..........................................................................................................................

..........................................................................................................................

ຊາຍໜຸ່ນຄົນໜຶ່ງຢູ່ໃນຄອບຄົວນັກທຸລະກິດຖືກລ້ຽງໃຫ້ເປັນຜູ້ນໍາ ແລະ ປູກຟັງສິ່ງທີ່ພໍ່ແມ່ຍາກໃຫ້ເປັນ

ຖືກສົ່ງໃຫ້ໄປຮຽນຕໍ່ຕ່າງປະເທດໃນສິ່ງທີ່ຕົນເອງຍັງບໍ່ຮູ້ວ່າມັກຫຼືພ້ອມກັບມັນແລ້ວຫຼືຍັງ

ແລະທຸກໆຢ່າງກໍ່ເປັນໄປແບບນັ້ນລາວກາຍເປັນສິ່ງທີ່ພໍ່ແມ່ຂອງລາວຕັ້ງໃຈຢາກຈະໃຫ້ເປັນ

ຊີວິດຄືວ່າມັນຈະສົມບູນແບບທີ່ສຸດແລ້ວສໍາລັບຜູ້ຊາຍຄົນໜຶ່ງ

ແຕ່ໃນຄວາມຮູ້ສຶກຂອງຊາຍໜຸ່ມຄົນນັ້ນມັນບໍ່ມີຄວາມຮູ້ສຶກຂອງການເປັນຜູ້ນໍາເລີຍແມ້ແຕ່ໜ້ອຍດຽວ

ຕະຫຼອດເວລາລາວໄດ້ແຕ່ແນມອອກມານອກປະຕູປ່ອງຢ້ຽມ ແລະ ເບິ່ງສິ່ງທີ່ເດັກນ້ອຍຄົນອື່ນຄວນຈະເປັນ

ຈົນກະທັງຕອນນີ້ທີ່ລາວເປັນຜູ້ໃຫ່ຍພໍແລ້ວ ແຕ່ລາວກໍ່ຍັງຄົງເຮັດໄດ້ພຽງແຕ່ຄິດກັບຫຼັງເຖິງຊີວິດທີ່ຄວນຈະເປັນສິ່ງໃດສິ່ງໜຶ່ງໄດ້ຫຼາຍກ່ວານີ້

ທຸກຄົນອ້ອມຂ້າງຂອງລາວຄິດວ່າລາວສາມາດເຮັດສິ່ງໃດກໍ່ໄດ້ທີ່ລາວຢາກຈະເຮັດ

ແຕ່ບໍ່ເລີຍລາວບໍ່ສາມາດເຮັດແມ້ແຕ່ການເປີດເຜີຍຕົນໆຂອງລາວທີ່ມີໃຫ້ຄົນອື່ນໄດ້ຮູ້

ບໍ່ມີສິດທີ່ຈະໄປໃນສະຖານທີ່ທີ່ຄົນອື່ນເຂົາໄດ້ໄປ ຫຼືແມ້ແຕ່ສິໃນການທີ່ຈະແຕ່ງໂຕຕາມໃຈຕົນເອງທີ່ມັກ

ນິໄສຊາຍໜຸ່ມຄົນນັ້ນອາດດ້ານ ແລະ ຢາບບໍ່ຍອມແພ້ຄົນອື່ນຫຼືພຽງແຕ່ຈະເວົ້າຄໍາວ່າຂໍໂທດກັບຜູ້ໃດກໍ່ຍາກທີ່ຈະເວົ້າ

      ແຕ່ວັນໜຶ່ງຊາຍໜຸ່ມຄົນນັ້ນໄດ້ພົບກັບຄົນຜູ້ໜຶ່ງໃນອິນເຕີເນັດ ຄົນແບບທີ່ຊາຍໜຸ່ນຄົນນັ້ນຊັງທີ່ສຸດ

ໂດຍສະເພາະຄໍາເວົ້າທີ່ໝັ້ນໃຈໂຕເອງຂອງລາວ ແລະ ຄວາມຄິດຂອງລາວທີ່ຄົນຄືຂ້ອຍກໍ່ຍັງບໍ່ທັນຄິດເຫັນ

 ຄວາມສາມາດທີ່ມີຂອງຄົນໆນັ້ນມັນຊ່າງໜ້າສົນໃຈແລະຊວນໃຫ້ຕິດຕາມ

ແລະທີ່ສໍາຄັນລາວສາມາດເຮັດສິ່ງໃດກໍ່ໄດ້ທີ່ລາວຍາກຈະເຮັດຈົນຕອນນີ້ລາວໃກ້ຈະຕິດປີກບິນແລ້ວ

ແຕ່ຊາຍໜຸ່ມຄົນນັ້ນກໍ່ໄດ້ແຕ່ເຫງີຍໜ້າແນມເບິ່ງເທົ່ານັ້ນ !

