.....................................................................................................................................................
.
ທຸກໆຄົນມີຄວາມຝັນ ຝັນໃນສິ່ງຕ່າງໆ ຝັນເຖິງສິ່ງທີ່ຍັງບໍ່ເຄີຍເຫັນ ຝັນເຖິງສະຖານທີ່ທີ່ຍັງບໍ່
ທັນໄດ້ໄປ ແລະ ຝັນເຫັນພາບເຫດການທີ່ມັນເຄີຍເກີດຂຶ້ນຜ່ານມາແລ້ວ ແຕ່ໃນຄວາມຝັນນັ້ນ
ມັນກໍ່ຍັງເປັນຈິດວິນຍານຂອງເຈົ້າ ແລ້ວກໍ່ເປັນໂຕຕົນຂອງເຈົ້າ ບໍ່ວ່າຕອນທີ່ເຈົ້າຕື່ນເຈົ້າເປັນ
ຄົນແນວໃດໃນເວລາຝັນເຈົ້າກໍ່ເປັນແບບນັ້ນ ! ແຕ່ຄວາມຝັນຂອງຂ້ອຍມັນຕ່າງອອກໄປ ….
ຂ້ອຍບໍ່ເຄີຍເຊື້ອໃນເລື່ອງຂອງຈິດວິນຍານການສື່ຫາກັນມັນໄຮ້ສາຫຼະຈົນກະທັງວັນໜຶ່ງມັນເກີດຂຶ້ນກັບຂ້ອຍ.
ຂ້ອຍຄົບກັບຄົນຜູ້ໜຶ່ງມາໄດ້2ປີກັບ5ເດືອນແລ້ວ ແລະໃນນັ້ນມັນກໍ່ມີຄວາມຊົງຈໍາຢູ່ຢ່າງຫຼວງຫຼາຍ ທຸກຄັ້ງທີ່
ຂ້ອຍຜິດກັບກັບລາວ ແລະຕ້ອງແຍກກັນຢູ່ຂ້ອຍກໍ່ຈະມັກຝັນເຫັນລາວກັບຄືນມາງໍ້ຄືນດີ ບໍ່ເກີນສອງມື້ລາວກໍ່ກັບ
ມາແທ້ໆ ຂ້ອຍຄິດວ່າຂ້ອຍອາດຄິດຫຼາຍຈົນເກັບໄປຝັນກັບເລື່ອງບັງເອີນເທົ່ານັ້ນ ແຕ່ວ່າມັນບໍ່ໄດ້ຈົບພຽງແຕ່ເທົ່າ
ນັ້ນຄວາມຝັນຂອງຂ້ອຍກ່ຽວກັບລາວມັນມີຫຼາຍເລື່ອງແລະສ່ວນຫຼາຍມັນກໍ່ເປັນຄວາມເກືອບຈິງທຸກຄັ້ງ ຂ້ອຍຝັນວ່າ
ລາວເຈັບຫຼາຍອາທິດຕໍ່ມາລາວກໍ່ເຂົ້າໂຮງໝໍທັນທີ່ເລີຍ ແລະ ຈົນຂ້ອຍແນ່ໃຈສຸດໆແລ້ວວ່າມັນແມ່ນຂ້ອຍທີ່ສາ
ມາດສື່ເຖິງລາວໄດ້ກໍ່ຄືເລື່ອງເມື່ອວັນທີ່ 09/09/09 ກ່ອນໜ້າວັນນີ້ພຽງສອງວັນຂ້ອຍຝັນວ່າຂ້ອຍໄດ້ໄປຫຼິ້ນກັບ
