ເລື່ອງມັນກະມີຢູ່ວ່າອາທິດກ່ອນນັ່ງຫລີ້ນເນັດຢູ່ສາມຄົນໃນຫ້ອງ (ຢູ່ຫໍພັກ) ລຸ້ນອ້າຍແຕ່ເປັນນັກຮຽນລຸ້ນດຽວກັນທີ່ຊື່ ສົມບູນ ແລະ ແອນດຣູ ຫມູ່ລຸ້ນດຽວກັນ ໄດ້ບັງເກີດຄວາມຄິດທ່ອງທ່ຽວຢ່າງປະຫຍັດ ພາຍໃນຕົວເມືອງທີ່ພວກເຮົາຢູ່ ຫນານນີງ ໄປບ່ອນທີ່ພວກເຮົາບໍ່ຄຸ້ນເຄີຍ ເປັນເວລາຄືນ ແລ້ວເລາະຖ່າຍຮູບແຖວນັ້ນ ພວກເຮົາຈະເດີນທາງດ້ວຍລົດເມປະຈຳທາງໄປກັບຫມົດ 2.40 ຢວນ ຕອນທີ່ນັ່ງໃນລົດ ກໍຈະຊື້ເຂົ້ານົມແລະນ້ຳກິນໄປນຳທາງ (ປານໄປທ່ຽວເອົາໂລດ) ມື້ເລີ້ມຕົ້ນການເດີນທາງຂອງເຮົາແມ່ນຄືນວັນສຸກກັບຫໍພັກຊ້າສຸດ 11ໂມງ

ວັນເສົາທີ 16 ພຶດສະພາ (ຂໍອະໄພເນື່ອງຈາກກ້ອງຂອງເຮົາຖ່າຍບໍ່ໄດ້ດີໃນຕອນກາງຄືນ)
ຫລັງຈາກຫ້າງສະບຽງອາຫານ ເຮົາກໍມາຖ້າຂື້ນລົດເມ ເວລາ 9 ໂມງກວ່າໆ



ມາເບີ່ງຫນ້າຜູ້ຮ່ວມເດີນທາງ ແອນດຣູ ແລະ ສົມບູນ




ແລະຕົວລະຄອນລັບ ຮິໆ



ພາຍໃນລົດ ລົດຫາກໍອອກຈາກສະຖານີລະກະເດິກແນ່ຄົນເລຍບໍ່ຫລາຍ



ນັ່ງໄປດົນໆຮູ້ສຶກວ່າມັນລ້ຽວໄປທາງບໍ່ຮູ້ລະ ແຕ່ລຸ້ນອ້າຍທີ່ຈະຈົບປີນີ້ວ່າລົດສາຍນີ້ໄປເຂດເມືອງໃຫມ່ຂອງຫນານນີງ (ເລີ່ມຫນັກໃຈ)



ຢູ່ດີໆມີຄົນເມົາ ມານອນຢູ່ແຖວຫລັງສຸດ ມັນຈ່າຍຄົນດຽວ ລະເອົາຮອດສອງບ່ອນ ແຕ່ກະດີເມົາບໍ່ຂັບ ດ໋ຽວຈະຫລັບບໍ່ຕື່ນ



ນັ່ງກິນມັນຝຣັ່ງທອດໄປກັບໂຄ໊ກ ສິຫມົດຫລຽວໄປເຫັນຄວາມສາມາດພິເສດຂອງ ສົມບູນ ລາວເປົ່າໄຟໄດ້



ເຫັນສວນຫຍັງບຸມີຮູບປັ້ນຊ້າງຢູ່ອີກຝາກທາງ ກໍເລຍລົງລົດ



ຈະຂ້າມທາງໄປອີກຝາກຕ້ອງຍ່າງລົງທາງໄຕ້ດິນ ລະເຮົາເຫັນຮູບຊາຍຄົນຫນື່ງ ຫນ້າຄຸ້ນໆ ຂະເຈົ້າວ່າເປັນຝາແຝດກັນ ຮິໆ



ສົມບູນ ກັບ ແອນດຣູ ກະຂໍຖ່າຍນຳ ສັງເກດ ສົມບູນ ສົງໃສຈະມັກກັນແຮງ



ຖ່າຍຮູບໄວ້ເປັນ ທີລະທຶກ ວ່າຫນ່ວຍກ້າຕາຍຫ້ອງເຮົາໄດ້ມາຢຽບບ່ອນນີ້ແລ້ວ



ຕັ້ງກ້ອງຖ່າຍໃຊ້ກະເປົ໋າເປັນຂາກ້ອງ ສັງເກດສົມບູນຢາກເປັນ ຄືຊ່າງປະປາ ໃນໄດອາຣີ່ ຂອງ ນີນ ເວບມາສເຕີ ພັນລາວເຮົາບໍ່?



ຢູ່ຈີນມີຊ້າງສີ່ຫົວ ແລະ ຫນື່ງໂຕ ຮະໆ ບໍ່ຮູ້ມັນຊື່ເຖີງຫຍັງ ອ່ານຈີນຍັງບໍ່ເກັ່ງ ອ່ານປ້າຍອະທິບາຍບໍ່ອອກ



ອອກຈາກບ່ອນນັ້ນ ລະກະຍ່າງໄປຍ່າງມາແຖວປະມານເກືອບສອງຊົ່ວໂມງ ມາຖ່າຍເກ໊ກຢູ່ຫນ້າ ສູນການຄ້າ Expo Nanning



ເດີກແລ້ວລົດເມບໍ່ແລ່ນແລ້ວ ຕ້ອງໄດ້ນັ່ງແທັກຊີກັບ ເອົາໄປເອົາມາຫມົດຄ່າແທັກຊີ 50yuan ຢວນຫນື່ງ ເທົ່າກັບ 1500 ກີບ ກະ 75000ກີບ (ເຝີຫລາຍຖ້ວຍໃດ໋ນີ້)

ແລະແລ້ວການເດີນທາງອັນນ້ອຍໆຂອງພວກເຮົາກໍສີ້ນສຸດ
ເລື່ອງນີ້ສອນໃຫ້ຮູ້ວ່າ ໄປໄວ ກັບໄວ ປະຫຍັດເງີນຄ່າ ແທັກຊີ (ເຮິ້ໆ)

ຂໍອະໄພຄັນມັນໄຮ້ສາລະຈົນເກີນໄປ