           ຊາຍໜຸ່ມຄົນນັ້ນບໍ່ເຄີຍຄິດດອກວ່າຈະສົນໃຈໃຜຄົນໜຶ່ງໄດ້ຫຼາຍປານນີ້ນອກຈາກເລື່ອງຂອງຕົນເອງ

ຈົນກະທັງລາວແນ່ໃຈແລ້ວວ່າລາວຄົງສິຕົກຂຸມຮັກລາວຄົນນັ້ນເຂົາແລ້ວລະ ແລະ ຊາຍໜຸ່ມຄົນນັ້ນພຽງແຕ່ຢາກແນ່ໃຈ

ຄວາມຮູ້ສຶກຂອງຕົນເອງລາວໄດ້ນັດໃຫ້ຄົນໆນັ້ນອອກມາພົບຄັ້ງທໍາອິດ ແຕ່ສຸດທ້າຍລາວຄົນນັ້ນກໍ່ບໍ່ມາ

ຊາຍໜຸ່ນຄົນນັ້ນຫອບເອົາຄວາມຜິດຫວັງກັບໄປບ້ານພ້ອມເຫຼົ້າອີກຂວດໜຶ່ງ

ວັນຕໍ່ມາລາວກໍ່ໄດ້ພົບເຫັນຄົນຜູ້ນັ້ນສົມໃຈ ແລະມັນຍິ່ງເຮັດໃຫ້ລາວຮູ້ສຶກແນ່ໃຈຂຶ້ນວ່າ

ລາວຄືສິສົນໃຈຄົນຜູ້ນີ້ແລ້ວລະ !

ຂໍພຽງແຕ່ຄັ້ງດຽວເທົ່ານັ້ນທີ່ຊາຍໜຸ່ມຄົນນັ້ນຈະໄດ້ເຫັນແລະເຂົ້າໃຈຄວາມຮູ້ສຶກຂອງຕົນເອງ

ຊາຍໜຸ່ມຄົນນັ້ນເຂົາໃຈແລະເຊື່ອມາຕະຫຼອດວ່າຫາກການທີ່ເຮົາຮັກແລະສົນໃຈຜູ້ໃດໃຫ້ລອງສໍາພັດທີ່ໂຕເຂົາຄົນນັ້ນເບິ່ງ

ຫາກຫົວໃຈຂອງເຈົ້າເລີ່ມເຕັ້ນແຮງຂຶ້ນ ແລະ ແຮງຂຶ້ນຄົນຜູ້ນັ້ນກໍ່ຄືຄົນທີ່ເຈົ້າສົນໃຈ

ແລະຊາຍໜຸ່ມຄົນນັ້ນກໍ່ໄດ້ເຮັດສິ່ງທີ່ໂງ່ທີ່ສຸດ ເມື່ອລາວໄດ້ພົບເຫັນຄົນໆນັ້ນອີກຄັ້ງລາວດຶ່ງໂຕເຂົາຄົນນັ້ນເຂົ້າມາໂອບກອດໄວ້ຢ່າງແໜ້ນ

ແລະໂຕສັ່ນ ສຽງຫົວໃຈຂອງຊາຍໜຸ່ມຄົນນັ້ນມັກແຕ່ເຮັດຂຶ້ນ ຈົນລາວກໍ່ແນ່ໃຈຢ່າງແນ່ນອນແລ້ວລະ !

