ນິຣຸດ ສິຣິຣະຍາ

ຂ້ອຍຄິດວ່າການຄົ້ນພົບໂຕເອງບໍ່ແມ່ນສີ່ງທີ່ງ່າຍເລີຍ, ບາງຄົນໃກ້ຕາຍລະຍັງບໍ່ຮູ້ເລີຍວ່າໂຕເອງຕ້ອງການຫຍັງ

ເພາະຕິດຢູ່ກັບຄວາມຫຼົງ ຫຼືຕິດຢູ່ກັບກະແສ ອີ່ຫຍັງກໍ່ຕາມ

ຂ້ອຍເອງກະເຊັ່ນກັນເຄີຍຖືກຊັກຈູງຈາກສັງຄົມ ຈາກໝູ່ໃຫ້ໄປເຮັດວຽກຫຼາຍໆຢ່າງ

ແຕ່ວ່າຊິເຮັດວຽກອັນໃດກໍ່ຕ້ອງເຮັດດ້ວຍໃຈມັກ ມັນຈື່ງຈະປະສົບຜົນສຳເລັດ ແລະ ຕ້ອງຮັບຊອບກັບວຽກນັ້ນໆໃຫ້ດີທີ່ສຸດເທົ່າທີ່ຈະເຮັດໄດ້.

ຂະນະດຽວກັນບໍ່ມີວຽກໃດດອກທີ່ຈະລາບລື້ນໄປໝົດ ໂຕເຮົາຈະຄຽດ ຫຼືບໍ່ມີຄວາມທຸກ ຫຼືບໍ່ຫງຸດຫງິດ  ຂື້ນຢູ່ທີ່ວ່າຈະແກ້ໄຂໄດ້ບໍ ເຖີງຈະບໍ່ໄດ້ທັງໝົດ

ແຕ່ຢ່າຫຼຸດລົງຈາກເດີມກະເທົ່ານັ້ນ  ນັ້ນຄືການດຳລົງຊີວິດຢູ່

ບໍ່ວ່າຈະເປັນວຽກຫຍັງກໍ່ຕາມ ເຮົາຕ້ອງເຮັດໃຫ້ຢູ່ໄດ້ດົນທີ່ສຸດເທົ່າທີ່ຈະດົນໄດ້ ບໍ່ແມ່ນຢູ່ດ້ວຍການເອົາໂຕລອດເປັນຍອດດີ 

ເພາະການເອົາໂຕລອດບໍ່ແມ່ນວິທີທີ່ຖືກຕ້ອງກັບທຸກຢ່າງ ແຕ່ດ້ວຍການຮັກສາ ແລະ ເຄົາລົບມາລະຍາດໃນການຢູ່ຮ່ວມສັງຄົມການເຮັດວຽກ

ກັບໝູ່ຮ່ວມງານບໍ່ແບ່ງຊັ້ນວັນນະ ທຸກຄົນມີຄວາມສຳຄັນກັບການເຮັດວຽກຊຳໆກັນ ພຽງແຕ່ຮັບຜິດຊອບໜ້າທີ່ຂອງເຮົາໃຫ້ດີທີ່ສຸດເທົ່ານັ້ນເອງ

ລວມທັງການຈັດລະບຽບວິໄນໃຫ້ກັບຊິວີດ ບໍ່ແມ່ນມີແຕ່ຮັບຜິດຊອບການງານດີ ແຕ່ບໍ່ເບີ່ງແຍງສຸຂະພາບໂຕເອງ

ໃນເມື່ອພໍ່ແມ່ໃຫ້ຮ່າງການມາຄົບ 32ປະການ ກໍ່ເປັນໜ້າທີ່ເຮົາຕ້ອງມີວິໄນໃນຕົວເອງ ຕ້ອງງາມ ຫຼໍ່ ຫຼືຕ້ອງໃສ່ Brand Name ພຽງແຕ່ເບີ່ງແຍງໃຫ້ຮ່າງກາຍສະອາດຢູ່ສະເໝີ

ຕໍ່ໃຫ້ໃສ່ຫຍັງກະເບີ່ງດີທັງນັ້ນ.

ການທີ່ເຮັດວຽກນັກຕ້ອງພັກຜ່ອນແດ່ ບໍ່ແມ່ນຊິເຮັດວຽກຈົນສະຫຼົບຄາໂຕະຄາຕັ່ງ ຫຼືຖ້າໃຫ້ປ່ວຍກ່ອນແລ້ວຄ່ອຍໄປຫາໝໍ

ແຕ່ລົດໃໝ່ທີ່ໝັ່ນເຊັດຖູູຈົນສີລອກ ເປັນຫຍັງຈື່ງຫ່ວງລົດຫຼາຍກວ່າໂຕເອງ ເໝືອນກັບວ່າຊີວິດໄດ້ມາຟຣີກະເລີຍບໍ່ເບີ່ງແຍງ ຂໍໃຫ້ຄິດແດ່ວ່າຊີວິດຄົນຍືນຍາວກວ່າຂອງໃຊ້ຫຼາຍ

ນະ ມື້ນີ້ມາເຖີງຈຸດທີ່ຕົນເອງພຽງພໍແລ້ວ ໄດ້ເຮັດວຽກທີ່ຮັກ ແລະ ໄດ້ມີຊີວິດຢູ່ໃນສີ່ງແວດລ້ອມທີ່ຕົນເອງຮັກ ແລ້ວວຽກລະກັບໄປຢູ່ບ້ານສວນ ຢູ່ກັບຄວາມລຽບງ່າຍກັບທຳມະຊາດກັບການປົດປ່ອຍ ບໍ່ບັງຄັບຕົນເອງວ່າຈະຕ້ອງກີນອາຫານເມືອໃດ ນອນຫຼືຕື່ນຕອນໃດ ກີນເຂົ້າມື້ລະຄາບ ມາໄດ້8ປີ ແລ້ວ ຈະກີນກໍ່ຕໍ່ເມື່ອຫີວແລ້ວ ແລະ ກີນພໍໃຫ້ອີ່ມ ບໍ່ດືມ Alcohol ການພັກຜ່ອນທີ່ດີທີ່ສຸດຄືການນອນຫຼັບ ແລະ ຈະຕື່ນເມືອຮ່າງການຕ້ອງການ ບໍ່ບັງຄັບວ່າຕື່ນຂື້ນມາເພື່ອຫຍັງ ເພາະບໍ່ມີຫຍັງໜີເຮົາໄປໃສ ຕົ້ນໄມ້ກະຍັງຖ້າ ບ້ານກະຍັງຖ້າເຮົາຢູ່ ຂ້ອຍໃຊ້ຊີວິດແບບນີ້ມາໄດ້ 30ປີ ທີ່ບໍ່ເຄີຍຮູ້ຈັກ ຄວາມເຫງົາ ພໍຄົນເຮັດວຽກກັບໄປໝົດ ບ້ານຈະຫງຽບບໍ່ມີຄົນຢູ່ໃນສາຍຕາ ຂ້ອຍປິດໄຟ ແນມເບີ່ງດວງດາວເທີ່ງທ້ອງຟ້າ ນອນຟັງສຽງ ຈັກຈັ່ນຮ້ອງ ເທົານີ້ສຳລັບຂ້ອຍກະພໍແລ້ວ

ກັບຄຳວ່າ "ພໍ" ຈຸດເລີ່ມຕົ້ນຂອງຄວາມສຸກ