ຫຼາຍທ່ານຄົງລຶ້ງເຄີຍກັບການເປີດແອທັນທີທີ່ຂຶ້ນລົດ ​ເພື່ອບັນເທົາຄວາມຮ້ອນ ແລະ ສ້າງບັນຍາກາດ​ໃຫ້ເຢັນສະບາຍ, ​ແຕ່ເຊື່ອບໍ່ວ່ານັ້ນເປັນວິທີທີ່ທຳລາຍສຸຂະພາບຕົວເອງ ໂດຍສະເພາະຢ່າງຍິ່ງ​ເມື່ອເວລາທີ່ທ່ານຈອດລົດຕາກແດດໄວ້. ທາງທີ່ດີຄວນເປີດແວ່ນ ຫຼັງຈາກຂຶ້ນລົດເພື່ອລະບາຍຄວາມຮ້ອນ ແລະ ຢ່າເປີດແອທັນທີ, ຈາກຜົນການວິໄຈ ແຜງ​ຄວບຄຸມການເດີນເຄື່ອງຂອງຈັກລົດ(Console), ເບາະນັ່ງ ແລະ ນ້ຳຫອມປັບອາກາດຈະສ້າງສານເບັນຊິນ ທີ່ເປັນສານກໍ່ມະເຮັງຂຶ້ນ. ນອກຈາກ​ເປັນສາເຫດໃຫ້ເປັນມະເຮັງ​ແລ້ວ ສານດັ່ງກ່າວຍັງເປັນພິດຕໍ່ກະດູກ ເຮັດໃຫ້ເກີດໂຣກເລືອດຈາງ ແລະ ຫຼຸດຈຳນວນເມັດເລືອດຂາວ ເຊິ່ງໃນໄລຍະຍາວອາດເຮັດໃຫ້ເປັນມະເລັງເມັດເລືອດຂາວ (Leukaemia) ແລະ ອາດເປັນອັນຕະລາຍຕໍ່ລູກໃນທ້ອງ​ຂອງແມ່ໄດ້. ລະດັບຂອງສານເບັນຊິນ​ທີ່ຍອມຮັບໄດ້​ໃນອາຄານ​ຫຼື​ໃນລົດ​ແມ່ນ 50 mg/ft2, ​ແຕ່​ລະດັບຂອງສານເບັນຊິນ ໃນລົດ​ທີ່ຈອດຢູ່ໃນບ່ອນຮົ່ມ​ມີຄ່າ​ຢູ່ 400 – 800 mg. ຫາກ​ລົດ​ຈອດຢູ່ກາງແຈ້ງ​ທີ່ມີອຸນຫະພູມສູງ​ເກີນກວ່າ 15.5˚c ລະດັບຂອງສານເບັນຊິນຈະສູງເຖິງ 2,000 – 4,000 mg ນັ້ນກໍ່ມາຍເຖິງສູງກວ່າລະດັບທີ່ຍອມຮັບໄດ້ເຖິງ 40 ເທົ່າ, ເຊິ່ງຄົນທີ່ຢູ່ໃນລົດ ຫາຍໃຈເອົາສານພິດ ທີ່ສູງເກີນມາດຕະຖານດັ່ງກ່າວເຂົ້າໄປຢ່າງຫຼີກລ່ຽງບໍ່ໄດ້. ສະນັ້ນ, ຄວນເປີດປະຕູ ແລະ ແວ່ນລົດໄວ້ຈັກໄລຍະໜຶ່ງເພື່ອໃຫ້ອາກາດຢູ່ໃນລົດອອກມາກ່ອນຈະເຂົ້າໄປນັ່ງ.

  ມີ​ຜູ້​ຄົນ​ຫຼາຍຄົນ ທັງ​ຄົນ​ທີ່​ຫົວ​ໃຈ​ອ່ອນ​ແອ​ແລະ​ຄົນ​ທີ່​ມີ​ຫົວ​ໃຈ​ເຂັ້ມ​ແຂງ ​ເຊ​ິ່ງ​ໃນ​ຊີ​ວິດ​ປະສົບ​ພົບ​ພໍ້ຄວາ​ມທຸກ​ຫຼວງຫຼາຍ ​ແຕ່​ສາມາດ​ປະ​ເຊິ​ນ​ເຫດການ​ທີ່​ຮ້າຍ​ແຮງ​ທີ່​ສຸດ​ໃນ​ຊີ​ວິດ​ໄດ້​ດ້ວຍ​ການ​ ມີ​ສະຕິ​ປັນຍາ ​ແລ້ວ​ເວລາ​ຈະ​ເຮັດ​ໃຫ້​ເຫດການ​ຮ້າຍໆ ນີ້ຜ່ານ​ໄປ​ເອງ.

      ຄົນ​ທີ່​ຜ່ານ​ຈຸດ​ນີ້ຖື​ວ່າ​ເປັນ​ຜູ້​ອົດ​ທົນ​ມີ​ຫົວ​ໃຈ​ເຂັ້ມ​ແຂງ, ສ່ວນ​ຄົນ​ອ່ອນ​ແອກໍຈະ​ກົງ​ກັນ​ຂ້າມ ​ເກີດ​ເຫດການ​ອັນ​ໃດ​ກໍ​ຮູ້​ສຶກວ່າ​ສູ້​ບໍ່​​ໄດ້​ຮູ້​ສຶກວ່າ​ຕົນ​ເອງ​ເປັນ​ ຄົນ​ບໍ່​ມີຄ່າ​ສະ​ເໝີ ​ເຊິ່ງມື້ນີ້​ເຮົາ​ມາ​ເບິ່ງ​ນຳ​ກັນ​ວ່າ​ຄົນ​ທີ່​ມິ​ຫົວ​ໃຈ​ເຂັ້ມ​ແຂງ​ຈະ​ມີ​ ລັກສະນະ​ໃດ​ແດ່.

1. ບໍ່​ຮູ້​ຈັກ​ຈົ່ມຫຼື​ໂອຍ​ຄາງ

       ຄົນ​ຫົວ​ໃຈ​ເຂັ້ມ​ແຂງ​ຈະ​ມີ​ລັກສະນະ​ທໍລະ​ຫົດ​ອົດ​ທົນ. ອົດ​ທົນ​ຕໍ່​ການ​ເຮັດ​ວຽກ​ທີ່​ຍາກ​ລຳບາກ, ອົດ​ທົນ​ຕໍ່ວິ​ຖີຊີ​ວິດ​ທີ່​ຫຍຸ້ງ​ຍາກ, ຄວາມ​ອົດ​ທົນ​ເປັນ​ກ້າວ​ທຳ​ອິດ​ຂອງ​ຄົນ​ທີ່​ມີ​ຫົວ​ໃຈ​ເຂັ້ມ​ແຂງ.

