ຫົນທາງພິສູດມ້າການເວລາພິສູດຄົນ ມັນກໍ່ຄົງຖືກຫັ້ນລະເນາະກັບສຸພາສິດລາວທີ່ກ່າວໄວ້ ເໝືອນກັບຊີວິດຂອງຄົນເຮົາທີ່ກ້າວເດີນໜ້າໄປທຸກມື້ທຸກວັນ  ຊ່ວງເວລາໜຶ່ງໆຂອງຊີວິດ ເຮົາມີທັງຄວາມສຸກ ແລະ ຄວາມທຸກດັ່ງກັບຊີວິດຂອງ ລິບດາ ແລະ ພາຍຸ  ,ລິບດາ ແລະ ພາຍຸ ພາຍຫລັງຮຽນຈົບທັງສອງກໍ່ເສັງເອົາທຶນມາຮຽນຕໍ່ທີ່ມະຫາວິທະຍາໄລແຫ່ງຊາດ ຕາມຄວາມຫວັງທີເຂົາເຈົ້າຫວັງໄວ້ ລິບດາ ແລະ ພາຍຸຮູ້ຈັກກັນ ແບບບັງເອີນ ທີ່ງານ ໂຮງຮຽນຈັດຂຶ້ນ ໃນວັນໜຶ່ງ ທັງສອງຮູ້ຈັກກັນ ແລະ ກໍ່ສະໜິດກັນມາຄອຍຊ່ວຍເຫລືອຊຶ່ງກັນ ແລະ ກັນ ເລື້ອຍມາຈົນມາໃນວັນໜຶ່ງສິ່ງທີ່ ລິບດາ ບໍ່ຄາດຄິດເກີດຂຶ້ນ  ໂດຍ ພາຍຸ ເປັນຕົ້ນເຫດ ເຮັດໃຫ້ທັງສອງບໍ່ເຂົ້າໃຈກັນ ທັງສອງຈະສາມາດເຂົ້າໃຈກັນໄດ້ ຫລື ບໍ ຕິດຕາມໄດ້ໃນ ເວລາກັບການຕັດສິນ ........

• ພາຍຫລັງທີ່ ລິບດາຮຽນຈົບມັດທະຍົມຕອນປາຍລິບດາກໍ່ເສັງເອົາທຶນມາຮຽນຕໍ່ທີ່ນະຄອນຫລວງວຽງຈັນ ມະຫາວິທະຍາໄລແຫ່ງຊາດ ຄັ້ງທຳອິດທີ່ລິບດາກ້າວເຂົ້າມາຢຽບທີ່ນະຄອນຫລວງແຫ່ງນີ້ແມ່ນ ຕອນທີ່ລິບດາເສັງຈົບມັດທະຍົມຕົ້ນ ມໍ3 ແລະ ນີ້ກໍ່ເປັນຄັ້ງທີ່ ສອງ ແລ້ວ ທີ່ ລິບດາ ມາ ທີ່ນະຄອນຫລວງແຫ່ງນີ້ ລິບດາ  ມາຮຽນຢູ່ທີ່ນະຄອນຫລວງ ໂດຍ ລິບດາອາໄສຢູ່ທີ່ ຫໍພັກນັກສຶກສາຂອງໂຮງຮຽນເລີຍ ເພາະວ່າ ບ້ານພີ່ນ້ອງຂອງນາງຢູ່ໄກຈາກໂຮງຮຽນແດ່ ແລະ ອີກ ຢ່າງນາງກ່າຍັງບໍ່ຄ່ອຍຮູ້ເສັ້ນທາງຂອງນະຄອນຫລວງທີ່ກ້ວາງໃຫຍ່ ແຫ່ງນີ້ພໍປານໃດ ແລະ ກໍ່ໂຊກດີຂອງນາງທີ່ເຂົ້າມາລິບດາກໍ່ຮູ້ຈັກກັບໝູ່ໂດຍໝູ່ຂອງກໍ່ນາງເປັນຄົນຕ່າງແຂວງເຊັ່ນ ດຽວກັນ ໝູ່ຂອງລິບດາຊື່ວ່າ ນາທີ ຫລື ເອີ້ນສັ້ນໆວ່າ "ດາ"
  
•