ລາວໃນທີ່ແຫ່ງໜຶ່ງ ແລ້ວລາວກໍ່ໄດ້ຕົກລົງໄປໃນແຫວເລີກຕໍ່ໜ້າຕໍ່ຕາຂອງຂ້ອຍຂ້ອຍໂດດລົງໄປໃນແຫວເລີກນັ້ນ
ຕາມລາວໄປທັນທີໂດຍບໍ່ລັງເລໃຈຈັກໜ້ອຍ ຄວາມຮູ້ສຶກນີ້ລະນໍທີ່ເອີ້ນວ່າຍອມຕາຍແທນກັນໄດ້ ຂ້ອຍຂໍພຽງແຕ່
ໂດດຕາມລົງມາຫາກວ່າລາວຕາຍຂ້ອຍກໍ່ສິຂ້ອຍຕາຍນໍາລາວສາບ່ອນນີ້ລະ ແຕ່ຫາກລາວລອດຂ້ອຍກໍ່ຂໍພຽງແຕ່ໃຫ້
ໄດ້ເຫັນວ່າລາວປອດໄພແລ້ວສ່ວນຂ້ອຍສິເປັນຫຍັງຢ່າມັນ ແຕ່ເມື່ອຂ້ອຍລົງມາຮອດສຸດແຫວເລີກແລ້ວພາບທີ່ຂ້ອຍ
ໄດ້ເຫັນກໍ່ຄື ພາບຂອງລາວຢູ່ກັບຄົນອື່ນ ແລະ ກໍາລັງຈູງມືກັນຍ່າງລັບຕາຂ້ອຍຫາຍເຂົ້າໄປໃນຄວາມມືດ ຂ້ອຍແລ່ນ
ຕາມໄປແຕ່ກໍ່ເຫັນແຕ່ຄວາມມືດເຕັມໄປໝົດບໍ່ມີແມ້ແຕ່ທາງອອກ ຂ້ອຍສະດຸ້ງຕື່ນ ພາບຄວາມຝັນນັ້ນມັນຕິດຕາຂອງ
ຂ້ອຍສົມຈິງທຸກໆສາກທຸກຕອນຈົນຍາກທີ່ຂ້ອຍຈະຂົ່ມຕາຫຼັບໄດ້ລົງອີກຂ້ອຍເສຍໃຈຫຼາຍບໍ່ແມ່ນຍ້ອນທີ່ຂ້ອຍໂດດລົງ
ໄປດອກແຕ່ເສຍໃຈທີ່ໂດດລົງໄປແລ້ວເຫັນລາວຢູ່ກັບຄົນອື່ນ ບໍ່ຄຸ້ມເລີຍທີ່ໂດດລົງໄປ.
ຮອດແລງວັນທີ່09/09/09ວັນທີໃຜຫຼາຍໆຄົນໃຫ້ຄວາມສໍາຄັນຂ້ອຍກໍ່ເຊັ່ນດຽວກັນຂ້ອຍໂທໄປຫາລາວແຕ່
ລາວບອກຂ້ອຍວ່າຈະໄປກິນເຂົ້າກັບພີ່ນ້ອງແລະພໍ່ແມ່ເພາະມື້ນີ້ມັນເປັນວັນສໍາຄັນ ຂ້ອຍເວົ້າໄດ້ພຽງແຕ່ “ ໂດຍ ”
ກ່ອນທີ່ສາຍໂທລະສັບຖືກຕັດໄປ…
ເວລາ 21:55 ນາທີ ຂ້ອຍໂທຫາລາວອີກເທື່ອໜຶ່ງແຕ່ກໍ່ບໍ່ມີສັນຍານຕອບຮັບ ຂ້ອຍຈິດໃຈເລີ່ມບໍ່ດີຂ້ອຍຂັບ
ລົດອອກໄປທາງນອກແບບບໍ່ມີຈຸດໝາຍໄປເລື່ອຍໆ ແລະຂ້ອຍຢຸດທີ່ຮ້ານອາຫານແຫ່ງໜຶ່ງກວດສາຍຕາໄປທົ່ວ
ກ່ອນໂທຫາໝູ່ຂອງຂ້ອຍໃຫ້ອອກມາຫາ ຂ້ອຍຍັງຄົງພະຍາຍາມໂທຫາລາວຢູ່ແຕ່ກໍ່ບໍ່ມີສັນຍານ ຂ້ອຍນັ່ງຖ້າໝູ່
ຂອງຂ້ອຍທີ່ໂຕະດ້ານໃນຕິດຂັ້ນໄດທາງຂຶ້ນຊັ້ນສອງພໍແຕ່ກົ້ນຕິດຕັ່ງໄຟຟ້າທີ່ຮ້ານແຫ່ງນັ້ນພ້ອມກັບຂອບເຂດອອ້ມ
ຂ້າງດັບລົງມືດລົງເປັນວົງ ສຽງໂຮຮ້ອງຂອງແຂກຄົນໃນຮ້ານກັບເດັກເສີບທີ່ແລ່ນກັນໃຫ້ວຸ້ນ ແສງໄຟຈາກໂທລະ
ສັບມືຖືແຍງກັນເປັນສາຍໄປມາພໍໃຫ້ເຫັນທາງ ຈັກໜ້ອຍໜຶ່ງໝຸ່ນສາວຄູ່ໜຶ່ງຍ່າງຈູງມືກັນລົງມາຈາກຊັ້ນເທິງຂ້ອຍ
ຈື່ກິ່ນນໍ້າຫອມນີ້ໄດ້ດີມັນເປັນນໍ້າຫອມຂອງແຟນຂ້ອຍເອງ ແລະ ຂ້ອຍກໍ່ຈື່ລາວໄດ້ດີຕໍ່ໃຫ້ຢູ່ໃນຄວາມມືດກໍ່ຕາມ
ແສງໄຟຈາກໂທລະສັບມືຖືສ່ອງຜ່ານໂຕະຕໍ່ໂຕະສະທ້ອນໃສ່ຄູ່ບ່າສາວສອງຄົນນັ້ນພ້ອມກັບກິ່ນນໍ້າຫອມລັບຫາຍ
ໄປໃນຄວາມມືດ ຂ້ອຍຍັງຄົງນັ່ງຕະລຶງຄ້າງໃນໂຕະ ແລະ ກໍ່ບໍ່ກ້າພໍທີ່ຈະຍ່າງນໍາອອກມາເບິ່ງ ດັ່ງກັບຄວາມຝັນ
ຫາຍໄປພ້ອມກັບຄວາມມືດ ຂົນໜາວຂອງຂ້ອຍລຸກຂຶ້ນທົ່ວໂຕ ແລະ ຂ້ອຍກໍ່ເຮັດໄດ້ພຽງແຕ່ເທົ່ານີ້ຄືກັບທຸກໆຄັ້ງ
ຮູ້ວ່າມັນອາດຈະເກີດຂຶ້ນແຕ່ກໍ່ຢຸດມັນບໍ່ໄດ້ !
ທຸກມື້ນີ້ຂ້ອຍຍັງຄົງຖ້າຄວາມຝັນທີ່ລາວຈະກັບມາຂໍຄືນດີກັບຂ້ອຍແລ້ວເລີ່ມກັນໃໝ່ແຕ່ມັນກັບເປັນຄວາມຝັນທີ່
ລາວຢູ່ກັບຄົນອື່ນຊໍ້າໆ ເຈັບໃນຄວາມຝັນແລະຍັງທໍລະມານໃນຕອນຕື່ນອີກນໍ !
ວັນທີ່10/10/10ທີ່ຜ່ານມານັ້ນມັນຊ່າງເປັນວັນທີ່ຕອກໃສ່ໃຈຂ້ອຍແທ້ໆ……..
ຂຽນເມື່ອ: ຕ.ລ.. 11, 2010
| ມີ
ໜວດໝູ່:
ກັບໄປໄດອາຣີ່ຂອງ ຄົນທີ່ຮັກເຈົ້າສະເໜີ ! ບໍ່ເຄີຍປ່ຽນ !, 'user_report.php?return_url=http%253A%252F%252Fpunlao.com%252Fblog.php%253Fuser%253Dmlm%2526blogentry_id%253D14598&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
