ເມື່ອກອງປະຊຸມພັກລັດທີ່ຜ່ານມາທ່ານ ດຣ ພັນ​ຄຳ ວິພາ​ວັນ ກຳມະການສູນ​ກາງ​ພັກ​ສະໄຫມ​ທີ VIII, ລັດຖະ​ມົນຕີ​ວ່າການ​ກະຊວງ​ສຶກ​ສາ​ທິການ ກ່າວວ່າປະເທດລາວມີໂຄງ​ປະກອບ​ຂອງການ​ກໍ່ສ້າງ​ຊັບພະຍາກອນ​ມະນຸດ​ຍັງ​ບໍ່​ເປັນ​ຮູບ​ທາດ ຈິ່ງ​ບໍ່​ທັນຕອບ​ສະຫນອງ​ໄດ້​ຕາມ​ຄວາມຮຽກຮ້ອງ​ຕ້ອງການ​ຂອງ​ການພັດທະນາ​ເສດຖະກິດŒສັງຄົມ ຂອງ​ປະເທດ ​ສະແດງ​ໃຫ້​ເຫັນ​ວ່າ​ສັງຄົມບ້ານ​ເຮົາ​ຍັງ​ມີຄ່າ​ນິຍົມ​ທີ່​ບໍ່​ຖືກຕ້ອງ ເຊິ່ງ​ແລ່ນນຳ​ແຕ່​ກະແສຄວາມ​ຮູ້ສຶກ ແລະ ຄ່າ​ນິຍົມ​ອາດຍາ​ດັ້ງເດີມ

   ຍ້ອນ​ເຫດຜົນ​ດັ່ງກ່າວ ຈິ່ງ​ເຮັດ​ໃຫ້​ປະເທດເຮົາ​ໃນ​ປະຈຸ​ບັນ​ເກີດ​ມີ​ສະພາບພະນັກງານ​ວິຊາ​ການ​ເຫລືອ​ບໍ່ພໍ ເຊິ່ງ​ສະແດງ​ອອກ​ໃຫ້​ເຫັນ​ໄດ້ຈາກ​ສະພາບ​ການ​ຂາດ​ແຮງ​ງານທີ່​ມີ​ສີມື​ດີ ພ້ອມ​ກັນ​ນັ້ນ ຜູ້​ທີ່​ຮຽນຈົບ​ການ​ສຶກ​ສາ​ຈຳນວນ​ຫລາຍບໍ່​ມີ​ວຽກ​ເຮັດ ອັນ​ເປັນ​ເຫດ​ເຮັດໃຫ້​ເກີດ​ມີ​ສະພາບ​ວ່າງ​ງານ​ຈຳນວນ​ຫລາຍ.

ການສືກສາທີ່ຂາດສະມັດຖະພາບ ອາໄສເສັ້ນໃນການເຂົ້າສຶກສາ ແລະການເຂົ້າໄປເຮັດວຽກເປັນລັດຖະກອນຕ່າງໆ ມີການຈ້າງດ້ວຍເງິນຕາແລ້ວຈື່ງສາມາດເຂົ້າໄປເຮັັດວຽກໄດ້ ໃນຂະນະທີ່ຄົນຈົນໆແບບຂ້າພະເຈົ້າຄົງຈະບໍ່ມີສິດທີ່ຈະເຂົ້າໄປເຮັດວຽກໃນພັກລັດໄດ້ ເພາະຄວາມຈົນເຂົ້າບົດບັງແລະບໍ່ມີເສັ້ນຄືດັງຄົນອື່່ນໆເຂົາ

     ແຕ່ມີຄຳຖາມວ່າໄອ້ພວກທີ່ມັນຮຽນຈົບມັນກ້າເຮັດຈັງສິໄດ້ແນວໃດ ອາຈານມັນສອນມາແນວນິ້ບໍ່ ຫຼືເພາະເຫດໃດ

ຄົງບໍ່ແປກດອກທີ່ຄົນດີໆ ຕ້ອງວາງງານ ເວົ້າແລ້ວລະຄຶດຮອດເພງຄຳພີ ຣຽນແລະງານ ໄປຫາຟັງເອາເອງເດີ

    ຢ່າງໃດກໍ່ຕາມຖ້າເຮົາຊ່ວຍກັນແຜ່ ຄ່ານິຍົມທີ່ຖືກຕ້ອງ ຄື ມີລະບຽບ ຕົງຕໍ່ເວລາ ບໍ່ຄົດໂກ້ງ ສໍ້ລາດບັງຫລວງ ເຮັດງານຕາມຄວາມສາມາດ ປະເທດຊາດກໍ່ຈະປ່ຽນແປງເຂົ້າສູ່ຄວາມສິວິໄລໄດ້ເທົ່າທັນປະເທດອື່ນ ນີ້ແຫລະຄືສັດທາແຫ່ງແສງດາວ

(ຍັງມີຕອນຕໍ່ໄປ)