ອາ​ເມ​ລິ​ກາ​ຂາຍ​ອາວຸດ​ໃຫ້​ໄຕ້​ຫວັນ​ຈະ​ທຳ​ລາຍ​ການ​ພົວ​ພັນ​ລະ​ຫວ່າງ​ຈີນ​ອາ​ເມ​ລິ​ກາ

ວັນ​ທີ 17 ກັນຍາ​ນີ້, ຢູ່​ນະຄອນຫຼວງວໍ​ຊິງ​ຕັນ, ທ່ານ​ໂຈ່​ວ​ເຖໜົງ, ຮອງ​ປະທານ​​ສະພາປະຊາຊົນ​ແຫ່ງ​ຊາດ​ຈີນ ກ່າວ​ວ່າ, ອາ​ເມ​ລິ​ກາ​ຂາຍ​ອາວຸດ​ໃຫ້​ໄຕ້​ຫວັນ ບໍ່​ພຽງ​ແຕ່​ຈະ​ທຳລາຍ​ການ​ພົວພັນ​ລະຫວ່າງ​ຈີນ​ກັບອາ​ເມ​ລິ​ກາ ​ແລະ ການ​ພົວພັນ​ລະຫວ່າງ​ສອງ​ຝັ່ງ​ຊ່ອງ​ແຄບ​ໄຕ້​ຫວັນ​ເທົ່າ​ນັ້ນ,  ​ແຕ່​ຍັງ​ທຳລາຍ​ຜົນ​ປະ​ໂຫຍ​ດພື້ນຖານຂອງ​ປະຊາຊົນ​ອາ​ເມ​ລິ​ກາ​ໃນ​ທີ່​ສຸດ​ອີກ ​ດ້ວຍ.

ທ່ານ​ໂຈ່​ວ​ເຖໜົງ​ແມ່ນ​ໃຫ້​ທັດສະນະ​ດັ່ງກ່າວ ​ໃນ​ເວລາ​ໃຫ້​ສຳພາດ​ຕໍ່​ນັກ​ຂ່າວ ​ເນື່ອງ​ໃນ​ໂອກາດ​​ໄປ​ເຂົ້າຮ່ວມ​ກອງ​ປະຊຸມຊາວ​ຈີນ​ແ​ລະ​ຈີນ​ຕ່າງ​ດ້າວທົ່ວ​ ໂລກ​ເພື່ອ​ຊຸກຍູ້​ການ​ໂຮມ​ຈີນ​ເຂົ້າ​ເປັນ​ເອກະ​ພາບ​ໂດຍ​ສັນຕິ. ທ່ານ​ກ່າວ​ວ່າ, ​ເຖິງ​ວ່າ​ລະຫວ່າງຈີນ​ແລະ​ອາ​ເມ​ລິ​ກາມີ​ຄວາມ​ເຫັນ​ແຕກ​ຕ່າງ​ກັນ​​ໃນ​ບາງ​ ດ້ານ​, ​ແຕ່​ກໍ​ມີ​ຜົນ​ປະ​ໂຫຍ​ດຮ່ວມ, ການ​ພົວພັນ​ລະຫວ່າງຈີນ​ແລະ​ອາ​ເມ​ລິ​ກາ ​ ​ ​ມີ​ຄວາມ​ສຳຄັນ ຫຼາຍຕໍ່​ທັງສອງ​ປະ​ເທດກໍ​ຄື​​ສັນ​​ຕິ​ພາບ​ຂອງ​ໂລກ, ​ແຕ່​ອາ​ເມ​ລິ​ກາ​ຂາຍ​ອາວຸດ​ໃຫ້​ໄຕ້​ຫວັນ​ຈະ​ເຮັດ​ໃຫ້​ການ​ພົວພັນ​ທີ່​ສຳຄັນ ​ດັ່ງກ່າວຖືກ​ທຳລາຍ.

ທ່ານ​ໂຈ່​ວ​ເຖໜົງ ກ່າວ​ວ່າ, "ການຫຼຸດ​ຈຳນວນ​ແລະ​ລະດັບອາວຸດ​ທີ່​ຂາຍ​ໃຫ້​ໄຕ້​ຫວັນ​ໃຫ້​ຕ່ຳລົງ​​ເທື່ອ​ລະ​ ກ້າວ" ​ແມ່ນ​ຄຳ​ໝັ້ນສັນຍາ​ຂອງອາ​ເມ​ລິ​ກາ ທີ່​ກ່າວ​ໃນ "ບົດ​ແຈ້ງ​ການ​ຮ່ວມ​ສາມ​ສະບັບ" ລະຫວ່າງ​ຈີນ​ອາ​ເມ​ລິ​ກາ ທີ່​ສອງ​ຝ່າຍ​ເຊັນ​ກັນ​ໃນ​ເວລາ​ສອງ​ປະ​ເທດ​ສ້າງ​ການ​ພົວພັນ​ທາງ​ການ​ທູດ, ຈີນ​ຫວັງ​ໃຫ້​ລັດຖະບານ​ອາ​ເມ​ລິ​ກາປະຕິບັດ​ຕາມ​ຄຳ​ໝັ້ນສັນຍາ, ​ເພື່ອ​ສ້າງ​ໂສມ​ໜ້າ​ທີ່​ຊື່ສັດ​ແລະປະຕິບັດ​ຕາມ​ຄຳ​ໝັ້ນສັນຍາ​ຂອງ​ຕົນ​ໃນ​ ຖານະ​ທີ່​ເປັນ​ປະ​ເທດ​ໃຫຍ່.