ຈາກນັ້ນກໍ່ກຽມໂຕ ແລ້ວຂີ່ລົດໄປເອົາຢູ່ South Center Mall ຕອນໄປລົດຕິດ ເລີຍໃຊ້ເວລາກວ່າ 2 ຊົ່ວໂມງຈຶ່ງຮອດຈຸດໝາຍ
ທີ່ຮ້ານ AT&T Store ແລ້ວໄດ້ເບິ່ງຂໍ້ມູນກວ່າຊິໄດ້ iPhone 3G ອອກຈາກຮ້ານໄດ້ບໍ່ແມ່ນງ່າຍ ໃຊ້ເວລາໄປກວ່າ 30mn
ພໍດີໄດ້ຕອນປະມານ 17:00pm.

ເຂົ້າໄປໃນຮ້ານກໍ່ຍື່ນ bill ໃຫ້ພະນັກງານ ຈາກນັ້ນກໍ່ຖ້າດົນໜ້ອຍໜຶ່ງ ແລ້ວກໍ່ກວດນັ້ນກວດນີ້ ກວດເອົາແທ້ເອົາວ່າກ່ຽວກັບເລື່ອງ
ເຊັນສັນຍາ ກັບ AT&T ເຮົາບໍ່ໄດ້ ເຊັນເອງເພາະ ມີຄົນຮູ້ຈັກໃຊ້ສິດ ຊື້ໃຫ້ ແລະ ລາວຕ້ອງໄດ້ເຊັນສັນຍາແທນ.

ເບິ່ງຮູບພ້ອມກັບຄຳອະທິບາຍໄດ້ທາງລຸ່ມ...

ສັງເກດເບິ່ງກ່ອງ iPhone 3G ສັນຊາດ ອາເມຣິກາ ຊຸດນີ້ແມ່ນມັນນ້ອຍລົງ ແລະ ບາງເຂົ້າ ບໍ່ຄືກັບກ່ອງຂອງ iPhone Classic
ທີ່ມັນມີຄວາມໃຫຍ່ເທົ່າກັບ ຂະໜາດກ່ອງຂອງ iPhone 3G ສັນຊາດຂອງ Hongkong ຍ້ອນ Adapter ສາກໄຟຂອງມັນຕ່າງເຂດກັນ.

ກຳລັງຊິເປີດກ່ອງ...ອິອິ

ເປີດອອກມາແລ້ວເອົາ SIM AT&T ອອກ ແລ້ວເອົາ SIM AT&T ເກົ່າໃສ່ເຂົ້າໄປມັນກະ No Service - -"

ເບິ່ງໃກ້ໆຕອນເອົາ SIM AT&T ທີ່ບໍ່ໄດ້ Active ໃສ່ ມັນເຂົ້າໄປໃຊ້ໄດ້ ແຕ່ໂທບໍ່ໄດ້

ດ້ານຫຼັງເປັນສີດຳ ຂຶມດີກວ່າ ສີຂາວ ...ເພາະເຮົາເອົາສີດຳກໍ່ຕ້ອງຍ້ອງຂອງໂຕເອງແດ່ລະເນາະ 555+

ຢູ່ໃນມືອັນນຸ້ມນວນດ້ານໜ້າ....ອິອິ
ຈາກການສັງເກດ ເອົາແຜ່ນຕິດໜ້າຈໍ ຂອງ iPhone Classic ໂຕເກົ່າທີ່ເຫຼືອມາຕິດ ຮູ້ສຶກວ່າ ໜ້າຈໍບ່ອນຂອບສີດຳມັນຢາກກວ້າງອອກມາ
ໜ້ອຍໜຶ່ງເຮັດໃຫ້ ແຜ່ນຕິດຈໍຂອງ iPhone Classic ເກົ່າເອົາມາຕິດແລ້ວມັນນ້ອຍລົງໄປ - -"ແຕ່ຈໍມັນແມ່ນຂະໜາດເທົ່າເກົ່າເດີ້...ຂອບດຳໆຂ້າງຈໍມັນຢາກກວ້າງອອກຊື່ໆ (ແຕ່ທີ່ສັງເກດ)

ອັນນີ້ດ້ານຫຼັງສີດຳ ສະທ້ອນເປັນ plastic ຄ້າຍໆກັບວັດສະດຸຂອງ Macbook ທີ່ເປັນ Plastic ທີ່ຂາຍຢູ່ໃນປັດຈຸບັນນີ້ ແຕ່ສີດຳ
ມັນກໍ່ເຮັດໃຫ້ເປັນຮອຍນິ້ວມືໄດ້ງ່າຍ ຈັບໜ້ອຍດຽວກະເຕັມບໍ່ຄືສີຂາວທີ່ ເບິ່ງບໍ່ຢາກອອກ.

ທາງຫົວ iPhone 3G ແຕ່ງຈາກ iPhone Classic ບ່ອນສຽບຫູຟັງແມ່ນຈະຍ້າຍຂຶ້ນມາໃຫ້ສາມາດເອົາ Aux Jack ຫູຟັງທົ່ວໄປມາສຽບໃສ່ໄດ້
ເພາະໂຕເກົ່າຕ້ອງໄດ້ໃຊ້ Aux Jack Port ພິເສດມາສຽບໃສ່ກ່ອນຈຶ່ງເອົາຫູຟັງທົ່ວໄປມາໃຊ້ນຳກັນໄດ້ ແລະ ມັນຍັງປ່ຽນເປັນຂອບໂລຫະອີກ.

