ຂຽນເມື່ອ: ມ.ນ.. 7, 2011
| ມີ
13 ຄຳເຫັນ
ແລະ
0 trackback(s)
ຄົນລາວກຽມນັ່ງລົດໄຟຄວາມໄວສູງໄດ້ແລ້ວ
ໃນປີ 2014 ຫລືອີກພຽງ 4 ປີຕໍ່ໜ້າ ລົດໄຟຄວາມໄວສູງທີ່ເຊື່ອມມົນທົນຢຸນໜັນ ກັບນະຄອນຫຼວງວຽງຈັນ ກໍໜ້າຈະເປີດໃຫ້ບໍລິການໄດ້ ເຊິ່ງຈະເປັນການຊ່ວຍສົ່ງເສີມການຄ້າລະຫວ່າງລາວກັບຈີນ ແລະກຸ່ມອາຊຽນທັງໝົດ. ທາງລົດໄຟດັ່ງກ່າວຈະເຊື່ອມກັບທາງລົດໄຟຄວາມໄວສູງຂອງໄທ ເຮັດໃຫ້ສາມາດເດິນທາງຕໍ່ໄປໄດ້ຈົນເຖິງມາເລເຊຍແລະສິງກະໂປ
ທ່ານສົມສະຫວາດ ເລ່ງສະຫວັດ ຮອງນາຍົກລັດຖະມົນຕີ “ຜູ້ປະຈຳການລັດຖະບານ” ກ່າວໃນວັນອັງຄານວານນີ້ ໃນເວລາຖະແຫຼງຂ່າວທີ່ນະຄອນຫຼວງປັກກິ່ງ ທັງລະບຸວ່າ “ລົດໄຟຄວາມໄວສູງ” ສາຍນີ້ ຄວນຈະເລີ່ມໄດ້ຕາມກຳນົດໃນຕົ້ນປີ 2011 ແລະຈະໃຊ້ເວລາທັງໝົດ 4 ປີ ຫລັງຈາກສອງຝ່າຍໄດ້ເຊັນສັນຍາກັນໃນນະຄອນຫຼວງວຽງຈັນໃນເດືອນ ເມສາ ປີນີ້
“ເພື່ອໃຫ້ປະເທດຂອງເຮົາພົ້ນຈາກສະພາບຄວາມດ້ອຍພັດທະນາ... ລັດຖະບານເຮົາໄດ້ລົງທຶນຢ່າງຫລວງຫລາຍໃນການພັດທະນາໂຄງຮ່າງການຄົມມະນາຄົມ ເພື່ອອຳນວຍຕໍ່ແຜນການເຊື່ອມຕໍ່ພາຍໃນອາຊຽນ ແລະລະຫວ່າງອາຊຽນກັບຈີນ” ສຳນັກຂ່າວລອຍເຕີອ້າງຄຳກ່າວຂອງທ່ານຮອງນາຍົກຯ
“ເຮົາເຊື່ອວ່າ ໂຄງການນີ້ຈະມີສ່ວນຮ່ວມຢ່າງສຳຄັນຕໍ່ການພັດທະນາເສດຖະກິດສັງຄົມໃນລາວ ເຊັ່ນດຽວກັນກັບການສົ່ງເສີມຄວາມສຳພັນທາງເສດຖະກິດລະຫວ່າງອາຊຽນກັບຈີນ” ທ່ານສົມສະຫວາດ ກ່າວ
ຈີນກັບກຸ່ມອາຊຽນ 10 ຊາດໄດ້ລົງນາມໃນຄວາມຕົກລົງເຂດການຄ້າເສລີຈີນ-ອາຊຽນ ຊຶ່ງຈະເລີ່ມມີຜົນບັງຄັບໃນວັນທີ່ 1 ມັງກອນ 2011 ຄວາມຕົກລົງນີ້ໄດ້ເຮັດໃຫ້ເກີດເປັນເຂດການຄ້າທີ່ມີປະຊາກອນເຖິງ 1, 900 ລ້ານຄົນ
ປັດຈຸບັນຈີນກຳລັງຊ່ວຍລາວກໍ່ສ້າງເສັ້ນທາງແລະສະໜາມບິນອີກຫລາຍແຫ່ງ ປີນີ້ຈີນເປັນຜູ້ລົງທຶນລາຍໃຫຍ່ອັນດັບ 2 ໃນລາວ ຖັດຈາກຫວຽດນາມ ໂດຍທຸ່ມເງິນທຶນເຂົ້າໄປໃນການຜະລິດໄຟຟ້ານ້ຳຕົກແລະບໍ່ແຮ່.
