<!--[if gte mso 9]> Normal 0 false false false EN-US X-NONE TH MicrosoftInternetExplorer4 <![endif]--><!--[if gte mso 9]> <![endif]--><!--[if gte mso 10]> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:11.0pt; mso-bidi-font-size:14.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:"Cordia New"; mso-bidi-theme-font:minor-bidi;}<![endif]-->      ແປດ​ມີນາ​ຊ່າ​ຍ້ອງ                       ຮ້ອງ​ຮຽກ​ວ່າ​ວັນ​ສາກົນ
ຄິດ​ຫົນ​ຄືນ​ຄາວ​ຫຼັງ                             ດັ່ງ​ປະຫວັດ​ລະຫັດ​ໄວ້
​ໄດ້​ຕ້ານ​ຄືນນາຍທຶນ​ຮ້າຍ                        ຫາ​ຂົ່ມ​ເຫັງ​ທັງ​ກົດ​ຂີ່
ຄືນ​ເສລີ​ໃຫ້​ເອື້ອຍນ້ອງ                          ສະຕີ​ໂລກ​ໃຫ້​ຄ່າ​ສູງ
      ​ໃນ​ສ່ວນ​ການ​ຕໍ່ສູ້                        ຢູ່​ປະ​ເທດ​ລາວ​ເຮົາ
​ແມ່ຍິງ​ພວນ​ຍວນ​ໄຕ                            ລຸ່ມ​ລາວ​ສາວ​ມົ້ງ
ຊົງ​ເສື້ອຂຽວ​ຄຽງ​ຊ້າຍ                           ຄຽງ​ຊາຍ​ຄຽງ​ບ່າ
ອາວຸດ​ປືນ​ຍື່ນ​ຈີ້                               ຕີ​ຕ້ານ​ໝູ່​ມານ
      ​ແມ່ຍິງ​ຫານ​ເກັ່ງ​ກ້າ                       ນະ​​ໂຍບາຍ​ໃໝ່​ໃນ​ການ​ນຳ
ວຽກ​ຕ່ຳ​ເທິງ​ທັງ​ສູງ                             ​ແມ່ຍິງ​ເຮົາ​ອາສາ​ສູ້
ທັງ​ລ້ຽງ​ດູ​ບຸດຕາ​ນ້ອຍ                           ວຽກ​ສັງຄົມ​ບໍ່​ໄດ້​ປ່ອຍ
ຈົນ​ເຫື່ອ​ໄຫລ​ຢາດ​ຍ້ອຍ                          ​ແຕ່​ຮອຍ​ຍີ້ມ​ເປັ່ງ​ປະກາຍ
      ​ໃນ​ວັນ​ດີ​ຈື່​ໄດ້                           ​ໃນ​ວັນ​ແມ່​ສາກົນ
​ໄດ້​ວົນວຽນ​ມາ​ເຖິງ                             ນຶກ​ອາ​ໄລ​ມານ​ດາ​ໄທ້
ລູກ​ຂໍ​ຍໍມື​ໄຫວ້                                 ​​ໃຫ້ແມ່ຍິງ​ທົ່ວ​ປະ​ເທດ
​ເຫດ​ຮ້າຍ​ໄກ​ຈາກ​ເນື້ອ                           ມານ​ດາ​ຂ້ອຍ​ຈົ່ງ​ສະບາຍ ​ແດ່ທ້ອນ     
                                                                                                 ແຕ່ງໂດຍ: ພ.ສ ເອກະລາດ

ປີໃໝ່ມາຮອດແລ້ວ                              ຈົ່ງໂຊກໃຫຍ່ໄພສານ
ໝານທັງເງິນຄຳທອງ                          ເຄື່ອງຂອງ ກິນໃຊ້
ໃຈເບີກເບີຍບານແຍ້ມ                         ຮ່າງກາຍທຸກພາກສ່ວນ
ອ້ວນເຕັ່ງຕຶງມາດເຂັ້ມ                          ຢ່າມີຊ້ຳບອບບາງ

ທາງພັກລັດນຳໜ້າ                              ຈົ່ງກ້າແກ່ນແສນພະລັງ
ພາສ້າງດິນແດນລາວ                           ໃຫ້ຮຸ່ງເຮືອງຈະເລີນກ້າວ
ຊາວທະຫານປະຈຳຄ້າຍ                       ທັງເວນຍາມເຂດດ່ານ
ໃຫ້ທ່ານສຸກເລີດລ້ຳ                             ຮັກສາບ້ານມິ່ງເມືອງ

ຕຳຫຼວດເຄື່ອງແບບນີ້                          ທີ່ຢາຍຢັ່ງປະຕິບັດການ
ຢ່າສັ່ນຄອນເສຍຂວັນ                        ຄຳດ່າແຊວຊາວບ້ານ
ພະນັກງານທົ່ວໜ້າ                          ເຮັດວຽກໃນໜ້າທີ່
ຢ່າມີໄພເຄາະຮ້າຍ                           ໃຈນັ້ນໃຫ້ຜ່ອງໃສ

ພຣະຜູ້ຊົງຜືນຜ້າ                              ກາສາວະພັດສີເຫຼືອງ                      
ຢ່າໄດ້ມີເຄືອງຄາ                              ໝູ່ມານຢ່າມາຕ້ອງ
ໃຫ້ຍຶດຖືຄອງໝັ້ນ                            ພາວະນາແນວແນ່
ສຶກສາທຳໃຫ້ແກ່ກ້າ                          ຮັກສາເຊື້ອພຸດທະອົງ ແດ່ທ້ອນ
ສາທຸ.....ສາທຸ ອານຸໂມທາມິ