ມາເບິ່ງທາງກ້ອງ iPhone 3G ເຊິ່ງເປັນຈຸດຮືຮາທີ່ສຸດ ເພາະຜະລິດຕະພັນໃນດ້ານການອອກແບບຂອງ Apple Inc. ແມ່ນມີຄວາມລະອຽດທີ່ສຸດ
ແຕ່ iPhone 3G ມັນພັດວ່າມີນ໊ອດ 2 ຈຸດໂຜ່ອອກມາໃຫ້ເຫັນ ບາງຄົນສົງໄສວ່າເອົາໄວ້ປ່ຽນ bettery ແຕ່ເມື່ອມີຄົນແກະອອກມາເບິ່ງແລ້ວມັນບໍ່ມີຫຍັງ. ຈຸດລຳໂພງກໍ່ປ່ຽນຮູບຮ່າງເຊັ່ນດຽວກັນ
ສະນັ້ນ ຈຶ່ງມີສຽງການຖົກຖຽງກັບຫລາຍວ່າ Apple ຕ້ອງການຫຍັງແທ້ ກັບ desgin ຜະລິດຕະພັນ Apple iPhone 3G ຊຸດນີ້

ບ່ອນປຸ່ມປິດສຽງໃຫ້ສັ່ນ ແລະ ປຸ່ມຄວບຄຸມສຽງ ກໍ່ປ່ຽນເປັນໂລຫະເຊັ່ນກັນ
ຮູ້ສຶກວ່າລະບົບການສັ່ນມັນ ຢາກຄ່ອຍກວ່າ iPhone Classic (ຫຼືວ່າຄິດໄປເອງ - -")

ອຸປະກອນທາງໃນກ່ອງມີ ເຫຼັກປົດ SIM ອອກ, ສາຍ dock USB ໃຊ້ connect ກັບ Adapter ແລະ head phone ແຕ່ຊຸດນີ້ Apple ບໍ່ແຖມ Dock ທີ່ໃຊ້ຕັ້ງເທິງໂຕະໃຫ້
ແລະ ຍັງບໍ່ສາມາດໃຊ້ກັບ Dock iPhone Classic ເກົ່າໄດ້ ສົງໄສ Apple ເລີ່ມງົກລະ ເລີ່ມມາຕັ້ງແຕ່ Macbook Pro ທີ່ update ເມື່ອຕົ້ນປີ 2008 ມາກໍ່ບໍ່ແຖມ Remote ມາໃຫ້ ທັ້ງໆທີ່ແຕ່ລະຮຸ້ນມີໝົດ - -"

ໃນກ່ອງຄູ່ມືສີດຳທາງໃນມີ ເຈ້ຍວິທີໃຊ້, ສຕິກເກີ້ Apple 2 ໜ່ວຍ ແລະ ຜ້າເຊັດໜ້າຈໍ 1 ຜືນ.

ມາເບິ່ງພາສາລາວທີ່ມາພ້ອມກັບ Firmware 2.0 ແມ່ນແຕກກະຈາຍ 5555+

ລາຍລະອຽດກ່ຽວກັບຄ່າໃຊ້ຈ່າຍທັງໝົດແມ່ນ:
iPhone 3g Black 16 GB: $299 + Tax 9.00% ($26.91) = $325.91
__________
Rate Plan: $9.99 FAMTALK NATION 700 ROLL UNL M2M/UNL N&W
Rate Plan Charge: $60.00
__________
ລວມ Plan ເປັນ $69.99 (ຈ່າຍຄ່າລາຍເດືອນ)
==========

New Plan (ເປີດເບີໃໝ່) : ປະມານ $165 ຫຼື $175 (ບໍ່ຈື່ຄັກ)
Active=$36 activation fee ສຳລັບຄົນເປີດ single line ໃໝ່
Term of Service: 24 months
Anytime/Daytime Minutes: 700
Night/Weekend Minutes: Unlimited
Mobile to Mobile Minutes: Unlimited (ໂທຫາເຄື່ອຄ່າຍດຽວກັນບໍ່ເສຍເງິນ)
ບໍ່ຮູ້ວ່າຄ່າ AT&T ໄດ້ໄລ່ TAX ເຂົ້າບໍ່ ຖ້າໄລ່ກະລອງ +9.00% ໃສ່ເບິ່ງ
ລວມລາຄາປະມານ $596.9 ຫຼື $606.9 ອັນນີ້ຍັງໄລ່ສະເພາະ ສິ່ງທີ່ໄລ່ໄດ້ທົ່ວໄປຊື່ໆ ແຕ່ມັນຍັງຕ້ອງໄດ້ເສຍຄ່າຫຍັງຕໍ່ຄ່າຫຍັງອີກເລີຍເອົາເງິນໃຫ້ຄົນຊື້ໃຫ້ $800 - -" (ໂຄດເສຍດາຍ ຊ່ຳກັບ Laptop ໃໝ່).

ຈາກ Ekmafia.com