ກອ່ນອື່ນໃຫ້ທ່ານເປິດ google ຈາກນັ້ນໃຫ້ທ່ານພີມ lovelao2010 

ແລ້ວໃຫ້ເລືອກທີ່ແຖວ ຄຳວ່າ ແສນດີລາວລວມພົນຄົນຮັກຊາດ

ມັນຈະອອກມາແບບນີ້ ແລ້ວໃຫ້ທ່ານຮູບຄຳວ່າສ້າງເວັບທີ່ຢູ່ແທບ ເມນູຫລັກ

ແລ້ວມັນຈະອອກມາແບບນີ້ໃຫ້ທ່ານພີມ ເມວຂອງທ່ານໃສ່ ແຕ່ຢ່າລືມລະຫັດ ຈາກນັ້ນໃຫ້ ກົດທີ່ດຳເນິນການຕໍ

ແລ້ວທ່າກະໃສ່ຊື່ເວັບຕາມທີ່ຕ້ອງການ ແຕ່ຕ້ອງເປັນ ລົງທ້າຍດ້ວຍblogspot.com ເທົ່ານັ້ນ ແລ້ວກໍກົດທີ່ດຳເນິນການຕໍ່ອີກ

ແລ້ວມັນຈະເປັນແບບນີ້ ແລ້ວກະເລືອກແມ່ແແບບກົດດຳເນິນການຕໍ່

ມັນຈະບອກວ່າເວັບຂອງທ່ານສ້າງແລ້ວ ມັນຈະມີ2 ທາງເລືອກຄື ໂພດຂໍ້ມູນໄດ້ເລີຍ ປັບແຕ່ງໜ້າເວັບ ໃຫ້ເລືອກທີ່ປັບແຕ່ງໜ້າເວັບກອ່ນ

ມັນຈະເປັນແບບນີ້ໃຫ້ທ່ານປັບແຕ່ງຕາມໃຈແລ້ວກົດທີ່ແຈຂ້າງຂວາເບື້ອງເທິງ ຄຳວ່າໃຊ້ກັບບອກນີ້