2. ບໍ່ຕ້ອງການ​ຊາບ​ວ່າ ຄົນ​ອື່ນຈະ​ຄິດ​ເຫັນ​ວ່າ​ເປັນ​ແນວ​ໃດ

      ຄົນ​ຫົວ​ໃຈ​ເຂັ້ມ​ແຂງ​ຈະ​ບໍ່​ສົນ​ໃຈ​ຕໍ່​ຄຳ​ວິພາກ​ວິຈານ ບໍ່​ສົນ​ໃຈ​ຕໍ່​ຄວາມ​ຮູ້​ສຶກຂອງ​ຜູ້​ອື່ນ ບໍ່​ເປັນ​ຄົນ​ຫູ​ເບົາ​ສິ່ງ​ໃດ​ທີ່​ເຂົາ​ເຫັນ​ວ່າ​ຖືກ​ຕ້ອງ​ຄິດ​ວ່າ​ເປັນ​ ສິ່ງ​ທີ່​ດີ​ແລ້ວ ​ເຂົາ​ຈະ​ກ້າ​ລົງ​ມື​ເຮັດ​ແລະ​ຟັນ​ຝ່າ​ອຸປະສັກ ​ເຮັດ​ໄປ​ຈົນ​ສຳ​ເລັດ.

3. ບໍ່​ບອກ​ຄວາມ​ລັບ​ຂອງ​ຕົນ​ໃຫ້​ແກ່​ໃຜ ​ແລະ​ບໍ່​ຕ້ອງການ​ຮູ້​ຄວາມ​ລັບ​ຂອງ​ຜູ້​ອື່ນ

​     ເປັນ​ສິ່ງ​ທີ່​ແປກ​ຢູ່​ຄື​ກັນ ຖ້າ​ໃຜ​ຮູ້​ຄວາມ​ລັບ​ຂອງ​ໃຜ​ແລ້ວ​ມັກ​ຈະ​ບໍ່​ສາມາດ​ປົກ​ປິດ​ໄວ້​ໄດ້ ຢາ​ກ​ເລ​ົ່າ​ໃຫ້​ຜູ້​ອື່ນຟັງ. ສະນັ້ນ, ການ​ເຝິກ​ຝົນ​ເອງ​ໃຫ້​ເປັນ​ຄົນ​ມີ​ຫົວ​ໃຈ​ເຂັ້ມ​ແຂງຈະ​ຕ້ອງ​ເຝິກ​ຫັດ​ເກັບ​ ຄວາມ​ລັບ​ໃຫ້​ໄດ້​ສາ​ກ່ອນ. ນອກ​ຈາກ​ນີ້ ຈະ​ຕ້ອງ​ບໍ່​ສອດ​ສ່ອງາຍ​ຕາ​ຢາກ​ຮູ້​ຢາກ​ເຫັນ​ຄວາມ​ລັບ​ຂອງ​ຜູ້​ອື່ນ, ສົນ​ໃຈ​ແຕ່​ຈະ​ປັບປຸງ​ຕົນ​ເອງ ຄົນ​ຫົວ​ໃຈ​ເຂັ້ມ​ແຂງ​ຈະ​ບໍ່​ເປັນ​ຄົນ​ນິນທາ​ຜູ້​ອື່ນລັບ​ຫຼັງ.

4. ບໍ່ຄິດ​ວ່າ ​ໂຕ​ເອງ​ເປັນ​ຄົນ​ເຄາະ​ຮ້າຍ

      ຄົນ​ຫົວ​ໃຈ​ເຂັ້ມ​ແຂງ​ຈະ​ສາມາດ​ນຳ​ເອົາ​ເຫດການ​ຮ້າຍ​ຕ່າງໆ ມາ​ສ້າງ​ປະ​ໂຫຍ​ດ​ໃຫ້​ແກ່​ຕົນ​ເອງທັງນັ້ນ. ຈະ​ຕ້ອງ​ເບິ່ງ​ໂລກ​ໃນ​ແງ່​ດີ ຖ້າ​ເຮັດ​ສິ່ງ​ໃດ​ຜິດ​ພາດ​ລົງ​ໄປ ກໍ​ບໍ່​ມົວ​​ແຕ່​ເສ​ຍ​ໃຈ ​ແຕ່​ຈະ​ຖື​ວ່າ​ຂໍ້ຜິດ​ພາດ​ທຸກ​​ເທື່ອ​ເປັນ​ບົດ​ຮຽນ​ທີ່​ຈະ​ບໍ່​​ເຮັດ​ຜິດ​ ຕໍ່​ໄປ ວ່າ​ກັນ​ວ່າ ​ເຄາະ​ຮ້າຍ​ກໍ​ຄື​ຄົນ​ຮ້າຍ ຄື ຖ້າ​ມັນ​ຮູ້​ວ່າ​ເຮົາ​ບໍ່​ຍອມ​ແພ້ ມັນ​ກໍ​ຈະ​ບໍ່​ກ້າ​ທຳ​ລາຍ​ເຮົາ ​ແຕ່​ຖ້າ​ໃຜ​ຍິ່ງ​ອ່ອນ​ແອ ມັນ​ຈະ​ຍິ່ງ​ຊ້ຳ​ເຕີມ.

5. ມີ​ສະຕິ​ສຳ​ປະຊັນ​ຍະ​ຢູ່​ຕະຫຼອດ​ເວລາ

      ຄັນ​ຫົວ​ໃຈ​ເຂັ້ມ​ແຂງ​ເປັນ​ຄົນ​ທີ່​ເຮັດ​ຫຍັງ​ບໍ່​ເມີ່​ລອຍ​ຫຼືປະ​ໝາດ​ເຜີ​ ໂຕ ຈະ​ເຮັດ​ດ້ວຍ​ຄວາມໜັກ​ແໜ້ນຢ່າງ​ມີ​ຈຸດໝາຍ. ຄົນ​ມີ​ສະຕິ​​ໃນ​ການ​ເຮັດ​ທຸກ​ຍ່າງ​ຕະຫຼອດ​ເວລາ​ ​ເອີ້ນ​ໄດ້​ວ່າ​ເປັນ​ຄົນ​ທີ​່ມີ​ຫົວ​ໃຈ​ເຂັ້ມ​ແຂງ.

ເມື່ອເວົ້າເຖິງເມົາເຮົາຈະເຫັນໄດ້ວ່າຄົນເຮົາເມົາຫຼາຍສິ່ງຫຼາຍຢ່າງ. ແຕ່ຜູ້ຂຽນຈະຂໍຍົກມາເວົ້າສູ່ທ່ານຜູ້ອ່ານຟັງພຽງແຕ່ “ສາມເມົາ” ຄື ສຸລາ, ນາລີ ແລະ ການພະນັນ ທີ່ຄິດວ່າມັນເປັນເມົາທີ່ສາມາດເຮັດໃຫ້ຜູ້ຄົນເສຍວັດຖຸເງິນຄຳ, ເສຍສຸຂະພາບ, ເສຍອະນາຄົດ, ເສຍຊີວິດ ແລະ ເສຍຄວາມເປັນລະບຽບຮຽບຮ້ອຍຂອງສັງຄົມໄດ້.

