ທ້າວ ລາ ເປັນນັກທຸລະກິດ ແຕ່ລົ້ມຈົມ ເພາະຖືກບັນດາເຈົ້າຫນີ້ຕາມລ່າຢູ່ທຸກມື້ ຈົນໝົດປັນຍາ, ບໍ່ຮູ້ຈຳເຮັດແນວໃດດີ, ຈື່ງໄປປຶກສາກັບທ້າວ ບຸນ ທີ່ເປັນສ່ຽວຮັກສ່ຽວແພງ.

ລາ: ບຸນ! ໂຕຊ່ວຍເຮົາຄິດແດ່ ວ່າ ເຮົາຈະຫຼີກໜີ້ຈາກພວກເຈົ້າໜີ້ໄດ້ແນວໃດ ?

ບຸນ: ເຮົາກໍ່ບໍ່ມີເງີນທີ່ຈະພໍຊ່ວຍໂຕ, ແຕ່ພໍມີວິທີຢູ່!

ລາ: ເຮັດຈັ່ງໃດລະສ່ຽວ ?

ບຸນ: ຈັດງານສົບປອມຂື້ນ ໂດຍໃຫ້ໂຕເຂົ້າໄປໃນໂລງສົບ.  ຫລັງຈາກງານສົບແລ້ວ ໂຕກໍ່ສາມາດໜີ້ໄປຢູ່ບ່ອນອື່ນໄດ້ຢ່າງປອດໄພ ແລະເຈົ້າໜີກໍ່ບໍ່ສາມາດຕາມຫາໂຕໄດ້ອີກ.

ແລະແລ້ວ.......ງານສົບດັ່ງກ່າສກໍ່ເກີດຂື້ນຈິງ  ຊື່ງເຈົ້າໜີທັງ 4 ຄົນ ກໍມາຮ່ວມງານນັ້ນ.

ເຈົ້າໜີ້ຜູ້ທີ 1-2-3 ກໍມາຮ່ວມກ່າວຄຳອຳລາດ້ວຍຄວາມໂສກເສົ້າເສຍໃຈທີລູກໜີ້ຕາຍ ແລະຈະບໍ່ໄດ້ເງີນຄືນອີກແລ້ວ.

ມາຮອດເຈົ້າໜີ້ຜູ້ສຸດທ້າຍ ພໍມາຮອດກໍ່ຖອດປືນອອກຈາກແອວ ພ້ອມທັງເວົ້າຂື້ນວ່າ: ເຖີງມືງຊິຕາຍເປັນຜີແລ້ວກໍ່ຕາມ, ກູກໍ່ຈະຍິງມືງໃຫ້ສົມໃຈເບີງດູ,

ເມືອທ້າວ ລາ ໄດ້ຍິນແນວນັ້ນ ກໍຢ້ານຕາຍ ເລີຍຮ້ອງອອກມາຈາກໂລງພ້ອມທັງລຸກຂື້ນນັ່ງ ແລ້ວເວົ້າຂື້ນວ່າ: ຢ່າຟ້າວໆ! ຢຸດໆ ......ສຳລັບເຈົ້າແລ້ວຂ້ອຍຂໍຈ່າຍໃຫ້ກໍ່ໄດ້.