ກາງຄືນທີ່ຈະທຳມະດາ ຂອງເຂດບ້ານໜື່ງເປັນເຂດທີ່ທ່ອງທ່ຽວຍາມກາງຄືນຂອງໂຕເມືອງ
ເປັນບ່ອນທີ່ນັກທ່ອງທ່ຽວຍາມຣາຕີຈະມາຫາອາຫານການກິນກ່ອນຈະກັບໄປສູ່ບ້ານຕົນເອງ
ເພື່ອອາໄສຫຼັບນອນຫຼືສັງສັນກັນຕື່ມ
ເຂດນັ້ນເປັນທີ່ຮູ້ກັນດີວ່າຈະເປັນເຂດທີ່ຢູ່ອາໃສຂອງຄົນທີ່ມີເງິນ ຄົນມີເງິນຢູ່ໃສກະຕ້ອງມີຄົນທຸກຢູ່ຫັ້ນ
ແຕ່ກະເປັນດັ່ງບ້ານທີ່ຜິດຫູຜິດຕາບ້ານລັກສະນະໂບຮານລະກະຍັງເບິ່ງສະພາບແລ້ວທີ່ຈະເປເພລົງມື້ໃດບໍ່ຮູ້
ເປັນບ້ານທີ່ຄອບຄົວໜື່ງອາໄສຢູ່
ພາຍໃນບ້ານດັ່ງກ່າວ: ກະເປັນດັ່ງບັນຍາກາດອ້ອມຂ້າງເປັນບ້ານທີ່ຂາຍເຄື່ອງໃຫ້ແກ່ນັກທ່ອງທຽວຍາມ
ຣາຕຣີໄດ້ຫາແນວກິນກ່ອນກັບແຕ່ກະເປັນຮ້ານທີ່ນ້ອຍແລະມີບັນຍາກາດທີ່ບໍ່ເປັນຈະມີຄົນເຂົ້າ
ຂະນະນັ້ນກໍ່ມີກຸ່ມຊາຍໄວລຸ້ນກຸ່ມໜື່ງເຂົ້າມາຖາມຊື້ເຄື່ອງຈາກຮ້ານດັ່ງກ່າວເພາະຄວາມເມົາແລະບໍ່ຕ້ອງ
ການລໍຖ້າຈາກຊື້ຮ້ານອື່ນແລ້ວຊາຍໄວລຸ້ນນັ້ນກໍ່ຍ່າງເຂົ້າມາທີ່ເຮືອນຫຼັງດັ່ງກ່າວແລ້ວເອີ້ນຂຶ້ນວ່າ:
"ຊື່ເຄື່ອງແນ່"ຊາຍຄົນນັ້ນຮ້ອງຂຶ້ນດ້ວຍນ້ຳສຽງມຶນເມົາ.
ແລ້ວກໍ່ມີນ້ຳສຽງຫ້າວໃຫຍ່ຕອບຮັບກັບຄືນມາວ່າ "ສິເອົາຫຍັງ" ໂດຍທີ່ຍັງຫາຕົ້ນສຽງບໍ່ທັນເຫັນມາຈາກໃຜ
ດ້ວຍຄວາມເມົາຊາຍໄວລຸ້ນກໍ່ບໍ່ໄດ້ຄິດຄຳນຶງເຖິງທີ່ມາຂອງສຽງວ່າມາຈາກໃສຍັງຄິດພຽງແຕ່ຢາກຈະຊື້ເຄື່ອງ
ທີ່ຕ້ອງການໄວໆໆແລ້ວເວົ້າອອກໄປວ່າ
"ຊື້ເບຍແດ່ລັງໜື່ງໄວໆໆແນ່ຟ້າວ" ທັນໃດນັ້ນສຽງທີ່ເວົ້າອອກມາໃນເຮືອນນັ້ນກໍ່ຮ້ອງອອກມາວ່າ
"ຟ້າວຫຼາຍກະໄປຫາຊຶ້ທາງອື່ນ"ດ້ວຍນ້ຳສຽງທີ່ຮ້າຍແຕ່ໄວລຸ້ນນັ້ນແຮງໃຈຂຶ້ນດັ່ງກັບຖືກທ້າທ້າຍ