     ສຸລາ ຖ້າເປັນເຫຼົ້າ ເບຍ ມັນກໍເປັນສຸລາທີ່ຄົນສ່ວນຫຼາຍໃນສັງຄົມຍອມຮັບ ແລະ ນິຍົມດື່ມເພື່ອພົບປະສັງສັນລະຫວ່າງໝູ່ເພື່ອນ, ຍາດພີ່ນ້ອງ ແລະ ແຂກຄົນເຊິ່ງຖືວ່າແມ່ນເຄື່ອງດື່ມທີ່ສາມາດສ້າງຄວາມມ່ວນຊື່ນສາມັກຄີໄດ້ເປັນຢ່າງດີ, ແຕ່ກົງກັນຂ້າມຖ້າດື່ມບໍ່ມີສະຕິ ຫຼື ບໍ່ຖືກກາລະ-ເທສະ ມັນກໍສາມາດສົ່ງຜົນກະທົບທີ່ຮ້າຍແຮງຕໍ່ຜູ້ດື່ມໄດ້ເຊັ່ນກັນ ເຊັ່ນ: ດື່ມທຸກມື້ຈົນເປັນນິດໄສ, ດ່ມຈົນເມົາແລ້ວຂັບຂີ່ລົດພາ​ໃຫ້​ເກີດ​ອຸບັດ​ຕິ​ເຫດ ຫຼື ອາລະວາດຕີກັນ... ການດື່ມແບບນີ້ ນອກຈາກຈະເສຍສຸຂະພາບ, ເສຍເງິນຄຳແລ້ວ ຍັງເສຍກຽດສັກສີ, ເສຍອະນາຄົດ ແລະ ອາດຈະເສຍຊີວິດກໍເປັນໄດ້. ຮ້າຍແຮງກວ່າເຫຼົ້າເບຍແລ້ວກໍຍັງມີ ຢາເສບຕິດ ເປັນຕົ້ນແມ່ນຢາບ້າທີ່ສາມາດເຮັດໃຫ້ຜູ້ເສບກ້າຂ້າແມ່ນແຕ່ພໍ່ແມ່ຂອງຕົນເອງ...

      ນາລີ ຖ້າຜູ້ຊາຍທ່ານໃດບໍ່ສາມາດຢັບຢັ້ງຈິດໃຈຂອງຕົນເອງກໍມັກຈະຕົກຢູ່ໃນວຽນວົນແຫ່ງການເມົານາລີ ເຊິ່ງກໍເປັນເມົາໜຶ່ງທີ່ສາມາດສ້າງຄວາມເສື່ອມເສຍ ທາງດ້ານວັດຖຸເງິນຄຳ, ກຽດຍົດສັກສີ, ວັດທະນະທຳ ແລະ ເຮັດໃຫ້ສະຖາບັນຄອບຄົວອ່ອນແອ ຈົນບາງເທື່ອກໍເຖິງຂັ້ນແຕກຫັກກໍມີ.

      ການພະນັນ ເຄີຍໄດ້ຍິນຄຳຄະຕິພົດບົດໜຶ່ງບໍວ່າ “ໂຈນປຸ້ນສິບເທື່ອ ກໍບໍ່ທໍ່ໄຟໄໝ້ເຮືອນເທື່ອດຽວ, ໄຟໄໝ້ເຮືອນສິບເທື່ອ ກໍບໍ່ທໍ່ເສຍການພະນັນເທື່ອດຽວ” ຄະຕິພົດດັ່ງກ່າວໄດ້ສະແດງໃຫ້ເຫັນວ່າ ຖືກໂຈນປຸ້ນກໍເສຍແຕ່ເງິນຄຳ ຍັງເຫຼືອເຮືອນໃຫ້ອາໄສຢູ່, ໄຟໄໝ້ເຮືອນກໍຍັງເຫຼືອດິນໃຫ້ອາໄສຢູ່ ແຕ່ເສຍການພະນັນບາງເທື່ອແມ່ນແຕ່ດິນກໍບໍ່ເຫຼືອໃຫ້ຢູ່ ຍ້ອນຖືກຢຶດ ຫຼື ຂາຍມາແທນໜີ້.

       ມີບາງຄົນຖາມວ່າ ການຊື້ເລກເປັນການພະນັນບໍ? ຄຳຕອບກໍຄືເຂົ້າຂ່າຍການພະນັນແນ່ນອນ, ແຕ່ມັນພັດຖືກກົດໝາຍຍ້ອນວ່າແມ່ນການທ້ອນໂຮມທຶນຮອນໄປພັດທະນາປະເທດຊາດ (ຖ້າເລກທີ່ທ່ານຊື້ນັ້ນບໍ່ແມ່ນເລກເຖື່ອນ). ແນວໃດກໍຕາມທ່ານກໍຄວນຄຳນຶງເຖິງລາຍໄດ້-ລາຍຈ່າຍຂອງທ່ານ​ໄປ​ພ້ອມ ແລະ ຢ່າໄປຈົມຢູ່ກັບການສ່ຽງໂຊກຈົນມືນຫູມືນຕາບໍ່ຂຶ້ນກໍແລ້ວກັນ ບໍ່ແມ່ນເຫັນຕົ້ນກ້ວຍເໜັງຕິງຍ້ອນລົມພັດກໍໄປຂໍເລກ ຫຼື ຝັນເຫັນໜອນຢູ່ໃນຖົງປາແດກກໍຕີວ່າແມ່ນເລກເດັດກໍບໍ່ສົມຄວນເດີ້ !

      ສະຫຼຸບແລ້ວທ່ານຈະເຮັດອັນໃດກໍໄດ້, ຈະກິນອັນໃດກໍກິນ ຖ້າການເຮັດການກິນຂອງທ່ານບໍ່ຜິດກົດໝາຍ ຫຼື ບໍ່ສົ່ງຜົນກະທົບທີ່ບໍ່ດີຕໍ່ຕົວຂອງທ່ານ ແລະ ຄົນຮອບຂ້າງ ຈົນເຂົາເວົ້າວ່າທ່ານກຳລັງເມົາ.

ຮອຍຍິ້ມ ສາມາດເປັນສື່ແທນໃຫ້ບຸກຄົນອື່ນໄດ້ເຂົ້າໃຈຄວາມຮູ້ສຶກຂອງເຮົາໄປໃນທາງທີ່ດີໄດ້

ຮອຍຍິ້ມ ສາມາດບົ່ງບອກເຖິງບຸກຄົນທີ່ບໍ່ມີໂຣກທັງທາງກາຍແລະທາງຈິດໃຈ

ຮອຍຍິ້ມ ຄືຢາຮັກສາໂຣກທີ່ເຮົາບໍ່ຕ້ອງລົງທຶນ ແລະແຖມບົ່ງບອກເຖິງຄວາມສໍາເລັດຂອງເຮົາ

1. ກອນນອນເວັນ ປະມານ 20 ນາທີ ຫຼັງກິນເຂົ້າທ່ຽງ ຈະຊ່ວຍເພີ່ມພະລັງໃຫ້ຮ່າງກາຍ ແລະ ຈິດໃຈ ໄດ້ຫຼາຍ ເພາະວ່າເປັນໄລຍະຂອງການຖົດຖອຍຂອງພະລັງງານ ແລະ ສະມາທິ

2. ເມັດຖົ່ວຂຽວ ເມື່ອເກີດເປັນຖົ່ວງອກແລ້ວຈະມີວິຕາມິນ C ເພີ່ມຂື້ນ ເຖິງ 600 ເທົ່າ

3. ການຫວີຜົມເປັນປະຈຳ ອາດເຮັດໃຫ້ຜົມມັນ ແລະ ຫຼົ່ນໄດ້

4. ການກິນຊີ້ນສັດສີແດງເປັນປະຈຳ ຈະເຮັດໃຫ້ລຳໄສ້ເຮັດວຽກໜັກ ສ່ຽງຕໍ່ການເປັນໂຣກມະເຮັງໄດ້

5. ການກິນແກງໃບຂີ້ເຫຼັກ ຊ່ວຍບຳລຸງຮ່າງກາຍ ເຮັດໃຫ້ນອນຫຼັບດີ ແລະ ແກ້ອາການຖອກທ້ອງໄດ້

6. ຜູ້ທີ່ກຳລັງຫຼຸດນ້ຳໜັກຄວນຫຼົບຫຼີກການກິນໄຂ່ຈືນ ແລະ ໄຂ່ດາວ ເພາະມັນມີພະລັງງານຈາກນ້ຳມັນເຖິງ 210 ແຄຣໍຣີ

7. ໝາກນາວມີວິຕາມິນສູງ ຊ່ວຍປ້ອງກັນການຕິດເຊື້ອ, ແກ້ອາການເຈັບຄໍ ແລະ ບາດແຜໃນຊ່ອງປາກໄດ້

8. ໃນໝາກເຊີຣີມີສານທີ່ເຮັດໃຫ້ຄົນເຮົາຮູ້ສຶກມີຄວາມສຸກ ແລະ ຫຼຸດອາການໂສກເສົ້າໄດ້ອີກດ້ວຍ

9. ຄວນທຳຄວາມສະອາດອຸປະກອນຈຳພວກໂທລະສັບ ຫຼື ປຸ່ມກົດລິບ ເປັນປະຈຳ ເພາະອຸປະກອນເຫຼົ່ານີ້ ມັກເຕັມໄປດ້ວຍເຊື້ອໄວຣັດ

1. ບໍ່ຄວນເວົ້າບໍ່ສຸພາບ
2. ບໍ່ເວົ້າສິ່ງທີ່ເຂົາເຈົ້າບໍ່ມັກ
3. ບໍ່ຄວນເວົ້າປະຊົດ
4. ບໍ່ເຊີຍເມີຍຈົນເກີນໄປ(ບໍ່ວ່າຍາມໃດກໍ່ຕາມ)
5. ບໍ່ເຮັດໃຫ້ເຂົາເຈົ້າຄິດດວ່າເຂົາເຈົ້າບໍ່ສຳຄັນ(ຕ້ອງເຮັດໃຫ້ເຂົາເຈົ້າສຳຄັນຕະຫຼອດເວລາ)
6. ບໍ່ຄວນຍ້ອງຫຼືເວົ້າວ່າຄົນອື່ນດີກວ່າລາວ(ເດັດຂາດ)
7. ບໍ່ຄວນລືມຄຳສັນຍາທີ່ໃຫ້ໄວ້(ເວົ້າສິ່ງໃດແລ້ວຄວນເຮັດໃຫ້ໄດ້)
8. ຢ່າລືມວັນສຳຄັນເຊັ່ນວັນເກີດຫຼືວັນພິເສດຕ່າງໆ(ບໍ່ມີຂອງຂວັນໃຫ້ເປັນຄຳອວຍພອນກໍ່ຍັງດີ)
9. ຢ່າທຳຮ້າຍຮ່າງກາຍຫຼືຈິດໃຈ(ບໍ່ວ່າການກະທຳຫຼືຄວາມຄິດ)

ເລືອດກຣຸບ A

ນິໄສພື້ນຖານຂອງຄົນເລືອດກຣຸບ A

ຄົນເລືອດກຣຸບ A ເປັນຄົນທີ່ຄອນຂ້າງຈະຮອບຄອບສຸຂຸມ ແລະ ໄວ້ໂຕຫນ້ອຍໆ ແຕ່ບໍ່ເຖິງກັບຍິ່ງ
ມັກຈະເປັນຄົນໂດດເດັ່ນຫລື ເປັນຫນື່ງຢູ່ສະເຫມີ ຈົນບາງຄັ້ງເບິ່ງເປັນຄົນທີ່ຈິງຈັງເກິນໄປ
ມັກວາງແຜນການກ່ອນຈະເຮັດຫຍັງ ຫລື ລ໊ອກໂປຣແກຣມເອົາໄວ້ລ່ວງຫນ້າສະເຫມີ ບໍ່ມັກຈັບນັ້ນມາຊົນນີ້ເຖິງຈະແກ້ສະເພາະຫນ້າໄດ້ເກັ່ງ

ຜູ້ຍິງເລືອດກຣຸບ A

ຂໍ້ດີຂອງລາວ
ເປັນຄົນທີ່ໃຫ້ຄວາມຮ່ວມມືກັບທຸກໆຄົນເປັນຢ່າງດີ, ເປັນຫວ່ງເປັນໃຍຄົນອື່ນໆ ມີຄວາມສຳພັນທີ່ດີຕໍ່ຫມູ່ເພື່ອນ
ຄວາມຮູ້ສຶກຮັບຜິດຊອບກໍ່ສູງ ເວົ້າຄຳໃດເປັນຄຳນັ້ນແລ້ວກໍ່ຈະພະຍາຍາມເຮັດຈົນເຖິງທີ່ສຸດ ເມື່ອຄາດຫວັງອັນໃດກໍ່ຈະຄ່ອຍໆເຮັດຄ່ອຍໆພະຍາຍາມເຮັດໄປ
ເຖິງຈະຄ່ອຍເຮັດແຕ່ກໍ່ເຮັດແທ້ ແລະ ເຮັດຢ່າງລະມັດລະວັງ ນອກຈາກນີ້ຍັງມີຄວາມຄິດທີ່ບໍລິສຸດ   ຖ້າເຊື່ອວ່າສິ່ງນັ້ນເປັນສິ່ງດີກໍ່ຈະຢືດຫມັ້ນໃນຄວາມເຊື່ອນັ້ນ
ທັງບໍ່ຫັກຫລັງຄົນອື່ນໆ ຂໍ້ເສຍເລັກຫນ້ອຍອອກຈະເປັນຄົນໂລເລງ່າຍ
ເພາະຄິດນັ້ນຄິດນີ້ລະມັດລະວັງເກິນໄປ ເລີຍບໍ່ເດັດຂາດ ຖ້າຄິດແຕ່ໃນແງ່ຮ້າຍ
ກໍ່ອາດກາຍເປັນຄົນເສື່ອຍຊາໄດ້ ຈະຕັດສິນໃນແຕ່ລະເທື່ອກໍ່ໃຫ້ເວລາດົນ ເພາະອ່ອນໄຫວ ແລະ
ຄິດເຖິງແຕ່ຜົນຮ້າຍຫລາຍເກິນໄປ ພໍຄົນອື່ນເວົ້າໃນແງ່ບໍ່ດີກໍ່ຟ້າວເຊື່ອຄົນອື່ນທັນທີ ແລະ ສະຫລຸບວ່າມັນບໍ່ດີແທ້ໆ

ຜູ້ຊາຍເລືອດກຣຸບ A

ຂໍ້ດີຂອງລາວ ເປັນຄົນບໍ່ດື້ປານໃດ ເຖິງຈະເຊື່ອຫມັ້ນໃນຕົວເອງກໍ່ຍັງຍອມຮັບຟັງຄວາມຄິດເຫັນຂໍ້ສະເຫນີແນະນຳຈາກຄົນຮອບຂ້າງ ເອົາມາໄວ້ປັບປຸງໂຕເອງ
ຖ້າຄິດຈະເຮັດອັນໃດຫລີ້ນໆກັບລາວກໍ່ຄົງຄິດຜິດຂະຫນາດເລີຍ ລາວເປັນຄົນເຂົ້າໃຈອັນໃດທີ່ຍາກໆໄດ້ງ່າຍ
ເຖິງເຈົ້າຈະນິນທາວ່າຮ້າຍລາວກໍ່ບໍ່ສົນໃຈ ບໍ່ໂກດ, ເປັນສຸພາບບຸລຸດ ຕໍ່ໃຫ້ບໍ່ຖືກໃຈແນວໃດກໍ່ບໍ່ຍອມສະແດງສີຫນ້າບໍ່ພໍໃຈອອກມາໃຫ້ເຫັນ ຈະຄິດໃຫ້ດີກ່ອນເວົ້າກ່ອນທຳ
ຈະອາໃສອັນໃດກໍ່ເຮັດໃຫ້ ໂດຍສະເພາະເລື່ອງທີ່ກ່ຽວກັບຕົວເຈົ້າ ລາວກໍ່ຍັງບອກບໍ່ໄດ້ຊັດເຈນວ່າຮູ້ສຶກແນວໃດ ມັກຄິດແຕ່ໃນທາງຮ້າຍໆ ເປັນຄົນຂຶມ
ທີ່ຮ້າຍກວ່ານັ້ນບໍ່ມັກຄິດທີ່ຈະງໍ້ ສ່ວນເລື່ອງຂອງຄວາມຮັກຄົນເລືອດກຣຸບນີ້ກໍ່ຈະບໍ່ຫລົງຮັກໃຜແບບສົ່ງເດດ ຕ້ອງພິຈາລະນາເບິ່ງຄວາມເຫມາະສົມ ແລະ ຍັງວາງຟອຣ໌ມອີກຕ່າງຫາກ.

ບາງເທື່ອຜູ້ຍິງອາດຈະຕ້ອງເປັນຝ່າຍເລິ່ມຕົ້ນຈີບລາວກ່ອນກໍ່ໄດ້ ວິທີຊະນະໃຈລາວຄື ສະແດງຄວາມຈິງໃຈ ແລະ
ຈິງຈັງເຊື່ອຫມັ້ນ ລວມທັງລູກຕື້ທີ່ມີສິດເຮັດໃຫ້ລາວໃຈອ່ອນໄດ້ ແຕ່ຕ້ອງພະຍາຍາມແນ່ຈັກຫນ່ອຍ

                       ເລືອດກຣຸບ B

ນິໄສພື້ນຖານຂອງຄົນເລືອດກຣຸບ B

ເປັນຄົນທີ່ມີເອກະລັກສະເພາະຕົວ
ເບິ່ງກໍ່ຮູ້ວ່າບໍ່ຄືໃຜ ຫລື ບໍ່ມັກເຮັດອັນໃດແບບຄົນອື່ນຕ້ອງໃຫ້ດີກວ່າ ຫລື
ຍອດຢ້ຽມຢູ່ສະເຫມີ ເພາະມີຫົວຄິດສ້າງສັນ ຫລື ຄິດດັດແປງພິກແພງໄດ້ເກັ່ງ
ການທີ່ບໍ່ມັກຄຽດຫລາຍກັບສິ່ງແວດລ້ອມທົ່ວໄປ ເຮັດໃຫ້ເບິ່ງຄືເປັນຄົນທີ່ມີອຸປະນິໄສຍິ້ມແຍ້ມແຈ່ມໃສຢູ່ສະເຫມີ ບາງເທື່ອກໍ່ຍາກເປັນອິດສະລະ
ບໍ່ຫຍຸ້ງກ່ຽວກັບໃຜຄືກັນ ອາດເປັນເພາະຄວາມເບື່ອຫລື ເຊັງອັນໃດໄດ້ງ່າຍໆ

ຜູ້ຍິງເລືອດກຣຸບ B

ຂໍ້ດີຂອງລາວ ເປັນຄົນທີ່ມີພະລັງຫລາຍ ວ່ອງໄວບໍ່ສົນໃຈອຸປະສັກນ້ອຍໆ
ຕັ້ງຫນ້າຕັ້ງຕາຊົນກັບມັນ ຢາກຮູ້ຢາກເຫັນໃນທາງທີ່ດີ ຈຶ່ງເປັນຄົນກະຕືລືລົ້ນ ແລະ ມີຄວາມຄິດຄວາມອ່ານ
ຄິດໃນສິ່ງທີ່ຄົນອື່ນຄິດບໍ່ເຖິງ ຍິ້ມແຍ້ມແຈ່ມໃສ ເຖິງວ່າຄົນອື່ນຈະງຽບຂຶມ
ແຕ່ຮັບຮອງວ່າຜູ້ຍິງເລືອດກຣຸບ B ຈະບໍ່ຊຶມຕາມໄປນຳ ຄວາມມີອາລົມ ແລະ
ຄວາມສົດໃສຂອງລາວເຮັດເຮັດໃຫ້ມີຫມູ່ເພື່ອນຫລາຍ ຄົບກັບຄົນໄດ້ທຸກປະເພດ ເມື່ອຫລີ້ນກັບໃຜກໍ່ຈະຫມົກມຸ້ນໃນການຫລີ້ນບໍ່ເຮັດອັນໃດແບບເຄິ່ງໆກາງໆ
ແລະ ບໍ່ຄິດວ່າຄົນເຮົາຈະເຮັດບໍ່ອັນໃດຜິດພາດ ທັງຍັງເປັນຄົນພຶ່ງພາໄດ້ ຂໍ້ເສຍຫນ້ອຍຫນຶ່ງຈະບໍ່ຄ່ອຍອົດທົນປານໃດ
ເມື່ອໃຈຮ້າຍຫລືບໍ່ພໍໃຈມັກຈະຕຳຄົນອື່ນ ຫາເລື່ອງຜິດກັນ ແລະ ຕໍ່ຕ້ານຈົນໄດ້ 
ດັ່ງນັ້ນອາດກ່າວໄດ້ວ່າເປັນຄົນຄົບຍາກ ຊັງ..... ຖ້າໃຜມາຊີ້ມືສັ່ງແລ້ວຈັກຫນ່ອຍກໍ່ຕື່ນເຕັ້ນ
ຈັກຫນ່ອຍສະຫງົບລົງ ຖ້າບໍ່ພໍໃຈອັນໃດກໍ່ຈະບໍ່ຢາກເຮັດ.

