ຂຽນເມື່ອ: ມ.ກ.. 3, 2012
| ມີ
5 ຄຳເຫັນ
ແລະ
0 trackback(s)
ງານສິລະປະວັດທະນະທຳປະເທດລຸ່ມແມ່ນ້ຳລ້ານຊ້າງແມ່ນ້ຳຂອງ2011ປິດລົງຢ່າງເບີກບານມ່ວນ
ຕາມຂ່າວcri: ຕອນຄ່ຳວັນທີ29ທັນວານີ້, ງານສະແດງສິລະປະວັດທະນະທຳປະເທດລຸ່ມແມ່ນ້ຳລ້ານຊ້າງແມ່ນ້ຳຂອງ2011ທີ່ດຳເນີນເປັນເວລາ4ວັນຢູ່ເມືອງຊຽງຮຸ່ງ,ເທດສະບານກິ່ງແຂວງສິບສອງພັ່ນນາແຂວງຢຸນນານຈີນໄດ້ສຳເລັດລົງຢ່າງເບີກບານມ່ວນຊື່ນ.
ງານສະແດງສິລະປະຄັ້ງນີ້ແມ່ນຈັດຂຶ້ນພາຍໃຕ້ເບື້ອງຫຼັງທີ່ວັດທະນະທຳຢູ່ເຂດລ່ອງແມ່ນ້ຳລ້ານຊ້າງແມ່ນ້ຳຂອງ,ໂດຍປິ່ນອ້ອມຫົວຂໍ້ສຳຄັນຄື: "ມິດຕະພາບ,ການຮ່ວມມື,ການພັດທະນາ,ສັນລະເສີນແມ່ນ້ຳສາຍດຽວກັນ",ທັງໝົດໄດ້ຈັດກິດຈະກຳການສະແດງຢ່າງເບີກບານມ່ວນຊື່ນ10ກວ່າຮອບ,ໄດ້ສະແດງສະໜ່ດ້ານວັດທະນະທຳທີ່ມີສີສັນພິເສດຢູ່ເຂດລ່ອງແມ່ນ້ຳລ້ານຊ້າງແມ່ນ້ຳຂອງຕໍ່ທົ່ວໂລກ.
ໃນພິທີປິດງານ,ເຈົ້າພາບງານຍັງໄດ້ມອບຂອງຂັວນລາງວັນໃຫ້ແກ່ຜູ້ທີ່ມີຜົນງານດີເລີດໃນງານວາງສະແດງຮູບພາບຂອງນັກຖ່າຍຮູບຈີນແລະຂອງປະເທດຕ່າງໆລຸ່ມແມ່ນ້ຳຂອງ,ການປະກວດນາງງາມ,ການປະກວດການອອກແບບຊຸດອາພອນເຜົ່າລື້,ການປະກວດບົດປະພັນທາງອິນເຕີເນັດທີ່ມີຫົວຂໍ້ວ່າ "ເລື່ອງເຮົາກັບແມ່ນ້ຳຂອງ".
ໜວດໝູ່:
