ຂໍຝາກເປັນຄຳຖາມແດ່ວ່່າເປັນແນວໃດແທ້ ຂອງວັນເກີດຂອງລູກ

• ວັນເກີດຂອງລູກຄືວັນທີ່ແສນເຈັບປວດ, ວັນຕາຍ ວັນທີ່ແສນທໍລະມານຂອງຜູ້ເປັນແມ່ໃນເວລາກຳເນີດລູກ
  
• ວັນແຫ່່ງຄວາມສຸກຂອງລູກ ທີ່ມ່ວນຊື່ນກຳການຈັດງານວັນເກີດຂອງໂຕລູກເອງ
  
• ວັນທີ່ ໄດ້ພົບຄົນຮັກໃໝ່, ວັນທີ່ລາຈາກແຟນ
  
• ວັນທີ່ ມີຮອຍຍິ້ມ, ວັນທີ່ມີສຽງຫົວຂອງໃຜບາງຄົນ
  
• ວັນທີ່ມີນ້ຳຕາ, ສຽງຮ້ອງໄຫ້ ແລະ ການລາຈາກ
  

ມື້ນີ້     ແດດອົບເອົ້                 ສາມສິບແປດອົງສາ

ລົມບໍ່   ມາພານພັດ                ເຫື່ອໄຫຼໄຄຍ້ອຍ

ຄົນທຽວ  ທາງພອຍຮ້າງ        ທາງແປນໄປຕະຫຼາດ

ລົດກໍ່ ຍັງຢ່ອຍຢ້ານ                ອາຍເອົ້າແຜດເຜົາ

ແມ່່ເຖົ້າ   ຂາຍເຄື່ອງໃຊ້           ຮ້ານໝໍ່ແຄມທາງ

ວີວັບ ພໍທຸເລົາ                         ແດດອາຍອູມເອົ້າ

ແມ້ງນຶ່ງ  ສອງຊາຍຜູ້               ຂັດສົນແສນຂະໜາດ

ຕາມ     ຍັງຍ່າງສູ້                   ຮົນຮ້ອນກໍ່ບໍ່ຖອຍ

            ເຂົາແວ່ເຂົ້າ                ຖາມໄຖ່ທາງໄປ

ຄິວລົດ  ເມເມືອເໜືອ              ຈອດໃສນໍປ້າ

            ແນມລົງພື້ນ             ເຫັນຕີນແປນເປົ່າ

           ແມ່ກໍ່ຜິດແຜກແທ້       ຈຶ່ງຖາມສໍ້ໄຕ່ຄວາມ

ຊຸມເຈົ້າ  ບໍ່ແມ່ນຄົນແຖບນີ້      ບໍ່ຮູ້ຮ່ອມທາງໄປ ຊັ້ນບໍ

            ໄປໃສມາ                  ຊ່າງວ່າທຽວທາງຮ້ອນ

ສອງຊ້ອຍ    ອຳອຶງຖ້ອຍ        ພາທີຕ້ານຕອບ

ອອກຄຸກ      ມາມື້ນີ້               ຊິເມືອບ້ານບ່ອນເດີມ  ແມ່ເອີບ

            ແມ່ຍົກມືທາບເທົ້າ      ທວງທອດສັນລະເສີນ

ເກີນວ່າ   ຈິງໃຈຈາ                  ບອກມາຕາມແທ້

ແມ່ຈິ່ງ   ສັດທາຕ້ານ              ເອົ໊າ ເງິນຫ້າພັນກີບ

ຜ່ອງ     ກໍ່ເອີ້ນລົດລໍ່້               ມາຈ້າງສົ່ງທາງ

ສອງໜຸ່ມນ້ອຍ                       ນົບນອບບຸນຄຸນ

ຄົນຂັບ   ຈຳໂບຖາມ               ແມ່ກໍ່ສາທະຍາຍເວົ້າ

ອອກຄຸກ   ມາຊິເມືອບ້ານ       ບໍ່ຈັກທາງລົດເມຈອດ

            ເອົາເຂົາສົ່ງແດ່ທ້ອນ   ເງິນຈ້າງແມ່ຊິທານ

ຈຳໂບ    ຕ້ານຕອບຖ້ອຍ          ຂື້ນມາໂລດຊິພາໄປ

          ບໍ່ຫ່ອນເອົາເງິນຄຳ         ຊິສົ່ງທາວເມືອລ້າ

ສອງບ່າວ  ແນມນຳໜ້າ             ລະລຶງແລປາກບໍ່ອອກ

ນ້ຳໃຈ   ງາມຈັ່ງຊຊີ້                    ຊິຫາໄດ້ຢູ່ໃສ ?

