ເຫດການ​ລະ​ເບີດ​ທີ່​ເກີດ​ຂຶ້ນ​ຢູ່​​ເມືອງ​ໃຫຍ່​ອັນ​ດັບ 2 ຂອງ​ຊີຣີ​ໄດ້​ເຮັດ​ໃຫ້ 28 ຄົນ​ເສຍ​ຊີວິດ

ວັນ​ທີ 10 ກຸມພາ​ນີ້, ກະຊວງ​ພາຍ​ໃນ​ຊີ​ຣີ​ກ່າວ​ວ່າ, ​ເຫດການ​ລະ​ເບີດ​ສອງ​ເທື່ອ​ທີ່​ເກີດ​ຂຶ້ນ​ຢູ່​ນະຄອນ​ອາ​ເລ​ປໍ​ເຊິ່ງ​ເປັນ​ຕົວ​ເມືອງ​ໃຫຍ່​ທີ​ສອງ​​ແລະ​ເປັນ​ສູນ​​ເສດຖະກິດ​ຂອງ​ຊີຣີ​ໄດ້​ເຮັດ​ໃຫ້​ປະຊາຊົນ​ລວມທັງ​ເດັກນ້ອຍ 28 ຄົນ​ເສຍ​ຊີວິດ​ແລະ 235 ຄົນ​ບາດ​ເຈັບ.

ມື້​ດຽວ​ກັນ, ທ່ານ​ບານ​ກີ​ມູນ, ​ເລຂາທິການ​ໃຫຍ່​ອົງການ​ສະຫະ​ປະຊາ​ຊາດ​ອອກ​ຖະ​ແຫຼງການ​ວ່າ, ຄວາມ​ຮຸນ​ແຮງ​​ໃດໆ​ລ້ວນ​ແຕ່​​ແມ່ນ​ຮັບ​ເອົາ​ບໍ່​ໄດ້, ຝ່າຍ​ຕ່າງ​ໆ​ຂອງ​ຊີ​ຣີຕ້ອງ​ຢຸດຕິ​ການ​ໃ້​ຄວາມ​ຮຸນ​ແຮງ​​ໃນ​ທັນທີ. ພ້ອມ​ກັນ​ນັ້ນ​ທ່ານ​ກ່າວ​ຢ້ຳວ່າ, ວິ​ກິດ​ການ​ຊີຣີ​ພຽງ​ໄດ້​ຮັບ​ການ​ແກ້​ໄຂ​ດ້ວຍ​ວິທີ​ການ​ເມືອງ​ທີ່​ຮອບດ້ານ​ແລະ​ສັນຕິພາບ, ວິທີ​ດັ່ງກ່າວ​ຕ້ອງ​ສອດຄ່ອງ​ກັບ​ຄວາມ​ປາຖະໜາ​ຂອງ​ປະຊາຊົນ​ຊີ​ຣີ, ​ແລະ​ຮັບປະກັນ​​ເຄົາລົບສິດທິ​ມະນຸດ​ແລະ​ເສລີພາບ​ອັນ​ພື້ນຖານ.