ໄດອາຣີ່ຂອງ ຄົນຂີ້ລ້າຍ **********ຂີ້ອາຍ**********

ເກົາຫຼີເໜືອ ຂົ່ມຂູ່ ຈະທໍາສົງຄາມ ກັບເກົາຫຼີໃຕ້

ຂຽນເມື່ອ: ມ.ສ.. 26, 2012 | ມີ 13 ຄຳເຫັນ ແລະ 0 trackback(s)

ນາຍທະຫານຂັ້ນສູງສຸດຂອງເກົາຫຼີເໜືອທ່ານນຶ່ງ ກ່າວຍໍ້າເຖິງການຂົ່ມຂູ່ທໍາສົງຄາມກັບ
ເກົາຫຼີໃຕ້ແລະພວກພັນທະມິດຂອງກຸງພຽງຢ້າງຄືນອີກໃນວັນພຸດມື້ນີ້ ເຖິງແມ່ນຈີນໄດ້
ເຕືອນ ບໍ່ໃຫ້ທໍາການທ້າທາຍເກາະຜິດ ຕື່ມອີກໃນແຫຼມເກົາຫຼີທີ່ຢູ່ໃນສະພາບເຄ່ງຕຶງກໍ
ຕາມ.

ໃນຄໍາປາໄສເພື່ອສະຫຼອງວັນກອງທັບ ຫຼື Army Day ຂອງເກົາຫຼີເໜືອນາຍພົນອາກາດ
ຕີ Ri Yong-ho ກ່າວວ່າ ປະເທດຂອງທ່ານມີພວກອາວຸດທີ່ສາມາດທໍາລາຍທະຫານ
ຂອງສະຫະລັດແລະເກົາຫຼີໃຕ້ດ້ວຍການໂຈມຕີເທື່ອດຽວໂລດແລະທ່ານໃຫ້ຄໍາປະຕິຍານ
ຕື່ມວ່າ ຈະຕັດຄໍຫອຍຜູ້ໃດກໍຕາມທີ່ທໍາລາຍຊື່ສຽງຄະນະນໍາພາຂອງກຸງພຽງຢ້າງ.

ເກົາຫຼີເໜືອໄດ້ເພີ່ມທະວີການໂຈມຕີດ້ວຍສຳນວນໂວຫານຫຼືຖ້ອຍຄໍາທີ່ຮຸນແຮງຂຶ້ນຕໍ່ລັດ
ຖະບານກຸງໂຊນ ຫຼັງຈາກປະທານາທິບໍດີ Lee Myung-bak ແຫ່ງເກົາຫຼີໃຕ້ຕໍາໜິຕິຕຽນ
ເກົາຫຼີເໜືອທີ່ໃຊ້ຈ່າຍເງິນໃນການສົ່ງຈະຫຼວດທີ່ປະສົບກັບຄວາມລົ້ມແຫຼວ ໃນຕົ້ນເດືອນ
ນີ້ ແທນທີ່ຈະໃຊ້ຈ່າຍເງິນເພື່ອລ້ຽງດູປະຊາຊົນຂອງຕົນທີ່ອຶດຫິວນັ້ນ.

ພວກນັກສັງເກດການຫຼາຍຄົນຢ້ານວ່າ ເກົາຫຼີເໜືອອາດຈະທໍາການທົດລອງອາວຸດນີວ
ເຄລຍຄັ້ງທີສາມຂອງຕົນ ໃນຄວາມພະຍາຍາມເພື່ອຫັນເຫຄວາມສົນໃຈຂອງຜູ້ຄົນ ໄປ
ຈາກການສົ່ງຈະຫຼວດທີປະສົບກັບຄວາມລົ້ມແຫຼວຂອງຕົນ. ເກົາຫຼີເໜືອໄດ້ທົດລອງອາ
ວຸດນີວເຄລຍມາກ່ອນ ຫຼັງຈາກການທົດລອງຈະຫຼວດໃນປີ 2006 ແລະ 2009 ນັ້ນ.

ໂຄງການກໍ່ສ້າງເຂື່ອນໄຟຟ້າພະລັງນໍ້າທີ່ໄຊຍະບູລີ

ຂຽນເມື່ອ: ມ.ສ.. 20, 2012 | ມີ 12 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ບໍລິສັດນຶ່ງຂອງໄທອາດໄດ້ເລິ່ມການກໍ່ສ້າງເຂຶ່ອນໄຟຟ້າພະລັງນໍ້າທີ່ເປັນຂໍ້ຂັດແຍ້ງກັນນັ້ນ
ໄປແລ້ວຢູ່ໃນເຂດລຸ່ມແມ່ນໍ້າຂອງ ເຖິງແມ່ນບັນດາປະເທດ ໃນຂົງເຂດ ໄດ້ຮຽກຮ້ອງໃຫ້ມີ
ການສຶກສາຄົ້ນຄວ້າເພີ່ມຕື່ມ ກ່ຽວກັບຜົນກະທົບຕໍ່ສະພາບແວດລ້ອມກໍຕາມ.

ໃນລາຍງານຂ່າວທີ່ອອກຢູ່ເວັບໄຊ້ຂອງຕົນເມື່ອວັນອັງຄານຜ່ານມານີ້ ບໍລິ ສັດ ຊ. ການຊ່າງ
ກ່າວວ່າ ຕົນໄດ້ແຈ້ງໃຫ້ຕະຫລາດຄ້າຮຸ້ນຂອງໄທຊາບວ່າ ການກໍ່ສ້າງເຂຶ່ອນໄຊຍະບູລີໃນ
ພາກເໜືອຂອງລາວທີ່ມີມູນຄ່າ 3 ພັນ 500 ລ້ານໂດລາ ມີກໍານົດໃຫ້ເລິ່ມລົງມືໃນວັນທີ່
15 ເດືອນມີນາຜ່ານມາ.

ຄະນະກໍາມາທິການຂົງເຂດແມ່ນໍ້າຂອງສາກົນ ຊຶ່ງໂຮມທັງໄທ ກໍາປູເຈຍ ລາວ ແລະຫວຽດ
ນາມ ໄດ້ເຫັນພ້ອມນຳກັນ ເມື່ອເດືອນທັນວາປີຜ່ານມາວ່າ ຈໍາເປັນຕ້ອງໃຫ້ມີການສຶກສາ
ເພີ່ມຕື່ມ ເພື່ອຊັ່ງຊາຕີລາຄາເບິ່ງຜົນກະ ທົບຕໍ່ສະພາບແວດລ້ອມວ່າມີໜ້ອຍຫລາຍສໍ່າໃດ
ກ່ອນລົງມືກໍ່ສ້າງຄວນຈະມີຂຶ້ນນັ້ນ.

ແຕ່ອີງຕາມຖະແຫຼງການຂອງບໍລິສັດ ຊ. ການຊ່າງນັ້ນແລ້ວເບິ່ງຄືວ່າໃຫ້ ການຢືນຢັນ
ກ່ຽວກັບວ່າ ທາງບໍລິສັດໄດ້ຜັກດັນໃຫ້ດໍາເນີນໂຄງການກໍ່ສ້າງຕໍ່ໄປ ແລະບໍ່ຕ້ອງກັງວົນ
ນໍາການຕັດສິນ ທີ່ບໍ່ເປັນຂໍ້ຜູກມັດຢ່າງຖືກຕ້ອງຕາມກົດໝາຍນັ້ນ.

ກຸ່ມປົກປ້ອງສະພາບແວດລ້ອມກ່າວວ່າ ເຂຶ່ອນໄຊຍະບູລີນີ້ ອາດສາມາດສ້າງຜົນກະທົບ
ທີ່ບໍ່ແນ່ນອນຕໍ່ປະຊາຊົນ 60 ລ້ານຄົນທີ່ອາໄສຢູ່ຕາມລໍາແມ່ນໍ້າຂອງ ແລະພວກເຂົາເຈົ້າ
ກໍເພີ່ງພາການຫາປາເປັນຫລັກຂອງການດໍາລົງຊີວິດຂອງພວກເຂົາເຈົ້າ.

ທ່ານນາງພຽນພອນ ດີຖີຜູ້ປະສານງານການປຸກລະດົມປະຈຳປະເທດໄທຂອງອົງການ
ແມ່ນໍ້າສາກົນ ທີ່ມີສຳນັກງານຢູ່ສະຫະລັດ ບອກວີໂອເອວ່າ ການກໍ່ສ້າງຂັ້ນຕົ້ນຢູ່ໃນ
ບໍລິເວນເຂຶ່ອນນັ້ນ ແມ່ນໄດ້ບັງຄັບປະຊາຊົນບາງພວກໃນທ້ອງຖິ່ນ ຕ້ອງໄດ້ຍົກຍ້າຍໜີ
ອອກໄປຢູ່ແຫ່ງອື່ນແລ້ວ.

/ສຽງ/

ທ່ານນາງພຽນພອນ ກ່າວວ່າ ອີງຕາມການສໍາຫລວດຄົ້ນຄວ້າຂອງພວກເຮົາໃນບໍລິເວນ
ເຂຶ່ອນນັ້ນ ປາກົດວ່າ ໄດ້ມີການຍົກຍ້າຍໜີບາງໝູ່ບ້ານໄປແລ້ວ ຄືຢ່າງໜ້ອຍມີນຶ່ງບ້ານທີ່
ຕັ້ງຢູ່ບ່ອນສ້າງເຂຶ່ອນນັ້ນໄດ້ຍ້າຍໜີໄປບ່ອນອື່ນລຽບລ້ອຍແລ້ວແລະວ່າທັງວຽກງານການ
ກໍ່ສ້າງແລະການຕຽມແມ່ນໄດ້ ເລິ່ມຕົ້ນໄປແລ້ວ ຂ້າພະເຈົ້າຄິດວ່າ ດົນກວ່າປີນຶ່ງປະມານນັ້ນ.

ໂຄງການສ້າງເຂຶ່ອນໄຊຍະບູລີດັ່ງກ່າວນີ້ ຄາດວ່າຈະໃຊ້ເວລາກໍ່ສ້າງປະມານ 8 ປີກວ່າຈະ
ສໍາເລັດ.

ລາວ ທີ່ເປັນປະເທດຍາກຈົນທີ່ສຸດປະເທດນຶ່ງຂອງໂລກ ຄາດການວ່າຈະ ໄດ້ຜົນປະໂຍດ
ທາງເສດຖະກິດຢ່າງມະຫາສານ ຈາກການຂາຍກະແສໄຟ ຟ້າສ່ວນໃຫຍ່ 1,260 ກິໂລວັດ
ຂອງເຂຶ່ອນໄຟຟ້າພະລັງນໍ້າແຫ່ງນີ້ ໃຫ້ແກ່ໄທ.

ອິນເດຍຍິງທົດລອງລູກສອນໄຟຊະນິດໃໝ່

ຂຽນເມື່ອ: ມ.ສ.. 20, 2012 | ມີ 8 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ອິນເດຍຖະແຫຼງໃນວັນພະຫັດມື້ນີ້ວ່າ ຕົນໄດ້ປະສົບຄວາມສຳເລັດໃນການຍິງທົດລອງ
ລູກສອນໄຟຊະນິດໃໝ່ ທີ່ສາມາດບັນທຸກຫົວລະເບີດນິວເຄລຍໄປໄກໄດ້ເຖິງກຸງປັກກິ່ງນັ້ນ
ຊຶ່ງເປັນການປະກາດວ່າ ອິນເດຍໄດ້ກາຍເປັນປະເທດມະຫາອຳນາດທີ່ສຳຄັນດ້ານລູກ
ສອນໄຟຂອງໂລກ.

ສື່ມວນຊົນຂອງອິນເດຍ ໄດ້ອອກຂ່າວຮູບພາບ ຂອງລູກສອນໄຟໄລຍະໄກ Agni-V
ຫຼັງຈາກໄດ້ຍິງຂຶ້ນຈາກຖານຍິງແຫ່ງນຶ່ງໃນລັດ Orissa ທາງພາກຕາເວັນອອກຂອງ
ອິນເດຍ.

ນາຍົກລັດຖະມົນຕີ Manmohan Singh ໄດ້ກ່າວຊົມເຊີຍພວກນັກວິທະຍາສາດທັງຫຼາຍ
ທີ່ໄດ້ກໍາກັບປະກອບສ່ວນເຂົ້າໃນ “ການກຸ້ມຕົນເອງດ້ານປ້ອງກັນປະເທດ”ຂອງອິນເດຍ.
ຫົວໜ້າອົງການຄົ້ນຄ້ວາແລະພັດທະນາດ້ານປ້ອງກັນປະເທດຂອງອິນເດຍ ທ່ານ Vijay
Saraswat ໄດ້ກ່າວຕໍ່ສື່ມວນຊົນຂອງອິນເດຍວ່າ ບັດນີ້ ອິນເດຍມີລູກສອນໄຟທີ່ສາມາດ
ທຽບເທົ່າກັບບັນດາປະເທດມະ ຫາອຳນາດທາງທະຫານທີ່ນຳໜ້າຂອງໂລກແລ້ວ.

ລູກສອນໄຟ Agni-V ມີຄວາມສາມາດຍິງໄກເຖິງ 5,000 ກິໂລແມັດແລະມີ ການກ່າວກັນວ່າ
ເປັນຄວາມກ້າວໜ້າທີ່ສຳຄັນ ທາງດ້ານຍຸດທະສາດຂອງອິນ ເດຍ ທີ່ສາມາດບັນທຸກຫົວ
ລະເບີດນີວເຄລຍ ໄປໄກເຖິງນະຄອນຫຼວງຂອງຈີນ ຕະຫຼອດທັງນະຄອນຊຽງໄຮ້.

ໜັງສືພິມ Global Times ຂອງພັກ Communist ຈີນ ໄດ້ຕອບໂຕ້ຕໍ່ການຍິງທົດ
ລອງດັ່ງກ່າວຂອງອິນເດຍ ດ້ວຍການເຕືອນ ກ່ຽວກັບການຍິງທົດລອງ ຂອງຕົນ
ໂດຍເວົ້າວ່າ ອິນເດຍແມ່ນຈະບໍ່ໂອກາດເລີຍໃນການແຂ່ງຂັນອາວຸດ ໂດຍລວມກັບຈີນ
ໃນອານະຄົດ ບໍ່ດົນຂ້າງໜ້ານີ້.

ເກົາຫລີໃຕ້ຕິດຕັ້ງລູກສອນໄຟ ຊະນິດໃໝ່

ຂຽນເມື່ອ: ມ.ສ.. 20, 2012 | ມີ 5 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເກົາຫລີໃຕ້ກ່າວວ່າຕົນໄດ້ຕິດຕັ້ງລູກສອນໄຟ Cruise ຊະນິດໃໝ່ທີ່ສາມາດຍິງທໍາລາຍ
ສະຖານທີ່ນີວເຄລຍ ແລະຖານຍິງລູກສອນໄຟຂອງເກົາຫລີເໜືອໄດ້.

ບັນດາເຈົ້າໜ້າທີ່ທະຫານເກົາຫລີໃຕ້ ໄດ້ປະກາດກ່ຽວກັບການຕິດຕັ້ງອາວຸດດັ່ງກ່າວເມື່ອ
ວັນພະຫັດມື້ນີ້ ທີ່ກອງປະຊຸມພວກນັກຂ່າວເກົາຫລີໃຕ້ ທີ່ປາກົດວ່າເປັນປະຕິກິລິຍາເພື່ອ
ຕອບໂຕ້ຕໍ່ການຍິງຈະຫລວດຂອງເກົາຫຼີເໜືອທີ່ລົ້ມແຫລວນັ້ນ ແລະຢ້ານວ່າພວມມີການ
ກະກຽມການທົດລອງນີວເຄລຍຄັ້ງໃໝ່ກັນຢູ່.

ໃນເວລາຕໍ່ມາ ກຸງໂຊລ ໄດ້ນຳອອກເຜີຍແຜ່ຮູບພາບວີດີໂອທີ່ສະແດງໃຫ້ເຫັນລູກສອນໄຟ
Cruise ກໍາລັງຖືກຍິງ ບິນໄປເທິງນ່ານຟ້າ ແລະທໍາລາຍເປົ້າໝາຍ.

ພົນຕີ Shin Won-sik ເຈົ້າໜ້າທີ່ອາວຸໂສກະຊວງປ້ອງກັນປະເທດເກົາ ຫລີໃຕ້ກ່າວວ່າ
ລູກສອນໄຟ Cruise ດັ່ງກ່າວ ມີຄວາມສາມາດບິນໃນໄລ ຍະໄກໄດ້ຫລາຍກວ່າ 1,000
ກິໂລແມັດ ແລະສາມາດໂຈມຕີທໍາລາຍໄດ້ທຸກໆຈຸດໃນເກົາຫລີເໜືອ ແລະກ່າວຕື່ມວ່າ ລູກ
ສອນໄຟ Cruise ນີ້ ມີ ສະມັດຖະພາບທໍາລາຍສະຖານທີ່ ອຸບປະກອນ ແລະປະຊາຊົນ
ທັງໝົດ ຂອງເກົາຫລີເໜືອໄດ້ຕາມເວລາທີ່ຕ້ອງການ ຫຼາຍເທົ່າທີ່ຈະຫຼາຍໄດ້.

ລູກສອນໄຟ Cruise ດັ່ງກ່າວນີ້ ສາມາດບິນໃນລະດັບຕໍ່າໄດ້ ແລະສາ ມາດບິນຫລົບຫລີກ
ແນວປ້ອງກັນແຫ່ງຕ່າງຂອງສັດຕູ ເພື່ອທໍາລາຍເປົ້າ ໝາຍໄດ້.

ບັນດາເຈົ້າໜ້າທີ່ກະຊວງປ້ອງກັນປະເທດກ່າວວ່າ ລູກສອນໄຟຊະນິດນີ້ແມ່ນໄດ້ຖືກພັດທະ
ນາຂຶ້ນມາໂດຍການຊົມໃຊ້ເທັກໂນໂລຈີ່ທີ່ເຣັດຢູ່ໃນປະເທດແທບທັງໝົດ ທີ່ສະແດງໃຫ້ເຫັນ
ຄວາມແຕກຕ່າງ ກັບຄວາມພະຍາ ຍາມຍິງຈະຫລວດຂີປະນາວຸດທັງສາມຄັ້ງຂອງເກົາຫລີ
ເໜືອທີ່ລົ້ມແຫລວທີ່ອັບອາຍຂາຍໜ້ານັ້ນ.

ອົງການຂ່າວຢົນຮັບ ຊຶ່ງເປັນອົງການຂ່າວເຄິ່ງທາງການຂອງເກົາຫລີໃຕ້ ໄດ້ອ້າງເອົາຄໍາເວົ້າ
ຂອງນາຍພົນ Shin ທີ່ກ່າວວ່າ ເກົາຫລີໃຕ້ຍັງໄດ້ຕິດ ຕັ້ງລູກສອນໄຟຂີປະນາວຸດປະຕິບັດ
ການຊະນິດໃໝ່ທີ່ມີຄວາມສາມາດບິນໄດ້ໄກ 300 ກິໂລແມັດນັ້ນນໍາ

ຈີນ ຮ່ວມບັນດາປະເທດ ມະຫາອໍານາດໂລກ ເຕືອນເກົາຫລີເໜືອ

ຂຽນເມື່ອ: ມ.ສ.. 19, 2012 | ມີ 3 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຈີນໄດ້ຮ່ວມກັບບັນດາປະເທດມະຫາອໍານາດຂອງໂລກ ໃນການເຕືອນ ເກົາຫລີເໜືອ

ວ່າ ເຂົາເຈົ້າຈະບໍ່ອົດທົນຕໍ່ການເກາະຜິດໃດໆຕື່ມອີກ ຫລັງຈາກການສົ່ງຈະຫລວດທີ່

ຫລົ້ມແຫລວ ຂອງປະເທດທີ່ຢູ່ໂດດດ່ຽວ ແຫ່ງນັ້ນ ໃນອາທິດແລ້ວນີ້.

ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ກ່າວໃນຕອນ

ແລງວັນຈັນ ທີ່ນະຄອນຫລວງ Brasillia ຂອງບຣາຊິລ ວ່າບັນດາສະມາຊິກສະພາ

ຄວາມໝັ້ນຄົງຂອງອົງການສະຫະປະຊາຊາດ ຮ່ວມທັງຈີນນໍາ ໄດ້ເຫັນພ້ອມນໍາກັນ

“ໃຫ້ມີຜົນສະທ້ອນຕິດຕາມມາຕື່ມອີກ” ໃນກໍລະນີທີ່ມີການຫາເລື້ອງເກາະຜິດຂື້ນມາ

ອີກໂດຍເກົາ ຫລີເໜືອນັ້ນ. ພາບຖ່າຍຈາກດາວທຽມຫວ່າງໝໍ່ໆມານີ້ ສະແດງໃຫ້

ເຫັນວ່າ ພຽງຢາງ ອາດກໍາລັງກຽມທໍາການທົດລອງອາວຸດນີວເຄລຍໃຕ້ດີນ.

ສື່ມວນຊົນທີ່ຄວບຄຸມໂດຍລັດຖະບານຈີນ ກໍໄດ້ສະແດງຮ່ອງຮອຍໃຫ້ເຫັນເຖິງຄວາມ

ງຸດງິດໃຈນໍາພຽງຢາງ ໂດຍໃຫ້ຂໍ້ສັງເກດວ່າ ຈີນໄດ້ເອົາບາດກ້າວ “ທີ່ແຈ່ມແຈ້ງໃນ

ການປະນາມ” ພັນທະມິດອັນຍາວນານ ຂອງຕົນນັ້ນ ເວລາຈີນໃຫ້ການສະໜັບ

ສະໜຸນແກ່ຖະແຫລງການຂອງ ສະພາຄວາມໝັ້ນຄົງອົງການສະຫະປະຊາຊາດ

ທີ່ປະນາມການສົ່ງຈະຫລວດຂອງເກົາຫລີເໜືອນັ້ນ.

ໜັງສືພີມ Global Times ທີ່ຄວບຄຸມໂດຍພັກຄອມມີວນິສຈີນ ກ່າວໃນວັນອັງຄານ

ນີ້ວ່າ ບໍ່ຄວນປ່ອຍໃຫ້ພຽງຢາງເຂົ້າໃຈຜິດ ຄິດວ່າຕົນສາມາດທີ່ຈະເມີນເສີຍຕໍ່ຄວາມ

ປາດຖະໜາຂອງປັກກິ່ງໄດ້ ໂດຍທີ່ຈະບໍ່ໄດ້ຮັບການລົງໂທດໃດໆ. ໝັງສືພິມກ່າວອີກ

ວ່າ ເກົາຫລີເໜືອຈະໄດ້ຮັບໄຊ້ໂທດກໍາ ຖ້າຫາກພະຍາຍາມຈະລັກພານະໂຍບາຍຈີນ

ກ່ຽວກັບ ເກົາຫລີເໜືອນັ້ນ.

ສະຫະປະຊາຊາດ ປະນາມ ການຍິງຈະຫຼວດ ຂອງເກົາຫຼີເໜືອ

ຂຽນເມື່ອ: ມ.ສ.. 19, 2012 | ມີ 5 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ສະພາຄວາມໝັ້ນຄົງອົງການສະຫະປະຊາຊາດໄດ້ປະນາມເກົາຫຼີເໜືອຢ່າງແຂງແຮງ ກ່ຽວ
ກັບການຍິງລູກຈະຫຼວດໄລຍະໄກ ໃນອາທິດແລ້ວນີ້ ແລະໄດ້ເຫັນດີໃຫ້ທຳການການລົງ
ໂທດຮອບໃໝ່ຕໍ່ເກົາຫຼີເໜືອ ທີ່ຢູ່ຢ່າງໂດດດ່ຽວເພີ່ມຂຶ້ນ ນັ້ນ.

ສະພາຄວາມໝັ້ນຄົງຍັງໄດ້ຮັບຮອງເອົາຢ່າງເປັນເອກກະສັນ ອັນທີ່ເອີ້ນວ່າ “ຖະແຫຼງ
ການຂອງປະທານ” ທີ່ເອີ້ນການຍິງຈະຫຼວດໃນວັນສຸກແລ້ວນີ້ວ່າ ເປັນການລ່ວງລະເມີດ
ຢ່າງຮ້າຍແຮງຕໍ່ມະຕິຕ່າງໆຂອງສະພາຄວາມໝັ້ນຄົງອົງການສະຫະປະຊາຊາດ ທີ່ມີເປົ້າ
ໝາຍແນໃສ່ເພື່ອຈະຢຸດເຊົາການໃຊ້ເທັກໂນໂລຈີລູກສອນໄຟຂີປະນາວຸດ ຂອງກຸງ Pyongyang ນັ້ນ.

ໃນຂະນະດຽວກັນ ສື່ມວນຊົນຂອງຍີ່ປຸ່ນ ອ້າງແຫຼ່ງຂ່າວທາງການທູດທີ່ເວົ້າວ່າ ກຸງ
Pyongyang ໄດ້ຍົກເລີກການເຊື້ອເຊີນຄະນະກວດກາຂອງອົງການພະລັງງານປະ
ລະມານູສາກົນ ເພື່ອເຂົ້າໄປກວດກາເບິ່ງສະຖານທີ່ນີວເຄລຍແຫ່ງຕ່າງໆຂອງຕົນນັ້ນ.
ລາຍງານເວົ້າວ່າ ການເອົາບາດກ້າວດັ່ງກ່າວ ແມ່ນເພື່ອເປັນການຕອບໂຕ້ຕໍ່ການຕັດ
ສິນໃຈຂອງສະຫະລັດ ທີ່ໄດ້ໂຈະການສົ່ງສະບຽງອາຫານໄປໃຫ້ ເນື່ອງຈາກການ
ພະຍາຍາມສົ່ງຈະຫຼວດ ໃນມື້ວັນສຸກແລ້ວ.

ການຍິງລູກຈະຫຼວດທີ່ລົ້ມແຫຼວຊຶ່ງໄດ້ໃຊ້ເວລາແຕ່ພຽງບໍ່ເທົ່າໃດນາທີ ຫຼັງຈາກໄດ້ທະຍານ
ຂຶ້ນສູ່ທ້ອງຟ້າ ແລະສິ້ນສຸດລົງດ້ວຍຄວາມອັບອາຍຂາຍໜ້າໃຫ້ແກ່ກຸງ Pyongyang ເວລາ
ລູກຈະຫຼວດ ລະເບີດແຕກອອກຈາກກັນ ແລະຕົກລົງໃສ່ທະເລເຫຼືອງ.

ເອກອັກຄະລັດຖະທູດສະຫະລັດປະຈໍາອົງການສະຫະປະຊາຊາດ ທ່ານນາງ Susan Rice ຊຶ່ງເປັນປະທານວຽນຂອງສະພາຄວາມໝັ້ນຄົງອົງການສະຫະປະຊາຊາດໃນເດືອນນີ້ນັ້ນກ່າວວ່າ ການພະຍາຍາມຂອງເກົາຫຼີເໜືອໄດ້ກໍ່ໃຫ້ເກີດມີຄວາມເປັນຫ່ວງກັງວົນຢ່າງແຮງໃນທົ່ວພາກພື້ນເອເຊຍຕາເວັນອອກ. ທ່ານນາງຍັງໃຫ້ຂໍ້ສັງເກດຕື່ມວ່າ ຖ້າຫາກວ່າກຸງ Pyongyang ເລືອກທີ່ຈະທ້າທາຍຫຼືເປັນປໍລະປັກກັບປະຊາຄົມນາໆຊາດອີກ ສະພາໝັ້ນຄົງອົງການສະຫະປະຊາຊາດກໍດຳເນີນການຕາມນັ້ນ.

ເກົາຫຼີເໜືອ ພວມປໍ້າເຊື້ອໄຟ ໃສ່ຈະຫລວດ

ຂຽນເມື່ອ: ມ.ສ.. 12, 2012 | ມີ 5 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ບັນດາເຈົ້າໜ້າທີ່ເກົາຫລີເໜືອກ່າວເມື່ອວັນພຸດມື້ນີ້ວ່າ ພວກເຂົາເຈົ້າໄດ້ສີດເຊື້ອໄຟເຂົ້າໃສ່

ຈະຫລວດ ເພື່ອຈະສົ່ງດາວທຽມຂຶ້ນສູ່ອະວະກາດ ຊຶ່ງເຮັດໃຫ້ການປະເຊີນໜ້າ ທີ່ພວມ

ເພີ່ມທະວີຂຶ້ນກັບບັນດາປະເທດເພື່ອນບ້ານໃນຂົງເຂດແລະກັບສະຫະລັດນັ້ນເຄັ່ງຕຶງຂຶ້ນ

ຕື່ມ.

ທ່ານ Paek Chang Ho ຫົວໜ້າສູນກາງຄວບຄຸມການຍິງຈະຫລວດ ຂອງເກົາຫຼີເໜືອ

ປະກາດກ່ຽວກັບການປະຕິບັດງານດັ່ງກ່າວຕໍ່ກຸ່ມນັກຂ່າວນາໆຊາດທີ່ກໍາລັງຢ້ຽມຢາມ

ເກົາຫລີເໜືອ ໂດຍກ່າວວ່າ ຂະນະທີ່ເວົ້າຢູ່ນີ້ກໍາລັງມີການບັນຈຸເຊື້ອໄຟເຂົ້າໃສ່ຈະຫລວດ.

ບັນດານັກຂ່າວທີ່ຢ້ຽມຢາມຖານຍິງຈະຫລວດ ເມື່ອວັນອາທິດຜ່ານມານັ້ນ ສາມາດຊົມ

ກິດຈະກໍາດັ່ງ ກ່າວທາງວີດີໂອ ທີ່ຖ່າຍທອດສົດໄປຍັງສູນຄວບຄຸມເມື່ອວັນພຸດມື້ນີ້.

ທ່ານ Paek ຍັງໄດ້ເວົ້າອີກວ່າ ດາວທຽມພະຍາກອນອາກາດແມ່ນໄດ້ຕິດຕັ້ງໃສ່ຈະຫລວດ

ໄວ້ແລ້ວ ແລະຕຽມທີ່ຈະຍິງຂຶ້ນສູ່ວົງໂຄຈອນໃນເວລາໃດນຶ່ງລະຫວ່າງວັນພະຫັດ ຫາວັນຈັນ

ອາທິດໜ້າ ແລ້ວແຕ່ສະພາບດິນຟ້າອາ ກາດ. ຮູບວິດີໂອໄດ້ສະແດງໃຫ້ເຫັນມີຜ້າຄຸມຫົວ

ຂອງຈະຫລວດໄວ້ ຊຶ່ງເຮັດໃຫ້ການກ່າວອ້າງຂອງເກົາຫຼີເໜືອບໍ່ສາມາດຢືນຢັນໄດ້.

ການຍິງທີ່ກໍານົດໄວ້ດັ່ງກ່າວນີ້ ແມ່ນສ້າງຄວາມໂກດແຄ້ນໃຫ້ແກ່ພວກປະເທດເພື່ອນບ້ານ

ຂອງເກົາຫລີເໜືອ ຊຶ່ງເຫັນການປະຕິບັດການດັ່ງກ່າວວ່າ ເປັນແຜນການເພື່ອທົດລອງລູກ

ສອນໄຟຂີປະນາວຸດທີ່ຂັ້ນຕໍ່ໄປສາມາດຕິດ ຕັ້ງຫົວລະເບີດນີວເຄລຍໄດ້.

ຍີ່ປຸ່ນ ກຽມພ້ອມ ເພື່ອຮັບມື ກັບການຍິງ ລູກສອນໄຟ ຂອງເກົາຫຼີເໜືອ

ຂຽນເມື່ອ: ມ.ສ.. 12, 2012 | ມີ 3 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຍີ່ປຸ່ນ ກຽມພ້ອມ ເພື່ອຮັບມື ກັບການຍິງ ລູກສອນໄຟ ຂອງເກົາຫຼີເໜືອ

ແຜນການຂອງເກົາຫຼີເໜືອ ໃນການດຳເນີນຄວາມພະຍາຍາມ ເທື່ອທີ 3 ທີ່ຈະສົ່ງດາວທຽມ ຂຶ້ນສູ່ວົງໂຄຈອນນັ້ນ ໄດ້ພາໃຫ້ມີການກຽມພ້ອມທາງທະຫານຢູ່ ທີ່ປະເທດຍີ່ປຸ່ນ. ເຈົ້າໜ້າທີ່ ຂອງຍີ່ປຸ່ນແລະເຈົ້າໜ້າທີ່ໃນປະເທດອື່ນໆກ່າວວ່າ ການຍິງຈະຫຼວດເພື່ອສົ່ງດາວທຽມຊຶ່ງຄາດ ວ່າ ຈະມີຂຶ້ນໃນກາງເດືອນເມສານີ້ ຈະເປັນການລ່ວງລະເມີດ ຕໍ່ມະຕິຂອງອົງການສະຫະປະ ຊາຊາດ ທີ່ຫ້າມບໍ່ໃຫ້ເກົາຫຼີເໜືອ ນຳໃຊ້ເທັກໂນໂລຈີ ລູກສອນໄຟຂີປະນາວຸດນັ້ນ. Steve Herman ຜູ້ສື່ຂ່າວຂອງວີໂອເອ ມີລາຍງານກ່ຽວກັບເລື່ອງນີ້ ຈາກກຸງໂຕກຽວ

ບາງທີ ມັນອາດຈະເປັນການກຽມພ້ອມທາງທະຫານໃນລະດັບສູງສຸດ ສຳຫຼັບກອງທັບຍີ່ປຸ່ນ

ນັບແຕ່ສົງຄາມໂລກຄັ້ງທີ 2 ເປັນຕົ້ນມາ ກໍເປັນໄດ້.

ຍີ່ປຸ່ນໄດ້ສົ່ງກຳປັ່ນລົບຈຳນວນນຶ່ງທີ່ມີຄວາມສາມາດໃນການຍິງທຳລາຍລູກສອນໄຟອອກໄປ

ປະຈຳໜ້າທີ່ຢູ່ກາງທະເລ ແລະໄດ້ຕິດຕັ້ງລະບົບປ້ອງກັນລູກສອນໄຟຢູ່ຕາມເກາະດອນຕ່າງໆ

ທີ່ຢູ່ເຂດນອກແລະແມ່ນກະທັງໃນເຂດໃຈກາງກຸງໂຕກຽວກໍມີການຕັ້ງລະບົບດັ່ງກ່າວເຊັ່ນກັນ.

ກຳລັງທະຫານຂອງສະຫະລັດໃນປະເທດຍີ່ປຸ່ນກໍໄດ້ຮັບຄຳສັ່ງທີ່ຄ້າຍຄືກັນ ໃຫ້ຢູ່ໃນທ່າກຽມ

ພ້ອມ.

ທີ່ເກາະ Ishigaki ຊຶ່ງເປັນເກາະດອນທີ່ສອກຫຼີກຫ່າງໄກຂອງຍີ່ປຸ່ນນັ້ນ ປະຊາຊົນບາງຄົນ

ເວົ້າວ່າ ການກະກຽມຂອງພວກທະຫານເຮັດໃຫ້ເຂົາເຈົ້າຮູ້ສຶກບໍ່ສະບາຍໃຈແຕ່ປະຊາຊົນຄົນ

ນຶ່ງອາໄສຢູ່ທີ່ເກາະດັ່ງກ່າວເວົ້າວ່າ.

ຊາຍຄົນນີ້ເວົ້າວ່າ “ຂ້ອຍບໍ່ເຊື່ອເລີຍວ່າ ແມ່ນຫຍັງຄືມາໃຫ້ຄວາມສຳຄັນພິລຶກແທ້ໆ

ກ່ຽວກັບການຍິງລູກສອນໄຟຊື່ໆ.”

ແຕ່ທ່ານ Noriyuki Shikata ໂຄສົກຂອງທຳນຽບນາຍົກລັດຖະມົນຕີຍີ່ປຸ່ນກ່າວວ່າ ມັນບໍ່

ແມ່ນການສະແດງປະຕິກິລິຍາ ເກີນຂອບເຂດແຕ່ຢ່າງໃດເລີຍ.

ທ່ານ Shikata ເວົ້າວ່າ “ຄວາມເປັນໄປໄດ້ໃນການຍິງລູກສອນໄຟຂີປະນາວຸດຂອງ

ເກົາຫຼີເໜືອ ທີ່ຈິງແລ້ວ ເປັນການຂົ່ມຂູ່ໂດຍກົງຕໍ່ຄວາມໝັ້ນຄົງຂອງຍີ່ປຸ່ນແລະມັນ

ກໍເປັນເລື່ອງທຳມະດາ ສຳຫຼັບພວກເຮົາ ທີ່ຈະຕ້ອງກະກຽມ ໂດຍການຮ່ວມມືກັນ

ແບບໃກ້ຊິດ ໂດຍສະເພາະແລ້ວ ແມ່ນກັບກອງທັບຂອງສະຫະລັດ.”

ການກະກຽມຂອງຍີ່ປຸ່ນແລະເກົາ

ຫຼີໃຕ້ ທີ່ຈະຍິງທຳລາຍລູກສອນ

ໄຟຂອງເກົາຫຼີເໜືອຖ້າລູກສອນ

ໄຟດັ່ງກ່າວ ຫາກອອກຈາກທິດ

ທາງແລະບິນຂ້າມດິນແດນຂອງ

ພວກເຂົາເຈົ້ານັ້ນໄດ້ພາໃຫ້ມີການ

ຂົ່ມຂູ່ຄັ້ງໃໝ່ຈາກພຽງຢາງ ໂດຍ

ທີ່ເກົາຫຼີເໜືອເວົ້າວ່າການກະທຳ

ແບບນີ້ອາດຈະໝາຍເຖິງສົງຄາມ

ແລະ ຕົນກໍຈະທຳການຕອບໂຕ້

ທາງທະຫານໃນທັນທີ.

ໂຄສົກຍິງຂອງໂທລະພາບເກົາຫຼີ

ເໜືອປະກາດວ່າ “ຜູ້ໃດກໍຕາມ

ທີ່ຍິງທຳລາຍ ລູກສອນໄຟ

ຂອງພວກເຮົາ ຫຼືເກັບເອົາ

ຊາກຂອງລູກສອນໄຟນີ້ແລ້ວແມ່ນຈະໄດ້ຮັບການລົງໂທດໃນທັນທີ ຢ່າງເດັດດ່ຽວ

ແລະໄຮ້ຄວາມປານີ.”

ຖ້າເຈົ້າໜ້າທີ່ຍີ່ປຸ່ນແນມເຫັນວ່າ ລູກສອນໄຟຂອງເກົາຫຼີເໜືອຢູ່ໃນເສັ້ນທາງທີ່ຈະຕົກໃສ່ປະ

ເທດຍີ່ປຸ່ນແລ້ວ ຍີ່ປຸ່ນກໍຈະອອກຄຳເຕືອນຜ່ານລະບົບເຕືອນໄພສຸກເສີນເພື່ອແຈ້ງໃຫ້ປະຊາ

ຊົນຊາບໃນທັນທີ. ທ່ານ Shikata ຮອງຫົວໜ້າຝ່າຍປະຊາສຳພັນຂອງຄະນະລັດຖະບານ

ຍີ່ປຸ່ນເວົ້າວ່າ ຍີ່ປຸ່ນແມ່ນຈະກຽມພ້ອມ ບໍ່ວ່າສິ່ງໃດຈະເກີດຂຶ້ນ.

ທ່ານ Shikata ເວົ້າວ່າ “ທ່າທີຂອງພວກເຮົາກໍຄື ພວກເຮົາຈະຕັ້ງຢູ່ໃນຄວາມສະ

ຫງົບ ແຕ່ໃນຂະນະດຽວກັນ ພວກເຮົາກໍຈະມີຄວາມລະມັດລະວັງ ເພື່ອຮັບມືກັບ

ເຫດການສຸກເສີນຕ່າງໆ.”

ທ່ານ Aisawa ເວົ້າວ່າ “ຖ້າຍີ່ປຸ່ນຫາກພົບວ່າ ຕົນໄດ້ຕົກເປັນເປົ້າໃນການໂຈມຕີ

ຂອງລູກສອນໄຟ ມັນກໍຈະທໍ່ກັບເປັນການຮຸກຮານ ແລະພວກເຮົາ ກໍຈະບໍ່ມີທາງ

ເລືອກທາງອື່ນ ນອກເໜືອໄປຈາກ ຖືກແກ່ດຶງເຂົ້າສູ່ການເລີ່ມເຮັດສົງຄາມ. ແຕ່

ພວກເຮົາຈຳເປັນຕ້ອງໄດ້ພະຍາຍາມ ຮັກສາອາລົມໃຫ້ເຢັນໄວ້ ແລະທຳການຕັດ

ສິນໃຈທີ່ຖືກຕ້ອງ.”

ຖ້າການຍິງລູກສອນໄຟດັ່ງກ່າວ ຫາກດຳເນີນໄປຕາມກຳນົດການແລ້ວ ເຈົ້າໜ້າທີ່ຍີ່ປຸ່ນກ່າວ

ວ່າ ຕົນຈະຊຸກຍູ້ໃຫ້ມີການລົງໂທດໜັກຂຶ້ນຕື່ມຕໍ່ເກົາຫຼີເໜືອແລະຜູ້ນຳຄົນໃໝ່ທີ່ຍັງໜຸ່ມນ້ອຍ

ທ່ານກິມຈົງອຸນນັ້ນ.

ພິທີສະເຫຼີມສະຫຼອງ ສົງການປີໃໝ່ ທີ່ຫຼວງພະບາງ

ຂຽນເມື່ອ: ມ.ສ.. 10, 2012 | ມີ 4 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ພິທີສະເຫຼີມສະຫຼອງ ສົງການປີໃໝ່ ທີ່ຫຼວງພະບາງ

ລາຍການຊີວິດຊາວລາວໃນຕ່າງແດນມື້ນີ້ ວັນນະສອນໄດ້ນຳບົດສຳພາດຜູ້ຢູ່

ເບື້ອງຫຼັງ ຂອງເຫຼົ່ານາງງາມນາງສັງຂານປີໃໝ່ ຫຼວງພະບາງຂໍເຊີນທ່ານຮັບ

ຟັງລາຍລະອຽດ ໃນບົດສະພາດທີ່ວັນນະສອນໄດ້ກະກຽມໄວ້ໃຫ້ທ່ານຜູ້ຟັງໃນອັນດັບຕໍ່ໄປ.

ກຸດສົງການປີໃໝ່ທີ່ຊາວລາວຢູ່ໃນສາກົນລະໂລກນີ້ ໄດ້ຈັດສະຫຼອງກັນເທົ່າທຸກວັນນີ
ນັ້ນແມ່ນຮັກສາປະຕິບັດສືບທອດມາຈາກດຶກດໍາບັນ ຈາກບັນພະບຸລຸດຫຼາຍຊົ່ວເຊັ່ນຄົນ
ມາແລ້ວ ມື້ນີ້ໃນລາຍການຊີວິດຊາວລາວໃນຕ່າງແດນຂອງVOA ວັນນະສອນ
ຈະນໍາສະເໜີຮີດຄອງອັນດີງາມທີ່ຊາວຫຼວງພະບາງໄດ້ຍຶດນ່ຽວ ບໍ່ໄດ້ລະຮີດໃຫ້ໝອງ
ບໍ່ໄດ້ລະຄອງໃຫ້ເສົ້າ ຈັດສະເຫຼີມສະຫຼອງ

ກຸດສົງການປີໃໝ່ ແບບນຶ່ງດຽວໃນໂລກ ຫຼວງພະບາງ ຊຶ່ງວັນນະສອນໄດ້ສໍາພາດ
ເຈົ້າຂອງຮ້ານເສີມສວຍແລະຈັດເຄື່ອງແຕ່ງກາຍປະດັບປະດາ ໃຫ້ພວກຜູ້ເຂົ້າແຂ່ງຂັນ
ເອົາຕໍາແໜ່ງນາງສັງຂານຫຼວງພະບາງ ຈຸມາລີ ຈັນພະແກ້ວແລະນາງສັງຂານ ປີ 2009
ອາລຸນນີ ມານີວົງ ຂໍເຊີນທ່ານຮັບຟັງ ບົດສໍາພາດໄດ້ໃນອັນດັບຕໍ່ໄປ:

/ສຽງ ຈຸມາລີ/

ກ່ຽວກັບບຸນປີໃໝ່ ປະເພນີຕ່າງໆຂອງການຈັດການສະຫຼອງປີໃໝ່ຕາມຕໍານານ
ໂບຮານທີ່ໄດ້ກ່າວໄວ້ ກ່ຽວກັບກຸດສົງການປິໃໝ່ ທີ່ເຊື່ອວ່າ ຕ້ອງມີລູກສາວທັງ 7 ນາງ ໄດ້ນໍານໍ້າອົບນໍ້າຫອມໄປຫົດສົງຜູ້ເປັນບິດາ ພະພົມ4 ໜ້າ ເພາະສະນັ້ນການແຫ່ນາງສັງຂານ ຕາມປະເພນີແບບສະບັບຫຼວງພະບາງຂະໜານແທ້ ຈຶ່ງກາຍມາເປັນຈຸດສໍາຄັນທີ່ຂາດບໍ່ໄດ້
ໄປແລ້ວໃນສະໄໝປະຈຸບັນ ທີ່ຈະຕ້ອງມີການປະກວດເລືອກເອົານາງສັງຂານແລະຮອງທັງ
7 ເພື່ອເຂົ້າແຫ່ພິທີ ຊຶ່ງ ຈຸມາລີ ໄດ້ເຫຼົ່າໃຫ້ຟັງ ຕໍ່ໄປວ່າ:

/ສຽງ ຈຸມາລີ/

ພ້ອມດຽວກັນນີ້ ວັນນະສອນກໍໄດ້ ໂອ້ລົມກັບນາງ ສັງຂານປີ 2009 ອາລຸນນີ ມະນີວົງ ຜ່ານທາງລະສັບຈາກຫຼວງພະບາງໂດຍກົງ ຊຶ່ງອາລຸນນີ ກໍໄດ້ເວົ້າເຖິງ ຄວາມໄຝ່ຝັນທີ່ຢາກ
ເປັນນາງສັງຂານ ແລະກໍໄດ້ເປັນດັ່ງທີ່ໃຈໝາຍປອງໄວ້ ຊຶ່ງນາງເຫຼົ່າເຖິງການມາປະກອບ
ສ່ວນ ສືບສານວັດທະນະທໍານີ້ ຊຶ່ງ ອາລຸນນີ ກ່າວວ່າ:

/ສຽງ ອາລຸນນີ /

ກ່ອນຈົບການສໍາພາດ ທັງສອງຈຸມາລີ ແລະອາລຸນີ ກໍໄດ້ກ່າວແລະອວຍພອນ ພ້ອມທັງຊັກຊວນໃຫ້
ໄປທ່ອງທ່ຽວຢ້ຽມຢາມຫຼວງພະບາງ ຊຶ່ງທັງສອງໄດ້ກ່າວສະຫຼຸບວ່າ:

/ສຽງ ຈຸມາລີ /

/ສຽງ ອາລຸນນີ /

ຊ່ວງນີ້ກໍຍັງຖືວ່າຢູ່ໃນເກນກຸດສົງການປີໃໝ່ຢູ່ ເພາະສະນັ້ນ ວັນນະສອນ ຈະນໍາບົດສໍາພາດ
ກັບ ເຈົ້າແຂວງຫຼວງພະບາງ ພ້ອມກັບຫົວໜ້າພະແນກສື່ສານ, ວັດທະນະແລະການທ່ອງທ່ຽວ
ມາຝາກທ່ານຜູ້ຟັງອີກ ໃນອາທິດຕໍ່ໄປໂປດຄອຍຕິດຕາມ.

ປະທານປະເທດລາວ ຂໍໃຫ້ຮ່ວມກັນ ພັດທະນາ ຊົນນະບົດເພີ້ມຂຶ້ນ

ຂຽນເມື່ອ: ມ.ສ.. 9, 2012 | ມີ 3 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ປະທານປະເທດລາວ ຂໍໃຫ້ຮ່ວມກັນ ພັດທະນາ ຊົນນະບົດເພີ້ມຂຶ້ນ ເພື່ອລົບລ້າງ ຄວາມທຸກຍາກ

ປະທານປະເທດລາວເນັ້ນຢໍ້າ ໃຫ້ທຸກພາກສ່ວນຮ່ວມມືກັນເຂົ້າ ໃນການພັດທະນາຊົນນະບົດ

ເພື່ອລົບລ້າງຄວາມທຸກຍາກຂອງປະຊາຊົນລາວ ທີ່ຍັງຄົງມີຢູ່ຫລາຍກວ່າ 190,000 ຄອບຄົວໃນ 53 ເມືອງ.

ທ່ານຈູມມະລີ ໄຊຍະສອນ ປະທານປະເທດ ໄດ້ຖະແຫລງເນັ້ນຢໍ້າຕໍ່ກອງປະຊຸວ່າດ້ວຍ
ການພັດທະນາຊົນນະບົດໃນປະເທດລາວ ເມື່ອບໍ່ນານມານີ້ວ່າ ການພັດທະນາຊົນນະ
ບົດ ຖືເປັນພາກສ່ວນສໍາຄັນ ທີ່ສຸດໃນແຜນການລົບລ້າງບັນຫາຄວາມຍາກຈົນຂອງ
ປະຊາຊົນລາວ ບັນດາເຜົ່າຊຶ່ງພັກປະຊາຊົນປະຕິວັດລາວ ໄດ້ເປົ້າໝາຍໄວ້ຢ່າງຊັດເຈນ
ແລ້ວວ່າ ຈະຕ້ອງປະຕິບັດໃຫ້ເປັນຈິງໃຫ້ໄດ້ພາຍໃນປີ 2015 ກໍຄືການເຮັດໃຫ້ອັດຕາ
ຍາກຈົນຂອງປະຊາຊົນລາວ ຫລຸດລົງເຫລືອບໍ່ ເກີນ 10% ຂອງປະຊາກອນທັ້ງໝົດ.

ແຕ່ຢ່າງໃດກໍຕາມ ການທີ່ຈະສາມາດບັນລຸເປົ້າໝາຍດັ່ງກ່າວໄດ້ ຢ່າງແທ້ຈິງນັ້ນ ທ່ານ
ຈູມມະລີ ກໍໄດ້ລະບຸວ່າ ການພັດທະນາເສດຖະກິດຂອງຊາດໃຫ້ມີການຂະຫຍາຍໂຕ
ໃນອັດຕາສະເລ່ຍບໍ່ຫລຸດ 8% ຕໍ່ປີ ຊຶ່ງຈະເຮັດໃຫ້ຍອດຜະລິດຕະພັນລວມພາຍໃນ ຫລື
GDP ມີມູນຄ່າລວມ ທີ່ສາມາດສະເລ່ຍເປັນລາຍຮັບຂອງປະຊາກອນລາວໄດ້ ໃນລະ
ດັບສູງຂຶ້ນເປັນ 1,700 ໂດລາ ຕໍ່ຄົນຕໍ່ປີໃນປີ 2015 ດັ່ງກ່າວ.

ຫາກແຕ່ວ່າ ສໍາລັບໃນໄລຍະ
ແຜນກການ 5 ປີທີ່ຜ່ານມາ
ກໍຄືໃນຊ່ວງປີ 2006-2010
ນັ້ນ ກໍປາກົດວ່າ ເສດຖະກິດ
ຂອງລາວໄດ້ມີການຂະຫຍາຍ
ໂຕເພີ້ມຂຶ້ນໃນອັດຕາສະເລ່ຍ
7.9% ຕໍ່ປີ ຊຶ່ງເຮັດໃຫ້ຍອດຜະ
ລິດຕະພັນພາຍໃນສະເລ່ຍຕໍ່
ພົນລະເມືອງລາວໄດ້ 910 ຕໍ່
ຄົນ ໃນປີ 2011 ໃນຂະນະທີ່
ຍັງມີປະຊາຊົນລາວ ທີ່ທຸກຈົນ
ເຫລືອຢູ່ເຖິງ 190,000 ກວ່າຄອບຄົວ ທີ່ອາໃສຢູ່ເຂດ 53 ເມືອງໃນທົ່ວປະເທດ.

ຊຶ່ງດ້ວຍສະພາບການດັ່ງກ່າວ ຈຶ່ງເຮັດໃຫ້ຜູ້ນໍາຂອງລາວ ໄດ້ຮຽກຮ້ອງໄປເຖິງທຸກພາກ
ສ່ວນທັງໃນພາກລັດຖະບານ ແລະພາກເອກະຊົນ ເພື່ອໃຫ້ປະກອບສ່ວນເຂົ້າໃນການ
ພັດທະນາຊົນນະບົດຢ່າງຕັ້ງໜ້າ ດ້ວຍການຮ່ວມມືກັນ ຢ່າງໃກ້ຊິດ ແລະຖືສໍາຄັນ ໃນ
ວຽກງານພັດທະນາຊົນນະບົດຢ່າງແທ້ຈິງ ດັ່ງທີ່ທ່ານຈູມມະລີ ໄດ້ຖະແຫລງເນັ້ນຢໍ້າວ່າ:

ຕ້ອງຢືນຢັນຖືເອົາການ
ພັດທະນາຊົນນະບົດ ເປັນ
ສະໜາມຮົບອັນນຶ່ງ ໃນ
ການພັດທະນາປະເທດເຮົາ
ການຢືນຢັນ ຄືແນວນັ້ນ
ແມ່ນການສະແດງອອກ
ເຖິງການຍຶດໝັ້ນ ທາດ
ແທ້ ແລະມູນເຊື້ອອັນສະ
ຫງ່າລາສີ ຂອງພັກເຮົາ
ທັງສອດຄ້ອງ ແລະຕອບ
ສະໜອງຄວາມມຸ້ງມາດ
ປາດຖະໜາອັນແຮງກ້າ
ຂອງປະຊາຊົນເຮົາ.”

ນອກຈາກນັ້ນ ທາງການລາວກໍໄດ້ວາງແຜນການທີ່ຈະດຶງດູດເອົາການລົງທຶນຈາກຕ່າງ
ປະເທດໃຫ້ໄດ້ໃນມູນຄ່າລວມ ເຖິງ 40 ພັນລ້ານໂດລາ ສໍາລັບໂຄງການຂະໜາດໃຫຍ່
ຫລື Mega Projects ຈໍານວນຫລາຍກວ່າ 200 ໂຄງການ ນັບແຕ່ປັດຈຸບັນໄປຈົນເຖິງ
ປີ 2015 ໂດຍທີ່ສໍາຄັນນັ້ນ ກໍຄືໂຄງການກໍ່ສ້າງທາງລົດໄຟຄວາມໄວສູງຈາກລາວໄປຈີນ,
ໂຄງການຂະຫຍາຍສາຍສົ່ງກະແສໄຟຟ້າແຮງສູງທົ່ວປະເທດ, ໂຄງການສ້າງທາງຫລວງ
ແຫ່ງຊາດຂະໜານກັບເສັ້ນທາງເລກ 13, ໂຄງການກໍ່ສ້າງເຂຶ່ອນໄຟຟ້າ 14 ແຫ່ງ, ໂຄງ
ການສ້າງທາງດ່ວນໄປຫວຽດນາມ, ໂຄງການຂຸດຄົ້ນແຮ່ທາດໂປຣແຕສ ແລະແຮ່ບັອກ
ໄຊເປັນຕົ້ນ.

ສ່ວນໃນໄລຍະແຜນການ ປີ 2010-2012 ນີ້ ລັດຖະບານລາວກໍໄດ້ວາງເປົ້າໝາຍ ທີ່ຈະ
ເຮັດໃຫ້ຍອດຜະລິດພັນລວມພາຍໃນປະເທດ ຫລື GDP ຂະຫຍາຍຕົວເພີ້ມຂຶ້ນບໍ່ຕໍ່າກວ່າ
8% ຊຶ່ງກໍຈະເຮັດໃຫ້ມູນຄ່າ GDP ຂອງລາວ ໄລ່ເປັນລາຍຮັບສະເລ່ຍຂອງປະຊາກອນ
ລາວ ໄດ້ຫລາຍກວ່າ 1,200 ໂດລາຕໍ່ຄົນ ຕໍ່ປີ.

ທາງດ້ານຫ້ອງການຄະນະຊີ້
ນໍາພັດທະນາຊົນນະບົດແລະ
ລົບລ້າງ ຄວາມທຸກຍາກແຫ່ງ
ຊາດລາວ ກໍລາຍງານວ່າ ໃນ
ປັດຈຸບັນນີ້ໃນທົ່ວປະເທດລາວ
ມີຈໍານວນຄົວເຮືອນຢູ່ທັງໝົດ
1,049,211 ຄອບຄົວໃນເຂດ
8,654 ບ້ານທີແບ່ງເປັນ 1,100
ກຸ່ມບ້ານໃນເຂດ 144 ເມືອງ
ຂອງ 17 ແຂວງໃນທົ່ວປະເທດ
ແລະຈາກການປະຕິບັດໂຄງ
ການພັດທະນາຊົນນະບົດ ໃນ
ແຜນການປີທີ່ຜ່ານມານນັ້ນ
ກໍປະກົດວ່າ ສາມາດເຮັດໃຫ້ລາວມີຄອບຄົວ ທີ່ພັດທະນາແລ້ວ ຄິດເປັນ 47.82% ຂອງ
ຄອບຄົວທັງໝົດມີບ້ານພັດທະນາ 10.40% ກຸ່ມບ້ານພັດທະນາ 0.91% ຄອບຄົວທຸກ
ຍາກ 19.04% ແລະບ້ານທຸກຍາກ 37% ຕາມລໍາດັບ.

ການສໍ້ລາດບັງຫລວງ

ຂຽນເມື່ອ: ມ.ສ.. 7, 2012 | ມີ 16 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ການສໍ້ລາດບັງຫລວງ

ປະທານປະເທດລາວ ຮຽກຮ້ອງຂໍໃຫ້ອົງການກວດກາພັກ ດໍາເນີນມາດຕະການຕ້ານ ການສໍ້ລາດບັງຫລວງໃນທົ່ວປະເທດ ເນື່ອງຈາກເປັນບັນຫາທີ່ສົ່ງຜົນກະທົບຕໍ່ການນໍາພາ ຂອງພັກ.

ທ່ານຈູມມະລີ ໄຊຍະສອນ ປະທານປະເທດ ເລຂາທິການໃຫຍ່ພັກປະຊາຊົນປະຕິວັດ
ລາວ ໄດ້ຖະແຫລງຕໍ່ກອງປະຊຸມວຽກງານກວດກາພາຍໃນພັກ ແລະການຄຸ້ມຄອງບໍ
ລິຫານລັດ ໃນໄລຍະ 5 ປີທີ່ຜ່ານມາ ຍັງມີຂໍ້ຄົງຄ້າງຈໍານວນບໍ່ໜ້ອຍ ທີ່ຈະຕ້ອງໄດ້
ປັບປຸງແກ້ໄຂຢ່າງຮີບດ່ວນ.

ທັງນີ້ ໂດຍສະເພາະແມ່ນຄະນະພັກທຸກຂັ້ນຈາກສູນກາງ ແລະຂັ້ນແຂວງໃນທົ່ວປະເທດ
ນັ້ນ ຍັງປະຕິບັດໜ້າທີ່ໃນຄວາມຮັບຜິດຊອບ ຫລືວຽກງານ ທີ່ໄດ້ຮັບການມອບໝາຍ
ໄດ້ຢ່າງມີປະສິດທິພາບຕໍ່າ ທັງຍັງຂາດການປະສານງານຢ່າງແໜ້ນແຟ້ນເຂົ້າໃນການ
ສະກັດກັ້ນ ແລະຕ້ານການສໍ້ລາດບັງຫລວງອີກດ້ວຍ ຊຶ່ງກໍເຮັດໃຫ້ ເກີດມີພະຍາດອາດ
ຍາສິດຂຶ້ນໃນສະມາຊິກພັກ ແລະພະນັກງານລັດ ຈໍານວນບໍ່ໜ້ອຍ ແລະກໍໄດ້ນໍາໄປສູ່
ບັນຫາການເຊື່ອມຄຸນ, ປ່ຽນທາດ ທີ່ເປັນໄພອັນຕະລາຍທີ່ສຸດ ຕໍ່ການນໍາພາຂອງພັກ
ໃນປັດຈຸບັນນີ້.

ເພາະສະນັ້ນ ຈຶ່ງເຮັດໃຫ້ທ່ານຈູມມະລີ ສະແດງການຮຽກຮ້ອງຕໍ່ກອງປະຊຸມໃນຄັ້ງນີ້
ວ່າ ການທີ່ພັກຈະສາມາດຢູ່ລອດປອດໄພໄດ້ຕໍ່ໄປຢ່າງຍາວນານນັ້ນ ກໍມີພຽງການປະ
ສານສົມທົບຢ່າງແໜ້ນແຟ້ນຂອງບັນດາສະມາຊິກພັກ ແລະພະນັກງານລັດເຂົ້າໃນການ
ສະກັດກັ້ນ ແລະຕ້ານການສໍ້ລາດບັງຫລວງຢ່າງແທ້ຈິງເທົ່ານັ້ນ.

ທ່ານອາຊາງ ລາວລີ ຮອງ
ນາຍົກລັດຖະມົນຕີ ໄດ້ຖະ
ແຫລງຍອມຮັບວ່າ ການ
ກວດກາການປະຕິບັດ
ແລະການໃຊ້ຈ່າຍງົບປະ
ມານໃນໜ່ວຍງານຂອງ
ລັດຖະບານລາວ ໃນໄລ
ຍະທີ່ຜ່ານມາພົບວ່າ ຍັງ
ມີການປະຕິບັດ ທີ່ບໍ່ເປັນ
ໄປຕາມກົດລະບຽບ ແລະ
ມີການປະຕິບັດງານເພື່ອ
ຜົນປະໂຫຍດສ່ວນຕົວເກີດຂຶ້ນຢ່າງກວ້າງຂວາງ ໂດຍກໍລະນີ ທີ່ກວດພົບຫລາຍທີ່ສຸດ ກໍຄືການລັກລອບຕັດໄມ້ເກີນໂກຕາ ຕິດຕາມດ້ວຍການນໍາເຂົ້າຍວດຍານພະຫະນະ
ໂດຍແຈ້ງວັດຖຸປະສົງທີ່ບໍ່ຈິງ ເຊ່ນການແຈ້ງວ່າ ນໍາຍວດຍານພະຫະນະເຂົ້າມາໃຊ້ໃນ
ໂຄງການພັດທະນາຕ່າງໆ ເພື່ອເປັນການຫລີກລ້ຽງການຊໍາລະພາສີຢ່າງຖືກຕ້ອງ.

ນອກຈາກນັ້ນ ກໍມີການໃຫ້ສໍາປະທານສິດໃນການເຊົ່າທີ່ດິນເກີນກວ່າພື້ນທີ່ ທີ່ໄດ້ຮັບ
ອະນຸຍາດຈາກລັດຖະບານສ່ວນກາງ, ການບໍ່ສົ່ງລາຍຮັບຈາກການຂາຍໄມ້ເຂົ້າຄັງຂອງ
ລັດ ແລະການຫຼີກລ້ຽງການຈ່າຍອາກອນ ແລະຄ່າທໍານຽມຕ່າງໆ ຂອງບັນດາບໍລິ
ສັດເອກກະຊົນ ໂດຍມີເຈົ້າໜ້າທີ່ຂອງລັດຖະບານ ໃຫ້ການຮ່ວມມືນໍາດ້ວຍເປັນຕົ້ນຊຶ່ງ
ທັງໝົດນີ້ ກໍເຮັດໃຫ້ລັດຖະບານລາວຕ້ອງຂາດລາຍໄດ້ຫຼາຍຮ້ອຍຕື້ກີບ ໃນແຕ່ລະປີ.

ສ່ວນທາງດ້ານສະມາຊິກສະພາແຫ່ງຊາດລາວທ່ານນຶ່ງ ກໍໄດ້ໃຫ້ຄວາມຄິດເຫັນວ່າ ການ
ທີ່ຈະເຮັດໃຫ້ການປະຕິບັດໜ້າທີ່ຂອງອົງການກວດກາແຫ່ງຊາດ ມີປະສິດຕິພາບຫຼາຍຂຶ້ນ
ນັ້ນ ກໍຈຳເປັນທີ່ຈະຕ້ອງມີການກວດສອບການປະຕິບັດງານຂອງເຈົ້າໜ້າທີ່ຂອງອົງການ
ກວດກາອີກດ້ວຍ ດັ່ງທີ່ທ່ານກ່າວວ່າ:

“ຜູ້ກວດສອບນີ້ ກໍ່ຕ້ອງກວດກາຄືນຄີກັນ ຄວາມໂປ່ງໃສນີ້ກະຢາກໃຫ້ເບິ່ງຄືກັນ
ເດີ້ ນີ້ຜູ້ໄປກວດສອບບໍ່ແມ່ນໄປກວດສອບລ້າໆເດ້ ບໍ່ແມ່ນເດ້ ພ້ອມກັນນີ້ແລ້ວ
ການໃຊ້ຈ່າຍເດ້ໄປກວດສອບແຕ່ລະບ່ອນໆ ໝົດນ້ອຍຫຼາຍປານໃດມັນຈຶ່ງຈະຮູ້
ວ່າຄວາມຮັບຜິດຊອບຂອງເຮົາໃນການປະຕິບັດໜ້າທີ່ນີ້ເດ້ ບາງບ່ອນມັນກະແກ່
ຍາວ 2-3 ເດືອນ 6 ເດືອນກໍຍັງບໍ່ແລ້ວ ອັນນີ້ຕ້ອງໄດ້ກວດຄືກັນ ກໍຕ້ອງແຈ້ງ
ຕໍ່ສະພາແຫ່ງຊາດເຊັ່ນດຽວກັນ.”

ທາງດ້ານອົງການກວດກາຄວາມໂປ່ງ
ໃສສາກົນ ຫຼື Transparency
International ໄດ້ສະເໜີລາຍງານວ່າ
ລາວເປັນປະເທດນຶ່ງທີ່ຢູ່ໃນກຸ່ມປະເທດ
ທີ່ມີການສໍ້ລາດບັງຫຼວງຫຼາຍເກີດຂຶ້ນ
ຢ່າງກວ້າງຂວາງ ໂດຍໃນປີ 2011 ທີ່
ຜ່ານມາ ກໍປະກົດວ່າ ບັນດານັກທຸລະ
ກິດຊາວຕ່າງປະເທດ ໄດ້ໃຫ້ຄະແນນ
ຄວາມເຊື່ອຖືຕໍ່ການບໍລິຫານງານຢ່າງ
ໂປ່ງໃສຂອງລັດຖະບານລາວພຽງ 2.2
ຄະແນນເທົ່ານັ້ນ ຈາກຄະແນນເຕັມ
10 ຊຶ່ງກໍເປັນຜົນເຮັດໃຫ້ລາວໄດ້ຖືກ
ຈັດຢູ່ໃນອັນດັບທີ 154 ຈາກການສໍາ
ຫລວດທັງໝົດ 182 ປະເທດ ໃນທົ່ວໂລກ. ສ່ວນປະເທດທີ່ມີການສໍ້ລາດບັງຫລວງຕໍ່າທີ່
ສຸດກໍຄື ນີວຊີແລນ ທີ່ໄດ້ຮັບຄະແນນຄວາມເຊື່ອຖື ຈາກບັນດານັກທຸລະກິດຊາວຕ່າງ
ຊາດເຖິງ 9.5 ຄະແນນ ຈາກຄະແນນເຕັມ 10 ຄະແນນ.

ເກົາຫຼີເໜືອວ່າ ສະຫະລັດຕອບໂຕ້ ແຮງເກີນໄປ

ຂຽນເມື່ອ: ມ.ສ.. 3, 2012 | ມີ 4 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເກົາຫຼີເໜືອກ່າວໃນວັນເສົາວານນີ້ວ່າ ການງົດໃຫ້ການຊ່ອຍເຫຼືອເຂົ້າປາອາຫານຂອງສະຫະ
ລັດແກ່ເກົາຫຼີເໜືອນັ້ນ ແມ່ນເປັນການຕອບໂຕ້ທີ່ເກີນໄປ ຕໍ່ແຜນການຍິງລູກສອນໄຟຂຶ້ນສູ່
ອະວະກາດທີ່ກຸງພຽງຢ້າງໄດ້ວາງແຜນໄວ້ນັ້ນ.

ເກົາຫຼີເໜືອໄດ້ປະກາດໃຫ້ຮູ້ໃນເດືອນກຸມພາຜ່ານມາວ່າ ຕົນຈະງົດການທົດທອງນີວເຄລຍ
ຂອງຕົນໄວ້ຊົ່ວຄາວ ພ້ອມທັງການຍິງລູກສອນໄຟຂີປະນາວຸດ ແລະການເຄື່ອນໄຫວດ້ານ
ນີວເຄລຍຕ່າງໆຂອງຕົນ ຊຶ່ງ ເພື່ອເປັນການແລກປ່ຽນ ທາງກຸງວໍຊິງຕັນໄດ້ໃຫ້ຄໍາໝັ້ນສັນ
ຍາທີ່ຈະໃຫ້ການຊ່ອຍເຫຼືອດ້ານເຂົ້າປາອາຫານແກ່ເກົາຫຼີເໜືອໃນປະລິມານ 240 ພັນໂຕນນັ້ນ.

ບັດນີ້ ທາງກຸງວໍຊິງຕັນຖືວ່າ ການຍິງຈະຫຼວດທີ່ທາງກຸງພຽງຢ້າງໄດ້ວາງແຜນໄວ້ນັ້ນ ແມ່ນເປັນ

ການລະເມີດຕໍ່ຂໍ້ຕົກລົງກັນດັ່ງກ່າວ ແລະກ່າວວ່າ ກຸງພຽງຢ້າງກໍາລັງພະຍາຍາມທໍາການທົດ

ສອບເທັກໂນໂລຈີລູກສອນໄຟທີ່ຍິງໄດ້ໃນໄລຍະໄກ. ແຕ່ເກົາຫຼີເໜືອກ່າວວ່າ ຕົນຈະສົ່ງດາວ

ທຽມຂຶ້ນສູ່ວົງໂຄຈອນ ເພື່ອເປົ້າໝາຍໃນທາງສັນຕິ.

ສປປ ລາວ ມີ ເພດຍິງທີ່ຕິດເຊື້ອໂຣກເອດສ໌ ເພີ້ມຂຶ້ນໄວທີ່ສຸດ ໃນເຂດເອເຊຍ-ປາຊີຟິກ

ຂຽນເມື່ອ: ມ.ສ.. 3, 2012 | ມີ 9 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ສປປ ລາວ ມີ ເພດຍິງທີ່ຕິດເຊື້ອໂຣກເອດສ໌ ເພີ້ມຂຶ້ນໄວທີ່ສຸດ ໃນເຂດເອເຊຍ-ປາຊີຟິກ

ຄົນລາວຍັງຄົງຕິດເຊື້ອ HIV-AIDS ເພີ້ມຂຶ້ນຢ່າງຕໍ່ເນື່ອງ ໂດຍຈົນເຖິງທ້າຍປີ 2011 ກໍ ປະກົດວ່າ ມີຄົນລາວ ຕິດເຊື້ອໂຣກດັ່ງກ່າວແລ້ວ ເກືອບເຖິງ 5,000 ຄົນ ແລະຄາດວ່າ ຈະເຖິງ 14 ພັນຄົນໃນປີ 2015 ນີ້.ທ່ານຈັນທອນ ຄໍາສີບຸນເຮືອງ ຮອງຫົວໜ້າສູນຕ້ານໂຣກເອດສ໌ ແຫ່ງຊາດລາວ ໄດ້
ຖະແຫລງຍອມຮັບວ່າ ໃນປີ 2011 ທີ່ຜ່ານມາ ມີຄົນລາວ ທີ່ຕິດເຊື້ອ HIV-AIDS
ເພີ້ມຂຶ້ນອີກ 670 ຄົນ ຊຶ່ງບໍ່ພຽງແຕ່ຈະເປັນຈໍານວນຜູ້ຕິດເຊື້ອ ທີ່ຫລາຍກວ່າປີ 2010
ເທົ່ານັ້ນ ຫາກແຕ່ດ້ວຍຈໍານວນຄົນຕິດເຊື້ອທີ່ເພີ້ມຂຶ້ນຢ່າງຕໍ່ເນື່ອງ ດັ່ງກ່າວນີ້ ກໍຍັງຖືວ່າ ເປັນສະພາບການທີ່ໜ້າເປັນຫວ່ງ ຢ່າງຍິ່ງອີກດ້ວຍ.

ທັງນີ້ກໍເນື່ອງຈາກວ່າ ສາເຫດທີ່ເຮັດໃຫ້ຄົນລາວຕິດເຊື້ອ HIV-AIDS ເພີ້ມຂຶ້ນຫລາຍທີ່
ສຸດນັ້ນກໍຄື ການມີເພດສໍາພັນໂດຍບໍ່ມີການປ້ອງກັນ ດ້ວຍການສວມຖົງຢາງອະນາໄມ ໂດຍສະເພາະແມ່ນການຮັກຮ່ວມເພດ ທີ່ເປັນການມີເພດສໍາພັນລະຫວ່າງເພດຊາຍດ້ວຍ
ກັນນັ້ນ ຖືວ່າເປັນສາເຫດ ທີ່ເຮັດໃຫ້ມີຄົນລາວ ຕິດເຊື້ອເພີ້ມຂຶ້ນຫລາຍທີ່ສຸດ ຕິດຕາມ
ດ້ວຍການຕິດເຊື້ອ ຈາກການຄ້າປະເວນີ ແລະການໃຊ້ເຂັມສັກຢາຮ່ວມກັນ ໃນກຸ່ມທີ່ຊົມ
ໃຊ້ຢາເສບຕິດເປັນປະຈໍາ.

ຍິ່ງໄປກວ່ານັ້ນ ສູນຕ້ານ
ໂຣກເອດສ໌ແຫ່ງຊາດລາວ
ໄດ້ເປິດເຜີຍໃຫ້ຮູ້ວ່າ ລາວ
ເປັນປະເທດນຶ່ງທີ່ມີປະຊາ
ກອນເພດຍິງຕິດເຊື້ອໂຣກ
HIV-AIDS ເພີ່ມຂຶ້ນຢ່າງໄວ
ວາທີ່ສຸດໃນຂົງເຂດອາຊີ-
ປາຊີຟິກ ເຊິ່ງກໍຄືອັດຕາ
ສະເລ່ຍການຕິດເຊື້ອໂຣກ
HIV-AIDS ຂອງປະຊາກອນ
ເພດຍິງລາວ ໄດ້ເພີ່ມຂຶ້ນຈາກ 18% ຂອງຈໍານວນຜູ້ຕິດເຊື້ອທັງໝົດໃນປີ 1990 ມາ
ເປັນເຖິງ 35% ໃນປີທີ່ແລ້ວນີ້.

ທັງນີ້ ເຖິງແມ່ນວ່າ ອັດຕາການຕິດເຊື້ອ HIV-AIDS ຂອງຄົນລາວໃນປັດຈຸບັນນີ້ ຍັງຄົງ
ຢູ່ໃນລະດັບທີ່ຕໍ່າ ເມື່ອທຽບໃສ່ກັບປະເທດອື່ນໆໃນພູມີພາກດຽວກັນ. ຈາກການສຸ່ມກວດ
ເລືອດຂອງປະຊາຊົນລາວຈໍານວນຫລາຍກສ່າ 2 ແສນຄົນໃນ 17 ແຂວງທົ່ວປະເທດ ນັບ
ແຕ່ປີ 1990- 2011 ນັ້ນກໍພົບວ່າ ມີຄົນລາວຕິດເຊື້ອຈໍານວນ 4,942 ຄົນ ຫລືຄິດເປັນ
ອັດຕາສະເລ່ຍການຕິດເຊື້ອໂຣກດັ່ງກ່າວພຽງແຕ່ 1.6% ເທົ່ານັ້ນກໍຕາມ. ຫາກແຕ່ກໍ່ປາ
ກົດວ່າ ມີຄົນທີ່ເປັນໂຣກເອດສ໌ແລ້ວ ຫຼາຍກວ່າ 2,500 ຄົນ ແລະເສຍຊີວິດໄປແລ້ວ ເຖິງ
1,100 ກວ່າຄົນ.

ຊຶ່ງກໍຍ້ອນວ່າລະບົບໃນບໍລິ
ການດ້ານການປິ່ນປົວ ແລະ
ການຮັກສາສຸຂະພາບຂອງ
ລັດຖະບານນັ້ນ ຍັງຄົງບໍ່
ສາມາດທີ່ຈະໃຫ້ການເບິ່ງ
ແຍງບັນດາຄົນລາວທີ່ຕິດ
ເຊື້ອໂຣກດັ່ງກ່າວນີ້ໄດ້ຢ່າງ
ທົ່ວເຖິງ ແລະເມື່ອປະກອບ
ກັບການທີ່ລາວເປັນປະເທດ
ທີ່ມີຈຸດທີ່ຕັ້ງຢູ່ເຂດສູນກາງ ທີ່ສາມາດຈະເຊື່ອມຕໍ່ການຄົມມະນາຄົມແລະຂົນສົ່ງ ກັບບັນ
ດາປະເທດ ທີ່ຢູ່ໃນເຂດລຸ່ມແມ່ນໍ້າຂອງດ້ວຍກັນໄດ້ ໃນທຸກທິດທຸກທາງດ້ວຍແລ້ວ ກໍຍັງ
ນັບເປັນເງຶ່ອນໄຂສໍາຄັນທີ່ຈະເຮັດໃຫ້ປະຊາຊົນລາວມີຄວາມສ່ຽງຢ່າງສູງ ທີ່ຈະຕິດເຊື້ອ
ໂຣກດັ່ງກ່າວນີ້ຫລາຍຂຶ້ນນັບມື້ອີກດ້ວຍ. ດັ່ງທີ່ເຈົ້າໜ້າທີ່ລາວໄດ້ໃຫ້ການຊີ້ແຈງໃນຕອນ
ນຶ່ງວ່າ:

“ການຕິດເຊື້ອທາງເພດສໍາພັນຢູ່ບ້ານເຮົາເຫັນວ່າມັນເພີ່ມຫລາຍຂຶ້ນ
ໃນແຕ່ລະປີ ແລະເປັນປັດໃຈສ່ຽງຕໍ່ການຕິດພະຍາດດັ່ງກ່າວ ຢູ່ໃນຂົງ
ເຂດປະເທດອ້ອມຂ້າງຂອງເຮົາ ກໍແມ່ນມີການຕິດເຊື້ອຫລາຍຂຶ້ນ ແລະ
ລາວເຮົາກໍເປັນທາງຜ່ານ ແນ່ນອນວ່າ ການເດີນທາງໄປມາຫາສູ່ກັນ
ຂອງບັນດານັກທ່ອງທ່ຽວ ກໍແມ່ນບັນຫາທີ່ສະກັດກັ້ນບໍ່ໄດ້.”

ກຸ່ມປະຊາກອນລາວທີ່ຕິດເຊື້ອໂຣກ HIV-AIDS ຫລາຍທີ່ສຸດ ກໍຄືກຸ່ມແມ່ຍິງທີ່ປະກອບ
ອາຊີບຢູ່ໃນພາກບໍລິການ, ກຸ່ມແຮງງານເຄື່ອນຍ້າຍ, ກຸ່ມທີ່ຊົມໃຊ້ຢາເສບຕິດ, ກຸ່ມແຮງ
ງານອຸດສາຫະກໍາ, ກຸ່ມນັກຮຽນນັກສຶກສາທີ່ຢູ່ຕາມຫໍພັກແລະກຸ່ມຮັກຮ່ວມເພດຕາມລໍາດັບ.

ນອກຈາກນັ້ນ ກຸ່ມແຮງງານລາວທີ່ໄດ້ພາກັນໄປລັກລອບທໍາງານໂດຍຜິດກົດໝາຍຢູ່ໃນ
ປະເທດເພື່ອນບ້ານ ໂດຍສະເພາະແມ່ນກຸ່ມແຮງງານລາວເພດຍິງ ທີ່ລັກລອບທໍາງານຢູ່ໃນ
ປະເທດໄທ ໂດຍຜິດກົດໝາຍນັ້ນ ກໍມີໂອກາດທີ່ຈະຖືກບັງຄັບໃຫ້ຕ້ອງຂາຍບໍລິການທາງ
ເພດໂດຍຂາດການປ້ອງກັນຕົນເອງອີກດ້ວຍ ແລະຖ້າຫາກວ່າ ສະພາບການຍັງຄົງເປັນ
ຄືແນວນີ້ຕໍ່ໄປ ກໍເຮັດໃຫ້ມີການຄາດໝາຍວ່າ ຈະມີຄົນລາວຕິດເຊື້ອ HIV-AIDS ເພີ້ມຂຶ້ນ
ອີກເຖິງ 14,000 ຄົນ ພາຍໃນປີ 2015 ໂດຍໃນນະຄອນວຽງຈັນ ແລະແຂວງສະຫວັນ
ນະເຂດ ກໍຈະເປັນພື້ນທີ່ ທີ່ມີຜູ້ຜູ້ຕິດເຊື້ອຫລາຍທີ່ສຸດໃນລາວ ອີກດ້ວຍ.

31 ຄົນເສຍຊີວິດ ໃນເຫດເຮືອບິນຕົກ ທີ່ຣັດເຊຍ

ຂຽນເມື່ອ: ມ.ສ.. 3, 2012 | ມີ 3 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ບັນດາເຈົ້າໜ້າທີ່ຮັບມືກັບພາວະສຸກເສິນຂອງຣັດເຊຍກ່າວວ່າ ຢ່າງໜ້ອຍ 31 ຄົນເສຍຊີວິດເວລາເຮືອບິນໂດຍສານລໍານຶ່ງເກີດອຸບັດເຫດຕົກລົງແລະລະເບີດເປັນແປວໄຟຂຶ້ນ ໃນເວລາບໍ່ດົນຫຼັງຈາກບິນຂຶ້ນຈາກເດີ່ນໃນ Siberia ທີ່ເປັນເຂດຜະລິດນໍ້າມັນໃນວັນຈັນມື້ນີ້.

ຜູ້ໂດຍສານທີ່ລອດຊີວິດ 13 ຄົນ ໄດ້ຖືກຊ່ວຍອອກມາຈາກ ຊາກຫັກພັງຂອງເຮືອບິນ ແຕ່ຄົນນຶ່ງໄດ້ເສຍຊີວິດໄປໃນເວລາຕໍ່ມາ. ບັນດາເຈົ້າໜ້າທີ່ດ້ານການແພດກ່າວຕໍ່ສື່ມວນຊົນຂອງລັດວ່າ ພວກທີ່ລອດຊີວິດຢ່າງໜ້ອຍ 5 ຄົນ ຍັງຢູ່ໃນອາການສາຫັດ. ມີຄົນໂດຍສານ 39 ຄົນ ແລະນັກບິນກັບພະນັກງານ 4 ຄົນຢູ່ໃນເຮືອບິນໃນເວລາທີ່ເກີດອຸບັດເຫດ.

ເຮືອບິນຮຸ່ນ ATR-72 ທີ່ມີສອງໝາກປິ່ນ ທີ່ບໍລິສັດ UTair ເປັນຜູ້ຈັດການ ໄດ້ເກີດອຸບັດເຫດຕົກລົງຢູ່ຫ່າງຈາກເມືອງTyumen ປະມານ 35 ຫຼັກກິໂລແມັດ ໃນພາກຕາເວັນຕົກຂອງເຂດ Siberia ໃນຂະນະທີ່ພວມບິນມຸ້ງໜ້າໄປສູ່ເມືອງ Surgut.

ເວລານີ້ຍັງບໍ່ທັນຮູ້ຈັກສາເຫດຂອງເຮືອບິນຕົກເທື່ອ.

10ອັນດັບສະໜາມກິລາບານເຕະທີ່ໃຫຍ່ທີ່ສຸດໃນໂລກ

ຂຽນເມື່ອ: ມ.ສ.. 2, 2012 | ມີ 4 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ອັນດັບທີ 10 ສະໜາມ New Wembley Stadium: ສະໜາມກິລາບານເຕະWembley stadium ຢູ່ທີ່ປະເທດອັງກິດ ຄວາມຍິ່ງໃຫຍ່ຂອງສະໜາມກິລາບານເຕະແຫ່ງນີ້ແມ່ນສາມາດບັນຈຸຄົນໄດ້ເຖິງ 90,000 ຄົນ. ໃຊ້ງົບປະມານໃນການກໍ່ສ້າງດ້ວຍງົບປະ ມານ 757 ລ້ານປອນ. ເປີດໃຊ້ຄັ້ງທໍາອິດວັນທີ 7 ມີນາ ປີ 2007 ມີບ່ອນຈອດລົດສະເພາະ 2,900 ຄັນ ຈັດໄວ້ສະເພາະແຂກລະດັບ VIP ເທົ່ານັ້ນ, ເຊິ່ງຖືວ່າໜ້ອຍຫຼາຍກັບຈໍານວນແຟນບານທີ່ເຂົ້າຮ່ວມຊົມການແຂ່ງຂັນແຕ່ລະຄັ້ງ.

ອັນດັບທີ 9 ສະໜາມ L' Estadi ຫຼືມີອີກຊື່ໜື່ງວ່າ: camp nou ເປັນສະໜາມກິລາຂອງສະໂມສອນ Barcelona ສະໂມສອນຊື່ດັງຂອງປະເທດແອັສປາຍ, ຄວາມໃຫຍ່ຂອງສະໜາມບານເຕະນັ້ນສາມາດບັນຈຸຄົນໄດ້ເຖິງ 98,000 ຄົນ. ສະໜາມເປີດໃຊ້ເປັນທາງການວັນທີ 24 ກັນຍາ 1957 ແຕ່ໃນປີ 1982 ເຄີຍຮອງຮັບແຟນບານເຕະທີ່ເຂົ້າມາເບິ່ງການແຂ່ງຂັນນັດສໍາຄັນ. ຄືບານເຕະໂລກມາແລ້ວເຖິງ 115,000 ຄົນ.

ອັນດັບທີ 8 ສະໜາມ Macarana: ຢູ່ເມືອງລີໂອເດີຈາເນີໂລປະເທດບລາຊິນສະໜາມກິລາ Macarana ຖືກສ້າງໃນປີ 1950 ເພື່ອໃຊ້ເປັນສະໜາມໃນການແຂ່ງຂັນກິລາບານເຈະໂລກ ຮູບຊົງຂອງສະໜາມບານເຕະ Macarana ນີ້, ຄ້າຍຄືຊາມຂະໜາດໃຫຍ່ ເຊິ່ງມີອັກສອນບ່ອນນັ່ງໄວ້ຮອງຮັບແຟນບານແບ່ງເປັນ 2 ຊັ້ນ, ນັບເປັນສະຖາປັດຕະຍາກໍາທີ່ມີຄວາມສູງໜ້ອຍຫຼາຍພຽງ 24 ແມັດຈາກພື້ນເທົ່ານັ້ນ, ອີກທັງເປັນເດີ່ນຫຍ້າຂອງຂອງສະໂມສອນບານເຕະເຖິງ 3 ສະໂມສອນນໍາອີກຄື: flemengo, botofogo ແລະ fluminense.

ອັນດັບ 7 ສະໜາມ azadi stadium: ຕັ້ງຢູ່ທີ່ເມືອງເຕຮາລານປະເທດອີລານ, ສ້າງເມື່ອປີ 1971 ສາມາດບັນຈຸແຟນບານໄດ້ເຖິງ 120,000 ຄົນ, ແຕ່ເນື່ອງຈາກການແຂ່ງຂັນລະຫວ່າງອີລານກັບຊາອຸລິອາລາເບຍໃນບານເຕະໂລກຮອບຄັດເລືອກ, ມີແຟນບານເຂົ້າເບິ່ງການແຂ່ງຂັນຢ່າງໜາແໜ້ນຫຼວງຫຼາຍ, ເຮັດໃຫ້ຕ້ອງມີການປັບປຸງຄັ້ງໃຫຍ່ ປັດຈຸບັນສະໜາມ azadi stadium ນີ້, ສາມາດບັນຈຸແຟນບານໄດ້ເຖິງ 100,000 ຄົນ.

ອັນດັບ 6 ສະໜາມ jawaharial Nehru: ຢູ່ທີ່ເມືອງນີວເດີລີ ປະເທດອິນເດຍ ສ້າງເມື່ອປີ 1982 ໃຊ້ເປັນສະໜາມບານເຕະແລະສະໜາມຄຣິກເກັດ ໃນປີ 2010 ລັດຖະບານອິນເດຍລົງທຶນເປັນ 1000 ພັນລ້ານລູປີສ້າງ ເພື່ອຈັດການແຂ່ງຂັນກິລາໃນເຄືອຈັກກະພັດລະຫວ່າງວັນທີ 3-10 ຕຸລາ 2010 ຈື່ງມີການປັບປຸງຄັ້ງໃຫຍ່ຂື້ນຕິດຕັ່ງບ່ອນນັ່ງຮອງຮັບແຟນບານເຕະ ເພີ່ມເຕີມປັດຈຸບັນສະໜາມບານເຕະ jawaharial Nehru ສາມາດບັນຈຸແຟນບານໄດ້ເຖິງ 100,000 ຄົນ.

ອັນດັບທີ 5 ສະໜາມ Melbourne cricket ground: ຕັ້ງຢູ່ທີ່ປະເທດ autralai ປະຈຸບັນບໍ່ໄດ້ໃຊ້ແຂ່ງຂັນກິລາບານເຕະເລີຍ ເປັນສະໜາມທີ່ໃຊ້ສໍາລັບການແຂ່ງຂັນກິລາ ຄຣິກເກັດ ບານເຕະແລະຮັກບີ້ ບານເຕະບານຂອງຊາວອອດຊີນັ້ນເອງ ສະໜາມ Melbourne cricket ground ທີ່ມາເບິ່ງການແຂ່ງຂັນໄດ້ເຖິງ 100,000 ບ່ອນນັ່ງ.

ອັນດັບ 4 ສະໜາມ bukit jaili stadium: ຢູ່ປະເທດມາເລເຊຍສ້າງໃນປີ, ສ້າງໃນປີ 1998 ເພື່ອໃຊ້ໃນການແຂ່ງຂັນ commonwealth games ທີ່ປະເທດມາເລເຊຍເປັນເຈົ້າພາບປັດຈຸບັນສາມາດບັນຈຸແຟນບານເຕະໄດ້ 100,200 ຄົນ.

ອັນດັບທີ 3 estadio azteca: ຢູ່ທີ່ເມືອງມັກຊິກໂກຊີຕີ້, ສ້າງຂື້ນໃນປີ 1986 ເຄີຍເປັນສະໜາມແຂ່ງຂັນບານເຕະໂລກເຖິງ 2 ຄັ້ງ, ໃນປີ 1970 ແລະປີ 1986 ເປັນສະໜາມທີ່ໃຫຍ່ຫຼາຍເພາະໃຊ້ສະຖາປະນິກອອກແບບເຖິງ 12 ຄົນ, ວິສະວະກອນເບິ່ງແຍງການກໍ່ສ້າງ 34 ຄົນ, ຊ່າງເທັກນິກ 15 ຄົນແລະກໍາມະກອນໃນການກໍ່ສ້າງສະໜາມບານເຕະແຫ່ງນີ້ລວມ 800 ຄົນ, ປັດຈຸບັນສະໜາມບານເຕະ estadio azteca ສາມາດບັນຈຸແຟນບານໄດ້ເຖິງ 105,064 ຄົນ.

ອັນດັບທີ 2 salt lake stadium: ຢູ່ປະເທດອິນເດຍສະໜາມ salt lake stadium ປັດຈຸບັນສາມາດບັນຈຸແຟນບານເຕະໄດ້ຫຼາຍເຖິງ 125,064 ຄົນ.

ອັນດັບ 1 ສະໜາມ rungrado may day stadium: ຢູ່ທີ່ເມືອງພຽງຍາງ ປະເທດສປປເກົາຫຼີ ສ້າງໃນປີ 1989 ເປັນສະໜາມບານເຕະທີ່ຖືກລົງບັນທຶກຢູ່ ກິນເນສບຸ໊ກໄວ້ວ່າ: ເຄີຍບັນຈຸຄົນໄດ້ເຖິງ 193,960 ຄົນມາແລ້ວ

ປະທານ ປະເທດຈີນ ຢ້ຽມຢາມ ກຳປູເຈຍ

ຂຽນເມື່ອ: ມ.ສ.. 1, 2012 | ມີ 1 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ປະທານປະເທດຈີນ ທ່ານຫູ ຈິນເຖົາ ພວມຢູ່ໃນລະຫວ່າງການຢ້ຽມຢາມປະເທດກຳປູເຈຍ
ຢ່າງເປັນທາງການ ເປັນເວລາ 4 ມື້ ຊຶ່ງບັງເອີນມີຂຶ້ນພ້ອມໆກັນກັບກອງປະຊຸມສຸດຍອດ
ຂອງສະມາຄົມອາຊ່ຽນ ບ່ອນທີ່ຄາດກັນວ່າ ບັນດາຜູ້ເຂົ້າຮ່ວມ ຈະພາກັນສະແດງການຄັດ
ຄ້ານຫຼາຍຂຶ້ນຕໍ່ການອ້າງກຳມະສິດເອົາດິນແດນຂອງຈີນຢູ່ໃນເຂດທະເລຈີນໃຕ້.

ທ່ານຫູ ມີກຳນົດທີ່ຈະພົບປະກັບກະສັດສີຫະໂມນີຂອງກຳປູເຈຍແລະສົນທະນາຫາລືກັບ
ນາຍົກລັດຖະມົນຕີຮຸນເຊນ ຂະນະທີ່ກອງປະຊຸມສຸດຍອດຂອງສະມາຄົມອາຊ່ຽນ ຍັງດຳ
ເນີນຕໍ່ໄປໃນລະຫວ່າງວັນທ້າຍສັບປະດານີ້ ທີ່ນະຄອນຫຼວງພະນົມເປັນ.

ພວກນັກວິເຄາະກ່າວວ່າ ຍັງບໍ່ທັນເປັນທີ່ຈະແຈ້ງເທື່ອວ່າ ຈະມີການແກ້ໄຂແບບໃດຢູ່ໃນ
ກອງປະຊຸມສຸດຍອດ ກ່ຽວກັບການອ້າງກຳມະສິດກວມກັນ ໃນເຂດທະເລຈີນໃຕ້ທີ່ອຸດົມ
ສົມບູນ ໄປດ້ວຍພະລັງງານນັ້ນ. ເມື່ອໄວໆມານີ້ ກຳປູເຈຍຊຶ່ງເປັນປະທານວຽນຂອງສະ
ມາຄົມອາຊ່ຽນ ໄດ້ເອົາເລື່ອງນີ້ອອກ ຈາກຫົວຂໍ້ຢ່າງເປັນທາງການ ຂອງກອງປະຊຸມສຸດ
ຍອດ ກ່ອນມີການປະກາດກ່ຽວກັບການຢ້ຽມຢາມຂອງປະທານປະເທດຈີນ.

ຈີນໄດ້ໃຊ້ອິດທິພົນຢ່າງໃຫຍ່ຫຼວງຂອງຕົນຕໍ່ກຳປູເຈຍໂດຍໄດ້ໃຫ້ການຊ່ອຍເຫຼືອແລະລົງ
ທຶນຫຼາຍພັນລ້ານໂດລາຢູ່ໃນປະເທດເພື່ອນບ້ານນ້ອຍໆດັ່ງກ່າວໃນຮອບທົດສະວັດຜ່ານ
ມາຮວມທັງການສ້າງເຂື່ອນໄຟຟ້າພະລັງນໍ້າແລະໂຮງໄຟຟ້າທີ່ໃຊ້ຖ່ານຫີນ. ນອກນັ້ນປັກ
ກິ່ງຍັງໄດ້ຕົກລົງທີ່ຈະຍົກເລີກໜີ້ສິນໃຫ້ກຳປູເຈຍແລະອະນຸມັດຖານະຍົກເວັ້ນພາສີໃຫ້ແກ່
ສິນຄ້າຫຼາຍຮ້ອຍລາຍການ.

ທັງຈີນແລະໄຕ້ຫວັນຕ່າງກໍອ້າງເອົາກຳມະສິດທັງໝົດ ຢູ່ໃນເຂດທະເລຈີນໃຕ້ໃນຂະນະທີ່
ຟີລິບປິນ ຫວຽດນາມ ມາເລເຊຍ ແລະບຣູນາຍຕ່າງກໍອ້າງກຳມະສິດກວມກັນບາງສ່ວນ
ຢູ່ໃນເຂດທະເລຈີນທີ່ກວ້າງໃຫຍ່ໄພສານດັ່ງກ່າວ.

8 ຄົນ ເສຍຊີວິດ ໃນເຫດລະເບີດ ຢູ່ພາກໃຕ້ໄ

ຂຽນເມື່ອ: ມ.ສ.. 1, 2012 | ມີ 3 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເຈົ້າໜ້າທີ່ໄທກ່າວວ່າ ມີ 8 ຄົນເສຍຊີວິດແລະອີກຢ່າງນ້ອຍ 70 ຄົນໄດ້ຮັບ ບາດເຈັບໃນ
ເຫດລະເບີດ 3 ຄັ້ງທີ່ເກີດຂຶ້ນຫ່າງກັນບໍ່ເທົ່າໃດນາທີ ຢູ່ໃນເຂດພາກໃຕ້ທີ່ວຸ້ນວາຍຂອງປະ
ເທດ.

ຜູ້ວ່າການຈັງຫວັດຍະລາກ່າວວ່າ ລະເບີດທັງ 3 ລູກໄດ້ແຕກຂຶ້ນໃນເວລາປະມານຕອນ
ທ່ຽງຂອງວັນເສົາມື້ນີ້ ຢູ່ໃນເຂດຍ່ານການຄ້າຂອງເມືອງຍະລາ.

ເຈົ້າໜ້າທີ່ເວົ້າວ່າ ລະເບີດທີ່ເຊື່ອງໄວ້ໃນລົດຈັກ 2 ຄັນແລະລົດໃຫຍ່ຄັນນຶ່ງທີ່ແຕກຂຶ້ນນັ້ນ
ຍັງເຮັດໃຫ້ຕຶກອາຄານຫຼາຍໆຫຼັງທີ່ຢູ່ໃກ້ຄຽງລຸກໄໝ້ເປັນໄຟ.

ການໂຈມຕີດ້ວຍລະເບີດໃນທຳນອງນີ້ ແມ່ນເປັນກົນລະຍຸດໂດຍທົ່ວໄປຂອງພວກມຸສລິມ
ແບ່ງແຍກດິນແດນທີ່ໄດ້ກໍ່ກະບົດຢູ່ຈັງຫວັດຍະລາ ນະຣາທິວາດແລະປັດຕະນີທີ່ປະຊາຊົນ
ສ່ວນໃຫຍ່ນັບຖືສາສະໜາອິສລາມ ນັບແຕ່ຕົ້ນປີ 2004 ເປັນຕົ້ນມາ. ບັນຫາຂັດແຍ້ງດັ່ງ
ກ່າວເຮັດໃຫ້ມີຜູ້ເສຍຊີວິດໄປແລ້ວຫຼາຍກວ່າ 5,000 ຄົນ.

ກົາຫລີເໜືອ ຍິງທົດລອງ ລູກສອນໄຟ ລະຍະສັ້ນ

ຂຽນເມື່ອ: ມ.ນ.. 31, 2012 | ມີ 5 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ກົາຫລີເໜືອ ຍິງທົດລອງ ລູກສອນໄຟ ລະຍະສັ້ນ

ໜັງສືພິມ 2 ສະບັບຂອງເກົາຫລີໃຕ້ ກ່າວວ່າ ເກົາຫລີເໜືອ ໄດ້ທົດລອງຍິງລູກສອນ
ໄຟລະຍະສັ້ນ 2 ລູກ ຢູ່ນອກແຄມຝັ່ງທະເລທາງກໍ້າ ຕາເວັນຕົກຂອງເກົາຫຼີເໜືອ.

ໜັງສືພິມ Chosun Ilbo ກ່າວວ່າ ລູກສອນໄຟສອງລູກທີ່ຍິງໃນວັນພະຫັດວານhttp://punlao.com/user_blog_entry.phpນີ້
ເປັນລູກສອນໄຟຊະນະທີ່ຍິງຈາກພາກພື້ນດິນຫາກຳປັ່ນ. ໜັງສືພິມສະບັບນີ້ຍັງກ່າວ
ອີກວ່າ ຕົນໄດ້ຮັບຂ່າວນີ້ຈາກເຈົ້າໜ້າທີ່ທະ ຫານທີ່ບໍ່ບອກຊື່ຄົນນຶ່ງວ່າ ການຍິງລູກ
ສອນໄຟດັ່ງກ່າວ ແມ່ນແນ່ໃສ່ເພື່ອປັບປຸງໃຫ້ດີຂື້ນ ແລະບໍ່ພົວພັນກັບການຈະຍິງລູກ
ສອນໄຟ ທີ່ກໍາ ໜົດໄວ້ໃນເດືອນໜ້ານີ້.

ສ່ວນໜັງສືພິມ JoongAng IIbo ກໍໄດ້ລາຍງານຂ່າວທີ່ຄ້າຍຄືກັນ.

ເກົາຫລີເໜືອກ່າວວ່າ ຕົນຈະຍິງລູກສອນໄຟລະຍະຍາວ ຈາກຝັ່ງທະເລກໍ້າຕາເວັນຕົກ
ໃນລະຫວ່າງກາງເດືອນເມສານີ້ໂດຍແນ່ໃສ່ເພື່ອສົ່ງ ດາວທຽມພະຍາກອນອາກາດຂຶ້ນ
ສູ່ວົງໂຄຈອນ ເນື່ອງໃນໂອກາດລະ ນຶກເຖິງວັນເກີດຄົບຮອບຮ້ອຍປີຂອງມື້ລາງຜູ້ນໍາທີ່
ກໍ່ຕັ້ງເກົາຫຼີເໜືອທ່ານ Kim II Sung. ສະຫະລັດແລະບັນດາປະເທດຕາເວັນຕົກອື່ນໆ
ກ່າວວ່າ ການຍິງລູກສອນໄຟທີວ່ານີ້ແມ່ນໃຊ້ເປັນຂໍ້ແກ້ຕົວຂອງພຽງຢາງສຳ ຫຼັບທົດ
ລອງລູກສອນຂີປະນາວຸດລະຍະໄກ ຊຶ່ງເປັນສິ່ງທີ່ເກືອດຫ້າມ ພາຍໄຕ້ການລົງໂທດຂອງ
ສະຫະປະຊາຊາດ.

ລັດຖະມົນຕີປ້ອງກັນປະເທດຍີ່ປຸ່ນ ທ່ານ Naoki Tanaka ໄດ້ອອກຄໍາສັ່ງໃນວັນສຸກມື້ນີ້
ໃຫ້ທະຫານຍີ່ປຸ່ນຍິງທຳລາຍລູກສອນໄຟ ຖ້າຫາກ ລູກສອນໄຟດັ່ງກ່າວມີການຍິງຜ່ານ
ເຂດນ່ານຟ້າຂອງຍີ່ປຸ່ນ.

ຍີ່ປຸ່ນເຄີຍອອກຄໍາສັ່ງຄ້າຍຄືກັນນີ້ ໃນປີ 2009 ເວລາເກົາຫລີເໜືອໄດ້ຍິງທົດລອງລູກສອນ
ໄຟລະຍະໄກຂອງຕົນແຕ່ວ່າບໍ່ໄດ້ພະຍາຍາມທີ່ຈະ ຍິງທຳລາຍລູກສອນໄຟນັ້ນແຕ່ຢ່າງໃດ.

ຫລວງພະບາງ ຈະຈັດ ງານບຸນປີໃໝ່ລາວ ປີນີ້ ຢ່າງຍິ່ງໃຫຍ່

ຂຽນເມື່ອ: ມ.ນ.. 30, 2012 | ມີ 8 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຫລວງພະບາງ ຈະຈັດ ງານບຸນປີໃໝ່ລາວ ປີນີ້ ຢ່າງຍິ່ງໃຫຍ່

ທາງການແຂວງຫລວງພະບາງ ຈະຈັດງານສະເຫລີມສະຫລອງ ບຸນສົງການປີໃໝ່ລາວ 2555 ນີ້ຢ່າງຍິ່ງໃຫຍ່ ໂດຍຄາດວ່າ ຈະມີນັກທ່ອງທ່ຽວ ທັງຄົນລາວແລະຕ່າງປະເທດ ຫລາຍກວ່າ 3 ແສນຄົນເຂົ້າຮ່ວມ.

ງານບຸນສົງການປີໃໝ່ລາວປະຈໍາປີ 2555 ຢູ່ເມືອງມໍລະດົກໂລກຫລວງພະບາງທີ່
ກໍານົດຈະມີຂຶ້ນໃນລະຫວ່າງວັນທີ 10-18 ເມສານີ້ ທາງການແຂວງຫລວງພະບາງ
ໄດ້ວາງເປົ້າໝາຍໄວ້ວ່າ ຈະມີນັກທ່ອງທ່ຽວ ທັງເປັນຄົນລາວ ແລະຕ່າງປະເທດ
ຫລາຍກວ່າ 3 ແສນຄົນ ທີ່ຈະເດີນທາງເຂົ້າໄປທ່ອງທ່ຽວໃນແຂວງຫລວງພະບາງ
ໃນຕະຫລອດໄລຍະດັ່ງກ່າວ.

ເພື່ອເປັນການເຮັດໃຫ້ສາມາດບັນລຸເປົ້າໝາຍ ທີ່ວາງໄວ້ດັ່ງກ່າວໄດ້ຢ່າງແທ້ຈິງນັ້ນ ທາງການແຂວງຫຼວງພະບາງກໍໄດ້ ລົນນະລົງ ເພື່ອດຶງດູດເອົາການມີສ່ວນຮ່ວມ
ຂອງປະຊາຊົນລາວ ເຂົ້າໃນການດໍາເນີນກິດຈະກໍາຕ່າງໆ ທີ່ເປັນການສົ່ງເສີມການ
ທ່ອງທ່ຽວ ທີ່ຕໍ່ເນື່ອງຈາກບຸນສົງການປີໃໝ່ລາວ ໃນຕະຫຼອດປີ 2012 ຊຶ່ງເປັນປີ
ການທ່ອງທ່ຽວລາວ ອີກດ້ວຍ.

ກິດຈະກໍາທີ່ທຸກໆເມືອງ ໃນທົ່ວແຂວງຫລວງພະ
ບາງຈະຕ້ອງຮ່ວມກັນເປັນເຈົ້າພາບຈັດງານໃຫ້
ໄດ້ຢ່າງຍິ່ງໃຫຍ່ນັ້ນ ກໍຄືບຸນສົງການປີໃໝ່ລາວ
ໃນເດືອນເມສາ ຊຶ່ງຈະມີການລົນນະລົງ ນັບຕັ້ງ
ແຕ່ເດືອນມີນານີ້ ເປັນຕົ້ນໄປ ດ້ວຍການຈັດເປັນ
ກອງບຸນຜ້າປ່າສາມັກຄີ ທີ່ດໍາເນີນຄຽງຄູ່ກັນໄປ
ກັບການສະເຫລີມສະຫລອງ ໃນໂອກາດທີ່ເມືອງ
ມໍລະດົກໂລກຫຼວງພະບາງ ໄດ້ຖືກຄັດເລືອກໃຫ້
ເປັນເມືອງອັນດັບ 1 ຂອງໂລກ ທີ່ນັກທ່ອງທ່ຽວ
ຈາກທົ່ວໂລກ ຢາກຈະເດີນທາງມາຢ້ຽມຢາມຫຼາຍທີ່ສຸດ.

ນອກຈາກນີ້ ກໍຈະມີການຈັດງານມະຫາກໍາແຂ່ງຂັນກິລາຊະນິດຕ່າງໆ ເຊ່ນ ກັອຟ, ບານ
ເຕະ, ເປຕັງ ແລະການແຂ່ງຂັນລົດຖີບ ຊຶ່ງຈະຈັດຂຶ້ນຊ່ວງເດືອນ 7-8 ຕໍ່ຈາກນັ້ນ ກໍຈະເປັນ
ການຈັດງານເທດສະການດ້ານສິນລະປະ ແລະວັນນະຄະດີ ທີ່ມີຄວາມໝາຍຫລາກຫລາຍ
ໃນເດືອນ 12 ດັ່ງທີ່ເຈົ້າໜ້າທີ່ແຜນການທ່ອງທ່ຽວແຂວງຫລວງພະບາງໄດ້ໃຫ້ການຊີ້ແຈງວ່າ:

“ຖືວ່າທຸກເດືອນຈະໃຫ້ທີກິດຈະກໍາ ເພື່ອໃຫ້ນັກທ່ອງທ່ຽວໄດ້ມາເບິ່ງ ມາຊົມ
ໂດຍແຕ່ລະເມືອງ ກໍຈະຜັດປ່ຽນກັນ ຈັດຫລາຍກິດຈະກໍາຂຶ້ນ ຢູ່ເດືອນເຈັດ
ເດືອນແປດ ເຮົາກະສິຈັດການແຂ່ງຂັນກິລາປະເພດຕ່າງໆ ໂດຍສະເພາະກະສິ
ມີກິດຈະກໍາສະແດງວັດທະນາທໍາ ອາຫານຊົນເຜົ່າ ສິນລະປະວັນນະຄະດີ ຂອງ
ເຜົ່າຕ່າງໆ ວ່າສິຈັດຂຶ້ນ ຢູ່ໃນລະຫວ່າງເດືອນສິບ.”

ສໍາລັບກິດຈະກໍາ ແລະກໍານົດການຕ່າງໆ ໃນຕະຫລອດງານບຸນສົງການປີໃໝ່ລາວຢູ່ແຂວງ
ຫລວງພະບາງ ໃນປີນີ້ ກໍເລີ້ມດ້ວຍງານຕະຫລາດນັດຢູ່ເດີ່ນທາດຫລວງ ໃນວັນທີ 10 ເມສາ ຕາມໄປດ້ວຍງານມະຫາກໍາດົນຕີເພັງລາວ ແລະເພັງນາໆຊາດ ໃນວັນທີ 11 ເມສາ.

ສ່ວນວັນທີ 12-13 ເມສາ
ກໍເປັນການຈັດງານປະ
ກວດນາງສັງຂານ ໃນ
ຕອນກາງຄືນ ຕໍ່ເນື່ອງ
ດ້ວຍການລົງຕະຫລາດ
ເຊົ້າໃນວັນທີ 14 ເມສາ
ຊຶ່ງເລີ້ມແຕ່ເວລາ 6 ໂມງ
ເຊົ້າ ເຖິງທ່ຽງ ແລະ
ຕອນບ່າຍຂອງມື້ດຽວກັນ
ກໍໄດ້ມີກິດຈະກໍາ ການກໍ່
ເຈດີຊາຍ ຢູ່ແຄມນໍ້າຄານ
ໃນເຂດເມືອງຈອມເພັດ ຕໍ່ເນື່ອງດ້ວຍການແຂ່ງຂັນກິລາພື້ນເມືອງ ແລະການບາສີ
ສູ່ຂັວນ.

ສໍາລັບຕອນເຊົ້າຂອງວັນທີ 15 ເມສານັ້ນ ກໍຈະເປັນການຢ້ຽມຊົມວິຖີຊີວິດການເປັນຢູ່ ແລະສິນລະປະວັດທະນາທໍາຂອງໄທລື້ ໂດຍຈະມີບຸກຄົນສໍາຄັນຂອງທາງການລາວເຂົ້າ
ຮ່ວມ ໃນພິທີບາສີຂອງຊາວໄທລື້ ອີກດ້ວຍ. ສ່ວນໃນຕອນບ່າຍກໍເປັນການແຫ່ວໍ່ຈາກ ວັດທາດນ້ອຍໄປວັດຊຽງທອງ ເພື່ອປະກອບພິທີການທາງສາສະນາ ແລະຕັກບາດໃນ
ຕອນເຊົ້າຂອງວັນທີ 16 ເມສາ ກ່ອນທີ່ຈະແຫ່ວໍ່ຈາກວັດຊຽງທອງ ກັບຄືນໄປວັດທາດ ນ້ອຍໃນຕອນແລງຂອງມື້ດຽວກັນ.

ສ່ວນວັນທີ 17 ເມສາ ກໍຈະ
ມີການອັນເຊີນພະບາງຈາກ
ພິພິດທະພັນພະລາດຊະວັງ
ໄປຍັງວັດໃໝ່ ສຸວັນນະພູມ
ເພື່ອໃຫ້ປະຊາຊົນຫົດສົງ
ຈົນເຖິງວັນທີ 18 ເມສາ
ກ່ອນທີ່ຈະອັນເຊີນພະບາງ
ກັບຄືນໄປຫໍພິພິດທະພັນ
ພະລາດຊະວັງ ໃນຕອນ
ແລງຂອງມື້ດຽວກັນ ອັນ
ເປັນມື້ສຸດທ້າຍຂອງການ
ສະເຫລີມສະຫລອງ.

ລິບສະຕິກຫລາຍຮ້ອຍຍີ່ຫໍ້ ມີສານຂີ້ກົ່ວ ທີ່ອາດເປັນອັນຕະລາຍ ປະສົມຢູ່

ຂຽນເມື່ອ: ມ.ນ.. 30, 2012 | ມີ 3 ຄຳເຫັນ ແລະ 0 trackback(s)

ໜວດໝູ່: ອື່ນ ໆ

ລິບສະຕິກຫລາຍຮ້ອຍຍີ່ຫໍ້ ມີສານຂີ້ກົ່ວ ທີ່ອາດເປັນອັນຕະລາຍ ປະສົມຢູ່ (ເບິ່ງວີດີໂອ)

ການວິໃຈດ້ານເຄມີໃນລິບສະຕິກ ຫລືສີທາສົບ 400 ຍີ່ຫໍ້ ທີ່ຄົນນິຍົມໃຊ້ຫລາຍ ໂດຍອົງ ການອາຫານແລະຢາ FDA ຂອງສະຫະລັດ ພົບວ່າ ລິບສະຕິກເຫລົ່ານັ້ນທັງໝົດລ້ວນ ແຕ່ມີສານຂີ້ກົ່ວ ຊຶ່ງເປັນທາດໂລຫະທີ່ ເປັນພິດ ທີ່ມີສ່ວນກ່ຽວພັນກັບບັນຫາສຸຂະພາບ ທີ່ຮ້າຍແຮງ. ແຕ່ອົງການ FDA ກໍເວົ້າວ່າ ລະດັບສານຂີ້ກົ່ວໃນນັ້ນແມ່ນຕໍ່າຫລາຍ ເຖິງ ຂັ້ນວ່າ ຜະລິດຕະພັນເຫລົ່ານັ້ນປອດໄພສໍາລັບໃຊ້. ຢ່າງໃດກໍຕາມ ກຸ່ມນັກການແພດ ຢືນຢັນວ່າ ບໍ່ມີສານຂີ້ກົ່ວໃນລະດັບໃດທີ່ປອດໄພ. ນັກຂ່າວວີໂອເອ Zulima Palacio ມີລາຍລະອຽດກ່ຽວກັບເລື້ອງນີ້ ຊຶ່ງບົວສວັນຈະນໍາມາສະເໜີທ່ານໃນອັນດັບຕໍ່ໄປ.

ຜູ້ຍິງທັງຫລາຍມັກໃຊ້ລິບສະຕິກແຕ່ໃດໆມາແລ້ວ ເພື່ອເຮັດໃຫ້ຕົນເອງງາມ.

ທຸກມື້ນີ້ ຫລາຍຄົນບໍ່ໄດ້ໃຊ້ລິບສະຕິກພຽງເທື່ອດຽວ ແຕ່ໃຊ້ມື້ລະຫລາຍໆ ຄັ້ງ. ຢູ່ໃນ
ເຂດຊານເມືອງໆນຶ່ງຂອງລັດເວີຈີເນຍ, ນາງພະຍາບານ ເດນິສ ຄອນແດັດຕີ
(Denisse Condettii) ເວົ້າວ່າ ລາວມັກລິບສະຕິກຫລາຍ. ລາວກ່າວດັ່ງນີ້:

“ຂ້ອຍຄິດບໍ່ອອກວ່າ ໜ້າຕາຂ້ອຍຈະເປັນແນວໃດ ຖ້າບໍ່ໃຊ້ລິບສະຕິກ, ຂ້ອຍ
ຕ້ອງເພີ້ມສີສັນໃສ່ສົບຂອງຂ້ອຍ.”

ອົງການອາຫານແລະຢາຂອງສະຫະລັດ ຫລື FDA ເວົ້າວ່າ ຜະລິດຕະພັນລິບສະຕິກ
ທັງໝົດ 400 ຍີ່ຫໍ້ ທີ່ທາງອົງການ ໄດ້ທໍາການກວດສອບ--ຕາມການຮ້ອງຂໍຂອງຜູ້ຊົມໃຊ້ ແລະກຸ່ມການແພດນັ້ນ--ແມ່ນ ບັນຈຸສານຂີ້ກົ່ວ ທີ່ກວດເຫັນໄດ້. ແຕ່ອົງການ FDA ກໍເວົ້າ
ວ່າ ສານຂີ້ກົ່ວ ໃນລະດັບຕໍ່າທີ່ອົງການໄດ້ພົບເຫັນນັ້ນ ແມ່ນບໍ່ເປັນອັນຕະລາຍໃນດ້ານ
ຄວາມປອດໄພ ແຕ່ຢ່າງໃດ. ນາງ ເດນິສ ຄອນແດັດຕີ ເວົ້າວ່າ:

“

ມັນເຮັດໃຫ້ຂ້ອຍເປັນຫ່ວງໜ້ອຍນຶ່ງ ແຕ່ກໍບໍ່ເຖິງຂັ້ນ ເຮັດໃຫ້ຂ້ອຍເຊົາໃຊ້
ຜະລິດຕະພັນນີ້ເລີຍ.”

ອຸດສາຫະກໍາຜະລິດເຄື່ອງ
ສໍາອາງ ຂາຍເຄື່ອງສໍາອາງ
ອອກໃນມູນຄ່າ 50 ພັນ
ລ້ານໂດລາ ຕໍ່ປີ. ທ່ານນາງ
ເຮລີນາ ແບຣສລາວິກ
(Halyna Breslawec) ຜູ້
ອໍານວຍການຝ່າຍວິທະຍາ
ສາດ ທີ່ສະພາຜະລິດຕະ
ພັນ ສໍາລັບໃຊ້ເພື່ອດູແລ
ຮ່າງກາຍ ຫລື Personal
Care Products Council ຊຶ່ງເປັນຕົວແທນບໍລິສັດຜະລິດເຄື່ອງສໍາອາງຫລາຍກວ່າ 600 ບໍລິສັດ ໃຫ້ຄໍາເຫັນວ່າ:

“ລິບສະຕິກແມ່ນປອດໄພ. ຜູ້ຊົມໃຊ້ບໍ່ຄວນເປັນຫ່ວງ ກ່ຽວກັບຄວາມ ປອດໄພຈາກລິບສະຕິກທີ່ພວກເຂົາເຈົ້າໃຊ້.”

ເປັນເວລາຫລາຍປີ ທີ່ສານຂີ້ກົ່ວໄດ້ຖືກເອົາມາໃຊ້ຢູ່ໃນນໍ້າມັນ, ນໍ້າສີທາເຮືອນ ແລະຜະ
ລິດຕະພັນອື່ນໆຫລາຍຢ່າງ. ແຕ່ຄວາມຕື່ນໂຕຫລາຍຂຶ້ນ ກ່ຽວກັບອັນຕະລາຍຂອງ
ສານຂີ້ກົ່ວຕໍ່ສຸຂະພາບ ໂດຍສະເພາະແມ່ນຕໍ່ເດັກນ້ອຍ ແລະຜູ້ຍິງຖືພານັ້ນ ໄດ້ພາໃຫ້ມີ
ການເກືອດຫ້າມບໍ່ໃຫ້ເອົາສານຂີ້ກົ່ວ ປະສົມເຂົ້າໃນຜະລິດຕະພັນໃຊ້ສອຍສ່ວນໃຫຍ່.

ສານຂີ້ກົ່ວຢູ່ໃນລິບສະຕິກ ແມ່ນມາຈາກເມັດສີທໍາມະຊາດ. ທາງອົງການ FDA ຍັງບໍ່
ທັນໄດ້ຕັ້ງຂໍ້ຈໍາກັດລະດັບສານຂີ້ກົ່ວ ທີ່ສາມາດໃຊ້ໄດ້ນັ້ນເທື່ອ.

ທ່ານນາງ ເຮລີນາ ແບຣສລາວິກ ແຫ່ງອຸດສະຫະກໍາເຄື່ອງສໍາອາງ ໄດ້ຖືກຖາມວ່າ ຜູ້ຍິງທີ່ຖືພາຄວນຈະສືບຕໍ່ໃຊ້ລິບສະຕິກຫລືບໍ່. ທ່ານນາງ ຕອບວ່າ:

“ຂ້າພະເຈົ້າຄິດວ່າ ມັນຂຶ້ນກັບສ່ວນຕົວໃຜລາວທີ່ຈະເລືອກເອົາ. ແຕ່ຂ້າພະ
ເຈົ້າກໍສາມາດບອກທ່ານໄດ້ວ່າ ລະດັບສານຂີ້ກົ່ວທີ່ໄດ້ຮັບການແນະນໍາຈາກ
ກຸ່ມອຸດສາຫະກໍາ ແລະກຸ່ມອື່ນໆ ຄືການຄໍານວນລະດັບ ທີ່ຖືວ່າປອດໄພນັ້ນ
ແມ່ນອີງຕາມຜູ້ຍິງ ທີ່ຖືພາ ແລະໃຫ້ລູກກິນນົມ.”

ແຕ່ການຮັບປະກັນເຫລົ່ານັ້ນ ບໍ່ໄດ້ໃຫ້ຄວາມໝັ້ນໃຈແກ່ ທ່ານເຈຊັນ ເຣໂນ (Jason
Rano)“ ຜູ້ອໍານວຍການຝ່າຍພົວພັນກັບລັດຖະບານຂອງກຸ່ມ ທີ່ເຮັດວຽກດ້ານປົກ
ປ້ອງສິ່ງແວດລ້ອມ Environmental Working Group ຫລື EWG, ຊຶ່ງເປັນອົງ
ການຄົ້ນຄວ້າ ແລະຕໍ່ສູ້ເພື່ອຜົນປະໂຫຍດຂອງຜູ້ຊົມໃຊ້ສິນຄ້າ. ທ່ານກ່າວວ່າ:

“ການເຜີຍແບໃສ່ສານຂີ້ກົວ ບໍ່ວ່າຢູ່ໃນລະດັບໃດກໍຕາມ ແມ່ນບໍ່ປອດໄພທັງນັ້ນ.”

ອົງການປົກປ້ອງສະພາບແວດລ້ອມຂອງສະຫະລັດ ຫລື EPA ລະບຸ ສານຂີ້ກົວວ່າ ເປັນສານທີ່ເປັນອັນຕະລາຍ ແລະວ່າ ຍັງບໍ່ໄດ້ມີການຈັດຕັ້ງລະດັບທີ່ປອດໄພໃນ
ເລືອດຂອງສານນີ້ເທື່ອ.

ທ່ານ ເຣໂນ ກ່າວອີກວ່າ ອົງການ EWG ຂອງທ່ານໄດ້ເອົາຖານຂໍ້ມູນ ເຂົ້າໃສ່ໄວ້ໃນເວັບ
ໄຊ໌ຂອງຕົນ ເພື່ອໃຫ້ຜູ້ຄົນສາມາດຮຽນຮູ້ກ່ຽວກັບສານປະກອບຕ່າງໆ ໃນຜະລິດຕະພັນ
ໃຊ້ດູແລຮ່າງກາຍ ທີ່ຕົນໃຊ້ຢູ່ ... ແລະໃຫ້ຮູ້ວ່າ ຜະລິດຕະພັນເຫລົ່ານັ້ນ ປອດໄພຫລືບໍ່.
ທ່ານແນະນໍາ ດັ່ງນີ້:

“ທ່ານສາມາດຕີຊື່ຜະລິດຕະພັນທີ່ທ່ານໃຊ້ ລົງບ່ອນນີ້ ຊຶ່ງມີລາຍຊື່ຜະລິດຕະພັນ
ຫລາຍກວ່າ 69,000 ຢ່າງ. ມີລິບສະຕິກເກືອບຮອດ 1,500 ຍີ່ຫໍ້ ຢູ່ໃນຫັ້ນ.”

ເຖິງແມ່ນວ່າ ອຸດສາຫະກໍາຜະລິດເຄື່ອງສໍາອາງໄດ້ກ່າວວ່າ ຕົນບໍ່ມີແຜນທີ່ຈະແນະນໍາ

ໃຫ້ປ່ຽນສານປະກອບຢູ່ໃນຜະລິດຕະພັນລິບສະຕິກຂອງຕົນກໍຕາມ ແຕ່ອົງການ EWG

ເວົ້າວ່າ ຕົນຈະສືບຕໍ່ກົດດັນລັດຖະສະພາໃຫ້ວາງລະບຽບຄວບຄຸມຢ່າງເຄ່ງຄັດຂຶ້ນ ພວກ

ສານເຄມີທີ່ເປັນພິດ ທີ່ໃຊ້ຢູ່ໃນຜະລິດຕະພັນເຄື່ອງສໍາອາງ ແລະສິນຄ້າໃຊ້ສອຍປະເພດ

ລາວຈັບຊາວຄຣິສຕຽນ 5 ຄົນ ຢູ່ສະຫວັນນະເຂດ

ຂຽນເມື່ອ: ມ.ນ.. 30, 2012 | ມີ 8 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ລາວຈັບຊາວຄຣິສຕຽນ 5 ຄົນ ຢູ່ສະຫວັນນະເຂດ

ເຈົ້າໜ້າທີ່ແຂວງສະຫວັນນະເຂດໃນພາກໃຕ້ຂອງລາວໄດ້ຈັບຊາວ ຄຣິສຕຽນທີ່ໄປຮ່ວມພິທີສວດມົນພາວະນາ ໃນວັນອາທິດແລ້ວນີ້ ອັນເປັນພາກສ່ວນນຶ່ງຂອງການປາບປາມພວກນັບຖືສາສະໜາຄຣິສຕ໌ ທີ່ຍັງດຳເນີນຕໍ່ມາຢູ່ໃນເຂດດັ່ງກ່າວຂອງລາວ.

ກຸ່ມສິ້ງຊອມອິດສະຫຼະພາບໃນການນັບຖືສາສະໜາຢູ່ລາວຫຼື HRWLRF ແຈ້ງວ່າ ຊາວຄຣິສຕຽນທັງ 5 ຊຶ່ງປະກອບດ້ວຍຜູ້ຊາຍ 2 ຄົນແລະແມ່ຍິງ 3 ຄົນ ຈາກເຂດເມືອງພະລານໄຊ ໄດ້ຖືກຈັບຂະນະໄປຮ່ວມພິທິສວດມົນພາວະນາທີ່ບ້ານບົວຄຳ ໃນເຂດເມືອງອາດສະພັງທອງ ແຂວງສະຫວັນນະເຂດ ໃນຂໍ້ຫາຈັດພິທີີທາງສາສະໜາໂດບບໍ່ໄດ້ຮັບອະນຸຍາດຈາກທາງການ.

ບ້ານບົວຄຳເປັນບ່ອນທີ່ເຄີຍມີການຈັບກຸມຜູ້ນຳຂອງຊາວຄຣິສຕຽນ 8 ຄົນ ໃນເດືອນ
ທັນວາປີ 2011 ໃນຂໍ້ຫາໂຮມຊຸມນຸມຊາວຄຣິສຕຽນ 200 ກວ່າຄົນເພື່ອສະເຫຼີມສະ
ຫຼອງບຸນຄຣິສຕ໌ມາສ.

ນຶ່ງອາທິດຫຼັງຈາກວັນທີ 21 ທັນວາປີກາຍນີ້ ເຈົ້າໜ້າທີ່ລາວກໍໄດ້ເຕືອນຊາວຄຣິສຕຽນ
47 ຄົນທີ່ບ້ານນາຖູ ໃນເຂດເມືອງພະລານໄຊ ໃຫ້ພວກເຂົາເຈົ້າອອກຈາກສາສະໜາ
ຫຼືຖ້າບໍ່ດັ່ງນັ້ນແລ້ວກໍຈະປະເຊີນກັບການຖືກໄລ່ໜີອອກຈາກບ້ານ.

ລາຍງານຂອງຄະນະກຳມາທິການສະຫະລັດວ່າດ້ວຍອິດສະຫຼະພາບໃນການນັບຖືສາ
ສະໜາຂອງນາໆຊາດຫຼື USCIRF ທີ່ນຳອອກເຜີຍແຜ່ເມື່ອໄວໆມານີ້ ຍັງສືບຕໍ່ຈັດເອົາ
ລາວໄວ້ຢູ່ໃນກຸ່ມປະເທດ ທີ່ຖືກຕິດຕາມສິ້ງຊອມເບິ່ງສຳລັບປີ 2012.

ຊາວມົ້ງທີ່ຖືກສົ່ງກັບຈາກໄທ ໄປຢູ່ບ້ານໂພນຄໍາ ຂໍຄວາມຊ່ວຍເຫຼືອຈາກ ສະຫະພາບຢູໂຣບ

ຂຽນເມື່ອ: ມ.ນ.. 29, 2012 | ມີ 10 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຊາວມົ້ງທີ່ຖືກສົ່ງກັບຈາກໄທ ໄປຢູ່ບ້ານໂພນຄໍາ ຂໍຄວາມຊ່ວຍເຫຼືອຈາກ ສະຫະພາບຢູໂຣບ

ບັນດາຊາວມົ້ງຢູ່ບ້ານໂພນຄໍາທີ່ຖືກສົ່ງກັບຄືນຈາກປະເທດໄທ ສະແດງການຮຽກຮ້ອງ ຂໍຄວາມຊ່ວຍເຫຼືອຈາກ ສະຫະພາບຢູໂຣບ ເພື່ອເຮັດໃຫ້ພວກຕົນຫຼຸດພົ້ນຈາກຄວາມ ທຸກຍາກຢ່າງແທ້ຈິງ.

ບັນດາຕົວແທນຂອງຊາວມົ້ງຢູ່ບ້ານໂພນຄໍາເມືອງບໍລິຄັນ, ແຂວງບໍລິຄໍາໄຊ ທີ່ຖືກທາງ
ການໄທສົ່ງກັບຄືນມາລາວ ນັບຕັ້ງແຕ່ທ້າຍປິ 2009 ເປັນຕົ້ນມານັ້ນ ໄດ້ສະແດງການ
ຮຽກຮ້ອງ ຂໍການຊ່ວຍເຫຼືອ ໃນໂອກາດທີ່ຄະນະຜູ້ແທນຕາງໜ້າຂອງຄະນະກໍາມະທິ
ການ ດ້ານສິທິມະນຸດແຫ່ງສະຫະພາບຢຸໂຣບ ໄດ້ພາກັນເດີນທາງໄປກວດຢ້ຽມ ເພື່ອ
ເກັບກໍາຂໍ້ມູນກ່ຽວກັບການປະຕິບັດສິດທິຂັ້ນພຶ້ນຖານຂອງທາງການລາວ ຕໍ່ບັນດາຊາວ
ມົ້ງຢູ່ໃນເຂດບ້ານດັ່ງກ່າວເມື່ອບໍ່ນານມານີ້.

ຄວາມຊ່ວຍເຫຼືອທີ່ບັນດາຊາວມົ້ງຢູ່ບ້ານໂພນຄໍາຢາກຈະໄດ້ຮັບ ຈາກສະຫະພາບຢູໂຣບ
ຫຼາຍທີ່ສຸດນັ້ນ ກໍຄື ການປັບປຸງເສັ້ນທາງທີ່ເຊື່ອມຕໍ່ຈາກບ້ານໂພນຄໍາ ໄປຍັງເມືອງບໍລິ
ຄັນ ດ້ວຍການປູຢາງ ເພື່ອເຮັດໃຫ້ການຄົມມະນາຄົມ-ຂົນສົ່ງ ໃນເສັ້ນທາງດັ່ງກ່າວນີ້
ມີຄວາມສະດວກໄວຂຶ້ນ ນອກຈາກນັ້ນ ກໍຕ້ອງການໃຫ້ຊ່ວຍບຸກເບີກທີ່ນາ ແລະທີ່ດິນ
ທໍາກິນ ລວມໄປເຖິງການພັດທະນາແຫຼ່ງນໍ້າກິນ-ນໍ້າໃຊ້ທີ່ສະອາດ ແລະແຫຼ່ງນໍ້າ ສໍາລັບ
ຕອບສະໜອງພື້ນທີ່ການກະເສດ ໃຫ້ໄດ້ຢ່າງພຽງພໍຕະຫຼອດປີອີກດ້ວຍ.

ທັງນີ້ໂດຍບັນດາຊາວມົ້ງເຊື່ອວ່າ ການໄດ້ຮັບຄວາມ
ຊ່ວຍເຫຼືອດັ່ງກ່າວ ຈະເປັນປັດໃຈສໍາຄັນ ທີ່ຈະເຮັດ
ໃຫ້ສະພາບຊີວິດການເປັນຢູ່ຂອງພວກເຂົາເຈົ້າດີຂຶ້ນ
ນັບມື້ ຈົນສາມາດຫຼຸດພົ້ນຈາກຄວາມທຸກຍາກໄດ້
ໃນທີ່ສຸດ ເພາະເຖິງແມ່ນວ່າ ໃນໄລຍະ 2 ປີ ກວ່າ
ຜ່ານມານີ້ ທາງການລາວຈະໄດ້ໃຫ້ການຊ່ວຍເຫຼືອ
ແກ່ພວກເຂົາເຈົ້າເປັນຢ່າງດີກໍຕາມ ຫາກແຕ່ກໍຍັງ
ບໍ່ພຽງພໍກັບຄວາມຕ້ອງການທີ່ເປັນຈິງ, ໂດຍສະ
ເພາະແມ່ນຄົວເຮືອນ ທີ່ເປັນຄອບຄົວຂະໜາດໃຫຍ່ນັ້ນ ດັ່ງທີ່ຫົວໜ້າຄອບຄົວຊາວມົ້ງ
ຜູ້ນຶ່ງ ໄດ້ໃຫ້ການຊີ້ແຈງວ່າ:

“ລູກຫຼາຍຄົນເດ້ ຄັນວ່າເຮົາບໍ່ເຮັດນີ້ ບໍ່ມີແນວຫາເງິນມາໃຫ້ລູກເຂົ້າໂຮງຮຽນ
ແລ້ວກະດຽວນີ້ ຄັນສິເຮັດໃຫ້ມີເງິນນີ້ ກະລ້ຽງສັດແດ່ມັນຈັ່ງໄດ້ ບໍ່ແມ່ນວ່າ ມີ
ຫົວຄິດໄປເຮັດຄ້າຂາຍ ມີແຕ່ເຮັດໄຮ່ ເຮັດສວນ, ເຮັດນາເທົ່ານັ້ນ.”

ກ່ອນໜ້ານີ້ ທ່ານ ນາງອິນຕາ ໄຊມູນຄໍາ ຫົວໜ້າສະມາຊິກສະພາແຫ່ງຊາດລາວຈາກ
ເຂດ 11 ແຂວງບໍລິຄໍາໄຊ ໄດ້ໃຫ້ການຢືນຢັນວ່າອໍານາດການປົກຄອງແຂວງບໍລິຄໍາໄຊ ແລະກອງທັບປະຊາຊົນລາວ ຍັງສືບຕໍ່ໃຫ້ການຊ່ວຍເຫຼືອບັນດາຊາວມົ້ງຢູ່ບ້ານໂພນຄໍາ
ເປັນຢ່າງດີ ໂດຍໄດ້ສ້າງເຮືອນທີ່ຢູ່ອາໄສຢ່າງຖາວອນ ໃຫ້ກັບບັນດາຊາວມົ້ງໄດ້ຢ່າງຄົບ
ຖ້ວນທັງ 600 ກວ່າຄອບຄົວແລ້ວ ຊຶ່ງລວມເຖິງການມີໄຟຟ້າ ແລະນໍ້າສະອາດໃຊ້ ຢ່າງ
ທົ່ວເຖິງ ມີເສັ້ນທາງເຊື່ອມກັບຕົວເມືອງມີໂຮງໝໍ, ໂຮງຮຽນ, ມີຕະຫຼາດ ແລະ ມີການ
ວາງຜັງເມືອງ ໃນເຂດຈັດສັນດ້ວຍດັ່ງທີ່ທ່ານນາງອິນຕາ ໄດ້ກ່າວຢືນຢັນວ່າ:

“ເວົ້າລວມແລ້ວ ລັດຖະບານກະໄດ້ສຸມທຶນຮອນຢ່າງມະຫາສານໃສ່ ໂດຍສະເພາະ
ແມ່ນການປຸກສ້າງທີ່ຢູ່ອາໄສ ໃຫ້ສໍາເລັດ ແລະເພິ່ນກະໄດ້ຕັດຜັງເມືອງເພາະວ່າ
ມີຈໍານວນ 600 ກວ່າ ຄອບຄົວ ສະນັ້ນໃນໄລຍະທີ່ຜ່ານມາ ອົງການພັກ-ລັດເຮົາຕັ້ງແຕ່ສູນກາງລົງຮອດຂັ້ນແຂວງ ກະໄດ້ສຸມທຶນຮອນ ເປັນຕົ້ນແມ່ນເຮັດນໍ້າສ້າງ,
ນໍ້າບາດານ ແລະ ໂຄງການນໍ້າສະອາດໃຫ້ປະຊາຊົນ ພ້ອມກັນນັ້ນ ກໍມີຕະຫຼາດ
ນ້ອຍເພື່ອໃຫ້ປະຊາຊົນໄດ້ມີການແລກປ່ຽນຊື້ຂາຍ.”

ນອກຈາກນີ້ ທາງການລາວ ກໍກໍາລັງເລັ່ງດໍາເນີນ
ການບຸກເບີກຂະຫຍາຍທີ່ດີນທໍາກິນ ເພື່ອຈັດສັນ
ໃຫ້ກັບຊາວມົ້ງຢ່າງພຽງພໍ ລວມໄປເຖິງການເລັ່ງ
ການກໍ່ສ້າງຄອງຊົນລະປະທານ ເພື່ອຕອບສະ
ໜອງນໍ້າໃຫ້ກັບພຶ້ນທີ່ປູກພືດ ແລະເຮັດນາໃຫ້ໄດ້
ຢ່າງທົ່ວເຖິງອີກດ້ວຍ.

ທາງການໄທໄດ້ຈັດສົ່ງຊາວເຜົ່າມົ້ງຊຸດສຸດທ້າຍຈຳນວນ
4,711 ຄົນ ຈາກສູນຮັບຮອງ ຊົ່ວຄາວບ້ານຫ້ວຍນ້ຳຂາວໃນເຂດອຳເພີເຂົາຄໍ້ ຈັງຫວັດ
ເພັດຊະບູນຂອງໄທ ກັບຄືນໄປລາວ ໃນລະວ່າງວັນທີ່ 28-29 ເດືອນທັນວາ ປີ 2009
ຜ່ານມາ ໂດຍໄດ້ພາກັນເລືອກທີ່ຈະຢູ່ໃນເຂດຈັດສັນໃໝ່ບ້ານໂພນຄຳ ເປັນສ່ວນໃຫຍ່.

ເຂດຈັດສັນບ້ານໃຫມ່ໂພນມີເນື້ອທີ່ທັງໝົດກວ້າງກວ່າ 2.000 ເຮັກຕາ ຊຶ່ງໄດ້ມີການ
ຈັດສັນພື້ນທີ່ ກ້ວາງ 100 ເຮັກຕາ ເປັນເຂດທີ່ຢູ່ອາໄສ ແລະ ພື້ນທີ່ສ່ວນທີ່ເຫຼືອນັ້ນ
ກໍ່ໄດ້ຈັດສັນເປັນທີ່ດິນທຳກິນ ສຳລັບຊາວມົ້ງ ຈໍານວນ 600 ກວ່າຄອບຄົວ ຫຼືຫລາຍ
ກວ່າ 3,000 ຄົນດັ່ງກ່າວ.

ຕໍາຫຼວດອິນເດຍ ປາບປາມ ຊາວທິເບດ ໃນກຸງນີວເດລລີ

ຂຽນເມື່ອ: ມ.ນ.. 29, 2012 | ມີ 5 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ມີລາຍງານວ່າ ຕໍາຫຼວດໃນກຸງນີວເດນລີ ພວມທຳການປາບປາມຊາວທີເບດໃນນະຄອນ

ຫຼວງຂອງອິນເດຍຫຼັງຈາກຊາວທິເບດຄົນນຶ່ງທີ່ລີ້ໄພ ເອົາໄຟຈູດເຜົາໂຕເອງໃນສັບປະດານີ້
ເພື່ອປະທ້ວງຕໍ່ການຢ້ຽມຢາມອີນເດຍທີ່ໄດ້ວາງກໍານົດໄວ້ຂອງປະທານປະເທດຈີນທ່ານຫູ
ຈິນເຖົາ ນັ້ນ.

ສື່ມວນຊົນອິນເດຍກ່າວວ່າ ພວກນັກເຄື່ອນໄຫວທິເບດຫຼາຍຮ້ອຍຄົນຖືກຈັບກຸມ ຫຼືບໍ່ກໍ
ຖືກກັກໃຫ້ຢູ່ໃນບ້ານເຮືອນຂອງເຂົາເຈົ້າ ໃນວັນອັງຄານວານນີ້ ອັນເປັນພາກສ່ວນນຶ່ງ
ຂອງການເອົາມາດຕະການປ້ອງກັນ ທີ່ມີວັດຖຸປະສົງເພື່ອປ້ອງກັນບໍ່ໃຫ້ມີການພະຍາ
ຍາມເອົາໄຟເຜົາໂຕເອງຕື່ມອີກນັ້ນ.

ໜັງສືພິມ The Hindustan Times ກ່າວວ່າ ຕໍາຫຼວດໄດ້ສັ່ງໃຫ້ກັກໂຕພວກຊາວທິ
ເບດທັງໝົດໃຫ້ຢູ່ໃນບໍລິເວນບ້ານເຮືອນຂອງເຂົາເຈົ້າຈົນຮອດວັນທີ 31 ເດືອນມີນານີ້
ໃນເມື່ອວ່າ ມີຊາວທິເບດຫຼາຍຄົນບໍ່ເອົາຫົວຊານໍາການເກືອດຫ້າມຂອງລັດຖະບານ
ເພື່ອບໍ່ໃຫ້ທໍາການປະທ້ວງນັ້ນ.

ທ່ານ Tenzin Tsundue ນັກຂຽນແລະນັກເຄື່ອນໄຫວຊາວທິເບດທີ່ມີຊື່ສຽງໄດ້ຖືກ
ຈັບກຸມ ໃນຂະນະທີ່ຜູ້ກ່ຽວກໍາລັງກ່າວປາໄສຕໍ່ກອງປະຊຸມສໍາມະນາທາງວິຊາການ
ກ່ຽວກັບອິນເດຍແລະທິເບດນັ້ນ. ພວກນັກສຶກສາຫຼາຍຮ້ອຍຄົນ ໃນຫໍພັກຂອງຍຸວະ
ຊົນແຫ່ງນຶ່ງໃນກຸງນີວເດນລີກ່າວວ່າ ພວກເຂົາເຈົ້າຖືກເກືອດຫ້າມບໍ່ໃຫ້ອອກຈາກຫໍ
ພັກເພື່ອໄປສອບເສັງເຂົ້າມະຫາວິທະຍາໄລນັ້ນ.

ໃນບາງກໍລະນີພວກສະມາຊິກຂອງສື່ມວນຊົນໄດ້ຖືກຫ້າມບໍ່ໃຫ້ທໍາການພົບປະກັນ
ກັບພວກທີ່ຖືກກັກໃຫ້ຢູ່ໃນບໍລິເວນບ້ານເຮືອນຂອງເຂົາເຈົ້ານັ້ນ.

ການປາບປາມດັ່ງກ່າວມີຂຶ້ນຫຼັງຈາກນາຍ Jamphel Yeshi ໄວ 27 ປີ ທີ່ເປັນຄົນ
ທິເບດໄດ້ເອົາໄຟຈູດເຜົາໂຕເອງໃນລະຫວ່າງທໍາການປະທ້ວງຕໍ່ຕ້ານຈີນໃນວັນຈັນ
ສັບປະດານີ້. ຜູ້ກ່ຽວໄດ້ຖືກນໍາໂຕໄປໂຮງໝໍເພື່ອປົວບາດແຜໄຟໄໝ້ຕົນໂຕ 98 ສ່ວ
ນຮ້ອຍນັ້ນ. ບັນດານັກເຄື່ອນໄຫວກ່າວໃນວັນພຸດມື້ນີ້ວ່າ ນາຍ Yeshi ໄດ້ເສຍຊີ
ວິດໄປແລ້ວຍ້ອນທົນຕໍ່ບາດແຜໄຟໄໝ້ຕົນໂຕນັ້ນບໍ່ໄດ້.

ປະທານປະເທດຈີນ ທ່ານຫູຈິນເຖົາກໍານົດຈະເດີນທາງໄປຮອດອິນເດຍໃນແລງ
ວັນພຸດມື້ນີ້ ເພື່ອເຂົ້າຮ່ວມກອງປະຊຸມສຸດຍອດຂອງກຸ່ມທີ່ເອີ້ນວ່າ BRICS

ທີ່ປະກອບດ້ວຍ ບຣາຊີລ ຣັດເຊຍ ອິນເດຍ ຈີນແລະອາຟຣິກາໃຕ້.

ຊາວທິເບດ ເຜົາຕົວຕາຍ ປະທ້ວງຈີນ ທີ່ອິນເດຍ

ຂຽນເມື່ອ: ມ.ນ.. 28, 2012 | ມີ 9 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຊາວທິເບດ ເຜົາຕົວຕາຍ ປະທ້ວງຈີນ ທີ່ອິນເດຍ

ຜູ້ຊາຍຄົນນຶ່ງທໍາການປະທ້ວງເຜົາຕົນເອງຮ້ອງໂຮໃນຂະນະທີ່ລາວກໍາລັງແລ່ນຢູ່ຖະໜົນ

ທີ່ນະຄອນນີວເດລລີ ອີນເດຍ ກ່ອນການມາຢ້ຽມຢາມຂອງປະທານປະເທດຈີນ Hu Jintao

ໃນວັນຈັນ ທີ 26 ເດືອນມີນາ 2012. ຊາວທິເບດທີ່ລີ້ໄພຢູ່ອິນເດຍຄົນນຶ່ງໄດ້ຈູດໄຟເຜົາຕົວເອງ

ໃນລະຫວ່າງທີ່ມີການປະທ້ວງຕໍ່ຕ້ານຈີນທີ່ນະຄອນຫຼວງນິວເດລລີ ບໍ່ເທົ່າໃດມື້ກ່ອນໜ້າການ

ເດີນທາງໄປຢ້ຽມຢາມຂອງປະທານປະເທດຈີນ ທ່ານ Hu Jintao.

ຜູ້ຊາຍຄົນດັ່ງກ່າວ ທີ່ເພື່ອນພວກລີ້ໄພນໍາກັນບອກວ່າ ຊື່ ນາຍ Jamphel Yeshi ອາຍຸ
27 ປີນັ້ນ ໄດ້ຈູດໄຟເຜົາຕົວເອງໃນວັນຈັນ ວານນີ້ ແລ້ວແລ່ນໄປຕາມຫົນທາງແລະຮ້ອງ
ສຽງສົ່ງສຽງດັງຂະນະທີ່ໄຟໄໝ້ໂຕລາວ. ນັກຂ່າວ VOA ລາຍງານວ່າ ເຈົ້າໜ້າທີ່ຕໍາຫຼວດ
ໄດ້ພະຍາຍາມເອົາຜ້າຫົ່ມປົກຄຸມລາວເພື່ອມອດໄຟ.

ຜູ້ປະທ້ວງດັ່ງກ່າວ ໄດ້ຖືກນໍາສົ່ງໂຮງໝໍ ຊຶ່ງຮ່າງກາຍຂອງລາວ ໄດ້ຖືກໄຟໄໝ້ເຖິງ 98
ເປີເຊັນ.

ປະທານ Hu ຈະເດີນທາງໄປເຖິງອິນເດຍ ໃນອາທິດນີ້ເພື່ອເຂົ້າຮ່ວມກອງປະຊຸມສຸດຍອດ
ຂອງກຸ່ມ 5 ປະເທດທີ່ມີເສດຖະກິດພຸ່ງພົ້ນໃໝ່ ຊຶ່ງປະກອບດ້ວຍບຣາຊີລ ຣັດເຊຍ ອິນເດຍ
ຈີນ ແລະອາຟຣິກາໃຕ້ ເອິ້ນຫຍໍ້ຕາມຊື່ພາສາອັງກິດຂອງປະເທດວ່່າ ກຸ່ມ BRICS ນັ້ນ.

ນີ້ແມ່ນການຈູດໄຟເຜົາຕົວເອງເທື່ອທີ່ສອງ ຂອງຊາວທິເບດທີ່ລີ້ໄພໃນກຸງນິວເດລລີ ໃນ
ໄລຍະສອງສາມເດືອນຜ່ານມາ. ກຸ່ມປົກປ້ອງສິດທິມະນຸດທິເບດກ່າວວ່າ 29 ຄົນໄດ້ພາ
ກັນເຜົາຕົວຕາຍຢູ່ໃນຫລາຍໆເຂດ ທີ່ຢູ່ພາຍໃຕ້ການຄວບຄຸມຂອງຈີນ.

ຈີນກ່າວເຖິງພວກທີ່ພາກັນເຜົາຕົວຕາຍນີ້ວ່າ ເປັນພວກກໍ່ການຮ້າຍທີ່ມີການປະສານງານ
ກັນຢ່າງລະມັດລະວັງ ໂດຍ “ພວກຫົວແບ່ງແຍກທີ່ໄດ້ຮັບການຝຶກແອບມາເປັນຢ່າງດີ.”

ຫວຽດນາມນໍາໜ້າການລົງທຶນໃນແຂວງຈໍາປາສັກ

ຂຽນເມື່ອ: ມ.ນ.. 28, 2012 | ມີ 8 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ຫວຽດນາມນໍາໜ້າການລົງທຶນໃນແຂວງຈໍາປາສັກ ສ່ວນທາງການແຂວງຈໍາປາສັກນັ້ນ ກໍວາງ

ເປົ້າໝາຍ ທີ່ຈະດຶງດູດເອົາການລົງທຶນຈາກຕ່າງປະເທດໃຫ້ໄດ້ຫຼາຍກວ່າ 20,230 ຕື້ກີບ ພາຍໃນ 4 ປີ ຕໍ່ໜ້າ.

ທ່ານ ໄຊທອງ ໄຊຍະວົງ ຫົວໜ້າພະແນກແຜນການ ແລະການລົງທຶນປະຈໍາແຂວງ
ຈໍາປາສັກ ໄດ້ຖະແຫຼງຢືນຢັນວ່າ ການລົງທຶນຂອງພາກເອກະຊົນທັງພາຍໃນ ແລະ
ຈາກຕ່າງປະເທດຢູ່ໃນແຂວງຈໍາປາສັກ ຍັງຄົງມີການຂະຫຍາຍຕົວເພີ່ມຂຶ້ນຢ່າງຕໍ່ເນື່ອງ

ໂດຍສະເພາະແມ່ນໃນຊ່ວງ 3 ເດືອນທໍາອິດຂອງແຜນການປະຈໍາປີ 2011 -2012 ນີ້
ກໍປະກົດວ່າ ມີການລົງທຶນເພີ່ມຂຶ້ນ 14 ໂຄງການ ຄິດເປັນມູນຄ່າລວມເກືອບ 245
ຕື້ກີບ ແລະໃນນີ້ກໍເປັນການລົງທຶນຂອງເອກະຊົນລາວເຖິງ 10 ໂຄງການ ຄິດເປັນ
ມູນຄ່າຫຼາຍກວ່າ 217 ຕື້ກີບ.

ນອກຈາກນີ້ ຖ້າຫາກຄິດໄລ່ໃນໄລຍະນັບຈາກປີ 2006-2011 ທີ່ຜ່ານມາກໍປະກົດວ່າ

ການລົງທຶນຂອງທັງເອກະຊົນລາວ ແລະຕ່າງປະເທດໃນແຂວງຈໍາປາສັກນັ້ນ ມີຢູ່ເຖິງ
280 ໂຄງການ ຄິດເປັນມູນຄ່າການລົງທຶນລວມຫຼາຍກວ່າ 6,700 ຕື້ກີບ ຫຼືປະມານ
837 ລ້ານໂດລາ ໂດຍໃນນີ້ກໍເປັນການລົງທຶນຂອງເອກະຊົນລາວ 133 ໂຄງການ
ສ່ວນອີກ 147 ໂຄງການ ກໍເປັນການລົງທຶນຂອງບໍລິສັດຕ່າງຊາດຈາກ 19 ປະເທດ

ແລະປະເທດທີ່ມີມູນຄ່າການລົງທຶນຫຼາຍທີ່ສຸດນັ້ນ ກໍແມ່ນຫວຽດນາມ ຊຶ່ງກວມເອົາ
ເຖິງ 51% ຂອງມູນຄ່າລົງທຶນຈາກຕ່າງປະເທດທັງໝົດດັ່ງກ່າວ.

ພາຍໃຕ້ສະພາບການດັ່ງ
ກ່າວນີ້ ກໍຍັງເຮັດໃຫ້ທາງ
ການແຂວງຈໍາປາສັກ ໄດ້
ວາງເປົ້າໝາຍທີ່ຈະດຶງ
ດູດເອົາການລົງທຶນຈາກ
ຕ່າງປະເທດໃຫ້ໄດ້ເພີ່ມ
ຂຶ້ນອີກເຖິງ 20,230 ຕື້
ກີບ ຫຼືຫລາຍກວ່າ 2,500
ລ້ານໂດລາພາຍໃນໄລຍະ 4 ປີ ຕໍ່ໄປນີ້.

ທ່ານທອງມີ ພົມມີໄຊ ລັດຖະມົນຕີຊ່ວຍວ່າການກະຊວງແຜນການ ແລະການລົງທຶນ
ຖະແຫຼງຢືນຢັນວ່າ ການທີ່ຈະເຮັດໃຫ້ສາມາດບັນລຸເປົ້າໝາຍສະຫັດສະຫວັດການພັດ
ທະນາເພື່ອລົບລ້າງບັນຫາຄວາມທຸກຍາກ ທີ່ລັດຖະບານລາວ ໄດ້ວາງໄວ້ພາຍໃນປີ
2015 ແລະການທີ່ຈະນໍາພາປະເທດລາວ ໃຫ້ຫຼຸດພົ້ນຈາກສະພາບດ້ອຍພັດທະນາໄດ້
ຢ່າງແທ້ຈິງພາຍໃນປີ 2020 ນັ້ນ ກໍມີຄວາມຈໍາເປັນຢ່າງຍິ່ງ ທີ່ຈະຕ້ອງລະດົມການລົງ
ທຶນຈາກຕ່າງປະເທດເຂົ້າມາໃນລາວໃຫ້ໄດ້ ປີລະບໍ່ໜ້ອຍກວ່າ13,600 ຕື້ກີບ ຫຼືປະມານ
1,700 ລ້ານໂດລາ.

ຫາກແຕ່ວ່າ ການທີ່ຈະສາມາດລະດົມການລົງທຶນຈາກຕ່າງປະເທດໃຫ້ໄດ້ຕາມເປົ້າໝາຍ
ດັ່ງກ່າວນັ້ນ ກໍບໍ່ແມ່ນເລື່ອງງ່າຍໆ ເພາະວ່າລັດຖະບານລາວ ຈະຕ້ອງສ້າງການຍອມຮັບ
ຈາກບັນດານັກລົງທຶນຕ່າງຊາດ ໃຫ້ໄດ້ໃນທຸກໆດ້ານ ໂດຍສະເພາະແມ່ນການພັດທະນາ
ລະບຽບກົດໝາຍດ້ານການລົງທຶນ ແລະພາສີອາກອນ ທີ່ໄດ້ມາດຕະຖານສາກົນ. ການ
ພັດທະນາໂຄງລ່າງພື້ນຖານ ແລະການອໍານວຍຄວາມສະດວກດ້ານການລົງທຶນຢ່າງຄົບ
ວົງຈອນ ເຊັ່ນການສ້າງຕັ້ງລະບົບໃຫ້ບໍລິການແບບປະຕູດຽວ ຫຼື One stop service ນັ້ນ

ຖືເປັນປັດໃຈທີ່ສໍາຄັນປະການນຶ່ງ.

ນອກຈາກນີ້, ການສົ່ງເສີມບັນດາ
ວິສະຫະກິດຕ່າງໆ ຈາກມິດປະ
ເທດ ກໍຄືຫວຽດນາມ ທີ່ມີການ
ພົວພັນຮ່ວມມືແບບພິເສດກັບ
ລາວຫຼາຍຂຶ້ນຢ່າງບໍ່ຢຸດຢັ້ງນັ້ນ
ກໍນັບເປັນອີກປັດໃຈນຶ່ງ ທີ່ມີ
ຄວາມສໍາຄັນຕໍ່ການພັດທະນາ
ລາວ ໃຫ້ຫຼຸດພົ້ນຈາກບັນຫາ
ທຸກຍາກ ແລະສະພາບດ້ອຍ
ພັດທະນາ ໄດ້ຕາມເປົ້າໝາຍ
ທີ່ວາງໄວ້ດັ່ງກ່າວ ດັ່ງທີ່ທ່ານ ທອງມີ ໄດ້ຖະແຫຼງເນັ້ນຢໍ້າວ່າ:

“ເພື່ອຍາດແຍ່ງກໍາລັງແຮງຈາກຕ່າງປະເທດໃຫ້ໄດ້ດີນັ້ນ ພວກຂ້າພະເຈົ້າ ໄດ້ສຸມ
ໃສ່ຊຸກຍູ້ບັນດາວິສະຫະກິດຫວຽດນາມ ໃຫ້ໄດ້ຮັບອະນຸຍາດລົງທຶນ ຫຼືເຊັນສັນຍາ

ເພື່ອພັດທະນາໂຄງການຕ່າງໆຢູ່ລາວນັ້ນ ໃຫ້ມີການຈັດຕັ້ງປະຕິບັດການລົງທຶນ
ຕົວຈິງໃຫ້ເປັນຮູບປະທໍາ.”

ທາງການກະຊວງແຜນການ ແລະການລົງທຶນ ໄດ້ສະເໜີລາຍງານເມື່ອບໍ່ນານມານີ້ວ່າ

ການລົງທຶນຂອງຫວຽດນາມໃນລາວ ມີມູນຄ່າເພີ່ມຂຶ້ນຢ່າງຕໍ່ເນື່ອງ ເຊິ່ງຈົນເຖິງປັດຈຸ
ບັນນີ້ ກໍປະກົດວ່າ ພາກທຸລະກິດຂອງຫວຽດນາມ ໄດ້ມີການລົງທຶນໃນລາວໄປແລ້ວ
ໃນ 432 ໂຄງການ ແລະຄິດເປັນມູນຄ່າລົງທຶນລວມຫຼາຍກວ່າ 5,100 ລ້ານໂດລາ ໂດຍ
ແຊງໜ້າຈີນ ຂຶ້ນມາເປັນຜູ້ລົງທຶນໃນລາວຫລາຍທີ່ສຸດແລ້ວ ໃນເວລານີ້.

ສະຫະລັດ ຈະສະໜັບສະໜູນລາວ ໃຫ້ໄດ້ເຂົ້າເປັນ ສະມາຊິກຂອງອົງການ WTO

ຂຽນເມື່ອ: ມ.ນ.. 27, 2012 | ມີ 12 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ສະຫະລັດ ຈະສະໜັບສະໜູນລາວ ໃຫ້ໄດ້ເຂົ້າເປັນ ສະມາຊິກຂອງອົງການ WTO

ທາງການສະຫະລັດຕົກລົງໃຫ້ການສະໜັບສະໜູນລາວ ໃນການເຂົ້າເປັນປະເທດສະມາ ຊິກຂອງອົງການການຄ້າໂລກ

ໂດຍທາງການລາວເຊື່ອໝັ້ນວ່າ ຈະໄດ້ຮັບສະຖານະພາບ ດັ່ງກ່າວໃນທ້າຍປີ 2012 ນີ້.

ຄະນະຜູ້ແທນຂອງທາງການລາວພາຍໃຕ້ການນໍາຂອງທ່ານ ນາມ ວິຍະເກດ ລັດຖະມົນ
ຕີວ່າການກະຊວງອຸດສະຫະກໍາແລະການຄ້າ ໄດ້ສິ້ນສຸດການເຈລະຈາຄັ້ງຫລ້າສຸດ ຄືຄັ້ງ
ທີ 8 ຮ່ວມກັບຄະນະຜູ້ຕາງໜ້າຖາວອນປະຈໍາອົງການການຄ້າໂລກ (WTO) ຢູ່ກຸງເຈນີວາ
ປະເທດສະວິດເຊີແລນ ເມື່ອກາງເດືອນມີນາທີ່ຜ່ານມານີ້ ຊຶ່ງກໍຖືໄດ້ວ່າ ມີຄວາມຄືບໜ້າ
ເປັນຢ່າງດີ ເຖິງຂະໜາດເຮັດໃຫ້ຄະນະຜູ້ແທນຂອງທາງການລາວ ເຊື່ອໝັ້ນວ່າ ຈະເປັນ
ຜົນເຮັດໃຫ້ລາວໄດ້ຖືກຮັບຮອງ ໃຫ້ເຂົ້າໄປເປັນປະເທດສະມາຊິກຂອງ WTO ໃນທ້າຍປີນີ້.

ທັງນີ້ ຄະນະຜູ້ແທນຂອງ
ທາງການລາວສາມາດ
ບັນລຸຂໍ້ຕົກລົງ ແລະໄດ້ມີ
ການລົງນາມ ໃນສັນຍາ
ແບບທະວີພາຄີຮ່ວມກັບ
ຜູ້ແທນຂອງສະຫະລັດ
ອາເມຣິກາ ຢ່າງເປັນທາງ
ການ ແລະໃນໂອກາດ
ດຽວກັນນີ້ ຄະນະຜູ້ແທນ
ຂອງທາງການສະຫະລັດ
ອາເມຣິກາໄດ້ຢືນຢັນ ທີ່
ຈະໃຫ້ການສະໜັບສະໜູນ
ໃຫ້ລາວ ໄດ້ເຂົ້າເປັນປະເທດ
ສະມາຊິກຂອງ WTO ໃຫ້ໄວທີ່ສຸດ ຊຶ່ງກໍເຊັ່ນດຽວກັນກັບຄະນະຜູ້ແທນຂອງອີກ 18
ປະເທດຈາກ 70 ປະເທດທີ່ໄດ້ເຂົ້າຮ່ວມໃນການເຈລະຈາຄັ້ງຫລ້າສຸດນີ້ ກໍໄດ້ສະແດງ

ການຮຽກຮ້ອງຂໍໃຫ້ພິຈາລະນາ ເພື່ອຮັບຮອງໃຫ້ລາວ ເຂົ້າເປັນສະມາຊິກຂອງ WTO
ຢ່າງເປັນທາງການ ພາຍໃນທ້າຍປີນີ້.

ແຕ່ຢ່າງໃດກໍຕາມ ຄະນະຜູ້ແທນຂອງທາງການລາວ ກໍຍັງຄົງເຫຼືອເງື່ອນໄຂສໍາຄັນອີກ
ປະການນຶ່ງ ທີ່ຈະຕ້ອງປະຕິບັດໃຫ້ສໍາເລັດໃຫ້ໄດ້ໄວທີ່ສຸດ ຊຶ່ງກໍຄື ການລົງນາມໃນສັນ
ຍາແບບທະວີພາຄີຮ່ວມກັບຄະນະຜູ້ແທນຂອງທາງການຢູເຄຣນໃຫ້ໄດ້ ທັງນີ້ຄະນະ
ຜູ້ແທນຂອງທາງການລາວຄາດໝາຍວ່າ ຈະສາມາດບັນລຸຂໍ້ຕົກລົງດັ່ງກ່າວ ຮ່ວມກັບ
ຄະນະຜູ້ແທນທາງການຢູເຄຣນໄດ ້ໃນລະຫວ່າງການເຈລະຈາຮ່ວມກັບຄະນະຜູ້ຕາງ
ໜ້າຖາວອນປະຈໍາ WTO ຄັ້ງທີ 9 ທີ່ກໍານົດຈະມີຂຶ້ນໃນຊ່ວງເດືອນສິງຫານີ້ ແລະຖ້າ
ຫາກວ່າ ທຸກຢ່າງເປັນໄປຕາມແຜນການ ກໍໝາຍຄວາມວ່າ ທາງການລາວຈະສາມາດ
ປະກາດຕົວເປັນສະມາຊິກຂອງ WTO ໄດ ້ໃນໂອກາດເປັນເຈົ້າພາບຈັດກອງປະຊຸມສຸດ
ຍອດຄັ້ງທີ່ 9 ລະຫວ່າງຜູ້ນໍາລັດຖະບານອາຊີ ກັບສະຫະພາບຢູໂຣບ (ASEM) ທີ່ກໍາ
ນົດຈະມີຂຶ້ນໃນຕົ້ນເດືອນພະຈິກປີນີ້ ຢູ່ນະຄອນຫຼວງວຽງຈັນນັ້ນເອງ.

ທາງດ້ານເຈົ້າໜ້າທີ່ຂັ້ນສູງໃນກະຊວງການຕ່າງປະເທດ ກໍໄດ້ຖະແຫຼງຢືນຢັນວ່າ ການ
ທີ່ລາວໄດ້ເປັນເຈົ້າພາບຈັດກອງປະຊຸມ ASEM ຈະເປັນການຊຸກຍູ້ໃຫ້ລາວ ໄດ້ເຂົ້າໄປ
ເປັນສະມາຊິກຂອງອົງການການຄ້າໂລກ ໄວຂຶ້ນອີກດ້ວຍ.

ແຕ່ຢ່າງໃດກໍຕາມ ທ່ານນາມ
ກໍໄດ້ຖະແຫລງຍອມຮັບວ່າ
ເງື່ອນໄຂທີ່ສໍາຄັນທີ່ສຸດປະ
ການນຶ່ງ ທີ່ຈະເປັນປັດໃຈຕັດ
ສິນວ່າ ລາວຈະໄດ້ຮັບການ
ຮັບຮອງໃຫ້ເຂົ້າເປັນສະມາ
ຊິກຂອງອົງການການຄ້າ
ໂລກ ໄດ້ໄວຂຶ້ນນັ້ນ ກໍຄື
ການທີ່ຈະຕ້ອງພິສູດໃຫ້ສະ
ມາຊິກ WTO ເຫັນຢ່າງຈະ
ແຈ້ງວ່າ ລາວບັງຄັບໃຊ້ກົດ
ໝາຍວ່າດ້ວຍການຄຸ້ມຄອງ
ຊັບສິນທາງ ປັນຍາຢ່າງມີປະ
ສິດທິພາບຢ່າງແທ້ຈິງແລະໄດ້ມາດຕະການສາກົນອີກດ້ວຍ ດັ່ງທີ່ທ່ານນາມໄດ້ຖະແຫຼງ
ຊີ້ແຈງໃນຕອນນຶ່ງວ່າ:.

“ບັນຫາເລື່ອງຊັບສິນທາງປັນຍາເປັນຂໍ້ສົນໃຈທີ່ສຸດຂອງບັນດາປະເທດສະມາຊິກ
ອົງການຄ້າໂລກ ສະນັ້ນການທີ່ພວກເຮົາມີກົດໝາຍແລ້ວ ພວກເຮົາກໍຍັງຕ້ອງ
ການມີດໍາລັດ ເພື່ອເຮັດແນວໃດໃຫ້ມັນເປັນທີ່ຮອງຮັບໄດ້ ໂດຍສະເພາະແມ່ນ
ການເຊື່ອມໂຍງກັບສາກົນນັ້ນ ເຂົາກໍຍັງເຫັນວ່າມີບາງຈຸດ ທີ່ພວກເຮົາຄວນຈະ
ໄດ້ປັບປຸງຕື່ມ ຊຶ່ງບາງຈຸດດັ່ງກ່າວນັ້ນ ໃນກົດໝາຍຂອງພວກເຮົາກະໄດ້ເວົ້າຢູ່
ແຕ່ມັນບໍ່ທັນລະອຽດ ຊຶ່ງພວກເຂົາເຈົ້າຢາກໃຫ້ພວກເຮົາຊີ້ແຈງ ແລະປັບປຸງໃຫ້
ມັນລະອຽດ.”

ແຕ່ຢ່າງໃດກໍຕາມ ກອງປະຊຸມສະໄໝສາມັນຄັ້ງທີ 2 ຂອງສະພາແຫ່ງຊາດຊຸດທີ 7 ກໍໄດ້

ຮັບຮອງເອົາກົດໝາຍວ່າດ້ວຍຊັບສິນທາງປັນຍາ ສະບັບດັດແກ້ໃໝ່ ໃນຊ່ວງເດືອນທັນວາ
ປີກາຍ ຈຶ່ງເຮັດໃຫ້ທາງການລາວເຊື່ອວ່າໃກ້ຈະໄດ້ເປັນສະມາຊິດຂອງ WTO ຫລາຍຂຶ້ນ
ນັບມື້ ໃນເວລານີ້.

ການລັກລອບຄ້າມະນຸດ ໃນໄທ ຍັງຄົງເປັນບັນຫາ ໜັກໜ່ວງຢູ່ຕໍ່ມາ

ຂຽນເມື່ອ: ມ.ນ.. 25, 2012 | ມີ 4 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ການລັກລອບຄ້າມະນຸດ ໃນໄທ ຍັງຄົງເປັນບັນຫາ ໜັກໜ່ວງຢູ່ຕໍ່ມາ

ພວກເຈົ້າໜ້າທີ່ໄທກໍາລັງກຽມຕົວກຽມໃຈ ຕໍ່ຄວາມສາມາດເປັນໄປໄດ້ທີ່ຈະຖືກລົດລະດັບລົງ ຢູ່ໃນບັນຊີສິ້ງຊອມເບິ່ງຂອງກະຊວງການຕ່າງປະເທດສະຫະລັດ ສໍາລັບພວກປະເທດທີ່ມີປະວັດຂີ້ຮ້າຍທີ່ສຸດໃນການປາບປາມການລັກລອບຄ້າມະນຸດ. ຜູ້ສື່ຂ່າວວີໂອເອ Luke Hunt ມີລາຍງານມາຈາກບາງກອກ ດັ່ງທອງປານຈະນໍາລາຍລະອຽດມາສະເໜີທ່ານ.

ທໍາອິດນັ້ນ ໄທຖືກຈັດເຂົ້າໃນລະດັບສອງ ຫລື Tier ສອງ ຢູ່ໃນບັນຊີ ປີ 2010 ສໍາລັບ
ພວກປະເທດທີ່ມີການລັກລອບຄ້າມະນຸດ ທີ່ບໍ່ປະຕິບັດຕາມ ມາດຕະຖານຕໍ່າສຸດທີ່ໄດ້
ລະບຸໄວ້ ເພື່ອແກ້ໄຂການລັກລອບຄ້າມະນຸດນັ້ນ. ຖ້າຫາກວ່າປະເທດໃດບໍ່ໄດ້ສະແດງ
ໃຫ້ເຫັນຮ່ອງຮອຍໃດໆວ່າໄດ້ມີການປັບປຸງໃຫ້ດີຂຶ້ນ ຫລັງຈາກຢູ່ໃນລະດັບນັ້ນມາໄດ້
ສອງປີແລ້ວນັ້ນ ກໍຈະຖືກລົດໄປສູ່ລະດັບຕໍ່າສຸດ ຫລື ເທຍສາມ ໂດຍອັດຕະໂນມັດແລະ
ຢູ່ໃນລະດັບດຽວກັນກັບ ເກົາຫລີເໜືອ ຄິວບາ ແລະມຽນມາ.

ຈາກສະຖານະພາບນີ້ ປະເທດດັ່ງກ່າວກໍອາດຖືກລົງໂທດໃນດ້ານທີ່ບໍ່ກ່ຽວກັບມະນຸດສະທໍາໄດ້.

ພວກກຸ່ມຕ່າງໆເຊັ່ນກຸ່ມສິ້ງຊອມສິດທິມະນຸດ Human Rights Watch ແລະມູນນິທິ
ກະຈົກ ຫລື Mirror Foundation ກ່າວວ່າ ໄທໄດ້ປະສົບກັບການລັກລອບຄ້າມະນຸດ
ເພີ່ມຂຶ້ນ ໂດຍສະເພາະໃນພວກເດັກສາວ ເມື່ອບໍ່ເທົ່າໃດປີຜ່ານມານີ້ ທີ່ເຮັດໃຫ້ປະເທດໄທ
ຕົກຢູ່ໃນອັນຕະລາຍທີ່ຈະຖືກຈັດວ່າ ເປັນປະເທດຝ່າຝືນສິດທິມະນຸດຂັ້ນຮ້າຍແຮງທີ່ສຸດ
ຂອງໂລກ ຮ່ວມກັບອີກສາມປະເທດທີ່ກ່າວຊື່ມານັ້ນ.

ທ່ານ Phil Robertson ຮອງຜູ້ອໍານວຍການປະຈໍາຫ້ອງການເອເຊຍຂອງກຸ່ມສິ້ງຊອມ
ສິດທິມະນຸດ Human Rights Watch ກ່າວຕໍ່ຄະນະກໍາມະການສົນທະນາຫາລືກັນ
ຄະນະນຶ່ງ ຢູ່ສະໂມສອນພວກນັກຂ່າວຕ່າງປະເທດແຫ່ງປະເທດໄທວ່າ ທາງການໄທໄດ້
ຮັບຜ່ານກົດໝາຍຫລາຍສະບັບ ທີ່ໜ້າຈະພຽງພໍເພື່ອກໍາຈັດຄື້ນຟອງການລັກລອບຄ້າ
ມະນຸດນັ້ນ ຫາກແຕ່ວ່າໄດ້ມີຄວາມລັງເລບໍ່ເອົາຈິງເອົາຈັງ ໃນການປ້ອງກັນສິດທິຂອງ
ຜູ້ຕົກເປັນເຫຍື່ອ.

ທ່ານໂຣເບີດສັນກ່າວວ່າ “ເຮົາຕ້ອງເຂົ້າໃຈ ກ່ຽວກັບບັນຫາການລັກລອບ
ຄ້າມະນຸດນີ້ວ່າ ມັນເກີດຂຶ້ນຢູ່ນໍາການເຂົ້າເມືອງມາຂອງພວກຄົນງານ
ຕ່າງດ້າວ ຈາກລາວ ກໍາປູເຈຍ ແລະມຽນມາ ຫລາຍເຖິງສອງຫາສາມ
ລ້ານຄົນ ທີ່ມາຢູ່ໃນປະເທດໄທ ຊຶ່ງຫລາຍໆຄົນບໍ່ມີໜັງສືເຂົ້າເມືອງຢ່າງ
ຖືກຕ້ອງຕາມກົດໝາຍ ແລະບໍ່ສາມາດເຂົາເຖິງລະບົບການໃດໆທີ່
ສາມາດຊ່ວຍເຫລືອພວກເຂົາເຈົ້າໄດ້.”

ທ່ານໂຣເບີດສັນກ່າວຕໍ່ໄປວ່າ ແມ່ນແຕ່ພວກທີ່ຖືກມອບໝາຍໜ້າທີ່ໃຫ້ທໍາການທັບມ້າງ
ກຸ່ມລັກລອບຄ້າມະນຸດນັ້ນ ກໍຍັງພາກັນສົມຮູ້ຮ່ວມຄິດໃນການຂູດຮີດເອົາຮັດເອົາປຽບ
ພວກຄົນງານທີ່ເຂົ້າເມືອງຜິດກົດໝາຍນັ້ນຢູ່.

ທ່ານໂຣເບີດສັນເວົ້າວ່າ “ເວົ້າກົງໆ ພວກຕໍາຫລວດເອງນັ້ນແຫລະເປັນ
ຕົວການບຽດບຽນຫລອກຕົ້ມ ຄືພວກຕໍາຫລວດເຫັນພວກຄົນງານ
ຕ່າງດ້າວເປັນໂອກາດ ທີ່ພວກຕົນສາມາດຂູດຮີດ ຂູ່ເຂັນເອົາເງິນ
ແລະພວກເຮົາກໍມີເລຶ່ອງລາວ ທີ່ພວກຕໍາຫລວດພົວພັນນໍາບັນຫາ
ການລັກລອບຄ້າມະນຸດ.”

ຄໍາຕໍາໜິຕິຕຽນແມ່ນໜັກໜ່ວງເປັນພິເສດ ຫລັງຈາກມີການເຜີຍແຜ່ລາຍງານຂັ້ນຕົ້ນ
ໂດຍຜູ້ຂຽນລາຍງານພິເສດຂອງອົງການສະຫະປະຊາຊາດສໍາລັບການລັກລອບຄ້າມະ
ນຸດ. ລາຍງານໂຈມຕີປະເທດໄທວ່າ ມີໂຄງຮ່າງດ້ານກົດໝາຍທີ່ອ່ອນແອແລະແຕກຫັກ
ສໍາລັບປາຍປາມການລັກລອບຄ້າມະນຸດນັ້ນ ມີການຄໍຣັບຊັ່ນຫລືສໍ້ລາດບັງຫລວງຢ່າງ
ຝັງຮາກເລິກ ຢູ່ໃນວົງການເຈົ້າໜ້າທີ່ບັງຄັບກົດໝາຍ ແລະມີລະບົບທີ່ບໍ່ດີໃນການບົ່ງຊີ້
ໂຕພວກເຄາະຮ້າຍ.

ຊາວປະມົງຂະເໝນ ຈໍານວນນຶ່ງ ທີ່ຖືກຊ່ວຍອອກມາຈາກການຖືກບັງຄັບ
ໃຫ້ເຮັດວຽກໜັກຢູ່ໃນເຮືອປະມົງຂອງໄທ ເດີນທາງມາຮອດສະໝາມບິນ
ພະນົມເປັນ, ວັນທີ 12 ເດືອນທັນວາ 2012.

ລາຍງານດັ່ງກ່າວໄດ້ຮັບການສະໜັບສະໜຸນໂດຍ ທ່ານເອກກະລັກ ລູມຊົມແຄ ຈາກມູນນິທິ
Mirror Foundation ທີ່ກ່າວຕໍ່ຄະນະກໍາມະການຜ່ານນາຍພາສາວ່າ ໄດ້ມີການເພີ່ມທະວີ
ຂຶ້ນ ໃນຈໍານວນພວກເດັກສາວ ອາຍຸລະຫວ່າງ 11 ຫາ 15 ປີ ທີ່ຖືກລັກລອບໄປຂາຍເປັນ
ໂສເພນີ. ເນຶ່ອງຈາກວ່າພວກເຄາະຮ້າຍທີ່ກ່າວນີ້ ມີອາຍຸຍັງບໍ່ເຖິງກະສຽນ ພວກເຂົາເຈົ້າຈຶ່ງ
ບໍ່ຖືກບັງຄັບ ໃຫ້ເຮັດວຽກຢູ່ຕາມຊ່ອງໂສເພນີ ຫລືຕາມບາຄາຣາໂອເກະ ແລະກົງກັນຂ້າມ
ພວກເຂົາເຈົ້າຖືກຈັດສົ່ງໄປໃຫ້ພວກລູກຄ້າຢູ່ບ້ານໂດຍກົງ ຊຶ່ງທ່ານເອກກະລັກກ່າວວ່າ ມັນ
ເຮັດໃຫ້ເປັນການລໍາບາກ ທີ່ຈະສາມາດຮູ້ເຖິງຂອບເຂດຄວາມຮ້າຍແຮງທີ່ແທ້ຈິງຂອງບັນຫາ
ນີ້ໄດ້.

ທ່ານເອກກະລັກເວົ້າວ່າ “ລູກຄ້າຂອງພວກເດັກນ້ອຍເຫລົ່ານີ້ ສ່ວນຫລາຍເປັນລັດຖະກອນ
ຫລື ພວກມີໜ້າມີຕາຢູ່ໃນເຂດທ້ອງຖິ່ນຂອງເຂົາເຈົ້າ. ດັ່ງນັ້ນ ມັນຈຶ່ງຍາກລໍາບາກຫລາຍ
ທີ່ຈະຕິດຕາມພວກເຂົາເຈົ້າ ຫລືດໍາເນີນການແນວໃດແນວນຶ່ງ ຕໍ່ພວກເຂົາເຈົ້າ.”

ທ່ານ ຊູທິນທອນ ກົງສັກ ຮອງຜູ້ອໍານວຍການໃຫຍ່ກົມອົງການຈັດຕັ້ງສາກົນຂອງກະຊວງ
ຕ່າງປະເທດໄທ ໄດ້ກ່າວປ້ອງກັນຄວາມພະຍາຍາມຕໍ່ຕ້ານການລັກລອບຄ້າມະນຸດຂອງລັດ
ຖະບານ ໃນຂະນະທີ່ປະເຊີນກັບສິ່ງທ້າທາຍນາໆປະການໃນລະດັບກວ້າງຂວາງ ໃນໄລຍະ
ບໍ່ເທົ່າໃດປີຜ່ານມານີ້.

ທ່ານກົງສັກເວົ້າວ່າ: “ພວກເຮົາເປັນປະເທດລະດັບລາຍໄດ້ສູງກວ່າປານກາງ
ອິງຕາມສະມາຊິກຄະນະກໍາມະການກ່ຽວກັບສິດທິຂອງເດັກ ແລະດ້ວຍສະຖາ
ນະພາບດັ່ງກ່າວນັ້ນ ຈຶ່ງມີຄວາມຄາດຫວັງຫລາຍຂຶ້ນຈາກພວກເຮົາ ແລະ
ພວກເຮົາກໍພົບເຫັນວ່າ ມັນບໍ່ແມ່ນເລຶ່ອງງ່າຍໆທີ່ຈະປະຕິບັດໃຫ້ໄດ້ຕາມ
ຄວາມຄາດໝາຍເຫລົ່ານັ້ນ. ແຕ່ວ່າພວກເຮົາກໍມີຄວາມເຕັມໃຈແລະຕັ້ງໃຈ
ພວກເຮົາຮູ້ດີວ່າ ພວກເຮົາມີຄວາມຮັບຜິດຊອບເຫລົ່ານັ້ນ.”

ທ່ານຊູທິນທອນ ກ່າວຕື່ມວ່າ ລັດຖະບານຂອງທ່ານຍັງໄດ້ຮັບເອົາຄໍາແນະນໍາ ຫລາຍກ່ວາ
130 ຂໍ້ ຈາກລາຍງານຂອງຜູ້ຂຽນລາຍງານພິເສດຂອງອົງການສະຫະປະຊາຊາດນັ້ນ. ແຕ່
ພວກນັກວິເຄາະກ່າວວ່າ ບາດກ້າວເຫລົ່ານັ້ນອາດຍັງບໍ່ພຽງພໍ ທີ່ຈະຫັນເຫກະຊວງຕ່າງປະ
ເທດສະຫະລັດອອກຈາກການທີ່ຈະຈັດໃຫ້ໄທ ຕົກຢູ່ໃນລະດັບສາມ ຫລື ເທຍສາມ ຢູ່ໃນ
ລາຍງານກ່ຽວກັບການຄ້າມະນຸດໃນທົ່ວໂລກ ປະຈໍາປີ 2012 ຂອງກະຊວງການຕ່າງປະ
ເທດສະຫະລັດ ຊຶ່ງຄາດວ່າຈະອອກມາໃນເດືອນມິຖຸນາຕໍ່ໜ້ານີ້.

ການກໍ່ສ້າງທາງລົດໄຟ ຄວາມໄວສູງ ອາດຈະຊັກຊ້າໄປຈົນເຖິງ ປີ 2014

ຂຽນເມື່ອ: ມ.ນ.. 25, 2012 | ມີ 5 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ການກໍ່ສ້າງທາງລົດໄຟ ຄວາມໄວສູງ ອາດຈະຊັກຊ້າໄປຈົນເຖິງ ປີ 2014

ການກໍ່ສ້າງທາງລົດໄຟຄວາມໄວສູງ ເຊື່ອມຕໍ່ ລະຫວ່າງລາວກັບຈີນ ອາດຈະຕ້ອງປະສົບ ກັບບັນຫາຊັກຊ້າຈົນ ເຖິງປີ 2014 ໂດຍເປັນຜົນກະທົບຈາກແຜນການ ແລະນະໂຍບາຍ ຂອງລັດຖະບານໄທ.

ເຈົ້າໜ້າທີ່ຂັ້ນສູງຂອງອົງການລົດໄຟແຫ່ງຊາດລາວ ໄດ້ໃຫ້ການຍອມຮັບວ່າ ໂຄງການ
ກໍ່ສ້າງທາງລົດໄຟຄວາມໄວສູງ ເພື່ອເຊື່ອມຕໍ່ລະຫວ່າງລາວກັບຈີນອາດຈະຕ້ອງປະ
ສົບກັບບັນຫາຊັກຊ້າຕໍ່ໄປອີກຫຼືຈົນເຖິງປີ 2014 ກໍເປັນໄປໄດ້ ຈຶ່ງສາມາດເລີ່ມລົງມື
ດໍາເນີນການກໍ່ສ້າງຕົວຈິງໄດ້ ແລະ ການຊັກຊ້າດັ່ງກ່າວນີ້ກໍຖືເປັນຜົນກະທົບໂດຍກົງ ຈາກນະໂຍບາຍຂອງລັດຖະບານໄທກ່ຽວກັບແຜນການກໍ່ສ້າງທາງລົດໄຟຄວາມໄວສູງ
ໃນໄທ ເພື່ອເຊື່ອມຕໍ່ກັບລາວ ແລະຈີນເປັນສໍາຄັນ.

ທັງນີ້ກໍເນື່ອງຈາກວ່າຄະນະລັດຖະບານຊຸດປັດຈຸບັນຂອງໄທ ໄດ້ມີການປ່ຽນແປງແຜນ
ການກໍ່ສ້າງທາງລົດໄຟຄວາມໄວສູງຈາກເດີມທີ່ໃຫ້ຄວາມສໍາຄັນກັບການເຊື່ອມຕໍ່ຈາກ
ນະຄອນວຽງຈັນຜ່ານໜອງຄາຍມາຍັງບາງກອກນັ້ນ ໄດ້ມີການປັບປ່ຽນມາໃຫ້ບຸລິມະ ສິດກັບເສັ້ນທາງທີ່ເຊື່ອມຕໍ່ຈາກບາງກອກໄປຊຽງໃໝ່ເປັນໂຄງການທໍາອິດ.

ສ່ວນໂຄງການເຊື່ອມຕໍ່ທາງລົດໄຟຄວາມໄວສູງກັບລາວນັ້ນ ນອກຈາກຈະຍັງບໍ່ມີກໍາໜົດ ເວລາຂອງການເລີ່ມລົງມືກໍ່ສ້າງທີ່ ຊັດເຈນແລ້ວ ກໍຍັງປະກົດວ່າ ທາງການໄທໄດ້ຕັດສິນ ໃຈທີ່ຈະດໍາເນີນການກໍ່ສ້າງທາງລົດໄຟທີ່ມີໄລຍະທາງສັ້ນລົງອີກດ້ວຍ ຊື່ງກໍຄືການກໍ່ສ້າງ ທາງລົດໄຟຄວາມໄວສູງເຊື່ອມຕໍ່ຈາກບາງກອກເຖິງຈັງຫວັດນະຄອນລາດສະສີມາ ຫຼື
ໂຄລາດເທົ່ານັ້ນ.

ຍິ່ງໄປກວ່ານັ້ນ ລັດຖະບານໄທກໍຍັງໄດ້
ໃຫ້ບຸລິມະສິດກັບໂຄງການກໍ່ສ້າງທາງ
ລົດໄຟ ທີ່ເຊື່ອມຕໍ່ຈາກບາງກອກໄປຍັງ
ພາກຕາເວັນອອກຂອງໄທອີກດ້ວຍ ດັ່ງ
ທີ່ທ່ານນາງຍິ່ງລັກ ຊິນນາວັດ ນາຍົກ
ລັດຖະມົນຕີໄທໄດ້ຖະແຫຼງຢືນຢັນວ່າ:

“ຖ້າເບີ່ງຈາກ Campaign ເຮົາກໍຈະ
ມີຢູ່ສາມຈຸດ ກໍຄື ກຸງເທບ-ໂຄລາດ,
ກຸງເທບ-ຫົວຫີນ, ແລ້ວກໍກຸງເທບ-
ຊຽງໃໝ່ ສາມສະຖານທີ່.”

ຊຶ່ງດ້ວຍແຜນການ ແລະນະໂຍບາຍດັ່ງກ່າວຂອງລັດຖະບານໄທ ກໍໄດ້ເປັນຜົນເຮັດໃຫ້
ທາງການຈີນເຫັນວ່າ ຍັງບໍ່ມີຄວາມຈໍາເປັນທີ່ຈະຕ້ອງເລັ່ງດໍາເນີນການກໍ່ສ້າງທາງລົດ
ໄຟຄວາມໄວສູງໃນລາວ ເພາະວ່າການທີ່ຈະເຮັດໃຫ້ການລົງທຶນກໍ່ສ້າງທາງລົດໄຟຄວາມ
ໄວສູງໃນລາວໄດ້ຮັບຜົນປະໂຫຍດສູງສຸດນັ້ນ ຈະຕ້ອງສາມາດເຊື່ອມຕໍ່ກັບໄທໄປມາເລ
ເຊຍແລະ ສິງກະໂປໄດ້ດ້ວຍ ຊຶ່ງກໍໝາຍຄວາມວ່າ ທາງການຈີນຈະລົງທຶນກໍ່ສ້າງທາງ
ລົດໄຟຄວາມໄວສູງໃນລາວ ຢ່າງແທ້ຈິງນັ້ນກໍຕໍ່ເມື່ອວ່າມີຄວາມຊັດເຈນຈາກລັດຖະບານ
ໄທເສຍກ່ອນ.

ທ່ານ ຈຽງ ຈ້າວຫຼຽງ, ປະທານທະນາຄານພັດທະນາແຫ່ງປະເທດຈີນ ໄດ້ໃຫ້ການຢືນ
ຢັນໃນລະຫວ່າງການເຂົ້າຢ້ຽມຢາມຄຳນັບທ່ານ ຈູມມະລີ ໄຊຍະສອນ, ປະທານປະ
ເທດລາວ ເມື່ອບໍ່ດົນມານີ້ຢູ່ນະຄອນຫຼວງວຽງຈັນວ່າ ລັດຖະບານຈີນ ໄດ້ໃຫ້ຄວາມ
ສຳຄັນຢ່າງຍິ່ງ ຕໍ່ໂຄງການເຊື່ອມຕໍ່ທາງລົດໄຟຄວາມໄວສູງຈາກຈີນມາລາວ. ດ້ວຍເຫດ
ນີ້ ລັດຖະບານຈີນຈຶ່ງໄດ້ມອບໝາຍໃຫ້ທະນາຄານພັດທະນາແຫ່ງປະເທດຈີນ ເປັນຜູ້ຮັບ
ຜິດຊອບໃນການຈັດຫາແຫຼ່ງເງິນທຶນເພື່ອໃຫ້ການສະໜັບສະໜູນແກ່ໂຄງການໄປຈົນ
ກວ່າວ່າການດຳເນີນງານແລ້ວຢ່າງສົມບູນ ໃນທຸກໆດ້ານ.

ກ່ອນໜ້ານີ້ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ໄດ້ຖະແຫຼງຢືນ
ຢັນວ່າ ທາງການລາວ ແລະຈີນໄດ້ຕົກລົງໃນບົດບັນທຶກຄວາມເຂົ້າໃຈຮ່ວມກັນຢ່າງຈະ
ແຈ້ງແລ້ວວ່າ ຈະຮ່ວມກັນຈັດຕັ້ງບໍລິສັດຮ່ວມທຶນຂຶ້ນມາ ເພື່ອຮັບຜິດຊອບໂຄງການດັ່ງ
ກ່າວ ດັ່ງທີ່ທ່ານ ສົມສະຫວາດໄດ້ເນັ້ນຢໍ້າວ່າ:

ໃນ MOU ໄດ້ລະບຸວ່າຈີນ
-ລາວຮ່ວມກັນລົງທຶນ
ເພື່ອກໍ່ສ້າງ ຄຸ້ມຄອງ ບໍ
ລິຫານບົນພີ້ນຖານຕ່າງ
ຝ່າຍຕ່າງໄດ້ຮັບຜົນປະ
ໂຫຍດ ແລະພັດທະນາ
ຮ່ວມກັນ ແລ້ວສ້າງຕັ້ງ
ບໍລິສັດຮ່ວມທຶນລາວ-
ຈີນ. ຢູ່ໃນນີ້ກໍແມ່ນຝ່າຍ
ຈີນຈະປະກອບສ່ວນ
ເປັນເງິນສົດ ແລະອຸປະ
ກອນ ຖືຫຸ້ນນີ້ແມ່ນ 70%
ສ່ວນຝ່າຍລາວຖືຫຸ້ນ 30%. ໃນນີ້ກະຮວມມືຄ່າເວນຄືນທີດິນ ຍົກຍ້າຍຈັດສັນ
ປະຊາຊົນ ຫຼືວ່າຄ່າເກັບກູ້ລະເບີດບໍ່ທັນແຕກ.”

ແຕ່ຢ່າງໃດກໍຕາມ ເນື່ອງຈາກວ່າ ການກໍ່ສ້າງທາງລົດໄຟໃນລາວນັ້ນ ຈະຕ້ອງໃຊ້ເງິນລົງ
ທຶນເຖິງ 7,000 ລ້ານໂດລາ ຈຶ່ງເຮັດໃຫ້ທາງການຈີນຕ້ອງການຕໍ່ລອງເອົາຜົນປະໂຫຍດ
ໃຫ້ໄດ້ຫລາຍທີ່ສຸດ ອັນເປັນຜົນເຮັດໃຫ້ການເຈລະຈາດັ່ງກ່າວ ຍັງຄົງສືບຕໍ່ເລື້ອຍມາ ຈົນ
ເຖິງເວລານີ້.

ພວກນັກບິນ ອະວະກາດ ເຂົ້າໄປຫຼົບໄພ ຢູ່ຍານ Soyuz

ຂຽນເມື່ອ: ມ.ນ.. 25, 2012 | ມີ 4 ຄຳເຫັນ ແລະ 0 trackback(s)

ໜວດໝູ່: ວິທະຍາສາດ

ບັນດານັກບິນອະວະກາດຫົກຄົນ ທີ່ສະຖານີອະວະກາດນາໆຊາດພາກັນເຂົ້າໄປຫຼົບໄພຢູ່ໃນ
ບ່ອນລີ້ໄພສຸກເສີນໃນວັນເສົາມື້ນີ້ ເພາະວ່າມີຊາກຫັກພັງເທິງອະວະກາດໂຄຈອນເຂົ້າໄປໃກ້ໆ
ຢ່າງເປັນອັນຕະລາຍທີ່ສຸດ.

ອົງການອະວະກາດຂອງສະຫະລັດຫຼື NASA ກ່າວຜ່ານສື່ສັງຄົມ Twitter ຂອງຕົນໃນວັນ
ເສົານີ້ວ່າ ມັນເປັນຄັ້ງທີ່ສາມ ທີ່ບັນດານັກບິນອະວະກາດຕ້ອງໄດ້ເຂົ້າໄປລີ້ຢູ່ໃນບ່ອນຫຼົບໄພ
ສຸກເສີນຍ້ອນວ່າມີເສດຊາກອະວະກາດໂຄຈອນເຂົ້າໄປໃກ້.

ຊາກຈະຫລວດຂອງຣັດເຊຍ Cosmos 2251 ຄາດຄະເນວ່າ ຈະໂຄຈອນເຂົ້າໄປໃກ້ໆສະ
ຖານີອະວະກາດນາໆຊາດປະມານ 15 ກິໂລແມັດ.

ຢູ່ໃນລະຍະດັ່ງກ່າວອົງການ NASA ກ່າວວ່າ ມັນບໍ່ເປັນອັນຕະລາຍ ແຕ່ກໍເວົ້າວ່າ ຕົນໄດ້
ສັ່ງໃຫ້ເຂົ້າໄປຫຼົບໄພເພື່ອເປັນການເອົາມາດຕະການປ້ອງກັນ ໃນກໍລະນີທີ່ຊາກຈະຫຼວດໂຄ
ຈອນເຂົ້າຕຳ. ບ່ອນຫຼົບໄພ ທີ່ຈະພາພວກນັກບິນອະວະກາດໜີໄປນັ້ນ ແມ່ນຍານ Soyuz
ທີ່ພວກນັກບິນອະວະກາດຈະໃຊ້ໃນການເດີນທາງກັບຄືນມາຍັງໂລກທັງໃນກໍລະນີການເດີນ
ທາງກັບຄືນມາຍັງໂລກຕາມປົກກກະຕິ ຫຼືໃນກໍລະນີທີ່ເກີດເຫດການສຸກເສີນ.

ຫລັງຈາກເສດຊາກຈະຫຼວດໄດ້ໂຄຈອນຜ່ານໄປດ້ວຍຄວາມປອດໄພແລ້ວ ບັນດານັກບິນອະ
ວະກາດກໍໄດ້ພາກັນກັບຄືນໄປປະຈໍາໜ້າທີ່ຂອງຕົນຕາມປົກກະຕິ.

ໃນຂະນະດຽວກັນ ກໍມີການສົ່ງຈະຫລວດທີ່ບໍ່ມີຄົນຂັບຂື້ນສູ່ວົງໂຄຈອນຈາກເຂດ Guiana
ຂອງຝຣັ່ງໃນຕອນແລງວັນສຸກວານນີ້. ອົງການອະວະກາດຂອງຢູໂຣບກ່າວວ່າ ຍານອະວະ
ກາດດັ່ງກ່າວແມ່ນລຳລຽງເຄື່ອງໃຊ້ແລະສຳພາລະຕ່າງໆໄປຍັງສະຖານີອະວະກາດນາໆຊາດ

ອັດຕາການເສຍຊີວິດ ຍ້ອນຕັບອັກເສບ ປະເພດ C ກໍາລັງລໍ້າໜ້າເຊື້ອ HIV

ຂຽນເມື່ອ: ມ.ນ.. 23, 2012 | ມີ 6 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ອັດຕາການເສຍຊີວິດ ຍ້ອນຕັບອັກເສບ ປະເພດ C ກໍາລັງລໍ້າໜ້າເຊື້ອ HIV

ພວກນັກຄົ້ນຄວ້າສະຫະລັດເວົ້າວ່າ ໃນຂະນະທີ່ຈໍານວນຄົນທີ່ເສຍຊີວິດ ຍ້ອນເຊື້ອເອັສໄອວີ ຫລືໂຣກເອດສ໌ໄດ້ຫຼຸດລົງ ຈໍານວນກໍລະນີການຕາຍ ຍ້ອນເຊື້ອໄວຣັສ ໂຣກຕັບອັກເສບ ຊະນິດ C ພັດກໍາລັງເພີ້ມຂຶ້ນ. ເພາະສະນັ້ນຄົນ ອາເມຣິກັນ ໃນປັດຈຸບັນນີ້ກໍາລັງເສຍຊີວິດ ຍ້ອນໂຣກຕັບອັກເສບຊະນິດ C ຫຼາຍກວ່າເຊື້ອເອັສໄອວີອີກ. ຜູ້ລາຍງານຂ່າວ ດ້ານສຸຂະ ພາບ, ນາຍ Art Chimes ມີລາຍລະອຽດເລື້ອງນີ້ ຊຶ່ງທອງປານຈະນໍາມາສະເໜີ ທ່ານໃນ ອັນດັບຕໍ່ໄປ.

ພວກນັກຄົ້ນຄວ້າ ທີ່ສູນກາງຄວບຄຸມແລະປ້ອງກັນພະຍາດສະຫະລັດ ຫລື CDC ໄດ້ໃຊ້ ໃບຢັ້ງຢືນການເສຍຊີວິດເພື່ອຕິດຕາມ ເບິ່ງກໍລະນີການເສຍຊີວິດຍ້ອນການຕິດເຊື້ອໄວ
ຣັສສາມຊະນິດ ອັນມີ ໂຣກຕັບອັກເສບຊະນິດ B, ໂຣກຕັບອັກເສບຊະນິດ C, ແລະເຊື້ອ
ເອັຈໄອວີ ທີ່ພາໃຫ້ເປັນໂຣກເອດສ໌ນັ້ນ ເປັນເວລາເກືອບຮອດທົດສະວັດນຶ່ງ ຊຶ່ງເລີ້ມຕົ້ນ
ໃນປີ 1999.

ຕະຫລອດໄລຍະເກົ້າປີທີ່ຕິດຕາມເບິ່ງນັ້ນ ກໍລະນີການເສຍຊີວິດຍ້ອນ ເຊື້ອເອັຈໄອວີ ໄດ້
ຫລຸດລົງຢ່າງສະໝໍ່າສະເໝີ ຂະນະທີ່ມີການນໍາໃຊ້ ປະຕິບັດໂຄງການປ້ອງກັນພະຍາດນີ້ ແລະມີການປິ່ນປົວທີ່ດີກວ່າເກົ່າ ໄວ້ບໍລິການ. ໃນຂະນະດຽວກັນ ກໍລະນີຄົນເສຍຊີວິດ
ຍ້ອນໂຣກຕັບອັກ ເສບ ຊະນິດ C ໄດ້ເພີ້ມຂຶ້ນເລື້ອຍໆ ແລະຕົກມາຮອດປີ 2007 ມີຄົນ ອາເມຣິກັນເສຍຊີວິດຍ້ອນເຊື້ອໄວຣັສຊະນິດນີ້ ຫລາຍກວ່າເຊື້ອໄວຣັສ ທີ່ພາໃຫ້ເປັນໂຣກ
ເອດສ໌.ກໍລະນີການເສຍຊີວິດຍ້ອນ

ໂຣກຕັບອັກເສບຊະນິດ B
ແມ່ນຂ້ອນຂ້າງ ມີຈຳນວນ
ສະໝໍ່າສະເໝີສໍ່າເກົ່າໃນ
ຊ່ວງໄລຍະທີ່ທໍາການສຶກ
ສາຄົ້ນຄວ້າຢູ່ນັ້ນ ແລະເປັນ
ສັດສ່ວນນ້ອຍໆນຶ່ງເທົ່ານັ້ນ
ຂອງກໍລະນີຄົນເສຍຊີວິດ
ຍ້ອນເຊື້ອໄວຣັສ ອີກສອງ
ຢ່າງ ທີ່ກ່າວມາຂ້າງເທິງນັ້ນ.

ທ່ານ ຈອນ ວອດ (John Ward) ຜູ້ຮ່ວມຂຽນບົດລາຍງານ ພ້ອມທັງເປັນຜູ້ອໍານວຍການ
ພະແນກໂຣກຕັບອັກເສບຂອງສູນຄວບຄຸມ ແລະປ້ອງກັນພະຍາດສະຫະລັດ ເວົ້າວ່າ
ການເພີ້ມຂຶ້ນໜ້ອຍນຶ່ງໃນຈໍານວນຄົນທີ່ ເສຍຊີວິດຍ້ອນໂຣກຕັບອັກເສບຊະນິດ C ບໍ່ໄດ້
ໝາຍຄວາມວ່າ ມີຄົນຕິດເຊື້ອນີ້ຫລາຍຂຶ້ນແຕ່ຢ່າງໃດ.

ທ່ານ ຈອນ ວາດ ເວົ້າວ່າ “ຈໍານວນຄົນເສຍຊີວິດ ຍ້ອນໂຣກຕັບອັກເສບ ຊະນິດ
C ເພີ້ມຂຶ້ນ ກໍຍ້ອນວ່າພວກຄົນທີ່ໄດ້ຕິດເຊື້ອໄວຣັສຊະນິດນີ້ ມີອາຍຸທີ່ກ້າວເຂົ້າ
ສູ່ໄລຍະນຶ່ງຂອງຊີວິດຂອງເຂົາເຈົ້າ ທີ່ພວກເຂົາເຈົ້າ ເຈັບປ່ວຍຍ້ອນເປັນໂຣກຕັບ
ແຂງ ຫລືໂຣກມະເຮັງຕັບ ທີ່ເກີດຈາກການ ຕິດເຊື້ອໄວຣັສຊະນິດນີ້.”

ໂຣກຕັບອັກເສບຊະນິດ C ໄດ້
ຖືກຄົ້ນພົບໃນປີ 1989 ແລະ
ທ່ານວອດ (Ward) ເວົ້າວ່າ
ສ່ວນໃຫຍ່ຂອງຊາວອາເມຣິ
ກັນເກືອບສາມລ້ານຄົນ ທີ່
ຕິດເຊື້ອໄວຣັສນີ້ ແມ່ນໄດ້ຖືກ
ເຜີຍແບຕໍ່ພະຍາດນີ້ມາກ່ອນ
ເຊ່ນຕິດເຊື້ອ ໂດຍຜ່ານການ
ຖ່າຍເລືອດທີ່ໃຊ້ເລືອດຂອງຄົນ
ທີ່ຕິດເຊື້ອໂຣກນີ້ ຫຼືໂດຍການ
ສັກຢາເສບຕິດຜິດກົດໝາຍ.

ຄົນຜູ້ນຶ່ງສາມາດຕິດເຊື້ອໄວຣັສຊະນິດນີ້ ເປັນເວລາຫລາຍສິບປີ ໂດຍທີ່ບໍ່ສະແດງໃຫ້ເຫັນ
ອາການໃດໆ ຈົນກວ່າວ່າມັນກາຍເປັນໂຣກຕັບຂັ້ນຮ້າຍ ແລະສ່ວນຫລາຍ ກັນດານຕໍ່
ຊີວິດ.

ທ່ານ ວອດ (Ward) ກ່າວຕື່ມອີກວ່າ ຜົນສໍາເລັດໃນການຕໍ່ສູ້ຕ້ານກັບເຊື້ອເອັຈໄອວີ
ຫລືໂຣກເອດສ໌ ສາມາດໃຊ້ເປັນແຜນທີ່ ເພື່ອຕໍ່ສູ້ຕ້ານໂຣກຕັບອັກເສບຊະນິດ C ໄດ້
ເຊັ່ນກັນ ຊຶ່ງໃນນັ້ນລວມມີ ການກວດກາຄົນທີ່ສ່ຽງຕໍ່ການເປັນພະຍາດນີ້ ຫລາຍຂຶ້ນ,
ໂດຍສະເພາະແມ່ນພວກ ທີ່ ເກີດໃນໄລຍະປີ 1945 ຫາ 1965 ແລະການພັດທະນາ
ເຄືອຂ່າຍການ ປິ່ນປົວທີ່ແຂງແຮງ ເພື່ອເຂົ້າຫາພວກຄົນເຈັບພ້ອມດ້ວຍຢາທີ່ມີປະສິດ
ທິຜົນລ່າສຸດ.

ທ່ານຈອນ ວາດເວົ້າວ່າ “ແລະເມື່ອພວກເຮົາ ເວົ້າວ່າ ປະສິດທິຜົນ, ພວກເຮົາ
ແມ່ນເວົ້າເຖິງການກໍາຈັດການຕິດເຊື້ອໄວຣັສນີ້ໃຫ້ໄດ້ແທ້ໆ, ການປິ່ນປົວການ
ຕິດເຊື້ອໃຫ້ຫາຍຂາດ ບໍ່ແມ່ນ ການປິ່ນປົວແບບຍືດເຍື້ອໄປຕະຫລອດຊີວິດ,
ແຕ່ກົງກັນຂ້າມ ມັນເປັນການປິ່ນປົວທີ່ສາມາດນໍາໄປ ສູ່ການກໍາຈັດເຊື້ອໄວ
ຣັສນີ້ ໄດ້ ໃນ 70% ຂອງຄົນປ່ວຍ.”

ທ່ານວອດຍັງກ່າວອີກວ່າ ການດໍາເນີນຄວາມພະຍາຍາມດັ່ງກ່າວ ອາດສາມາດຊ່ວຍຊີວິດ
ຄົນ ໃນລະຫວ່າງ 80 ຫາ 120,000 ຄົນໄວ້ໄດ້ ໃນຊຸມປີຂ້າງໜ້ານີ້.

ທ່ານຈອນ ວອດ ແລະຜູ້ຮ່ວມງານຂອງທ່ານ ໄດ້ພິມເຜີຍແຜ່ລາຍງານ ກ່ຽວກັບການຄົ້ນ
ຄວ້າຂອງພວກທ່ານ ຢູ່ໃນບັນທຶກການແພດປະຈຳປີ ຫລື Annals of Internal Medicine.

ຂ່າວ

ຂຽນເມື່ອ: ມ.ນ.. 23, 2012 | ມີ 4 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ລາວຍອມຮັບວ່າ ມີການສໍ້ລາດບັງຫລວງ ໃນກົມພາສີ ຫລາຍຂຶ້ນ ແຕ່ກໍຍັງບໍ່ເປັນ ເລື້ອງຮ້າຍແຮງ ປານໃດ ເຈົ້າໜ້າທີ່ຂັ້ນສູງໃນກົມພາສີ

ກະຊວງການເງິນຂອງລາວ ໄດ້ໃຫ້ການຍອມຮັບວ່າການປະຕິບັດໜ້າທີ່ຂອງພະນັກງານໃນກົມພາສີໃນປັດຈຸບັນນີ້ ໄດ້
ເກີດປະກົດການຫຍໍ້ທໍ້ເພີ້ມຂຶ້ນນັບມື້ ໂດຍສະເພາະແມ່ນການ
ປະຕິບັດໜ້າທີ່ຢ່າງບໍ່ໂປ່ງໃສ ດ້ວຍການຍອມຮັບເອົາສິນບົນເພື່ອແລກກັບການຊ່ວຍໃຫ້ມີ
ການຫລົບຫລີກ ການຊໍາລະພາສີຢ່າງຖືກຕ້ອງຂອງບັນດາຜູ້ປະກອບການໃນທຸລະກິດ
ຕ່າງໆນັ້ນ ຖືເປັນກໍລະນີບັນຫາທີ່ມີທ່າອ່ຽງຮຸນແຮງຫລາຍຂຶ້ນ.ແຕ່ຢ່າງໃດກໍຕາມເຈົ້າໜ້າທີ່
ຂັ້ນສູງຂອງລາວຄົນດັ່ງກ່າວນີ້ກໍຍັງຄົງເຊື່ອໝັ້ນວ່າ ລັດຖະບານລາວມີຄວາມອາດສາມາດ
ທີ່ຈະຄວບຄຸມ ແລະປາບປາມການສໍ້ລາດບັງຫລວງພາຍໃນກົມພາສີ ໃນປັດຈຸບັນນີ້ ຍັງເປັນການກະທໍາໂດຍພະນັກ
ງານໃນຂັ້ນພື້ນຖານເທົ່ານັ້ນ ຫາກແຕ່ວ່າເມື່ອເປັນສະພາບການທີ່ໄດ້ເກີດຂຶ້ນໂດຍທົ່ວໄປ
ຈຶ່ງເຮັດໃຫ້ເກີດເປັນບັນຫາຫາງສຽງຈາກປະຊາຊົນ ຢ່າງກວ້າງຂວາງ ດັ່ງທີ່ເຈົ້າຽ້າທີ່ລາວ
ຄົນດັ່ງກ່າວນີ້ ໄດ້ໃຫ້ການຊີ້ແຈງວ່າ:

“ອັນນີ້ມັນກະເປັນລັກສະນະຫາງສຽງ ກະເປັນຫາງສຽງທີ່ວ່າກະທົບ ເພາະວ່າ
ເຮົາເຮັດໜ້າທີ່ບໍລິການ ເກັບລາຍຮັບເດ້ ມັນກະມີການກະທົບຫາງສຽງຈາກ
ສັງຄົມ ຫາງສຽງຈາກຫົວໜ່ວຍທຸລະກິດ ຊຶ່ງກະບໍ່ປະຕິເສດ ແຕ່ວ່າກະບໍ່ແມ່ນ
ເປັນອັນທີ່ວ່າເຮັດໃຫ້ເສຍຫາຍມະຫາສານ.”

ເຈົ້າໜ້າທີ່ຂັ້ນສູງຂອງລາວຍອມຮັບວ່າ ມີການສໍ້ລາດບັງຫລວງ ພາຍໃນກົມພາສີຫລາຍຂຶ້ນ ຫາກແຕ່ກໍຍັງເຊື່ອໝັ້ນວ່າ ລັດຖະບານລາວສາມາດທີ່ຈະຄວບຄຸມໄດ້ ເພື່ອເຮັດໃຫ້ເກີດຜົນກະທົບຕໍ່ສ່ວນລວມໜ້ອຍທີ່ສຸດ.

ກ່ອນໜ້ານີ້ ອົງການກວດກາຄວາມໂປ່ງໃສສາກົນ ຫຼື
Transparency Internationalກໍໄດ້ຈັດໃຫ້ລາວ ຢູ່ໃນອັນດັບທີ່154 ຈາກ 182 ປະເທດທີ່ມີ
ການສໍ້ລາດບັງຫຼວງຫຼາຍທີ່ສຸດໃນໂລກ. ໂດຍລາວໄດ້ຮັບຄະ
ແນນຄວາມໜ້າເຊື່ອຖືຈາກບັນດານັກທຸລະກິດຊາວຕ່າງຊາດ 2.2
ຄະແນນ ຈາກ 10 ຄະແນນເຕັມ ຊຶ່ງໝາຍຄວາມວ່າ ບັນດານັກ
ລົງທຶນຕ່າງຊາດມອງວ່າການສໍ້ລາດບັງຫລວງໃນວົງການລັດ
ຖະບານລາວນັ້ນ ຍັງຈັດຢູ່ໃນສະພາວະທີ່ໜ້າເປັນຫ່ວງຢ່າງຍິ່ງ
ອັນຈະສົ່ງຜົນກະທົບຕໍ່ເນື່ອງເຖິງປະສິດທິພາບຂອງການໃຊ້ຈ່າຍ
ງົບປະມານທີ່ເປັນຜົນປະໂຫຍດຂອງສ່ວນຮວມຢ່າງຫລີກລ້ຽງບໍ່ໄດ້ນັ້ນເອງ.

ທາງດ້ານທ່ານສົມດີ ດວງດີ ລັດຖະມົນຕີວ່າການກະຊວງແຜນການ ແລະການລົງທຶນ
ໄດ້ຖະແຫລງວ່າ ການດໍາເນີນແຜນການພັດທະນາເສດຖະກິດ-ສັງຄົມແຫ່ງຊາດໃນຊ່ວງ
ປີ 2012-2015 ລັດຖະບານລາວ ກໍໄດ້ວາງເປົ້າໝາຍທີ່ຈະຕ້ອງລະດົມການລົງທຶນຂອງ
ພາກເອກະຊົນຈາກຕ່າງປະເທດ ໃຫ້ເຂົ້າມາໃນລາວ ໃຫ້ໄດ້ໃນມູນຄ່າບໍ່ໜ້ອຍກວ່າ
127,000 ຕື້ກີບ ຫລື 15,300 ລ້ານໂດລາ ຈຶ່ງຈະສາມາດບັນລຸເປົ້າໝາຍທີ່ວາງເອົາໄວ້
ໃນແຜນການໄດ້ຢ່າງແທ້ຈິງ.

ກໍຄືການແກ້ໄຂບັນຫາຄວາມທຸກຍາກຂອງປະຊາຊົນລາວໃຫ້ໄດ້ໂດຍພື້ນຖານ ການລົດອັດຕາການເສຍຊີ
ວິດຂອງເດັກນ້ອຍ ທີ່ມີອາຍຸຕໍ່າກວ່າ 11 ປີ ໃຫ້ຢູ່ໃນອັດຕາສະເລ່ຍ ບໍ່ເກີນ 45 ຄົນຕໍ່ 1,000 ຄົນ. ການ
ຂະຫຍາຍໂອກາດການສຶກສາດ້ວຍການເຮັດໃຫ້ເດັກນ້ອຍໄດ້ຮຽນຈົນຈົບຊັ້ນປະຖົມໃຫ້ໄດ້ເຖິງ 95%
ຂອງເດັກນ້ອຍໃນໄວຮຽນທັງໝົດ, ການສົ່ງເສີມຄວາມສະເໝີພາບລະຫວ່າງເພດຍິງກັບເພດຊາຍ
ການບໍລິການດ້ານສາທາລະນະສຸກ ແກ່ປະຊາຊົນຢ່າງທົ່ວເຖິງ ໃນທົ່ວປະເທດ ການຮັກສາສະພາບແວດລ້ອມ ແລະການນໍາໃຊ້ຊັບພະຍາກອນທໍາມະຊາດຢ່າງຍືນຍົງ.ແຕ່ຢ່າງໃດກໍຕາມ ທ່ານສົມດີ ດວງດີ ກໍຍອມຮັບວ່າ ບັນຫາໃນເວລານີ້ກໍຄື ລັດຖະບານລາວ ຍັງມີຄວາມສາມາດທາງດ້ານງົບປະມານໃນລະດັບຕໍ່າຫລາຍ ຈຶ່ງເຮັດໃຫ້ຄາດ
ໝາຍວ່າ ລັດຖະບານລາວ ສາມາດທີ່ຈະປະກອບສ່ວນໄດ້ບໍ່ເກີນ 10% ຂອງເປົ້າໝາຍ ລະດົມທຶນທັງໝົດດັ່ງກ່າວເທົ່ານັ້ນ. ສ່ວນທີ່ເຫລືອ ກໍຈະເປັນການຂໍຄວາມຊ່ວຍເຫລືອ ແລະກູ້ຢືມຈາກຕ່າງປະເທດເປັນດ້ານຫລັກ.ເພາະສະນັ້ນ ຖ້າຫາກວ່າລັດຖະບານລາວ ບໍ່ສາມາດທີ່ຈະປາບປາມການສໍ້ລາດບັງ
ຫລວງ ໃນວົງການລັດ ຖະບານໄດ້ຢ່າງມີປະສິດທິຜົນ ຈຶ່ງບໍ່ພຽງແຕ່ຈະເຮັດໃຫ້ຜົນປະ
ໂຫຍດຂອງສ່ວນຮວມ ຕ້ອງມີອັນລົດນ້ອຍຖອຍລົງໄປເທົ່ານັ້ນ ຫາກແຕ່ກໍຍັງຈະເຮັດ
ໃຫ້ນາໆຊາດ ຂາດຄວາມເຊື່ອໝັ້ນ ຕໍ່ການບໍລິຫານງານ ຂອງລັດຖະບານລາວ ຈົນ ຕ້ອງຕັດສິນໃຈລະງັບໂຄງການລົງທຶນ ແລະຄວາມຊ່ວຍເຫລືອຕ່າງໆ ທີ່ຈະໃຫ້ແກ່
ລັດຖະບານລາວ ໃນໄລຍະຕໍ່ໄປຢ່າງຫລີກລ້ຽງບໍ່ໄດ້ອີກດ້ວຍ.

ສປຊ ປະຕິເສດ ຕໍ່ການຄັດຄ້ານ ຂອງກຳປູເຈຍ ໃນການແຕ່ງຕັ້ງ ຜູ້ພິພາກສາ ສານນາໆຊາດ

ອົງການສະຫະປະຊາຊາດກ່າວວ່າ ນັກກົດໜາຍຊາວສວິສຄົນນຶ່ງຈະເລີ້ມລົງມືເຮັດວຽກເປັນ
ຜູ້ພິພາກສາສືບສວນໃນບໍ່ຊ້ານີ້ ຢູ່ທີ່ສານອາຍາພິເສດນາໆຊາດ ເພື່ອສືບສວນການກໍ່ອາຊະ
ຍາກຳສົງຄາມຂອງພວກຂະເໝນແດງເຖິງແມ່ນວ່າລັດຖະບານກໍາປູເຈຍໄດ້ປະຕິເສດບໍ່ເຫັນ
ດີນຳການແຕ່ງຕັ້ງດັ່ງກ່າວກໍຕາມ.

ໂຄສົກອົງການສະຫະປະຊາຊາດທ່ານ David Scheffer ກ່າວໃນວັນພຸດວານນີ້ວ່າ ກໍາປູ
ເຈຍ ບໍ່ມີສິດທິທາງດ້ານກົດໝາຍ ທີ່ຈະຂັດຂວາງການແຕ່ງຕັ້ງ ຜູ້ພິພາກສາຊາວສວິສທ່ານ
Laurenct Kasper-Ansermet ໃຫ້ເຂົ້າໄປເຮັດວຽກ ຢູ່ສານອາຍານາໆຊາດ. ທ່ານ
Scheffer ກ່າວຕື່ມອີກວ່າ ຜູ້ພິພາກສາທີ່ຖືກແຕ່ງຕັ້ງຈະສືບສວນເບິ່ງສອງຄະດີການເມືອງ
ທີ່ພົວພັນກັບການປົກຄອງອັນໂຫດຮ້າຍ ຂອງພວກຂະເໝນແດງ ລະຫວ່າງປີ 1975 ຫາ
1979.

ກຳປູເຈຍກ່າວໃນສັບປະດາແລ້ວນີ້ວ່າ ຕົນໄດ້ຕັດສິນໃຈ ຈະບໍ່ໃຫ້ການອະນຸມັດຕໍ່ການແຕ່ງ
ຕັ້ງທ່ານ Kasper-Ansermet ເຂົ້າໄປຮັບໜ້າທີ່ແທນຕຳແໜ່ງທີ່ຫວ່າງລົງໃນສານອາຍາ
ນາໆຊາດ ຍ້ອນການລາອອກຂອງຜູ້ພິພາກສາຊາວເຢຍຣະມັນ ທ່ານ Siegfried Blunt
ໃນປີກາຍນີ້.

ນາງ Clair Duffy ນັກຊ່ຽວຊານດ້ານກົດໝາຍລະຫວ່າງປະເທດທີ່ຕິດຕາມເບິ່ງການເຄື່ອນ
ໄຫວຂອງສານນາໆຊາດ ໃຫ້ແກ່ກຸ່ມລິເລີ່ມເພື່ອສັງຄົມທີ່ຍຸຕິທຳແບບເປີດກວ້າງ ຫຼື Open
Society Justice Initiative ກ່າວຕໍ່ວີໂອເອພະແນກພາສາຂະແມວ່າ ຍັງບໍ່ທັນເປັນທີ່ຈະ
ແຈ້ງວ່າແມ່ນຫຍັງຈະເກີດຂຶ້ນເວລາທ່ານ Kasper-Ansermet ພະຍາຍາມຈະເຂົ້າໄປເຮັດ
ວຽກ.

ຄົນຂີ້ລ້າຍ **********ຂີ້ອາຍ**********

ເບິ່ງທັງໝົດ

ອ່ານຄືນຫຼັງ

2012 (31)
2011 (14)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.