ມາຮອດປັດຈຸບັນນີ້ຍັງມີຫຼາຍພາກສ່ວນຈາກພາກລັດ ແລະ ເອກະຊົນ ນັບທັງພາຍໃນ ແລະ ຕ່າງປະເທດ ສືບຕໍ່ໃຫ້ການຊ່ວຍເຫຼືອຜູ້ປະສົບໄພນ້ຳຖ້ວມ ຈາກພາຍຸເກດສະໜາ ຢູ່ບັນດາແຂວງພາກໃຕ້ຂອງລາວ.



ສຳລັບວັນທີ 11 ທັນວາ 2009 ນີ້ ມີກະຊວງໂຍທາທິການ ແລະ ຂົນສົ່ງ ມອບເງິນ 22,18 ລ້ານກີບ ກ່າວມອບໂດຍທ່ານ ສັນຕິສຸກ ສິມມາລາວົງ ຮອງຫົວໜ້າຫ້ອງການກະຊວງໂຍທາທິການ ແລະ ຂົນສົ່ງ ແລະ ອົງການໄອຍະການປະຊາຊົນສູງສຸດ ມອບເງິນ 5 ລ້ານກີບ ກ່າວມອບໂດຍທ່ານ ລັງສີ ສີບຸນເຮືອງ ຮອງໄອຍະການປະຊາຊົນສູງສຸດ ແລະ ກ່າວຮັບໂດຍທ່ານ ບຸນຄົງ ຫຼ້າສຸກັນ ລັດຖະມົນຕີຊ່ວຍວ່າການກະຊວງແຮງງານ ແລະ ສະ ຫວັດດີການ-ສັງຄົມ ຊຶ່ງພິທີມອບ-ຮັບໄດ້ຈັດຂຶ້ນທີ່ກະຊວງແຮງງານ ແລະ ສະຫວັດດີການ-ສັງຄົມ.



ນອກນີ້ຜ່ານມາກໍຍັງມີອົງການເວີນວາຍສະປອດ ຈາກປະເທດຍີ່ປຸ່ນ ມອບເງິນ 54.779 ໂດລາສະຫະລັດ ດ້ວຍການໂອນເຂົ້າທາງບັນຊີ ແລະ ກະຊວງ ແຜນການ ແລະ ການລົງທຶນ ມອບເງິນ 30.000 ບາດ (ສະກຸນເງິນໄທ).

ໂຫວດເລີຍ! ເບິ່ງຜົນໂຫວດ

« ຕົວເລືອກສຳລັບແບບສຳຫຼວດ