ເລື່ອງຈິງ ຂອງ ສາວ ແຂວງສະຫວັນນະເຂດ  ຄັດຈາກ ດວງຈຳປາ

ກອນນີ້ແຕ່ງອ່ານກັນມ່ວນໆ ຢ່າໄປຄິດຫຼາຍເຫັນບໍ່ວ່າເລື່ອງຍາກໃຈ ໃນຊີວິດປະຈຳວັນ ຂອງເຮົາ ເຊິ່ງໃຜໆກໍ່ພົບພໍ້ໍໍ້ໍໍຢູ່ເລິງໆຄືແນວນີ້  ລືມເອົາໃຫ້ເພິ່ນເຊັນ ເພິ່ນບໍ່ຢູ່ຄາປະຊຸມ ຫຼືພາບເລຂາໜ້າບູດ ພະນັກງານໜ້າຄືຍັກ ເອົາມາລົມກັນຫຼິ້ນເປັນກອນ ມັນສາມາດປ່ຽນບັນຍາກາດໄດ້ຊັ້ນນາ

ເອກະສານຍື່ນໄວ້            ວ່າມື້ໃໝ່ໃຫ້ມາຫາ

ສາມວັນຈົນກາຍມາ          ຜັດວ່າຍັງຢູ່ໃນຕູ້

ທຽວມາຈົນຈຳໜ້າ            ຄຳສັນຍາຜັດບໍ່ຈື່

ມີ່ແຕ່ຄວາມຍົວະເຍົ້າ          ໃຫ້ມາເລື້ອຍຕື່ມເລິງ

ເລິງຢູ່ລ້າ                    ວຽກແຊ່ຢູ່ເທິງໂຕະ

ກອງກັນເທີນ                ຊອກບໍ່ເຫັນຫາພໍ້

ຂໍລາຍເຊັນພໍດ້າມ             ຍາມເຊັນກໍ່ໄດ້ຄ່າ  ຢູ່ນາ

ສັງວ່າເຮັດຍຸ່ມຍົ້ວ             ໄຍຫຍຸ້ວງສຳ່ຫຍັງ

ຫຍັງຈັ່ງວ່າບໍ່ໄດ້              ຍຶ່ນຕໍ່ໃຫ້ນາຍເຊັນ

ສຳ່ວ່າເປັນເລຂາ              ຜັດຊ່າງອຳອຳມ້ຽນ

ອຳເອົາແລ້ວ                 ເອົາເລີຍກະບໍ່ວ່າ

ຜັດນັດມາມື້ໜ້າ              ມາແລ້ວຜັດບໍ່ເຊັນ

ຄັນບໍ່ເຊັນ ຊິບໍ່ແລ້ວ           ວຽກໃໝ່ຊິຖົມທັບ  ແທ້ເນີ

ຕັບກ່າຍກັນເທິງໂຕະ         ບາດເຊັນຊິມົວກົ້ວ

ຢ້ານວ່າເຊັນຈົນກຸ້ມ           ກຸມກັນຫົວຊິແຕກ

ຫົວແຕກຕາຍຊິບໍ່ໄດ້          ຊົມໃຊ້ຄ່າເຊັນ ຊັ້ນນາ

ຄັດມາຈາກ ນາມປາກກາ ດວງຈຳປາ

ສິ່ງທີ່ທ່ານ ຈະອ່ານຕໍ່ໄປນີ້ ຖ້າທ່ານໃດທຳໄດ້ ຖືວ່າດີແລ

• ຖ້າເບິ່ງແຕ່ແນວບໍ່ດີຂອງໝູ່ ໃຜໆກໍ່ເປັນໝູ່ເຮົາບໍ່ໄດ້
  
• ຢ່າເວົ້າ ສິ່ງທີ່ເຮົາຢາກເວົ້າ ຈົ່ງເວົ້າສິ່ງທີ່ຜູ້ອື່ນຢາກຟັງ
  
• ມິດຕະພາບຈະຈືດຈາງຖ້າມາຫາກັນເລື້ອຍ ຫຼືນານມາຫາກັນໂພດ
  
