ສັງຄົມລາວກຳລັງ ເຂົ້າສູ່ສັງຄົມໃໝ່, ຜູ້ຄົນກຳລັງແຂ່ງຂັນ, ຊ່ວງສັງກັນຍາດຊີງຜົນປະໂຫຍດ ຜູ້ທີ່ມີອຳນາດຢູ່ໃນການຈັດຕັ້ງລັດ ກຳລັງແບ່ງປັນອຳນາດ ແລະ ຜົນປະໂຫຍດໃຫ້ກັນ ແລະ ພ້ອມກັນສ້າງໜໍ່ແໜງຂອງໃຜມັນ ເພື່ອສົ່ງເຂົ້າຢູ່ໃນແຕ່ລະຂົງເຂດທີ່ມີຜົນປະໂຫຍດອັນໃຫຍ່ຫຼວງໂດຍສະເພາະຜູ້ທີ່ມີອຳນາດໃນຂົງເຂດເສດຖະກິດ, ຜູ້ມີອຳນາດຮັກສາກົດໝາຍ, ເຈົ້າໜ້າທີ່ກວດກາຄົນເຂົ້າອອກເມືອງ, ເຈົ້າໜ້າທີ່ພາສີ, ອາກອນ ອື່ນໆ. ປະຈຸບັນ ພັກແລະ ລັດຖະບານກຳລັງເອົາໃຈໃສ່ແກ້ໄຂປະກົດການດັ່ງກ່າວຢ່າງເອົາຈີງເອົາຈັງ ແຕ່ຖ້າບໍ່ໄດ້ການຮ່ວມມືຈາກ ປະຊາຊົນ ແລະ ຜູ້ປະກອບການຕ່າງໆ ມັນກໍ່ເປັນເລື່ອງຍາກທີ່ຈະແກ້ໄຂໄດ້ຢ່າງທັນການ.

ປະຈຸບັນ ຂ່າວຄາວ ລັ່ນໄປທົ່ວໂລກກຽວກັບ ແຜ່ນດີນໄຫວ ແລະ ຄື້ນສຸນາມີ ຢູ່ ປະເທດຍີ່ປຸນ ເປັນການສຸນເສຍອັນໃຫຍ່ຫຼວງຕໍ່ຊາວຍີ່ປຸນ. ແຜນດີນໄຫວ ແລະ ຄື້ນສຸນາມີຄັ້ງນີ້ ໄດ້ສະເທືອນໄປທົ່ວໂລກ ແລະ ມີຫຼາຍປະເທດ ອອກມາເຕື່ອນກ່ຽວກັບເຫດການດັ່ງກ່າວ ປະຊາກອນໃນທົ່ວໂລກ ໃຜກໍ່ຕັ້ງໜ້າຕັ້ງຕາ ຕິດຕາມຂາວໃນຄັ້ງນີ້ ບັນຫາທີ່ຜູ້ຄົນກັງວົນຫຼາຍທີ່ສຸດ ແມ່ນບັນກາເຕົາປະຕິກອນ ໂຮງໄຟຟ້ານິວເຄຍ ສະເບິດ ເຊີ່ງໄດ້ເຮັດໃຫ້ກຳມັນຕະພາບລັງສີ ຮົ່ວໄຫຼ ອາດຈະເຮັດໃຫ້ສີ່ງທີ່ຊີວິດໄດ້ຮັບຜົນກະທົບຢ່າງຮຸນແຮງ ແລະ ຍາວນານ. ແຕ່ສຳລັບປະຊາຊົນລາວເຮົາ ຈຳນວນຫຼາຍຍັງບໍ່ທັນໄດ້ຕິດຕາມຂ່າວດັ່ງກ່າວ ອາດຈະເນື່ອງມາຈາກ ລະບົບຂ່າວສານຂອງປະເທດເຮົາ ຄົງຈະຫຼ້າສະໄໝ. ຫຼື ທືນຮອນໃນດ້ານ ຂ່າວສານຍັງຕ່ຳ. ຖ້າພວກເຮົາຄິດວ່າ ເລື່ອງແຜ່ນດີນໄຫວ ແລະ ຄື້ນສຸນາມິເປັນເລື່ອງໄກຕົວສຳລັບປະຊາຊົນລາວ ແຕ່ກ່ຽວກັບກຳມະຕະພາບ ລັງສີ ຂອງເຕົາປະຕິກອນນິວເຄຍ ອາດຈະເປັນເລື່ອງໃກ້ຕົວກໍ່ເປັນໄດ້.