ້ສືກວ່າເມື່ອຍ ເມື່ອຍຫລາຍ ບໍ່ຢາກຮັບຮູ້ສິ່ງໃດ ກະລອງຖາມຕົວເອງວ່າເປັນຫຍັງຕ້ອງຄິດເຖີງເຂົາ ເປັນຫຍັງຕ້ອງຍັງຮັກເຂົາ ທັງທີ່ເຂົາເຮັດໃຫ້ເຮົາເຈັບຂະໜາດນີ້ ແຕ່ກະຍັງຕອບຄຳຖາມຕົວເອງບໍ່ໄດ້ຈັກເທື່ອ ເຂົາທຳຮ້າຍເຮົາ ເຂົາບໍ່ຮັກເຮົາ ເປັນຫຍັງເຮົາຈຶ່ງຍັງຮັກເຂົາຢູ່ ກະບໍ່ເຂົ້າໃຈຕົວເອງຄືກັນ, ບາງທີນັ່ງຢູ່ດີໆນ້ຳຕາມັນກະໄຫລ ເປັນຫຍັງພຽງຄົນຄົນດຽວ ຄືເຮັດໃຫ້ເຮົາເຈັບໄດ້ປານນີ້, ມັນຍາກນະ ມັນຍາກຫລາຍທີ່ຈະລືມຄວາມຈັບປວດລືມຄົນໆນີ້ໄດ້ ບາງທີ່ການທີ່ເຮົາບໍ່ຫາຍໃຈມັນອາດຊ່ວຍໃຫ້ເຮົາລືມທຸກຢ່າງໄດ້. ໝົດແລ້ວ ບໍ່ມີຫຍັງແລ້ວ ບໍ່ມີຫຍັງຈັກຢ່າງເລືຍ ກະບໍ່ຮູ້ຄືກັນ ວ່າຕໍ່ໄປມັນຈະຈົບລົງຈັ່ງໃດ...

ບາງທີສິ່ງທີ່ເຮົາຄິດມັນກໍ່ບໍ່ເປັນໄປຕາມເຮົາຄິດສະເໝີໄປ, ກັບສິ່ງທີ່ເຮົາວາງໃຈ ແລະ ໝັ້ນໃຈທີ່ສຸດມັນກໍ່ຍັງປ່ຽນແປງໄປ. ດັ່ງກັບຄົນທີ່ເຄືຍບອກວ່າຮັກເຮາ ຈິງໃຈກັບເຮົາ ອຸດສ່າຮັກກັນມາຫລາຍປີ ແຕ່ສຸດທ້າຍ ເມື່ອເຂົາພົບກັບຄົນທີ່ດີກວ່າ ເຮົາກໍ່ກາຍເປັນຄົນທີ່ຖືກຖີ້ມ. ສຳລັບກະເຈົ້າ ມັນຄົງຈະງ່າຍດາຍທີ່ຈະລືມມັນ ແຕ່ສຳລັບເຮົາແລ້ວ ພຽງແຕ່ຫລັບຕາລົງຄັ້ງໃດກໍ່ຍັງມີພາບເຂົາຢູ່ຕະຫລອດເວລາ, ທຸກໆຄືນທີ່ນອນມັນຍັງຄົງນຶກເຫັນວັນເກົ່າໆທີ່ເຮົາເຄືຍຮັກກັນ ຄວາມຊົງຈຳມັນຍັງຄົງຕອກຢ້ຳ ທຸກຖ້ອຍຄຳທີ່ເຄືຍໃຫ້ກັນ ວ່າຈະຮັກກັນຊົ່ວນິລັນຄືຄຳທີ່ເຂົາເວົ້າມາ. ມັນເຈັບໃຈເຈັບຫົວໃຈນະເມື່ອຄິດເຖີງມັນຂື້ນມາ ຈົນບາງທີນ້ຳຕາມັນກະໄຫລ ຄວາມຊົງຈຳທີ່ເຄືຍຮັກກັນມັນຍັງຝັງລົງໃນຫົວໃຈ ເຈັບປວດລົງໄປເລີກໆຂ້າງໃນ ຫົວໃຈມັນແທບຈະແຕກສະຫລາຍ. ທັງທີ່ນັ້ນໝົດຮັກເຮົາ ທັງທີ່ເຂົານັ້ນມີຄົນໃໝ່ ແຕ່ເປັນຫຍັງເຮົາຍັງບໍ່ລືມເຂົາໄປໃນໃຈມັນຍິງຈົດຈຳ ຢາກຈະລືມທຸກສິ່ງທຸກຢ່າງກ່ຽວກັບເຂົາ ຢາກຈະຊັງເຂົາ ແຕ່ມັນກະເຮັດບໍ່ໄດ້ ເວລາມັນກໍ່ພ່ານໄປພ່ານໄປ ແຕ່ຄວາມເຈັບປວດມັນກໍ່ບໍ່ຈືດຈາງລົງເລືຍ.