ມົງຄົນຊີວິດ

ຢ່ານອນຕື່ນສວຍ ຢ່າອາຍທຳກິນ
ຢ່າມິ່ນເງີນນ້ອຍ ຢ່າຄອຍວາດສະຫນາ
ຢ່າເສວະນາກັບຄົນຊົ່ວ ຢ່າມົ້ວອະບາຍຍະມຸກ
ຢ່າສຸກກ່ອນຫ່າມ ຢ່າວູວາມກ່ອນກະທຳ
ຢ່າເຕັ້ນລຳກ່ອນເພງ ຢ່າຂົ່ມເຫງຜູ້ນ້ອຍ
ຢ່າຄອຍແຕ່ປະຈົບ ຢ່າຄົບແຕ່ເສດຖີ
ຢ່າດີແຕ່ຕົວ ຢ່າຊົ່ວແຕ່ຄົນອື່ນ
ຢ່າຝາຝືນກົດລະບຽບ ຢ່າເອົາປຽບສັງຄົມ
ຢ່າຊົມຄົນຜິດ ຢ່າຄິດເອົາແຕ່ໄດ້
ຢ່າໃສ່ຮ້າຍຄົນດີ ຢ່າກ່າວວາຈີມຸສາ
ຢ່ານິນທາພຣະສົງອົງຄະເຈົ້າ ຢ່າກອດເຂົ່າເມື່ອມີທຸກ
ຢ່າສຸກຈົນລືມຕົວ ຢ່າເກງກົວວຽກຫນັກ
ຢ່າພິທັກພາລຊົນ ຢ່າລືມຕົນເມື່ອຮັ່ງມີ