ຂຽນເມື່ອ: ທ.ວ.. 27, 2013
| ມີ
6 ຄຳເຫັນ
ແລະ
0 trackback(s)
ຍັງອີກບໍ່ດົນກໍຈະຮອດວັນແຫ່ງຄວາມຮັກ(Valentineday)ເຊິ່ງເປັນວັນທີ່ໜຸ່ມໆສາວໆລໍຄອຍ ແລະໃຫ້ຄວາມສຳຄັນອີກວັນໜຶ່ງເຖິງແມ່ນວ່າມັນຈະບໍ່ແມ່ນປະເພນີຂອງລາວກໍຕາມແຕ່
ພວກເຮົາກໍປະຕິເສດບໍ່ໄດ້ວ່າຈະບໍ່ຍອມຮັບ, ດຽວນີ້ມັນໄດ້ເປັນກະແສນິຍົມຂອງສັງຄົມໄປແລ້ວ
ແລະການຂຽນບົດນີ້ກໍບໍ່ໄດ້ມີຈຸດປະສົງ
ເພື່ອສົ່ງເສີມວັນດັ່ງກ່າວແຕ່ປະການໃດເປັນພຽງການຮຽນຮູ້ເພີ່ມເຕີມເທົ່ານັ້ນ.
ອັນທີ່ຈິງແລ້ວຄົນເຮົາສາມາດບອກແລະສະແດງຄວາມຮັກຕໍ່ກັນໄດ້ທຸກວັນ
ແລະທຸກສະຖານະການບໍ່ຈຳເປັນຕ້ອງລໍໃຫ້ຈົນຮອດວັນວາເລນທາຍ.
ສິ່ງໜຶ່ງທີ່ຖືວ່າຂາດບໍ່ໄດ້ສຳລັບວັນແຫ່ງຄວາມຮັກທີ່ທຸກຄົນມັກຈະຖືເອົາເປັນຂອງຂວັນນັ້ນກໍຄື
ດອກກຸຫຼາບຜູ້ຂຽນໄດ້ອ່ານພົບໃນເອກະສານຂອງໄທເວົ້າວ່າຄຳວ່າກຸຫຼາບແມ່ນຄຳທີ່ຢືມມາຈາກ
ພາສາຂອງຊາວເປີເຊຍໃນຄຳວ່າ”ກຸຫຼອບ”ເຊິ່ງຄວາມໝາຍເດີມໝາຍເຖິງນໍ້າດອກໄມ້ເຊິ່ງຖືກ
ນຳໃຊ້ແຕ່ສະໄໝອານາຈັກສີອະຍຸດທະຍາ ແລະ ດອກກຸຫຼາບ ຍັງຖືວ່າເປັນ ສັນຍາລັກສາກົນ
ອີກຢ່າງໜຶ່ງທີ່ເຮົາຍອມຮັບທົ່ວກັນວ່າເປັນຕົວແທນຂອງ “ຄວາມຮັກ” ເຊິ່ງມີຫຼາຍຕໍານານໄດ້ກ່າວໄວ້.
ບາງຕຳນານກໍກ່າວວ່າດອກກຸຫຼາບເປັນເຄື່ອງໝາຍການກຳເນີດຂອງເທບວີນັດເຊິ່ງເປັນເທບແຫ່ງຄວາມຮັກ. ບາງຕຳນານກໍວ່າດອກກຸຫຼາບເກີດຈາກເລືອດຂອງເທບວີນັດທີ່ແທງຕົວເອງຕາຍຫຼັງຈາກເສຍຄົນຮັກໄປ. ບາງຕຳນານກໍກ່າວວ່າດອກກຸຫຼາບເປັນດອກທີ່ເຫຼົ່າເທບທັງຫຼາຍປະທານໃຫ້ແກ່ເທບອີຣອດເຊິ່ງ
ເປັນເທບແຫ່ງຄວາມຮັກດອກກຸຫຼາຍຈຶ່ງກາຍເປັນສັນຍາລັກຂອງຄວາມຮັກ.
