ບ່າວສີໂຄດຍ່າງເຂົ້າມາໃນບາພ້ອມດ້ວຍ ລີງນ້ອຍ ສັດລ້ຽງແສນຮັກ ແລ້ວກໍສັ່ງເຫລົ້າ. ຂະນະທີ່ກຳລັງດື່ມຢູ່ນັ້ນ ລີງນ້ອຍກໍເຕັ້ນໂຕນໂຍນໂຕໄປທົ່ວບາ ກິນທຸກສີ່ງທຸກຢ່າງທີ່ຂວາງໜ້າ ກິນໃຫ້ລຽບ. ພໍມັນເຕັ້ນຂຶ້ນເທິງໂຕະບິນລຽດ ຄ້ວາໄດ້ລູກນຶ່ງ ໂມ່ມເຂົ້າປາກທັນທີ -- ບ່າວຫຳ ຄົນຜະສົມເຫລົ້າ ຕົບມືປ້າບ ຮ້ອງໃສ່ບ່າວສີໂຄດທັນທີ
“ຕາຍແລ້ວ!… ຕາຍແລ້ວ!…ລີງເຈົ້າກືນກິນລູກບິນລຽດຂ້ອຍເຂົ້າໄປແລ້ວ!” ...ບ່າວສີໂຄດ ຍໍມືນົບ ຂໍໂທດຂໍໂພຍ ເປັນການໃຫຍ່, “ໂອ້ຍ…ຂໍໂທດຫລາຍໆ…ບັກອັນນີ້ ເປັນຈັ່ງຊີ້ແລ້ວ ເຫັນຫຍັງຂວາງໜ້າບໍ່ໄດ້ …ມັນກິນເບິດກ້ຽງ. ຂ້ອຍຊິຈ່າຍຄ່າເສັຍຫາຍທັງເໝິດເດີ້.” ເວົ້າແລ້ວ ບ່າວສີໂຄດຍໍຈອກຂຶ້ນຊ້ຳ, ຈ່າຍເງິນແລ້ວກໍຈາກໄປ.
ສອງອາທິດຕໍ່ມາ ບ່າວສີໂຄດກັບລີງນ້ອຍກັບມາອີກ ສັ່ງເຫລົ້າຕາມເຄີຍ ສ່ວນລີງນ້ອຍກໍໂດດໄປໂດດມາ ອີກຕາມເຄີຍ ...ມັນຄ້ວາໄດ້ໝາກກອກດອງໜ່ວຍນຶ່ງ ຈັບຍັດເຂົ້າຮູກົ້ນ-ດຶງອອກມາ-ໂມ່ມໃສ່ປາກ-ແລບລີ້ນປີ້ນຕາ ຄ້ຽວກິນດ້ວຍຄວາມແຊບນົວ. ບ່າວຫຳເຫັນແລ້ວຮາກຊິແຕກ ມືນຶ່ງມຸບປາກ ມືນຶ່ງຊີ້ວັບໆ,
”ເຈົ້າເຫັນບໍ່ ວ່າງກີ້ນີ້… ລິງເຈົ້າມັນເຮັດຫຍັງ” ບ່າວສີໂຄດຕອບຢ່າງໃຈເຢັນ,
“ເຫັນແລ້ວ! …ມັນກະກິນບໍ່ເລືອກຄືເກົ່າຫັ້ນແຫລະ ແຕ່ວ່າບາດນີ້ ຫລັງຈາກມັນກືນກິນໝາກບິນລຽດເທື່ອແລ້ວນີ້ ມັນແທກຮູອອກກ່ອນຊິກືນເຂົ້າໄປ ຢ້ານບໍ່ຫລົມ”