ຫຼາຍທ່ານຄົງຈະຮູ້ດີແລ້ວວ່າ: ປະເທດຍີ່ປຸ່ນ ເປັນຊົນຊາດທີ່ມີອາຍຸຍືນຍາວຫຼາຍທີ່ສຸດໃນໂລກ ຊຶ່ງນີ້ຖືເປັນການຄອງສະຕິຖິມາຫຼາຍກວ່າ 20 ປີ ໂດຍມີອາຍຸສະເລ່ຍເກີນ 100 ປີ ຫຼາຍກວ່າ 20,000 ຄົນ ແລະເມື່ອແຍກຍ່ອຍລົງໄປໃນລາຍລະອຽດຕ່າງໆ ຈະເຫັນວ່າສຸຂະພາບຮ່າງກາຍ ຂອງຄົນຍີ່ປຸ່ນ ມີຄໍເລສເຕີຣອລຕ່ຳ ບໍ່ຄ່ອຍຈະເປັນໂລກອ້ວນກັບໂລກຫົວໃຈ

ຍ້ອນເຫດນີ້ເອງ, ຈຶ່ງເຮັດໃຫ້ຫຼາຍໆຄົນທີ່ຍາກຮູ້ຄວາມລັບວ່າ: ເປັນຫຍັງ "ຄົນຍີ່ປຸ່ນຈຶ່ງມີສຸຂະພາບທີ່ດີໄດ້ ລວມທັງຜູ້ຊ່ຽວຊານເລື່ອງ ອາຫານຍີ່ປຸ່ນ ຄົນອັງກິດຜູ້ໜື່ງ ໄດ້ມີການເຮັດສຳຫຼວດຂໍ້ມູນກ່ຽວກັບອາຍຸໄຂໃນຂອບເຂດຕ່າງໆ ທົ່ວໂລກ ເພື່ອປຽບທຽບວິເຄາະຫາເຫດຜົນ ແລະ ປັດໄຈອັນກ່ຽວກັບອາຍຸໄຂທີ່ຍືນຍາວຂອງຄົນຍີ່ປຸ່ນ"

* ດ້ວຍເຫດໃດຄົນຍີ່ປຸ່ນຈຶ່ງມີຄໍເລສເຕີຣອລຕ່ຳ?
* ດ້ວຍເຫດໃດຄົນຍີ່ປຸ່ນຈຶ່ງມີອັດຕາການຕາຍດ້ວຍໂລກຫົວໃຈຕ່ຳ?
* ແລະ ດ້ວຍເຫດໃດສຸຂະພາບຂອງຄົນຍີ່ປຸ່ນຈຶ່ງເປັນແບບນີ້ໄດ້?

ດັ່ງນັ້ນ, ຄວາມລັບຈຶ່ງໄດ້ເປີດເຜີຍ ທີ່ກ່ຽວເນື່ອງດ້ວຍ: ອາຫານຍີ່ປຸ່ນ ຄືຕົວຊ່ວຍເສີມສ້າງສຸຂະພາບຂອງຄົນຍີ່ປຸ່ນບໍ່ໃຫ້ມີບັນຫາຈາກໂລກໄພ ທີ່ກ່າວມາໄດ້ນັ້ນ ທັງໝົດ ແມ່ນມາຈາກ ອາຫານ ເຊັ່ນ: ປາດິບ, ຊຸບມິໂຊະ, ເຕົ້າຮູ້, ສາຫຼ່າຍຄອມບຸ (ຈາກນ້ຳອຸ່ນ), ສາຫຼ່າຍໂນຣິ (ຈາກນ້ຳເຢັນ) ເປັນຕົ້ນ, ສິ່ງເຫຼົ່ານີ້ລ້ວມແຕ່ເປັນອາຫານທີ່ມີຄໍເລສເຕີຣອລຕ່ຳ ປາດສະຈາກໄຂມັນອິ່ມຕົວ, ມີໄອໂອດີນ ແລະ ແຮ່ທາດສູງ ອີກທັງຍັງມີອະນຸມູນນ້ອຍໆ ທີ່ຊ່ວຍເສີມສ້າງສຸຂະພາບໃຫ້ດີ ແລະ ຊ່ວຍເຮັດໃຫ້ອາຫານມີຣົດຊາດແຊບຍິ່ງຂື້ນອີກດ້ວຍ

ແລະ ເມື່ອມີການເຈາະຈົງຂໍ້ມູນລຶກລົງໄປໃນພື້ນທີ່ຂອງປະເທດຍີ່ປຸ່ນ ຍັງມີສິ່ງທີ່ເປັນຕາໜ້າສົນໃຈນັ້ນຄື: ຄົນຍີ່ປຸ່ນທີ່ອາໄສຢູ່ເທິງເກາະ ໂອກິນາວາ ມີອັດຕາການເສຍຊີວິດຈາກພາວະຫົວໃຈວາຍກະທັນຫັນ ໂລກມະເຮັງ ແລະ ໂລກຫົວໃຈ ໜ້ອຍກວ່າ, ສ່ວນອື່ນໆໃນພື້ນທີ່ຂອງ ປະເທດຍີ່ປຸ່ນ ແລະ ປະເທດອື່ນໆ ທົ່ວໂລກ

ຍ້ອນວ່າ, ຊາວໂອກິນາວາ ມີການບໍລິໂພກນ້ຳຕານໃນປະລິມານ ພຽງ 25%, ເກືອ 20% ແລະ ຮັບປະທານຜັກເປັນ 3 ເທົ່າ, ຮັບປະທານປາຫຼາຍກວ່າເປັນ 2 ເທົ່າ, ໂດຍສະເພາະປາທະເລນ້ຳລຶກ ຊຶ່ງມີໂອເມກ້າ 3 ທີ່ສຳຄັນຕໍ່ໂຄງສ້າງການທຳງານຂອງສະໝອງ ເພື່ອເສີມສ້າງລະບົບປະສາດ ຊ່ວຍລົດລະດັບຄໍເລສເຕີຣອລ ແລະ ໄຕຣເອຊິລກລີເຊີຣອລໃນພລາສມາ ຄວບຄຸມລະດັບໄລໂປໂປຣຕີນ ແລະ ມີຜົນຕໍ່ການປ່ຽນແປງໜ້າອົງປະກອບຂອງເກັດເລືອດ ທີ່ຊ່ວຍລົດຄວາມສ່ຽງຂອງໂລກທາງເດີນຫາຍໃຈ ໂລກໄຂມັນໃນເສັ້ນເລືອດ ແລະ ໂລກຫົວໃຈ ແລະ ທັງຍັງຊ່ວຍປ້ອງກັນໂລກອັລໄຊເມີ (ໂລກຄວາມຈຳເຊື່ອມ) ໂລກຫົວໃຈ ທີ່ຊ່ວຍສະລໍເຊລມະເຮັງ ແລະ ໂລກໄຂຂໍ້ອັກເສບ ໄດ້ອີກດ້ວຍ.

ອາຫານທະເລ ຈຶ່ງປຽບເໝືອນເປັນຢາອາຍຸວັດທະນະ ຫຼື ອາຫານວັກຊີກ ທີ່ຊ່ວຍປ້ອງກັນໂລກຮ້າຍຕ່າງທ ຊຶ່ງເຮັດໃຫ້ຊາວໂອກິນາວາ ມີສຸຂະພາບທີ່ສົມບູນແຂງແຮງ.

ໂຫວດເລີຍ! ເບິ່ງຜົນໂຫວດ

« ຕົວເລືອກສຳລັບແບບສຳຫຼວດ