ຂຽນເມື່ອ: ພ.ຈ.. 11, 2011
| ມີ
20 ຄຳເຫັນ
ແລະ
0 trackback(s)
ສະບາຍດີເພື່ອນໆພັນລາວໝົດທຸກຄົນຂ້າພະເຈົ້າ ມີເລື່ອງຈິງມາຝາກໃຫ້ອ່ານ ແລະ ຍາກໃຫ້ທ່ານມີຄຳເຫັນຊ່ວຍ ຂພຈ ແດ່.
ເລື່ອງເກີດຂື້ນໃນ ມື້ວານນີ້. ເລື່ອງຂອງເລື່ອງກະມີຢູ່ວ່າ:
ມີບ່າວສາວຄູ່ໜຶ່ງທີ່ຜ່ານມາເຂົາເຈົ້າເຄີຍລົມກັນແລະກໍ່ຕົກລົງເປັນແພນກັນ ແຕ່ເຂົາເຈົ້າບໍ່ຄ່ອຍໄດ້ມີໂອກາດຈະໃກ້ສິດກັນ ເພາະວ່າເຂົາເຈົ້າຢູ່ໄກກັນ. ຈົນມາຮອດໂອກາດບຸນທາດຫຼວງນີ້ເອງ ຜູ້ບ່າວຊື່ ກ (ນາມສົມມຸດ) ໄດ້ພັກວຽກເພື່ອຈະຫາເວລາໄປຫາຜູ້ສາວຊື່ ວ (ນາມສົມມຸດ) ທັງສອງມາພົບກັນຕ່າງຝ່າຍຕ່າງກະດີໃຈທີ່ໄດ້ມາພົບກັນ ການເວົ້າຈາລົມກັນກໍ່ຖືກຕ້ອງກັນດີ. ມາຮອດມື້ວັນທີ 9-11 ນີ້ທັງສອງໄດ້ຊວນກັນໄປເລາະບຸນທາດ. ຕອນບຸນຢູ່ນັ້ນ ທັງສອງຕ່າງກໍ່ເບີກບານມ່ວມຊື່ນ ແລະ ວ ກໍ່ໄດ້ບອກ ກ ວ່າອ້າຍຊື້ຜ້າພັນຄໍໃຫ້ນ້ອງໂຕໜຶ່ງດຸ ແລະ ກ ກໍ່ຕົກລົງຊື້ໃຫ້ໂດຍບອກ ວ ເລືອກເອົາ, ບັນຍາກາດທຸກສິ່ງທຸກຢ່າງຮຽບຮ້ອຍດີ ພໍເຖິງຕອນກັບບ້ານ ຢູ່ໃນລົດລະຫາງທາງຕອນກັບແຕ່ເຮືອນ ກ ຫາ ເຮືອນ ວ. ກ ເວົ້າລົມນຳ ວ ຫຼາຍຢ່າງ ໃນນັ້ນ ກ ໄດ້ເວົ້າຢອກ ວ ວ່າຊິບໍ່ພາ ວ ກັບບ້ານຊິພາ ວ ໄປທີ່ອື່ນ ແລະ ວ ກໍ່ບໍ່ໄດ້ມີຄຳເວົ້າຫຍັງຕອບກັບມາເລີຍ ແລະ ກ ກໍ່ບໍ່ໄດ້ຊິພາ ວ ໄປແນວນັ້ນແທ້ມີແຕ່ເດີນທາງມຸ່ງໜ້າໄປສົ່ງ ວ ຢູ່ເຮືອນ.
