ເຊັນທຣັນເວີລດ

ໄປເລາະຕະລ່ອນຕະລ່ອນ ຖ່າຍຮູບ ຕົ້ນX' mas ຍັກ ມາຕ້ອນ ຊາວພັນລາວ ເອົ້າ! ມັກຕົ້ນໃດ ກະເລືອກເອົາເດີ້!!!!

ຢູ່ຫ້າງ ເອັມໂພຣ່ຽມ

ຢູ່ຫ້າງທະເວັນຕີ້ວັນມີຕັ້ງຫລາຍພາສາ ຫລາຍມຸມໃຫ້ແອັກທ່າຖ່າຍຮູບຈົນເມື່ອຍຫ້າງ ອະມະຣິນຕິເບາະໂຮງແຮມແຖວສະຖານີລົດໄຟລອຍຟ້າສະຫຍາມທາງຍ່າງລອຍຟ້າລະຫວ່າງສະຖານີຊິດລົມກັບສະຫຍາມປະດັບປະດາໄຟສຸດທາງເລີຍ ຍ່າງຈົນບໍ່ຮູ້ເມື່ອຍ

ຫ້າງພາລາກັອນ ໄຟຫລູຫລາສຸດ

ຫ້າງເຊັນທຣັນເວີລດ

ຄັອມທີ່ເອົາໄປບໍລິຈາກໃຫ້ໂຮງຮຽນບບ້ານເກີດ, ຊື້ ຊີພີຢູ ມືສອງ,ຄີບອດ ກັບເມົ້າສມືສອງ, ປຣິ້ນເຕີ້ ຊື້ອັນໃຫມ່ໃຫ້ເລີຍ, ສ່ວນມໍນິເຕີ້ ເອົາອັນເກົ່າຂອງຂພຈ. ສຸດຫລໍ່ເພິ່ນເຊັດອັບໃຫ້, ລອງປຣິ້ນເຕີ້ໃຫ້ ໂອເຄແລ້ວ,ແຕ່ຕ້ອງແວະຊື້ ສະຕິກເກີ້ ພາສາລາວ ຢູ່ວຽງຈັນ ໄປຕິດໃຫ້ເຂົາເຈົ້າພ້ອມ. ມີບັນຫາຢູ່ບ່ອນວ່າ ຮອຍທີ່ລອກ ສະຕິກເກີ້ ຄີບອດເກົ່າອອກແລ້ວ ມັນມີຮອຍກາວ ຫນຽວຯຍັງຕິດຢູ່ ຈັກຊິເຊັດ ຈັ່ງໃດ, ໃຜມີວິທີດີຯ ກໍ່ຊ່ວຍບອກແນ່ທ້ອນ.

ອັນນີ້ແມ່ນເຄື່ອງຫລິ້ນເດັກນ້ອຍຈຳນວນຫນຶ່ງ ທີ່ຈະໄປໃຫ້ເດັກນ້ອຍນັກຮຽນ, ມີເຄື່ອງນຸ່ງເດັກນ້ອຍຈຳນວນຫນຶ່ງ ທີ່ຈະໄປໃຫ້ ຊົນເຜົ່າລາວເທິງທີ່ທຸກຍາກ, ຍັງເຄື່ອງກັນຫນາວຜູ້ໃຫຍ່ ຍັງບໍ່ໄດ້ແບກມາເທື່ອ.

ຂພຈຄິດວ່າ  ”ເຄື່ອງຂອງທີ່ເກົ່າ ບໍ່ໃຊ້ແລ້ວສຳລັບເຮົາ ແຕ່ສຳລັບບາງຄົນ ມັນມີຄ່າກັບເຂົາເຈົ້າຫລາຍ, ໂດຍສະເພາະ ຄົນທີ່ທຸກຍາກ ດ້ອຍໂອກາດ” ບ້ານທີ່ຂ້ອຍໄປເຫັນ ເຂົ້າກະຍັງບໍ່ພໍກິນ ຊິໃຫ້ເອົາເງິນໄປຊື້ເສື້ອກັນຫນາວ, ຊື້ຜ້າຫົ່ມ ,ໃຫ້ລູກເຂົ້າໂຮງຮຽນກໍ່ຄົງຊິຍາກ. ອີກຢ່າງ ຫນຶ່ງ ທີ່ ຂພຈ ເອົາການຊ່ວຍເຫລືອມາລົງ ບໍ່ແມ່ນມາອວດອ້າງ ເອົາຄວາມດີໃສ່ຕົນ ແຕ່ ຂພຈ ຢາກໃຫ້ທຸກທ່ານເຫັນວ່າ ຢູ່ລາວເຮົາ ຍັງມີຄົນທຸກຍາກ ດ້ອຍໂອກາດ ແລະ ຕ້ອງການ ການຊ່ວຍເຫລືອຫລາຍ, ຖ້າທ່ານໃດທີ່ກຳລັງເຮັດວຽກເພື່ອຄົນເຫລົ່ານັ້ນຢູ່ກໍຂໍຂອບໃຈທ່ານຢ່າງສູງ, ຖ້າທ່ານໃດ ທີ່ພໍມີເຫງື່ອນໄຂ ກໍ່ຂໍໃຫ້ ສົ່ງຍື່ນນ້ຳໃຈ ເສດສ້ຽວເງິນ ວັດຖຸ ແຮງງານ ມັນສະຫມອງ ໃຫ້ແກ່ເຂົາເຈົ້າທີ່ເດືອດຮ້ອນເຫລົ່ານັ້ນແດ່ທ້ອນ. ສ່ວນນ້ອງນ້ອງ ທີ່ຍັງຮຽນຢູ່ ກໍ່ຂໍໃຫ້ຕັ້ງໃຈຮຽນ ເພື່ອອານາຄົດ ເອົາຄວາມຮູ້ເຫລົ່ານັ້ນ ມາຫາວິທີ ຊ່ວຍໃຫ້ຄົນທຸກຍາກໃນບ້ານເກີດຕົນເອງ ຫລຸດພົ້ນຈາກຄວາມທຸກຍາກ. ຂພຈ ເຊື່ອແນ່ວ່າ ຄົນສ່ວນຫລາຍ ຮັກບ້ານເກີດ ເມືອງນອນຂອງຕົວເອງ ແລະ ຢາກໃຫ້ ບ້ານຕົນເອງ ພັດທະນາຂຶ້ນ.ຖ້າສົມມຸດຄົນລາວຫ້າແສນຄົນ ຢູ່ບ້ານທີ່ຕ່າງກັນ ແລ້ວຫ້າແສນຄົນນັ້ນ ເລີ່ມຕົ້ນຊ່ວຍຄົນອື່ນດ້ວຍການພະຍາຍາມພັດທະນາຫມູ່ບ້ານໂຕເອງ ມັນຄົງຈະມີຜົນຕໍ່ຄວາມກ້າວຫນ້າຂອງປະເທດເຊັ່ນກັນ.

ນີ້ເປັນເລື່ອງຂອງນ້ອງສາວຮິບຮັອບ ທີ່ມີເອື້ອຍຂຶ້ນຄານ ຫາແຟນໃຫ້ເອື້ອຍຊ່ອຍອີ່ແມ່ ຕໍ່ຈາກບົດ ”ຂ່າວດີ້ດີ”, ຕ້ອງອ່ານແບບຮ້ອງເພງຮິບຮັອບ ຈຶ່ງຊິໄດ້ອາລົມໄດ໋!!!!

ໂຢ້ຯ!ມື້ວານນີ້ຫມູ່ຍີ່ປຸ່ນລຸ້ນອ້າຍຂ້ອຍ                ນັດໄປກິນເຂົ້າແລງນຳກັນ

ຢູ່ຫ້າງທະເວັນຕີ້ວັນ                                         ເພິ່ນບອກມີເລື່ອງສຳຄັນຊິປຶກສາ!     ( ນ່ະ ນັ່ນນ່າ ນັ່ນນ່າ ນັ່ນນ່າ!!!!!)

ເພິ່ນໃຫ້ຂະຫນົມມາ                                         ເພື່ອເປັນການຕອບແທນ!     (ໂຢ້ຯ ວັອສສັບແມນ!!!!!)

ເພິ່ນໃຫ້ຂ້ອຍນັ້ນຊອກແຟນ                                ຊຸມຫມູ່ສາວລາວໃຫ້ແນ່!      (ແອ່ ແອະຯຯແອ່ແອ່ຯຯ)

ຮວ້າຍ!!!ກະອີ່ແຄ້                                              ຂະຫນົມແບຣນເນມແພງແພງ

ກັບເຂົ້າແລງຍີ່ປຸ່ນຫຼູຫຼາ                                      ເຈົ້ານັ້ນຄິດວ່າ

ຊິຟາດຫົວຂ້ອຍໄດ້                                             ຊັ້ນຫວ່ະຫາ??? ( ແຢ້ຯ ຢູອາໄຣ້ທ ແມນ!!!!)

ເຈົ້າຊ່າງວ່າມາ                                                  ດູຖູກຂ້ອຍເກີນໄປແລ້ວ!!!!!  (ແຢ້ຯ ຄູລ ແມນ!!!!!)

” ເອີ້! ແລ້ວ......ແຕ່ວ່າ ເອົາເອື້ອຍຂ້ອຍໄດ້ບໍ່ລ່ະ ລາວ30ແລ້ວ ແຕ່ຍັງບໍ່ເຄີຍກິນຕັບເທື່ອ”  ( ໂອ້!!!!ໂນ້!!!!ຄຳມັອນ!!!!ແມ໋ນ!!!!)

ຂ່າວດີທີ່ລູກສາວ ໂສດ ອາຍຸສາມສິບ ສົ່ງຫາແມ່ ຕໍ່ຈາກ ບົດ“ ຄຳສອນຂອງແມ່”

ອີ່ແມ່ເອີ້ຍລູກມີຂ່າວດີ                             ລູກເກືອບມີຜົວ

ເປັນຕົວເປັນຕົນ                                   ນຳເຂົາ

ເຮົາຊິເລົ່າ                                            ໃຫ້ອີ່ແມ່ຟັງ

ຕາມຄຳສອນສັ່ງເຈົ້າ                              ເຮົາກະເລີຍຢາກລອງ

ລູກຊົກທ້ອງນ້ອຍ                                 ແລ້ວລາກມັນເຂົ້າຫ້ອງນ້ຳ

ກະວ່າຊິປ້ຳຍັດຍຽດ                              ຄວາມເປັນເມຍໃຫ້ມັນສ່ະ

ເຮິ!ສົມນ້ຳຫນ້າ                                   ຢາກຫລໍ່ປານພະເອກເກົາຫຼີ

ເສຍທີແຕ່                                           ມັນເວົ້າໃຫ້ລູກວ່າ=

”ອີ່ຮ່າຊະນີ ມຶງເບິ່ງຄົນບໍ່ອອກຫວ່ະ????”

ຖ້າຢາກຮູ້ວ່າມີແທ້ບໍ່ ກໍ່ລອງໄປທ່ຽວຫ້າງ Terminal 21ລອງເບິ່ງ ແລ້ວຊິຮູ້ຈັກ

ຊັອບບິ້ງມໍໃຫມ່ Terminal 21ຫາກໍ່ເປີດບໍລິການວັນທີ່11ເດືອນ10ປີນີ້, ຕັ້ງຢູ່ໃຈກາງກຸງເທບ ລະຫວ່າງຖະຫນົນອະໂສກກັບສຸຂຸມວິດ, ເດີນທາງໄປສະດວກສຸດຯ ຖ້າໄປລົດໄຟຟ້າກໍ່ລົງສະຖານີອະໂສກ,ລົດໄຟໃຕ້ດິນ ລົງສະຖານີສຸຂຸມວິດ.ລົດເມກໍ່ມາໄດ້, ຊັອບບິ້ງມໍTerminal 21ຖືກອອກແບບໃຫ້ເປັນຄ້າຍກັບ ເດີ່ນຍົນແຫ່ງການຊັອບປິ້ງ,ມີຄ້າຍກັບຕາລາງເວລາຍົນລົງ ຂຶ້ນ, ສາວປະຊາສຳພັນ ກໍ່ຈະນຸ່ງຊຸດ ແບບສາວ ແອຮັອສເຕດໃນຍົນແທ້ຯ, ມີທັ້ງໂມງ ປຽບທຽບ ເວລາຂອງແຕ່ລະປະເທດ, ແນວຄວາມຄິດຂອງການອອກແບບເນັ້ນໃຫ້ເປັນແບບ market street ແຕ່ລະຊັ້ນຖືກອອກແບບຈຳລອງ  ໃຫ້ເປັນຖະຫນົນແຟຊັ່ນດັງຯຈາກທົ່ວໂລກເຊັ່ນວ່າ: ແຄລິບບຽນ,ໂຣມ,  ປາຣີ,ໂຕກຽວ,ລອນດອນ,ອິດສຕັນບູນ,
ຊານຟຣານຊິສໂກ,ລັອສແອງເຈີລິສ. ການຕົກແຕ່ງປະດັບປະດາຂອງແຕ່ລະຊັ້ນຈິ່ງຫລູຫລາ ອະລັງການ ຄລາສສິກ ບໍ່ຄືກັນ ແລ້ວແຕ່ສະຕາຍຂອງແຕ່ລະປະເທດ, ພະນັກງານອານາໄມ ຂອງແຕ່ລະຊັ້ນກໍ່ຈະແຕ່ງໂຕແບບ ຄົນຮັບໃຊ້ຂອງແຕ່ລະປະເທດ,  ຫ້ອງນ້ຳແຕ່ລະຊັ້ນ ແຕ່ລະຫ້ອງກໍ່ຕົກແຕ່ງບໍຄືກັນຫລູຫລາສີສັນສຸດສຸດ, ຫ້ອງນ້ຳຈະເປັນແບບ  washlet  (ແບບຫ້ອງນ້ຳທັນສະໄຫມໃນຍີ່ປຸ່ນທີ່ຂພຈເຄີຍນຳສະເຫນີມາກ່ອນ).  ຖືວ່າ ມາຫ້າງດຽວເທົ່ານີ້ ສາມາດ
ທ່ຽວຫລາຍປະເທດ,Terminal 21  ເປັນຫ້າງທີ່ ແປກໃຫມ່ ກຳລັງມາແຮງທີ່ສຸດ ສຳລັບຄົນກຸງເທບຕອນນີ້,  ໄປແຈໃດ ຈອກໃດ ກໍ່ຈະເຫັນ ຄົນພາກັນແບກກ້ອງຖ່າຍຮູບ ແອັກທ່າ ຖ່າຍຮູບກັນເປັນແຖວ,ຮ້ານຄ້າມີ600ຮ້ານ,  ສ່ວນສິນຄ້າມີທຸກຢ່າງ ທັ້ງແບຣນເນມ ແລະ ໂນເນມ, ຮ້ານອາຫານຫລາຍຯປະເທດ,ຮ້ານກາເຟ,ກະແລັມ, ມີໂຮງຫນັງ 7ໂຮງ ບັນຈຸຜູ້ຊົມໄດ້ 1500ຄົນ,ປີ້ຫນັງຄົນລະ180ບາດຂຶ້ນໄປ, ບ່ອນຈອດລົດ ບັນຈຸໄດ້ 1100ຄັນ.ຄ່າຈອດລົດ 2ຊມທຳອິດຟີ, ກາຍນັ້ນຊມລະ 20ບາດ ແລະ ເພີ່ມຂຶ້ນຕາມລຳດັບ.
ສ່ວນຂພຈໄປທຸກອາທິດ ແຮະແຮະ ຢູ່ໃກ້:D:D   ມື້ນີ້ກໍ່ໄປມາ ກໍ່ເລີຍຕັ້ງໃຈເອົາກ້ອງໄປ   ຖ່າຍຮູບມາຕ້ອນຊາວພັນລາວ. ເອົ້າ,ໃຜຢາກໄປທ່ຽວຕ່າງປະເທດມື້ດຽວໄດ້ຫລາຍປະເທດແລ້ວມາທ່ຽວຫ້າງນີ້ເດີ້!!!!

ກິນເຂົ້າເອົາແຮງກ່ອນຈິ່ງຍ່າງທາງເຂົ້າຫລັກຫລັກແຖວຊານຟຮານຊິສໂກຫ້ອງນ້ຳຫລາກຫລາຍສີສັນຫນ້າໂຮງຫນັງ

ແຖວອິສຕັ້ນບູນແຖວລອນດອນແຖວລອນດອນແຖວໂຕກຽວ

ຫ້ອງນ້ຳແຖວໂຕກຽວ

ແຖວປາຣີສແຖວກຸງໂຣມຫັອງນ້ຳແຖວກຸງໂຣມ

ທາງໄປຫ້ອງນ້ຳແຖວໂຣມ

<!--[if gte mso 9]> Normal 0 <![endif]-->

ຈັນທຣຸປຣາຄາ ຫລືເອີ້ນໄດ້ຫລາຍຢ່າງວ່າ ຈັນທະຄາດ, ລາຫູອົມຈັນ, ກົບກິນເດືອນ ແມ່ນປະກົດການທີ່ເກີດຂຶ້ນເມື່ຶອຕາເວັນ,ຫນ່ວຍໂລກ,ດວງເດືອນ ເຄື່ອນທີ່ມາຢູ່ໃນລະດັບດຽວກັນພໍດີ, ເກີດຂຶ້ນສະເພາະມື້ ເດືອນເຕັມ, ເມື່ອນດວງເດືອນ ຫມຸນຜ່ານເງົາຂອງຫນ່ວຍໂລກ ຈະເອີ້ນວ່າ ຈັນທຣຸປຣາຄາ,

ປະກົດການນີ້ ເຖິງຈະເປັນປະກົດການທີ່ເກີດຂຶ້ນຕາມທຳມະຊາດ ແຕ່ມັນມີອິດທິພົນຕໍ່ຄວາມຄິດ ແລະ ຄວາມເຊື່ອໃນຫລາຍວັດທະນະທຳມາແຕ່ດົນ.

ຈັນທຣຸປຣາຄາ ມີ4ແບບ

1ຈັນທຣຸປຣາຄາແບບເງົາມົວຯ:ເກີດຂຶ້ນຕອນດວງເດືອນເຄື່ອນທີ່ຜ່ານເງົາມົວຂອງຫນ່ວຍໂລກ ຈັນທຣຸປຣາຄາແບບນີ້ຈະສັງເກດເຫັນເປັນມົວຯ ເນື່ອງຈາກວ່າ ແສງສະຫວ່າງຂອງດວງເດືອນ ຈະຫລຸດລົງຫນ້ອຍດຽວເທົ່ານັ້ນ.

2ຈັນທຣຸປຣາຄາແບບເງົາມົວເຕັມດວງ: ເກີດຂຶ້ນຕອນດວງເດືອນເຄື່ອນທີ່ເຂົ້າໄປໃນເງົາມົວຂອງຫນ່ວຍໂລກທັ້ງຫມົດ ແຕ່ບໍ່ໄດ້ເຂົ້າໄປຢູ່ໃນບໍລິເວນເງົາມືດ ດວງເດືອນດ້ານທີ່ຢູ່ເງົາມືດຫລາຍກວ່າຈະມືດກວ່າດ້ານທີ່ຢູ່ຫ່າງໄກ ຈັນທຣຸປຣາຄາແບບນີ້ຈະບໍ່ຄ່ອຍເກີດຂຶ້ນປານໃດ.

3ຈັນທຣຸປຣາຄາແບບເຕັມດວງ: ເກີດຂຶ້ນຕອນດວງເດືອນເຄື່ອນທີ່ເຂົ້າສູ່ເງົາມືດຂອງຫນ່ວຍໂລກທັງຫມົດ ດວງເດືອນຈະຢູ່ໃຕ້ເງົາມືດຂອງຫນ່ວຍໂລກດົນເກືອບຮອດ 107 ນາທີ, ເນື່ອງຈາກວ່າດວງຈັນ ເຄື່ອນທີ່ດ້ວຍຄວາມໄວປະມານ 1ກມ ຕໍ່ ວິນາທີ ແຕ່ຖ້າຫາກເລີ່ມນັບເວລາຕັ້ງແຕ່ດວງເດືອນເລີ່ມເຄື່ອນເຂົ້າສູ່ເງົາມືດທັງຫມົດ ອາດຈະໃຊ້ເວລາ ຮອດ 6ຊົ່ວໂມງ 14 ນາທີ

4ຈັນທຣຸປຣາຄາແບບບາງສ່ວນ: ເກີດຂຶ້ນຕອນດວງເດືອນເຄື່ອນທີ່ຜ່ານເງົາມືດຂອງໂລກພຽງບາງສ່ວນ ຈັນທຣຸປຣາຄາແບບນີ້ຄ້າຍຄຽງກັບວ່າ ດວງເດືອນມາບັງຕາເວັນ

ກົບກິນເດືອນຈະເກີດຂຶ້ນຢ່າງນ້ອຍປີລະສອງເທື່ອ

ສ່ວນລາວເຮົາ ຈະເຄີຍໄດ້ຍິນຕອນຍັງນ້ອຍເພິ່ນວ່າ ກົບກິນເດືອນ ແລ້ວກໍ່ຈະມີບາງຄົນ ຍິງປືນຂຶ້ນຟ້າ ເພື່ອໃຫ້ກົບຕົກໃຈແລ້ວຫນີໄປ.

ສ່ວນຄົນຍີ່ປຸ່ນຕາມບູຮານ ເຊື່ອວ່າຍັກກິນດວງເດືອນ.ແຕ່ເຂົາເຈົ້າກໍ່ໍບໍ່ເຮັດຫຍັງ.

ສ່ວນສາດສະຫນາພາມ ຮິນດູ ຈະເຊື່ອວ່າພະລາຫູອົມຈັນ, ພະລາຫູແມ່ນ ເທວະດານົບພະເຄາະອົງຫນຶ່ງໃນຄະຕິຂອງຄົນໄທ, ພະລາຫູຈະມີແຕ່ຄີງເຄິ່ງຫນຶ່ງ ແອວຂຶ້ນເມືອ ຕົນໂຕຈະດຳຯ,ສະນັ້ນຄົນໄທມັກຈະຫວ້າຍ ພະລາຫູ

ດ້ວຍເຄື່ອງເສັ້ນຫວ້າຍທີ່ດຳຯ ເຊັ່ນວ່າ ໄກ່ດຳ ອະງຸ່ນ ກາເຟດຳ......ເຂົາເຈົ້າເຊື່ອວ່າ ຫວ້າຍພະລາຫູຈະເຮັດໃຫ້ ມີໂຊກລາຍ ລ້ຳລວຍ    ປະສົບຜົນສຳເລັດ ວ່າຊັ້ນ.

ຂໍ້ມູນຈາກ ວິກິພິເດຍ

ທ່ານຜູ້ອ່ານເດ ບ້ານເມືອງທ່ານມີຄວາມເຊື່ອຈັ່ງໃດກ່ຽວກັບ ເຫດກການກົບກິນເດືອນ ລອງເລົ່າສູ່ກັນຟັງແນ່ເດີ້ ,ສ່ວນຕອນຍັງນ້ອຍ ຂພຈ ກໍ່ເຊື່ອວ່າ ແມ່ນກົບຢູ່ເທິງຟ້າກິນເດືອນແທ້ຯຫັ້ນແຫລ້ວ

ອັນວ່າຕົດອອກກົ້ນນ້ອງນັ້ນ                        ມັນບໍ່ໄດ້ບຽດດັງໃຜ

ເອົາແຕ່ລົມພາໄປ                                    ຮອດໃສກະຕາມແລ້ວ

ແນວວ່າຂີ້ເຕົ່ານ້ອງນັ້ນ                           ມັນກໍ່ຢູ່ກັບນ້ອງມາຕັ້ງແຕ່ດົນ

ຄັນອ້າຍທົນດົມບໍ່ໄດ້                            ກໍ່ໄປໄກຯທະແມ້!!!!ໃຜຊິແຄ

ແຕ່ຖ້າຮັກນ້ອງແທ້                         ກໍ່ຕ້ອງທົນດົມທັງຕົດທັງເຕົ່າຕໍ່ໄປເດີ້!!!!!!!

