@ ຄົນທີ່ຖືກລືມ @

                                                           ຮັກເຮົາຂາດສະບັ້ນ                             ຍ້ອນຊາຍອື່ນເຂົາມາແຊງ

                                                                                            ຍ້ອນເຂົາເປັນຄົນມີ                                     ນ້ອງຈຶ່ງໄລລືມອ້າຍ

                                                                                            ຄົນທີ່ໝາຍປ້ອງໄວ້                                      ຕ້ອງນ້ຳຕາເຊັດເຄົ່າ

                                                                                            ເພາະເຈົ້າບໍ່ຮັກແທ້                                       ແປປີ້ນປ່ຽນໃຈ

                                                                                                 ຄັນຜິດຫວັງຕ້ອງນັ່ງເສົ້າ                         ນ້ຳຕາລັ່ງໄຫຼລີນ

                                                                                            ເພາະຖືກຍິງຫຼາຍໃຈ                                   ຫຼອກລວງໃຫ້ເຈັບຊ້ຳ

                                                                                            ສ້າງບາດແຜໃຫ້ເປັນແປວ                             ກາງຫົວໃຈໃຫ້ເປັນດ້າງ

                                                                                           ແລ້ວປ່ອຍປະໃຫ້ຊ້ຳ                                      ຈົນອ້າຍລັ່ງນ້ຳຕາ     

                                                                                               ຖ້າຫາກມີຊາດໜ້າ                                    ຂໍຢ່າໄດ້ພົບເຫັນ

                                                                                          ກັບຜູ້ຍິງມານຢາ                                           ຫຼອກລວງແປປີ້ນ

                                                                                          ຂໍພົບຍິງທີ່ຮັກໝັ້ນ                                        ຈິດໃຈງາມຂາວຜ່ອງ

                                                                                          ຄົນໜ້າພະໃຈມານຄືດັ່ງນ້ອງ                         ຂໍຢ່າໄດ້ພົບເຫັນ      ອີກເລີຍ

                                                                                              ຂ້ອຍຂໍອວຍພອນໃຫ້ເຈົ້າ                           ສຸກສົມຫວັງກັບແຟນໃໝ່

                                                                                          ໃຫ້ຮັກກັນຍືນຍາວ                                        ຊົ່ວນິລັນຢ່າມີຮ້າງ

                                                                                          ຄົນທີ່ເຄີຍເຈັບຊ້ຳ                                          ໃຫ້ລືມຊາຢ່າໄດ້ຫ່ວງ

                                                                                          ເພາະຖືກລວງຫຼອກແລ້ວ                                ຕາຍໜ້າກໍ່ຊ່າງມັນ......

                                                                                                          ໂດຍ: ວ ວ (ວັນທອງ ທຳມະວົງ)   ກ່ອນບົດນີ້ແຕ່ງຂື້ນເມື່ອຕອນອົກຫັກໃໝ່ໆ

@ ເສັ້ນທາງທີຖືກຕັດ @

                                                                                                               ສອງເຮົາຮັກກັນໄດ້                ພຽງແຕ່ສອງເດືອນປາຍ   

                                                                                                           ຮັກກັບກາຍເປັນຊັງ                   ດັ່ງຄຳບູຮານເວົ້າ

                                                                                                           ຮັກເຮົາຖືກແປມ້າງ                    ເພາະນາງໃຈບໍ່ຊື່

                                                                                                           ຮັກອ້າຍຄືທ່ອນໄມ້                    ຖືກບັ້ນຜ່າກາງ

                                                                                                              ອ້າຍຈຶ່ງຍອມຫຼີກເວັ້ນ             ຈາກເສັ້ນທາງທີ່ເຄີຍໄຕ່

                                                                                                          ໃຫ້ນາງມີທາງໄປ                      ໄຕ່ຕາມກັບຊາຍຊູ້

                                                                                                           ຈະບໍ່ຂໍເປັນກ້າງ                        ຂວງທາງຄົນອື່ນ

                                                                                                          ຈະຂົມຂື່ນຫຼືເຈັບຊ້ຳ                    ກ່ທົນໄດ້ລູກຜູ້ຊາຍ

                                                                                                             ຕັດສີ້ນໃຈໃຫ້ໝົດສີ້ນ              ຈາກຄນທີ່ຄິດຄົດ

                                                                                                          ເຄີຍຄິດທໍລະຍົດ                       ຕໍ່ຮັກເຮົາມາແລ້ວ

                                                                                                          ຈະຮັກດຽວກັບຄົນທີ່ຮັກແທ້        ບໍ່ແປໄປແນວອື່ນ

                                                                                                          ຈະຮັກດຽວກັບຄົນທີ່ຮັກແທ້        ມອບໃຈໃຫ້ແກ່ເຮົາ....................

                                                                                                                                              (ຈົບ)

ໂດຍ: ວ ວ (ມືໃໝ່ຮຽນຂຽນ).

@ ອະດີດຮັກທີ່ຝັງໃຈ @

                                                                                                 ແຍງຮູບຖ່າຍຫວນຄິດທໍ້                      ອະດີດເກົ່າຄືນຫຼັງ

                                                                                            ອະດີດວັນແສນງາມ                                 ຍາກຈະລືມລົງໄດ້

                                                                                            ຍັງຄູ່ຄຽງແຂນຫ້ອຍ                                 ຍັງຈຳຮອຍພາບເກົ່າ

                                                                                            ຊີວິດເຈົ້າຊ່າງໜີບໍ່ພົ້ນ                                ຄືບົດເລື່ອງສາກລະຄອນ

                                                                                                 ມີພົບເຈີຈວບທໍ້                                   ມີພັດພາກຄອຍກາຍ

                                                                                             ເສຍດາຍແຫວນຄອຍສຸບ                         ສອຍມືສວມກ້ອຍ

                                                                                             ຊ່າງຫຼຸດລອຍລົງໄດ້                                 ໄປເປັນຂອງຄົນອື່ນ

                                                                                             ບົດລະຄອນສາກສະອື່ນ                           ປານກືນມີດກີດຊ່ວງ   

                                                                                                 ວັນນັ້ນອ້າຍໄດ້ມາເຫັນນ້ອງ                  ຍ້ອນໂຊກຊ່ວຍບັນດາພອນ

                                                                                              ອາດເປັນເພາະສະຫວັນ                          ຍືນລາງວັນເປັນຂອງຕອນ

                                                                                               ເຮັດໃຫ້ສອງເຮົາໄດ້                                ເດີນທາງມາເຈີຈວບ

                                                                                               ຍືນຫົວໃຈຟາກຝັ້ນ                                  ພັນກ້ວຍຂອດພະໄພ

                                                                                                  ຄວາມສຸກໃນໂລກນີ້                             ເອົາຫຍັງອີກຊີວິດ

                                                                                              ເຖິງບໍ່ມີເງິນຄຳ                                         ໂກດກືກອງລ້ານ

                                                                                               ມີຄົນຮັກຄຽງຂ້າງ                                    ພໍໃຈໄດ້ອົບອຸ່ນ

                                                                                                ຊິເອົາເງິນມາຊື້                                         ແປດຕື້ກໍ່ບໍ່ຂາຍ...........

@ ຄື້ນຟອງຊີວິດ @

                                                          ແຂງແກ່ນທົນທານ               ຈິດໃຈມີຫຼັກໝັ້ນ

                                                      ອຸປະສັກທຸກປະການ                ບໍ່ຫວັ່ນເກງກວາຢ້ານ

                                                      ໃຈປະສານເຂົ້າ                         ໂຮມກັນເປັນໜຶ່ງ

                                                       ຊີວິດຈຶ່ງດ່ຽວດັ້ນ                     ເຖິງບັນບ່ອນຫວັງ

                                                                                              ຈິດຜ່ອງກາຍທອງ                                           ຍາມເມື່ອຍັງໜຸ່ມແໜ້ນ

                                                                                           ສະໝອງຍັງສົດໃສ                                              ເຮື່ອແຮງແຂງຫ້າວ

                                                                                            ອະນະຄົດຍັງໄກກ້າວ                                         ຫາທາງຍາກຍິ່ງ

                                                                                            ຍັງມີສິ່ງຍາກຫຍຸ້ງ                                             ຄອຍຕ້ານລັດທາງ

                                                                                                ອຸປະສັກຢຸດຖ້າ                                              ທຸກຮ່ອຍທາງທຽວ

                                                                                           ຄົນເດັດດ່ຽວທົນທານ                                         ຍ່າງເດີນເຂົ້າໃກ້

                                                                                           ຫົວໃຈກາຍແຂງເຂັ້ມ                            ສະຕິເຕີມວາດທ່າ

                                                                                           ສອງຂາສອງແຂ່ງຈັ້ງ                                           ປັນຍາຕັ້ງສຽບຊ້ອນ

                                                                                                ສຸກຢູ່ເມືອງເພີ່ນນັ້ນ                                         ບໍ່ເທົ່າທຸກຢູ່ເມືອງເຮົາ 

                                                                                           ແຕ່ຕ້ອງຈຳໃຈອົດ                                                ເພື່ອໃຫ້ສົມດັ່ງໃຈຕັ້ງ

                                                                                           ເພື່ອສ້າງຝັນໃນວັນນີ້                                           ໃຫ້ເປັນຈິງໃນວັນໃໝ່

                                                                                           ສຸກຫຼືທຸກນັ້ນ                                                        ບໍ່ເຄີຍຢ້ານຫວັ່ນໄຫວ

                                                                                               ເໜືອນດັ່ງຟອງແມ່ນ້ຳ                                        ສະໜຸດໃຫຍ່ຄົງຄາ  

                                                                                           ບໍ່ຫວັ່ນເກງພາຍຸ                                                   ທັ່ງແທງແປວຄື້ນ

                                                                                           ຊີວິດກ່ຄືນ້ຳ                                                           ຄົງຄາສະໜຸດໃຫຍ່

                                                                                           ທີ່ໄຫຼໄປເລື້ອຍໆ                                                   ບໍ່ມີຢ້ານຫວັ່ນລົມ ..........

..ຈົບ..

ໂດຍ: ວ ວ (ມືໃຫມ່ຮຽນຂຽນ)