ຜູ້ຊາຍເລືອດກຣຸບ B

ຂໍ້ດີ ເປັນຄົນທີ່ໄວ້ໃຈໄດ້ ຫນ້າເຊື່ອຖືໃນທຸກໆເລື່ອງ ມັກສິ່ງແປກໆໃຫມ່
ສົນໃຈໃນສິ່ງຕ່າງໆມີຄວາມຝັນ ແລະ ຄວາມຫວັງອັນຍິ່ງໃຫຍ່, ເຂັ້ມແຂງ, ຖ້າຕັດສິນໃຈເຮັດອັນໃດແລ້ວກໍ່ຈະເຮັດໃຫ້ເຖິງທີ່ສຸດ ກ້າໄດ້ກ້າເສຍ ກ້າສ່ຽງອັນຕະລາຍ
ເວົ້າໄດ້ວ່າມີຄວາມເປັນຜູ້ຊາຍເຕັມໂຕ ຂໍ້ເສຍ ຖ້າບໍ່ພໍໃຈອັນໃດຂື້ນມາກໍ່ຈະຜິດກັນໄດ້ທຸກເວລາ
ທັງຍັງສະແດງອອກທັງທາງສີຫນ້າ ແລະ ຄຳເວົ້າອີກດ້ວຍ ຍິ່ງໄປກວ່ານັ້ນຍັງເປັນເຈົ້າອາລົມ ແລະ ເພາະວ່າເປັນຄົນສົນໃຈໃນສິ່ງນັ້ນສິ່ງນີ້
ບາງເທື່ອຈຶ່ງມັກເຮັດອັນໃດເຄິ່ງໆກາງໆ ບາງເທື່ອກໍ່ຂາດຄວາມຮອບຂອບໄດ້ແນ່ ແບບວ່າມັກແກ້ບັນຫາສະເພາະຫນ້າ
ບໍ່ມັກກຽມການ ຫລື ລ໊ອກໂປຣແກຣມເອົາໄວ້ລ່ວງຫນ້າ
ນອກຈາກນັ້ນອາລົມຍັງບໍ່ແນ່ນອນອີກນຳ ຄວາມຮັກຂອງລາວເກິດໄດ້ຍາກແນ່
ເຖິງວ່າຈະມີຄົນມາຫຸ້ມຕອມແຕ່ເມື່ອຮັກໃຜແລ້ວ ກໍ່ຈະພົວພັນບໍ່ຍົກເລິກແບບງ່າຍໆ
ບາງຄັ້ງເມື່ອໃຈຮ້າຍຂື້ນມາຈະຜັກດັນໃຫ້ຫນີໄປໃຫ້ໄກ້ໆ ການເອົາຊະນະໃຈຄົນກຣຸບນີ້ຕ້ອງເບິ່ງສະຖານະການ ແລະ
ຫາຂໍ້ມູນໃຫມ່ໆ ປະກອບຢູ່ສະເຫມີ.

                       ກຣຸບເລືອດ AB

ນິໄສພື້ນຖານຂອງຄົນເລືອດກຣຸບ AB

ຄົນເລືອດກຣຸບນີ້ສາມາດເຂົ້າກັບຄົນອື່ນໄດ້ດີ
ບໍ່ວ່າຈະເປັນຊ້າຍຫລື ຂວາ ເພາະບໍ່ຄ່ອຍຈະເຄັ່ງຄັດຫລາຍ ແລະ ມີຄວາມເປັນມິດກັບຄົນທົ່ວໄປ ຍາກທີ່ຈະຫາຄົນທີ່ເປັນນັກເລັງ ຫລື ຫ້າວຈົນເກິນຕົວນອກຈາກຈະຖືກແຍ່ກ່ອນນັ້ນເປັນອີກເລື່ອງຫນື່ງ ຄວາມຍຸດຕິທຳຢູ່ໃນຕົວພໍສົມຄວນຈຶ່ງໄດ້ຮັບຄວາມໄວ້ວາງໃຈ ແຕ່ການຄິດຊ່ວຍເຫລືອຜູ້ອື່ນບາງເທື່ອກໍ່ບໍ່ໄດ້ຜົນເທົ່າທີ່ຄວນ ເນື່ອງຈາກບໍ່ເປັນຄົນທີ່ເດັດຂາດ
ບາງເທື່ອກໍ່ເຂົ້າເນື້ອຕົວເອງນຳ.

ຜູ້ຍິງເລືອດກຣຸບ AB

ຂໍ້ດີ ຜູ້ຍິງເລືອດກຣຸບ AB ເປັນຄົນຊັບຊ້ອນ ມີລັກສະນະນິໄສຫລາຍໆຢ່າງປະປົນກັນ ມີທັງລັກສະນະພິເສດຂອງຄົນເລືອດກຣຸບ A ແລະ ເລືອດກຣຸບ B ລວມກັນ ແຕ່ເນື່ອງຈາກເປັນຄົນທີ່ມີລັກສະນະຫລາຍຢ່າງລວມກັນ
ຈຶ່ງເປັນຄົນເກັ່ງໄປທຸກເລື່ອງ ແລະ ອ່ານໃຈຄົນອອກ ບາງເທື່ອຄວາມລອກເລະຂອງຕົນກໍ່ເຮັດໃຫ້ຄົນຮອບໆຂ້າງງົງງວຍໄປຄືກັນ ສະຫມອງໄວເວົ້າຈາໂຕ້ຕອບລະອຽດ ຮູ້ຈັກຈັດການກັບຄົນ
ແລະ ມີຄວາມສະຫງົບເຍືອກເຢັນ ບໍ່ວ່າຈະເວົ້າລົມກັບໃຜ ກໍ່ຈັບໃຈອີກຝ່າຍຫນື່ງຖືກ ນັບວ່າເປັນສະເຫນ່ມົນຄັງອັນຫນື່ງ.

