.....................ສໍາລັບຄົນທີ່ມີໃຈກ້ວາງໃນການອ່ານ !........................
...........................................................................................
ໃນວັນສຸກຄໍ່າຄືນແຫ່ງການຢຸດພັກຜ່ອນ ແລະ ອອກທ່ຽວຂອງໃຜຫຼາຍໆຄົນ ລວມ
ທັງຂ້ອຍກໍ່ເຊັ່ນດຽວກັນເລິ່ມຕົ້ນທີ່ຮ້ານອາຫານນັ່ງຟັງເພງເບົາໆພາຍໃຕ້ວົງສົນທະນາອ້ອມ
ຂ້າງໄປດ້ວຍໝູ່ຄູ່ຄົນສະໜິດສີ່ຫ້າຄົນທີ່ມາກັນແບບເປັນຄູ່ໆສ່ວນຂ້ອຍໂສດສະໜິດຢູ່ຜູ້ດຽວ………
ຕົກເດີກຂ້ອຍກໍ່ຕ້ອງຂໍແຍກໂຕອອກມາຈາກໝູ່ ແຕ່ຂ້ອຍບໍ່ໄດ້ກັບບ້ານຂ້ອຍຢຸດລົດແລ້ວລົງໄປນັ່ງທີ່ຮ້ານບາເຫຼົ້າຂາປະຈໍາ
ຂ້ອຍຮູ້ສຶກເຫຼງົົາຢ່າງແຮງທັງໆທີ່ຮອບຂ້າງຂ້ອຍຫຸ້ມຮອບໄປດ້ວຍໝູ່ຄູ່ແຕ່ຂ້ອຍກັບຕ້ອງການເວລາ ແລະຄວາມເປັນສ່ວນໂຕເປັນທີ່ຈະຄິດ ແລະ
ນັ່ງເສົ້າກັບມັນໃຫ້ສຸດຫົວໃຈ ແລະ ໃນບາແຫ່ງນັ້ນຂ້ອຍໄດ້ພົບກັບຍິງສາວຜູ້ໜຶ່ງຂ້ອຍສັງເກດຢູ່ດົນຈຶ່ງຮູ້ວ່າລາວມາຄົນດຽວ
ຄືສິເປັນສາວແບບວ່າຫັ້ນລະ ! ຂ້ອຍຍ່າງເຂົ້າໄປຫາ ເພື່ອທີ່ຈະຢອກແຊວຫຼິ້ນໆ ພໍແຕ່ເອີຍປາກຖາມ ສະບາຍດີ ! ລາວກໍ່ຕອບມາວ່າ :
ຂໍໂທດເດີ້ ! ຂ້ອຍຢາກຢູ່ຜູ້ດຽວ !
ໜ້າຂອງຄົນແຕກບໍ່ເປັນທ່າເລີຍ ! ຄືສິບໍ່ແມ່ນສາວແບບວ່າລະ ! ຂ້ອຍຫັ້ນໜ້າກັບມາ
ແຕ່ຂ້ອຍເຂົ້າໃຈກັບຄໍາເວົ້າທີ່ວ່າຢາກຢູ່ຄົນດຽວຂອງລາວ ຂ້ອຍເລີຍຫັ້ນໜ້າກັບໄປແລ້ວເວົ້າໃສ່
ລາວວ່າ : ເຈົ້າແນ່ໃຈຫວາວ່າເຈົ້າຢາກຢູ່ຄົນດຽວ ? ຂ້ອຍກໍ່ຢາກຄືກັນ ! ແຕ່ມັນບໍ່ແມ່ນ
ຄວາມຈິງດອກ ! ອັນນັ້ນມັນເປັນພຽງຂໍ້ອ້າງທີ່ເຮົາເອົາໄວ້ໃຊ້ໃນຕອນທີ່ເຮົາບໍ່ມີໃຜຊື່ໆ !