ມັນຈະອອກມາອີກແບບນີ້

ແຕ່ນີ້ຂອງຂ້ອຍຕົກແຕ່ງແລ້ວຖ້າທ່ານຢາກໃຫ້ມີລູກຫລີ້ນຫລາຍກະໃຫ້ເພີ່ມ ຈາວາສະຄຣີບໃສ່

ໄວ້ເທື່ອໜ້າຈະເອົາມາແນະນຳໃໝ່

ແລ້ວທ່ານກໍສາມາດຂຽນຫຍັງລົງກະໄດ້

ດອກໄມ້ແຄມທາງ

ໂດຍ: ກ.ແກ້ວບຸນມາ

ກົດເລີຍເວັບໃຫມ່ເພື່ອທ່ານ

ແນວນາມພຶກສາຊາດເຊື້ອ ກໍ່ເກີດມີມາ

ມວນມາລາຫອມຫວນຮື່ນກະຈາຍກະຈອນຟົ້ງ

ແຖບຖິ່ນ ດອຍດົງກວ້າງທານທາລາກໍ່ເຮືອງເຮື່ອ

ຫລາຍຫລາກ ບານເບັ່ງແຍ້ມປະດັບເອ້ປະເທດເຮົາ

ດອກຫນຶ່ງ ຮຽມຢາກເວົ້າເປັນພິມພາບພຽນຫລິງ

ສາຍຕາ ແນແນມພົບ ອ່າວຄະນິງແລງເຊົ້າ

ເຈົ້າຜູ້ໂສພາພ້ຽງ ພຽນແພງໃຫ້ຜິວຜ່ອງ ງາມນໍ

ສີສັນ ງາມສະອາດເນື້ອ ຄືອິນປັ້ນແຕ່ງມາ

ແພງພີ່ ເກີດຢູ່ແຄວ້ນ ແດນດ່ານຊົນນະບົດ

ເຮືອງເຮື່ອ ຕາມຄາເມ ແຖບທາງທຽວຢື້

ສຽງຊ່າລື ດັງກ້ອງ ຄະນອງເນືອງທົ່ວຖິ່ນ

ຍິນແລ້ວ ຈິດຈໍ່ຈັ້ນ ກະສັ່ນພໍ້ພົບພະນາງ

ສົມຍານາມຫນໍ່ນ້ອງ ປຸນດັ່ງມະໄລຫອມ ຈິງນໍ

ຫລາຍຫລາກ ມວນແມງບິນໄຕ່ຕອມຖະຫນອມຫຸ້ມ

ພ່ອງກໍ່ເຊີຍຊົມກ້ານ ເກສອນສຸດສະຫງ່າ

ພ່ອງກໍ່ບິນສອດແສ້ວ ປະສົງແຈ້ວດູດດົມ

ຕິເຂົາຕິບໍ່ໄດ້ ຊິຮ້າຍດ່າບໍ່ຄືຄວນ ນາງເອີຍ

ຫລາຍຄົນຫລາຍຄວາມຄິດອ່ານບໍ່ເຖິງຖອງຖ້ວນ

ພ່ອງກໍ່ຊວນສະແຫວງຫລິ້ນດົມດອມພໍຫອມຊື່ນ

ແສນŒຫມື່ນດວງດອກໄມ້ໃນດ້າວບໍ່ອ່າວນຳ

ໃຜເຫັນ ກໍ່ຢາກໄດ້ ໄປຂຸດກົ່ນວົນອອຍ

ຈະຢູ່ດອຍປາຍຜາ ທ່າທານທາລານ້ຳ

ກໍ່ຊິນຳເອົາໄວ້ ປະດັບເຮືອນແຍງບໍ່ເປີດ

ເຈົ້າຊ່າງມາເກີດກົ້ວ ໃຫ້ຕົວຊ້ຳບົ່ມໃນ

ງາມເດເຈົ້າຜູ້ເກີດຢູ່ກ້ຳ ໄກເຂດຕົວເມືອງ ກໍ່ຈິງນໍ

ຍັງເຮື່ອເຮືອງໂຮຍຫອມ ອ່ອມດັງໄທຄ້າ

ດວງບຸບຜາ ເຜີຍແຍ້ມ ບໍ່ແຮມຮາມໄຮ້ຄ່າ

ຄວາມງາມ ຍັງຊາບຊຶ້ງຕະລຶງແກ້ວຫນ່ວຍຕາ

• ຖ້າຢາກຮຽນກົດເລີຍ ສອນສ້າງເວັບອອນລາຍຄັ້ງທີ 3
• ຖ້າຢາກຮຽນກົດເລີຍ ສອນສ້າງເວັບອອນລາຍຄັ້ງທີ 4
• ຖ້າຢາກຮຽນກົດເລີຍ ສອນສ້າງເວັບອອນລາຍຄັ້ງທີ 2
• ຖ້າຢາກຮຽນກົດເລີຍ ສອນສ້າງເວັບອອນລາຍຄັ້ງທີ 1

 ກະດູສັນຫລັງຂອງຊາດ

ເປັນກະດູກສັນຫລັງຂອງຊາດໃກ້ຈະພັງຜຸ
ທີ່ລະບຸໃນນິຍາຍເສົ້າທີ່ກ່າວຂານ
ເປັນບຸກຄົນ ຍາກແຄ້ນມາແສນນານ
ແລະຈະຜ່ານແບບນີ້ອີກຈັກຍຸກ

ລ້ຽງຊາວໂລກ ແຕ່ໂລກບໍ່ແລຫລຽວ
ມີກຳດຽວດ້ວຍຫົວໃຈບໍ່ເຄີຍສຸກ
ທັງຫນີ້ສິ້ນມາກລົ້ນ ຕ້ອງທົນທຸກ
ຢູ່ໃນຄຸກເຂດແຄ້ນແຫ່ງຄວາມຈົນ

ທົ່ງນາແລ້ງ ແຫ້ງຝົນພໍທົນໄດ້
ແຕ່ຄົນແລ້ງນ້ຳໃຈໃຫ້ຫມອງຫມົ່ນ
ຄົນຂາຍເຂົ້າ ຄົນຂາຍຄວາຍ ຄົນຂາຍຄົນ
ທົນທຸກທົນ ຈົນນ້ຳຕາຈະແຫ້ງຕາ

ຕ້ອງອອກແຮງ ຈົນແຮງຈະແຫ້ງເຫືອດ
ຫລືຈະຕ້ອງເຫື່ອເປັນເລືອດສະໂລມລ້າ
ຈື່ງຈະໄດ້ ຄວາມເທົ່າທຽມນັ້ນຄືນມາ
ສ້າງຄຸນຄ່າຊົດເຊີຍ ທີ່ເຄີຍລໍ

ທ່ານມີເງີນ ມີກຽດ ມີອຳນາດ
ມີໃນສິ່ງທີ່ຊາວນາຂາດເຂີນເສຍທຸກຂໍ້
ທ່ານມີຫລາຍປານໃດ ບໍ່ເຄີຍພໍ
ຄວາມສຸກຫນໍ ນ້ອຍປານໃດ ບໍ່ເຄິຍມີ

ຍັງຄົງເປັນນິຍາຍເສົ້າໃຫ້ເລົ່າຊ້ຳ
ຖືກຢຽດຢ່ຳ ຫຍາມຫມິ່ນ ສິ້ນສັກສີ
ເຮັດຄວາມດີ ແຕ່ຕ້ອຍຕ່ຳ ໄຮ້ຄວາມດີ
ຫລືວ່າເຂົ້າທີ່ປູກນີ້ ຄຸນຄ່າບໍ່ມີ 

ຝາກໃຈເຖີງເມືອງລາວ

ບໍ່ຢາກຈາກກໍຕ້ອງຈໍາຫນີ
ບໍ່ຢາກຈອນກໍຕ້ອງຈໍາພາກ
ເພາະບ້ານບໍ່ເປັນບ້ານ
ຈະມີໃຜແດ່ນໍຮູ້ວ່າ
ດວງໃຈຂອງຜູ້ຮັກຊາດ
ມັນເຈັບປວດຣວດຣ້າວພຽງໃດ?

ຫລາຍຮ້ອຍປີຜ່ານມາ
ແລ້ວກໍຜ່ານໄປ
ຄົນລາວຕາດໍາໆຕ່າງກໍເຝົ້າຝັນ
ຢາກເຫັນບ້ານເມືອງເປັນຕົວຂອງຕົວເອງ
ບໍ່ແມ່ນຂີ້ຂ້າຄ່ອຍຮັບໃຊ້ບ້ານອື່ນເມືອງເຂົາ

ແລະແລ້ວກໍເຫມືອນຖືກສາບ
ບໍ່ວ່າໃຜຂຶ້ນມາກໍເຫມືອນໆກັນ
ທັງລະບອບໃຫມ່ລະບອບເກົ່າ
ເຫມືອນກັບວ່າ
ເມືອງລາວໄຮ້ສິ້ນແລ້ວຊຶ່ງຄົນດີ

ຂ້ອຍຂໍເຝົ້າໄຫວ້ວອນອົງເທບໄທ້
ໄດ້ໂຜດກັບມາປົກປ້ອງຜືນແຜ່ນດິນທອງ
ໃຫ້ໄດ້ຢູ່ດີມີສຸກ
ໃຫ້ພາດພົ້ນຈາກຫມູ່ມານຈັງໄຮ

ຫາກວ່າວັນນຶ່ງ
ຊີວິດຂ້ອຍນີ້ຍັງມີ
ຂ້ອຍຈະຂໍກັບຄືນໄປ
ກົ້ມກາບບ່ອນຝັງສາຍແຮ
ບ່ອນແຜ່ສາຍບືອີກຄັ້ງ

ແລະເມື່ອວັນນັ້ນມາເຖີງ
ຂ້ອຍຄົງຈະຕາຍຕາຫລັບ
ເມື່ອຂ້ອຍຈະບໍ່ຕ້ອງ
ພັດພາກຈາກຜືນແຜ່ນດິນລາວ
ອີກຕໍ່ໄປ

ແສນດີລາວ ລວມພົນຄົນຮັກຊາດ

ເຫັນວ່າຍັງບໍ່ທັນໝົດເຂດເດືອນ ມັງກອນຂອງປີໃຫມ່ກະເລີຍຖືໂອກາດມາອ່ວຍພອນໃຫ້ຊາວພັນລາວທຸກທ່ານ

ດ້ວຍບົດກະວີຂອງ ລູກດອນກະເດັນ

ຕ້ອນຮັບປີໃຫມ່ 2011

ໂດຍ: ລູກດອນກະເດັນ

2010 ລາຫ່າງຍ້າຍ ບ່າຍໆສົ່ງສັນຍານ

ເຫລືອແຕ່ຄວາມຊົງຈຳ ຫ່ວງອາໄລບໍ່ມີເວັ້ນ

2010 ບໍ່ເຫັນຫນ້າ ລາເຫີນຫາຍຫ່າງ

2011 ຍົກຍ່າງເຂົ້າ ແທນເຊື້ອສືບສານ

ຄອຍປະສານຮັດແຫນ້ນ ຫນັກຕື່ມກວ່າປີຫລັງ

ເສີມພະລັງກາຍ-ໃຈ ຈອດຈິງຈັງແຈ້ງ

ປີໃຫມ່ໄຂແຂງເຂັ້ມ ມະຫາໄຊສິດທິໂຊກ

ສາມັກຄີສືບສ້າງ ເສີມສົ່ງເຕືອນເຕີມ

ເພີ່ມແພງພຽນຖະຫນອມ ຮ່ວມແຮງໂຮມເຕົ້າ

ຝັງເສົາທຸງຄົມກ້າ ດວງປັນຍາເຍືອງສ່ອງ

ສິ່ງມົວຫມອງປະປ່ອຍຖິ້ມ ພຽນຕັ້ງຕໍ່ດີ

ຄວາມຜິດຫວັງວ່ານີ້ ອົກຫັກຫມົ່ນມົວຫມອງ

ມາປະຄອງຊີວີ ຍື່ນແຍງເປັນຮອຍຍິ້ມ

ພະລັງໃຈນວນນິ້ມ ເຮັດດີຫນີຄວາມຊົ່ວ

ບໍ່ເອົາຕົນເກືອກກົ້ວ ມົວເຫລົ້າແຫ່ງອະບາຍ

ເອົາໃຈໃສ່ຈອດຈໍ້ ນຳວຽກການງານ

ໃຫ້ສຳເລັດແຜນການ ຄາດຄະເນວາງໄວ້

ວຽກທີ່ຍັງບໍ່ທັນແລ້ວ ພຽນແພງເຕີມຕື່ມ

ເຊື່ອມຊຶມແນວທາງພັກ-ລັດກ້າວ ຫັນຫ້າວບໍ່ປ່ອຍວາງ

ສ້າງຄວາມດີຮັບຕ້ອນ ປີໃຫມ່ມາເຖິງ

ໃຫ້ຊີວາເລີງໆໃສ ຊື່ນໃນມະໂນນ້ອມ

2011 ໃຫ້ພຽງພ້ອມ ມີໄຊກວ່າປີເກົ່າ

ຄວາມຄາດຫມາຍທີ່ເວົ້າ ຊາວລາວເຮົາໃຫຍ່ນ້ອຍ

ແພງເຊື້ອຊາດລາວ ເຮົາເນີ