ຂໍ້ເສຍຫນ້ອຍຫນື່ງ ບາງເທື່ອຕົວເອງກໍ່ບໍ່ເຂົ້າໃຈຕົວເອງຄືກັນ ບໍ່ຮູ້ວ່າອັນໃດຄືຄວາມຕ້ອງການທີ່ແທ້ຈິງຂອງຕົນເອງ
ນັ້ນເປັນເພາະວ່າໃນໃຈຂອງຄົນເລືອດກຣຸບ AB ມີອັນໃດຫລາຍຢ່າງລີ້ຢູ່ ຢາກເຮັດຫລາຍໆຢ່າງໄປພ້ອມໆກັນ ສະຫລຸບເລີຍວ່າບໍ່ເຮັດອັນໃດຈັກຢ່າງ
ເລື່ອງການຄົບຫມູ່ເພື່ອນກໍ່ຄືກັນ ບໍ່ຮູ້ວ່າຈະເອົາແນວໃດດີ ເລີຍຖືກຄົນອື່ນເຂົ້າໃຈຜິດເລື້ອຍໆ



ຜູ້ຊາຍເລືອດກຣຸບ AB

ຂໍ້ດີ ຄືເປັນຄົນເກັ່ງ, ສະຫມອງກໍ່ເຂົ້າໃຈສິ່ງອື່ນໄດ້ງ່າຍໆ
ຮູ້ໄປທຸກເລື່ອງ, ບໍ່ຄ່ອຍເວົ້າຫລາຍ, ແຕ່ຈະຄິດໃຫ້ດີກ່ອນແລ້ວຄ່ອຍຕອບ
ເປັນຄົນສະຫລາດຫົວດີ ຕ່າງຈາກຄົນອື່ນແຕ່ກໍ່ບໍ່ມັກໂອ້ອວດ, ມີຄວາມຮັບຜິດຊອບ, ເວົ້າຄຳໃດຄຳນັ້ນ, ເມື່ອຢູ່ໃນຫ້ອງມັກເປັນຫົວຫນ້າສະເຫມີ.

ຂໍ້ເສຍ ຜູ້ບ່າວເລືອດກຣຸບ AB ຈະມີຄວາມພາກພູມໃຈໃນຕົນເອງສູງ ຈຶ່ງບໍ່ຄ່ອຍຍອມຮັບຄວາມຄິດເຫັນຂອງຄົນອື່ນຄ່ອນຂ້າງຢາກເດັ່ນ, ເລີຍເຮັດໃຫ້ຄົນອື່ນໂກດໄດ້ ຈຸດສຳຄັນຄືຕ້ອງຊົມເຊີຍໃນຄວາມມີສະເຫນ່ຂອງລາວ
ກ່ຽວກັບຄວາມສະຫລາດ ເລື່ອງຄວາມຮັກຈະມີຂໍ້ດີຢູ່ທີ່ບໍ່ມັກເຈົ້າຊູ້ ຮັກດຽວໃຈດຽວ, ຈຶ່ງບໍ່ຄ່ອຍເກິດບັນຫາເປັນຄວາມຮັກທີ່ລຽບງ່າຍ
ການເລິ່ມຕົ້ນອາດຕ້ອງໃຊ້ໄລຍະເວລາແນ່ ແຕ່ຫລັງຈາກນັ້ນກໍ່ຈະດຳເນີນໄປໄດ້ດ້ວຍດີ
ບາງເທື່ອຄວາມເສື່ອຍຊາ, ເຢັນຊາ ອາດເຮັດໃຫ້ເສຍໂອກາດດີໆໄປໄດ້
ຫາກບໍ່ທຳໂຕໃຫ້ກະຕື້ລືລົ້ນຮູ້ຈັກສະແຫວງຫາເອົາໄວ້ແນ່  ຖ້າຢາກເອົາຊະນະໃຈ
ຄືຕ້ອງເດີນຫນ້າແບບຊ້ຳໆແຕ່ຫມັ້ນຄົງ ຢ່າເຮັດເປັນນັກຮັກຕົວສະກັນ ຫລື ມາດວອກແວກໃຫ້ຜູ້ສາວເຫັນຈະບໍ່ຄ່ອຍຈົບປານໃດ.

                    ເລືອດກຣຸບ O

ນິໄສພື້ນຖານຂອງຄົນເລືອດກຣຸບ O

ຄົນເລືອດກຣຸບ O ບໍ່ຢ້ານອຸປະສັກບໍ່ວ່າຈະເປັນເລື່ອງອັນໃດກໍ່ຕາມ ໂດຍສະເພາະດ້ານຄວາມຮັກກໍ່ຕ້ອງສູ້ແບບເອົາຫົວຊົນຝາ ຈະເມື່ອຍແນ່ຖ້າຄົນອື່ນຄິດຈະສູ້ກັບຄົນເລືອດກຣຸບນີ້ ພວກເຂົາເປັນຄົນທີ່ມີນ້ຳໃຈມັກຊ່ວມເຫລືອຄົນອື່ນ ກ້າຄິດກ້າທຳໃນສິ່ງທີ່ຕົວເອງເຊື່ອວ່າຖືກຕ້ອງ ແຕ່ບາງເທື່ອເບິ່ງແລ້ວກໍ່ຄ້າຍຄືຄົນເອົາແຕ່ໃຈຕົວເອງຫລາຍເກິນໄປຈັກຫນ່ອຍ ຫາກຮູ້ຈັກຢັບຢັ້ງຊັ່ງໃຈຟັງຄົນອື່ນແນ່ກໍຈະດີ.

ຜູ້ຍິງເລືອດກຣຸບ O

ຂໍ້ດີ ເປັນຄົນໃຈກ້າຫລາຍ ມີຄວາມເຫັນອົກເຫັນໃຈຜູ້ອື່ນ
ສັງເກດຜູ້ຄົນຮອບຂ້າງ ແລະ ເຮັດໃຫ້ຄົນອື່ນມີອາລົມດີ
ຖ້າໃຜເຮັດອັນໃດທີ່ບໍ່ດີໃຫ້ກໍ່ຈະອະໄພເປັນຄົນດີ.. ຄົນດີ.. ຄົນກຣຸບ O ຖືວ່າເປັນຄົນທີ່ມີເພລງຢູ່ໃນຫົວໃຈ
ດັ່ງນັ້ນຈຶ່ງໃຫ້ຄວາມສຳຄັນກັບອາລົມ ແລະ ຄວາມມີອາລົມກໍ່ຖືເປັນລັກສະນະພິເສດຂອງຄົນເລືອດກຣຸບ
O , ໂດຍສະເພາະຄວາມອ່ອນນ້ອມທີ່ມີ ເປັນຄົນທີ່ຮັກຂອງຄົນທົ່ວໄປ
ນັບໄດ້ວ່າຄົນເລືອດກຣຸບ O ເຫມາະທີ່ເຮົາຈະຄົບຫາເປັນຫມູ່ເພື່ອນຫລາຍທີ່ສຸດ
ໃນຈຳນວນກຣຸບເລືອດທັງ 4 ຂໍ້, ເວລາຈະເຮັດອັນໃດ ບໍ່ຄ່ອຍຄິດກ່ອນມັກເຮັດໄປເລີຍ
ຈຶ່ງມັກເສຍໃຈພາຍຫລັງວ່າ "ບໍ່ຄວນຈະເວົ້າແນວນັ້ນເລີຍ"
ຫລືບໍ່ "ບໍ່ໄດ້ຕັ້ງໃຈຈະເຮັດແນວນັ້ນເລີຍ" ແລະ ເປັນສ່ວນທີ່ເຮັດໃຫ້ເສຍປຽບ
ລວມທັງຍັງປະຕິເສດຄົນບໍ່ເປັນອີກ ອາດເປັນເພາະວ່າເປັນຄົນໃຈກວ້າງກໍ່ວ່າໄດ້.

