ຂຽນເມື່ອ: ກ.ຍ.. 5, 2011
| ມີ
2 ຄຳເຫັນ
ແລະ
0 trackback(s)
ຫຼາຍແຫ່ງໄຂສົກຮຽນໃໝ່ 2011-2012
ວັນທີ 02 ກັນຍາ 2011 - ເວລາ 16:24:53
ທ່ານ ສົມວັນດີ ນາຖາວົງ ຮອງເຈົ້າຄອງນະຄອນຫຼວງວຽງຈັນ ໄດ້ກ່າວໃນພິທີເປີດສົກຮຽນໃໝ່ ປີ 2011-2012 ໃນວັນທີ 1 ກັນຍາ 2011 ທີ່ໂຮງຮຽນມັດທະຍົມສົມບູນວຽງຈັນ ຊຶ່ງທ່ານໄດ້ສະ
ແດງຄວາມຍ້ອງຍໍຊົມເຊີຍຕໍ່ແຜນງານພັດທະນາເປັນໂຮງຮຽນຕົວແບບຂອງຄະນະອຳນວຍການ ຄູ-ອາຈານ ຂອງໂຮງຮຽນມັດທະຍົມສົມບູນວຽງຈັນ ຊຶ່ງເຫັນໄດ້ວ່າມີຄວາມສອດຄ່ອງກັບ
ແຜນຍຸດທະສາດໃນການພັດທະນາການສຶກສາຂອງລັດຖະບານ ແຕ່ເຖິງຢ່າງໃດກໍຕາມ ການພັດທະນາເພື່ອໃຫ້ເປັນໂຮງຮຽນຕົວແບບນັ້ນ ຄຽງຄູ່ກັບການຈັດຕັ້ງແຜນພັດທະນາດັ່ງກ່າວ
ຄະນະອຳນວຍການພ້ອມບັນດາຄູ-ອາຈານ ຕ້ອງໄດ້ເອົາໃຈໃສ່ຈັດຕັ້ງປະຕິບັດນະໂຍບາຍ 6 ສ ຂອງນະຄອນຫຼວງວຽງຈັນ ເພາະໃນແຕ່ລະ ສ ແມ່ນມີຄວາມສອດຄ່ອງກັບການຈັດຕັ້ງປະຕິບັດ
ວຽກງານກິດຈະກຳຕ່າງໆຂອງໂຮງຮຽນ ເພື່ອສ້າງໂຮງຮຽນໃຫ້ມີຄວາມສະຫງົບພາຍໃນ ສະອາດ ຈົບງາມ ສີຂຽວ ສະຫວ່າງ ໃຫ້ມີສະເໜ ແລະ ມີຄວາມສີວິໄລ.
ໃນພິທີຄັ້ງນີ້ ທ່ານ ສົມວັນດີ ນາຖາວົງ ຍັງໄດ້ມອບເງິນຈຳນວນ 2 ລ້ານກີບ ເພື່ອເປັນທຶນປະກອບເຂົ້າໃນການປັບປຸງສ້ອມແປງໂຮງຮຽນ ຊຶ່ງຂຶ້ນຮັບເງິນຊ່ວຍເຫຼືອຄັ້ງນີ້ ແມ່ນທ່ານ ບຸນຖົມ
ເຄນາພູມ ຜູ້ອຳນວຍການໂຮງຮຽນມັດທະຍົມ ສົມບູນວຽງຈັນ ຊຶ່ງມີບັນດາຕາງໜ້າຈາກພາກສ່ວນກ່ຽວຂ້ອງ ພ້ອມດ້ວຍຄະນະອຳນວຍການ ຄູ-ອາຈານ ແລະ ນ້ອງນັກຮຽນເຂົ້າ ຮ່ວມໃນພິທີ
ເປີດສົກຮຽນໃໝ່ຄັ້ງນີ້.
ຂ່າວແຈ້ງອີກວ່າ: ໃນວັນດຽວກັນ ເມືອງໄຊເຊດຖາ ກໍໄດ້ຈັດພິທີໄຂສົກຮຽນໃໝ່ 2011-2012 ທີ່ໂຮງຮຽນມັດທະຍົມສົມບູນໜອງບອນ ໂດຍເປັນປະທານຂອງທ່ານ ພອຍຄຳ ຮຸ່ງບຸນຍວງ
ເຈົ້າເມືອງໄຊເຊດຖາ ຊຶ່ງມີຜູ້ຕາງໜ້າຈາກພະແນກສຶກສານະຄອນຫຼວງວຽງຈັນ ຫົວໜ້າຫ້ອງການສຶກສາທິການເມືອງ ບັນດາແຂກ ຄູ-ອາຈານ ແລະ ນ້ອງນັກຮຽນເຂົ້າຮ່ວມ 1.000 ກ່ວາ
ຄົນ.
ຂ່າວແຈ້ງອີກວ່າ: ໃນວັນດຽວກັນ ເມືອງສີໂຄດຕະບອງ ນະຄອນຫຼວງວຽງຈັນ ກໍໄດ້ຈັດພິທີໄຂສົກຮຽນໃໝ່ທົ່ວເມືອງຂຶ້ນ ທີ່ໂຮງຮຽນເອກະຊົນຊະນະພົນ ໂດຍເປັນປະທານຂອງທ່ານນາງ ວັນ
ດີ ວົງຄຳມະນີ ຄະນະປະຈຳພັກນະຄອນຫຼວງ ຫົວໜ້າຈັດຕັ້ງນະຄອນຫຼວງວຽງຈັນ ມີທ່ານ ທອງຄູນ ແສງດາລາ ເຈົ້າເມືອງສີໂຄດຕະບອງ ຫົວໜ້າ ຮອງຫົວໜ້າສຶກສາເມືອງ ຄູ-ອາຈານ ນ້ອງ
ນັກຮຽນ ຜູ້ປົກຄອງນັກຮຽນ ແລະ ແຂກຖືກ ເຊີນທົ່ວເມືອງເຂົ້າຮ່ວມ.
ຂ່າວແຈ້ງໃຫ້ຮູ້ຕື່ມວ່າ: ໃນວັນດຽວກັນນີ້ທີ່ໂຮງຮຽນ ມສ ເຈົ້າອະນຸວົງ ໄດ້ຈັດພິທີເປີດສົກຮຽນໃໝ່ 2011-2012 ຂຶ້ນ ໂດຍມີທ່ານ ຈັນທອນ ລັດຖະຈັກ ຮອງເຈົ້າເມືອງຈັນທະບູລີ ພ້ອມດ້ວຍ
ທ່ານຮອງຂະແໜງສະຖິຕິແຜນການ ພະແນກສຶກສານະຄອນຫຼວງ ຄະນະອຳນວຍການ ຄູ-ອາຈານ ຕາງໜ້າອົງການຈັດຕັ້ງບ້ານ ແລະ ນ້ອງນັກຮຽນເຂົ້າຮ່ວມ.
ຂ່າວແຈ້ງອີກວ່າ: ທີ່ໂຮງຮຽນ ມສ ເພຍວັດ ກໍໄດ້ຈັດພິທີໄຂສົກຮຽນໃໝ່ 2011-2012 ໃນວັນທີ 1 ກັນຍາ 2011 ໂດຍການເປັນປະທານຂອງທ່ານ ອຸດອນ ໄຊມົນຕີ ເຈົ້າເມືອງສີສັດຕະນາກ
ຕາງໜ້າຈາກພະແນກສຶກສາທິການນະຄອນຫຼວງ ຫົວໜ້າຫ້ອງການສຶກສາທິການເມືອງ ຄະນະອຳນວຍການໂຮງຮຽນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນພິທີດັ່ງກ່າວ ທ່ານເຈົ້າເມືອງ ຍັງໄດ້ມອບອຸປະກອນການຮຽນ-ການສອນ ແລະ ເງິນຈຳນວນໜຶ່ງ ເພື່ອຊຸກຍູ້ໃຫ້ແກ່ຂະແໜງການສຶກສາຂອງເມືອງອີກດ້ວຍ.
ຂ່າວແຈ້ງອີກວ່າ: ໃນວັນດຽວກັນນີ້ ເມືອງຈັນທະບູລີ ກໍໄດ້ຈັດພິທີເປີດສົກຮຽນໃໝ່ປະຈຳສົກຮຽນ 2011-2012 ທີ່ໂຮງຮຽນປະຖົມນາໄຮ່ດຽວ ໂດຍມີທ່ານ ອານຸພາບ ຕຸນາລົມ ຮອງເຈົ້າຄອງ
ນະຄອນຫຼວງວຽງຈັນ ພ້ອມດ້ວຍພະນັກງານຄູ-ອາຈານ ພໍ່ແມ່ນັກຮຽນ ແລະ ນ້ອງນັກຮຽນເຂົ້າຮ່ວມຢ່າງພ້ອມພຽງ.
ຂ່າວແຈ້ງໃຫ້ຮູ້ຕື່ມວ່າ: ໃນຕອນເຊົ້າວັນທີ 1 ກັນຍາ 2011 ທີ່ໂຮງຮຽນມັດທະຍົມຕົ້ນສີເກີດ ເມືອງນາຊາຍທອງ ມັດທະຍົມຕົ້ນທ່າມ່ວງ ເມືອງຫາດຊາຍຟອງ ໂຮງຮຽນອະນຸບານ-ປະຖົມໄຊ
ສົມພອນ ເມືອງໄຊທານີ ໂຮງຮຽນ ມສ ນາທຽມ ເມືອງສັງທອງ ແລະ ໂຮງຮຽນ ມສ ສົມສະຫວາດ ເມືອງປາກງື່ມ ນະຄອນຫຼວງວຽງຈັນ ກໍໄດ້ຈັດພິທີໄຂສົກຮຽນໃໝ່ 2011-2012 ຢ່າງເປັນ
ທາງການ ຊຶ່ງແຕ່ລະແຫ່ງມີຄະນະພັກນະຄອນຫຼວງ ຄະນະພັກເມືອງ ຫົວໜ້າຫ້ອງການສຶກສາ ອຳນາດການປົກຄອງ ອຳນວຍການໂຮງຮຽນ ຄູ-ອາຈານ ນ້ອງນັກຮຽນ ແລະ ແຂກຖືກເຊີນເຂົ້າ
ຮ່ວມຢ່າງຫຼວງຫຼາຍ.
<!-- Khao Other List Start -->
ໜວດໝູ່:
