ໄດອາຣີ່ຂອງ ແສງອຸໄທ ສົນສີວິໄລ: ຄວຍຈົ່ມ

ຄວຍຈົ່ມ

ຂຽນເມື່ອ: ສ.ຫ.. 25, 2011 | ມີ 5 ຄຳເຫັນ ແລະ 0 trackback(s)

ໜວດໝູ່: ກາບກອນ

ເກີດເປັນຄວາຍຍາມນີ້ ແສນທີ່ແສນສະໜຸກ

ບໍ່ໄດ້ວົນວາຍທຸກ ແກ່ໄຖຄືຄາວພຸ້ນ

ອາວອາລຸງຄວາຍເວົ້າ ໃສ່ກັນຢູ່ໃນແຫລ່ງ

ນ້ຳນາເຂີນຂາດແຫ້ງ ດີນນາແຂງໂງ່ນໄງ້

ຟັງໆຄວາຍບັກຕູ້ ຢ່າຫົດຫູ່ຕ່ອມໃຈ

ຄວາຍແມ່ໄຂຂານຈາ ທົ່ງນາບໍ່ມີແລ້ວ

ແນວເຈົ້າຂອງຂາຍຄ້າ ຫານາຍທືນທົມທົ່ງ

ບືງເສົາເຂັມຂົ່ມພື້ນ ຊີມັງທື້ນທັ່ງລົງ

ເບີ່ງຊົງເຈົ້າບໍ່ຮູ້ ບັກຕູ້ກ້າວຈາຕອມ

ເປັນຍ້ອນຄົນທັງຫລາຍ ມັກສະບາຍເບົາເນື້ອ

ລົດໄຖນາມາເກື້ອ ນ້ຳມັນມີຊື້ໄສ່

ຕິດເຄື່ອງໄວຟັ່ງຟ້າວ ເຫລັກຫລາວເຈາະງັດງ້າງຄວາຍຄ້າງໂຄກແນມ

ບໍ່ແມ່ນ!ຄວາຍໃນຝູງຕ້ານ ຂານຕອບຄວາມຂັດ

ເຮົາໄດ້ຍິນເຂົາໄຂ ກ່າວຈາຈົ່ງແຈ້ງ

ລ້ຽງພໍແຍງຍາມເຊົ້າ ຍາມແລງໃຫ້ລູກໄລ່

ເມມື່ອຂາດເຂີນຄ່າໃຊ້ ພໍ່ຄ້າສັດທ່ຽວຊື້ພໍຊິໄດ້ນັບເງີນ

ວັງເວີນສົງສານກວ້າງ ເກີດມາຮ່ວມໂລກາ

ຢ່າໄດ້ຫາຫວນຄິດ ຫມົ່ນຫມອງຫມາງເສົ້າ

ເຮົາເປັນຄວາຍຄວນຮູ້ ກະຕັນຍູຕອບສົ່ງ

ເຈົ້າຂອງລົງໄລ່ລ້ຽງ ເລັມຫຍ້າຮູ້ຄ່າຄຸນ ເພີ່ນເນີ!

ກັບໄປໄດອາຣີ່ຂອງ ແສງອຸໄທ ສົນສີວິໄລ

ແຈ້ງເນື້ອຫາບໍ່ເໝາະສົມ

ແສງອຸໄທ ສົນສີວິໄລ

ເບິ່ງທັງໝົດ

ອ່ານຄືນຫຼັງ

2011 (4)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.