ນອກຈາກນັ້ນ ບໍລິສັດເອກະຊົນຂອງຈີນຈຳນວນຫລາຍໄດ້ເຂົ້າມາລົງທຶນກໍ່ສ້າງສູນການຄ້າ ໂຮງແຮມ ແລະ ຕະຫລາດການຄ້າທັນສະໄໝໃນນະຄອນຫຼວງວຽງຈັນ ພໍ່ຄ້າຊາວຈີນເຂົ້າມາເປີດຮ້ານຄ້າໃນລາວທຸກຫົນທຸກແຫ່ງຕັ້ງແຕ່ເໜືອສຸດລົງໄປເຖິງໃຕ້ສຸດຂອງປະເທດ
ມູນຄ່າການຄ້າສອງຝ່າຍລະຫວ່າງຈີນກັບລາວເພີ່ມຂຶ້ນເປັນ 751. 8 ລ້ານດອນລາ ເມື່ອປີກາຍ ທັງນີ້ ເປັນຕົວເລກຂອງສຳນັກຂາວລອຍເຕີ
ຈີນກຳລັງເລັ່ງປະຕິບັດສິ່ງທີ່ເອີ້ນວ່າ “ຍຸດທະສາດຫຼັກຫຍຸນຫນັນ” ນັ້ນຄື ການເຮັດໃຫ້ມົນທົນທີ່ຢູ່ຫ່າງໄກທາງພາກຕະເວັນຕົກສຽງໃຕ້ຂອງປະເທດ ເປັນດິນແດນເຊື່ອມຕໍ່ກັບປະເທດເພື່ອນບ້ານຊຽນທັງຫມົດ
ນັກວິຊາການຈີນທີ່ໃກ້ຊິດກັບໂຄງການໄດ້ເປີດເຜີຍເມື່ອໄວໆ ນີ້ ກ່ຽວກັບແຜນການກໍ່ສ້າງທາງລົດໄຟຄວາມໄວສູງອີກສາຍໜຶ່ງໄລຍະທາງເກືອບ 2, 000 ກິໂລແມັດ ຈາກນະຄອນຄຸນໝິງໄປຍັງນະຄອນຢ່າງກຸ້ງຂອງມຽນມ່າ ແລະການກໍ່ສ້າງອາດຈະເລີ່ມຂຶ້ນໄດ້ໃນຕົ້ນປີໜ້ານີ້ເຊັ່ນດຽວກັນ
ໃນເດືອນ ຕຸລາ ທີ່ຜ່ານມາ ລັດຖະມົນຕີກະຊວງການລົດໄຟຈາກຈີນໄດ້ນຳຄະນະເດິນທາງຢ້ຽມຢາມລາວ ສອງຝ່າຍໄດ້ຮ່ວມກັນເຊັນຄວາມຕົກລົງກໍ່ສ້າງທາງລົດໄຟສາຍສຳຄັນນີ້
ຕໍ່ມາໃນເດືອນດຽວກັນ ນາຍທະຫານກົມຊ່າງແສງ ແຫ່ງກົມໃຫຍ່ພະລາທິການກອງທັບປະຊາຊົນລາວຜູ້ໜຶ່ງໄດ້ເປີດເຜີຍວ່າ ທະຫານຊ່າງແສງຂອງລາວໄດ້ລົງພື້ນທີ່ແລ້ວຕັ້ງແຕ່ຕົ້ນປີເພື່ອສຳລວດ ກຽມການກໍ່ສ້າງທາງລົດໄຟສາຍປະຖົມມະເລິກຈາກຊາຍແດນຈີນເຂົ້າວຽງຈັນ ໄລຍະທາງກວ່າ 450 ກມ.
ໜວດໝູ່:
