ມີໂຕຫນື່ງ  ຄອດລູກອອກມາ   ໄດ້ເດືອນກວາ ໆ   ຄົນກໍ່ຂໍໄປ

ດ້ວຍຄວາມຄິດເຖີງ   ລູກນ້ອຍໃນໃສ້     ມັນຈື່ງອາລັຍ  ເຂົ້າປາບໍ່ກິນ

ມື້ຫນື່ງມີຄົນ      ເອົາແມວມາປ່ອຍ      ລູກແມວນ້ອຍ ໆ   ຍັງບໍ່ຖະວິນ

ແມ່ຫມາມາພົບ   ນອນຊົບກັບດີນ       ນ້ຳຕາໄຫລລິນ   ຄິດເຖີງລູກຕົນ

ຈື່ງຄາບແມວນ້ອຍ  ມາລ້ຽງແທນລູກ    ເພື່ອຄາຍຄວາທຸກ   ນັ້ນຄືເຫດຜົນ

ທັງຢ້ານແມວຕາຍ  ເພາະຝີມືຄົນ     ຈິງໄດ້ລິ້ນລົນ     ຂົນມາລ້ຽງດູ

ແມວກິນນົມຫມາ   ມັນຫນ້າສັບສົນ  ມັນຊ່າງຊອບກົນ  ທົນຄວາມອົດສູ

ຊື່ງມີເມດຕາ   ເບີ່ງຫນ້າເຊີດຊູ    ໃຜນໍຈະຮູ້     ຄວາມທຸກຂ້າງໃນ

ຮູ້ແນ່ຢ່າງນິດ  ຜິດທຳມະຊາດ    ຄົນບໍ່ສາມາດ ລ່ວງຮູ້ມັນໄດ້

ມັນກຳລັງບອກ   ປັນຫາຫົວໃຈ    ຄວາມທຸກພາຍໃນ  ເຕັມລົ້ນລືດີ

ຈື່ງຂໍຮ້ອງທ່ານ   ຜູ້ມີໃຈສູງ   ຈົ່ງໃຫ້ຜະດຸງ    ຄວາມມີຫນ້າທີ່

ໃຫ້ແມ່ໃຫ້ລູກ   ສຸກກັນສັກທີ   ຢ່າໄດ້ພາຫນີ    ພັດພາກຈາກກັນ.

ຂໍ້ຄິດທີ່ໄດ້ຈາກ ກອນນີ້

1.​ຄົນເຮົາມັກເອົາປຽບຜູ້ອື່ນໂດຍບໍ່ເຖີງຄວາມເດືອດຮ້ອນຂອງຜູ້ອື່ນ

2. ຄົນພານບໍ່ຄິດເຖີງຫົວອົກເຂົາຫົວອົກເຮົາ

3. ຄົນເຮົາຖ້າມັກສິ່ງໃດກໍ່ຫາທາງທີ່ຈະເອົາ ແຕ່ຖ້າສິ່ງໃດກໍ່ຈະເອົາໄປຖິ້ມ

4. ແມ່ນແຕ່ຫມາຍັງມີເມດຕາທັມ ແລ້ວຄົນລະມີຢູ່ບໍ

5. ຄວາມທຸກບໍ່ແມ່ນມີແຕ່ສະເພາະຄົນ  ສັດທັງຫລາຍກໍ່ມີທຸກເຫມືອນກັນ

6. ທຸກຊີວິດເກີດມາພ້ອມກັບວິບາກກຳດ້ວຍກັນທັງນັ້ນ.

7. ຄົນເຮົາຕ້ອງຮູ້ຈັກຫນ້າທີ່ຂອງຕົນ ຄືແມ່ເຮັດຫນ້າທີ່ຂອງແມ່  ລູກເຮັດຫນ້າທີ່ຂອງລູກ  ພໍ່ເຮັດຫນ້າທີ່ຂອງພໍ່ ທຸກຊີວິດຕ້ອງເຮັດຫນ້າ

ທີ່ຕາມຖານະຂອງຕົນ ໂດຍທົ່ວກັນເທີນ ຈະເລີນພອນ

ຄົງບໍ່ມີໃຜ ທີ່ຈະບໍ່ຢາກມີຫມູ່ເພື່ອນ ຫລືຢູ່ພຽງລຳພັງບໍ່ສຸງສິງກັບຜູ້ອື່ນ ເພາະມະນຸດໂລກເຮົານີ້ລ້ວນຕ້ອງເພີ່ງພາອາໃສກັນແລະກັນທັງນັ້ນ  ຈິງຈະຢູ່ລອດ

