ໄດອາຣີ່ຂອງ ວວ ວັນວານ: ຊອກຫາພັນລະເມຍ

ຂຽນເມື່ອ: ກ.ຍ.. 11, 2008 | ມີ 4 ຄຳເຫັນ ແລະ 0 trackback(s)

ທ້າວ ສອນ ອາຍຸ 38 ປີແລ້ວແຕ່ລາວຍັງເປັນໂສດຢູ່, ມື້ໜຶ່ງລາວໄດ້ພົບກັບເພື່ອນເກົ່າຊື່ວ່າທ້າວ ແສງ

ສອນ: " ອ່າວແສງ ບໍ່ໄດ້ພົບກັນດົນແລ້ວ ເປັນຈັ່ງໃດໂຕສະບາຍດີບໍ? "

ແສງ: " ສະບາຍດີຢູ່ ໂຕເດເປັນຈັ່ງໃດໂຕເອົາເມຍລະເບາະເຮີ່ຍ ? "

ສອນ: " ຍັງບໍ່ທັນເອົາສ່ຽວເອີຍ "

ແສງ: " ອ່າວເປັນຫຍັງໂຕຍັງບໍ່ເອົາເມຍປານນີ້? ຫຼືວ່າໂຕຍັງບໍ່ພົບຜູ້ຍິງທີ່ຈະມາເປັນເມຍທີ່ດີຂອງໂຕບໍ? "

ສອນ: " ຄວາມຈິງແລ້ວ ເຮົາກະຄົບກັບຜູ້ຍິງຫຼາຍຄົນລະເຮົາກະຢາກເອົາເຂົາເຈົ້າ, ແຕ່ເມື່ອເຮົາພາເຂົາເຈົ້າໄປພົບພໍ່ກັບແມ່, ແມ່ເຮົາພັດບໍ່ມັກພວກເຂົາ."

ແສງຄິດຢູ່ບຶດໜຶ່ງແລ້ວເວົ້າວ່າ: " ອື..!! ເຮົາມີວິທີແກ້ໄຂທີ່ດີສ່ຽວ, ໂຕຕ້ອງຊອກເອົາຜູ້ຍິງທີ່ຄືກັບແມ່ຂອງໂຕ "

ສອງສາມເດືອນຕໍ່ມາແສງ ແລະ ສອນ ພົບກັນອີກເທື່ອໜຶ່ງ ແສງຖາມສອນວ່າ: " ເຮີ່ຍ ແສງ ໂຕພົບຜູ້ຍິງຄົນນັ້ນແລ້ວບໍ? ແລ້ວແມ່ຂອງໂຕກະມັກລາວຢູ່ບໍສ່ຽວ? "

ສອນເຮັດໜ້າຫຍຸ້ງແລ້ວຕອບວ່າ " ເອີ ! ! ! ເຮົາພົບແລ້ວຜູ້ຍິງຄົນນັ້ນຫັ້ນນະ , ລາວຄ້າຍຄືແມ່ຂອງເຮົາທີ່ສຸດ. ໂຕຮູ້ບໍ! ແມ່ຂອງເຮົາມັກລາວທີ່ສຸດເລີຍ."

ແສງ " ແລ້ວໂຕໄດ້ເອົາລາວບໍລະ? "

ສອນ "ບໍ່ "

ແສງ " ເປັນຫຍັງ ? ມີບັນຫາຫຍັງອີກລະສ່ຽວ "

ສອນ " ພໍ່ຂອງເຮົາບໍ່ມັກລາວ "

alt

ເອິກໆໆໆໆໆໆໆໆໆ ........

ກັບໄປໄດອາຣີ່ຂອງ ວວ ວັນວານ

ແຈ້ງເນື້ອຫາບໍ່ເໝາະສົມ

ຄຳເຫັນ (4)

ວວ ວັນວານ

ເບິ່ງທັງໝົດ

ອ່ານຄືນຫຼັງ

2014 (1)
2011 (1)
2010 (9)
2009 (32)
2008 (42)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.