ນອກຈາກນັ້ນສີຂອງດອກກຸຫຼາບຍັງມີຄວາມໝາຍແຕກຕ່າງກັນດັ່ງນີ້:
- ດອກກຸຫຼາບສີແດງ ໝາຍເຖິງຄວາມຮັກ ແລະຄວາມປາຖະໜາ ສ່ວນໃຫຍ່ໃຊ້ເປັນຕົວແທນຂອງຄວາມຮັກແບບຄູ່ຮັກເພາະເປັນດອກໄມ້ແທນກາມະເທບຄິວປິດຫຼືເທບອີຣອດ.
- ດອກກຸຫຼາບສີຊົມພູໝາຍເຖິງຄວາມຮັກທີ່ມີຄວາມສົມບູນ
- ດອກກຸຫຼາບສີຂາວ ໝາຍເຖິງຄວາມບໍລິສຸດ ມິດຕະພາບ ແລະ ຄວາມຮັກ ແລະຍັງນຳມາເປັນຕົວແທນຄວາມຮັກແບບຄູ່ຮັກ.
- ດອກກຸຫຼາບສີເຫຼືອງ ໝາຍເຖິງມິດຕະພາບມອບໃຫ້ເພື່ອສະແດງເຖິງຄວາມຮັກລະຫວ່າງເພື່ອນ ຫຼືຄວາມປາຖະໜາດີຕໍ່ກັນ.
- ດອກກຸລາບສີຂາວແລະແດງໝາຍເຖິງຄວາມເປັນໜຶ່ງດຽວກັນ ຄວາມສາມັກຄີ.
- ດອກກຸລາບຈູມ ໝາຍເຖິງການເລີ່ມຕົ້ນສິ່ງໃຫມ່ ແລະສະແດງເຖິງຄວາມງົດງາມ.
-
- ດອກກຸຫຼາບ 1ດອກໝາຍເຖິງຮັກແຮກພົບ.
- ດອກກຸຫຼາບ 2 ດອກມາຍເຖິງຮູ້ສຶກດີໆຕໍ່ກັນ.
- ດອກກຸຫຼາບ3 ດອກໝາຍເຖິງຂ້ອຍຮັກເຈົ້າ.
- ດອກກຸຫຼາບ 7 ດອກໝາຍເຖິງທ່ານກຳລັງຫລົງສະເໜ່.
- ດອກກຸຫຼາບ 9 ດອກໝາຍເຖິງຄວາມຮັກທີ່ຢັ້ງຍືນ.
- ດອກກຸລາບ 99 ດອກມາຍເຖິງຈະຮັກຈົນວັນຕາຍ.
- ດອກກຸຫຼາບ 100 ດອກໝາຍເຖິງຈະເປັນເພື່ອນແທ້ຕະຫຼອດໄປ.
- ດອກກຸຫຼາບ 108 ດອກໝາຍເຖິງການຂໍແຕ່ງງານ.
- ດອກກຸຫຼາບ 999 ດອກໝາຍເຖິງຈະຮັກຈົນເຖິງລົມຫາຍໃຈສຸດທ້າຍ.
ແນວໃດກໍຕາມ ເຖິງແມ່ນວ່າເຮົາຈະມີສັນຍາລັກທີ່ເປັນຕົວແທນຂອງຄວາມຮັກຫຼາຍກໍຕາມ
ແຕ່ໃນຄວາມເປັນຈິງແລ້ວຄົງບໍ່ມີຫຍັງຈະມາສະແດງຄວາມຮັກທີ່ແຕ່ລະຄົນມີໃຫ້ກັນໄດ້ດີໄປ
ກວ່າ ການກະທໍາຄໍາເວົ້າຈາຄວາມຈິງໃຈ ຄວາມບໍລິສຸດຜຸດຜ່ອງຄວາມ ແລະ ຄວາມໄວ້ເນື້ອເຊື່ອໃຈ
ທີ່ຕ່າງຝ່າຍຕ່າງມີໃຫ້ກັນບໍ່ວ່າຈະເປັນຄວາມຮັກໃນຮູບແບບໃດໆກໍຕາມ.
ໜວດໝູ່:
