ປີໃຫມ່ລາວເປັນເທດສະການໃຫຍ່ປະຈຳປີຂອງປະເທດເຮົາ ເປັນຊ່ວງເວລາແຫ່ງການພັກຜ່ອນຂອງຫລາຍໆຄົນ ຄົນທີ່ໄປເຮັດວຽກຕ່າງຖິ່ນກໍ່ຖືໂອກາດນີ້ກັບເມືອຢາມບ້ານເກີດເມືອງນອນອາດຈະຖືໄດ້ວ່າເປັນເວລາທີ່ຄອບຄົວໄດ້ມາຢູ່ຢ່າງພ້ອມຫນ້າພ້ອມຕາກັນ ມັນເປັນເວລາຊ່ວງສັ້ນໆທີ່ບໍ່ເຖິງນຶ່ງອາທິດແຕ່ກໍ່ເຮັດໃຫ້ຫລາຍຄົນສຳພັດໄດ້ເຖິງຄວາມອົບອຸ່ນຂອງການຢູ່ຮ່ວມກັນແບບມິດຕະພາບໄມຕີຈິດສະແດງອອກດ້ວຍການກະທຳອັນດີງາມ ໂດຍການສືບທອດປະເພນີການຫົດສົງພະ ຜູ້ອາວຸໂສ ພໍ່ແມ່.... , ການສູ່ຂັວນ, ການໄປທ່ອງທ່ຽວກັບຄອບຄົວ,  ນອກຈາກນັ້ນກໍ່ຍັງມີການສະຫລອງແບບຫມູ່ຄູ່ມ່ວນຊື່ນໂຮແຊວຕາມບັນຍາກາດຂອງບຸນປີໃຫມ່ລາວ.

ແລ້ວໃຜໃຜມີສະຖານທີ່ທ່ອງທ່ຽວຫນ້າສົນໃຈແນະນຳແດ່....

 ຄົນເຮົາສາມາດເຮັດຜິດພາດໄດ້ສະເຫມີ ບໍ່ມີໃຜດອກທີ່ຈະບໍ່ເຄີຍເຮັດຜິດເລີຍໃນຊີວິດນີ້ ດັ່ງທີ່ເກີດຂື້ນກັບໂຕຂ້ອຍເອງທີ່ໄປຫລົງຮັກກັບຄົນຫນຶ່ງເຊິ່ງກະຮູ້ຢູ່ແລ້ວວ່າມັນເປັນໄປບໍ່ໄດ້ລະຫວ່າງເຮົາສອງຄົນ ເພາະທີ່ເປັນໄປບໍ່ໄດ້ນັ້ນມັນບໍ່ແມ່ນຍ້ອນຫຍັງດອກ ມັນຍ້ອນໂຕຂອງຂ້ອຍເອງກັບລາວເຊິ່ງຕ່າງຄົນຕ່າງບໍ່ຍອມກັນ ທັ່ງທີ່ຮູ້ໂຕຢູ່ແລ້ວວ່າຄິດຫຍັງລະກະເຈົ້າຄິດຫຍັງ ຄວາມຮູ້ສິກຂອງສອງຄົນຂ້ອຍແມ່ນບອກວ່າຮູ້ສິກດີໆທີ່ມີໃຫ້ກັນແຕ່ບໍ່ຍອມບອກວ່າຮັກກັນ ຍ້ອນບໍ່ມີໃຜຍອມເສຍປຽບ ເຊິ່ງເຮັດໃຫ້ເຮົາທັງສອງຕ້ອງມາອ້ຳອື້ງ ແລະ ຂ້ອຍຄິດວ່າສິ່ງນີ້ມັນຜິດຜາດ .

 ຕອນທີ່ຂ້ອຍເຂົ້າໂຮງຮຽນໃຫມ່ນັ້ນໄດ້ຮູ້ຈັກຫມູ່ຄົນຫນື່ງລາວເປັນຄົນບ້ານດຽວກັນທີ່ມາຮຽນທີ່ວິທະຍາໄລແຫ່ງນີ້ ເຊິ່ງວັນເເວລາຂອງຄຳວ່າຫມູ່ໄດ້ຜ່ານພົ້ນໄປເປັນເວລາຫລາຍປີ ຂ້ອຍເອງກໍ່ຮູ້ສຶກວ່າສະນິດກັນກັບລາວແລະເກີດຄວາມໄວ້ວາງໃຈເພາະເຊື່ອຫມັ້ນວ່າແນວໃດເຮົາກະຄົນບ້ານດຽວກັນຢູ່ແລ້ວ ເຊຶ່ງພວກເຮົາກໍ່ມີການຊ່ວຍເຫລືອກັນເວລາມີເລື່ອງທຸກຮ້ອນໃຈ ມີທຸກມີສຸກກໍ່ເຄີຍຮ່ວມກັນຟັນຜ່າມາ ແຕ່ຂ້ອຍກໍ່ບໍ່ເຄີຍຄຶດເລີຍວ່າຫມູ່ຄົນນີ້ລາວຈະເຮັດກັບຂ້ອຍໄດ້ລົງ ເຫດການມີຢູ່ວ່າ ມື້ຫນຶ່ງລາວຖາມຂ້ອຍວ່າເຮົາເປັນຫມູ່ກັນກະຫລາຍປີແລ້ວຄືຍັງບໍ່ເຄີຍເຫັນຂ້ອຍເວົ້າເລື່ອງສ່ວນໂຕສູ່ຟັງຈັກເທື່ອ ດ້ວຍການທີ່ເຫັນວ່າຫມູ່ສະນິດຄົນຫນຶ່ງຖາມຂ້ອຍກະເລີຍບອກລາວກ່ຽວກັບຂ້ອຍໃນທຸກສຶ່ງທຸກຢ່າງແລະອື່ນໆທຸກເລື່ອງທີ່ລາວຢາກຮູ້ ເຊິ່ງບາງເລື່ອງເປັນສິ່ງທີ່ວ່າບໍ່ມີໃຜຮູ້ມາກ່ອນ ................ ເຊິ່ງນັບແຕ່ວັນທີ່ຂ້ອຍເວົ້າສູ່ລາວຟັງຜ່ານມາໄດ້໑ເດືອນຂ້ອຍກໍ່ໄດ້ຍິນຫມູ່ໃນຫ້ອງຮຽນດຽວກັບເອົາສິ່ງທີ່ຂ້ອຍເວົ້າສູ່ລາວຟັງມາເລົ່າສູ່ຂ້ອຍຟັງຕໍ່. ນັບຕັ້ງແຕ່ວິນາທີນັ້ນເອງຄວາມເຊື່ອໃຈຂອງຂ້ອຍໃນໂຕຂອງລາວກໍ່ແຕກສະຫລາຍໄປ. ແລະກໍ່ເຂົ້າໃຈວ່ານີ້ບໍຄືຫມູ່ທີ່ຂ້ອຍໄວ້ໃຈ.