ບ້ານ​ນັກ​ກິລາ​ຂອງ​ງານ​ມະຫະກຳ​ນັກ​ສຶກສາ​​ໂລກເຊິ່ນ​ເຈີ້​ງຂອງ​ຈີນຈະ​​ເລີ່​ມ​ເປີດ​ບໍລິການໃນ​ວັນ​ທີ6ສິງຫາ​ນີ້

(GMT+08:00) 2011-08-05 17:33:30     cri

ຕາມ​ຂ່າວ​ຈາກ​ເວ​ບ​ໄຊ​ທາງ​ການ​ຂອງ​ ງານ​ມະຫະກຳ​ນັກ​ສຶກສາ​ໂລກ: ບ້ານພັກນັກ​ກິລາ​ຂອງ​ງານ​ມະຫະກຳ​ກິລານັກ​ສຶກສາ​ເຊິ່ນ​ເຈີ້ງຈະ​​ເລີ່​ມ​ເປີດ​ ບໍລິການ​ຢ່າງ​ເປັນ​ທາງ​ການ​ໃນ​ວັນ​ທີ6ສິງຫາ​ນີ້, ຈົນ​ຮອດ​ວັນ​ທີ26ສິງຫາ​ນີ້,​ເວລາບໍລິການ​ແມ່ນ21ວັນ. ທ່ານ​ລິວ​ຜິ​ງ​ເຊິ່ງ,ຫົວໜ້າ​ບໍລິຫານ​ງານ​ຂອງ​ບ້ານ​ນັກ​ກິລາ​ຂອງ​ງານ​ ມະຫະກຳກິລາ​ນັກ​ສຶກສາ​​ໂລກ​ເຊິ່ນ​ເຈີ້​ງກ່າວ​ໃນ​ເວລາ​ໃຫ້​ສຳພາດ​ຕໍ່​ນັກ​ ຂ່າວ​ວ່າ, ບົນ​ພື້ນຖານ​ທີ່​ເຮັດ​ວຽກ​ໃນ​ຊີວິດ​ປະຈຳ​ວັນ​ໃຫ້​ດີ, ຈະ​ເອົາ​ໃຈ​ໃສ່ຢ່າງ​​ເຕັມທີ່ດ້ວຍຄວາມ​ເປັນ​ຫ່ວງ​ເປັນ​ໃຍດ້ານ​ຮ່າງກາຍ​ແລະ​ ດ້ານ​ຈິດ​ໃຈຕໍ່​ນັກ​ກິລາ​.

ບ້ານ​ນັກ​ກິລາ​ຂອງ​ງານ​ມະຫະກຳ​ກິລານັກ​ ສຶກສາ​​ໂລກຕັ້ງ​ຢູ່​ພາກ​ຕາ​ເວັນ​ຕົກ​ສຽງ​​ໃຕ້​ຂອງ​ເຂດ​ໃຈກາງ​​ໂຫຼ​ງກ່າງ​ ນະຄອນ​ເຊິ່ນ​ເຈີ້​ງ, ກວມ​ເນື້ອ​ທີ່ 4​ແສນ9ໝື່ນ2ພັນຕາ​ແມັດ, ບ້ານ​ນີ້ສາມາດຕ້ອນຮັບ​ນັກ​ກິລາ​​,ເຈົ້າ​ໜ້າ​ທີ່​ແລະ​ຄະນະ​ນຳພາ​ນັກ​ກິລາທີ່​ ມາ​ຈາກ 100ກວ່າ​ປະ​ເທດ​ແລະ​ເຂດ​ແຄວ້ນ 1ໝື່ນ​ກວ່າ​ຄົນ. ຫຼັງ​ຈາກ​ງານ​ມະຫະກຳ​ກິລານັກ​ສຶກສາ​ໂລກ​ສິ້ນ​ສຸດ​​ແລ້ວ, ບ້ານ​ນັກ​ກິລາ​ຂອງ​ງານ​ມະຫະກຳ​ກິລານັກ​ສຶກສາຈະ​​ເປັນ​ຫໍ​ພັກ​ນັກ​ສຶກສາ​ຂອງ​ ສະ​ຖາ​ບັນ​ເຕັກ​ໂນ​ໂລ​ຊີ​ຂໍ້ມູນ​ຂ່າວສານ​ເຊິ່ນ​ເຈີ້​ງ.

ປະຈຸ​ບັນ, ການ​ບໍລິການ​ດ້ານຊີວິດ​ການ​ເປັນ​ຢູ່, ຄົມມະນາຄົມ​ແລະ​ວຽກ​ງານ​ອື່ນ​ໆ​​ໃນ​ບ້ານ​ນັກ​ກິລາ​​ໄດ້​ກຽມພ້ອມ​ເປັນ​ຢ່າງ​ ດີ​ແລ້ວ, ນັກ​ກິລາ​ທີ່​ເຂົ້າ​ຮ່ວມ​ການ​ແຂ່ງຂັນ​ແລະ​ເຈົ້າ​ໜ້າ​ທີ່ພ້ອມ​ຄະນະ​ນຳພາ​ນັກ​ ກິລາ​ສາມາດ​ເຂົ້າ​ຢູ່​ໄດ້​ໃນ​ທຸກ​ເວລາ.