ເຮິເຮິເຮິເຮິຮັກແທ້ບໍ້.......................ລ່ະ???????????????????????

ພີ່ນ້ອງຊາວພັນລາວ ມີໃຜເບິ່ງຈັນທະຄາດ ແດ່ມື້ນີ ຕອນແລງເລີ່ມແຕ່ 7ໂມງ45ນາທີ

ເພິ່ນວ່າຈັນແມ່ນປະກົດການທຳມະຊາດ ທີ່ເກີດຂຶ້ນສະເພາະ ມື້ເດືອນເຕັມ,ມັນ ເປັນມື້ທີ່ ໂລກ ຕາເວັນ ເດືອນ ໂຄຈອນມາ ຢູ່ໃນລະດັບດຽວກັນພໍດີ, ດົນດົນມັນຈິ່ງເປັນເທື່ອຫນິ່ງ ສະນັ້ນຕ້ອງເບິ່ງໃຫ້ໄດ້ໄດ໋

ຂພຈ ກໍ່ກຳລັງນັ່ງກິນເບຍໄປ ເບິ່ງເດືອນໄປ ຖ່າຍຮູບໄປຢູ່ແຄມອ່າງລອຍນ້ຳນີ້ລະ ຄັນເມົາຄັກຯ ກະຊິໄດ້ໂຫງ້ຍລົງນ້ຳນີ້ລ່ະ ປຸ໋ມ!!!!!!

ອັນວ່າບ້ານເກີດນ້ອງ                                              ຢູ່ເມືອງກາສີ

ເຄີຍໄດ້ຍິນຕີ້ເບາະ                                                  ເຂົາວ່າໄທກາສີຂີ້ທີ່

ນີ້ເປັນພຽງ                                                            ຄຳເວົ້າບູຮານເພິ່ນກ່າວມາ

ອ້າຍຢ່າໄປເຊື່ອ                                                      ຄຳຊ່າເຂົາເນີ້

ຄັນຜູ້ເດີຢາກພິສູດ                                                 ໃຫ້ໄປຢາມນ້ອງຢູ່ບ້ານ

ຊິໃຫ້ອ້າຍເມົາຈົນຄານ                                           ເກືອບລົງຂັ້ນໄດເຮືອນບໍ່ໄດ້

ພວກນ້ອງຊິລ້ຽງເຫຼົ້າໄຫ                                       ທັງ ເຫຼົ້າຂາວໄກ່ຕົ້ມ

ເອົາຈົນອ້າຍເປັນລົມ                                             ຄານົມສາວກາສີພຸ້ນແຫລ້ວ!!!!!

ປົກກະຕິໄປອະຍຸດທະຍາດ້ວຍລົດແຕ່ເດືອນແລ້ວຊ່ວງທີ່ນ້ຳຍັງຖ້ວມ ແຕ່ບາງບ່ອນແຫ້ງແລ້ວ

ໄດ້ຍິນວ່າ ສາມາດຂີ່ລົດໄຟໄປທ່ຽວອະຍຸດທະຍາໂດຍທີ່ລົດໄຟສາມາດແລ່ນຜ່າກາງນ້ຳຖ້ວມ ກະເລີຍຄິດວ່າ ເອີ້! ຫນ້າຊິລອງເບິ່ງ ມັນຊິເປັນຕາມ່ວນ ໂອກາດແບບນີ້ຫາຍາກ ,ພໍຮອດວັນເສົາກະໄປໂລດແຫລ້ວ ປີ້ລົດລາຄານະໂຍບາຍນ້ຳຖ້ວມ ຊາວບາດ, ຈາກຫົວລຳໂພງກ່ອນຮອດດອນເມືອງ ບໍ່ມີຫຍັງເກີດຂຶ້ນ, ແຕ່ພໍຮອດດອນເມືອງ ເລີ່ມເຫັນນ້ຳເຕັມໄປຫມົດ, ຄົນມາຂຶ້ນລົດໄຟກໍ່ຕ້ອງໂທ່ນ້ຳມາ, ຕາມຫົນທາງກໍ່ມີເຮືອແລ່ນແຂ່ງກັບລົດໄຟ, ແຖມຍັງໂບກມືບ່າຍຯ ໃຫ້ເຮົາອີກ, ບາງບ່ອນລົດໄຟກະແລ່ນໂທ່ໄປຕາມນ້ຳ ແຕ່ເຂົາຊິແລ່ນຊ້າຊ້າ ,ມັນເປັນປະສົບການທ່ອງທ່ຽວທີ່ແປກໃຫມ່ ຕື່ນເຕັ້ນດີ, ພາບວິວທະເລສາບກວ້າງຯຈັ່ງແມ່ນງາມ ແຕ່ພໍຖາມເຂົາເຈົ້າວ່າ ອັນນັ້ນມັນແມ່ນທະເລສາບບໍ່ ປາກົດວ່າ ນັ້ນແມ່ນທົ່ງນາ, ແຕ່ພາບທີ່ເຮັດໃຫ້ເສົ້າໃຈກໍ່ເຕັມໄປຫມົດ, ຕາມທາງ ເຫັນພາບບ້ານເຮືອນ ລົດລາງ ຈົມນ້ຳຢູ່ເປດຯ, ບາງບ່ອນກະເຫັນເຄື່ອງເຟີ່ນີເຈີ່ ສັດລ້ຽງ ຢອງເຕັມຫລັງຄາບ້ານ,ປະຊາຊົນພາກັນມາຕັ້ງແຄ້ມຊົ່ວຄາວ ອາໄສຢູ່ແຄມທາງລົດບ່ອນຍັງບໍ່ຖ້ວມ ເຕັມຂ້າງທາງ, ເປັດພາກັນມາລອຍຫລິ້ນເຕັມຫົນທາງ,

ບໍ່ໄດ້ເອົາກ້ອງໄປກະເລີຍຫາຮູບມາປະກອບ

ຕອນໄວລຸ້ນແມ່ເຄີຍສອນວ່າ                        ຢ່າໄປຫຍຸ້ງນຳພວກຜູ້ຊາຍ

ອັນຕະລາຍຖ້າເຊື່ອຄຳເຂົາ                          ເຈົ້າຊິໄຫ້ນ້ຳຕາເຊັດຫົວເຂົ່າ

ໃຫ້ເຈົ້າຈື່ເດີ້ຄຳແມ່ບອກສອນ                        ພໍຕອນນີ້ລູກໄດ້30ປີແລ້ວ

ແມ່ແກ້ວເຮົາກະເລີຍສອນວ່າ                       ຢ່າສູ່ເລືອກຫຼາຍເດີ້ຜູ້ຊາຍຫັ້ນ

ຄັນຮູ້ວ່າເຂົາຊິຕວັະ                                     ກະທຳທ່າໂງ່ເຊື່ອເຂົາແນ່

ຢ່າສູ່ຕິອາຍຸອ່ອນຫຼືແກ່                                ຢ່າມົວແຕ່ຄົບເບິ່ງໃຈກັນດົນນານ

ເຮັດຈັ່ງໃດລູກຊິໄດ້ລົງຈາກໄມ້ຄານ              ປ້ຳມັນໂລດລູກ!ແມ່ຊິເຊຍຊ່ອຍ!!! ຮິຮິຮິຮິຮິຮິຮິ!!!!!!

ອອນຊອນເດ້                                  ຍາມເອົາກັນໃຫມ່ຯ

ອ້າຍເອົາໃຈໃສ່                                ຍ້ອງນ້ອງງາມສູ່ແນວ

ແອວກະກິ່ວແກ້ມກະແດງ                 ຈັ່ງແມ່ນເປັນຕາແພງໄປຫມົດສູ່ອັນ

ເອົາກັນໄປຫຼາຍປີເຂົ້າ                      ເຈົ້າຊ່າງມາເວົ້າໃຫ້ຂ້ອຍເສຍໃຈ

ວ່າບ່ອນໃດກະແຫ່ວ                         ອັນໃດກໍ່ຍານ

ຂີ້ຈົ່ມຫນ້າລຳຄານນານຕາຍ            ອ້າຍກໍ່ເລີຍຊິຫນີຈາກບ້ານໄປເອົາເມຍນ້ອຍ

ໂອ້ຍ!ຈັ່ງແມ່ນຂ້ອຍ                           ເຈັບໃຈຂະຫນາດ

ບາດທີເພິ່ນບໍ່ເບິ່ງໂຕເອງ                   ຂອງເພິ່ນກະຍານໂຕ່ງເລັ່ງຯປານຫມາກເຂືອຕົ້ມ

ຜົມທັງຫງອກທັງເຫຼືອຫນ້ອຍ            ນັບກະໄດ້ວ່າຍັງເຫຼືອຈັກແຖວ

ແຂ້ວເຈົ້າກະວ່ອງທ້ອງກະໂສ່ນ            ປານຄົນຖືພາເອົາໂລດ

ໂອ້ຍ!ຂີ້ຮ້າຍໂພດຍາມເຈົ້າເຖົ້າມາ      ໃຜກະໄດ້ຊ່ວຍມາເອົາມັນໄປໄກຯແນ່ທ້ອນ!!!

ຊາຍໃດຮູ້ໂຕວ່າຕົນເອງເປັນຄົນເຈົ້າຊູ້ລະວັງເຈິແບບນີ້ເດີ້

ອັນວ່າຜູ້ຊາຍເຈົ້າຊູ້          ນັ້ນເປັນຕາຊັງ

ພໍລັບຫລັງປຶບ                    ກໍ່ໄປຈີບສາວອື່ນ

ໂຕນັ້ນມື່ນ                                         ປານອ່ຽນລົງຕົມ

ຄາລົມເອີ້ຍ!!!ມີເປັນ              ພັນເຫລັ້ມກວຽນ                 

ຢ່າວົນວຽນ                      ມາໃກ້ແຖວນີ້

ຄັນເວົ້າດີ                          ແລ້ວຍັງບໍ່ມັກ

ດຽວຊິຈັດ                         ໃຫ້ມັນຫນັກຯ

ພ້າອີ່ໂຕຟັກຯຯຯ              ໄຂ່ແຫຼ້ຯຂອງເຈົ້າ

ໄປແກ້ມເຫລົ້າ                    ກັບຊຸມຫມູ່ແມ່ຍິງພຸ້ນແຫລ້ວ!!!!!

ເຮີ່ເຮີ່ເຮີ່ ສະໃຈເດ້ເນາະ

ເຫັນພີ່ນ້ອງຊາວພັນລາວແຕ່ງກອນເກ່ງ ກະເລີຍຂໍລອງຈັກກອນ, ກອນໃນອາລົມຄິດຮອດບ້ານນ່ະ

ຄິດຮອດເດ້ຄິດຮອດ!                    ບ້ານນາເຮົາເຄີຍຢູ່
ຄິດຮອດອູ່ທີ່ແມ່ເຄີຍໄກວ              ໃຫ້ຍາມຍັງນ້ອຍຕອນນອນ
ຄິດຮອດຫມອນອຸ່ນຯ                  ໃນອ້ອມຕັກຂອງແມ່ຂະນ້ອຍ
ແມ່ນັ້ນຄອຍພັດເປົ່າ                     ມົດຍຸງບໍ່ໃຫ້ໄຕ່ຕອມ
ແມ່ຄອຍຖະຫນອມ                      ລູກປານແກ້ວຕາດວງໃຈ
ແຕ່ພໍເຕີບໃຫຍ່                           ລູກຕ້ອງຈາກອ້ອມເອິກແມ່ໄປ
ໄປຢູ່ໄກແສນໄກ                         ເປັນປີປີຈຶ່ງໄດ້ຢາມແມ່
ຕອນນີ້ລູກເປັນຫ່ວງແທ້ຯ            ຄວາມເຖົ້າແກ່ຂອງແມ່ເຈົ້າ
ຫຼາຍພະຍາດລຸມເລົ້າ                   ສຸຂະພາບອ່ອນໂພຍ
ໂອ້ຍ ລູກຢ້ານເດ້!                       ຢ້ານແຕ່ແມ່ຕາຍປະ
ຖ້າກັບມາບໍ່ເຫັນຫນ້າແມ່            ລູກຊິເຮັດຈັ່ງໃດເດ້ນໍ?
ພໍ່ກໍ່ຈາກໄປກ່ອນແລ້ວ               ເຫຼືອແຕ່ແມ່ແກ້ວຄົນດຽວ
ຢ້ານບໍ່ມີແມ່ຄອຍຫຼຽວ               ແນມທາງຖ້າຕ້ອນບາດລູກກັບບ້ານ
ຢ້ານບໍ່ໄດ້ກອດຫອມແມ່ເຈົ້າ        ຕອນແມ່ຍັງມີລົມຫາຍໃຈ ເດ້ນໍ!!!!!

” ຈົ່ງສະແດງຄວາມຮັກຕໍ່ພໍ່ແມ່ເຈົ້າ     ຕອນທີ່ຍັງມີໂອກາດ
ຖ້າພາດໂອກາດນີ້ໄປ             ຢ່າມາເສຍໃຈພາຍຫລັງເດີ້ ”
ຢ່າອາຍທີ່ຈະສະແດງຄວາມຮັກດ້ວຍການ ກອດ ຫອມ ບອກຮັກ ພໍ່ແມ່
 

ປີໃຫມ່ນີ້ ຫລາຍຫລາຍທ່ານກໍ່ຄົງຈະມີແຜນການແລ້ວເນາະ ຊິໄປທ່ຽວໃສ ໄປກັບໃຜ ເຮັດຫຍັງກິນ, ພວກຂພຈ ກໍ່ເຊັ່ນດຽວກັນ ຄິດວ່າຊິຂັບລົດໄປທ່ຽວ ຈາກກຸງເທບ ໄປຫລາຍຫລາຍແຂວງໃນລາວ. ໂດຍສະເພາະ ປີໃຫມ່ສາກົນ ແມ່ນເທດສະການແຫ່ງການໃຫ້ ແລະ ການຮັບ ແຕ່ລະປີ ຂພຈ ກັບ ສຸດຫລໍ່ (ສຳລັບຂ້ອຍ) ແມ່ນຈະພາກັນແບກເຄືອງກັນຫນາວເກົ່າຄົນລະ ເປົາສອງເປົາ (ເວົ້າປານແບກເປົາເຂົ້າເອົາໂລດ) ໄປແຈກໃຫ້ຊາວບ້ານທຸກຍາກ ເຂດບ້ານເກີດຂພຈ ເມືອງກາສີພຸ້ນລ່ະ, ມີບ້ານລາວເທິງຫລາຍຫລາຍຫມູ່ບ້ານ ທີ່ທຸກຍາກຫລາຍ ຂາດແຄນຮອດເຄື່ອງນຸ່ງກັນຫນາວ ໂດຍສະເພາະຍາມຫນາວຢູ່ເຂດ ຊົນນະບົດແມ່ນຫນາວອີ່ຫລີອີ່ຫລໍແທ້ແທ້ ເຂົາເຈົ້າຕ້ອງໄດ້ດັງໄຟຜີງແກ້ຫນາວ, ສ່ວນເຄື່ອງນຸ່ງມືສອງເຫລົ່ານັ້ນ ແມ່ນໄດ້ຮັບບໍລິຈາກ ມາຈາກຫມູ່ຄູ່ທີ່ຢູ່ຍີ່ປຸ່ນ ຝາກມາຊ່ອຍແນ່ ຫມູ່ຍີ່ປຸ່ນທີ່ຢູ່ກຸງເທບບໍລິຈາກຊ່ວຍແນ່ ບັນດາເຈົ້ານາຍຍີ່ປຸ່ນທີ່ຢູ່ບໍລິສັດແບກມາແ ຕ່ຍີ່ປຸ່ນໃຫ້ແນ່ ,ປີກາຍນີ້ໄປບໍລິຈາກອຸປະກອນການຮຽນປຶ້ມ ບິກ ສໍ ສໍສີ  ຢາງລຶບ ໂຮງເຫລົາສໍ ເຂົ້າຫນົມ ໃຫ້ແກ່ໂຮງຮຽນອະນຸບານ ປະຖົມບ້ານຈຽງ ເມືອງກາສີ ແຂວງວຽງຈັນ ຖາມຫົວຫນ້າຫມວດໂຮງຮຽນເພິ່ນວ່າ ຢາກໃຫ້ຊ່ອຍຫຍັງບໍ່ ເພິ່ນກະບອກວ່າ ຖ້າຊ່ອຍໄດ້ ຢາກໄດ້ຄັອມພິວເຕີ້ ມາໃຊ້ຢູ່ໂຮງຮຽນຈັກຊຸດຫນຶ່ງ ໃຫມ່ຫລືເກົ່າບໍ່ຕິ ແລ້ວແຕ່ສັດທາ ວ່າຊັ້ນ 

ສຸດຫລໍ່ຂພຈ ກະເລີຍສັນຍາວ່າ ຈະພະຍາຍາມ ຈັດຫາຄ້ອມມາມອບໃຫ້ແກ່ໂຮງຮຽນໃຫ້ໄດ້

ປີນີ້ ນ້ຳຖ້ວມຫນັກ ພວກຂ້າພະເຈົ້າກໍ່ຫນີຕາຍ ຫົວຊຸກຫົວຊົນ ໄປຕະລອນຕະລອນ ພັກຕາມໂຮງແຮັມຈົນໄດ້ສອງເດືອນແລ້ວ ກະວ່າວັນພະຫັດນີ້ຊິກັບບ້ານໄດ້ ວ່າຊັ້ນ ຄ່າໃຊ້ຈ່າຍຫມົດໄປຫລາຍກັບການລີ້ໄພນ້ຳຖ້ວມ ຂພຈ ກະເລີຍຖາມເພຶ່ນວ່າ ບໍ່ເລື່ອນບໍ່ ທີ່ຊິຊື້ຄ້ອມໃຫ້ໂຮງຮຽນນ່ະ ເພຶ່ນຕອບວ່າ

” ຂ້ອຍສັນຍາກັບເພິ່ນແລ້ວ ກະຕ້ອງເຮັດຕາມສັນຍາ”ວ່າຊັ້ນ, ປາດປາດປາດ ແຮງຫລໍ່ຂຶ້ນກ່ອນເກົ່າບາດນີ້ ຮຸຮຸຮຸຮຸຮຸຮຸ

ກະເລີຍຕົກລົງກັນ ຊື້ຄັອມມືສອງໃຫ້ຊຸດຫນຶ່ງ ປິ້ນເຕີ່ຫນຶ່ງອັນ, ຊື້ເຄື່ອງນຸ່ງກັນຫນາວມືສອງຍີ່ປຸ່ນສຳລັບເດັກນ້ອຍ 60ໂຕ, ອຸປະກອນການກິລາ ເຄື່ອງຫລິ້ນເດັກນ້ອຍ (ບໍລິຈາກໂດຍ ເຈົ້ານາຍ ຍີ່ປຸ່ນ), ເຄື່ອງນຸ່ງກັນຫນາວຜູ້ໃຫຍ່ (ປະມານ ຮ້ອຍກວ່າໂຕ ບໍລິຈາກໂດຍ ເຈົ້ານາຍ ແລະ ຫມູ່ຍີ່ປຸ່ນ)

ຄັອມ, ປິ້ນເຕີ້, ອຸປະກອນການກິລາ ແລະ ເຄື່ອງຫລິ້ນເດັກນ້ອຍ ຊິເອົາໄປມອບໃຫ້ ໂຮງຮຽນດັ່ງກ່າວມາຂ້າງເທິງ (ໂທບອກເພຶ່ນມື້ຊິໄປມອບແລ້ວ)

ເຄື່ອງນຸ່ງກັນຫນາວເດັກ ແລະ ຜູ້ໃຫຍ່ ກະວ່າຊິໄປບໍລິຈາກໃຫ້ ບ້ານຊົນເຜົ່າລາວເທິງ ທຸກຍາກສຸດສຸດ ເຫັນເຮືອນມຸງຫຍ້າ ຝາໄມ້ເຮ້ຍ ເກືອບຫມົດບ້ານ ບ້ານຫິນເຫລັກໄຟ ເມືອງກາສີ ແຂວງວຽງຈັນ ພຸ້ນ

ຍັງບໍ່ທັນມີໂຕເລກເທື່ອວ່າ ບ້ານນີ້ມີຈັກຫລັງຄາເຮືອນ ຈັກຄົນ ບາດໄປຕ້ອງແວະສຳຫລວດກ່ອນ ປີກ່ອນຕອນໄປບໍລິຈາກຢູ່ບ້ານ ໂພນທັນ ເມືອງກາສີ ໄປກາງເວັນ ປາກົດວ່າ ບໍ່ມີໃຜມາເອົາເຄື່ອງ ເພຶ່ນບອກວ່າ ຕ້ອງມາຕອນເຊົ້າມືດ ຫລືຄ່ຳຄ່ຳ ເພາະ ຍັງບໍ່ກັບມາແຕ່ໄຮ່ເທື່ອ ວ່າຊັ້ນ ອ້າວງົງ

ທີ່ຈິງແລ້ວ ຄວາມຫວັງສູງສຸດຂອງ ຂພຈ ແມ່ນຢາກປຸກໂຮງຮຽນໃຫ້ ໂຮງຮຽນປະຖົມບ້ານຈຽງ ເພາະມັນ ເກົ່າ ແກ່ ໂດກ ໂປດ ຮົ່ວ ຈົນຫລັງຄາ ປະມານວ່າຫມາກພ້າວເປັນຫນ່ວຍ ກໍ່ລົງລອດຫລັງຄາ ລົງມາໄດ້ ຝາໂປດຈົນ ງົວຄວາຍ ມາຂິ້ໃສ່ໃນຫ້ອງຮຽນໄດ້ຢ່າງສະບາຍ ພື້ນຫ້ອງ ກໍ່ປານຫລຸມອະວະກາດພຸ້ນລ່ະ ຍ່າງບາດໃດຂິ້ຝຸ່ນກຸບບາດນັ້ນ ກະດານດຳໂປດຈົນ ຊິບໍ່ມີບ່ອນດີຂຽນແລ້ວ ນັກຮຽນໂຕະຕັ່ງບໍ່ພໍກໍ່ພາກັນປູສາດນັ່ງພຶ້ນຮຽນ ,

ແຕ່ກະເລື້ອງງົບປະມານນີ້ລ່ະ ຕອນນີ້ພໍຊິເຫັນແສງສະຫວ່າງພໍລາງລາງແລ້ວ ເພາະມີຄົນຍີ່ປຸ່ນໃຈບຸນ ສາມສີ່ຄົນ ເພຶ່ນຊິຊ່ວຍວ່າຊັ້ນ ແຕ່ຍັງບໍ່ໄດ້ຕົກລົງກັນແທ້ເທຶ່ອ ກາງກາງປີຫນ້າເພິ່ນຊິມາຫາພວກ ຂພຈ ຢູ່ກຸງເທບ ແລ້ວ ເພຶ່ນຊິໃຫ້ພາໄປສຳຫລວດເບິ່ງໂຮງຮຽນດັ່ງກ່າວ ເພາະເພິ່ນເຫັນແຕ່ຮູບຢູ່ໃນໂຮມເພດຈ ຂອງສຸດຫລໍ່ຂພຈ ເພິ່ນກໍ່ເລີຍວ່າ ຢາກມາເຫັນຕົວຈິງກ່ອນວ່າຊັ້ນ

ບໍ່ຮູ້ວ່າເພຶ່ນຊິຊ່ວຍໄດ້ຫນ້ອຍຫລາຍປານໃດ ແຕ່ກໍ່ແອບຝັນຫວານຫລືຝັນກາງເັນໄວ້ແລ້ວວ່າ ຕໍ່ໄປລູກຫລານບ້ານເກິດເຮົາຈະມີໂຮງຮຽນຊີເມັນຮຽນແລ້ວ

ຊາບຊຶ້ງນ້ຳໃຈຊ່ວຍເຫລືອຂອງຍີ່ປຸ່ນຫລາຍຫລາຍຯຯຯຯຯຯຯຯຯຯຯຯຯຯຯຯຂະຫນາດບໍ່ແມ່ນບ້ານເຂົາກະຍັງຊ່ວຍປານນີ້

ເທື່ອຫນ້າຊິເອົາຮູບລົງໃຫ້ເບິ່ງເດີ້

ການຝຶກຊ້ອມປ້ອງກັນໄພພິບັດໃນສົມມຸດເຫດການແຜ່ນດິນໄຫວ

 ຍີ່ປຸ່ນໄດ້ກ້າວເຂົ້າສູ່ຄົບຮອບ ”ວັນປ້ອງກັນໄພພິບັດແຫ່ງຊາດ”  (”ວັນປ້ອງກັນໄພພິບັດແຫ່ງຊາດ”ແມ່ນສ້າງຕັ້ງຂຶ້ນວັນທີ່1 ເດືອນ9 ຂອງທຸກປີ ເພື່ອໃຫ້ປະຊາຊົນຮັບຮູ້ເຖິງໄພຮ້າຍຂອງໄພພິບັດຕ່າງຯເຊັ່ນວ່າ: ພາຍຸ, ແຜ່ນດິນໄຫວ ແລ້ວຕຽມໃຈ ຕຽມຄວາມພ້ອມ ເພື່ອຮັບມືກັບມັນ, ເພິ່ນກຳນົດໃຫ້ເປັນ ມື້ນີ້ຍ້ອນວ່າ ວັນທີ່1 ເດືອນ9 ປີ1923 ໄດ້ເກີດໄພພິບັດແຜ່ນດິນໄຫວຄັ້ງໃຫຍ່ຢູ່ທາງເຂດຄັນໂຕ { ພາກຕາເວັນອອກລວມທັງໂຕກຽວ }. ອິກເຫດຫຜົນນຶ່ງ ໄລຍະດັ່ງກ່າວ ຍັງເປັນລະດູທີ່ມີພາຍຸຫລາຍ)ອີກຄັ້ງຫນິ່ງຫລັງຈາກເຫດການໄພພິບັດແຜ່ນດິນໄຫວຄັ້ງໃຫຍ່ໃນພາກຕາເວັນອອກຂອງຍີ່ປຸ່ນ, ວັນທີ່1 ເດືອນ9 ປີ2011 ນີ້ທົ່ວປະເທດໄດ້ຈັດຕັ້ງການຝຶກຊ້ອມ ການຮັບມືກັບໄພພິບັດ ຄັ້ງໃຫຍ່ຂຶ້ນ.

ລັດຖະບານໄດ້ ຕັ້ງສົມມຸດຈຸດສູນກາງແຜ່ນດິນໄຫວໃຫ້ເກິດຂຶ້ນຢູ່ທາງທິດເຫນືອຂອງອ່າວໂຕກຽວ ຂະຫນາດ 7.3 ລິກເຕີ, ຢູ່ໃຕ້ພື້ນດິນຂອງນະຄອນຫລວງໂຕກຽວໂດຍກົງຄວາມຮຸນແຮງລະດັບ6, ແລ້ວບັງຄັບຈັດຕັ້ງການຝຶກຊ້ອມປ້ອງກັນໄພພິບັດຮອບດ້ານຂຶ້ນ. ບັນດາລັດຖະມົນຕີໄດ້ພາກັນເດີນທາງດ້ວຍການຍ່າງມາ (ເພາະວ່າປິດທາງການສັນຈອນດ້ວຍພາຫະນະ) ເຕົ້າໂຮມກັນຢູ່ທຳນຽບນາຍຍົກລັດຖະມົນຕີ, ເພື່ອຝຶກຊ້ອມ ການປະຊຸມສຳນັກງານແກ້ໄຂໄພພິບັດຮີບດ່ວນ ແລະ ກ່າວປະກາດແຈ້ງເຫດການສຸກເສີນຂອງນາຍຍົກລັດຖະມົນຕີ. ສ່ວນກອງບັນຊາການຕຳຫລວດນະຄອນຫລວງ ແມ່ນໄດ້ປິດເສັ້ນທາງຫລວງ 97ບ່ອນ ພາຍໃນເວລາ10ນາທີ ຫ້າມການສັນຈອນດ້ວຍພາຫະນະ ເພື່ອຝິກຊ້ອມການປະຕິບັດງານຂອງລົດສຸກເສິນທຸກປະເພດ(ລົດຕຳຫລວດ ລົດໂຮງຫມໍ ລົດດັບເພີງ). ແຖວສະຖານີລົດໄຟຟ້າJRຊິນະງະວະ ກໍ່ມີການຝຶກຊ້ອມຊ່ວຍເຫລືອຜູ້ປະສົບບັນຫາຫຍຸ້ງຍາກໃນການເດີນທາງກັບບ້ານເວລາເກີດໄພພິບັດ. ນອກຈາກນີ້ທົ່ວປະເທດໃນຫລາຍຫລາຍເມືອງກໍ່ໄດ້ມີການຈັດການຝຶກຊ້ອມດັ່ງກ່າວ. ຕາມການລາຍງານຂອງລັດຖະບານ ການຝິກຊ້ອມປະຈຳປີຄັ້ງນີ້
 ມີ 35ແຂວງແລະ 510​,000 ຄົນເຂົ້າຮ່ວມ.

ທຸກຯປີ ເມື່ອຮອດ ”ວັນປ້ອງກັນໄພພິບັດແຫ່ງຊາດ” ແຕ່ລະເມືອງ,ໂຮງຮຽນ,ພາກສ່ວນທຸລະກິດຕ່າງຯກໍ່ຈະຈັດການຝິກຊ້ອມການຮັບມືກັບໄພພິບັດຢູ່ສະເຫມີ ແຕ່ວ່າ ການຈັດຕັ້ງຝຶກຊ້ອມຄັ້ງຍິ່ງໃຫຍ່ແບບນີ້ແມ່ນປີທຳອິດ. ນີ້ກໍ່ຍ້ອນວ່າ ອາໄສຈາກປະສົບການຕົວຈິງ ພາຍຫລັງເກີດໄພພິບັດແຜ່ນດິນໄຫວຄັ້ງໃຫຍ່ຢູ່ພາກຕາເວັນອອກເມື່ອເຄິ່ງປິ ທີ່ຜ່ານມານີ້ ເຮັດໃຫ້ລະບົບໂທລະຄົມແລະຄົມມະນາຄົມກາຍເປັນອຳມະພາດ, ສະນັ້ນ ປີນີ້ ທຸກຄົນຈຶ່ງໄດ້ພາກັນ ເຂົ້າຮ່ວມການຝຶກຊ້ອມຢ່າງຈິງຈັງ.

ບົດຮຽນແປທີ່6 ຈາກວາລະສານລາຍເດືອນ 中上級　日本語　ຂອງເດືອນ10 ປີ2011

ນ້ຳພຸຮ້ອນທຳມະຊາດບ່ອນນີ້ເຫັນຟູຈິນຳຊື້ເຄື່ອງຕ້ອນກັບບ້ານບ່ອນກິນເຂົ້າ

<!--[if gte mso 9]> Normal 0 <![endif]-->

ສະຖານທີ່ນິຍົມແຫ່ງໃຫມ່”ສະຖານີລົດໄຟ ຢູ່ຕາມທາງລົດ”

ບໍ່ແມ່ນວ່າ ສະຖານີລົດໄຟຈະຕ້ອງຕັ້ງຢູ່ຕາມທາງລາງລົດໄຟສະເຫມີໄປ,ປີຫລັງຫລັງນີ້ ຈະສັງເກດເຫັນວ່າ ຕາມຫົນທາງລົດເສັ້ນຫລັກຫລັກໃນທົ່ວປະເທດ ມີສະຖານີລົດໄຟທີ່ມີຊື່ວ່າ:”ສະຖານີລົດໄຟຢູ່ຕາມທາງລົດ”ເກີດຂຶ້ນ.ສະຖານີດັ່ງກ່າວ ກາຍເປັນສະຖານທ່ີພັກຜ່ອນເຊົາເມື່ອຍຮູບແບບໃຫມ່ ສຳລັບຜູ້ເດີນທາງດ້ວຍລົດ.

 ເມື່ອກ່ອນຈົນເຖິງປະຈຸບັນນີ້ ຕາມທາງດ່ວນແລະຕາມທາງຫລວງເສັ້ນຫລັກຫລັກ ກໍ່ຈະມີບ່ອນຈອດລົດ ແລະ ສະຖານທີ່ຜັກຜ່ອນເຊົາເມື່ອຍ,ແຕ່ປີຫລັງຫລັງນີ້ ຈຳນວນນັກທ່ອງທ່ຽວທີ່ເດີນທາງດ້ວຍລົດໄດ້ເພີ່ມຂຶ້ນ,ເຮັດໃຫ້ຜູ້ຊົມໃຊ້ສະຖານ

ທີ່ຜັກຜ່ອນເຊົາເມື່ອຍດັ່ງກ່າວເພີ່ມຂຶ້ນ ທຸກເພດທຸກໄວ ນັບຕັ້ງແຕ່ແອນ້ອຍ ຈົນຮອດຜູ້ເຖົ້າແລະຄົນພິການ.ສະນັ້ນບ່ອນຜັກຜ່ອນດັ່ງກ່່າວ ຈຳເປັນທີ່ຈະຕ້ອງມີ

ການຕິດຕັ້ງລະບົບອຳນວຍຄວາມສະດວກທີ່ລະອຽດ ໃຊ້ງ່າຍ ເພື່ອໃຫ້ເຫມາະສົມກັບຜູ້ຊົມໃຊ້ທຸກສະພາບ.

ເພື່ອຕອບສະຫນອງຄວາມຮຽກຮ້ອງຕ້ອງການດັ່ງກ່າວ ກໍ່ໄດ້ມີການຄິດຄົ້ນ ອອກແບບ

ລະບົບອຳນວຍຄວາມສະດວກແບບໃຫມ່ອອກມາ.

 ”ສະຖານີລົດໄຟ ຢູ່ຕາມທາງລົດ”ເລີ່ມມີແຕ່ປີ1991ໃນສາມແຂວງຄື: ຢະມະກຸຈິ,ງິ

ຟຸ,ໂທະຈິງິ. ມາຮອດເດືອນ8 ປີ2011ໄດ້ເພີ່ມຂຶ້ນຮອດ977ແຫ່ງໃນທົ່ວປະເທດ. ພາກສ່ວນທີ່

ສ້າງສະຖານີດັ່ງກ່າວ ສ່ວນຫລາຍແມ່ນ ປົກຄອງບ້ານ,ເມືອງ.ແຕ່ບາງຄັ້ງປົກຄອງບ້ານ,ເມືອງ

ກໍ່ຮ່ວມມືກັບທາງແຂວງແລະລັດໃນການເບຶ່ງແຍງຮັກສາຫົນທາງໃນເມືອງນັ້ນນັ້ນ

 ”ສະຖານີລົດໄຟ ຢູ່ຕາມທາງລົດ” ສ່ວນຫລາຍແມ່ນຕັ້ງຢູ່ຕາມທາງເຂດບ້ານນອກ, ຫລືບ່ອນທີ່ອ້ອມຮອບດ້ວຍພູຜາ, ຫລືບ່ອນທີ່ເບິ່ງເຫັນທະເລໄດ້ແລະຕັ້ງຢູ່ບ່ອນທີ່ກວ້າງຂວາງ

ທ່າມກາງທຳມະຊາດ.ແລະ ອາຄານຂອງສະຖານີສ່ວນຫລາຍກໍ່ອອກແບບໃຫ້

ເຂົ້າກັບບັນຍາກາດອ້ອມຂ້າງໃນບໍລິເວນນັ້ນນັ້ນ ເຊັ່ນວ່າ: ສະຖານີ ທີ່ມີລັກສະນະຄືວັດຫລື ພະລາດຊະວັງທີ່ຫລູຫລາ, ແບບເຮືອນຊາວບ້ານທຳມະດາ. ກົງກັນຂ້າມ ຍັງມີແບບອາຄານທີ່ທັນສະໄຫມ, ແບບລີສອດທີ່ໂກ້ຯໃນຕ່າງປະເທດ.

 ຊື່ສະຖານີ ກໍ່ບໍ່ພຽງແຕ່ຕັ້ງຊື່ຕາມທີ່ຕັ້ງເທົ່ານັ້ນ, ຍັງຕັ້ງ່ຊື່ຕາມປະຫວັດສາດ ພາສາທ້ອງຖິ່ນ

ຊື່ບຸກຄົນອີກດ້ວຍ. ຕົວຢ່າງວ່າ:ສະຖານີ ”ຊິຊຸຄຸອິຊິອະເນັກໂກະ”   (ຕັ້ງຢູ່ເມືອງຊິຊຸຄຸອິຊິແຂວງອິວະເຕະ). ຄຳວ່າ ”ອະເນັກໂກະ” ເປັນພາສາທ້ອງຖິ່ນ

ແປວ່າ ”ຜູ້ຍິງ ທີ່ຍັງຫນຸ່ມ”. ເຄີຍໄດ້ຍິນວ່າ ຕັ້ງແຕ່ກີ້ເປັນຕົ້ນມາ ເມືອງຊິຊຸຄຸອິຊິ ເປັນເມືອງທີ່ໂດ່ງດັງເລື່ອງມີຄົນງາມຫລາຍວ່າຊັ້ນ. ອີກສະຖານີຫນຶ່ງ

 ຊື່ວ່າ ” ຄິລະເມັດເຊະມຸໂລະໂຕະ” (ຢູ່ເມືອງມຸໂລະໂຕະ ແຂວງໂຄ່ຈິ) ຕັ້ງຢູ່ບ່ອນທີ່ ສາມາດເບິ່ງເຫັນມະຫາສະມຸດປາຊິິກສີຟ້າ ທີ່ເປັ່ງປະກາຍແສງເຫລື້ອມລະຍິບລະຍັບ;

(ຄິລະຄິລະແປວ່າແສງລະຍິບລະຍັບ). ສະນັັ້ນ ພໍແຕ່ຟັງຊື່ ກໍ່ຈິນຕະນາການເຫັນ ທະເລທີ່ເປັ່ງປະກາຍແສງລະຍິບລະຍັບ ້ດຶງດູດໃຈພາໃຫ້ຢາກໄປທ່ຽວແລ້ວ.

 ເຮົາສາມາດຊື້ຜັກແລະປາ ທີ່ຍັງສົດຯ, ມິໂຊະ(ເຕົ້າຈ້ຽວຍີ່ປຸ່ນ)ລົດຊາດດັ້ງເດີມ,

ຂອງດອງ (ອາຫານທີ່ຄົນຍີ່ປຸ່ນກິນກັບເຂົ້າ)ລາຄາຖືືກໄດ້ຕາມຮ້ານຂາຍເຄື່ອງ

ໃນ ” ສະຖານີລົດໄຟ ຢູ່ຕາມທາງລົດ”.  ພຽງແຕ່ເຫັນຜັກແປກແປກທີ່ມີສະເພາະໃນບາງທ້ອງຖິ່ນ ກໍ່ເຮັດໃຫ້ຜູ້ເດີນທາງແປກໃຈແລ້ວ, ແຕ່ທາງສູນອາຫານ ຍັງໄດ້ເອົາຜັກເຫລົ່ານັ້ນໄປປຸງແຕ່ງອາຫານ ຍິ່ງເຮັດໃຫ້ຜູ້ເດີນທາງດີໃຈຫລາຍຂຶ້ນທີ່ໄດ້ກິນອາພື້ນບ້ານນັ້ນນັ້ນ. ອິກຢ່າງຫນຶ່ງ  ” ສະຖານີລົດໄຟ ຢູ່ຕາມທາງລົດ” ໃນແຕ່ລະບ່ອນແມ່ນສາມາດນຳເອົາຂໍ້ດີ ຂອງປະຫວັດສາດ ແລະ ບັນຍາກາດຂອງຂົງເຂດນັ້ນມານຳໃຊ້ເຂົ້າໃນການອອກແບບກໍ່ສ້າງສະຖານີ ໄດ້ເປັນຢ່າງດີ. ໃນສະຖານີຍັງມີ ຫ້ອງຝືກເຮັດເສັ້ນຫມີ່ໂຊບະ,ເສັ້ນເຂົ້າປຽກອຸດົ້ງ,ເຮັດຜະລິດຕະພັນໄມ້. ມີຫໍພິພິດຕະພັນທີ່ເຮັດໃຫ້ ເຂົ້າໃຈເຖິງປະຫວັດສາດ ແລະ ການດຳລົງຊີວິດຂອງ ຊາວຊົນນະບົດນັ້ນຯ, ມີຫໍນັ່ງຟັງ ການເລົ່າເລື່ອງສະໄຫມກ່ອນ, ມີບ່ອນອາບນຳ້ພຸຮ້ອນ, ສຳລັບຜູ້ມັກກິລາ ຍັງມີເດີ່ນສະກີ ເດີ່ນຕີເທັນນິສ. ນອກຈາກນີ້ການໂອ້ລົມ, ບອກເລົ່າ, ຟັງພາສາທ້ອງຖິ່ນຂອງຊາວບ້ານ ທີ່ເຮັດວຽກຢູ່ຫັ້ນກໍ່ິ ມ່ວນຄືກັນ.

 ສະໄຫມນີ້ ນັກທ່ອງທ່ຽວບໍ່ພຽງແຕ່ໄປທ່ອງທ່ຽວຕາມແຫລ່ງທ່ອງທ່ຽວທີ່ມີຊື່ສຽງເທົ່ານັ້ນ, ແຕ່ຜູ້ທີ່ທ່ອງທ່ຽວເພື່ອຢາກຮຽນຮູ້ກ່ຽວກັບ ບັນຍາກາດການດຳລົງຊິວິດ ຄວາມສຳພັນຂອງຄົນ ແບບບ້ານນອກທີ່ຫາບໍ່ໄດ້ໃນຕົວເມືອງ ກໍ່ກຳລັງເພີ່ມຂຶ້ນ. ສຳລັບຊາວບ້ານແລ້ວ ເຂົາເຈົ້າຄິດວ່າ ເຂົາເຈົ້າດຳລົງຊິວິດ ຕາມປົກກະຕິ ແຕ່ສຳລັບນັກທ່ອງທ່ຽວທີ່ມາທ່ອງທ່ຽວນັ້ນ ຊຳ້ພັດຄິດວ່າ ເປັນເລື່ອງແປກແລະ ເປັນປະສົບການໃຫມ່.

ປະຈຸບັນນີ້ ” ສະຖານີລົດໄຟ ຢູ່ຕາມທາງລົດ”. ທີ່ສາມາດສຳພັດກັບທຳມະຊາດແລະ ຊິວິດການເປັນຢູ່ຂອງຊາວຊົນນະບົດນີ້  ໄດ້ກາຍເປັນເປົ້າຫມາຍຫນຶ່ງຂອງການທ່ອງທ່ຽວ, ປະຈຸບັນລາຍການທ່ອງທ່ຽວຂອງໂທລະທັດ, ວິທະຍຸກໍ່ໄດ້ຍົກເລື່ອງນີ້ຂຶ້ນມາເວົ້າຢ່າງຫລວງຫລາຍ. 

” ສະຖານີລົດໄຟ ຢູ່ຕາມທາງລົດ”. ໄດ້ມີບົດບາດໃນການ ”ສ້າງຄວາມສາມັກຄີໃນທ້ອງຖິ່ນແລະເປັນສູນກາງການສົ່ງເສີມ”  ສະຖານີດັ່ງກ່າວໄດ້ເປັນບ່ອນເຕົ້າໂຮມຜູ້ຜະລິດສິນຄ້າພື້ນບ້ານ, ຊ່ວຍກັນຄິດຄົ້ນ ສິນຄ້າແບບໃຫມ່ອອກມາ ແລ້ວວາງຂາຍໃນອິນເຕີເນັດ, ໃນໂຮມເພກຈ ເຂົາເຈົ້າຍັງລົງຂໍ້ມູນ ກ່ຽວກັບການຈັດງານບຸນໃນທ້ອງຖິ່ນແຕ່ລະລະດູ, ການຈັດງານສະແດງຕ່າງຯຢູ່ເລື້ອຯ ເພື່ອເປັນການດຶງດູດນັກທ່ອງທ່ຽວ. ສຳລັບຄົນໃນທ້ອງຖິ່ນແລ້ວ ຖືວ່າສະຖານີດັ່ງກ່າວເປັນ ບ່ອນທີ່ເຮັດໃຫ້ທ້ອງຖິ່ນນັ້ນຟົດຟື້ນຂຶ້ນ. ທີ່ປະກົດໃຫ້ເຫັນເປັນຈິງກໍ່ຄື ຫມູ່ບ້ານຫນຶ່ງ ໃນແຂວງກຸງມະ ຍ້ອນມີ ” ສະຖານີລົດໄຟ ຢູ່ຕາມທາງລົດ”. ເປັນບ່ອນເຕົ້າໂຮມຜູ້ຜະລິດ, ຍ້ອນການທຸ້ມເທເຫື່ອແຮງໃສ່ເຂົ້າໃນ ການຜະລິດແລະ ຂາຍສິນຄ້າການກະເສດ ຈຶ່ງເຮັດໃຫ້ຊາວກະສິກອນອຸດົມຮັ່ງມີຂຶ້ນ, ເຮັດໃຫ້ຊາວຫນຸ່ມໃນຫມູ່ບ້ານພາກັນກັບມາເຮັດວຽກຢູ່ບ້ານເກີດ. 

ອິກຢ່າງຫນຶ່ງ ” ສະຖານີລົດໄຟ ຢູ່ຕາມທາງລົດ”. ຖືກສ້າງຂຶ້ນ ຍ້ອນແຜ່ນດິນໄຫວທີ່ເກີດຂຶ້ນໃນປີ2004ໃນເຂດ ຈູເອະຈຶ ແຂວງຫນີ່ກະຕະ,ສ້າງຂຶ້ນເພື່ອເປັນພື້ນຖານຂອງການປ້ອງກັນໄພພຶບັດ, ເປັນບ່ອນລີ້ໄພ ເຊັ່ນວ່າ ເດືອນ3 ປີ2011 ໃນເຫດການແຜ່ນດິນໄຫວຄັ້ງໃຫຍ່ທາງທິດ ຕາເວັນອອກຂອງຍີ່ປຸ່ນ

 ” ສະຖານີລົດໄຟຢູ່ຕາມທາງລົດ”. ກໍ່ໄດ້ມີບົດບາດສຳຄັນໃນການເປັນບ່ອນລີ້ໄພຂອງບັນດາຜູ້ປະສົບໄພດັ່ງກ່າວ. ດັ່ງນັ້ນ ປະຈຸບັນນີ້ ສະຖານີດັ່ງກ່າວ ໄດ້ກາຍເປັນ ສູນກາງການອຸ້ມຊູ ສະຫນັບສະຫນູນທີ່ສຳຄັນຂອງທ້ອງຖິ່ນ.

 ” ສະຖານີລົດໄຟ ຢູ່ຕາມທາງລົດ” ເປັນບ່ອນເຮັດໃຫ້ ຄົນກັບຄົນ ສິ່ງຂອງກັບສິ່ງຂອງມາພົບກັນ ແລ້ວເຮັດໃຫ້ມີການແລກປ່ຽນສິ່ງໃຫມ່ຯເກີດຂຶ້ນ. ທ່ານຜູ້ອ່ານກໍ່ເຊັ່ນກັນ ຕອນຂັບລົດເດີນທາງ ຖ້າຫລຽວເຫັນປ້າຍ” ສະຖານີລົດໄຟ ຢູ່ຕາມທາງລົດ” ບໍ່ລອງຈອດແວະເບິ່ງບໍ່? ຄິດວ່າທ່ານຈະຕ້ອງ ພົບພໍ້ກັບສິ່ງໃຫມ່ຯຢ່າງແນ່ນອນ.

ບົດຮຽນແປທີ່5 ຈາກວາລະສານ 中上級　日本語ລາຍເດືອນ 11ປີ2011

ຮ້ານເຂົ້າຫນົມປັງທີ່ດັງໄປທົ່ວໂລກ ເພາະລາວເພິ່ມສິນລະປະເຂົ້າໄປ ເຮັດໃຫ້ສິນຄ້າຂອງລາວແປກ ບໍ່ມີຄົນຮຽນໂມດລາວໄດ້ ຮ້ານ ”eat bakery" ຢູ່ແຂວມງ ລາດຊະບູລີ ປະເທດໄທ ສິນຄ້າຂອງລາວມີຊື່ວ່າ ເຂົ້າຫນົມປັງຫນ້າສົບ ປັ້ນເຂົ້າຫນົມປັງດ້ວຍມືທຸກອັນ ປັ້ນເປັນອະໄວຍະວະຂອງຄົນຕາຍທຸກຢ່າງ ເດືອນຫນຶ່ງປັ້ນໄດ້ບໍ່ເກີນຮ້ອຍກ້ອນ ເພາະຕ້ອງໃຊ້ເວລາ ແລະຄວາມສາມາດລ້ວນລ້ວນ ແລະປັ້ນຄົນດຽວ ບໍ່ໄດ້ໃຊ້ແມ່ພິມ ລາຍຮັບຕໍ່ເດືອນເປັນແສນບາດ ລາຄາແມ່ນຕ່າງກັນແລ້ວແຕ່ອັນນ້ອຍໃຫຍ່ ປັ້ນຍາກງ່າຍ ເຊັ່ນວ່າ ດັງ ຕາ ຫູ ປາກ ອັນລະ 50ບາດຂື້ນໄປ ແຂນ ຂາ ຫົວ ອັນລະ 500ບາດ ຂຶ້ນໄປ ສາມາດເກັບໄວ້ກິນໄດ້ ພາຍໃນສາມມື້ ແຕ່ຖ້າປະໄວ້ລ້າ ກໍ່ໄວ້ໄດ້ດົນຢູ່ ລູກຄ້າສ່ວນຫລາຍຈະຊື້ໄປໂຊ ບໍ່ກິນເພາະມັນແພງ ຕອນນີ້ລູກຄ້າຕ່າງປະເທດກໍ່ມີຫລາຍ ສ່ວນຫລາຍລາວຈະເຮັດຕາມການສັ່ງຊື້ຂອງລູກຄ້າ ລາວບອກວ່າທີ່ຄິດຄົ້ນເຂົ້າຫນົມປັງແບບນີ້ອອກມາ ເພື່ອສະຢາກສະແດງໃຫ້ເຫັນວ່າ

ຄົນເຮົາເກີດມາມີ ເກີດ ແກ່ ເຈັບ ຕາຍ ເນົ່າເປື່ອຍ ສະຫລາຍ ຮ່າງກາຍຂອງຄົນເຮົາກໍ່ຄືກັນກັບເຂົ້າຫນົມປັງ ເມື່ອຕາຍໄປແລ້ວ ປະໄວ້ດົນກໍ່ເນົ່າເປື່ອຍ ມີແມງວັນ ຫນອນເຈາະ ເນົ່າເຫມັນ

ຜູ້ເຮັດເຂົ້າຫນົມປັງຫນ້າສົບ

ສົງໄສໄປດວນກັບແກ້ງອື່ນມາຕິເບາະແກ້ງຢະຄຸຊະສະໄຫມແຕ່ກີ້

ເຂັ້າອັອຟຟິດສຂອງແກ້ງ ຢະຄຸຊະໄປເບິ່ງຕິໂມຍ

ການເດີນຂະບວນຂອງປະຊາຊົນເພື່ອກຳຈັດພວກແກ້ງຢະຄຸຊະ

ໂຄສະນາປະຊາສຳພັນປະຕິເສດແກ້ງຢະຄຸຊະສຊາມຂໍ້ ບໍ່ໃຊ້ບໍລິການ  ບໍ່ຈ່າຍເງິນໃຫ້ ບໍ່ຢ້ານຳແກ້ງຢະຄຸຊະ

<!--[if gte mso 9]> Normal 0 <![endif]-->

່ການບັງຄັບໃຊ້ກົດລະບຽບການກຳຈັດແກ້ງຢະຄຸຊະ

ເພື່ອກຳຈັດແກ້ງຢະຄຸຊະໃຫ້ຫມົດໄປໃນສັງຄົມ

”ກົດລະບຽບການກຳຈັດແກ້ງຢະຄຸຊະ”ໄດ້ມີຜົນນຳໃຊ້ໄປໃນນະຄອນຫລວງໂຕກຽວ

ແລະແຂວງໂອກິນະວະຕັ້ງແຕ່ວັນທີ່1ເດືອນ1oປີ2011ເປັນຕົ້ນໄປ.

ກົດລະບຽບດັ່ງກ່າວນັ້ນ ໄດ້ຮ່າງຂຶ້ນຕັ້ງແຕ່ປີ2009ໃນທົ່ວປະເທດ ສິ່ງນີ້ຊີ້ໃຫ້ເຫັນວ່າ

ການກະກຽມທີ່ຈະກຳຈັດແກ້ງຢະຄຸຊະໃນຍິ່ປຸ່ນແມ່ນພ້ອມແລ້ວ.

ເນື້ອໃນຂອງກົດລະບຽບຂອງແຕ່ລະເມືອງຕ່າງກັນຫນ້ອຍຫນຶ່ງ ແຕ່ວ່າ ເນື້ອໃນສ່ວນຫລາຍແມ່ນ

ວາງກົດລະບຽບວ່າ ບໍ່ໃຫ້ຊະມາຊິກແກ້ງຢະຄຸຊະເຂົ້າຮ່ວມກິດຈະການສາທາລະນະ ,

ບໍ່ໃຫ້ເປີດສຳນັກງານຂອງແກ້ງຢະຄຸຊະຢູ່ໃກ້ກັບໂຮງຮຽນ,ຫ້າມບໍ່ໃຫ້ຜູ້ດຳເນີນທຸລະກິດ

(ບໍລິສັດຫລືຮ້ານຄ້າ)ແບ່ງປັນຜົນປະໂຫຍດໃຫ້ແກ່ແກ້ງຢະຄຸຊະ.

ໃນ”ການແບ່ງປັນຜົນປະໂຫຍດ”ນີ້ ບາງກໍລະນີກໍ່ລວມທັ້ງການຂາຍສິນຄ້າໃຫ້ແກ່

ແກ້ງຢະຄຸຊະ,ແຕ່ວ່າຕາມຄວາມເປັນຈິງແລ້ວ  ບັນຫາສ່ວນໃຫຍ່ກໍ່ຄື ຜູ້ຂາຍຈຳແນກອອກຍາກວ່າ ລູກຄ້າຄົນໃດແມ່ນຊະມາຊິກແກ້ງຢະຄຸຊະ,ແຕ່ວ່າຜູ້ດຳເນີນທຸລະກິດ

ກໍ່ສາມາດປະຕິເສດຄວາມສຳພັນກັບແກ້ງຢະຄຸຊະໄດ້ງ່າຍຂຶ້ນ ດ້ວຍການເອົາກົດລະບຽບດັ່ງກ່າວມາອ້າງ,

ການອອກກົດລະບຽບດັ່ງກ່າວນີ້ເຮັດໃຫ້ ມີຄວາມຫວັງວ່າ  ນັ້ນຈະເປັນການກຳຈັດແກ້ງຢະຄຸຊະໃຫ້ຫມົດໄປໃນສັງຄົມ.

ໃນເດືອນ9ນີ້ ກໍ່ມີເລື່ອງຂອງດາລາທີ່ຊື່ວ່າ ຊິມະດະຊິນຊຸເກະ ໄດ້ລາອອກຈາກວົງການບັນເທີງ

ເມື່ອຄວາມສຳພັນຂອງລາວກັບພວກແກ້ງຢະຄຸຊະຖືກເປີດເຜີຍອອກມາ.

ຜ່ານມາບໍ່ວ່າຈະເປັນໃນວົງການບັນເທີງ ຫລື ວົງການກິລາ ກໍ່ລ້ວນແຕ່ມີຄວາມກ່ຽວຂ້ອງອ້ນແຫນ້ນແຟ້ນກັບແກ້ງຢະຄຸຊະ,

ແຕ່ປະຈຸບັນນີ້ການເຄື່ອນໄຫວໃນການກຳຈັດແກ້ງຢະຄຸຊະແມ່ນກຳລັງແຜ່ລາມກວ້າງອອກ.

ບົດແປຄັ້ງທີ່4 ແປມາຈາກ ວາລະສານ ລາຍເດືອນ中上級　日本語ຂອງເດືອນ11　ປີ2011

ທ້າວນ້ອຍນ້ອຍນີ້ ຍົກມືຂຶ້ນເດີ້  ອ້າຍຊິກວດກຳມັນຕະພາບລັງສີກ່ອນ

ມີຫລາຍຊະນິດຫລາຍປະເພດ ນີ້ເປັນພຽງບາງຊະນິດເທົ່ານັ້ນ ລາຄາ ຕາມເຫັນໃນເນັດເລີ່ມແຕ່ສິບປາຍລ້ານກິບຂຶ້ນໄປ

ການວັດແທກສານກຳມັນຕະພາບລັງສີ ໄດ້ແຜ່ຂະຫຍາຍຢ່າງກວ້າງ

ຫລັງຈາກເຫດການອຸປະຕິເຫດຂອງໂຮງງານໄຟຟ້ານິວເຄຍຟຸກຸຊິມະຫລັງທີ່1 ທັ້ງພາກສ່ວນລັດ ແລະ ປົກຄອງເມືອງກໍ່ໄດ້ປະກາດກ່ຽວກັບການວັດແທກສານກຳມັນຕະພາບລັງສີຢ່າງເປັນປົກກະຕິຢູ່ແລ້ວ
ແຕ່ວ່າ ບັນດາຜູ້ຄົນທີ່ຢາກຈະຮູ້ຈັກສະພາບອ້ອມຂ້າງໂຕເອງນັ້ນ ກໍ່ໄດ້ພາກັນຊື້ເຄື່ອງຈັກວັດແທກ
ສານກຳມັນຕະພາບລັງສີດ້ວຍໂຕເອງ ຫລືໂຮມເງິນກັນຊື້ເປັນກຸ່ມ, ການເຄື່ອນໄຫວນີ້ແມ່ນກຳລັງ
ແຜ່ຂະຫຍາຍຢ່າງກວ້າງຂວາງ.ຍ້ອນເຫດນີ້ ປະຈຸບັນນີ້ ເຄື່ອງຈັກວັດແທກສານກຳມັນຕະພາບລັງສີແມ່ນຊອກຊື້ຍາກຂຶ້ນ.

ໂດຍສະເພາະແມ່ນ ບັນດາຜູ້ຄົນທີ່ມີຄວາມເປັນຫ່ວງດ້ານຜົນກະທົບຂອງສານກຳມັນຕະພາບລັງສີທີ່ມີຕໍ່ເດັກນ້ອຍ
ໄດ້ພາກັນວັດແທກປະລິມານສານກຳມັນຕະພາບລັງສີ ໃນຂອບເຂດບໍລິເວນທີ່ໃຊ້ຊີວິດປະຈຳວັນດ້ວຍຕົນເອງ,
ຍ້ອນການເຄື່ອນໄຫວເຫລົ່ານີ້ ໄດ້ກວດພົບວ່າ ຕາມຖະຫນົນໃນເມືອງເຊຕະງະຍະຂອງນະຄອນຫລວງໂຕກຽວ
ມີປະລິມານສານກຳມັນຕະພາບລັງສີສູງຜິດປົກກະຕິ,ເພາະຖະຫນົນເສັ້ນເປັນທາງໄປໂຮງຮຽນປະຖົມ ກໍ່ເລີຍເຮັດໃຫ້
ປະຊາຊົນພາກັນຫວຸ້ນວາຍຊົ່ວຄາວ. ສຸດທ້າຍສາເຫດດັ່ງກ່າວແມ່ນຍ້ອນ ພົບວ່າມີແກ້ວທີ່ບັນຈຸທາດເຣດ່ຽມ₭
(ທາດກຳມັນຕະພາບລັງສີຊະນິດຫນຶ່ງ)ປະໄວ້ຢູ່ໃນເຮືອນຮ້າງຫລັງຫນຶ່ງ.
ອີກເລືອງຫນຶ່ງ ຕາມສວນສາທາລະນະ ແລະໂຮງຮຽນ ທີ່ຫລຸບຕ່ຳ ຈະມີປະລິມານສານກຳມັນຕະພາບລັງສີສູງ
ສິ່ງເຫລົ່ານີ້ແມ່ນຜົນກະທົບມາຈາກອຸປະຕິເຫດໂຮງງານໄຟຟ້ານິວເຄຍ.

ມັນເປັນເລື່ອງຍາກ ທີ່ລັດຖະບານແລະປົກຄອງເມືອງຈະສາມາດວັດແທກປະລິມານສານກຳມັນຕະພາບລັງສີ
ໄດ້ຫມົດທຸກບ່ອນ,ດັ່ງນັ້ນ  ຂ້າພະເຈົ້າຄິດວ່າມັນຈຳເປັນທີ່ ຈາກນີ້ໄປ ທາງປົກຄອງເມືອງຄວນຈະເອົາເຄື່ອງຈັກວັດແທກ
ໃຫ້ປະຊາຊົນຢືມ,ຫລືຜູ້ທີ່ມີເຄື່ອງຈັກວັດແທກຢູ່ແລ້ວ ກໍ່ຄວນທີ່ຈະຮ່ວມມືກັບທາງປົກຄອງເມືອງ
ໃນການລາຍງານຜົນຂອງການວັດແທກຢ່າງກວ້າງຂວາງ

ບົດນີ້ຂ້າພະເຈົ້າຮຽນແປມາຈາກ ວາລະສານລາຍເດືອນ ຂອງເດືອນ11ປີ2011　”中上級の　日本語”  ບົດແປຄັ້ງທີ່ສອງ

ຖ້າມີຄຳຕິຕຽນກໍ່ຈະຂໍຂອບໃຈຢ່າງສູງ

ບໍລິສັດການບິນລາວ ໄດ້ຮັບການສົ່ງມອບເຄື່ອງບິນ Airbus ລຸ່ນ A-320 ​ແລ້ວ 1 ລໍາ​ ໃນ ຈໍານວນ 2 ລໍາ ທີ່ສັ່ງຊື້ຈາກຕ່າງປະເທດພາຍ​ໃຕ້​ເປົ້າໝາຍທີ່​ຈະ​ເພີ້ມ​ເສັ້ນທາງ​ການບິນ​ໄປ​ຕ່າງ   ປະ​ເທດ​ໃຫ້​ຫລາຍ​ຂຶ້ນ.

ລັດວິສະຫະກິດການບິນລາວ ໄດ້ຮັບການສົ່ງມອບເຄື່ອງບິນ Airbus ລຸ່ນ A-320 ຂະໜາດ 142 ບ່ອນນັ່ງລໍາທໍາອິດ ຈໍານວນ 2 ລໍາ                    ທີ່ສັ່ງຊື້ຈາກບໍລິສັດ Airbus ປະເທດຝຣັ່ງໃນວັນທີ 8 ພະຈິກທີ່​ຜ່ານ​ມານີ້ ໂດຍທີ່ມີທ່ານສົມພອນ ດວງດາລາ ຜູ້ອໍານວຍການ
ໃຫຍ່ ລັດວິສະຫະກິດການບິນລາວ ເປັນຜູ້ຮັບມອບຈາກທ່ານ ຝຣັ່ງຊົວ ລາວານ ປະທານອາວຸໂສຂອງບໍລິສັດ Airbus.                                      ສ່ວນເຮືອບິນລໍາທີ 2 ນັ້ນ ກໍມີກໍານົດການທີ່ ຈະສົ່ງມອບ ຢ່າງເປັນທາງການພາຍໃນເດືອນທັນວາ ປີນີ້ເປັນຢ່າງຊ້າ.

ເຮືອບິນ Airbus ລຸ່ນ A-320 ທັງສອງລໍາດັ່ງກ່າວນີ້ ຖືເປັນສ່ວນນຶ່ງໃນແຜນການ ທີ່ເພີ້ມ
ເສັ້ນທາງການບິນ ໄປຕ່າງປະເທດຂອງລັດວິສະຫະກິດການບິນລາວ ນັບຈາກປັດຈຸບັນ
ຈົນໄປເຖິງປີ 2020 ແລະສໍາລັບເປົ້າໝາຍຈົນເຖິງປີ 2015 ນັ້ນ ກໍຈະໃຊ້ເງິນທຶນເຖິງ 200
ລ້ານໂດລາ ເພື່ອຈັດຊື້ເຄື່ອງບິນຂະໜາດ 150-200 ບ່ອນນັ່ງເພີ່ມຂຶ້ນອີກ 4 ລໍາ ເປັນຢ່າງ
ໜ້ອຍ.

ການດໍາເນີນທຸລະກິດຂອງລັດວິສະຫະກິດການບິນລາວ ທີ່ມີການຂະຫຍາຍຕົວ ແລະມີຜົນ
ກໍາໄລເພີ່ມຂຶ້ນຢ່າງຕໍ່ເນື່ອງດັ່ງກ່າວ ກໍຍັງເປັນຜົນເຮັດໃຫ້ໄດ້ຮັບລາງວັນດີເດັ່ນຈາກສະຖາບັນ
ການບິນພົນລະເຮືອນນາໆຊາດ ທັງໃນສະຫະລັດອາເມຣິກາ ເຢຍລະມັນ ອັງກິດ ແລະຝຣັ່ງ
ມາແລ້ວເຖິງ 5 ປີຕິດຕໍ່ກັນ ກໍຄືນັບຈາກປີ 2006 ເຖິງປີ 2010 ທີ່ຜ່ານມານັ້ນເອງ.

ນອກຈາກນັ້ນ ການທີ່ມີຜູ້ໂດຍສານທັງພາຍໃນແລະຈາກຕ່າງປະເທດ ໄດ້ໃຊ້ບໍລິການເພີ່ມຂຶ້ນ
ໃນອັດຕາສະເລ່ຍເຖິງ 15% ໃນແຕ່ລະປີນັ້ນ ກໍຍັງເຮັດໃຫ້ລັດວິສະຫະກິດການບິນລາວ ໄດ້
ວາງແຜນການເພີ້ມ ເສັ້ນທາງການບິນໄປຕ່າງປະເທດຫລາຍຂຶ້ນ ໂດຍຈະນໍາໃຊ້ເຮືອບິນ
Airbus ທັງ 2 ລໍາດັ່ງກ່າວນີ້ ເປັນຫລັກ, ດັ່ງທີ່ທ່ານ ສຸລິເດດ ດວງສຸດທິ ຜູ້ຈັດການຝ່າຍການ
ຕະຫຼາດຂອງລັດວິສະຫະກິດການບິນລາວ ໄດ້ຊີ້ແຈງວ່າ:

“ແຜນການຍົນ ແອບັດທີ່ວ່າພວກເຮົາຈະນໍາໃຊ້ໃນຕົ້ນເດືອນສິບເອັດນີ້ ກໍໝາຍຄວາມວ່າ
ວຽງຈັນ-ຄຸນໝິງ ພວກເຮົາໄດ້ໃຊ້ແອບັດ ວຽງຈັນ-ບາງກອກ ທີ່ພວກເຮົາບິນ ສອງຖ້ຽວຕໍ່
ມື້ນີ້ ຈໍາເປັນຕ້ອງໃຊ້ແອບັສ ເພາະວ່າມັນເປັນເກດເວທີ່ຜູ້ໂດຍສານເຂົ້າມາເສັ້ນທາງນີ້ຫຼາຍ,
ແລ້ວ ວຽງຈັນ-ໄຊງ່ອນ ສາມຖ້ຽວຕໍ່ອາທິດ, ວຽງຈັນ-ຫຼວງພະບາງ ຕອນເຊົ້ານີ້ກໍໃຊ້ເຄື່ອງ
ບິນ ແອບັສ ວຽງຈັນ-ສິງກະໂປ ກະມີສາມຖ້ຽວ ຕໍ່ອາທິດ ຕາມທີ່ເຮົາວາງແຜນໄວ້.”

Songrit Pongern

ພິທີເຊັນສັນຍາ ຊື້-ຂາຍເຮືອບິນແອບັສ ຂະໜາດ 140 ບ່ອນນັ່ງ ລະຫວ່າງບໍລິສັດການບິນລາວ ແລະບໍລິສັດແອບັສ ທີ່ຈັດຂຶ້ນທີ່                           ນະຄອນວຽງຈັນ ໃນເດືອນສິງຫາ 2011 ທີ່ຜ່ານມານີ້.

ລັດວິສະຫະກິດການບິນລາວໄດ້ຈັດຊື້ເຄື່ອງບິນ Airbus ທັງ2 ລໍາດັ່ງກ່າວນີ້ຄິດເປັນມູນຄ່າລວມກັນເຖິງ 91 ລ້ານໂດລາ
ໂດຍໄດ້ຮັບການສະໝັບສະໜູນເງິນກູ້ຈາກທະນາຄານແຫ່ງຊາດລາວ ແລະທະນາຄານການຄ້າ
ຕ່າງປະເທດຂອງລັດຖະບານລາວໃນມູນຄ່າ 20 ລ້ານໂດລາ ແລະ 71 ລ້ານໂດລາຕາມລໍາດັບ.

ສໍາລັບເສັ້ນທາງການບິນທີ່ຈະເພີ່ມຂຶ້ນອີກ 2 ເສັ້ນທາງ ນັບຈາກເດືອນພະຈິກນີ້ ເປັນຕົ້ນໄປ ກໍຄືເສັ້ນທາງບິນລະຫວ່າງ ວຽງຈັນກັບສິງກະໂປ ແລະວຽງຈັນກັບກວາງໂຈ ປະເທດຈີນ. ສ່ວນໃນໄລຍະໄຕມາດທໍາອິດ ຫຼື 3 ເດືອນຕົ້ນປີ 2012 ນີ້ ກໍປະກົດວ່າລັດວິສະຫະກິດການ
ບິນລາວ ກໍຍັງມີແຜນການທີ່ຈະຂະຫຍາຍເສັ້ນທາງການບິນ ໄປຍັງກຸງໂຊນ ປະເທດເກົາຫລີ
ໃຕ້ອີກດ້ວຍ.

ຄະນະກໍາມະການສາມຝ່າຍຍັງບໍ່ສາມາດ ຕົກລົງກັນໄດ້ ກ່ຽວກັບການປັບຂຶ້ນຄ່າຈ້າງຂັ້ນຕໍ່າ ໃຫ້ແກ່ຜູ້ອອກແຮງງານ ໃນຂະນະທີ່ຄ່າຄອງຊີບມີການປັບຕົວສູງຂຶ້ນຢ່າງຕໍ່ເນື່ອງ.

ທ່ານຄໍາຫລ້າ ລໍລອນສີ ປະທານສະຫະພັນກໍາມະບານລາວ ໃຫ້ການຢືນຢັນວ່າ ສະຫະພັນກໍາມະບານ                                                        ພ້ອມດ້ວຍກະຊວງ​ແຮງ​ງານ ແລະ​ ສະຫວັດດີ​ການ​ສັງຄົມ ແລະສະມາຄົມນາຍຈ້າງ ທີ່ປະກອບເປັນຄະນະກໍາມະການສາມຝ່າຍ                        ຫລືໄຕຣພາຄີນັ້ນ ຍັງບໍ່ສາ ມາດຫາຂໍ້ສະຫລຸບຮ່ວມກັນ ກ່ຽວກັບການປັບຂຶ້ນອັດຕາຄ່າຈ້າງຂັ້ນຕໍ່າ                                              ໃຫ້ກັບຜູ້ອອກແຮງງານລາວໄດ້ເລີຍ ຈົນເຖິງປັດຈຸບັນນີ້ ເຖິງແມ່ນວ່າ ທັງສາມຝ່າຍຈະເຫັນຊອບໃນຫລັກການຮ່ວມກັນວ່າ ສົມຄວນທີ່ຈະມີການປັບຂຶ້ນອັດຕາຄ່າຈ້າງຂັ້ນຕໍ່າ ໃຫ້ສອດຄ່ອງ ກັບສະພາວະຄ່າຄອງຊີບທີ່ເພີ້ມຂຶ້ນຢ່າງຕໍ່ເນື່ອງກໍຕາມ.

Songrit Pongern

ກໍາມະກອນລາວ ທີ່ໂຮງງານຕັດຫຍິບແຫ່ງນຶ່ງ ໃນນະຄອນວຽງຈັນ ທີ່ຜະລິດສິນຄ້າເພື່ອສົ່ງອອກ.

ທັງນີ້ກໍເນື່ອງຈາກວ່າ ທາງສະຫະພັນກໍາມະບານລາວນັ້ນໄດ້ສະເໜີໃຫ້ມີການປັບຂຶ້ນອັດຕາຄ່າຈ້າງຂັ້ນຕໍ່າ ເປັນຢ່າງນ້ອຍ665,000 ກີບ                          ຕໍ່ເດືອນ ຊຶ່ງທາງຝ່າຍກະຊວງແຮງງານກໍເຫັນດີດ້ວຍ ຫາກແຕ່ວ່າ ທາງຝ່າຍສະມາຄົມນາຍຈ້າງກັບເຫັນວ່າ             ການປັບຂຶ້ນຄ່າາຈ້າງຂັ້ນຕໍ່າໃນອັດຕາດັ່ງກ່າວຈະສົ່ງຜົນກະທົບຕໍ່ທຸລະກິດການສົ່ງອອກສິນຄ້າໄປຕ່າງປະເທດ                              ເນື່ອງຈາກວ່າການເພີ້ມຄ່າຈ້າງ ກໍຄືການເພີ້ມຕົ້ນທຶນ ທີ່ຈະເຮັດໃຫ້ສິນຄ້າສົ່ງອອກຈາກລາວມີລາຄາແພງຂຶ້ນ   ຈົນບໍ່ສາມາດແຂ່ງຂັນໃນຕະຫລາດຕ່າງປະເທດໄດ້.

ແຕ່ຢ່າງໃດກໍຕາມ ສະຫະພັນກໍາມະບານລາວກໍຍັງຄາດຫວັງວ່າ ທາງສະມາຄົມນາຍຈ້າງ ຈະເຫັນດີກັບການປັບຂຶ້ນອັດຕາຄ່າຈ້າງຂັ້ນຕໍ່າ           ດັ່ງກ່າວໃນໝໍ່ໆນີ້ ຫລືຢ່າງຊ້າທີ່ສຸດ ກໍຄືພາຍໃນເດືອນຕຸລາປີນີ້ ເນື່ອງຈາກວ່າອັດຕາຄ່າຈ້າງຂັ້ນຕໍ່າຂອງຜູ້ອອກແຮງງານລາວໃນ
ປັດຈຸບັນນີ້ ຖືວ່າຕໍ່າຫລາຍ ເມື່ອທຽບໃສ່ກັບຄ່າຄອງຊີບ ທີ່ປັບຕົວສູງຂຶ້ນຢ່າງຕໍ່ເນື່ອງ ດັ່ງທີ່ທ່ານຄໍາຫລ້າໄດ້ຖະແຫລງຊີ້ແຈງວ່າ:

Songrit Pongern

ທ່ານຄໍາຫລ້າ ລໍລອນສີ, ຫົວໜ້າ ສະຫະພັນກໍາມະບານລາວ

“ເງິນເດືອນພວກເຮົາປະຕິບັດໃນຄູ່ມື້ນີ້ ຕໍ່າສຸດລະແມ່ນ 348,000 ກີບຕໍ່ຄົນຕໍ່ເດືອນ ບວກກັບເງິນ
ນະໂຍບາຍຕ່າງໆ ລວມທັງໝົດແມ່ນ ຫ້າແສນກວ່າກີບຕໍ່ຄົນຕໍ່ເດືອນ. ແມ່ນແຕ່ລະໂຮງຈັກໂຮງ
ງານ ຫລືວ່າຫົວໜ້າການຜະລິດຕ່າງໆ ຈະຕ້ອງໄດ້ປະຕິບັດຕໍ່ກໍາມະກອນ ທີ່ອອກແຮງງານແມ່ນ
ບໍ່ໃຫ້ຫລຸດໄປກວ່ານັ້ນ. ໃນຕໍ່ໄປນີ້ ພວກເຮົາຍັງຈະໄດ້ສະເໜີເພີ້ມຕື່ມອີກ ເພື່ອອີງໃສ່ຄ່າຄອງຊີບ ອີງ
ໃສ່ສະພາບການເສດຖະກິດການເງິນຂອງໂລກ ກໍຄືພາຍໃນຂອງພວກເຮົານີ້ ມັນມີການປ່ຽນແປງ ຈະໄດ້
ເພີ້ມຕື່ມເທົ່າໃດ ຍັງເວົ້າບໍ່ທັນໄດ້.”

Songrit Pongern

ເຂົ້າຊຶ່ງເປັນສິນຄ້າອຸບປະໂພກປະເພດນຶ່ງທີ່ມີລາຄາ ແພງຂຶ້ນນັບມື້

ທາງການກະຊວງອຸດສະຫະກໍາ ແລະການຄ້າ ໄດ້ລາຍງານວ່າ ລາຄາສິນຄ້າອຸບປະໂພກ ບໍລິໂພກໃນທົ່ວປະເທດລາວ                                 ໄດ້ປັບຕົວສູງຂຶ້ນເຖິງ 13.95% ໃນເດືອນມິຖຸນາທີ່ຜ່ານມາ. ສ່ວນຄ່ານໍ້າມັນ ຄ່າໄຟຟ້າແລະລາຄາແກັສຫຸງຕົ້ມນັ້ນ                                  ກໍປັບຕົວສູງຂຶ້ນເກີນກວ່າ 11% ໃນຊ່ວງດຽວກັນນີ້ ຊຶ່ງກໍເປັນຜົນເຮັດໃຫ້ອັດຕາເງິນເຟີ້ ເພີ້ມສູງຂຶ້ນເກີນກວ່າລະດັບ 10% ແລ້ວ                                  ໃນຂະນະນີ້ ເພາະສະນັ້ນ ຈຶ່ງເຮັດໃຫ້ຜູ້ອອກແຮງງານບໍ່ສາມາດ ທີ່ຈະຄອງຊີບຢູ່ໄດ້ດ້ວຍອັດຕາຄ່າຈ້າງຂັ້ນຕໍ່າທີ່ເປັນຢູ່ໃນເວລານີ້.

ນອກຈາກນີ້ ການທີ່ວ່າລາວມີອັດຕາຄ່າຈ້າງຕໍ່າຫລາຍ ເມື່ອສົມທຽບໃສ່ກັບຄ່າຄອງຊີບທີ່ເພີ້ມສູງຂຶ້ນທຸກມື້ນັ້ນ ກໍຍັງເປັນເງື່ອນໄຂນຶ່ງ ທີ່ເຮັດໃຫ້ແຮງງານລາວຕ້ອງພະຍາຍາມ ເດີນທາງໄປລອບທໍາງານໂດຍຜິດກົດໝາຍ ຢູ່ໃນປະທດໄທເພີ້ມຫລາຍຂຶ້ນນັບມື້ ເຊັ່ນດຽວກັນ ເຖິງແມ່ນວ່າຈະສ່ຽງຕໍ່ການທີ່ຈະຖືກທາງການໄທຈັບກຸມຄຸມຂັງ ໃນຂໍ້ຫາເຂົ້າເມືອງໂດຍຜິດກົດໝາຍ ແລະສ່ຽງຕໍ່ການຕົກເປັນເຫຍື່ອຂອງຂະບວນການຄ້າມະນຸດໃນໄທກໍຕາມ,                                  ຫາກແຕ່ພວກເຂົາເຈົ້າກໍຍອມເພື່ອແລກກັບຄ່າຈ້າງທີ່ສູງກວ່າຢູ່ໃນລາວ ນັ້ນເອງ.

ຂໍ້ມູນຈາກວີໂອເອ

ທາງ​ການ​ລາວປະມານ​ການ​ວ່າ ມີ​ແຮງງານ​ຕ່າງ​ດ້າວ ຢູ່​ໃນ​ລາວ​ຫລາຍ​ກວ່າ 120 ພັນ​ຄົນ ​ແລະ ​ເກີນ​ກວ່າ 80% ​ໃນ​ຈໍານວນ​ດັ່ງກ່າວ​ນີ້

​ເປັນ​ແຮງງານ ທີ່​ລັກລອບ​ທໍາ​ງານ​ຢູ່​ໃນ​ລາວ ​ໂດຍ​ຜິດ​ກົດໝາຍ.

ເຈົ້າໜ້າທີ່ກະຊວງແຮງງານ ແລະສະຫວັດດີການສັງຄົມ ​ໄດ້​ໃຫ້ການຢືນຢັນວ່າ ​ໃນ​ປັດຈະ​ບັນນີ້ ມີ​ແຮງງານຕ່າງ​ດ້າວ ຢູ່​ໃນ​ລາວ​ຈໍານວນ​ທັງໝົດ ຫລາຍ​ກວ່າ 120 ພັນ​ຄົນ ຊຶ່ງ​ຈາກ​ການ​ເກັບ​ກໍາ​ຂໍ້​ມູນ​ໃນ​ໄລຍະ 1 ປີ ທີ່​ຜ່ານ​ມາ ກໍ​ພົບ​ວ່າ ​ແຮງງານ​ຕ່າງ​ດ້າວ​ສ່ວນ​ໃຫຍ່​ນັ້ນ ​ເດີນທາງ​ມາ​ຈາກ​ປະ​ເທດ​ຫວຽດນາມ, ຈີນ ​ແລະ​ໄທ ຕາມ​ລໍາດັບ ກັບ​ທັງ​ຍັງ​ສໍາ​ຫລວດ​ພົບ ອີກ​ດ້ວຍ​ວ່າ ​ໃນ​ຈໍານວນ​​ແຮງງານ​ຕ່າງ​ດ້າວ​ເຫລົ່ານີ້ ກໍ​ຄິດ​ເປັນ​ຫລາຍ​ກວ່າ 80% ທີ່ເປັນ​ແຮງງານ ທີ່​ລັກລອບ​ທໍາ​ງານ​ຢູ່​ໃນ​ລາວ ​ໂດຍ​ຜິດ​ກົດໝາຍ.

ທັງນີ້ກໍເນື່ອງຈາກວ່າ ແຮງງານລາວສ່ວນໃຫຍ່ໃນປັດຈຸບັນນີ້ ເປັນແຮງງານທີ່ບໍ່ມີຝີມື ຈຶ່ງບໍ່ສາມາດທີ່ຈະຕອບສະໜອງ ຄວາມຕ້ອງການດ້ານແຮງງານ ຂອງບັນດາບໍລິສັດຕ່າງຊາດລົງທຶນຢູ່ໃນລາວໄດ້ຢ່າງພຽງພໍ. ເຊິ່ງກໍເປັນຜົນເຮັດໃຫ້ບັນດາບໍລິສັດຕ່າງຊາດຕ້ອງພາກັນ ແກ້ໄຂບັນຫາ ດ້ວຍການນໍາເຂົ້າແຮງງານທີ່ມີຝີມື ຈາກຕ່າງປະເທດເປັນດ້ານຫຼັກ.

Songrit Pognernນັກຮຽນການຊ່າງທີ່ຝຶກອົບຮົມຢູ່ສູນຝຶກອົບ ຮົມແຮງງານແຫ່ງນຶ່ງໃນນະຄອນວຽງຈັນ

ຕໍ່ກໍລະນີ​ດຽວກັນນີ້ ທ່ານນາງອ່ອນຈັນ ທໍາມະວົງ ລັດຖະມົນຕີວ່າການກະຊວງແຮງງານ ແລະສະຫວັດດີການສັງຄົມ ​ກໍໄດ້ຖະແຫຼງຍອມຮັບວ່າ ການທີ່ທາງ
ການລາວເອງກໍມີຂໍ້ຈໍາກັດໃນດ້ານການພັດທະນາຝີມືແຮງງານ ນັ້ນ ກໍ​ຄືສາ​ເຫດ​ທີ່​ສໍາຄັນ​ປະການນຶ່ງທີ່​ເຮັດ​ໃຫ້ບໍ່ສາມາດ​ຕອບ​ສະໜອງ​ແຮງງານ​ມີ​ຝີ​ມື ​ໃຫ້​ແກ່​ບັນ
ດາ​ບໍລິສັດ​ຕ່າງ​ຊາດ ທີ່​ລົງທຶນ​ຢູ່​ໃນ​ລາວໃຫ້​ໄດ້​ຢ່າງ​ພຽງພໍ.

ຍິ່ງ​ໄປ​ກວ່າ​ນັ້ນ ການ​ບໍລິຫານ ແລະການຄຸ້ມຄອງແຮງງານພາຍ​ໃນ​ລາວ ​ແຮງງານ​ຕ່າງ​ດ້າວໃນ​ລາວ ກໍຍັງປະຕິບັດໄດ້ຢ່າງບໍ່ທົ່ວເຖິງ ແລະຂາດປະສິດທິພາບໃນທຸກໆດ້ານອີກດ້ວຍ ດັ່ງທີ່ທ່ານນາງ ອ່ອນຈັນໄດ້​ຖະ​ແຫລ​ງຍອມຮັບ​ໃນ​ຕອນ​ນຶ່ງ​ວ່າ:

“ກົນໄກປະສານງານ ​ແລະການຄຸ້ມຄອງແຮງງານລາວ ​ແລະ​ແຮງງານ​ຕ່າງປະ​ເທດ
ທີ່​ມາ​ເຮັດວຽກ​ໃນ​ລາວ ຍັງບໍ່ທັນເປັນລະບົບແລະມີຄວາມເຂັ້ມແຂງເທົ່າທີ່ຄວນ
ການພັດທະນາຝີມືແຮງງານຂອງພວກເຮົາ ຍັງບໍ່ທັນ ກວ້າງຂວາງ, ການສະໜອງ
ກໍາລັງແຮງງານໃນບາງຂົງເຂດ ບໍ່ທັນໄດ້ຕາມການຮຽກຮ້ອງຕ້ອງການຂອງຫົວ
ໜ່ວຍແຮງງານໂຕຈິງ ເປັນຕົ້ນໂຄງການລົງທຶນຂະໜາດໃຫຍ່ ຍ້ອນຂາດຂໍ້ມູນຂ່າວ
ສານດ້ານແຮງງານໃນລະບົບ ແລະນອກລະບົບຍັງບໍ່ທັນຊັດເຈນ.”

Songrit Pognern

ພິທີເປີດໂຄງການກໍ່ສ້າງສູນການຄ້າທາດຫລວງພລາຊາ ທີ່ເປັນໂຄງການນຶ່ງ ທີ່ໃຊ້ແຮງງານຈາກຫວຽດນາມ

ແຕ່​ຢ່າງ​ໃດ​ກໍ​ຕາມ ທ່ານນາງ ອ່ອນຈັນ ກໍໄດ້ຖະແຫຼງຢືນຢັນ​ວ່າ ລັດຖະບານລາວໄດ້ວາງຄາດໝາຍ ທີ່ຈະສ້າງວຽກເຮັດງານທໍາໃຫ້ແກ່ປະຊາຊົນໃຫ້ໄດ້ເຖິງ
276,828 ຄົນ ນັບຈາກປັດຈຸບັນໄປ ຈົນເຖິງປີ 2015 ໂດຍໃນຕໍາແໜ່ງງານເຫຼົ່ານີ້ຍັງຈະເປັນວຽກງານທີ່ຈະຕ້ອງໃຊ້ແຮງງານ
ທີ່ມີຝີມືເປັນທີ່ຍອມຮັບຂອງບັນດາບໍລິສັດຕ່າງຊາດທີ່ລົງທຶນຢູ່ໃນລາວດ້ວຍ.

ທັງ​ນີ້ ​ໂດຍ​ອີງ​ຕາມ​ລາຍ​ງານ​ສະຖິຕິ​ຂອງ​ກະຊວງ​ແຮງງານ​ລາວ ກໍ​ໄດ້​ລະບຸ​ວ່າ
ໃນ​ໄລຍະ 1 ປີ​ທີ່​ຜ່ານ​ມາ ທາງ​ການ​ລາວ ສາມາດ​ພັດທະນາ​ແຮງງານ​ມີ​ຝີ​ມື​ໄດ້​ທັງໝົດ 44 ພັນ​ກວ່າຄົນ ຫລື​ຄິດ​ເປັນ 15% ​ເທົ່າ​ນັ້ນ ຂອງ​ຜນການ​ສ້າງ​ວຽກ​ເຮັດງານ​ທໍາ ຈົນ​ເຖິງ​ປີ 2015 ດັ່ງກ່າວ. ຊຶ່ງ​ກໍໝາຍຄວາມ​ວ່າ ການ​ທີ່​ທາງການ​ລາວ ຈະ​ສາມ​າດບັນລຸ​ເປົ້າໝາຍທີ່​ວາງ​ໄວ້​ດັ່ງກ່າວ ​ໄດ້​ຢ່າງ​ແທ້​ຈິງ​ນັ້ນ ກໍ​ຈະ​ຕ້ອງ​ດໍາ​ເນີນ​ການ​ພັດທະນາ​ແຮງງານ​​​ມີ​ຝີ​​ມື ​ໃຫ້​ໄດ້​ເຖິງ 55, 300 ກວ່າ​ຄົນ ​ໃນ​ແຕ່ລະ​ປີ ນັ້ນ​ເອງ.

ບົດຄວາມນີ້ ຂພຈ ຮຽນແປມາຈາກ ບົດຄວາມຂອງນັກສຶກສາຍີ່ປຸ່ນຄົນນຶ່ງທີ່ໄປຮຽນຢູ່ຈີນ ຈາກວາລະສານ konan monthly No99.august 2011

ເພື່ອເປັນກຳລັງໃຈໃຫ້ແກ່ທ່ານທີ່ກຳລັງທໍ້ໃຈໃນອຸປະສັກການຮຽນ ຖ້າແປແປກກໍ່ຕິຕຽນກັນແນ່ເດື້

ຊ່ອຍກັນຮຽນມັນເປັນແນວນີ້ເບາະ!

ຂ້ອຍກັບອາຈານພາສາຈີນ 

ຂ້ອຍມາຮຽນຢູ່ຈີນໄດ້ສອງປີແລ້ວ.ຂ້ອຍມາຮຽນຕັ້ງແຕ່ເລີ່ມຕົ້ນແບບບໍ່ຮູ້ຫຍັງເລີຍ,

ພໍໍບໍ່ດົນຫມູ່ກໍ່ກະລຸນາແນະນຳອາຈານໃຫ້ຮູ້ຈັກທັນທີ.

ເຖິງຈະເອີ້ນວ່າອາຈານ ແຕ່ລັກສະນະແບບ ”ເຮົາມາຮຽນນຳກັນເທາະ” ແບບອາໄສແລກປ່ຽນຮຽນນຳກັນ.

ການຮຽນແບບນີ້ແມ່ນນັກສຶກສາຍ່ີປຸ່ນທີ່ໄປຮຽນຢູ່ຕ່າງປະເທດມັກໃຊ້ວິທີນີ້.

ຜູ້ທີ່ຈະຊ່ອຍກັນຮຽນກັບຂ້ອຍນັ້ນ ເປັນນັກສຶກສາສາວທີ່ດຸຫມັ່ນ ວິຊາຫລັກຂອງລາວແມ່ນພາສາຍີ່ປຸ່ນ,ຂ້ອຍຄິດວ່າ ຕອນເຈິກັນເທື່ອທຳອິດ ລາວກໍ່ເວົ້າພາສາຍີ່ປຸ່ນຫລ່ຽນໄຫລປານນັ້ນ ແລ້ວຊິໃຫ້ຂ້ອຍສອນຫຍັງໃຫ້ລາວອິກນໍ່!

ລາວອາຍຸອ່ອນກວ່າຂ້ອຍອີກແຕ່ລະດັບຄວາມຮູ້ດ້ານພາສາຂອງລາວແມ່ນສູງກວ່າ

ຂ້ອຍຫລາຍເຕີບ,ເປັນອາຈານແລະລູກສິດແບບ

ບໍ່ໃຫ້ຫ່ວງດ້ານຄວາມແຕກຕ່າງເລື່ອງອາຍຸວ່າຈັ່ງຊັ້ນສ່ະ.

ແຕ່ວ້າແຕ່ວ່າ,ລາວຊຳ້ພັດເປັນອາຈານທີ່ເຂັ້ມງວດຫລາຍ.ລາວສົມ

ມຸດໃຫ້ລະດັບຄວາມຮູ້ພາສາຈີນຂ້ອຍເທົ່າກັບລະດັບຄວາມຮູ້ພາສາ

ຍີ່ປຸ່ນຂອງລາວ ແລ້ວລາວຈຶ່ງຢາກ ຮຽນແບບ”ຊ່ອຍກັນຮຽນ”

ຍ້ອນວ່າເປັນຜູ້ຍິງຄືກັນ ຂ້ອຍກໍ່ເລີຍຮູ້ສຶກອຶດອັດ.

ແຕ່ຂໍໂທດທີ່ຂ້ອຍຄິດວ່າຊິກ້າວຫນ້າດ້ວຍຕົນເອງ ເພື່ອກະກຽມ ”ການຊ່ອຍກັນຮຽນ” ກໍ່ເລີຍລັກຊື້ປຶ້ມແບບຮຽນພາສາຈີນທີ່ມີຂາຍໃນຍີ່ປຸ່ນ.

ເພື່ອກະກຽມການ”ຊ່ອຍກັນຮຽນ”,ວັນເວລາຮຽນດ້ວຍຕົວເອງທີ່ອັດສະຈັນໄດ້ຕໍ່ເນື່ອງ.

ແລ້ວຂ້ອຍກໍ່ຈຳແນກຄວາມແຕກຕ່າງໄດ້.

ປຶ້ມແບບຮຽນທີ່ຂຽນສຳລັບຄົນຍີ່ປຸ່ນນີ້ ເຂົ້າໃຈງ່າຍດີເວີ້ຍ (ຮຶຮຶຮຶ).