"(ຕູ)ຢາກຊື້ຮ້ານນີ້" ແລ້ວກໍ່ມີຄົນຄົນໜື່ງຍ່າງອອກມາເປັນຊາຍໄວສູງອາຍຸພໍສົມຄວນມີຮູບຮ່າງຂະໜາດໃຫຍ່
ມີໜ້າທ້ອງແຕ່ເປັນຄົນທີ່ແຂງແຮງມີມັດກ້າມຕາມລຳແຂນຜົມຂາວຍ່າງອອກມາດ້ວຍທ່າທາງທີດຸດັນແລ້ວເວົ້າຂຶ້ນ
ດ້ວຍນ້ຳສຽງໃຫຍ່ວ່າ "ບັນນ້ອຍນິຄືມາເວົ້າກວນແທ້ຢາກຊື້ຫຍັງຄືບໍ່ໄປຊື້ຮ້ານອື່ນພຸ້ນ" ແລ້ວໄວລຸ້ນຄົນນັ້ນກໍ່ເວົ້າຂຶ້ນ
ວ່າ
"ໂອ້ຍພໍ່ລຸງເອື້ຍເຮົາກະກວນຊື່ໆໆແນວມາຊື້ປະຈຳ" ເວົ້າດ້ວຍນ້ຳສຽງຫົວແລະຢອກເຍົ້າແລ້ວເວົ້າຕໍ່ອີກວ່າ
"ພໍ່ລຸງມື້ນີ້ຢູ່ຄົນດຽວບໍ່ແມ່ປ້າເດ້ໄປໃສ ຫຼື ວ່າອອກມາຊ້າຍ້ອນແມ່ປ້າ" ໄວລຸ້ນນັ້ນຍັງເວົ້າກວນບໍ່ເຊົາດ້ວຍທ່າທີ
ຄືກັບວ່າສະໜິດຊິດເຊື້ອກັນ.
" ປ້າລາວນອນແລ້ວບັກເອກເອີ້ຍມື້ນີ້ພາກັນໄປເລ່ນທາງໃດຄືມາຊື້ຮ້ານພໍ່ລຸງໄດ້ " ຊາຍໄວກາງຄົນນັ້ນເວົ້າຂຶ້ນ
ດ້ວຍຄວາມສະໜິດສະໜົມກັນແລະເວົ້າຕໍ່ອີກວ່າ "ບັກຫ່ານິຫາລາມປາມຜູ້ໃຫຍ່ຄັນບໍ່ເຫັນວ່າເປັນໝູ່ລູກ(ຕູ)(ຕູ)
ເຕະປິວແລ້ວ" ແລ້ວເອກກໍ່ເວົ້າຂຶ້ນວ່າ "ພໍ່ລຸງລະບັກຊັນມັນໄປໃສຊັ້ນບໍ່ເຫັນມັນມື້ນິນອນລະ" ພ້ອມທັງຍົກເບຍແລະ
ນ້ຳກ້ອນເອງ
ຊາຍໄວກາງຄົນ ຫຼື ພໍ່ຂອງຊັນ ກໍ່ເວົ້າຂຶ້ນວ່າ "ມັນຢູ່ເທິງບ້ານດີແລ້ວທີ່ມັນບໍ່ລົງມາດຽວສູ່ກະຊວນມັນໄປຫຼິ້ນດຽວ
ພາລູກ(ຕູ)ເສຍຄົນ " ເວົ້າດ້ວຍອາລົມທີ່ທັງງ່ວງເຫງົາຫາວນອນແລະກວນໆໆຕາມພາສາຄົນລຶ້ງເຄີຍກັນ
"ຊັ້ນຫຼານໄປກ່ອນເດີ້ພໍ່ລຸງດຽວຈັກໜ້ອຍມາກວນໃໝ່" ເອກເວົ້າຫຼັງຈາກທີ່ຂົນເບຍແລະນ້ຳກ້ອນເອງພ້ອມຈ່າຍເງິນ
ໃຫ້ພໍ່ຂອງຊັນແລ້ວກໍ່ພາກັນຊິງລົດອອກໄປ, ພໍ່ຂອງຊັນກໍ່ຍັງນັ່ງລໍຖ້າຂາຍເຄື່ອງຕໍ່ໄປເປັນເວລາ 1ໂມງ 2ໂມງກາງຄືນ
