ແຕ່ມາດຽວນີ້ ຍຸກສະໄໝປ່ຽນໄປ ສ່ວນຫນຶ່ງເປັນເພາະການຫລັ່ງໄຫລຂອງວັດທະນະທຳຈາກຕາເວັນຕົກ ເລີຍ ເຮັດໃຫ້ດຽວນີ້ ໜຸ່ມສາວເລີ່ມທີ່ຈະມີເພດສຳພັນກັນໄວຫລາຍຂຶ້ນ ຈົນເບິ່ງຄືວ່າຄຳສອນທີ່ວ່າ “ຢ່າຊິງສຸກກ່ອນຫາມ” ເບິ່ງຊົງຊິໃຊ້ບໍ່ຄ່ອຍໄດ້ຜົນແລ້ວ ແລະທີ່ໜ້າແປກໄປກວ່ານັ້ນກໍຄື ເຖິງວ່າໂລກຈະໝຸນວຽນປ່ຽນໄປຢ່າງວ່ອງໄວ ເຮົາເອງກໍຮັບວັດທະນະທຳໃໝ່ໆ ໄດ້ກັນຢ່າງວ່ອງໄວ ແຕ່ກໍບໍ່ວາຍມີບາງສ່ວນທີ່ຍັງຄົງຕັ້ງແງ່ກັບເລື່ອງ “ພົມມະຈັນ” ບໍ່ສິ້ນບໍ່ສຸດ   ຄາດວ່າຫລາຍໆ ຄົນໜ້າຈະເຄີຍໄດ້ຍິນວ່າ ຜູ້ຊາຍບາງຄົນຈະຈິງຈັງກັບເລື່ອງ “ພົມມະຈັນ” ຂອງທີ່ແມ່ຂອງລູກ ໃນອະນາຄົດຂອງຕົວເອງ ຫລາຍຈົນເກີນໄປ ເປັນຕົ້ນວ່າ ຮັບບໍ່ໄດ້ຫາກຕົນ ບໍ່ແມ່ນຊາຍ ຄົນທຳອິດ ທັງໆ ທີ່ຕົວ ເອງກັບຫລົງໄຫລໄປຕາມກະແສໂລກ ໃນເລື່ອງອື່ນໆ ເຊັ່ນກັນ   ແລະຂໍ້ເທັດຈິງທີ່ໜ້າສົນໃຈກ່ຽວກັບ ພົມມະຈັນ ທີ່ຫລາຍຄົນອາດຈະຍັງບໍ່ຮູ້ນັ້ນກໍຄື ເຖິງວ່າ ພົມມະຈັນ ຈະຕິດຕົວ ສາວໆ ມາຕັ້ງແຕ່ເກີດ ແຕ່ກໍບໍ່ໝາຍວ່າ ມັນຈະຢູ່ກັບເຮົາໄດ້ຈົນກະທັ້ງເຮົາໄດ້ຜ່ານ ການມີເພດສຳພັນ ເທື່ອທຳອິດ ໄປ ແລ້ວເມື່ອໃດເພາະໃນກິດຈະກຳບາງຢ່າງ ທີ່ຕ້ອງໃຊ້ຮ່າງກາຍສ່ວນລຸ່ມຫລາຍໆ (ຊຶ່ງບໍ່ແມ່ນກິດຈະກຳທາງເພດ) ຢ່າງ ເຊັ່ນການຂີ່ລົດຖີບ ການໂດດສູງ ຍິມນາດສ໌ຕິກແລະ ອື່ນໆ ຕ່າງກໍເປັນສາເຫດ ທີ່ອາດຈະເຮັດໃຫ້ ເຍື່ອ ພົມມະຈັນ ຈີກຂາດໄດ້   ສະນັ້ນ ການທີ່ເຮົາຈະຕັດສິນຄົນໃດຄົນໜຶ່ງ ດ້ວຍເຍື່ອບາງໆ ຂອງພົມມະຈັນ ຫລາຍກວ່າຄວາມເປັນຄົນດີ ໃນ ຕົວຄົນຄົນນັ້ນ ກໍເບິ່ງຈະເປັນການລຳອຽງໄປໜ້ອຍໜຶ່ງແລ້ວ ແຕ່ຢ່າງໃດກໍຕາມ ເຮົາເຊື່ອວ່າ ການເຊື່ອຟັງທີ່ຜູ້ໃຫຍ່ ສອນໃນເລື່ອງ ການຮັກນວນສະຫງວນຕົວ ຍ່ອມດີກວ່າແນ່ນອນ ເພາະນອກຈາກຈະ ບໍ່ຕ້ອງ ມີບັນຫາເລື່ອງ ການຕັ້ງຄັນອັນບໍ່ພຶງປະສົງແລ້ວ ຍັງສາມາດປ້ອງການພະຍາດຕິດຕໍ່ທາງເພດສຳພັນໄດ້ອີກດ້ວຍ

Credit: www.numlao.tk