/* Style Definitions */table.MsoNormalTable{mso-style-name:"Table Normal";mso-tstyle-rowband-size:0;mso-tstyle-colband-size:0;mso-style-noshow:yes;mso-style-priority:99;mso-style-qformat:yes;mso-style-parent:"";mso-padding-alt:0in 5.4pt 0in 5.4pt;mso-para-margin-top:0in;mso-para-margin-right:0in;mso-para-margin-bottom:10.0pt;mso-para-margin-left:0in;line-height:115%;mso-pagination:widow-orphan;font-size:11.0pt;mso-bidi-font-size:14.0pt;font-family:"Calibri","sans-serif";mso-ascii-font-family:Calibri;mso-ascii-theme-font:minor-latin;mso-fareast-font-family:"Times New Roman";mso-fareast-theme-font:minor-fareast;mso-hansi-font-family:Calibri;mso-hansi-theme-font:minor-latin;}

.

.

ການ​ລໍຄອຍ​ເປັນ​ເລື່ອງ​ທີ່​ທໍລະມານ ​ໂດຍ​ສະ​ເພາະ​ການ​ລໍຄອຍ​ທີ່​ຈະ​ກັບ​ມາ​ພົບ​ກັນ ຫຼືລໍຄອຍ​ເຂົາໜື່ງຄົນ​ທີ່​ຈະ​ໃຊ້​ຊີວິດ​ຢູ່​ຮ່ວມ​ກັນ ​ເພາະ​​ໃນເວລາ​ແຫ່ງ​ການ​ລໍຄອຍ​ນັ້ນມັນ​ມີຫຼາຍກວ່າ 24 ຊົ່ວ​ໂມງ ຈາກ​ເວລາ​ທີ່​ນານ​ຢູ່​ແລ້ວກໍກັບນານ​ກວ່າ​ທີ່​ຫັວງ ​ແລະ ການ​ດຳ​ເນີນ​ຊີວິດ​ລະຫວ່າງ​ການ​ລໍ​ນັ້ນ ກໍ​ມີ​ຕົວ​​ແປຫຼວງຫຼາຍ ທີ່ຈະ​ເຮັດ​ໃຫ້​ຄົນ​ປ່ຽນ​ໄປ​ຢູ່​ທຸກ​ຂະນະ ​ເພາະ​ທຸກ​ຄົນ​ມີ​ພື້ນຖານ​ຄວາມ​ເຫງາ​ ​ແລະ ​ໂດດດ່ຽວຢູ່​ໃນ​ຕົວ​ເອງ ພໍ ໆກັບ​ຄວາມ​ອ່ອນ​ໄຫວ ​ເປັນ​ໂອກາດ​ທີ່​ດີ​ທີ່​ຈະ​ໃຊ້​ໄລຍະ​ທາງ​ເປັນ​ເຄື່ອງ​ວັດ​ຄວາມ​ຮູ້​ສື​ກ ພິສູດ​ຄວາມ​ແຂງ​ແຮງ​ຂອງ​ຄວາມ​ຮັກ ວັດ​ການ​ກະທຳ ຄວາມ​ສະ​ເໝີຕົ້ນ​ສະ​ເໝີປາຍ ​ແລະ ຄວາມ​ອົດທົນ ດ້ວຍ​ເງື່ອນ​ໄຂ​ຂອງ​ຄວາມ​ລຳບາກ​ແຫ່ງ​ການ​ເວລາ ​ແລະ​ຕັດ​ສີນ​ວ່າການ​ລໍຄອຍ​ຈະ​ຄຸ້ມ​ຄ່າຫຼືບໍ່

ການ​ຢູ່​ຫ່າງ​ກັນ…ຈື່ງ​ຈຳ​ເປັນ​ຕ້ອງ​ພິສູດ​ກັນ​ດ້ວຍ​ຄວາມ​ເຂັ້ມ​ແຂງ ຕ່າງ​ຄົນ​ຕ່າງກໍ​ຕ້ອງ​ຫ້າມ​ໃຈ ​ໃຫ້​ເຂັ້ມ​ແຂງ​ກັບ​ສີ່​ງຕ່າງໆທີ່​ຄອຍ​ລົບ​ກວນ ​ແລະ ຄອຍຊັກ​ຈູງ​ອອກ​ນອກ​ທາງ​ເພາະ​ມັນ​ບໍ່​ແມ່ນ​ເລື່ອງງ່າຍ ທີ່​ວັນໜື່ງ​ເຮົາ​ພົບ​ວ່າ ຄົນໆໜື່ງ ຄື​ຄົນທີ່​ຊີວິດ​ເຮົາ​ຕາມ​ຫາມາ​ຕະຫຼອດ ​ແລະ ​ເຂົາ​ຄົນ​ນັ້ນ​ຄົງ​ເປັນ​ໄດ້​ຢ່າງ​ທີ່​ເຮົາ​ຝັນ ​ແລະ​ຄົນ​ທີ່​ຈະ​ຝ່າ​ຟັນ​ກັບ​ການບີບ​ຄັ້ນ​ແຫ່ງ​ການ​ລໍຄອຍ​ກັບ​ມາ​ຫາ​ເຮົາ​ໄດ້ ກໍ​ບໍ່​​ແມ່ນ​ເລື່ອງ​ທຳ​ມະ​ດາ

….ຊີວິດ​ຈື່ງ​ຈຳ​ເປັນ​ຕ້ອງ​ລໍຄອຍ​ເຂົາ​ຄົນ​ນັ້ນ….​ໃຫ້​ໄດ້

sitpim

ຄົນດີ ຫຼື ຄົນໂງ່

ຄິດໆເບີ່ງແລ້ວ ຄົນດີ ກັບ ຄົນໂງ່ມີຄວາມໝາຍໃກ້ຄຽງກັນ

ແຕ່ມັນຈະຖືກຕີຄວາມໝາຍໃນດ້ານໃດກໍເທົ່ານັ້ນ

ຄົນດີ...

ເປັນຄົນທີ່ດີໃນທຸກໆດ້ານ ບໍ່ວ່າໃນດ້ານຄວາມຮູ້ສືກ ທີ່ເອີ້ນວ່າ ຮັກ

ດີ ຍອມຮັບໃນທຸກໆ ສີ່ງທີ່ຄົນຮັກເປັນ

ຍອມເບີ່ງຂ້າມຂໍ້ເສຍໄປ ນີ້ຄືນິໃສພຽງບາງສ່ວນຂອງຄົນດີ

ຄົນໂງ່...

ອາດເປັນໄດ້ທັງຄົນດີ ແລະ ຄົນ ຊົ່ວ

ແຕ່ຄວາມໂງ່ຈະປະກົດກໍ່ຕໍ່ເມື່ອ

ມີເຫດການໃດໜື່ງມາແຕະຕ້ອງໃຈ ເພື່ອບອກວ່າ

ຄົນໂງ່ບາງຄົນຍອມໃຫ້ຄົນຮັກ ຄິດວ່າຕົວເອງເປັນຄົນໂງ່

ບາງຄົນຖືກຄິດວ່າເປັນຄົນໂງ່ເພາະ

ຄວາມເຊື່ອໃຈຫຼາຍເກີນໄປ ໝັ້ນໃຈໃນຄົນຮັກຫຼາຍເກີນໄປ

ແຕ່ມັນກັບບໍ່ຜິດທີ່ຈະເຊື່ອໃຈ

ແລະ ເຊື່ອໃຈໃນຄົນທ່ີຕົນຮັກຫຼາຍທີ່ສຸດ

ຂື້ນຢູ່ກັບຄົນທີ່ເຮົາຮັກຫຼາຍກວ່າວ່າ

ເຂົາຊື່ສັດຕໍ່ຄວາມຮັກຂອງເຮົາຫຼາຍພຽງໃດ

ຫາກເຂົາບໍ່ຊື່ສັດກັບຄວາມຮັກ ທີ່ເຮົາໃຫ້ໄປ

ເອົາຄວາມຮັກຂອງເຮົາໄປເປັນເກມ

ເອົາໄປເປັນສີ່ງທົດແທນຈາກໃຜອີກຄົນ

ເມື່ອນັ້ນ ຄົນດີ ຈະກາຍເປັນຄົນໂງ່ໃນທັນທີ

ໂງ່ທີ່ບໍ່ເຄີຍຮັບຮູ້ວ່າຄວາມຮູ້ສືກ

ກຳລັງຖືກທຳລາຍດ້ວຍຝີມືຂອງຄົນທີ່ເຮົາຮັກຫຼາຍທີ່ສຸດ

ຊ່ວງທີ່ຮູ້ວ່າຕົວເອງ ຄື ຄົນດີ ກັບ ຄົນໂງ່

ມັນຄົງຈະເປັນຊ່ວງທີ່ ເບີ່ງເຫັນບາງຢ່າງໄດ້ຊັດເຈນຂື້ນ

ຍອມເປິດຕາ ແລະ ຟັງຄວາມເຫັນຈາກຄົນຮອບ ໆຕົວ

ແລະ ຈະຮູ້ໄດ້ວ່າ

"ຄວາມໂງ່ ມັນຄົງບໍ່ຕ່າງຫຍັງຈາກ ຄວາມດີ"

                             ຄົນດີ--ຄວນຍົກຍ້ອງ ຄວນນັບຖື ເພາະມີຈິດໃຈທີ່ດີງາມ

                             ຄົນໂງ່--ຄວນຍົກຍ້ອງ ຄວນນັບຖື ເພາະຍອມໃຫ້ຄົນຮັກ ເອີ້ນວ່າ ຄົນໂງ່

                             pimsit: ມັນບໍ່ຕ່າງກັນ