ພ້ອມທັງເປີດວິທະຍຸຟັງໄປ ໃນເວລາດຽວກັນຊາຍໜຸ່ມຄົນໜື່ງກໍ່ນອນກິ້ງຢູ່ເທິງບ້ານທີ່ເກົ່າແກ່ຫຼັງນີ້ນັ້ນກໍ່ແມ່ນ ຊັນ ນັ້ນ
ເອງທີ່ກຳລັງຟັງເພງໃນວິທະຍຸທີ່ພໍ່ຂອງຕົນເປີດຢູ່ລຸ່ມເຮືອນຫຼັງຈາກສຽງເພງໝົດໄປ , ສ່ວນໃຫຍ່ ຊັນ ຈະເປັນຄົນມັກເກັບ
ໂຕບໍ່ຄ່ອຍມັກຟັງເພງຫຍັງພວກນີ້ແຕ່ມື້ນີ້ລາວນອນບໍ່ຫຼັບເພາະທຸກມື້ລາວຈະເຝົ້າຮ້ານຊ່ວຍພໍ່ແລະແມ່ຂາຍເຄື່ອງເຊິ່ງເປັນ
ໄລຍະເວລາພັກຮຽນເປັນເວລາຫຼາຍເດືອນແຕ່ໃນມື້ອື່ນຈະເປັນມື້ເຂົ້າຮຽນສູ່ວິທະຍາໄລຂອງເຂົາພໍ່ເລີຍບໍ່ໃຫ້ລາວຢູ່ເດິກ
ແຕ່ລາວກັບນອນບໍ່ຫຼັບເລີຍໄດ້ນອນຟັງເພງທີ່ເປີດຢູ່ແລະພໍເພງກໍ່ໄດ້ມີສຽງດີເຈກ່າວຄຳຂອບໃຈຕໍ່ມິດລາຍການທີ່ຟັງ
ພ້ອມແຈກເບີໂທທີ່ສາວໆໜູ່ມໆຂີ້ເຫງາທັງຫຼາຍ ຊັນ ເອງກະບໍ່ໄດ້ສົນໃຈຫຍັງຫຼາຍແຕ່ຢູ່ຊື່ໆໆຍ້ອນ ຊັນ ບໍ່ຢາກນອນຈຶ່ງ
ໄດ້ໄປສົນໃຈຟັງວິທະຍຸອີກຄັ້ງແລ້ວດີເຈວິທະຍຸນັ້ນກໍ່ໄດ້ເວົ້າຕອບແຮງໃຈຈາກຜູ້ສົ່ງເຂົ້າມາສາຍໜື່ງວ່າ
"ຂໍເພງ ຮັກນາງຄົນດຽວແນ່ ຈາກ ພີກເລັດ ແລະຝາກເບີໂທ 020 7635xxxxx ໄວ້ແນ່ຢາກມີໝູ່ລົມແຊັດມາແນ່ເດີ້ "
ພໍສຽງດີເຈອ່ານໝົດຂໍ້ຄວາມດັ່ງກ່າວແລ້ວກໍ່ອ່ານຂໍ້ຄວາມຕໍ່ໄປ ແຕ່ ຊັນ ກໍ່ບໍ່ໄດ້ຮັບຟັງແຕ່ ຊັນ ກັບເອົາໂທລະສັບຂຶ້ນມາ
ແລ້ວສົ່ງໄປທີ່ເບີດັ່ງກ່າວເຊິ່ງເປັນທີ່ໜ້າແປກໃຈຂອງຕົນເອງໃນເວລາກັບມາຄິດອີກຄັ້ງຂອງ ຊັນ ແຕ່ພໍຊັນໄດ້ສົ່ງໄປທີ່ເບີ
ດັ່ງກ່າວແລ້ວຊັນໄດ້ສົ່ງໄປວ່າ
"ສະບາຍດີ" ຫຼັງຈາກສົ່ງຂໍ້ຄວາມນັ້ນໄປກໍ່ບໍ່ມີຫຍັງຕອບກັບມາຊັນກໍ່ເລີຍຄິດວ່າ(ຕູ)ເປັນບ້າຫຍັງນິສົ່ງໄປຫາຄົນບໍ່ຮູ້ຈັກ
ແລ້ວຊັນກໍ່ນອນຫຼັບໄປ.
ຕື່ນເຊົ້າຕໍ່ມາຊັນກໍ່ຕຽມໂຕໄປວິທະຍາໄລເຊິ່ງເປັນຄັ້ງທຳອິດໃນການກ້າວເຂົ້າສູ່ຮົ້ວວິທະຍາໄລການກ້າວເຂົ້າສູ່ໄວ
ຜູ້ໃຫຍ່ຖ້າເປັນຄົນອື່ນຄົງຈະແຕ່ງໂຕໃຫ້ຫຼໍ່ຫຼູໄວ້ກ່ອນໃນມື້ທຳອິດນີ້ ແຕ່ຄອບຄົບຂອງຊັນເປັນຄອບຄົວທີ່ບໍ່ໄດ້ມີເງິນທອງຫຼາຍ
ຫຍັງຄ່ອນຂ້າງມີຖານະທຸກ ຊັນ ກໍ່ເລີຍຈຳເປັນຕ້ອງໄດ້ໃສ່ເສື້ອຜ້າເກົ່າໄປ
------------------------------xxxxxxxxxxxxxx----------------------------
ຊັນມາເຖິງວິທະຍາໄລກໍ່ຍັງບໍ່ຮູ້ທີ່ຈະໄປທາງໃດຫ້ອງຮຽນບ່ອນໃດໄດ້ແຕ່ງົງໆໆຍ່າງໄປເລື້ອຍໆໆຕາມອັດທາກຳແລ້ວຢູ່
ຊື່ໆໆກໍ່ມີຄົນເຂົ້າມາໂດດເກາະທີ່ຫຼັງ ຊັນ ຊັນກໍ່ພິກໂຕທັນທີແລ້ວເວົ້າວ່າ
"ໂອ້ເດດຕົກໃຈໝົດເຈົ້າກະມາຮຽນນີ້ຫວາເຈົ້າຮຽນຄະນະຫຍັງລະ" ຊັນຖາມພ້ອມດ້ວຍເອົາປຶ້ມຟາດຫົວເດດທີ່ເຮັດໃຫ້ຕົກໃຈ
"ຂ້ອຍຮຽນວິສະວະກຳເຈົ້າເດຊັນ" ເດດຕອບພ້ອມທັງມືຕົບບ່າໝູ່ຖືເປັນການຂໍໂທດ
"ຂ້ອຍກະຮຽນວິສະວະຄືກັນຊັນດີລະໄປຫາຫ້ອງຮຽນເທາະງົງນິຫາບໍ່ເຈີ" ຊັນດີໃຈທີ່ຢ່າງໜ້ອຍຈະມີໝູ່ໄປກັບໂຕແນ່ ເພາະຊັນ
ເປັນຄົນທີ່ບໍ່ຄ່ອຍມີໝູ່ມາແຕ່ສະໄໝຮຽນມໍປາຍແລ້ວໝູ່ທີ່ມີກະນັບຄົນໄດ້ເພາະຊັນເປັນຄົນເກັບໂຕເລີຍຄ່ອນຂ້າງຍາກໃນເວລາຈະຄົບ
ຫາໝູ່ໃໝ່ຊັນຈຶ່ງດີໃຈຢ່າງໜ້ອຍກະພໍມີໝູ່ແລ້ວສອງຄົນກະຍ່າງໄປພ້ອມກັນໃນລະຫວ່າງທາງ ຊັນ ແລະ ເດດ ກໍ່ໄດ້ລົມກັນ
"ເປັນແນວໃດຊ່ວງພັກໄດ້ເຈີໝູ່ເຮົາຢູ່ຫວາ" ເດດຖາມ ແລ້ວກໍ່ຄິດໃນໃຈວ່າ "ບັກຊັນມັນມີໝູ່ຈັກຄົນຫວາຊ່າງຖາມມັນ"
"ກະພໍເຫັນບັກເອກມື້ວານມັນກະມາວົນວາຍຊຶ້ເບຍຢູ່" ຊັນຕອບແລ້ວກໍ່ຖາມວ່າ "ເອີ້ລະເຈົ້າຮຽນວິສະວະກຳຫຍັງນິດຽວຄົນລະຕຶກອີກສິຍາກ"
" ວິສະວະກໍ່ສ້າງນະໂຕເດ " ເດດຕອບ
"ອ້າວເຮົາຮຽນວິສະວະໄອທີ ແມ້ " ຊັນຕອບພ້ອມທ່າທາງເລີ່ມກັງວົນວ່າຈະຫາຕຶກຮຽນບໍ່ເຈີແລະຈະບໍ່ມີໝູ່
"ບໍ່ເປັນຫຍັງດຽວເຮົາຫາຕຶກໂຕໂຕຫາຕຶກຊ່ວຍເຮົາຊ່ວງນີ້ເຮົາກະບໍ່ທັນມີໝູ່ຄືກັນນະ" ເດດເວົ້າດ້ວຍທ່າທີຍິ້ມແຍ້ມແຈ່ມໃສ
"ໂອເຄ" ຊັນຕອບແລະກະມີທ່າທີເບີກບານຂຶ້ນແນ່ ໃນຂະນະນັ້ນໂທລະສັບຂອງຊັນກໍ່ດັງຂຶ້ນແລ້ວຊັນກໍນຳຂຶ້ນມາເບິ່ງແລ້ວກໍ່
ມີທ່າທີງົງວ່າແມ່ນເບີໃຜແລະສົງໄສວ່າແມ່ນໃຜພໍຊັນ ຮັບໂທລະສັບແລ້ວເວົ້າວ່າ
"ຮາໂຫຼ"ກໍ່ບໍ່ໄດ້ຍິນສຽງຕອບກັບແລ້ວຊັນກໍ່ເວົ້າຊ້ຳໄປອີກ
"ຮາໂຫຼ"ເປັນຄັ້ງທີສອງກໍ່ຍັງບໍ່ມີສຽງຕອບກັບຄືເກົ່າຊັນເລີ່ມໃຈຮ້າຍເລີຍຮ້ອງໃສ່ອີກວ່າ
"ຮ່າໂຫຼ!!!!!!!!!!" ດ້ວຍນ້ຳສຽງທີ່ແຮງແລະດັງແລ້ວກໍ່ມີສຽງໜື່ງຕອບກັບມາວ່າ ::????
ຕິດຕາມຕອນຕໍ່ໄປ
ວ່າສາຍໂທລະສັບນັ້ນແມ່ນໃຜ
ແລະເລື່ອງຈະດຳເນີນຕໍ່ແນວໃດ
ໝາຍເຫດ: ການດຳເນີນເລື່ອງຕອນນີ້ອາດຈະໜ້າເບື່ອແລະບໍ່ມີເຫດການຫຍັງຫຼາຍຕ້ອງຂໍອາໄຟມານຳກ່ອນຕອນຕໍ່ໄປຕ້ອງມີ
ເລື່ອງລາວໃຫ້ເຫັນຫຼາຍກ່ອນນີ້ແນ່ນອນຕອນນີ້ເປັນພຽງແຕ່ແນະນຳຕົວລະຄອນດຳເນີນເລື່ອງຂອງເຮົາຄືຊັນນັ້ນເອງທ່ານຜູ້ອ່ານ
ຢາກໃຫ້ເລື່ອງເປັນແນວໃດລອງມາວິຈານແລະໃຫ້ຄຳແນະນຳໃນການຂຽນຕື່ມແນ່ຂໍຂອບໃຈ
ຂຽນເມື່ອ: ກ.ລ.. 31, 2011
| ມີ
ໜວດໝູ່:
ກັບໄປໄດອາຣີ່ຂອງ Phet, 'user_report.php?return_url=http%253A%252F%252Fpunlao.com%252Fblog.php%253Fuser%253Dportu%2526blogentry_id%253D18369&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
