ປາ​ໜຶ້ງ​ໝາກ​ນາວ

ເຄື່ອງ​ປຸງ

◊ ປາ​ນິນ​ 1 ​ໂຕ ປະມານ 8 ຂີດ

◊ ຫົວສີ​ໃຄ 2 ຫົວ

◊ ໃບຂີ້ຫູດ​

◊ ຂ່າ​ຝານ​ເປັນ​ແຜ່ນ​ບາງໆ

◊ ໝາກ​ເຜັດ​ປະລິມານ​ຕາມ​ມັກ

◊ ນ້ຳ​ໝາກ​ນາວ

◊ ນ້ຳ​​ແກງ

◊ ນ້ຳ​ປາ

◊ ນ້ຳ​ຕານ​ໜ້ອຍ​ໜຶ່ງ

◊ ຕົ້ນ​ຫອມ​ປ້ອມ

◊ ຫົວ​ຜັກຫອມ​​ທຽມ

ວິທີ​ເຮັດ

◊ ລ້າງ​ປາ​ໃຫ້​ສະ​ອາດ ​ເຊາະ​ເກັດ ຕັດ​ປາຍ​ຫາງ​ແລະ​ປາຍ​ຄີ ຕັດ​ຟັນ​ຟືມ ​ແລະຄົວ​ເອົາ​ໄສ້​ແລະ​ບີ​ມັນ​ອອກ​ໃຫ້​ໝົດ ປາດ​ຫ່າງໆ ທັງ​ສອງ​ຂ້າງ ເພື່ອ​ໃຫ້​ນ້ຳ​ລາດ​ເຂົ້າ​ໄດ້​ທົ່ວ​ເຖິງ ແລ້ວ​ປະ​ໃຫ້​ສະ​ເດັດ​ນ້ຳຫຼືຊັບ​ດ້ວຍ​ຜ້າ​ໃຫ້​ແຫ້ງ ທຸບ​ຫົວ​ສີ​​ໃຄ​ແລະ​ຕັດ​ເປັນ​ທ່ອນໆ ແບ່ງ​ໄວ້​ໃສ່​ກົ້ນ​ຖ້ວຍ​ເວລາ​ໜຶ້ງ​​ແດ່​ເດີ​ ໃສ່​ໄປ​ໃນ​ທ້ອງ​ປາ​ລວມ​ທັງ​ຂ່າ ແລະ​ໃບຂີ້ຫູດ

◊ ເອົາ​ຫົວສີ​ໃຄ​ທີ່​ເຫລືອ​ມາ​ທຸບ​ແລ້​ວວາງ​ຮອງ​ກົ້ນ​ຊາມ ໃບຂີ້ຫູດວາງ​ຮອງ​ລົງ​ໄປ​ນຳ ເອົາ​ປາ​ທີ່​ລ້າງ​ແລ້​ວວາງ​ທັບ​ລົງ​ໄປ ແລ້ວ​ກໍ​ເອົາ​ໄປ​ໜຶ້ງ​ໄຟ​ແຮງ​ໆ ປະມານ 15 ນາ​ທີ ຂຶ້ນ​ຢູ່​ກັບ​ຂະໜາດ​ຂອງ​ປາ​ວ່າ​​ໃຫຍ່​ຫລື​ນ້ອຍ.

◊ ເອົາ​ນ້ຳ​ຕັ້ງ​ໄຟ​ໃຫ້​ຟົດ​ແລ້ວ​ເອົາ​ຄະ​ນໍ​ຜົງ​ໃສ່ ​​ເມື່ອ​ຄະ​ນໍ​ລະ​ລາຍ​ແລ້​ວຍົກ​ລົງ ໃສ່​ນ້ຳ​ໝາກ​ນາວ ນ້ຳ​ປາ ນ້ຳ​ຕານ ໝາກ​ເປັດ ຫົວຜັກ​ທຽມ​ລົງ​ໄປ ຄົນ​ແລະ​ຊິມ​ລົດ​ໃຫ້​ໄດ້​ລົດ​ທີ່​ມັກ ພໍ​ປາ​ສຸກ​ແລ້ວ​ກໍ​ເອົາ​ນ້ຳ​ຊຸ​ບລາດ​ໃສ່​ເທິງ​ໂຕ​ປາ ໂຮຍດ້ວຍ​ຜັກຫອມ​ປ້ອມ​ແລະ​ຜັກຫອມ​ບົ່ວ​ຊອຍ ຖ້າ​ຕ້ອງການ​ໃຫ້​ງາມ ກໍ​ປະ​ດັບ​ດ້ວຍໝາກ​ນາວ​ປາດ​ເປັນ​ແຜ່ນ​ບາງໆ​ວາງ​ເທິງ​ໂຕ​ປາ.