• ຜູ້ມັກຍ້ອງຕົນເອງ  ຄືຄົນທີ່ບໍ່ມີຄຸນສົມບັດທີ່ຈະຄວນຍົກຍ້ອງ
  
• ຄົນໂງ່ເອົາໃຈໄວ້ຢູ່ປາກ ຄົນສະຫຼາດເອົາປາກໄວ້ຢູ່ໃຈ
  
•  ໃຫ້ເພື່ອນຢືມເງິນທ່ານຈະເສຍທັງເງິນ ແລະ ເພື່ອນ

       ເຄັດລັບເລົ່ານີ້ຄັດມາຈາກ ປື້ມເຄັດລັບສູ່່ຄສວາມສຳເລັດ ຂອງທ່ານ ສີສະເຫວີຍ ຈັນທະວີສັກ

( ມອບແດ່ແມ່ທີ່ແສນຮັກ ແລະ ເຄົາຣົບທີ່ສຸດໃນໂລກ)

ແມ່ຈະ ຍິ່ງໃຫຍ່ດ້ວຍ                      ກອງກຽດຕິຍົດ

ມີວິຊາສູງ                             ວ່າການນຳໜ້າ

ນຳພາບ້ານ                           ການເມືອງລະດັບຊາດ

ເປັນຊ່າງ ນັກກໍ່ສ້າງ                ຄົນຊ້ອງຊ່າລື ກໍ່ດີ

ແຕ່ວ່າ ງາມແມ່ຍ່ອມບໍ່ລະເວັ້ນ   ໜ້າທີ່ມານດາ

ງາມ ແມ່ ງາມໃນສິນ               ວາດດູແລນ້ອຍ

ງາມແມ່ ງາມແຂນອ້ອມ            ທອມ ເອົາບຸດອ່ອນ

ງາມແມ່ ປະເສີດຍ້ອນ              ຄຸນລ້ຽງລ່ຳແຍງ ລູກນາ

ຂໍທາງແດ ພວກນ້ອງ          ຜູ້ເໝົາລວາດເຕັມຖະໜົນ

ລົດຈະມາທາງກົງ               ຕ້ອງຈອດກາງທາງລ້ຽວ

ຄັນທີ່ມາແຕ່ເໜືອພຸ້ນ          ບໍ່ເໜັງຕິງຈັກບາດ

ເພາະເຜື່ອນາຖະໜໍ່ໍນ້ອງ      ກະຈາຍກ້ວາທົ່ວແດດ

ທາງທຽວ ສອງລ່ອງ- ຂື້ນ     ລົດໃຫຍ່ໄປກາງ

ພວກນ້ອງເໝົາຈົນໝົດ          ຢອກກັນແຊວຮ້ອງ

ລົດໃຫຍ່ກົດແກເອີ້ນ              ເຕື້ອນໆຫຼີກແດ່

ຜ່ອງກໍ່ຮ້ອງດ່າຊ້ຳ                   ມືຊີ້ສັ່ງປະຈານ

ພີ່ຮັກເຈົ້າ                              ຈຶ່ງຂໍບອກຄຳດີ

ເຊີນໝ່ອມພິຈານຄັກ              ເມື່ອທຽວທາງດັ້ນ

ທາງຫຼວງເປັນຂອງໃຊ້            ຮ່ວມກັນໝົດທຸກເລົ່າ

ນັກຮຽນກະຕ້ອງເຂົ້າ              ໃນຮົ້ວລະບຽບການ( ກົດຈະລາຈອນ)

ອອກຈາກບ້ານ                     ຢ່າຊູຂີ່ຮຽງກັນ

ລົດຈັກອັັນຕະລາຍ                ທຸກວິນາທີແທ້

ຮອດບ່ອນທາງພໍລ້ຽວ           ລະວັງຂວາ-ຊ້າຍກ່ອນ

ປອດລົດ - ປອດຄົນຄັກແນ່ແລ້ວ      ຈຶ່ງໂງລ້ຽວໃຫ້ຖືກຮອຍ

ຄວາມໄວແລ່ນຢູ່ໜີ້                      ຢ່າກາຍສີ່ຫຼືສາມສິບ

ຢ່າອັ່ງອໍຈົນທາງປິດ                     ເປີດແປນໃຫ້ໄປໄດ້

ເຫັນມາຫຼາຍໂຮງຮຽນແລ້ວ           ໃນເມືອງແສນລຳບາກ

ຍາກຄອບລົດມາກລົ້ນ                   ຄົນຜັດສໍ້ຕຶ່ມສົນ ນັ້ນແລ້ວ

ເພື່ອນໆ ພັນລາວທີ່ຮັກແພງລອງ ມີຄຳເຫັນຊ່່ວຍກັນ ກ່ຽວກັບເລື່ອງນີ້ເບິ່ງໃນມື້ໜຶ່ງ ຂ້າພະເຈົ້າບໍ່ສະບາຍ ໄດ້ໄປກວດສຸຂະພາບ ທີ່ໂຮງໝໍ ເຊິ່ງໄດ້ຖືບັດ ອົງການປະກັນສັງຄົມຂອງພະນັກງານລັດ ໄປນຳ ແຕ່ຂັ້ນຕອນໃນການກວດ ຂອງແພດແມ່ນຕາມຫຼັກການບໍ່ລິການຂອງແພດທຸກຢ່າງ ແຕ່່ສິ່ງທີ່ຂ້າພະເຈົ້າ ຂ້ອງຄາໃຈນັ້ນ ພາຍຫຼັງກວດພະຍາດແລ້ວ ຂັ້ນຕອນມາຮັບຢາ ຂ້າພະເຈົ້າໄດ້ຍື່ນໃບບິນຮັບຢາໄປບ່ອນຈ່າຍຢາ ແຕ່ຜູ້ຈ່າຍຢາຮ້ອງບອກອອມາວ່າ:  ຜູ້ມີບັດ      ອ ປ ລ ແມ່ນໃຫ້ລໍຖ້າກ່ອນ ໃຫ້ຜູ້ຈ່າຍເງິນສົດ ຮັບກ່ອນ ແຕ່ຂ້າພະເຈົ້າບໍ່ໄດ້ຖຽງ ຫຼືຕໍ່ວ່າໃດໆ ພຽງລໍຖ້າຕາມຄຳບອກຂອງແພດແລະ ຄິດວ່າອາດເປັນຫຼັກການເທົ່ານັ້ນ ແລະ ເກັບເປັນຄຳຖາມໃຫ້ກັບຕົວເອງ ວ່າແພດເວົ້າຖືກຕ້ອງບໍ່ໍ ຫຼໍ ຫຼັກການຫາກເປັນແບບນັ້ນ ຈາກນັ້ນຕໍ່ມາຂ້າພະເຈົ້າໄດ້ໄປຖາມກັບ ກົມກອງທີ່ຂ້າພະເຈົ້າຂື້ນກັບ ເພີ່ນບໍ່ວ່າ ແພດເຮັດແບບນັ້ນບໍ່ຖືກຕ້ອງ ທຳມະດາການບໍລິການຕ້ອງໄປຕາມຄິວ ຈະແມ່ນບັດ ອ  ປ  ລ ຫຼື້ ເງິນສົດ ກໍ່ ແມ່ນ ເງິນທັງນັ້ນແລະ ໃຫ້ໄປຕາມຄິວຄືກັນ ອັນນີ້ພຽງແຕ່ຢາກບອກເພື່ອນໆໄວ້ວ່່າ ຖ້າທ່ານຕົກສະພາບເຊັ່ນດຽວກັນນີ້ໃນໂອກາດຕໍ່ໄປ ໃຫ້ທ່ານຈື່ແພດຜູ້ບໍລິການ, ວັນທີ່, ເວລາ ແລ້ວໄປແຈ້ງກັບຫ້ອງການສາທາລະນະສຸກ ບ່ອນທີ່ຂື້ນກັບໂລດ ເພື່່ອຈະໄດ້ປັບປຸງການບໍລິການໃຫ້ດີຂື້ນກ່ວາເກົ່າ ເວົ້າແນວນີ້ ບໍ່ແມ່ນ ໃສ່ຮ້າຍແພດທຸກຄົນດອກ ຜູ້ດີມີຫຼາຍກ່ວາຜູ້ບໍ່ດີ

( ອ.ປ. ລ ) ອົງການປະກັນສັງຄົມແຫ່ງລັດ

ເພື່ອນໆພັນລາວທີ່ຮັກແພງ ຄົງຄິດໄດ້ແລ້ວເນາະວ່າ ປາຍາວໆທີ່ຫຼາຍທ່ານເອົາຮູບໄປຕິດບູຊານັ້ນ ບໍ່ແມ່ນປາພະຍານາກຄືຫຼາຍໆຄົນເຂົ້າໃຈ. ຄວາມຈິງແລ້ວປານີ້ບໍ່ແມ່ນປາແປກສຳລັບຊາວທະເລ ເຖິງວ່າຈະເປັນປາທີ່ຂ້ອນຂ້າງຫາຍາກແດ່ ປານີ້ມີຊື່ເປັນພາສາອັງກິດວ່າ Giant Oarfish ເຊິ່ງອາໃສຢູ່ໃນທະເລນ້ຳເລິກ ແລະ ເປັນປາຢູ່ໃນເຂດທະເລເຂດຮ້ອນ. ມັນມີຄວາມຍາວສູງສຸດປະມານ 17 ແມັດ ເຊິ່ງຖືວ່າເປັນປາທີ່ຍາວທີ່ສຸດ ທີ່ຍັງມີຊີວິດຢູ່ໃນປະຈຸບັນ ປາຊະນິດນີ້ເວລາຈະຕາຍມັນຕ້ອງເລືອຂື້ນມາຕາມຕາຝັ່ງ ໃນເວລາມັນໃກ້ຈະຕາຍ ມີຫຼາຍປະເທດທີ່ພົບ ມັນເປັນປາທີ່ຍາກແທ້ ແຕ່ບໍ່ແມ່ນສັດປະຫຼາດດອກເດີ( ຂໍອາໄພທີ່ບໍ່ໄດ້ນຳພາບມາໃຫ້ເບິ່ງ )

 ແຫຼ່ງຂ໊ມູນ Wikipedia.org

ມີນ້ຳມັນພືດບາງຢ່າງທີ່ເປັນອັນຕະລາຍ ຮ້າຍແຮງຫຼືມີໄຂມັນອີ່ມໂຕສູງ ພາສາອັງກິດເພີ່ນເອີ້ນນ້ຳມັນພືດທີ່ດີວ່າ: unsaturated fats ແລະ ນ້ຳມັນທີ່ອັນຕະລາຍເອີ້ນວ່າ: suturated fats ນ້ຳມັນພືດອັນຕະລາຍຮ້າຍແຮງອັນດັບນຶ່ງ ເຊິ່ງກິນເຂົ້າໄປແລ້ວບໍ່ໍໍ່ຍອມຍ່ອຍລະລາຍງ່າຍໆ ແມ່ນນ*ມັນໝາກພ້າວ ເຊິ່ງຖືວ່າອັນຕະລາຍກ່ວາໄຂມັນສັດເກືອບເຄິ່ງໜຶ່ງ ນ້ຳມັນຮ້າຍທີ່ກິນເຂົ້າໄປແລ້ວ ຈະປ່ຽນເປັນ ໂຄເລສເຕີຣອລ ທີ່ເປັນອັນຕະລາຍຕໍ່ຫົວໃຈ ເຮັດໃຫ້ພຸງໃຫຍ່ ແລະ ຮ່າງກາຍບໍ່ແຂງແຮງ

ນ້ຳມັນແຕ່ລະຊະນິດທີ່ມີໃນຕະຫຼາດ ມີໄຂມັນທີ່ຮ້າຍ ທີ່ຄິດເປັນເປີເຊັນ ດັ່ງນີ້:

ນ້ຳມັນໝາກພ້າວ         92 %

ເນຍແຫຼວ                    64 %

ນ້ຳມັຮສັດ                    52%

ນ້ຳມັນປາມ                  51%

ນ້ຳມັນໝູ                     41%

ນ້ຳມັນທົ່ວດິນ              18%

ນ້ຳມັນຖົ່ວເຫຼືອງ           15%

ນ້ຳມັນໝາກກອກ        14%

ນ້ຳມັນສາລີ                  13%

ນ້ຳມັນດອກຕາເວັນ      9%

ນ້ຳມັນດອກຄຳຝອຍ     9%

ນ້ຳມັນແຄໂລນາ            6%

ນ້ຳມັນໄກ່່                     1%

ສະຫຼຸບແລ້ວ ນ້ຳມັນໝາກພ້າວເປັນອັນຕະລາຍກ່ວາໝູ່ ແລະ ນ້ຳມັນໄກເປັນນ້ຳມັນທີ່ດີກ່ວາໝູ່່ ແຕ່ຫາຊື້ໄດ້ຢູ່ໃສລະ ຕະຫຼາດວຽງຈັນມີບໍ່ຕອບໃຫ້ແດ່່

( ຄັດຈາກວາລະສານອັບເດດ )

ເພື່ອນພັນລາວເຄີຍເຫັນ ແລະ ສົງໄສບໍ່ວ່າ ໃນໂມງເລີກການແລ້ວ ຕາມຮ້ານກິນດື່ມເກືອຍມີແຕ່ລົດປ້າຍສີຟ້າ ກັນທັງນັ້ນລຍນເປັນແຖວ ລ້ວນແຕ່ແມານລົດເຈົ້າລົດນາຍ ກັນທັງນັ້ນແຕ່ຕາມທີ່ຂ້ອຍຮູ້ອັນລົດປ້າຍສີຟ້ານີ້ແມ່ນລົດລັດຖະບານ ເມື່ອໃຊ້ໝົດໂມງການແລ້ວໜ້າຈະຈອດໄວ້ຫ້ອງການຫຼືບ້ານກໍ່ໄດ້ ອັນນີ້ຫັຍງພາກັນກັນໄປຂີເປືອງນ້ຳມັນເອົາເອົາວ່າ ຈັກນ້ຳມັນລັດ ຫຼືນ້ຳມັນສ່ວນຕົວ ຂ້ອຍກະບໍ່ຮູ້ ບາງເທືອວັນເສົາວັນທິດກະເອົາໄປສວນ, ໄປນາ ຮ້າຍແຮງໄປກ່ວານັ້ນ ຍັງເອົາລົດປ້າຍຟ້າໃຫ້ລູກສາວມ ລູກຊາຍໄປທ່ຽວນຳກິກອີກ ເປັນແບບນີ້ບໍ່ຄວນເລີຍ ສົງສານລັດຖະບານແດ່ ຂ້ອຍກະບໍ່ຈັກຊິໂທດໃຜ ພຽງແຕ່ເຫັນແລ້ວຂີນຕາຊື່ໆ

ບັນຫານີ້ຂ້ອຍກະຢາກເວົ້າມາດົນແລ້ວ ເລື່ອງຂອງພໍ່ແມ່ອ້າຍເອື້ອຍທີ່ເປັນແບບຢ່າງໃນທາງທີ່ບໍ່ຖືກຕ້ອງ ຕາມທຳມະດາແລ້ວ ຜູ້ປົກຄອງ ມັກສັ່ງສອນລູກ ໃຫ້ເປັນຄົນດີ ບໍ່ໃຫ້ດື່ມເຫຼົ້າ-ເບຍ, ສູບຢາແລະ ຜິດຖຽງກັນ ແຕ່ລືມໄປຊ້ຳວ່າຕົນເອງຊ້ຳເປັນຄົນສອນເລື່ອງເລົ່ານີ້ໃຫ້ແກ່ເດັກນ້ອຍ ເປັຮຕົ້ນວ່າ: ໃຊ້ໃຫ້ໄປຊື້ຢາສູບໃຫ້, ໃຊ້ໃຫ້ໄປຊື້ເຫຼົ້າ, ຊື້ເບຍ ເມື່ອກິນໄປແລ້ວບາງກໍລະນີ  ບາງຄົນຊ້ຳຜິດຖຽງກັນ, ຕີກັນຢູ່ຕໍ່ໜ້າເດັກ ແລະ ບັນຫາອື່ນໆ ທີ່ບໍ່ເປັນແບບຢ່າງໃນຄອບຄົວ ຕາມຄວາມຄິດຂອງຂ້ອຍແລ້ວ ຄິດວ່າ ບໍ່ຄ່ຍຈະຖືກຕ້ອງປານໃດກັບວິທີດັ່ງກ່າວ ເຊິ່ງມັນຈະເປັນການປູກຈິດສຳນຶກໃຫເດັກໄປສະດ້ວຍຊ້ຳ ( ອັນບາງຄົນນັ່ງກິນເຫຼົ້າແດ່ ອຸ້ມລູກແດ່ ລອງເອົາເບຍໃຫ້ລູກກິນ ເມື່ອລູກກິນກະຫົວດີໃຈ ບໍ່ຄິດຊ້ຳວ່າ ມັນຊິກະທົບຫຍັງກັບສະໝອງເດັກ )

ເພື່ອນ ໆພັນລາວມາຄິດນຳກັນເບິ່ງວ່າ ຫລວງພະບາງ ເປັນເມືອງມໍລະດົກໂລກ ເປັນແຫລ່ງວັດທະນະທຳທີ່ຍິ່ງໃຫຍ່ໃນປະເທດ ມີເທດການບຸນຕ່າງໆ ໂດຍສະເພາະ ແມ່ນ ປະເພນີ ຕັກບາດຕອນເຊົ້າ ເລີ່ມປ່ຽນແປງ ບໍ່ວ່າຈະເປັນຄົນຕັກບາດ ຫລຸດລົງ ຄົນເຖົ້າຄົນແກ່ບໍ່ຫລາຍ ຍ້ອນຂາຍ-ເຊົ່າ ເຮືອນໃຫ້ນາຍທຶນຕ່າງປະເທດ ຈຳນວນຈົວ - ຄູບາຊ້ຳເພີ່ມຂື້ນຍ້ອນບ້ານນອກເ ຂົ້າມາຮຽນຢູ່ໃນເມືອງ ແຕ່ສິ່ງທີ່ຂອຍຈະເວົ້າຄືການຕັກບາດ ຈຳນວນເຂົ້າຕົ້ມບໍ່ມີຫລາຍ ຍ້ອນຄົນມັກງ່າຍ, ບໍ່ມີເວລາ, ຖືເບົາ ເຂົາໜົມຈີນລາຄາຖືກກວ່າລາຄາເຮັດເຂົ້າຕົ້ມ ສະນັ້ນເວລາຕັກບາດສ່ວນຫລາຍຈະເຫັນແຕ່ເຂົ້າໜົມສຳເລັດຮູບ ເຫດນີ້ແຫຼະຂ້ອຍຄິດວ່າເຂົ້າຕົ້ມທີ່ເປັນຂອງຫວານພື້ນເມືອງເລີ່ມຫາຍ ຖ້າບໍ່ຊ່ວຍກັນຮັກສາໄວ້ ອີກອັນໜຶ່ງຍ້ອນຄົນຕ່າງຊາດເຂົ້າມາຫຼາຍເວລາໃສບາດ ເອົາເຂົ້າໜຽວມານ່ຽງ ຈົນຄູບາສັນບໍ່ໄດ້ ເພາະເຂົາເຈົ້າບໍ່ຮູ້ ແນວນີ້ຈະຊ່ວຍກັນແກ້ໄຂຢ່າງຈິງຈັງຈິ່ງຈະໄປລອດເດີ

ສະບາຍດີເພື່ອນພັນລາວ ຂ້ອຍຂໍຖາມແດ່ ບາງຄົນກະຊິວ່າໂງ່ ກະຍອມ ຖ້າສົມຄວນເວົ້າ ການທີ່ເຮົາຢາກມີເພືອ່ນແທ້ ເຊັ່ນວ່າເພື່ອນ ເປັນ ເພື່ອນຕາຍ- ເພື່ອນກິນ ນີ້ ເຮົາຄວນຈະທຳຕົວແນວ

ໃດແດ່ ເພາະ ຕາມສັງເກດຜ່ານມາສ່ວຍຫຼາຍມີແຕ່ເພື່ອນກິນ ເພາະເຫັນຫຼາຍຄົນກະສາມາດມີເພື່ອນແທ້ນີ້ກະຫຼາຍ ແຕ່ເຂົາເຈົ້າທຳໂຕແນນວໃດເບາະ ເພາະ ຂ້ອຍເອງກະເປັຮຄົນທີ່ບໍ່ຄ່ອຍຈະຊຸມແຊວຫຼືຕ້ອງກິນເຫຼົ້າເກັ່ງບໍ່ ບາງຄັ້ງເຮົາຄິດວ່າເອິ ຄົນນີ້ແຫຼະຄືຊິແມ່ນໝູ່ແທ້ ແຕ່ຫ່າງໆກັນອອກໄປ ຈັກຊິເຮັດໃດດີ

ເຮົາລອງມາປຶກສາຫາລືກັນເບິ່ງດູ ບາງຄົນເຫັນຜູ້ອື່ນຍ່າງມາການໜ້າ ຫຼືເຫັນບາງສິ່ງ ທີ່ເຂົາກະທຳແຕ່ຕົນເອງບໍ່ມັກຫຼືບໍ່ເຫັນດີ ກະເບະສົບເບະປາກ ລັງກຽກມັກຈົ່ງຂັວນ ທັ້ງໆທີ່ຄົນຄົນນັ້ນ

ບໍ່ໄດ້ເຮັດຫຍັງໃຫ້ ແລະ ບໍຄ່ອຍຈະຮູ່ກັນດີຊ້ຳ ແຕ່ຄົນ ຜູ້ນັ້ນເຂົາກະມີຄວາມດີບົ່ມຊ້ອນຕັ້ງຫຼາກຫຼາຍ ແຕ່ຄົນອື່ນບໍ່ຮູ້ຈັກເຂົາດີພໍ ບໍ່ໄດ່້ສຶກສາເຂົາວ່າເຂົາເປັນຄົນແບບໃດ ເພາະຄົນບາງຄົນມັນກໍ່

ມີຈຸດຈຸກບໍ່ດີຂອງໃຜລາວສະນັ້ນເມື່ອຈະຕຳນິຄົນລັບຫຼັງ ຖ້າບໍ່ໄດ້ຮູ້ເຂົາພໍຢ່າຄິດວ່າເຂົາຕຳ່ຕ້ອຍນ້ອຍວາດສະໜາ ຢ່າມອງຂ້ມເຂົາວ່າຊັ້ນ

ເຫັນຄົນທຸກ       ຢ່າເອົາໄປວິຈານ

ເຫັນແມ່ມານ       ຢ່າເອົາໄປເວົ້າ

ບາດວ່າຮອດທ່າເຈົ້າ        ຍັງຊິຮ້າຍກ່ວາເຂົາ    ຊັ້ນນາ
( ຄວາມເວົ້າຕີຕາງຄ້ອນເຈັບໃນນານຊ່ວງ    ໄດ໋ເຈົ້າ )

ຍິ້ມເຖີດນ້ອງ                                    ຢ່າຮ້ອງໄຫ້ ຍິ້ມເພື່ອຄວາມຫວັງ

ຍິ້ມເພື່ອອຸດົມການຍັງມີ                 ຝາກຄວາມຫວັງໄວ້

ນ້ອງຜິດຫວັງໃນວັນນີ້                  ຄົງມີຫວັງໃນວັນໃໝ່

ຫາກມີໃຈທ່ຽງໝັ້ນ                     ຄົງສົມແມ໊ງມິ່ງມະໂນ ນ້ອງເອີຍ

ເງິນງານ ການສຶກສາ          ຢ່າຮີບຮ້ອນໄປຫາຮັກງານຈະເສຍ

ຖ້າຂາດເງິນ  ຂາດງານ        ກໍ່ຂາດເມຍ

ງານບ່່ໍ່ເສຍ ເງິນກໍ່ມີ              ເມຍກໍ່ມາ