ໂດຍສະເພາະ ຄຳອະທິບາຍ ການອອກສຽງໃນພາສາຍີ່ປຸ່ນ ມານຳໃຊ້ໃນການອອກສຽາພາສາຈີນແມ່ນມີປະໂຫຍດຫລາຍ,

ເຊັ່ນຕົວຢ່າງວ່າ: ກ່ອນອື່ນ ເວລາອ່ານພະຍັນຊະນະຍີ່ປຸ່ນໂຕ ”ເອະ”ແລ້ວກໍ່ປ່ຽນຮູບປາກ

ມາອ່ານໂຕພະຍັນຊະນະ”ໂອະ”ໂດຍທີ່ບໍ່ຕ້ອງຮຸບປາກເລີຍ.

ຫລັກການເຫລົ່ານີ້ລາວບໍ່ໄດ້ອະທິບາຍຢ່າງເປັນຮູບປະທຳຈັກຫນ້ອຍເລີຍ.

ພາຍໃນເວລາບໍ່ດົນ ຂ້ອຍຄິດວ່າ”ຖ້າເບິ່ງເດີ້ ຊິເຮັດໃຫ້ລາວແປກປະຫລາດໃຈ” ສະນັ້ນ ຂ້ອຍກໍ່ເລີຍ ກາຍເປັນນັກຮຽນດຸຫມັ່ນ ທີ່ລັກຮຽນຕຳລາຮຽນດ້ວຍຕົນເອງຢູ່ເຮືອນ.“

ຕອນທີ່ຂ້ອຍຮູ້ໂຕວ່າ ການຮຽນດ້ວຍໂຕເອງໄດ້ຮັບຜົນແນ່ນອນກໍ່ຄືຕອນ ”ຊ່ອຍກັນຮຽນ”.ປາກົດວ່າອາຈານຫົວຫລາຍຂຶ້ນກວ່າເກົ່າ,

ແຖມລາວຍັງຍ້ອງຂ້ອຍວ່າ”ດີຫລາຍ”.ເດັກນ້ອຍຈີນເວົ້າຕົງຕົງ.

ວ່າແລ້ວ ຂ້ອຍອາດຈະບໍ່ມັກທີ່ພວກເຮົາມີຄວາມແຕກຕ່າງລະຫວ່າງລະດັບ

ຄວາມຮູ້ດ້ານພາສາ,ກໍ່ຍັອນວ່າຈະ”ຊ່ອຍກັນຮຽນ”ນັ້ນເອງ.

ແຕ່ວ່າຄວາມໂລ່ງໃຈຂອງຂ້ອຍກໍ່ພຽງຊົ່ວຄາວເທົ່ານັ້ນ,”ອາຈານນ້ອຍ”ຄົນນີ້ ກໍ່ໃຫ້ບັນຫາຍາກກັບຂ້ອຍອິກແລ້ວ.

ລາວບອກວ່າ:”ທ່ອງຂຶ້ນໃຈຕຳລາຮຽນນີ້ເດີ້” ຂ້ອຍເຄີຍແຕ່ໄດ້ຍິນແຕ່ຄຳຊ່າວ່າ”ທ່ອງຂຶ້ນໃຈຫມົດທຸກອັນ”

ຕາມຄວາມຄິດຂອງລາວຄືຊິແມ່ນ ການຮຽນພາສາຕ່າງປະເທດຂໍ້ສຳຄັນທີ່ສຸດແມ່ນ ການທ່ອງຂຶ້ນໃຈ.

”ການທີ່ຄົນເຮົາເວົ້າຫຍັງອອກມາ ແມ່ນການເອົາທຸກສິ່ງທີ່ມີຢູ່ໃນຫົວອອກມາ,

ຖ້າໃນຫົວບໍ່ມີຄຳເວົ້ານັ້ນຢູ່ກໍ່ຈະບໍ່ສາມາດເວົ້າຄຳນັ້ນອອກມາໄດ້”

”ເຖິງຈະພະຍາຍາມຖອກນ້ຳ ອອກຈາກຄຸທີ່ເປົ່າ ນຳ້ກໍ່ບໍ່ມີທາງອອກມາ”

”ເພາະສະນັ້ນ ມັນຈຳເປັນທີ່ຈະຕ້ອງທ້ອນພາສາຈີນໄວ້ໃນຫົວຫລາຍຫລາຍ.”

ຄິດວ່ານັ້ນແມ່ນທິດສະດີຫນຶ່ງແນ່ນອນ.

ສະຫລຸບວ່າຍ້ອນການຮຽນແບບຈື່ໃຫ້ຫມົດ ພາສາຍີ່ປຸ່ນຂອງລາວຈຶ່ງເກັ່ງຫລາຍ

ສະນັ້ນຈຶ່ງມີອິດທິພົນໃນການແນະນຳ,ຂ້ອຍກໍ່ເລີຍເຮັດຕາມຄຳແນະນຳຂອງລາວ.

ພາຍໃນອາທິດຫນຶ່ງຂ້ອຍຕ້ອງຈື່ປະໂຫຍກໃຫ້ໄດ້ເປັນຈຳນວນຫລວງຫລາຍປະໂຫຍກ,

ຕອນນັ້ນຊີວິດປະຈຳວັນຂອງຂ້ອຍຫຍຸ້ງຫລາຍຂຶ້ນ.

ແຕ່ລະເຊົ້າຕ້ອງຕື່ນແຕ່ເຈັດໂມງ,ແລ້ວຟ້າວອ່ານຕຳລາຮຽນໃຫ້ອອກສຽງດັງດັງຫນຶ່ງ

ຊົ່ວໂມງ,ຕ້ອງຟັງຊີດີຂອງຕຳລາຮຽນຕອນໄປມະຫາວິທະຍາໄລ,ໃນຊົ່ວໂມງຜັກຜ່ອນກໍ່

ຕ້ອງເອົາປຶ້ມຕຳລາຮຽນມາທົບທວນຄືນ.ພໍເລີກຮຽນປຸບກໍ່ຕ້ອງຟ້າວໄປເຮັດວຽກພາດ

ທາມຕໍ່,ຈົນຮອດສິບໂມງກາງຄືນຈຶ່ງໄດ້ກັບມາເຮືອນ,ແຕ່ລະຄືນ ກ່ອນນອນກໍ່ຕ້ອງຮຽນ

ອີກສອງສາມຊົ່ວໂມງ.

ບຶດລະອັນນີ້ ບຶດລະອັນນັ້ນ ໄປຫາລາວຢູ່ເຮືອນ ທ່ອງບົດຮຽນໃຫ້ລາວຟັງ ເພື່ອກຽມ

ພ້ອມມື້ທີ່ຊິ ”ຊ່ອຍກັນຮຽນ”.ລາວອົດສາຟັງຂ້ອຍທ່ອງບົດຮຽນ ແລ້ວແກ້ໄຂສຳນຽງແລະ

ການອອກສຽງວັນນະຍຸດ ທີ່ຜິດໃຫ້ກັບຂ້ອຍ.

ຍ້ອນບຸນຄຸນຂອງລາວ ພາສາຈີນຂອງຂ້ອຍຈຶ່ງພັດທະນາຂຶ້ນຫລາຍເຕີບ,

ຮູ້ສຶກຂອບໃຈອາຈານນ້ອຍຄົນນີ້ຫລາຍທີ່ສຸດເລີຍ.ແລະແລ້ວໃນທີ່ສຸດ

ລາວກໍ່ເວົ້າກັບຂ້ອຍວ່າ”ຈາກນີ້ໄປ ຈຶ່ງຈະແມ່ນ ການຊ່ອຍກັນຮຽນທີ່ແທ້ຈິງ”

”ໂດຍ ເຂົ້າໃຈແລ້ວ ອາຈານ”

ຄະນະນັກກິລາທີມຊາດລາວ ຕັ້ງເປົ້າໝາຍທີ່ຈະຍາດໃຫ້ໄດ້ 10 ຫຼຽນຄໍາໃນການແຂ່ງຂັນ ກິລາຊີເກມຄັ້ງທີ 26 ຢູ່ປະເທດອິນໂດເນເຊຍ. ສ່ວນທີມບານເຕະ ກໍຕັ້ງເປົ້າໝາຍທີ່ຈະ ຮັກສາອັນດັບທີ 4 ໃຫ້ໄດ້.

ການແຂ່ງຂັນກິລາຊີເກມຄັ້ງທີ 26 ຢູ່ປະເທດ ອິນໂດເນເຊຍ ທີ່ໄດ້ມີພີທີເປີດການແຂ່ງຂັນ
ຢ່າງເປັນທາງ ການໃນຄືນຂອງວັນທີ 11 ພະຈິກ 2011 ທີ່ຜ່ານມາ ແລະ ການແຂ່ງຂັນ ກໍຍັງຈະດໍາເນີນໄປຈົນເຖິງວັນທີ 22 ພະຈິກ 2011 ນັ້ນ. ທາງການລາວກໍໄດ້ສົ່ງຄະນະ ນັກກິລາທີມຊາດເຂົ້າຮ່ວມໃນການແຂ່ງຂັນ ຄັ້ງນີ້ດ້ວຍຈໍານວນທັງໝົດ 211 ຄົນໃນ 25 ປະເພດກິລາຈາກທີ່ມີການແຂ່ງຂັນທັງໝົດ 44 ປະເພດກິລາ ເພື່ອຊິງໄຊເອົາ 542
ຫຼຽນຄໍາ ເຊິ່ງໃນນັ້ນກໍປະກົດວ່າຄະນະນັກກິລາທີມຊາດລາວ ໄດ້ຕັ້ງເປົ້າໝາຍທີ່ຈະຍາດ
ໃຫ້ໄດ້ພຽງແຕ່ 10 ຫຼຽນຄໍາເທົ່ານັ້ນ ຫຼືລົດລົງຈາກການແຂ່ງຂັນກິລາຊີເກມຄັ້ງທີ 25
ເຖິງ 23 ຫຼຽນຄໍາ.

ທັງນີ້ ປະເພດກິລາທີ່ທີມຊາດລາວໄດ້ຕັ້ງຄວາມຫວັງໄວ້ສູງທີ່ໃນສຸດນັ້ນກໍຄືເປຕັງ ແລະ
ເທຄວັນໂດ, ສ່ວນກິລາບານເຕະທີມຊາຍທີ່ລາວເຄີຍໄດ້ອັນດັບທີ່ 4 ໃນການແຂ່ງຂັນກິລາ
ຊີເກມຄັ້ງທີ່ 25 ທີ່ລາວໄດ້ເປັນເຈົ້າພາບຈັດການແຂ່ງຂັນໃນທ້າຍປີ 2009 ຢູ່ນະຄອນຫຼວງ
ວຽງຈັນນັ້ນ. ທາງການລາວກໍໄດ້ຕັ້ງເປົ້າໝາຍທີ່ຈະພະຍາຍາມຮັກສາອັນດັບທີ່ 4 ໃຫ້ໄດ້
ໃນການແຂ່ງຂັນຄັ້ງນີ້ ດັ່ງທີ່ ທ່ານ ປະສາດໄຊ ພີລະພັນເດດ ຮອງປະທານສະຫະພັນກິລາ
ບານເຕະແຫ່ງຊາດ ແລະ ຜູ້ຈັດການບານເຕະທີມຊາດລາວ ໄດ້ກ່າວວ່າ:

“ເປົ້າໝາຍຫຼັກສຸດຂອງກິລາຊີເກມຊຸດນີ້ ທາງສະຫະພັນໄດ້ມອບໝາຍໃຫ້ພວກ
ເຮົາວ່າຢ່າງໜ້ອຍສຸດ ຕ້ອງຮັກສາອັນດັບຂອງຊີເກມຄັ້ງທີ 25 ທີ່ຜ່ານມາກໍຄື 1
ໃນ 4 ທີມ ຫຼື ທີ 4. ຄັນຊັ້ນ ພວກເຮົາກະຕ້ອງໄດ້ເຮັດສຸດຂີດ ເພື່ອເຮັດໃຫ້ຮັກ
ສາເປົ້າໝາຍຕົວນີ້ໃຫ້ໄດ້, ຂ້າພະເຈົ້າກະຂໍຮຽກຮ້ອງໃຫ້ ທາງປະຊາຊົນທຸກຊັ້ນ ຄົນຈົ່ງໃຫ້ກໍາລັງໃຈກັບທີມຊາດຊຸດນີ້.”

Songrit Pognern

ພິທີເປີດກິລາຊີເກມຄັ້ງທີ 26 ຈັດຂຶ້ນທີ່ອິນໂດ ເນເຊຍໃນວັນທີ 11 ເດືອນ 11,2011

ແຕ່ຢ່າງໃດກໍຕາມການທີ່ນັກ ກິລາບານເຕະທີມຊາດລາວ
ຈະສາມາດໄປເຖິງເປົ້າໝາຍທີ່
ວາງໄວ້ນັ້ນກໍຄົງຈະເປັນການ
ຍາກ ຫຼືເປັນໄປບໍ່ໄດ້ແລ້ວ.
ເນື່ອງຈາກວ່າຜົນການແຂ່ງຂັນ
ຂອງນັກກິລາບານເຕະທີມຊາດ
ລາວໃນ 4 ຄັ້ງທີ່ຜ່ານມາ ກໍປະ
ກົດວ່າ ນັກກິລາບານເຕະທີມ
ຊາດລາວສາມາດຍາດເອົາໄຊ
ຊະນະໄດ້ພຽງແຕ່ຄັ້ງດຽວເທົ່າ
ນັ້ນ, ກໍຄືຊະນະທີມຊາດຕີມໍຕາເວັນອອກ 3 ປະຕູຕໍ່ 0, ສ່ວນອີກ 3 ຄັ້ງນັ້ນ ກໍສະເໝີ 1
ຄັ້ງ ແລະ ປະລາໄຊ 2 ຄັ້ງ ໂດຍມີພຽງ 4 ຄະແນນ ໃນຂະນະທີ່ຍັງຄົງເຫຼືອການແຂ່ງຂັນ
ອີກພຽງແຕ່ຄັ້ງດຽວເທົ່ານັ້ນ.

ຍິ່ງໄປກວ່ານັ້ນ, ເມື່ອປະກອບກັບການທີ່ 2 ທີມທີ່ຢູ່ໃນກຸ່ມ  B ດຽວກັນກັບລາວ ກໍຄືບານ
ເຕະທີມຊາດຫວຽດນາມ ແລະທີມຊາດມຽນມ້າ ຫຼື ພະມ້າມີຄະແນນສະສົມແລ້ວທີມລະ 10
ຄະແນນ ແລະກໍຍັງຄົງເຫຼືອການແຂ່ງຂັນອີກພຽງແຕ່ຄັ້ງດຽວຄືກັນກັບທີມຊາດລາວດ້ວຍ
ແລ້ວ, ຈຶ່ງເປັນທີ່ແນ່ນອນແລ້ວວ່າທັງທີມຊາດຫວຽດນາມ ແລະ ທີມຊາດພະມ້າ ກໍຄືສອງ
ທີມໃນກຸ່ມ B ທີ່ຈະເຂົ້າໄປໃນຮອບຊິງຊະນະເລີດເຊັ່ນດຽວກັນກັບທີມຊາດອີນໂດເນເຊຍ
ແລະມາເລເຊຍໃນກຸ່ມ A  , ຊື່ງກໍໝາຍຄວາມວ່າ ທັງທີມຊາດໄທ ແລະ ສິງກະໂປ ກໍ
ຕ້ອງຕົກຮອບ ໄປຄືກັນກັບບານເຕະທີມຊາດ ລາວນັ້ນເອງ.

Songrit Pognern

ທຸງຂອງບັນດາປະເທດທີ່ເຂົ້າຮ່ວມກິລາ ຊີເກມ ທີ່ນະຄອນຈາກາຕາ, ປະເທດອິນໂດເນເຊຍ ໃນເດືອນ ພະຈິກ, 2011

ສ່ວນກ່ຽວກັບຜົນງານຂອງ
ຄະນະນັກກິລາທີມຊາດລາວ
ຈົນເຖິງຕອນບ່າຍວັນທີ 15
ພະຈິກ ກໍປະກົດວ່າຄະນະ
ນັກກິລາທີມຊາດລາວສາມາດ
ຍາດໄດ້ແລ້ວເຖິງ 4 ຫຼຽນຄໍາ,
3 ຫຼຽນເງິນກັບ 16 ຫຼຽນ
ທອງແດງ. ໂດຍສອງຫຼຽນຄໍາ
ທໍາອິດນັ້ນໄດ້ຈາກກິລາເປຕັງ
ປະເພດບຸກຄົນເພດຍິງ ແລະ
ກິລາຍິງປືນປະເພດເປົ້າເຄື່ອນ
ທີ່ເພດຍິງ. ສ່ວນນອກນັ້ນກໍ
ເປັນຫຼຽນລາງວັນທີ່ໄດ້ຈາກກິລາປະເພດສິນລະປະການປ້ອງກັນຕົວ ແລະສິນລະປະການຕໍ່ສູ້ ເປັນສ່ວນໃຫຍ່.

ສໍາລັບປະເທດ ອິນໂດເນເຊຍ ທີ່ເປັນເຈົ້າພາບຈັດການແຂ່ງຂັນຄັ້ງນີ້ກໍຍັງຄົງມີຫຼຽນລາງວັນ
ເປັນທີ 1 ຕິດຕາມດ້ວຍປະເທດ ໄທ, ຫວຽດນາມ, ສິງກະໂປ, ມາເລເຊຍ, ຟີລິບປີນ,
ລາວ, ກໍາປູເຈຍ, ພະມ້າ, ບຣູໄນ ແລະ ຕີມໍຕະເວັນອອກ ຕາມລໍາດັບ.

ຂໍ້ມູນຈາກວີໂອເອ

ຜັກ ​ແລະ ຫມາກ​ໄມ້ ເປັນ​ອາຫານ​ສຸຂະພາບທີ່​ມີຄຸນ​ປະ​ໂຫຍດ ສູງຕໍ່​ຮ່າງກາຍ ​ເພາະ​ນອກຈາກ​ວິ ຕາມິນ​ຕ່າງໆ​ແລ້ວ ຮ່າງ ກາຍ ​ຍັງ​ຕ້ອງການ​ແຮ່​ທາດ​ຕ່າງໆ ເພື່ອ ​ປົວ​ແປງ​ສ່ວນ​ທີ່​ເປ່​ເພ ຄຽງ​ຄູ່​ກັນ​ນັ້ນ ກໍ​ສ້າງ​ພູມ​ຕ້ານທານ​ໃຫ້​ກັບ​ຮ່າງກາຍ ​ແລະ ຍັງ​ມີ​ກາກ​ ໃຍ​ອາຫານ ​ເພື່ອ​ຊ່ວຍ​ລະບົບ​ການ​ຍ່ອຍ​ ​ແລະ ຂັບ​ຖ່າຍ​ໄດ້​ດີ​ ອີກ​ດ້ວຍ. ຢູ່​ໃນ​ຜັກ ​ແລະ ຫມາກ ​ໄມ້​ແຕ່​ລະ​ຊະນິດ​ກໍ​ມີ​ວິຕາມິນ ​ແລະ ​ແຮ່​ທາດ​ທີ່​ແຕກ​ຕ່າງ​ກັນ​ໄປ ​ໂດຍ​ສາມາດ​ແບ່ງ​ ແຍກ​ສີ ສັນ ​ຂອງ​ພວກ​ເຂົາ​ເປັນ 7 ສີ ແລະ ຄຸນ​ປະ​ໂຫຍ​ດຕໍ່​ຮ່າງກາຍ​ໄດ້​ດັ່ງ​ນີ້:
ສີ​ແດງ: ຜັກ ​ແລະ ຫມາກ​ໄມ້ທີ່​ມີ​ສີສັນ​ແຈດຕານີ້ ໄດ້​ແກ່ ຫມາກ​ເລັ່ນ, ຫມາກ​ໂມ, ຫມາກກ້ຽງ​ ໃຫຍ່​ສີ​ບົວ (ຫມາກພຸ​ກ) ​ຊ່ວຍ​ໃນ ການ ​ບຳລຸງ​ປອດ ​ແລະ ຍັງ​ຊ່ວຍ​ປ້ອງ​ກັນ​ ພະຍາດ​ມະ​ ເຮັງ​ທີ່​ ຫົວ​ໃຈ.
ສີ​ສົ້ມ-ສີ​ເຫລືອງ: ​ໄດ້​ແກ່ ຫມາກ​ກ້ຽງ, ຫມາກ​ຫຸ່ງ​ ​ເຊິ່ງມີ​ເນກທາຣີນ ທີ່​ມີ​ຄຸນປະ​ໂຫຍ​ດ​ໃນ​ການ ​ບຳລຸງ​ຫົວ​ໃຈ ​ແລະ ກະ​ເພາະ​ອາຫານ, ສຳລັບ​ຜູ້​ທີ່​ມີ​ບັນຫາ​ ໃນ​ເລື່ອງ​ການ​ຂັບ​ຖ່າຍ ຫລື ຍື່ງທ້ອງ ຜັກ ​ແລະ ຫມາກ​ໄມ້​ສີ​ເຫລືອງ ​ແລະ ສົ້ມ​ນີ້ ສາມາດ​ຊ່ວຍ​ໄດ້ ແລະ ຍັງ​ມີ​ວິ ຕາມິນ​​ເຊ ຊ່ວຍ​ບຳລຸງ​ ລະບົບ​ແຊນ​ອີກ​ດ້ວຍ.
ສີ​ແດງ-ມ້ວງ: ​ເຊັ່ນ: ລະ​ແຊັງ ສີມ່ວງ, ສະ​ຕໍ​ເບີຣີ, ​ແອັບ​ເປິ​ນ​ແດງ ພວກ​ນີ້​ຈະ​​ເຂົ້າ​ໄປ​ຊ່ວຍ​ບຳລຸງ​ການ​ເຮັດ​ວຽກ​ຂອງ​ແຊນ​ສະຫມອງ, ​ໃຜ​ຢາກ​ເປັນ​ອັດ​ສະລີ​ຍະ ກໍ​ຕ້ອງ​ຮັບ​ປະທານ​ຜັກ ​ແລະ ​ຫມາກ​ໄມ້​ຫມວດ​ນີ້​ຫລາຍໆ.
ສີ​ເຫລືອງ-ຂຽວ: ​ໄດ້​ແກ່​ຜັກ​ຫົມ, ຫມາກອະ​ໂວ​ຄາ​ໂດ, ຜັກກາດ, ສາລີ, ຖົ່ວດິນ ກຸ່ມ​ນີ້ ຈະ​ຊ່ວຍ​ບຳລຸງ​ຕັບ​ຂອງ​ເຮົາ ​ແລະ ຍັງ​ຊ່ວຍ ​ກະ ​ຕຸ້ນ​ລະບົບ​ການ​ ຟອກ​ ຂອງ ​ເສດ​ເຫລືອ​ຕ່າງໆ​ໃນ​ຮ່າງກາຍ​.
ສີຂາວ-ສີຂຽວ: ກະທຽມ ​ໃບ​ກະທຽມ ຫົວ​ຫອມ​ບົ່ວ ຕັ່ງ​ສາຍ ຫມາກກຽງ ກຸ່ມ​ນີ້​ຊ່ວຍ​ໃນ​ການ​ເຮັດ​ວຽກ​ຂອງ​ລະບົບ​ ຫມູນວຽນ​ ຕ່າງໆ​ ພາຍ​ໃນ​ຮ່າງກາຍ ​ໂດຍ​ ສະ​ເພາະ​ຫົວ​ໃຈ.
ສີ​ສົ້ມ: ສີສັນ​ສົດ​ໃສ ​ເປັນ​ຕາ​ແຊບ​ໄດ້​ແກ່: ກາ​ລົດ, ຫມາກມ່ວງ​ສຸກ, ຫມາກອຶ ... ເຫມາະ​ສຳລັບ​ແມ່ຍິງ​ສຸຂະ ພາບ​ດີ​ທີ່​ຢາກ​ມີ​ຜິວ​ພັນ ​ນວນ​ນຽນ ຜ່ອງ​ໃສ ​ແລະ ຍັງ​ຊ່ວຍ​ບຳລຸງ​ສາຍຕາ​ອີກ​ດ້ວຍ.
ສີຂຽວ: ຜັກ ຫມາກ​ໄມ້ ປະ​ເພດ​ນີ້ ໄດ້​ແກ່ ດອກ​ຜັກ​ສີຂຽວ , ​ກະຫລ່ຳ, ຜັກ​ກວາງ​ຕຸງ, ຜັກ​ບົ້ງ ​ເຊິ່ງມີ​ວິຕາມິນ​ຫລາຍ ຊ່ວຍ​ໃນ​ການ​ບຳລຸງ ​ສາຍຕາ​ໃຫ້​ ມີ​ສຸຂະ ພາບ​ດີ ແລະ ​ເພີ່​ມ​ກາກ​ໃຍຊ່ວຍ​ໃນ​ການ​ຂັບ​ຖ່າຍ​ໄດ້​ດີ./.

ຂໍ້ມູນຈາກເຄພີເອວເດີ້

http://youtu.be/Q3C5sc8b3xM

ມີແຕ່ວີດີໂອເກົ່າເດີ້

ອາຊິໂມະເຕະບານ ຂື້ນລົງຂັ້ນໄດ ເສີບນ້ຳ

ບົດຄວາມລຸ່ມນິ້ ຂພຈ ຮຽນແປມາຈາກພາສາຍີ່ປຸ່ນ ໃນວາລະສານWISE no.269 on 16 nov 2011

ຖ້າທ່ານອ່ານແລ້ວເຫັນວ່າປະໂຫຍກໃດບໍ່ຖືກຕ້ອງ ກໍ່ກະລຸນາ ແປງໃຫ້ແດ່ ເພາະບໍ່ມີດິກພາສາລາວເລີຍ ຈະຂອບໃຈຢ່າງສູງ

ພາຍຫລັງສີ່ປິ ບໍລິສັດຮອນດະໄດ້ພັດທະນາ ຄວາມກ້າວຫນ້າ ແລະ ຄວາມສາມາດໃນການຕັດສິນໃຈຂອງຫຸ່ນຍົນ ອາຊິໂມະ

ວັນທີ່ແປດ ເດືອນສິບເອັດ ປີສອງພັນສິບເອັດນິ້ ບໍລິສັດຮອນດະ ຂອງຍີ່ປຸ່ນ
ໄດ້ເປີດໂຕຫຸ່ນຍົນແບບໃຫມ່ທີ່ຍ່າງໄດ້ດ້ວຍສອງຂາ ຊື່ວ່າ ອາຊິໂມະ;
ອາຊິໂມະແບບໃຫມ່ນິ້ ສາມາດຕັດສິນໃຈດ້ວຍຕົວເອງເມື່ອພົບກັບສະຖານະການໃດຫນຶ່ງ.
ຫມາຍຄວາມວ່າ ການຕັດສິນໃຈຢ່າງອິດສະຫຼະຂອງ ອະຊິໂມະຖືກພັດທະນາຂຶ້ນ.

ມືຫ້ານິ້ວຂອງອະຊິໂມະ ເຄື່ອນໄຫວໄດ້ຢ່າງເປັນອິດສະຫລະຂຶ້ນເຊັ່ນວ່າ;
ລາວສາມາດເປີດຝາກະຕິກນ້ຳ ແລ້ວເຫຍັ້ນນຳ້ໃສ່ຈອກໄດ້ເອງ
ນອກຈາກນີ້ຍັງສາມາດລົມພາສາມື ຫລືພາສາກືກໄດ້ອີກ.

ການພັດທະນາຫຸ່ນຍົນ ອາຊິໂມະແບບໃຫມ່ນີ້ ແມ່ນໃຊ້ເວລາສີ່ປີ
ຫລັງຈາກທີ່ ຮອນດະໄດ້ເປີດໂຕອາຊິໂມະແບບເກົ່າໃນປີ ສອງພັນເຈັດ.

ອາຊິໂມະແບບໃຫມ່ນີ້ ບໍ່ພຽງແຕ່ສາມາດຍ່າງຕາມທາງທີ່ກຽມໄວ້ໃຫ້ໄດ້
 ແຕ່ລາວຍັງສາມາດອ່ານເດົາທິດທາງການເຄື່ອນໄຫວຂອງຜູ້ຄົນໃນບໍລິເວນນັ້ນ
ເພື່ອລາວຈະໄດ້ຫລົບຫລີກບໍ່ໃຫ້ຍ່າງຕຳກັບຄົນອື່ນ;
ຫມາຍຄວາມວ່າ ຄວາມສາມາດໃນການປັບໂຕໃຫ້ເຂົ້າກັບສະຖານະການຂອງລາວພັດທະນາຂຶ້ນກວ່າເກົ່າ.

ຂາທັງສອງເບື້ອງຂອງລາວກໍ່ໄດ້ຮັບການພັດທະນາຂຶ້ນເຊັ່ນກັນເຊັ່ນວ່າ:
 ລາວສາມາດຍ່າງຕາມທາງທີ່ບໍ່ລຽບ ເປັນຂຸມ ແລະ ລາວຍັງສາມາດໂດດໄດ້ອີກ.

ປັດຈຸບັນນີ້ພະຍາດທ່ີເລີ່ມ ເປັນກະແສໃຫ້ຄົນທົ່ວໂລກ ຕ່ືນອີກພະຍາດຫນຶ່ງກໍ່ແມ່ນ ພະຍາດກະດູກຜ່ອຍ ເຊິ່ງອີງ ຕາມການລາຍງານຂອງອົງ ການອະນາໄມໂລກພົບວ່າ: ສະຖິຕິຂອງຜູ້ປ່ວຍພະຍາດ ກະດູກຜ່ອຍທົ່ວໂລກມີຕົວ ເລກເພີ່ມຂຶ້ນຢ່າງໄວວາ. ພະຍາດກະດູກຜ່ອຍເປັນ ພະຍາດທ່ີຮ້າຍແຮງ ແລະ ເປັນໄພງຽບທ່ີບໍ່ມີສັນຍານ ເຕືອນລ່ວງຫນ້າຜູ້ທ່ີປ່ວຍເປັນ ພະຍາດກະດູກຜ່ອຍຈະບໍ່ພົບ ອາການຜິດປົກກະຕິໃດໆໃນ ໄລຍະທຳອິດ ແລະ ກ່ວາທ່ີຜູ້ ປ່ວຍຈະຮູ້ສຶກຕົວວ່າເປັນພະ ຍາດກະດູກຜ່ອຍກໍ່ມັກຈະ ເກີດອາການປວດຢ່າງຮຸນ ແຮງຈົນບໍ່ສາມາດເຮັດວຽກ ເຮັດງານໄດ້ຕາມປົກກະຕິ ຍິ່ງໄປກ່ວານັ້ນຖ້າເປັນແຮງກໍ່ ອາດເຖິງຂັ້ນກະດູກຫັກໄປ ເລີຍ. ຜູ້ທີ່ມີອັດຕາສ່ຽງຕໍ່ພະ ຍາດດັ່ງກ່າວຄື: 1 ໃນ 3 ຄົນ ສຳລັບຜູ້ຍິງ ແລະຜູ້ຊາຍແມ່ນ 1 ໃນ 5 ຄົນ, ໂດຍສະເພາະ ແມ່ນແມ່ຍິງໃນທະວີບອາຊີມີ ຄວາມສ່ຽງທ່ີຈະເປັນພະຍາດ ນີ້ຫລາຍເຊິ່ງສາເຫດສຳຄັນກໍ່ ຄືບໍ່ໄດ້ຮັບແຄນຊຽມຈາກອາ ຫານຢ່າງພຽງພໍຕໍ່ຄວາມຕ້ອງ ການຂອງຮ່າງກາຍ.
ເພື່ອຢາກຫ່າງໄກຈາກພະ ຍາດກະດູກຜ່ອຍຄວນດື່ມ ທາດແຄນຊຽມໃຫ້ຮ່າງກາຍ ຢ່າງພຽງພໍຄືຮັບປະທານອາ ຫານທ່ີມີແຄນຊຽມນັ້ນກໍຄືນົມ ເພາະນົມເປັນອາຫານທ່ີມີ ແຄມຊຽມຫລາຍທ່ີສຸດ, ແຄນ ຊຽມຈາກນົມ ແລະ ຜະລິດ ຕະພັນຈາກນົມນັ້ນຮ່າງກາຍ ຂອງຄົນເຮົາຍັງສາມາດດູດ ຊຶມໄປນຳໃຊ້ໄດ້ດີທ່ີສຸດ ໂດຍ ສະເພາະນົມເສີມແຄນຊຽມ ແບບນົມໂຟມົດແຄນຊີເມັກ ທ່ີມີແຄນຊຽມສູງເຖິງ 70% ທ່ີຈະຊ່ວຍເຕີມແຄນຊຽມ ໃນຮ່າງກາຍໃຫ້ໄດ້ເຕັມ 100%.
ດັ່ງນັ້ນພວກເຮົາຄວນໃຫ້ ຄວາມສຳຄັນຕໍ່ກັບການດື່ມ ນົມເພື່ອຊ່ວຍເສີມສ້າງພູມ ຕ້ານທານຂອງຮ່າງກາຍຕ້ານ ກັບພະຍາດກະດູກຜ່ອຍ, ເຮັດໃຫ້ສຸຂະພາບມີຄວາມ ແຂງແຮງ ແລະ ທົນທານ.

ອັນນີ້ບໍ່ແນ່ໃຈວ່ານົມເພີ່ມແຄວຊ່ຽມຫລືບໍ່ ເຮະເຮະເຮະ

ນົມນີ້ເພີ່ມແຄວຊ່ຽມແນ່ນອນເດີ້ ເບິ່ງແຕ່ຈອກຫັ້ນກະຮູ້ແລ້ວ

 ຕະຫລາດເຊົ້າມໍ ຫນຶ່ງທີ່ເປີດບໍລິການຈັກປີແລ້ວບຸ ຈື່ບໍ່ໄດ້

ຕະຫລາດເຊົ້າມໍສອງ ທີ່ຫາກໍ່ເປີດເດືອນນີ້ ຢູ່ຂ້າງເບື້ອງຊ້າຍມືຂອງຕະຫລາດເຊົ້າມໍຫນຶ່ງ ຮູບນີ້ແມ່ນຮູບເກົ່າຕອນກຳລັງສ້າງ ເພາະຊອກຮູບໃຫມ່ບໍ່ເຫັນ ຂໍໂທດເດີ້

ໃນຕະຫລາດເຊົ້າມໍສອງ

ເອື້ອຍເອື້ອຍ ຊື້ຄຳບໍ່

ບັນຍາກາດພາຍໃນ

ສິ້ນໄຫມລາວນຸ່ງຍາມໃດ ງາມຂຶ້ນຍາມນັ້ນ ວ່າຊັ້ນ

ຫ້ອງອາຫານໃນຕະຫລາດເຊົ້າມໍຫນຶ່ງ

ບ່ອນຈອດລົດແນວນີ້ເຫັນຫລາຍ

ບາດຊິເອົາລົດລົງເອັດຊັ່ງເລີ່ເດ ບາດນີ້ເນາະ

ຫມຸນຫມຸນຫມຸນຂຶ້ນໄປ ບ່ອນໃດຫວ່າງ ສຽບໂລດ ເປັນລະບຽບຮຽບຮ້ອຍ ປານວ່າຮັງຕໍ່ບ້ານຕູທັດ

ອັນນີ້ແບບປ່ອນຫລຽນອັດຕະໂນມັດ ຈອດປຶບ ທ່ອນເຫລັກກໍ່ລັອກລໍ້ປັບ ບາດຊິກັບບ້ານ ເອົາປີ້ໄປໃຫ້ຕູ້ຄິດໄລ່ ຈອດຈັກຊົ່ວໂມງຈັກນາທີ ປ່ອນເງິນໃສ່ຕູ້ ທ່ອນເຫລັກລັອກລໍ້ກໍ່ ປົດລັອກຢ່າງ ຮູ້ຄວາມຮູ້ຄວາມ ຄິດວ່ານີ້ກໍ່ເປັນສາເຫດຫນຶ່ງທີ່ເຮັດໃຫ້ຄົນເຝົ້າຄອກລົດ ຕົກງານ

ຄ່າຈອດລົດບ້ານເຂົາແພ້ງແພງ ຕາມທີ່ເຫັນຊົ່ວໂມງລະ ສາມລ້ອຍເຢັນ ຫາຫົກເຈັດລ້ອຍເຢັນ ຕໍ່ຊົ່ວໂມງ ເງິນກີບກໍ່ປະມານຊົ່ວໂມງລະ ສາມສິບພັນກິບ ຫາ ເຈັດສິບພັນກິບ ຊຶ່ງລາຄາແລ້ວແຕ່ໃນ ນອກເມືອງ ບ່ອນແອອັດ

ສູນການຄ້າຕະຫຼາດເຊົ້າມໍ 2 ນະຄອນຫລວງວຽງຈັນ ໄດ້ເປີດຢ່າງເປັນທາງການໃນຕອນເຊົ້າວັນທີ 11 ພະຈິກ 2011 ນີ້ ໂດຍການ
ເຂົ້າຮ່ວມຕັດແຖບຜ້າເປີດຢ່າງເປັນທາງການຂອງທ່ານ ສຸກັນ ມະຫາລາດ, ເລຂາທິການສູນກາງພັກ, ເລຂາຄະນະພັກ, ເຈົ້າຄອງນະຄອນ
ຫລວງວຽງຈັນ, ທ່ານ ດຣ. ສິນລະວົງ ຄຸດໄພທູນ ລັດຖະມົນຕີ ຫົວໜ້າຫ້ອງວ່າການລັດຖະບານ, ທ່ານ ດຣ. ນາມ ວິຍະເກດ ລັດຖະມົນຕີ
ວ່າການກະຊວງອຸດສາຫະກຳ ແລະ ການຄ້າ, ທ່ານທູດສິງ ກະໂປ ປະຈຳລາວ ພ້ອມດ້ວຍຜູ້ບໍລິຫານກຸ່ມບໍລິສັດ ແຄແຊັນດັສ ສິງກະໂປ
ເຂົ້າຮ່ວມ.

ຕະຫລາດເຊົ້າມໍ 2 ເປັນອາຄານ 8 ຊັ້ນ, ຊັ້ນໃຕ້ດິນເປັນສະຖານທີ່ການຄ້າ ແລະ ມີຮ້ານຂາຍຍ່ອຍມີ 123 ຮ້ານ ໄດ້ແຍກອອກເປັນ
ປະເພດສິນຄ້າເຊັ່ນ: ແຜ່ນແພ, ເຄື່ອງນຸ່ງຫົ່ມ, ເຄື່ອງຮັບໃຊ້ຂໍ້ມູນຂ່າວສານ, ເຄື່ອງສື່ສານ, ເຄື່ອງໃຊ້ຫ້ອງການ, ເຄື່ອງໃຊ້ຕົບແຕ່ງໃນເຮືອນ.

ຊັ້ນ 1 ປະກອບມີ 52 ຮ້ານ ປະກອບມີ: ຮ້ານອາຫານ, ໜ່ວຍງານບໍລິການທະນາຄານ ແລະ ຂາຍເຄື່ອງຍ່ອຍຕ່າງໆ ຊັ້ນນີ້ແມ່ນຖືກ
ກຳນົດໄວ້ໃຫ້ບູລິມະສິດແກ່ຜະລິດຕະພັນທີ່ມີຍີ່ຫໍ້ຈາກສາກົນ ແລະ ພາກພື້ນຈັດເປັນປະເພດສິນຄ້າ, ຊັ້ນ 2 ເປັນຮ້ານອອກແບບເຄື່ອງວັດຖຸມີ
ຄ່າຕ່າງໆ 105 ຮ້ານ.

ຂໍ້ມູນຈາກປະຊາຊົນເດີ້

ປີນີ້ໂຊກດີຫລາຍທີ່ມີໂອກາດໄດ້ໄປທ່ຽວບຸນທາດຫລວງວຽງຈັນ ຫລັງຈາກທີ່ບໍ່ໄດ້ໄປເປັນເວລາຫົກປິແລ້ວ

ວຽງຈັນພັດທະນາໄວຫລາຍ ບໍ່ວ່າຈະເປັນຖະຫນົນຫົນທາງ ຕຶກອາຄານສູງສູງ ຫ້າງສັບພະສິນຄ້າຫລາຍແຫ່ງ ທະນາຄານໃຫມ່ ໂຮງແຮັມ ຮ້ານອາຫານຫລູຫລູ ກໍ່ເຫັນມີຫລາຍຂຶ້ນ ລົດລາ ສວນສາທາລະນະ ກໍ່ເພີ່ມຫລາຍຂຶ້ນ ເດີ່ນທາດຫລວງກໍ່ກວ້າງກວ່າເກົ່າຫລາຍ ມີຮ້ານຂາຍເຄື່ອງ ບູທ ການສະແດງຫລາຍຂື້ນກວ່າເກົ່າ

ແຕ່ທີ່ຄຶດວ່າບໍ່ພັດທະນາຂຶ້ນເລີຍກໍ່ຄືຂີ້ຝຸ່ນ ມາລະຍາດໃນການຖິ້ມຂີ້ເຫຍື້ອ

ເມື່ອກ່ອນຍ່າງເລາະບຸນທາດຫລວງໄປພ້ອມ ຂາຂ້ອງຂີ້ເຫຍື້ອໄປພ້ອມ ປີນີ້ກໍ່ຄືເກົ່າ ບໍ່ວ່າຈະເປັນແຜ່ນພັບໂຄສະນາສິນຄ້າ ຖົງຢາງ ເຈ້ຍ ຕຸກ ປ໋ອງເຄື່ອງດື່ມ ບັ້ງເຂົ້າຫລາມ ແລະ ອື່ນອື່ນ ອະຊະເຕັມເດີ່ນ ເບິ່ງແລ້ວ ເປັນຕາສັງເວດ

ກຳລັງຢືນຖ່າຍຮູບຢູ່ດີດີ ຄິດວ່າແມ່ນໂຕຫຍັງແລ່ນມາຕຳຕີນ ຂ້ອບທັງຮ້ອງທັງກົ້ມເບິ່ງຢ່າງຕົກໃຈ ທີ່ແທ້ລະແມ່ນກະປ໋ອງນ້ຳອັດລົມ ອາດຈະຖືກຄົນອື່ນເຕະມາ

ອັນນີ້ບໍ່ໂທດຄົນເຕະ ແຕ່ໂທດຄົນທີ່ຖິ້ມ

ບາດນີ້ໄປຊິມນ້ຳເກືອແຮ່ທີ່ແຈກໂຫ້ຊິມຟີຢູ່ຫນ້າບູທຫນຶ່ງກັບຫມູ່ ກຳລັງຢືນຊິມຢູ່ ກັບຫມູ່ກໍ່ ຮ້ອງ ອຸ໋ຍ ຂຶ້ນພ້ອມກັນ ເພາະຮູ້ສຶກວ່າສົ້ນນ່ອງປຽກຄືກັນ ພໍຫລຽວຫລັງກໍ່ເຫັນມີໄວຫລຸ້ນ ຊາຍນຶ່ງຄົນບໍ່ຈັບຈອກ ແຕ່ຍິງສອງຄົນ ຄົນນຶ່ງຈັບຈອກຢູ່ ລ່ະແມ່ນນາງເອກເພິ່ນກິນບໍ່ຫມົດແລ້ວ ຖິ້ມຈອກລົງພື້ນ ແລ້ວນ້ຳມັນກະເດັນໃສ່ຂ້ອຍກັບຫມູ່ ຂ້ອຍກັບຫມູ່ພາກັນເບິ່ງຫນ້າເພິ່ນ ແຕ່ເວົ້າໃຫ້ບໍ່ໄດ້ເພາະ ສຽງໂທລະໂຄ່ງຂອງແຕ່ລະບູທ ດັງແຮງຈົນຫູຊິແຕກ ເພິ່ນກະເຮັດຫນ້າຫົວແບບແຫ້ງແຫ້ງຢູ່

ບາດນີ້ຊ້ອນລົດຈັກຕອນກາງເວັນໄປທ່ຽວເບິ່ງຄວາມປ່ຽນແປງຂອງວຽງຈັນ ກຳລັງຈອດລົດຖ້າໄຟແດງຢູ່ ພວກຂ້ອຍຈອດຢູ່ແຄມທາງເບື້ອງຂວາສຸດ ມີລົດຈັກຄັນນຶ່ງຈອດຢູ່ຂ້າງ ຊ້ອນສາມ ມີເດັກນ້ອບປະມານສິບປິນັ່ງຢູ່ເຄຶ່ງກາງກຳລັງກິນເຂົ້າຈີ່ປາເຕ່ຢູ່ ບາດເພິ່ນກິນອິ່ມແລ້ວກໍ່ຖິ້ມກົ້ນເຂົ້າຈີ່ກັບເຈ້ຍກາຍຫນ້າພວກຂ້ອຍ ວິ່ວ ພວກຂ້ອຍຮ້ອງພ້ອມກັນ ໂອ່ ພໍ່ເພິ່ນກໍ່ຫລຽວມາ ບໍ່ຂໍໂທດ ແຕ່ບໍ່ໄດ້ຍິນວ່າເວົ້າຫຍັງໃຫ້ລູກບຸ ມຸບມິບມຸບມິບຢູ່

ຂ້ອຍຄິດວ່ານິໄສມັກງ່າຍ ກິນໃສຖິ້ມຫັ້ນ ພໍໃຫ້ວິດມືໂຕເອງ ຂອງເດັກນ້ອຍຮຽນມາຈາກພຶດຕິກຳຂອງຜູ້ໃຫຍ່ ຖ້າຜູ້ໃຫຍ່ບໍ່ປະຕິບັດກ່ອນ ກໍ່ຢ່າຫວັງວ່າ ເຮົາຈະມີບ້ານເມືອງທີ່ສະອາດໃນອານາຄົດ

ເຈົ້າໜ້າທີ່ຕໍາຫຼວດລາວຍອມຮັບວ່າ ການລັກລອບຄ້າຢາເສບຕິດໃນລາວ ເປັນບັນຫາທີ່ຮຸນ ແຮງຫຼາຍຂຶ້ນ ເນື່ອງຈາກວ່າໄດ້ມີການລັກລອບຂົນສົ່ງ ແລະຂາຍຢາເສບຕິດໃນປະລິມານ ທີ່ຫຼາຍຂຶ້ນນັບມື້.

ເຈົ້າໜ້າທີ່ຕໍາຫຼວດໃນຄະນະກໍາມະການກວດກາ ແລະ ຄວບຄຸມຢາເສບຕິດແຫ່ງຊາດ
ລາວ ຍອມຮັບວ່າການລັກລອບຂົນສົ່ງ ແລະການຄ້າຢາເສບຕິດໃນລາວ ໄດ້ກາຍເປັນ
ບັນຫາທີ່ມີລະດັບຄວາມຮຸນແຮງເພີ່ມຫຼາຍຂຶ້ນນັບມື້. ເນື່ອງຈາກວ່າບັນດາກຸ່ມແກ້ງຄ້າ
ຢາເສບຕິດໃນລາວ ບໍ່ພຽງແຕ່ຈະຂະຫຍາຍພຶ້ນທີ່ການຄ້າຢາເສບຕິດຂອງພວກຕົນຈາກ
ເຂດຕົວເມືອງ ໄປຍັງເຂດຊົນນະບົດຂອງລາວເທົ່ານັ້ນ ຫາກແຕ່ຍັງປະກົດວ່າກຸ່ມແກ້ງຄ້າ ຢາເສບຕິດໄດ້ເພີ່ມປະລິມານຢາເສບຕິດທັງທີ່ລັກລອບຂົນສົ່ງເພື່ອຂາຍພາຍໃນລາວ ແລະ ທີ່ສົ່ງອອກໄປຕ່າງປະເທດອີກດ້ວຍ.

ທັງນີ້ໂດຍເຈົ້າໜ້າທີ່ຕໍາຫຼວດລາວໄດ້ຍົກຕົວຢ່າງເຖິງກໍລະນີທີ່ທາງການລາວສາມາດຈັບ
ກຸມຜູ້ຕ້ອງຫາໄດ້ 4 ຄົນ ໃນຂະນະທີ່ກໍາລັງລັກລອບຂົນສົ່ງຢາບ້ານໍ້າໜັກລວມກວ່າ 2 ໂຕນຂ້າມນໍ້າຂອງໄປຕ່າງປະເທດເມື່ອກາງປີ 2010 ຊຶ່ງກໍນັບເປັນການລັກລອບຂົນສົ່ງ ຢາເສບຕິດທີ່ມີປະລິມານຫຼາຍທີ່ສຸດ ທີ່ທາງການລາວສາມາດຈັບກຸມໄດ້ອີກດ້ວຍ ແລະ ເຖິງແມ່ນວ່າຜູ້ຕ້ອງຫາທັງ 4 ດັ່ງກ່າວຈະຖືກສານປະຊາຊົນລາວໃນນະຄອນຫຼວງວຽງຈັນ
ຕັດສິນປະຫານຊີວິດ ໄປແລ້ວກໍຕາມຫາກແຕ່ວ່າຄະດີຄວາມກໍຍັງບໍ່ເຖິງທີ່ສຸດ ແຕ່ຢ່າງໃດ ເນື່ອງຈາກຜູ້ຕ້ອງຫາໄດ້ຍື່ນຄັດຄ້ານການຕັດສິນດັ່ງກ່າວຕໍ່ສານອຸທອນນັ້ນເອງ.

Songrit Pongern

ພິທີເຊັນສັນຍາໃຫ້ການຊ່ວຍເຫລືອຂອງອົງການ ສະຫະປະຊາຊາດແກ່ລາວເພື່ອຕ້ານແລະປາບປາມ ຢາເສບຕິດ

ການຍອມຮັບດັ່ງກ່າວນີ້ຂອງເຈົ້າໜ້າທີ່
ຕໍາຫຼວດລາວຍັງຖືວ່າສອດຄ່ອງກັນ
ກັບການລາຍງານຂອງທ່ານ Leik
Boonwaat ຜູ້ຕາງໜ້າຂອງອົງການ
ຄວບຄຸມຢາເສບຕິດ ແລະອາດຊະຍາ
ກໍາແຫ່ງສະຫະປະຊາຊາດ (UNODC)
ປະຈໍາປະເທດລາວ ຊຶ່ງໄດ້ລະບຸວ່າ ທາງ
ການລາວສາມາດຈັບກຸມ ແລະຍຶດຢາ
ເສບຕິດໄດ້ຫຼາຍຂຶ້ນຢ່າງຕໍ່ເນື່ອງໃນ
ຕະຫຼອດໄລຍະ 3 ປີ ທີ່ຜ່ານມາ ໂດຍ
ຈະເຫັນໄດ້ຈາກການຍຶດເຮໂຣອິນໄດ້ເພີ່ມຂຶ້ນຈາກ 17.5 ກິໂລກຼາມໃນປີ 2008 ເປັນ
84.34 ກິໂລກຼາມໃນປີ 2010 ຫຼືເພີ່ມຂຶ້ນເກືອບ 4 ເທົ່າ.

ສ່ວນຢາບ້ານັ້ນກໍຖືເປັນຢາເສບຕິດທີ່ເພີ່ມຂຶ້ນໄວທີ່ສຸດເມື່ອປະກົດວ່າໃນໄລຍະ 3 ປີທີ່ຜ່ານ
ມານີ້ ທາງການລາວສາມາດຍຶດຢາບ້າໄດ້ເພີ່ມຂຶ້ນຈາກ 1.23 ລ້ານເມັດໃນປີ 2008 ເປັນ
ຫຼາຍກວ່າ 24.5 ລ້ານເມັດໃນປີ 2010 ຫຼືເພີ່ມຂຶ້ນຫຼາຍກວ່າ 18ເທົ່າ ແລະ ທີ່ໜ້າເປັນຫ່ວງ
ຍິ່ງໄປກວ່ານັ້ນກໍຄື ຢາເສບຕິດທີ່ທາງການລາວສາມາດຍຶດໄດ້ດັ່ງກ່າວຍັງຄິດໄລ່ເປັນພຽງ
10% ເທົ່ານັ້ນຂອງປະລິມານຢາເສບຕິດທັງໝົດທີ່ມີຢູ່ລາວ ແລະທີ່ໄດ້ມີການລັກລອບຂົນ ສົ່ງໄປຍັງຕ່າງປະເທດໃນແຕ່ລະປີອີກດ້ວຍ.

ທາງດ້ານທ່ານ ທອງສິງ ທໍາມະວົງ ນາຍົກລັດຖະມົນຕີລາວ ກໍໄດ້ຖະແຫຼງຍອມຮັບວ່າ ບັນ ຫາຫຍໍ້ທໍ້ທາງດ້ານສັງຄົມຖືເປັນບັນຫາ ທີ່ມີລະດັບຄວາມຮຸນແຮງຫຼາຍຂຶ້ນຢ່າງໜ້າເປັນ
ຫວ່ງ ໂດຍນອກຈາກຈະມີສາເຫດມາຈາກປັດໃຈພາຍນອກປະເທດລາວແລ້ວ ປັດໃຈພາຍໃນ ຂອງລາວເອງກໍເປັນສາດເຫດທີ່ສໍາຄັນທີ່ບໍ່ດ້ອຍໄປກວ່າກັນເລີຍ ຊຶ່ງໃນນີ້ກໍລວມເຖິງ ຄວາມ
ດ້ອຍປະສິດທິພາບໃນການປະຕິບັດໜ້າທີ່ຂອງພະນັກງານລັດຖະບານລາວ ທີ່ມີຄວາມຮັບ
ຜິດຊອບໂດຍກົງດ້ວຍ ດັ່ງທີ່ທ່ານ ທອງສິງ ໄດ້ຖະແຫຼງຊີ້ແຈງວ່າ:

Songrit Pongern

ຢາບ້າແມ່ນມີການລັກລອບຂາຍກັນ ຫລາຍຂຶ້ນນັບມື້ ໃນລາວ.

“ຄວາມຮັບຜິດຊອບຂອງພະນັກງານ, ທະຫານ, ຕໍາ
ຫຼວດ ຈໍານວນໜຶ່ງບໍ່ທັນໄດ້ເປັນເຈົ້າການແກ້ໄຂປະ
ກົດການຫຍໍ້ທໍ້ນີ້ຢ່າງຈິງຈັງ, ຍິ່ງໄປກວ່ານັ້ນບາງພາກ
ສ່ວນຍັງປົກປິດການກະທໍາຜິດ, ເຮັດຜິດເອງ ຫຼື
ເຈດຕະນາເຮັດຜິດ, ສວຍໃຊ້ຊ່ອງຫວ່າງຂອງລະບຽບ
ກົດໝາຍເພື່ອຫາຜົນປະໂຫຍດ ແລະສ້າງບັນຫາ
ໃຫ້ກັບສັງຄົມ.”

ກ່ອນໜ້ານີ້ທ່ານ ກຸ ຈັນສີນະ ຮອງປະທານຄະນະກໍາມະການກວດກາ ແລະຄວບຄຸມຢາເສບ
ຕິດແຫ່ງຊາດລາວ ກໍໄດ້ຖະແຫຼງຍອມຮັບວ່າ ລາວບໍ່ພຽງແຕ່ຈະເປັນທາງຜ່ານຂອງການຂົນ
ສົ່ງຢາເສບຕິດໄປຍັງຕ່າງປະເທດເທົ່ານັ້ນ ຫາກແຕ່ຍັງໄດ້ກາຍເປັນຕະຫຼາດຮອງຮັບຢາເສບ
ຕິດອີກດ້ວຍໃນເວລາດຽວກັນ. ດັ່ງນັ້ນ ເພື່ອເຮັດໃຫ້ການດໍາເນີນມາດຕະການທັງໃນດ້ານ
ການລົດການຊົມໃຊ້ຢາເສບຕິດ ແລະການປາບປາມການຄ້າຢາເສບຕິດໃນລາວໃຫ້ມີປະສິດ
ທິພາບສູງຂຶ້ນຢ່າງເປັນຮູບປະທໍານັ້ນ ທາງການລາວຈຶ່ງໄດ້ຈັດການຝຶກອົບຮົມ ເພື່ອເພີ່ມລະ
ດັບຄວາມຮູ້-ຄວາມສາມາດ ລົດກ່ຽວກັບຢາເສບຕິດ ແລະການນໍາໃຊ້ກົດໝາຍໃຫ້ກັບບັນດາ ພະນັກງານຂອງລັດຖະບານ ທີ່ມີໜ້າທີ່ກ່ຽວຂ້ອງກັບບັນຫາຢາເສບຕິດເປັນການສະເພາະ ເມື່ອບໍ່ນານມານີ້.

ຂໍ້ມູນຈາກວີໂອເອເດີ້

ແຂວງເຊກອງນັບເປັນແຂວງທີ່ມີບັນຫາຄວາມທຸກຍາກຫຼາຍທີ່ສຸດໃນລາວ ສ່ວນນະຄອນ ຫຼວງວຽງຈັນກໍຍັງຄົງຄອງອັນດັບ 1 ທີ່ປະຊາກອນມີລາຍໄດ້ສະເລ່ຍສູງທີ່ສຸດ.

ຄະນະຊີ້ນໍາການພັດທະນາຊົນນະບົດ ແລະ ລົບລ້າງຄວາມທຸກຍາກແຫ່ງຊາດລາວ ໄດ້
ລາຍງານການປະເມີນຜົນກ່ຽວກັບສະພາບຄວາມທຸກຍາກ ແລະລະດັບຂອງການພັດທະ
ນາ ໃນທົ່ວປະເທດລາວປະຈໍາປີ 2011 ນີ້ວ່າຜົນຈາກການກວດກາ ແລະ ເກັບກໍາຂໍ້ມູນຈາກ
1,053,365 ຄົວເຮືອນໃນ 8,654 ໝູ່ບ້ານຫຼື 1,100 ກຸ່ມບ້ານໃນເຂດ 143 ເມືອງຂອງ 17 ແຂວງໃນທົ່ວປະເທດລາວພົບວ່າມີຄອບຄົວພັດທະນາ 501,627 ຄອບຄົວ ໂດຍຄິດເປັນ
47.62% ຂອງຄອບຄົວທັງໝົດໃນທົ່ວປະເທດລາວ.

ຫາກແຕ່ວ່າໃນສ່ວນຂອງບ້ານພັດທະນານັ້ນຍັງຄົງສາມາດປະຕິບັດໄດ້ພຽງແຕ່ 900 ບ້ານ
ຊຶ່ງຄິດເປັນ 10.4% ຂອງຈໍານວນບ້ານທັງໝົດເທົ່ານັ້ນ ແລະ ໃນຂະນະດຽວກັນກໍຍັງຄົງ
ສາມາດສ້າງຕັ້ງກຸ່ມບ້ານພັດທະນາໄດ້ພຽງແຕ່ 10 ກຸ່ມ ຫຼືຄິດສະເລ່ຍໄດ້ບໍ່ເຖິງ 1% ຂອງ ກຸ່ມບ້ານທັງໝົດໃນລາວເທົ່ານັ້ນ.

Songrit Pongern

ຕະຫລາດເມືອງລາວ ກໍຄືເສດຖະກິດລາວ ໃນເຂດຊົນນະບົດ ທີ່ມີສະພາບແຕກໂຕນກັນກັບເຂດ ນະຄອນວຽງຈັນ

ສ່ວນໃນດ້ານກ່ຽວກັບຄວາມ
ທຸກຍາກນັ້ນ ການສໍາຫຼວດ
ກໍພົບວ່າມີຢູ່ເຖິງ 199,758
ຄອບຄົວທີ່ຖືວ່າ ມີສະພາບ
ຊີວິດການເປັນຢູ່ທີ່ຍາກຈົນ
ຢ່າງຍິ່ງ ຊຶ່ງຄິດເປັນ 18.96%
ຂອງຈໍານວນຄອບຄົວທັງໝົດ
ໃນຂະນະດຽວກັນ ກໍຍັງມີ
ບ້ານທຸກຍາກຢູ່ເຖິງ 3,216
ບ້ານ ຫຼືຄິດເປັນ 37.16%
ຂອງບ້ານທັງໝົດ.

ຍິ່ງໄປກວ່ານັ້ນ, ເຖິງແມ່ນວ່າ
ຈະມີເຂດເມືອງທີ່ຖືວ່າໄດ້ພົ້ນຈາກຄວາມທຸກຍາກແລ້ວເຖິງ 87 ເມືອງກໍຕາມຫາກແຕ່ບັນ ຫາໃໝ່ທີ່ເກີດຂຶ້ນຢູ່ໃນເວລານີ້ ກໍຄືການແຕກໂຕນກັນຫຼາຍຂຶ້ນຂອງລະດັບການພັດທະນາ
ທາງ ເສດຖະກິດລະຫວ່າງເຂດແຂວງຕ່າງໆ. ຊຶ່ງຈາກການເກັບກໍາຂໍ້ມູນ ກໍພົບວ່ານະຄອນ
ຫຼວງວຽງຈັນເປັນເຂດ ທີ່ມີລະດັບການພັດທະນາເສດຖະກິດສູງທີ່ສຸດ, ໃນຂະນະທີ່ແຂວງ
ເຊກອງນັ້ນ ກໍນັບເປັນເຂດທີ່ປະຊາຊົນທຸກຍາກຫຼາຍທີ່ສຸດດັ່ງທີ່ ທ່ານເມກ ພັນຫຼັກ ຮອງປະ ທານຄະນະຊີ້ນໍາກາານພັດທະນາຊົນນະບົດ ແລະ ລົບລ້າງຄວາມທຸກຍາກແຫ່ງຊາດລາວ
ໄດ້ຖະແຫຼງຊີ້ແຈງວ່າ:

ແຂວງທີ່ມີອັດຕາສ່ວນຄອບຄົວພັດທະນາ, ບ້ານພັດ
ທະນາ ແລະກຸ່ມບ້ານພັດທະນາຫຼາຍກວ່າໝູ່ ມີອັດ
ຕາຄວາມທຸກຍາກຕໍ່າກວ່າໝູ່ ແມ່ນນະຄອນຫຼວງ,
ຖັດມາແມ່ນແຂວງໄຊຍະບູລີ, ແຂວງບໍລິຄໍາໄຊ ແລະ
ແຂວງຈໍາປາສັກ. ສ່ວນແຂວງທີ່ມີລະດັບການສ້າງ
ບ້ານ ແລະກຸ່ມບ້ານພັດທະນາຕໍ່າກວ່າໝູ່ ແລະມີອັດ
ຕາຄວາມທຸກຍາກສູງກວ່າໝູ່ ແມ່ນແຂວງເຊກອງ.”

ແຕ່ຢ່າງໃດກໍຕາມ ທ່ານ ທອງສິງ ທໍາມະວົງ ນາຍົກລັດຖະມົນຕີລາວ ກໍໄດ້ຖະແຫຼງຢືນຢັນ ເມື່ອບໍ່ນານມານີ້ວ່າເປົ້າໝາຍທີ່ສໍາຄັນຢ່າງຍິ່ງທີ່ລັດຖະບານລາວຈະດໍາເນີນການຈັດຕັ້ງປະ
ຕິບັດໃຫ້ໄດ້ຢ່າງແທ້ຈິງພາຍໃນ 5 ປີຕໍ່ໜ້າຫຼືພາຍໃນປີ 2015 ນັ້ນກໍຄືການລົບລ້າງຄວາມ
ທຸກຍາກຂອງປະຊາຊົນລາວບັນດາເຜົ່າໃຫ້ໄດ້ໂດຍພື້ນຖານທົ່ວປະເທດ.

ທັງນີ້ດ້ວຍການພັດທະນາເສດຖະກິດຂອງຊາດໃນໄລຍະຈາກປີ 2011-2015 ນັ້ນໃຫ້ຂະ
ຫຍາຍຕົວເພີ່ມຂຶ້ນໃນອັດຕາສະເລ່ຍບໍ່ຫຼຸດ 8% ຕໍ່ປີ. ຊຶ່ງນອກຈາກຈະເປັນຜົນເຮັດໃຫ້ຜົນ
ຜະລິດພາຍໃນຫຼື GDP ຂອງລາວມີມູນຄ່າລວມທີ່ສາມາດວັດສະເລ່ຍເປັນລາຍຮັບຂອງ
ປະຊາຊົນລາວໄດ້ ໃນລະດັບທີ່ສູງຂຶ້ນເປັນ 1,700 ໂດລາຕໍ່ຄົນ ໃນປີ 2015 ດັ່ງກ່າວແລ້ວ
ກໍຍັງຈະເຮັດໃຫ້ອັດຕາຄວາມທຸກຍາກຂອງປະຊາຊົນລາວລົດລົງເຫຼືອຢູ່ບໍ່ເກີນ 10% ຂອງ ຈໍານວນປະຊາກອນທັງໝົດໃນປີ 2015 ອີກດ້ວຍ.

ສ່ວນໃນໄລຍະແຜນການປີ 2010-2011 ນີ້ລັດຖະບານ
ລາວ ກໍໄດ້ວາງເປົ້າໝາຍທີ່ຈະເຮັດໃຫ້ຍອດຜະລິດຕະ
ພັນລວມພາຍໃນຫຼື GDP ຂະຫຍາຍຕົວເພີ່ມຂຶ້ນບໍ່ຕໍ່າກວ່າ
8% ຊຶ່ງກໍຈະເຮັດໃຫ້ມູນຄ່າ GDP ໄລ່ສະເລ່ຍເປັນລາຍ
ຮັບຂອງປະຊາຊົນລາວໄດ້ 9.6 ລ້ານກີບ ຫຼືປະມານ
1,130 ໂດລາ ຕໍ່ຄົນ ຕໍ່ປີ.

* ນັກ​ໂພ​ຊະນາ​ການ​ຢືນຢັນ​ວ່າ ຫມາກເຜັດ ​ເປັນ​ພືດ​ທີ່​ມີ​ປະ​ໂຫຍ​ດຈິງ​ແທ້ ເພາະວ່າ ຄວາມ​ເຜັດ​ຂອງມັນ ​​ມາ​ຈາກ​ສານ ແຄັບ​ໄຊ​ຊິນ ​ແລະ ​ແກ່ນ​ຂອງ ມັນກໍ່ມີ​ ວິຕາມີນ ​ເອ, ຊີ, ແຄວຊຽມ ​ແລະ ທາດ​ເຫລັກ​ອີກ​ດ້ວຍ. ຫມາກເຜັດ ຊຶ່ງ​ມີ​ຖິ່ນ​ກຳ​ເນີ​ດ​ ໃນ​ ທະ ວີບ ອາ​ເມ​ລິ​ກາ​ໃຕ້ ຊຶ່ງ ​ມີ​ຄົນ​ຕ່າງປະ​ເທດ​ນຳ​ເຂົ້າມາ​ໃນ​ຂົງ​ເຂດ​ອາຊີ ມາ​ແຕ່​ດົນ​ນານ ​ແລ້ວ.
ຫມາກເຜັດ​ ນັບ​ທັງ​ຫມາກເຜັດຂີ້ຫນູ, ເມື່ອ​ກິນ​ແລ້ວ​ເຜັດ​ຫລາຍ​ນັ້ນ ພວກມັນ​ມີ​ປະ​ໂຫຍ​ດ ຫລາຍ​ທີ່​ ສຸດ ຊຶ່ງ​ບໍ່ພຽງ​ແຕ່​ໃຫ້​ຄວາມ​ເຜັດ​ແຕ່​ຢ່າງ​ດຽວ, ​ແຕ່​ຍັງ​​ ເພີ່ມ​ສານ ​ແຫ່ງ​ຄວາມສຸກ “ເອັນ​ໂດຣຟີ​ນ”​ ໃຫ້ ແກ່ ຜູ້​ທີ່​ມັກ​ກິນ​ເຜັດ. ນອກ​ນັ້ນຍັງ ບັນ​ເທົາ​ອາການ​ເຈັບ​ປວດ, ​ໄຂ້ ຫວັດ, ຫລຸດຜ່ອນ​ການ​ມີນ້ຳມູກ. ຂະນະ​ດຽວກັນຍັງ​ສາມາດ​ລະລາຍ​ຂີ້ກະ​ເທີ່​ ນຳອີກ. ສຳ ລັບ​ຄົນທີ່​ ​ມີ​ອາການ​ຫອບ​ຫືດ, ກິນ​ຫມາກເຜັດ​ແລ້ວ​ຈະ​ດີ​ຫລາຍ ​ເພາະ​ຈະ​ເຮັດ​ໃຫ້​ຫ ລອດ ລົມ​ຂະຫຍາຍຕົວ​ໄດ້​ດີ ແລະ ບໍ່ຫົດ-​ເຄັ່ງ. ດັ່ງນັ້ນ, ຜູ້​ໃດ​ເປັນ​ພະຍາດ​ຫອບ​ຫື​ດ, ມີ​ອາການ ​ພູມ ​ແພ້ ຕ້ອງ​ ກິນ​ຫມາກເຜັດເປັນ​ປະຈຳ​ຈະ​ດີ​ຂຶ້ນ.
ຫມາກເຜັດ ຍັງ​ສາມາດ​ຫລຸດຜ່ອນ​ປະລິມານ ​ຄໍ​ເຣດສະເຕີຣອນ ໄດ້​ອີກ ຊຶ່ງຈາກ​ການ​ ວິ​ໄຈ​ ຂອງ​ນັກ ວິ​ທະຍາ​ສາດ​ເຫັນ​ວ່າ ຫມາກເຜັດ ສາມາດ​ເພີ່ມ​ອຸນຫະພູມ​ໃນ​ຮ່າງ ກາຍ​ຂອງ​ຄົນ​ເຮົາ​, ມີ​ປະ​ໂຫຍ​ດ​ໃນ ​ການ​ຄວບ​ຄຸມ​ນ້ຳຫນັກ. ເມື່ອ​ກິນ​ຫມາກ ເຜັດ ຈະ​ບໍ່​ເຮັດ​ໃຫ້​ຄົນ​ເຮົາ​ຮູ້ສຶກ ​ຢາກ​ເຄື່ອງ​ຫວານ, ຂະນະ​ດຽວກັນ​ກໍ​ຍັງ​ສາມາດ​ ຫລຸດຜ່ອນ​ຄວາມ​ ສ່ຽງ​ໃນ​ການ ​ເກີດ ​ພະຍາດ​ມະ​ເຮັງ​ອີກ​ດ້ວຍ./.

ຂໍ້ມູນຈາກເຄພີແອວ ສາວສາວໃດຢາກຈ່ອຍລອງກິນເຜັດເບິ່ງ ແຕ່ຢ່າກິນເຜັດເກິນໄປ ຈັກຫນ່ອຍໂລກກະເພາະຊິມາຢາມ