ຄົນຈະ     ງາມ                ງາມນໍ້າໃຈ                        ບໍ່ແມ່ນໃບໜ້າ

ຄົນຈະ     ສວຍ               ສວຍຈັນຍາ                      ບໍ່ແມ່ນຕາຫວານ

ຄົນຈະ     ແກ່                  ແກ່ຄວາມຮູ້                      ບໍ່ແມ່ນຢູ່ຫຼາຍປີ

ຄົນຈະ     ລວຍ               ລວຍສິນທານ                  ບໍ່ແມ່ນອາຄານຮ້ານຫ້າງໃຫຍ່

ໂລກ .......ຄືໂຮງແຮມ  ຍອມບໍ່ໃຫ້ຜູ້ໃດຢູ່   ເກີນເວລາກຳນົດໄວ້.....

ເງິນກັບງານ                    ການສຶກສາ                    ຫາໄວ້ກ່ອນ

ຢ່າຮີບຮ້ອນ                      ໄປຫາຮັກ                      ງານຈະເສຍ

ຫາກຂາດເງິນ                   ຂາດງານ                       ປານຂາດເມຍ

ງານບໍ່ເສຍ                         ເງິນຄົງມີ                       ເມຍຄົງມາ

ຖ້າວ່າມີໂອກາດ                                  ຂ້ອຍຈະມາທົ່ງໄຫຫີນແຫ່ງນີ້

ເພື່ອທົບທວນອາດິດ                           ທີ່ເຮົາເຄີຍມີຮ່ວມກັນ

ມັນເປັນຄວາມຝັນ                                ຂອງຂ້ອຍເອງ

ທີ່ຢາກເຫັນເຈົ້າອີກເທື່ອໜຶ່ງ                  ຖຶງຂ້ອຍບໍ່ສາມາດຮັບຮູ້ໄດ້ວ່າ:

ເຈົ້າກຳລັງຢູ່ກັບໃຜ                                ມີຄວາມສຸກຫຼືທຸກ

ແຕ່ຂ້ອຍຢາກບອກຜ່ານແມ່ນໍ້າ              ທ້ອງຟ້າສີຄາມ...

ຕົ້ນໄມ້ ໃບຫຍ້າ ແລະສາຍລົມວ່າ:         " ຂ້ອຍຂໍໂທດ "

ທີ່ບໍ່ສາມາດເຮັດຕາມຄຳໝັ້ນສັນຍາ        ທີ່ໃຫ້ໄວ້ກັບເຈົ້າມື້ນັ້ນ

ເພາະວ່າມາຮອດມື້ນີ້                             ຂ້ອຍຈິ່ງຮູ້ວ່າ:

ຊີວິດຂອງຄົນໜຶ່ງເກີດມາ                      ບໍ່ສາມາດມອບໃຫ້ຜູ້ໜຶ່ງຜູ້ດຽວໄດ້

ຂ້ອຍຮັກເຈົ້າຫຼາຍ                                ແຕ່ກໍ່ບໍ່ໄດ້ໝາຍຄວາມວ່າ:

ຊີວິດຂອງຂ້ອຍ                                   ເກີດມາເພື່ອເຈົ້າຄົນດຽວ

ສາຍລົມເອີຍ ກ.ລ.ນ                          ພັດເອົາຄຳຂໍໂທດຂອງຂ້ອຍ

ບອກໃຫ້ເຈົ້າຮັບຮູ້ແດ່                         ເຖິງວ່າເຈົ້າບໍ່ໃຫ້ອາໄພຂ້ອຍກໍ່ຕາມ

ແລະຂ້ອຍກໍ່ບໍ່ໄດ້ຢູ່ໃນໂລກນີ້ແລ້ວຊົ່ວນິລັນ