|
ບຸນ ບາບ
ສ້າງເມື່ອ ມ.ນ.. 23, 2011 6 ຄົນໂຫວດ,
9 ຄຳເຫັນ,
ອ່ານ 527 ເທື່ອ
ບຸນຄືສິ່ງກໍ່ເກີດໃຫ້ ເປັນສິ່ງທໍາໃຫ້ສຸກ
ຄົນທໍາບຸນຍ່ອມມີບຸນ ຊ່ວຍປຸນປົກປ້ອງ ຄົນເກີດມາໃນຫ້ອງ ສາກົນຄົນໂລກລຸ່ມ ບຸນເກົ່າຊູສົ່ງໃຫ້ ຈຶ່ງມາໄດ້ເປັນຄົນ ເກີດເປັນຄົນທຸກຊໍ່າຊັ້ນ ບຸນປັນແບ່ງໃຫ້ເປັນໄປ ບຸນໃຜຫຼາຍສະບາຍຄັກ ຢູ່ສຸກກະເສີມສ້າງ ຫາກວ່າບຸນໃຜນ້ອຍ ຜົນບຸນກໍປັນແບ່ງ ຄົນບຸນຫຼາຍບຸນນ້ອຍ ຖານະສູງຕໍ່າຕ້ອຍ ໃຫ້ເຫັນແຈ້ງທຸກສຸກ ບາງຄົນເກີດຂຶ້ນມາແຕ່ຍັງນ້ອຍ ພົ້ນທ້ອງແມ່ບໍ່ພິການ ມີແຕ່ສຸກສໍາລານ ສະບາຍບານເລີງເລື້ອຍ ບຸນເຂົາຫຼາຍເຫຼືອລົ້ນ ທັງກາຍໃຈກໍບານຍິ່ງ ໃຫຍ່ຂຶ້ນມາປະກອບສ້າງ ທຸກບໍ່ມາບຽດຂ້າງ ສະບາຍເລື້ອຍກໍເພາະບຸນ ບາງຄົນເກີດຈາກທ້ອງ ພໍ່ແມ່ມີແຕ່ສຸກ ເກີດຢູ່ກອງເງິນຄໍາ ພໍ່ແມ່ພຽນຖະໜອມລ້ຽງ ບາດວ່າບິດາມານດາມ້ຽນ ມໍຣະນັງຕາຍຈາກ ເຂົາກໍທຸກຢາກໄຮ້ ເພາະບຸນນັ້ນເສື່ອມຖອຍ ບາງຄົນພໍ່ແມ່ທຸກຍາກໄຮ້ ເຂີນຂາດເງິນຄໍາ ລູກເກີດມາມີແຕ່ທຸກ ຍາກເຂັນແສນຄັ້ງ ບາດເມື່ອເຂົາຈະເຣີນຂຶ້ນ ເປັນຕົວເອງສະບາຍຍິ່ງ ກາຍເປັນຜູ້ມີຍົດພ້ຽງ ສູງຊັ້ນກໍແມ່ນບຸນ ບາງຄົນພໍ່ແມ່ທຸກຢາກໄຮ້ ຕົນຍິ່ງທຸກແສນເຂັນ ກໍເພາະເວນຂອງເຂົາ ເກີດມາເພື່ອຈົນໄຮ້ ບຸນເຂົາພໍພຽງນັ້ນ ບໍ່ສະເບີຍສະບາຍຍິ່ງ ມີບຸນພຽງເລັກນ້ອຍ ພໍໄດ້ເກີດເປັນຄົນເທົ່ານັ້ນ ບຸນໆນັ້ນ ມັນແຕກຕ່າງກັນໝົດ ບຸນສະບາຍກາຍສະບາຍໃຈ ແມ່ນບຸນຄຸນແທ້ ສຸກກາຍໃຈແສນເສົ້່າ ບຸນບໍ່ເຕັມຍວດຍິ່ງ ທຸກກາຍສຸກໃຈນັ້ນ ບຸນສ້າງຫາກດັ່ງດຽວ ຫາກສຸກກາຍສຸກໃຈພ້ອມ ບຸນບານສົມບູນຍິ່ງ ໃນໂລກຄົນຫາຍາກແທ້ ມີໜ້ອຍບໍ່ຫຼາຍ ໃຜໃຫ້ໄດ້ຄົບພ້ອມ ສົມດັ່ງທີ່ຈາໄຂ ເປັນຜູ້ມີບຸນຫຼາຍ ເປັນຍອດຄົນກະເສີມລົ້ນ ທ່ານເອີຍ ເຫດຜົນທີ່ກິນເຫຼົ້ານຳຄົນຫວຽດບໍ່ເມົ່າ ບາງທ່ານອາດຍັງສົນໃຈກັບຄຳເວົ້າທີ່ວ່າ: ກິນເຫຼົ້າກັບຄົນໄທຈອກດຽວກໍ່ເມົາ ແຕ່ກິນກັບຄົນຫວຽດໝົດມື້ບໍ່ເມົາ ເຊິ່ງບາງຄຳເຫັນກໍ່ຕີຄວາມໝາຍໄປຫຼາຍໆຢ່າງ. ແຕ່ຄວາມໝາຍທີ່ແທ້ຈິງຂອງຄຳນັ້ນກໍ່ຄືວ່າ: ຄວາມສຸກທີ່ມີຢູ່ໃນໂລກພຽນແຄ່ຊົວຄາວ ຄວາມສຸກໃນໂລກນີ້ ມີມາກອັກໂຂ ຄວາມບໍ່ມີໂຣໂຄ ຫາກແມ່ສຸກສຸດແລ້ວ ຫາກວ່າມີລາພາພ້ອມ ສັລເສີນກໍມາທຽບ ຍົສກໍມາຊໍ່ຊ້ອງ ນິຍົມຍ້ອງກໍເກີດມີ ງານທະວີພັ່ງພ້ອມ ເງິນກໍເກີດກາງເຮືອນ ຍາຕພີ່ນ້ອງມວລໝູ່ມິຕ ສ່ຽວສະຫາຍໝາຍໝັ້ນ ຄົນໃນສາກົລກໍຫວນຮູ້ ຢາກເປັນເກີແຮກສ່ຽວ ຄັນວ່າເປັນບໍ່ໄດ້ ເປັນພຽງຄົນໃຊ້ກໍຍິ່ງດີ ນີ້ຄືຄວາມສຸຂໃນໂລກນີ້ ໃຜກໍມັກສະໝັກໃຈ ຄົນທັງຫຼາຍນິຍົມຍົກ ຢາກໄດ້ມີມາໄວ້ ແຕ່ວ່າສຸຂຢູ່ໃນໂລກາກວ້າງ ບໍ່ຈິຣັງໝັ້ນແກ່ນ ມີເທົ່າພຽງເລັກນ້ອຍ ພຽງນັ້ນຊົ່ວຄາວ ໝາຍວ່າ ຄວາມສຸຂທັງຫຼາຍໂລກນີ້ ມີທັງຊົ່ວທັງຄາວ ທ່ານເອີຍ ມີສຸກພໍພຽງໃຈ ຊົ່ວຄາວບໍ່ຍືນໝັ້ນ ຊົ່ວກໍມາແຝງຝັ້ນ ມາແບ່ງປັນໃຫ້ເປັນຕ່າງ ຄວາມຄາວກໍມາບຽດໃກ້ ແຝງໃນເນື້ອສ່ວນກາຍ ສັງເກດເບິ່ງໂລດບໍ່ແມ່ນເວົ້າໃຫ້ຮ້າຍ ເວົ້າລ່າຍບັງປິດທ່ານເອີຍ ສັງເກດເບິ່ງຊີວິດ ທ່ານເອງກໍຄົງຮູ້ ນອນນໍາສາວເດັກນ້ອຍ ຫອມຫວນຊວນຈູບ ບາດວ່າເດີກໃກ້ຂ້ອນ ຄວາມຄາວຊ້ອນສົ່ງກິນເໝັນ ບໍ່ເຫິງຄວາມຊົ່ວກໍມາໜີບເນັ້ນ ໃຫ້ເຫັນເຫດຄວາມທຸກ ຄວາມສຸຂຫາຍຈາງຫົດ ຊົ່ວກໍຕິດຕາມຕື້ ຕີນມືກາຍງາມກ້ຽງ ຂອງເຮົາເອງຍັງເໝັ້ນອື່ງ ຊາວຫຍັງຂອງເຄື່ອງໃຊ້ ທັງເມັຍແກ້ວກໍຍິ່ງເໝັນ ທ່ານຄົງເຫັນຄົງຮູ້ ຄວາມຊົ່ວທັງຄາວ ທັງຊົ່ວຄາວບໍ່ເຫີງດົນ ທຸກກໍຕາມຕິດຕື້ ທຸກຂ໌ສຸຂຂອງມືໄວ້ ໃນໂລກັນຄວນຄິດຮໍ່າ ພຣະພຸດທະສາສນາກ່າວຕອກຢໍ້າ ສອນເຮົາແລ້ວ ໃຫ້ໃຄ່ຄວນ ທ່ານເອີຍ ທ່ານຈະເລືອກສິ່ງໃດ? |
ກັບໄປແບບສຳຫຼວດຂອງ ອຸດົມພອນ .......??????........... ;){kind=spacer}
ແຈ້ງເນື້ອຫາບໍ່ເໝາະສົມ