    ແລະນີ້ກໍ່ເປັນອີກໜຶ່ງເລື່ອງທີ່ຊາຍໜຸ່ມຄົນນັ້ນໝັ້ນໃຈໃນໂຕເອງຫຼາຍຈົນເກີນໄປທີ່ຄິດວ່າຄົນຄື

ໂຕເອງສົມບູນແບບທັງຖານະຄວາມຮູ້ແລະເລື່ອງຂອງໜ້າຕາໃຜສິບໍ່ຕົກລົງຮັບຮັກເຮົາລະ ? ແລະຄົນທີ່ລາວໂອບກອດໄວ້ກໍ່ໄດ້ເວົ້າວ່າ

          ເຈົ້າບໍ່ຕ້ອງເຮັດແບບນີ້ກໍ່ໄດ້   ຂ້ອຍກໍ່ຮູ້ສຶກດີກັບເຈົ້າຕັ້ງແຕ່ເຫັນເຈົ້າເທື່ອທໍາອຶດແລ້ວ

 ປ່ອຍຂ້ອຍກ່ອນແລ້ວຟັງຂ້ອຍເດີ້ ! ເຈົ້າຈື່ໄດ້ບໍ່ວ່າຄັ້ງທໍາອິດທີ່ເຈົ້ານັດຂ້ອຍອອກມາແລ້ວຂ້ອຍກໍ່ບໍ່ມາ

ທີ່ແທ້ແລ້ວຂ້ອຍກໍ່ມາ ແລະ ຂ້ອຍກໍ່ຕົກໃຈຫຼາຍທີ່ຮູ້ວ່າເປັນເຈົ້າຂ້ອຍຢືນຖ້າຢູ່ໜ້າຮ້ານດົນພໍໆກັບທີ່ເຈົ້ານັ່ງຢູ່ຫັ້ນ

ຂ້ອຍຮູ້ຈັກເຈົ້າ ແລະ ຄົນໃນຄອບຄົວຂອງເຈົ້າດີ ແລະ ມັນກໍ່ເບິ່ງຄືພວກເຈົ້າຈະຢູ່ສູງເກີນໄປຈົນຄົນຄືຂ້ອຍບໍ່

ກ້າທີ່ຈະຄິດເປັນຢ່າງອື່ນໄດ້ດອກ ! ແຕ່ຂໍໃຫ້ຮູ້ໄວ້ເດີ້ວ່າຂ້ອຍກໍ່ຮູ້ສືກບໍ່ຕ່າງໄປຈາກເຈົ້າດອກ ເຮົາມັນມີຊີວິດທີ່ຕ່າງກັນຫຼາຍຈົນເກີນໄປ

ຂ້ອຍມັນບໍ່ໄດ້ດີແລະມີຄຸນຄ່າພໍທີ່ຈະເໝາະສົມກັບເຈົ້າຢ່າງທີ່ເຈົ້າຄິດດອກ !

      ພໍແຕ່ຊາຍໜຸ່ນຄົນນັ້ນໄດ້ຍິນຄໍານັ້ນມັນບໍ່ໄດ້ເຮັດໃຫ້ລາວຮູ້ສຶກວ່າໂຕເອງຢູ່ສູງແລະມີຄຸນຄ່າຂຶ້ນມາແຕ່ຢ່າງໃດ

ກົງກັນຂ້າມລາວກັບຮູ້ສຶກວ່າໂຕເອງຍິ່ງຕໍ່າລົງໄປອີກ !

            ລາວກັບໄປນັ່ງຄິດເຖິງຊີວິດຂອງລາວທີ່ຜ່ານມາຫາກວ່າຂ້ອຍເຮັດທີ່ຜ່ານມານັ້ນມັນເປັນສິ່ງທີ່ຂ້ອຍເອີ້ນວ່າຄວາມສໍາເລັດ

ແລະສົມບູນແບບ ແຕ່ໃນມື້ນີ້ມັນກັບບໍ່ມີປະໂຫຍດ ແລະ ຄວາມໝາຍກັບຄົນທີ່ຂ້ອຍຮັກສິ່ງທີ່ຂ້ອຍເຮັດຜ່ານມາມັນຄືສິລົ້ມແຫຼວມາຕະຫຼອດເລີຍຕິ່ເນາະ !

     ແລະມື້ນີ້ຊາຍໜຸ່ມຄົນນັ້ນກໍ່ກັບໄປເປັນຊາຍໜຸ່ມຄົນເກົ່າຄົນທີ່ເບິ່ງວ່າຈະມີໝົດທຸກຢ່າງ ແຕ່ຕອນນີ້ບ່ອນທີ່ຈະຢືນມັນກໍາລັງແຄບລົງເລື່ອຍໆ

ໄດ້ແຕ່ຄ່ອຍຖ້າຕໍ່ໄປເຖິງສິ່ງທີ່ຕົນເອງກໍ່ຍັງບໍ່ຮູ້ວ່າຈະເປັນໄປໄດ້ແນວໃດ ແລະ ເມື່ອໃດມັນຈະມາ.........................