ພໍຂ້ອຍເວົ້າຈົບລາວກໍ່ແນມເບິ່ງໜ້າຂ້ອຍແລ້ວຍິ້ມ ! ແຕ່ຂ້ອຍບໍ່ຍິ້ມຕອບດອກ ! ຂ້ອຍຈັບຈອກ ແລ້ວມານັ່ງຂ້າງໆກັບລາວ
ຂ້ອຍເລີ່ມຕົ້ນດ້ວຍຄໍາຂໍໂທດ ! ແລ້ວບົດສົນທະນາກໍ່ບັນເລງໄປພ້ອມກັບສຽງເພງເບົາໆ ຊ່າງໜ້າແປກໃຈເຫຼືອເກີນທີ່ຂ້ອຍຊ່າງ
ຮູ້ສຶກມີຄວາມສຸກເຮົາລົມກັນຄ້າຍກັບວ່າຮູ້ຈັກກັນມາດົນ ແລະ ລົມກັນໃນເລື່ອງທີ່ຂ້ອຍບໍ່ເຄີຍລົມກັນຜູ້ຍິງຄົນໃດແບບນີ້ມາກ່ອນ
ຂ້ອຍບອກບໍ່ຖືກວ່າລາວມີຄວາມແຕກຕ່າງຫຍັງຈາກຜູ້ຍິງຄົນອື່ນລາວງາມຫວາ ? ອາດຈະແມ່ນຖ້າຂ້ອຍຈະເປັນພວກທີ່ຫຼົງໄຫຼໃນ
ສິ່ງທີ່ສວຍງາມ ແຕ່ນັ້ນມັນກໍ່ເປັນເລື່ອງຂອງທໍາມະຊາດບໍ່ແມ່ນຫວາ ! ການສົນທະນາເລີ່ມເບົາລົງແຕ່ເລີກຂຶ້ນເລື່ອຍໆ ຂ້ອຍຍິງ
ຄໍາຖາມສຸດທ້າຍແບບຊື່ໆເລີຍວ່າ : ເຈົ້າມີໃຜແລ້ວຫຼືຍັງໃນຕອນນີ້ ? ຂ້ອຍຍັງບໍ່ມີໃຜເທື່ອ
ຖ້າເຈົ້າບໍ່ມີໃຜເຮົາມາລອງຄົບກັນບໍ່ ? ຂ້ອຍບໍ່ໄດ້ເວົ້າຍ້ອນເມົາຫຼືຂາດສະຕິ ! ຂ້ອຍອາດເຫງົາ
ແຕ່ກະບໍ່ໄດ້ເປັນຄົນທີ່ຂາດຄວາມຮັບຜິດຊອບ ! ເຈົ້າເຊື່ອໃນເລື່ອງເນື້ອຄູ່ຫຼືວ່າພົມລິຄິດບໍ່ ?
ຂ້ອຍຮູ້ໂຕວ່າເວົ້າຫຍັງອອກມາ ແລະ ກໍ່ຮູ້ອີກວ່າມັນອາດເປັນພຽງແຕ່ຄວາມຮູ້ສຶກຂ້າມຄືນ
ແຕ່ສໍາລັບຂ້ອຍແລ້ວ ມັນບໍ່ມີເຂົ້າມາເລື່ອຍໆດອກຄົນທີ່ຜ່ານເຂົ້າມາວູບດຽວແລ້ວເຮັດໃຫ້ມີຄວາມ
ສຸກຈົນໃຈສັ່ນຂະໜາດນີ້ ! ແລ້ວສິປ່ອຍໃຫ້ມັນຜ່ານໄປງ່າຍໆຫວາ ? ລາວຍິ້ມໃຫ້ຂ້ອຍແລ້ວເວົ້າວ່າ :
ມື້ນີ້ຂ້ອຍມີຄວາມສຸກຫຼາຍ ແລະ ສໍາຫຼັບຄົນຄືຂ້ອຍໄດ້ເທົ່ານີ້ຂ້ອຍກະຖືວ່າດີເທົ່າໃດແລ້ວ
ຂ້ອຍເຂົ້າໃຈທີ່ເຈົ້າເວົ້າເດີ້ ! ເລື່ອງເນື້ອຄູ່ຫັ້ນ ! ແລະກໍ່ເຊື່ອວ່າຄົນເຮົາເກີດມາແລ້ວກໍ່ຕ້ອງມີສິ່ງໃດ
ເກີດມາຄູ່ກັບເຮົາພ້ອມແຕ່ເຮົາຕ້ອງຊອກຫາມັນໃຫ້ເຫັນ ! ຜູ້ຊາຍສ່ວນໃຫ່ຍເຂົ້າມາຫາຂ້ອຍ
ແລ້ວກໍ່ຍ່າງຫາຍອອກໄປຢ່າງທີ່ເຈົ້າກໍາລັງຈະເຮັດອີກຈັກໜ້ອຍນີ້ລະເຊື່ອຂ້ອຍບໍ່ ?
ຂ້ອຍບໍ່ແມ່ນພົມລິຄິດຂອງເຈົ້າດອກ !
ຂ້ອຍບໍ່ເຂົ້າໃຈທີ່ລາວເວົ້າໝາຍຄົນວ່າແນວໃດຄົນແບບຂ້ອຍໄດ້ເທົ່ານີ້ກໍ່ດີແລ້ວ ? ແລ້ວລາວກໍ່ຢືນກະເປົາເງິນຂອງລາວໃຫ້ຂ້ອຍ
ຂ້ອຍບໍ່ເຂົ້າໃຈ ! ລາວບອກໃຫ້ຂ້ອຍເປີດອອກເບິ່ງທາງໃນນັ້ນ ! ຂ້ອຍເປີດອອກເບິ່ງໃນນັ້ນມີບັດປະຈໍາຕົວທີ່ເປັນຂອງຜູ້ຊາຍຢູ່ໃບໜຶ່ງ
ຂ້ອຍຖາມລາວວ່ານີ້ແມ່ນໃຜ ລາວບໍ່ໃຫ້ຂ້ອຍສັງເກດເບິ່ງໃຫ້ດີໆ ! ຂ້ອຍຈຶ່ງເຂົ້າໃຈແລ້ວວ່ານີ້ຄືຮູບຂອງລາວ ! ຂາຂ້ອຍອ່ອນລົງກັບບາດ !
ເປັນຫັຍງລາວຄືມາງາມໄດ້ຂະໜາດນີ້ບໍ່ເຫັນຮອງຮ່ອຍຄວາມເປັນຜູ້ຊາຍຂອງລາວເລີຍ ! ລາວເວົ້າວ່າ :
ຂ້ອຍຂໍໂທດເດີ້ ! ທີ່ຂ້ອຍບໍ່ໄດ້ບອກເຈົ້າໄວກ່ວານີ້ ແຕ່ຖ້າຂ້ອຍບອກເຈົ້າກ່ອນ
ແລ້ວເຈົ້າສິລົມກັບຂ້ອຍບໍ່ ? ເຈົ້າເຮັດໃຫ້ຂ້ອຍມີຄວາມສຸກເຈົ້າຮູ້ບໍ່ ! ແລະຂ້ອຍກະທໍາຮ້າຍ
ຄົນທີ່ເຮັດໃຫ້ຂ້ອຍມີຄວາມບໍ່ໄດ້ດອກ ! ຖ້າເຈົ້າຢາກໄປຕອນນີ້ເຈົ້າກະໄປໄດ້ເລີຍເດີ້ ! ບໍ່ຕ້ອງຫວງຂ້ອຍດອກ !
ຂ້ອຍຫງຽບ ແລະຍັງຕົກໃຈກັບເລື່ອງນີ້ຢູ່ ຂ້ອຍຍິ້ມໃຫ້ລາວແບບບໍ່ເຕັມສີໜ້າ ! ແລະ
ເວົ້າວ່າ : ບໍ່ເປັນຫຍັງດອກ ! ເຈົ້າກໍ່ເຮັດໃຫ້ຂ້ອຍມີຄວາມສຸກເຊັ່ນດຽວກັນ !
ຂ້ອຍເສຍໃຈທີ່ເວົ້າແບບນັ້ນ ! ແລ້ວເຮົາພໍ້ກັນໃໝ່ເນາະ !
ຂ້ອຍເວົ້າໄດ້ແຕ່ພຽງເທົ່ານັ້ນ ແລະຂ້ອຍກໍ່ຍ່າງຫັນຫຼັງໃຫ້ລາວອອກມາຈາກຮ້ານແຫ່ງນັ້ນຂ້ອຍຈະບໍ່ຫັ້ນຫຼັງກັບຄືນໄປເດັດຂາດ
ໃນໃຈຂອງຂ້ອຍຮູ້ສຶກເຈັບປວດຢູ່ໜ້ອຍໆ ! ແຕ່ລາວຄືສິຮູ້ສຶກເຈັບຫຼາຍກ່ວາຂ້ອຍເປັນພັນເທົ່າ ແລະ ຂ້ອຍກໍ່ເປັນຄືກັບຜູ້ຊາຍທຸກ
ຄົນທີ່ລາວເວົ້າເຖິງຍ່າງເຂົ້າມາແລ້ວຫັ້ນຫຼັງຍ່າງອອກໄປຖິ້ມໄວ້ພຽງແຕ່ຄວາມຊົງຈໍາເທົ່ານັ້ນ ແຕ່ຂ້ອຍຈະບໍ່ມີວັນລືມເຖິງຄົນໆ
ນີ້ທີ່ຄົນເຄີຍໄດ້ຈິນຕະນາການເຖິງ ແລະ ຂ້ອຍຈະບັນທຶກລາວລົງໃນຄວາມຊົງຈໍາສ່ວນເລີກໆຂອງຂ້ອຍກັບອີກຄໍ່າຄືນໜຶ່ງທີ່ຂ້ອຍ
ມີຄວາມສຸກໄວ້ຕະຫຼອດໄປ……….
ຂຽນເມື່ອ: ສ.ຫ.. 26, 2010
| ມີ
ໜວດໝູ່:
ກັບໄປໄດອາຣີ່ຂອງ ຄົນທີ່ຮັກເຈົ້າສະເໜີ ! ບໍ່ເຄີຍປ່ຽນ !, 'user_report.php?return_url=http%253A%252F%252Fpunlao.com%252Fblog.php%253Fuser%253Dmlm%2526blogentry_id%253D13748&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