ໄດ້ໃນການດຳເນີນຊີວິດປະຈຳວັນ ຊື່ງເຮົາອາດຈະຕ້ອງປະຕິບັດຕົນ ເພື່ອທີ່ຈະເປັນທີ່ຮັກຂອງຄົນອື່ນ ໆ ດັ່ງນີ້:

1. ທຳຕົວໃຫ້ເປັນທຳມະຊາດ

ຄື ການບໍ່ເສເເຊ້ງ ເຂົ້າໃຈກັນແລະກັນ ການດູຖູກດູຫມິ່ນ ແລະຫຍຽດຫຍາມຜູ້ອື່ນ ບໍ່ເປັນຄົນວາງທ່າ ສິ່ງຕ່າງ ໆ ເຫລົ່ານີ້ເອງທີ່ເປັນເຫດໃຫ້ຄົນເຮົາຂາດ

ເພື່ອນທີ່ຈິງໃຈ ດັ່ງນັ້ນຖ້າເຮົາຕ້ອງການໃຫ້ຜູ້ອື່ນຮັກແລະຊື່ນຊົມ ກໍ່ຄົງຕ້ອງປະຕິບັດຕົວເສຍໄຫມ່ ທຳຕົວເຮົາໃຫ້ຫນ້າຮັກ ເປັນຄົນທີ່ເວົ້າຈາ ຈິງໃຈ ປາກຕົງກັບໃຈເປັນດີທີ່ສຸດ ແລະບໍ່ຄວນກະທຳການໃດ ໆ ທີ່ຜູ້ອື່ນເດືອດຮ້ອນໂດຍເດັດຂາດ

2.​ ອາລົມດີ

ເປັນ ຄົນທີ່ມີອາດທະຍາໃສດີ ລ້າເລິງ ບໍ່ເຄັ່ງຄຽດ ໂມໂຫງ່າຍ  ເພາະຄົງບໍ່ມີໃຜທີ່ຢາກເຂົ້າໃກ້ກັບຄົນທີ່ມີນິໃສຫງຸດຫງິດ ໂມໂຫໂທໂສ ມີຄວາມກ້າວຣ້າວ

ໃຊ້ອາລົມຮ້າຍ  ແລະຮຸນແຮງ ຫລື ເປັນຄົນທີ່ອາລົມແປປວນ ງ່າຍ ໆ  ແລະຍິ່ງຖ້າເຮົາເປັນຄົນອາລົມບໍ່ດີຢູ່ສະເຫມີ ໆ ຕ້ອງຫາສາເຫດ ແລ້ວແກ້ໄຂ ບໍ່ດັ່ງນັ້ນ

ຕົວຂອງເຮົາເອງຈະກາຍເປັນຄົນໄຮ້ ເພືອນ ຂາດ ເພື່ອນ  ແລະສັງຄົມບໍ່ໃຫ້ການຍອມຮັບອີກດ້ວຍ ເພາະຄົນອື່ນ ໆ ຈະຕີຕົວອອກຫ່າງເຮົາໄປທີ່ລະຄົນ ສອງຄົນ ເພື່ອໄປຫາຄົນທີ່ອາລົມດີ ທີ່ເຂົາຢູ່ໃກ້ ແລ້ວສະບາຍໃຈ

3. ສົນໃຈຟັງ"ເຂົາ" ບໍ່ແມ່ນເວົ້າແຕ່ເລື້ອງຂອງຕົນເອງ

ເຊັ່ນ ເຮົາກຳລັງສົນທະຢູ່ໃນກຸ່ມເພື່ອນ ແຕ່ເຮົາເວົ້າແຕ່ເລື້ອງສ່ວນຕົວຂອງເຮົາ ....ເມື່ອວານນີ້ໄປທ່ຽວ ແຄມຂອງ ມ່ວນຫລາຍ ໄດ້ ເລ່ນນ້ຳກັນຈົນຄ່ຳ ແຖມຕົວຜິວຍັງດຳອີກ ພໍກັບມາມາຮອດບ້ານ  ແມ່ເຮົາຊ້ຳພັດບໍ່ສະບາຍກະທັນຫັນ ພາໄປຫາໂຮງຫມໍ  ແລະບໍ່ມີເບີ່ງ ປູ່ກັບຍ່າທີ່ເປັນອຳມະພາດ 

ຈາກຄຳເວົ້າຂ້າງຕົ້ນ ຄົນທີ່ເວົ້າກໍ່ໍຊ່າງເຈລະຈາເຫລືອເກີນ  ເວົ້າເຖີງເລື້ອງຕົວເອງ ໂດຍບໍ່ເປິດໂອກາດໃຫ້ຫມູ່ເພື່ອນ ໃນກຸ່ມໄດ້ເວົ້າ ຫລື ສະແດງຄວາມຄິດເຫັນແນ່  ຊື່ງຈິງ ໆ ແລ້ວ ຄົນເຮົາທີ່ເປັນກຸ່ມຫມູ່ເພື່ອນກັນຄົງຕ້ອງການເວົ້າເລື້ອງຕົວເອງ ໃຫ້ຫມູ່ຟັງ  ແຕ່ຕ້ອງມີການ ແລກປ່ຽນ ແລະສົນໃຈ ເລື່້ອງຂອງເຂົາຫລາຍກວ່າເວົ້າເລື້ອງຂອງຕົນເອງ.

4. ຮູ້ຈັກ "ໃຫ້ " ແລະ"ຮັບ"

ຂໍ້ ນີ້ຄົງບໍ່ຕ້ອງບອກ ເພາະໃຜ ໆ ກໍ່ຮູ້ ແຕ່ກໍ່ມີຄົນ ຈຳນວນຫລາຍ ບໍ່ຍອມປະຕິບັດ ມີແຕ່ຈະຮັບຂ້າງດຽວ ຫວັງແຕ່ຜົນປະໂຫຍດ ທີ່ຈະເກີດກັບຕົວເອງພຽງເທົ່ານັ້ນ ສ່ວນຄົນອື່ນບໍ່ສົນໃຈ ຊື່ງຄົນປະເພດທີ່ມັກຮັບຂ້າງດຽວ ບໍ່ໄດ້ໃຫ້ຜູ້ອື່ນຕອບແທນ ຈັດເປັນທີ່ມີລັກສະນະເປັນຄົນເຫັນແກ່ຕົວ  ຄົນມັກມາກ  ຄົນເອົາປຽບ ຄົນເອົາແຕ່ໄດ້ ແຕ່ຄົນທີ່ໃຫ້ມາກກວ່າຮັບຈະມີເພື່ອນຫລາຍກວ່າຄົນທີ່ຮັບມາກວ່າໃຫ້ຢ່າງແນ່ນອນ.
ການໃຫ້ແລະການຮັບບໍ່ໄດ້ຫມາຍຄວາມສະເພາະວັດຖຸ ແຕ່ລວມໄປເຖີງການໃຫ້ຄວາມຊ່ວຍເຫລືອ ຜູ້ອື່ນທີ່ເດືອດຮ້ອນ ຫລືຄົນທີ່ຕົກທຸກໄດ້ຍາກ ສິ່ງເຫລົ່ານີ້ ຖືວ່າເປັນການໃຫ້ທີ່ມີຄຸນຄ່າມາກ ມາຍ ແລະໂດຍປົກກະຕິຄົນທົ່ວໄປກໍ່ຄົງຊອບຄົນທີ່ໃຫ້ເຮົາ ແລະຍອມຮັບຈາກເຮົາ ເພາະເວລາເຂົາຮັບອີຫຫຍັງຈາກເຮົາ ເຮົາຮູ້ສືກດີໃຈ ແລະພໍໃຈແຕ່ຖ້າທ່ານເປັນຝ່າຍຮັບຈາກເຂົາຢູ່ຂ້າງດຽວ ກໍ່ຄົງຕ້ອງຮູ້ສືກລະອາໃຈບໍ່ຫລາຍກໍ່ນ້ອຍ

5. ເບີ່ງໂລກໃນແງ່ດີ

ເຮົາລອງຫັນໄປເບີ່ງລອບ ໆ ຕົວເຮົາເປັນແນວໃດ ໂດຍຂໍໃຫ້ມີໂລກກະທັດທີ່ກວ້າງໃກ ບໍ່ຕຳຫນິ ຫລືຕີຕຽນສິ່ງ ຕ່າງ ໆ ຢູ່ຕະຫລອດເວລາ ເຊັ່ນ: ຄົນນີ້ເປັນຄົນບໍ່ດີ ບ້ານນີ້ມີຫຍັງ ແປກໆ ແລະເປັນຕາຢ້ານ ຜູ້ຍິ່ງຄົນນີ້ບໍ່ຫນ້າຄົບ  ຄົງເຫັນແລ້ວວ່າຖ້າຄົນເຮົາມີຄວາມຄິດເຊັ່ນນີ້ ກັນທຸກຄົນ ສັງຄົມກໍ່ຄົງວຸ້ນວ່າຍແນ່ນອນ ແລະຄົງມີແຕ່ປັນຫາມາກມາຍ ທີ່ຈະເກີດຂື້ນ ແຕ່ຖ້າເຮົາລອງເບີ່ງໂລກໃນແງ່ດີແດ່ ແລະທຳເປັນປະຈຳຢູ່ຕະຫລອດ ຄົນທີ່ຢູ່ໃກ້ເຮົາກະມີຄວາມສຸກ

ສິ່ງຕ່າງ ໆ ທີ່ກ່າວຂ້າງຕົ້ນນີ້ ລ້ວນແຕ່ເປັນວິທີທີ່ຈະທຳໃຫ້ເຮົາສາມາດເປັນທີ່ຮັກຂອງຜູ້ອື່ນໄດ້ຢ່າງມີຄວາມສຸກ ກໍ່ຂໍໃຫ້ຄົນເຮົາເລິ້ມຕົ້ນດ້ວຍການ ເປັນຜູ້ໃຫ້ ເສຍກ່ອນ ຮັບຮອງໄດ້ວ່າໃນເວລາຕໍ່ມາເຮົາກໍ່ຈະໄດ້ຮັບສິ່ງຕອບແທນຕ່າງ ໆ ກັບມາຢ່າງມາກມາຍ ຈາກຄົນທີ່ຮັບໃຫ້ນັ້ນດ້ວຍຄວາມຈິງໃຈ  ແລະເປັນການເສີມສ້າງພະລັງຄວາມຮັກ ແລະຄວາມເຂົ້າໃຈລະຫວ່າງຄົນມາກຂື້ນດ້ວຍ

ອົກຫັກໃຫ້ເປັນ ...........ຈະເຮັດແນວໃດ

ເມື່ອ ອົກຫັກ   ຫາກຈະຫ້າມບໍ່ໃຫ້ຄົນເຮົາຮູ້ສືກຮູ້ສາກັບສິ່ງທີ່ເກີດຂື້ນ  ບໍ່ໃຫ້ຮູ້ສືກເສຍໃຈ ທຸກໃຈ ເສົ້າ ຫລື ສັບສົນທາງອາລົມ ແລະຄວາມຄິດ ຄົງຈະເປັນໄປ

ບໍ່ໄດ້ ດັ່ງນັ້ນ ຈະເຮັດແນວໃດໃຫ້ຄວາມສັບສົນ ທາງອາລົມ ແລະຄວາມຄິດຕ່າງ ໆ ເຫຼົ່ານັ້ນບໍ່ເກີນເລີຍຈົນສົ່ງຜົນກະທົບຕໍ່ຕົນເອງ ຈິງຕ້ອງມີມີການປັບຕົວໃຫ້ເຂົ້າກັບສະພາວະການທີ່ເກີດຂື້ນ ແລະປັບອາລົມ ຄວາມຄິດ ແລະພຶດຕິກຳໃຫ້ເຂົ້າສູ່ພາວະປົກກະຕິໃຫ້ໄວທີ່ສຸດ

ວິທີປັບຄວາມຄິດ ອາລົມ ຄວາມຮູ້ສືກ ລວມເຖີງພຶດຕິກຳຕ່າງ ໆ  ໃຫ້ສາມາດຮັບມືກັບພາວະ  ອົກຫັກ  ໃຫ້ໄດ້ໂດຍການ  ອົກຫັກໃຫ້ເປັນ ມີດັ່ງນີ້
1. ຖ້າຢາກຮ້ອງໃຫ້ ........ຈົ່ງຮ້ອງໃຫ້ເຕັມທີ່  ລະບາຍຄວາມຮູ້ສືກເຈັບປວດຢ່າງສຸດແສນອອກມາທັງນ້ຳຕາ  ຢ່າພະຍາຍາມເກັບກົດຄວາມຮູ້ສືກເອົາໄວ້

ການຮ້ອງໃຫ້ເປັນການລະບາຍຢ່າງຫນື່ງ ຊື່ງຈະທຳໃຫ້ຮ່າງກາຍໄດ້ມີການປັບຄວາມສົມດຸນທາງອາລົມໃຫ້ກັບສູ່ສະພາວະປົກກະຕິ ຫລື ໃກ້ຄຽງປົກກະຫລາຍທີ່ສຸດ
2. ເສຍໃຈ........ແຕ່ຢ່າໃຫ້ເສຍຄົນ   ການເສຍໃຈເຮັດໃຫ້ເຮົາໄດ້ຮູ້ວ່າ ຢ່າງນ້ອຍເຮົາກໍ່ມີຫົວໃຈໄວ້ເຈັບ ມີຄວາມທຸກ ຄວາມສຸກໄດ້ເຫມືອນຄົນອື່ນ ຕ້ອງຮູ້ຈັກຄວບຄຸມ ຮູ້ຈັກຄວາມພໍດີ ຢ່າຄິດວ່າຕົວເອງ ບໍ່ມີຄຸນຄ່່າ ແລະຢ່າຄິດທຳຮ້ອຍຕົວເອງ ຢ່າລືມວ່າເຮົາຍັງມີພໍ່ແມ່ທີ່ຮັກ ເຮົາມາກທີ່ສຸດ ແລະເປັນຄວາມຮັກ ທີ່ຢັ້ງຢືນທີ່ສຸດດ້ວຍ  ແລ້ວຄິດເສຍວ່າກ່ອນຈະມີໃຜຄົນນັ້ນເຮົາສາມາດມີຊີວິດຢູ່ມາໄດ້ ແລະເມື່ອເຂົາໄປເຮົາກໍ່ຕ້ອງຢູ່ຕໍ່ໄປໄດ້ເຊັ່ນກັນ
3. ຢ່າແບບທຸກຕາມລຳພັງ  ກັບໄປຫາ ພໍ່ແມ່ ດີທີ່ສຸດ ເວົ້າຈາກັບທ່ານ ລະບາຍຄວາມຮູ້ສືກທີ່ອັດອັ້ນແລະເຈັບປວດແສນສາຫັດໃຫ້ທ່ານຟັງ ແລະເຮົາຈະ ໄດ້ຮັບກຳລັງໃຈອັນມີຄ່າທີ່ສຸດຈາກທ່ານ ຫລືອາດຈະໃຊ້ວິທີຂຽນຄວາມຮູ້ສືກລົງໃນກະດາດ ຊື່ງຈະຊ່ວຍໃຫ້ເຮົາເຫັນເລື້ອງທີ່ເກີດຂື້ນໄດ້ຊັດເຈນຍິ່ງຂື້ນ
4. ປະຕິວັດຕົວເອງໄຫມ່  ພະຍາຍາມປັບປຸງຕົວເອງໃນພາບລັກໄຫມ່ທີ່ສົດໃສ ຫນ້າເບີ່ງ ເບີ່ງດີກວ່າເກົ່າ ຢ່າປ່ອຍໃຫ້ຕົວເອງຫນ້າໂຊມ ຜົມຫຍຸ້ງຫົວຫຍອງ ຕາປູດ ຜອມໂຊ ຢ່າໃຫ້ຊີວິດຮັກທີ່ບໍ່ສົມຫວັງມາທຳໃຫ້ຕົວເອງຕ້ອງຈົມຈ່ອມຢູ່ກັບຄວາມທຸກຕະຫລອດເວລາ
5. ຫັນເຫຄວາມສົນໃຈໄປທຳກິດຈະກຳອື່ນ ໆ ຢ່າເກັບຕົວ ແລກ ໆ ອາດຈະຕ້ອງຝືກຄວາມຮູ້ສືກຢູ່ແດ່ ແຕ່ຖ້າໄດ້ລົງມືປະຕິບັດແລ້ວ ອາລົມແລະຄວາມຮູ້ ສືກຕ່າງ ໆ ຈະດີຂື້ນ ເຊັ່ນ: ເລ່ນກິລາ  ເບີ່ງຫນັງ  ຟັງເພງ ອ່ານຫນັງສື ເປັນຕົ້ນ

6. ໃຫ້ຄິດເສຍວ່າປະສົບການ  ອົກຫັກ ເປັນປະໂຫຍດຕໍ່ຊີວິດ  ເພາະມັນຈະເປັນເຫມືອນສະພານອີກຂັ້ນຫນື່ງໃຫ້ເຮົາໄດ້ກ້າວໄປສູ່ຄວາມເປັນຜູ້ໃຫຍ່ໃຫ້ເຮົາ ໄດ້ໃຊ້ຊີວິດອີກລະດັບຫນື່ງ ແລະກຳໄລທີ່ເຫລືອຢູ່ຈາກປະສົບການ  ອົກຫັກ  ກໍ່ຄື ໄດ້ຮຽນຮູ້ວ່າຮັກເປັນຢ່າງໃດ ຖ້າບໍ່ສຸກຈົນລົ້ນມາເສຍກ່ອນຈາກການໄດ້ ຮັກແລະຖືກຮັກ ແລ້ວຈະຮູ້ໄດ້ແນວໃດວ່າເຈັບ ຈຽນຕາຍ ນອນນ້ຳຕາໄຫລ  ເກືອບຈຳເປັນທໍ່ນ້ຳປະປາແຕກ ມັນທຸກປານໃດ

ແມ່ນຄວາມຮັກທີ່ບໍ່ສົມຫວັງ ທຳໃຫ້ຕ້ອງສູນເສຍຄວາມຮູ້ສືກດີ ໆ ທີ່ເຄີຍມີໃຫ້ແກ່ກັນໄປມາກນ້ອຍພຽງໃດ ຫລື ແມ່ນກະທັງທຳລາຍຄວາມເປັນຕົວຂອງ ຕົວເອງໃຫ້ລົດນ້ອຍໄປມາກພຽງໃດ ກໍ່ຕາມ ແຕ່ຫາກເຮົາໄດ້ຮຽນຮູ້ເພື່ອທີ່ຈະ ອົກຫັກໃຫ້ເປັນ  ຄວາມຮັກທີ່ບໍ່ສົດໃສອາດກາຍເປັນໂອກາດດີທີ່ຈະໃຫ້ເຮົາ  ເບີ່ງເຫັນໂລກທີ່ກວ້າງໃຫຍ່ແລະສວຍງາມຂື້ນກວ່າເດິມກໍ່ເປັນໄດ້

ເວົ້າເຖີງຫລັກທຸລະກິດ ຫລືຄຸນສົມບັດ ຜູ້ທີ່ທຳການຄ້າ ເພື່ອໃຫ້ຄ້າຂາຍດີ ມີກຳໄລ ທ່ານຈະຕ້ອງເສກສ້າງຄວາມງາມໃຫ້ຄົບ 4 ຢ່າງດັ່ງນີ້

1. ງາມໃບຫນ້າ   ລູກຄ້າຊອບ

2. ງາມກິຣິຍາ    ລູກຄ້າຖືກໃຈ

3. ງາມວາຈາ      ລູກຄ້າຫລົງໄຫລ

4. ງາມບໍລິການ  ລູກຄ້າບານລືໄທ ຫລື ລູກຄ້າຕິດໃຈ

ງາມທັງສີ່ລະດັບຊັ້ນນີ້ ເປັນສູດນັກບໍຣິຫານທຸລະກິດ ຫລື ສູດຜູ້ທຳການຄ້າຂາຍ

ເມື່ອຄຸນນະທັມ ແລະຄຸນລັກສະນະຂອງນັກຄ້າຂາຍ ປະມວນຫຍໍ້ ໆ ໄດ້ອີກ 4 ປະການ ຄື:

1. ຍິ້ມແຍ້ມແຈ່ມໃສ

2. ຕັ້ງໃຈສົນທະນາ

3. ເຈລະຈາໄພເລາະ

4. ສົງເຄາະເອື້ອເຟື້ອ.

ກ.​ ຍິ້ມແຍ້ມແຈ່ມໃສ  ພວກເຮົາຮູ້ແລ້ວວ່າ  ຮອຍຍິ້ນເປັນມົນສະເຫນ່ ທີ່ເສກສ້າງຂື້ນດ້ວຍຕົນເອງ ແລະງ່າຍດ່າຍ ດັ່ງບົດກ່ອນທີ່ວ່າ:

ຍິ້ມໄວ້ໃຈສົດຊື່ນ ອາຍຸຍືນໄຮ້ໂລກໂລຄາ  ຮູບຮ່າງງາມໂສພາ ເປັນສະເຫນ່ແກ່ຜູ້ຄົນ  ຫລື  ຍິ້ມໃຫ້ກັນວັນລະນິດຈິດແຈ່ມໃສ  ຍິ້ມໃຫ້ກັນ

ວັນລະນິດ ມີມິດທົ່ວໄປ  ແຕ່ຕ້ອງຍິ້ມຈາກໃຈ ບໍ່ແມ່ນຍິ້ມເສແສງແກ້ງຍິ້ມ  ຫລື ຍິ້ມແບບການເມືອງ  ຍິ້ມແບບຟ້າແມບ ແວບດຽວກະຫາຍ ຍິ້ມແລ້ວຮີບຫຸບ ....ຍິ້ມມີເລຊັ້ນໃນ   ຕ້ອງຍິ້ມແຍ້ມແຈ່ມໃສ  ແຕ່ຢ່າຍິ້ມ ຕະຫລອດ 24 ຊົ່ວໂມງເດີ  ມັນອັນຕະລາຍ

ຂ. ຕັ້ງໃຈສົນທະນາ  ສົນໃຈໃຫ້ກຽດຕິດຕໍ່ລູກຄ້າ ບໍ່ເມີນ ຫລື ປະເມີນຖານະ ຫລື ສະພາບຂອງລູກຄ້າຕຳ່  ຢ່າຄິດວ່າເຂົາບໍ່ມີເງີນ

ເຂົາອາດຈະຊອບຮູບ ເປັນຜ້າຖູພືນ ຫໍ່ຄຳກະເປັນໄດ້  ຖ້າເຮົາຕັ້ງໃຈ ສົນທະນາແລະໃຫ້ກຽດເຂົາ  ທ່ານອາດຈະໂຊກດີແບບນີ້:

( ຂ້ອຍປ່ຽນໃຈແລ້ວ ທັງຮ້ານນີ້ເທົ່າໃດ ) ກໍ່ເປັນໄດ້.​

ຄ. ເຈລະຈາໄພເຣາະ  ບູຮານທ່ານກ່າວໄວ້ວ່າຈະໄດ້ດີກໍ່ເພາະປາກ ຈະໄດ້ຍາກກໍ່ເພາະຄຳ  ທຳມະຊາດຂອງປາກ ຄື ເວົ້າດີໄດ້ເວົ້າຮ້າຍເສຍ

ຈະອິ່ມ ຈະຫິວ ຈະຂາດທືນ  ໄດ້ກຳໄລ  ຮັກ ຫລື ຊັງ ຮູ້ເລື້ອງ ຫລື ເສຍເລື້ອງ ເຂົ້າໃຈ ຫລື ຂັດໃຈ ກໍ່ຢູ່ທີ່ປາກຂອງເຮົາທັງນັ້ນລະ.

ງ. ສົງເຄາະເອື້ອເຟື້ອ  ຄື ການມີວິໃສທັດທີ່ກວ້າງໃກ  ບໍ່ຫວັງຈະເອົາແຕ່ກຳໄລຢ່າງດຽວ ຕ້ອງເອົາໃຈລູກຄ້າໄວ້ດ້ວຍ  ອາດຈະເອື້ອເຟືອ ໃນ

ການແນະນຳສິນຄ້າທີ່ດີ  ວິທີໃຊ້ ແລະສິ່ງຕ່າງຕໍ່ລູກຄ້າ ເຖີງແມ່ນວ່າ ເຂົາອາດຈະບໍ່ໄດ້ຊື້ ກໍ່ຕາມ  ສິ່ງສຳຄັນ ຄື ມີຄວາມຊື່ສັດຕໍ່ລູກຄ້າ

ບໍ່ຂີ້ຫລັກ ຂີ້ໂກງ ເຊັ່ນ: ໃຊ້ສິນຄ້າຫມົດອາຍຸ ຫລື ສິງຄ້າປອມແປງມາຂາຍ ແບບນີ້ຈະເຮັດໃຫ້ລູກຄ້າຂອງເຮົາລົດນ້ອຍຖອຍລົງ

ຫລື ອາດຈະບໍ່ຢາກມາຊື້ ອີກເລີຍ.

ຈະເລີນພອນ ເດີ

ຄອງຄູ່ຖືກວິທີມີສຸກ
ສາມີພັນລະຍາທີ່ດີ ຫລືອຜົວເມຍທີ່ດີຈະເຮັດໃຫ້ຊີວິດຄູ່ມີຄວາມສຸກ ອາດຕະມາພາບ ( I ) ຂໍຝາກຄຸນນະທັມ ສຳຫລັບຄອບເຮືອນ ຄອງຮັກໄວ້ ໓ ຂໍ້
ແລ້ວຈະເຮັດໃຫ້ຊີວິດຄູ່ ຍັງຍືນ ປາດສະຈາກການຢ່າຮ້າງ
໑. ຕ້ອງຊື່ຕົງ
໒. ຕ້ອງຈົ່ງຮັກ
໓. ຕ້ອງຫນັກແຫນ້ນ
- ຕ້ອງຊື່ຕົງຕໍ່ກັນ ບໍ່ນອກໃຈກັນ ຊື່ງແມ່ນຈະເຫັນຄົນອື່ນງາມກວ່າ ສວຍກວ່າ ຫລໍ
ກວ່າ ຜົວ ຫລື ເມຍຂອງຕົນກະບໍ່ໄປຫລົງມີໃຈໃຫ້ ຮັກສາຄວາມຮັກຂອງກັນແລະ
ກັນໄວ້ ທີມີປັນຫາຢູ່ປັດຈຸບັນນີ້ ຕ້ອງຢ່າຮ້າງກັນ ເພາະປັນຫາຄວາມບໍ່ຊື່ຕົງ
ຕໍ່ກັນ
- ຈົ່ງຮັກນັ້ນ ຈະຕ້ອງມີເຫດຜົນ ອີກຝາກຫນື່ງເຮັດຜິດເລັກນ້ອຍ ອີກຝ່າຍກໍ່ຕ້ອງ
ໃຫ້ອະໄພ ແລະພະຍາຍາມ ຫັດຮູ້ຈັກພໍໃຈ ຊື່ງກັນແລະກັນ ຢ່າໄປຄິດນອກໃຈ
ໃຫ້ຮັກກັນຈິງຈັງ
- ຫນັກແຫນ້ນ ນັ້ນໃຫ້ມີໃຈທີ່ມີເຫດຜົນ ຕໍ່ປັນຫາທີ່ເກິດຂື້ນຫລືກຳລັງຈະເກີດຂື້ນ ບໍ່
ໃຊ້ອາລົມ ແກ້ໄຂປັນຫາ ຢ່າເອົາເລື້ອງ ນອກບ້ານມາສ້າງປັນຫາໃນບ້ານ ແລະຢ່າເອົາເລື້ອງພາຍໃນບ້ານໄປເລົ່າໃຫ້ຊາວບ້ານຟັງ ວ່າ ຜົວຕົນບໍ່ດີ ເມຍຕົນ
ບໍ່ດີ ຍິງເວົ້າຍິງມີປັນຫາ ບູຮານທ່ານກ່ອນໄວ້ວ່າ ໄຟໃນບໍ່ນຳອອກ ໄຟນອກບໍ່
ໃຫ້ນຳເຂົ້າ ໄຟ ກະຄື ຄຳເວົ້າແລະປັນຫານັ້ນເອງ ໃຫ້ມີຄວາມຫນັກແຫນ້ນຕໍ່ຄຳເວົ໊າຂອງຄົນ ທີ່ຫວັງດີ ແລະບໍ່ຫວັງດີ

1.  ຮູ້ຈັກໃຫ້    ຮູ້ຈັກຮັບ  ຮູ້ຈັກຢຸດ  ຮູ້ຈັກຍອມ  ຮູ້ຈັກເຢັນ

2. ບຳລຸງ ຖະນຸຖະຫນອມບິດາມານດາ  ມີຄ່າດັ່ງບຳລຸງພຮະອໍລະຫັນ  ເພາະບິດາມານດາ ຄື ພຮະອໍລະຫັນໃນບ້ານ

3. ຮຽນຮູ້ຈາກ ອາດີດ  ບໍລິຫານປັດຈຸບັນ  ກ້າສ້າງສັນໃນອານາຄົດ

4. ຈົ່ງຂຽນສິ່ງທີ່ມີຄຸນຄ່າເທົ່າທີ່ພໍຄົນອື່ນລຸ້ນຫລັງຈະໄດ້ອ່ານ

5. ຈົ່ງຫນັກແຫນ້ນຕໍ່ຄຳສັນລະເສີນ ແລະຍິນທາ ດັ່ງພູຜາແຂງ ມີຄວາມຕ້ານທານຕໍ່ພະຍຸລົມແຮງ