ເລື່ອງ ເລັກໆ ນ້ອຍ ໆ ແຕ່ຜິດຖຽງກັນ ບໍ່ມີໃຜຍອມຮັບຜິດ
ຊ່ວຍຕັດສິນໃຫ້ແດ່ໃຜຜິດໃຜຖືກ. ເພາະສອງຄົນ ອ້າຍນ້ອງບໍ່ມີໃຜຍອມຮັບວ່າຕົນເອງຜິດ. ແລະຈະຖືເອົາ ຄຳເຫັນ ຂອງ ທຸກທ່ານ ມາຕັດສິນ ຖ້າໃຜ ສຽງສ່ວນຫລາຍວ່າ
ຜິດກໍ່ຈະຍອມຮັບຜິດ
ເລື່ອງມີຢູ່ວ່າ : ນ້ອງສາວຊື້ ກ່ອງ ກະດາດ ທິດຊູ່ກ່ອງໃຫຍ່ ໆ ແບບຢູ່ຮ້ານອາຫານມາ 1 ກ່ອງ. ເພາະ ໃຊ້ລຸ້ນນີ້ແລ້ວປະຢັດນານໝົດ. ຊື້ມາແລ້ວກໍ່ເລີຍ ໃຫ້ ອ້າຍ ໄປຕິດຕັ້ງໃສ່ຫ້ອງນ້ຳ . ກ່ອງກະດາດກ່ອງນີ້ ມີກະແຈໃສ່ພ້ອມ. ທຸກຄົນຄິດພາບອອກບໍ່ເຄີຍເຫັນບໍ່ ? ແບບທີ່ເຂົາໃຊ້ ຢູ່ ຮ້ານອາຫານ ຫລື ໂຮງແຮມຫັ້ນນາ.
ອ້າຍຕິດຕັ້ງແລ້ວ ກໍ່ເອົາເຈ້ຍທິດຊູ່ໃສ່ ແລ້ວໃສ່ກະແຈ
ຫລັງຈາກນັ້ນ ກໍ່ເອົາກະແຈມາສົ່ງນ້ອງສາວ . ແຕ່ນ້ອງສາວບອກວ່າເຈົ້າເກັບໄວ້ກາໄດ້ . ອ້າຍກໍ່ຕອບວ່າ
ບໍ່ໆ ເຈົ້າຫັ້ນລະເອົາມ້ຽນ.ຊິໃຫ້ຂ້ອຍມຽນຫຍັງ. ນ້ອງສາວກໍ່ເວົ້າອີກວ່າ. ເຈົ້າຫັ້ນລະມ້ຽນ ສຳ່ມ້ຽນກາແຈຊື່ໆ ກາຊິມາໜິ້ງໃຫ້ຂ້ອຍມ້ຽນ. ເອົາກະແຈລູກດຽວມ້ຽນກາບໍ່ໄດ້ຫວາ. ແລ້ວອ້າຍກາຍອມມ້ຽນ ເດືອນຕໍ່ມາ ກະດາດທິດຊູ່ໝົດນ້ອງສາວກໍ່ຊື້ມາອີກ ແລ້ວກໍ່ໃຫ້ອ້າຍເປັນຄົນໃສ່ ເພາະກະແຈອ້າຍເປັນຄົນມ້ຽນ
ຜ່ານໄປຫລາຍເດືອນ ນ້ອງສາວກໍ່ຍ້າຍຕູ້ໃສ່ໝໍ້ກະທະ ໄປໄວ້ໃນເຮືອນຄົວ. ແລະອ້າຍມາເຫັນ ກໍ່ມາຊ່ວຍ. ມາຕັດຜ້າຢາງປູຕູ້ຊ່ວຍກັນ .ຕໍ່ມາອີກໜື່ງເດືອນ ນ້ອງສາວ
ຊື້ເຈ້ຍທິດຊູ້ມາ ໃຫ້ອ້າຍເອົາໄປໃສ່ອີກ. ອ້າຍຊອກກະແຈບໍ່ເຫັນ. ເລີຍມາຮ້າຍນ້ອງສາວວ່າ
ແມ່ນໄຜຍ້າຍຕູ້. ຂ້ອຍຈື່ໄດ້ວ່າ ຂ້ອຍເກັບກະແຈລູກນັ້ນ ໄວ້ໃນຕູ້ນິລະ. ເກັບເຄື່ອງອອກເປັນຫຍັງບໍ່ເບິ່ງ.
ນ້ອງສາວຕອບ. ບໍ່ໜາ ຂ້ອຍບໍ່ເຫັນນາ ຂ້ອຍນິລະຍ້າຍຕູ້
ແຕ່ບໍ່ມີຫຍັງ
ໃນຕູ້ກໍ່ມີແຕ່ໝໍ້ກະທະສອງໜ່ວຍ ເທົ່ານັ້ນ ບໍ່ມີຫຍັງ
ອ້າຍກໍ່ຮ້າຍອີກ. ເປັນຫຍັງຊິບໍ່ມີ ຂ້ອຍເອົາກະແຈໃສ່ຖົງຢາງຄອບແຄບ ແລ້ວວາງໄວ້ໃນຕູ້ນິລະຂ້ອຍຂື່ໄດ້. ຄັນບໍ່ມີໃຜເກັບໄປຖີ້ມ
ນ້ອງສາວຕອບ. ໃຜພາເອົາກະແຈລູກດຽວນ້ອຍໃສ່ຖົງຢາງຄອບແຄບແລ້ວປະໄວ້ທົ່ວທີບ.ຄົນໃນເຮືອນກາຫລາຍຄົນ.ບາງເທື່ອ ແມ່ເຫັນມັນຮົກ ກໍ່ເກັບໄປຖີ້ມກໍ່ເປັນໄດ້. ກະແຈເປັນຫຍັງບໍ່ເອົາໃສ່ພວງນຳກັນກັບກະແຈເຮືອນ ຫລື ກະແຈລົດ ຫລືກກະແຈຕູ້ ເປັນຫຍັງ ປະໄວ້ລູກດຽວ ແຖມຍັງໃສ້ຖົງຢາງຄອບແຄບ.
ອ້າຍຕອບ. ຊິມາເຈົ້າໃສ່ຂ້ອຍຢູ່ໜີ້ໃດ ເປັນນຳເຈົ້າຫັ້ນລະຍ້າຍຕູ້ມັນຈື່ງເສຍ ຍ້າຍລະບໍ່ເບິ່ງ ໄປຊອກເບິ່ງແມະ ວ່າຖິ້ມຢູ່ໃສ
ນ້ອງສາວຕອບ.ຊິໄປຊອກຢູ່ໃສ ເວລາຜ່ານໄປເປັນເດືອນ
ໃຜຊິຈື່. ເຈົ້າເອງກາຍັງບໍ່ຈື່ ຂະໜາດເຈົ້າເອງເປັນຄົນເອົາໄວ້.ຖ້າເຈົ້າຈື່ເຈົ້າ ທ້ວງຂ້ອຍແຕ່ຕອນ ເຈົ້າຕັດຜ້າຢາງມາປູຕູ້ຊ່ວຍຂ້ອຍພຸ້ນແລ້ວ.ເຈົ້າຕ້ອງຖາມວ່າບໍ່ເຫັນຫວາກະແຈຂ້ອຍໄວ້ຢູໜີ້ ຂ້ອຍໃສຖົງຢາງໄວ້.ເກັບໄວ້ເລີຍເດິ້ມັນຊິເສຍ.ແຕ່ເຈົ້າກາບໍ່ໄດ້ທ້ວງ.ເຈົ້າເອງກາຍັງລືມ.ເພາະເຈົາເອົາໄວ້ບໍ່ດີ.ເອົາໄວ້ບໍ່ຖືກບ່ອນ
ອ້າຍຕອບ. ເປັນຍ້ອນເຈົ້າຫັ້ນລະເອົາມາໃຫ້ຂ້ອຍມ້ຽນ ມັນເສຍລະຊິມາໂທດຂ້ອຍ.ເສຍກະຍ້ອນໂຕເອງຍ້າຍຕູ້.
ນ້ອງສາວບໍ່ຕອບ.ແຕ່ຄຶດຢູ່ໃນໃຈວ່າ.ໃຜຂິຮູ້ວ່າກະແຈລູກດຽວເຈົ້າກາຊິຮັກສາບໍ່ຫລ້ອນ.ໃຜພາເອົາກະແຈລູກນ້ອຍໆໃສ່ຖົງຢາງຄອບແຄບ.ໃຜຊິຄິດວ່າ.ເຈົ້າຊິປຶກປານນັ້ນ.ຄິດວ່າຊິເອົາມ້ຽນຄືບ້ານຄືເມືອງເພິ່ນໄວ້ ໃສ່ພວງກະແຈໄວ້ຈັບດີ.ຊື້ກາບັກແພງໆ .ກ່ອງໜື່ງ 400 ບາດ.ທິດຊູ່ໝົດລະກະເຕີມບໍ່ໄດ້.ເພາະບໍ່ມີກຸນແຈໄຂ.ບໍ່ຮ້າຍກາດີລະຍັງມາຮ້າຍເຮົາອີກ.ຄິດໃນໃຈແຕ່ບໍ່ໄດ້ເວົ້າອອກມາ.
ອ້າຍກາບໍ່ຍອມຂໍໂທດນ້ອງ.ແລະບໍ່ຍອມຊອກ.ບໍ່ຍອມຫາວິທີໄຂ.ຊື້ທິດຊູ່ມາກໍ່ວາງໄວ້ເທິງກ່ອງມັນເພາະມັນໄຂໃສ່ບໍ່ໄດ້.
ທ່ານຄິດວ່າ.ໃຜຖືກ ໃຜຜິດ. ຖ້າອ້າຍຖືກ ນ້ອງຊິໄປຊື້ກ່ອງໃໝ່ມາແທນ.
ຖ້າອ້າຍຜິດ ອ້າຍກໍ່ຄວນຊື້ກ່ອງໃໝ່ມາແທນ ໂທດຖານບໍ່ມີຄວາມຮັບຜິດຊອບ.ແຄ່ເລື່ອງນ້ອຍໆກາຮັບຜິດຊອບບໍ່ຫລ້ອນ.ແລ້ວເລື່ອງໃຫຍ່ກວ່ານີ້ຊິຮັບຜິດຊອບໄດ້ຢູ່ຫວາ

ໂຫວດເລີຍ! ເບິ່ງຜົນໂຫວດ

« ຕົວເລືອກສຳລັບແບບສຳຫຼວດ