ເມື່ອມາເຖິງເຮືອນ ວ ກ່ອນທີ່ ວ ຈະລົງຈາກລົດ ກ ໄດ້ເວົ້າຕື່ມອີກວ່າ “ ອຸ໊ຍ! ຮອດເຮືອນລະຫວານິ ຄິດວ່າຈະພາໄປບ້ານພັກ ແຕ່ກັບມາສົ່ງຢູ່ເຮືອນລະ”. ມື້ຕໍ່ມາ ກ ໄດ້ໄປທ່ຽວກັບນ້ອງຊາຍ ແຕ່ບໍ່ໄດ້ຊວນ ວ ໄປນຳ ເພາະວ່າ ວ ຍັງຕ້ອງໄດ້ໄປວຽກ ຕອນຄຳກະໄປຮຽນພາສາອີກ, ກ ຄິດຢູ່ເຮືອນກະຢ້ານຈະເຊັງເລີຍໄປທ່ຽວກັບນ້ອງຊາຍ. ມາຮອດຕອນແລງປະມານ 4 ໂມງເຄິ່ງ ກ ໄດ້ໂທຫາ ວ ຖາມວ ວ່າ “ມື້ນີ້ ວ ຖືກເຝົ້າເຮືອນຫວາ ຊິໃຫ້ໄປເຝົ້ານຳບໍ່? ດຽວນີ້ຍັງມາຫຼີນກັບນ້ອງຊາຍຢູ່ກັບເມືອຮອດເຮືອນແລ້ວຊິໂທຫາເດີ” ແລະ ຮອດເວລາປະມານ 6 ໂມງແລງ ວ ໄດ້ ໂທຫາ ກ ບອກວ່າມື້ນີ້ນ້ອງບໍ່ໄດ້ຮຽນຊົ່ວໂມງ 3-4, ມື້ນີ້ມື້ສຸດທາຍບຸນໄດເຂົາເຈົ້າວຽນທຽນໄດອ້າຍ ແຕ່ ກ ຕອບວ່າ ອ້າຍຍັງບໍ່ທັນໄດ້ກັບຮອດເຮືອນເທື່ອ, ນ້ອງຊາຍເຂົາກຳລັງມ່ວນຢູ່ເລີຍບໍ່ທັນໄດ້ຊວນນ້ອງກັນເທື່ອ ພໍແຕ່ເວົ້າມາຮອດນິກະໄດ້ຍິນ ວ ເວົ້າອອກມາວ່າ “ມື້ຄືນນີ້ອ້າຍເວົ້າຫຍັງ?”. ກ ງົງຢູ່ດົນເຕີຍແລະລົມກັນໄປກັນມາຈິ່ງຮູ້ວ່າ ວ ບໍ່ພໍໃຈເລືອງທີ່ ກ ເວົ້າຢອກມື້ຄືນນັ້ນວ່າຊິພາ ວໄປບ້ານພັກນັ້ນເອງ ແລະ ວ ກະບອກອີກວ່າ ວ ຕ້ອງການໃຫ້ທຸກຢ່າງລະຫວ່າງ ວ ແລະ ກ ຈົບກັນລົງພຽງນີ້. ຈາກນັ້ນມາ ວ ກະບໍ່ຮັບສາຍ ກ ອີກ.
ເລື່ອງມັນກະມີແນວນີ້ລະ. ຍາກຖາມເພື່ອນໆພັນລາວວ່າ ກ ເວົ້າຢອກສຳນັ້ນມັນຜິດຈົນເຖິງຂັ້ນຕ້ອງແຕກແຍກກັນໍ່? ທັງໆທີ່ເປັນແພນກັນເວົ້າຢອກສຳນີ້ມັນເສຍຫາຍຫຍັງ. ຫຼືວ່າ ຢ້ອນ ກ ໄປທ່ຽວບໍ່ໄດ້ຊວນ ວ ໄປນຳ ຫຼື ວ ເສຍໃຈທີ່ບໍ່ໄດ້ໄປວຽນທຽນໃນຄືນນັ້ນ. ຕາມທີ່ສັງເກດ ວ ໂທມາຫວັງວ່າຈະຊວນ ກ ໄປວຽນທຽນ. ແລະໃຫ້ອະໄຟກັນໄດ້ບໍ່ ເພື່ອນວ່າຈັ່ງໃດ.
ຂອບໃຈທຸກໆຄົນທີ່ອ່ານ ແລະ ໃຫ້ຄຳເຫັນ.
ໜວດໝູ່:
