ແມວນ້ອຍໆ................ເສົ້າລະທົມ...........ຂົມຂື່ນຈິດ

ເມື່ອຊີວິດ....................ເກີດມາເປັນ..........ລູກກຳພ້າ

ນອນເຫງົາຫງອຍ.......ແສນເສົ້າສ້ອຍ.......ປວດອຸລາ

ວາດສະໜາ................ໂຕແມວນ້ອຍ........ແສນເສົ້າຈິງ

ທຸກສິ່ງຢ່າງ................ອານິຈັງ................ເທິງໂລກນີ້

ມັນບໍ່ມີ......................ທຸກສິ່ງທີ່..............ແນ່ນອນໄດ້

ແມ່ນແຕ່ແມ່...............ໃຫ້ເກີດແກ່...........ກາຍແລະໃຈ

ຍັງປະໄດ້...................ປ່ອຍລູກໄວ້..........ຢູ່ລຳພັງ

ອານິຈັງ....................ນັ່ງແລະນອນ.........ກໍ່ວອນຮ້ອງ

ສຽງດັງກ້ອງ............ວ່າແມວແມວ...........ຮ້ອງໂຫຍຫາ

ປານໃດໜໍ................ແມ່ຂອງລູກ............ຈະກັບມາ

ຫຼືວ່າແມ່..................ຈາກໄລລາ..............ໂລກແລ້ວເອີຍ

ແມ່ເອີຍແມ່.............ແມ່ຮູ້ບໍ...................ວ່າລູກໜາວ

ລູກຫິວເຂົ້າ.............ລູກຫິວນົມ............ລະທົມຮ້ອງ

ອ້ອມອົກແມ່...........ແມ່ເທົ່ານັ້ນ.............ລູກໝາຍປອງ

ລູກເຝົ້າຄອງ..........ລູກເຝົ້າຄອຍ............ເສົ້າສ້ອຍໃຈ .....

ໂດຍ ວວ