ຜູ້ຊາຍເລືອດກຣຸບ O

ເປັນຄົນເກັ່ງທີ່ຈະເຮັດໃຫ້ທຸກຄົນເບິກບານ
ສ້າງບັນຍາກາດມ່ວນຊື່ນ ຕິດຕາມຜົນງານຂອງໂຕເອງທີ່ຜູ້ຄົນຮອບຂ້າງຂໍຮ້ອງໃຫ້ເຮັດ ໃຫ້ຄວາມສຳຄັນກັບຫມູ່ເພື່ອນຫລາຍ ດົນໆ ຈຶ່ງຈະເຫັນລາວເຮັດຫນ້າເບະ
ບໍ່ມັກໂກດຄົນງ່າຍໆ ນອກຈາກນີ້ຄົນເລືອດກຣຸບ O ຍັງເກັ່ງທີ່ຈະດຶງຈຸດດີຂອງຄົນອື່ນອອກມາອີກນຳ
ຂໍ້ເສຍທີ່ອາດມີແນ່ ເປັນຄົນທີ່ມັກເຮັດອັນໃດຝືນໃຈຕົວເອງ
ເພາະບໍ່ຢາກໃຫ້ຄົນອື່ນຊັງບາງເທື່ອ ເລີຍເບິ່ງເປັນຄົນມັກປະຈົບປະແຈງເກັ່ງ ລວມທັງຫລາຍຄັ້ງຍັງເຮັດອັນໃດລົງໄປໂດຍບໍ່ທັນຄິດຈົນເປັນຜົນເສຍຕາມມານຳຫລັງ ຄວາມຮັກຂອງລາວບໍ່ມັກເຮັດເປັນເລື່ອງຫລີ້ນໆ
ແຕ່ຕ້ອງຈິງຈັງຈິງໃຈຫມັ້ນຄົງ

ແລ້ວຖ້າມັກໃຜແລ້ວບໍ່ວ່າເຂົາຈະມີແຟນຢູ່ກໍ່ຕາມ
ຫລື ຍັງ ຊຶ່ງເປັນຕາຢັບຢັ້ງໃຈໄວ້ແນ່ ເຖິງຈະມຸ້ງຫມັ້ນໃນເລື່ອງຄວາມຮັກ ແຕ່ກໍ່ໃຈ້ແຍກໄດ້ຖືກໃນເລື່ອງອື່ນ.

ຈຶ່ງບໍ່ຄິດທີ່ຈະເອົາມາປົນກັນນັບວ່າມີສະຫມອງ ແລະ ໃຊ້ມັນໄດ້ຄຸ້ມຄ່າເລີຍ
ການເອົາຊະນະຢ່າໃຊ້ວິທີອື່ນ ນອກຈາກຈະເຮັດໃຫ້ລາວຍອມຮັບເຈົ້າໄປເອງ ບໍ່ຢ່າງນັ້ນຕ້ອງລຸ້ນກັນຕໍ່ໄປອີກເລື້ອຍໆ.

ຮູ້ນິໃສກັນແລ້ວຖ້າມັນຄ້າຍຄືກັນກັບຄົນຮັກຂອງຕົນກໍ່ຍັງໄຄແດ່ ແຕ່ຖ້າບໍ່ຄືກັນຈັກດີ້ກໍ່ຕ້ອງຄ່ອຍໆປັບເຂົ້າຫາກັນເອົາເອງເດີ

ຄວາມຮັກບາງເທື່ອກໍ່ແປກນ່ະເວລາເຮົາແລ່ນຕາມບາງເທື່ອມັນກໍ່ມັກຈະແລ່ນໜີຈາກເຮົາແຕ່ພໍເຮົາເຫມື່ອຍແລະທໍ້ແທ້ບໍ່ຢາກຈະຕາມມັນແລ້ວເຈົ້າຄວາມຮັກນັ້ນມັນກັບມາຫຍຸດຢູ່ໄກ້ໆ ເຮົານີ້ເອງຫຼືເຮົາອາດຈະປຽບຄວາມຮັກໄດ້ກັບເງົາຂອງມະນຸດທີ່ບໍ່ອາດແຍກອອກຈາກກັນໄດ້.
ຕາບໃດທີ່ເຮົາຍັງມີຊີວິດມັນຄົງຍາກທີ່ຈະຫລີກລຽງທີ່ຈະມີຮັກຫຼາຍຄົນຄົງພະຍາຍາມທີ່ຈະໃຫ້ຄຳຈຳກັດຄວາມກັບຄວາມຮັກແຕ່ແທ້ຈິງແລ້ວຄົງຍາກທີ່ຈະຈຳກັດຂອບເຂດຂອງຄວາມຮັກ ເພາະເຮົາຄົງບໍ່ສາມາດໃຊ້ຂໍ້ກຳຫນົດອັນໃດມາເປັນຕົວກີດກັ້ນຄວາມຮັກບໍ່ວ່າຈະເປັນເຊື້ອຊາດ ສາສນາ ອາຍຸ ຫຼື ແມ່ນແຕ່ເພດ ກໍ່ຕາມຖ້າມີຄຳຖາມວ່າເມື່ອໃດຄວາມຮັກຈະເກິດຂື້ນກັບເຮົາຄົງຍາກທີ່ຈະຕອບແຕ່ເຮົາຈະຮູ້ດ້ວຍສັນຊາດຕະຍານເອງວ່າເມື່ອໃດຄວາມຮັກ ກຳລັງເຂົ້າມາຢ້ຽມເຢືອນເຮົາໃນຊີວິດຄົນເຮົານັ້ນຄົງບໍ່ມີຫລາຍຄັ້ງໜັກທີ່ເຮົາຈະໄດ້ສຳຜັສຄວາມຮູ້ສຶກວ່າໄດ້ຮັກໃຜ
ຫຼືກຳລັງຖືກຮັກໂດຍໃຜບາງຄົນ”